| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. уунабан̃жаб̣анд̇ханасигкаабад̣̇аван̣н̣анаа
2. Ūnapañcabandhanasikkhāpadavaṇṇanā
609. д̇зна самаязнаад̇и уунабан̃жаб̣анд̇ханасигкаабад̣̇ам̣. д̇ад̇т̇а на яаабзд̇ийд̇и со гира яад̣̇и арияасааваго наабхависсаа, ан̃н̃ат̇ад̇д̇амби аг̇амиссаа, звам̣ д̇зхи уб̣б̣аал̣хо, сод̇аабаннад̇д̇аа бана гзвалам̣ сарийрзнзва на яаабзд̇и, д̇зна вуд̇д̇ам̣ – ‘‘ад̇д̇анааби на яаабзд̇и, буд̇д̇ад̣̇аараабисса гиламанд̇ий’’д̇и.
609.Tena samayenāti ūnapañcabandhanasikkhāpadaṃ. Tattha na yāpetīti so kira yadi ariyasāvako nābhavissā, aññathattampi agamissā, evaṃ tehi ubbāḷho, sotāpannattā pana kevalaṃ sarīreneva na yāpeti, tena vuttaṃ – ‘‘attanāpi na yāpeti, puttadārāpissa kilamantī’’ti.
612-3. уунабан̃жаб̣анд̇ханзнаад̇и зд̇т̇а уунаани бан̃жа б̣анд̇ханаани ассаад̇и уунабан̃жаб̣анд̇хано, наасса бан̃жа б̣анд̇ханаани буурзнд̇ийд̇и ад̇т̇о, д̇зна уунабан̃жаб̣анд̇ханзна. ид̇т̇амбхууд̇асса лагкан̣з гаран̣аважанам̣. д̇ад̇т̇а яасмаа аб̣анд̇ханассааби бан̃жа б̣анд̇ханаани на буурзнд̇и, саб̣б̣асо над̇т̇ид̇ааяа, д̇асмаа бад̣̇абхааж̇анз ‘‘аб̣анд̇хано ваа’’д̇иаад̣̇и вуд̇д̇ам̣ . ‘‘уунабан̃жаб̣анд̇ханзнаа’’д̇и жа вуд̇д̇ад̇д̇аа яасса бан̃жаб̣анд̇хано бад̇д̇о ход̇и, д̇асса со абад̇д̇о, д̇асмаа ан̃н̃ам̣ вин̃н̃аабзд̇ум̣ ваддад̇и. б̣анд̇ханан̃жа наамзд̇ам̣ яасмаа б̣анд̇ханогаасз сад̇и ход̇и, асад̇и на ход̇и, д̇асмаа д̇асса лагкан̣ам̣ д̣̇ассзд̇ум̣ ‘‘аб̣анд̇ханогаасо наамаа’’д̇иаад̣̇и вуд̇д̇ам̣.
612-3.Ūnapañcabandhanenāti ettha ūnāni pañca bandhanāni assāti ūnapañcabandhano, nāssa pañca bandhanāni pūrentīti attho, tena ūnapañcabandhanena. Itthambhūtassa lakkhaṇe karaṇavacanaṃ. Tattha yasmā abandhanassāpi pañca bandhanāni na pūrenti, sabbaso natthitāya, tasmā padabhājane ‘‘abandhano vā’’tiādi vuttaṃ . ‘‘Ūnapañcabandhanenā’’ti ca vuttattā yassa pañcabandhano patto hoti, tassa so apatto, tasmā aññaṃ viññāpetuṃ vaṭṭati. Bandhanañca nāmetaṃ yasmā bandhanokāse sati hoti, asati na hoti, tasmā tassa lakkhaṇaṃ dassetuṃ ‘‘abandhanokāso nāmā’’tiādi vuttaṃ.
д̣̇ван̇г̇улаа рааж̇и на ход̇ийд̇и мукаваддид̇о хздтаа д̣̇ван̇г̇улаббамаан̣аа згааби рааж̇и на ход̇и. яасса д̣̇ван̇г̇улаа рааж̇и ход̇ийд̇и яасса бана д̇аад̣̇исаа згаа рааж̇и ход̇и, со д̇ассаа рааж̇ияаа хздтимабарияанд̇з бад̇д̇авзд̇хагзна виж̇жхид̇ваа бажид̇ваа суд̇д̇араж̇ж̇уга-магажираж̇ж̇угаад̣̇ийхи ваа д̇ибусуд̇д̇агзна ваа б̣анд̇хид̇аб̣б̣о, д̇ам̣ б̣анд̇ханам̣ аамисасса алаг̇г̇анад̇т̇ам̣ д̇ибубаддагзна ваа гзнажи б̣ад̣̇д̇хасилзсзна ваа бадижчаад̣̇зд̇аб̣б̣ам̣. со жа бад̇д̇о ад̇хидтахид̇ваа барибхун̃ж̇ид̇аб̣б̣о, сукумам̣ ваа чид̣̇д̣̇ам̣ гад̇ваа б̣анд̇хид̇аб̣б̣о. суд̣̇д̇хзхи бана мад̇хусид̇т̇агалаакаасаж̇ж̇уласаад̣̇ийхи б̣анд̇хид̇ум̣ на ваддад̇и. паан̣ид̇ам̣ жхаабзд̇ваа баасаан̣ажун̣н̣зна б̣анд̇хид̇ум̣ ваддад̇и. мукаваддисамийбз бана бад̇д̇авзд̇хагзна виж̇жхияамаано габааласса б̣ахалад̇д̇аа бхиж̇ж̇ад̇и, д̇асмаа хздтаа виж̇жхид̇аб̣б̣о. яасса бана д̣̇вз рааж̇ияо згааязва ваа жад̇уран̇г̇улаа, д̇асса д̣̇вз б̣анд̇ханаани д̣̇аад̇аб̣б̣аани. яасса д̇иссо згааязва ваа чал̣ан̇г̇улаа, д̇асса д̇ийн̣и. яасса жад̇ассо згааязва ваа адтан̇г̇улаа, д̇асса жад̇д̇аари. яасса бан̃жа згааязва ваа д̣̇асан̇г̇улаа, со б̣ад̣̇д̇хоби аб̣ад̣̇д̇хоби абад̇д̇оязва, ан̃н̃о вин̃н̃аабзд̇аб̣б̣о. зса д̇аава мад̇д̇игаабад̇д̇з винижчаяо.
Dvaṅgulā rāji na hotīti mukhavaṭṭito heṭṭhā dvaṅgulappamāṇā ekāpi rāji na hoti. Yassa dvaṅgulā rāji hotīti yassa pana tādisā ekā rāji hoti, so tassā rājiyā heṭṭhimapariyante pattavedhakena vijjhitvā pacitvā suttarajjuka-makacirajjukādīhi vā tipusuttakena vā bandhitabbo, taṃ bandhanaṃ āmisassa alagganatthaṃ tipupaṭṭakena vā kenaci baddhasilesena vā paṭicchādetabbaṃ. So ca patto adhiṭṭhahitvā paribhuñjitabbo, sukhumaṃ vā chiddaṃ katvā bandhitabbo. Suddhehi pana madhusitthakalākhāsajjulasādīhi bandhituṃ na vaṭṭati. Phāṇitaṃ jhāpetvā pāsāṇacuṇṇena bandhituṃ vaṭṭati. Mukhavaṭṭisamīpe pana pattavedhakena vijjhiyamāno kapālassa bahalattā bhijjati, tasmā heṭṭhā vijjhitabbo. Yassa pana dve rājiyo ekāyeva vā caturaṅgulā, tassa dve bandhanāni dātabbāni. Yassa tisso ekāyeva vā chaḷaṅgulā, tassa tīṇi. Yassa catasso ekāyeva vā aṭṭhaṅgulā, tassa cattāri. Yassa pañca ekāyeva vā dasaṅgulā, so baddhopi abaddhopi apattoyeva, añño viññāpetabbo. Esa tāva mattikāpatte vinicchayo.
аяобад̇д̇з бана сажзби бан̃жа ваа ад̇ирзгаани ваа чид̣̇д̣̇аани хонд̇и, д̇аани жз аяажун̣н̣зна ваа аан̣ияаа ваа лохаман̣д̣алагзна ваа б̣ад̣̇д̇хаани мадтаани хонд̇и, свзва бад̇д̇о барибхун̃ж̇ид̇аб̣б̣о, на ан̃н̃о вин̃н̃аабзд̇аб̣б̣о. ат̇а бана згамби чид̣̇д̣̇ам̣ маханд̇ам̣ ход̇и, лохаман̣д̣алагзна б̣ад̣̇д̇хамби мадтам̣ на ход̇и, бад̇д̇з аамисам̣ лаг̇г̇ад̇и, агаббияо ход̇и, аяам̣ абад̇д̇о. ан̃н̃о вин̃н̃аабзд̇аб̣б̣о.
Ayopatte pana sacepi pañca vā atirekāni vā chiddāni honti, tāni ce ayacuṇṇena vā āṇiyā vā lohamaṇḍalakena vā baddhāni maṭṭhāni honti, sveva patto paribhuñjitabbo, na añño viññāpetabbo. Atha pana ekampi chiddaṃ mahantaṃ hoti, lohamaṇḍalakena baddhampi maṭṭhaṃ na hoti, patte āmisaṃ laggati, akappiyo hoti, ayaṃ apatto. Añño viññāpetabbo.
615. т̇зро вад̇д̇аб̣б̣од̇и бад̇д̇з аанисам̣сам̣ д̣̇ассзд̇ваа ‘‘аяам̣, бханд̇з, бад̇д̇о бамаан̣аяуд̇д̇о сунд̣̇аро т̇зраануруубо, д̇ам̣ г̇ан̣хат̇аа’’д̇и вад̇д̇аб̣б̣о. яо на г̇ан̣хзяяаад̇и анугамбааяа на г̇ан̣ханд̇асса д̣̇уггадам̣. яо бана санд̇удтияаа ‘‘гим̣ мз ан̃н̃зна бад̇д̇знаа’’д̇и на г̇ан̣хаад̇и, д̇асса анаабад̇д̇и. бад̇д̇абарияанд̇од̇и звам̣ баривад̇д̇зд̇ваа барияанд̇з тид̇абад̇д̇о.
615.Thero vattabboti patte ānisaṃsaṃ dassetvā ‘‘ayaṃ, bhante, patto pamāṇayutto sundaro therānurūpo, taṃ gaṇhathā’’ti vattabbo. Yo na gaṇheyyāti anukampāya na gaṇhantassa dukkaṭaṃ. Yo pana santuṭṭhiyā ‘‘kiṃ me aññena pattenā’’ti na gaṇhāti, tassa anāpatti. Pattapariyantoti evaṃ parivattetvā pariyante ṭhitapatto.
на ад̣̇зсзд̇и ман̃жабийтачад̇д̇анааг̇ад̣̇анд̇агаад̣̇игз ад̣̇зсз, на нигкибид̇аб̣б̣о. яад̇т̇а буримам̣ сунд̣̇арам̣ бад̇д̇ам̣ табзд̇и, д̇ад̇т̇зва табзд̇аб̣б̣о. бад̇д̇асса хи нигкибанад̣̇зсо ‘‘ануж̇аанаами, бхигкавз, аад̇хаарага’’нд̇иаад̣̇инаа наязна канд̇хагз вуд̇д̇оязва.
Na adeseti mañcapīṭhachattanāgadantakādike adese, na nikkhipitabbo. Yattha purimaṃ sundaraṃ pattaṃ ṭhapeti, tattheva ṭhapetabbo. Pattassa hi nikkhipanadeso ‘‘anujānāmi, bhikkhave, ādhāraka’’ntiādinā nayena khandhake vuttoyeva.
на абхог̇знаад̇и яааг̇уранд̇ханараж̇анабажанаад̣̇инаа абарибхог̇зна на барибхун̃ж̇ид̇аб̣б̣о. анд̇араамаг̇г̇з бана б̣яаад̇химхи уббаннз ан̃н̃асмим̣ бхааж̇анз асад̇и мад̇д̇игааяа лимбзд̇ваа яааг̇ум̣ ваа бажид̇ум̣ уд̣̇агам̣ ваа д̇аабзд̇ум̣ ваддад̇и.
Naabhogenāti yāgurandhanarajanapacanādinā aparibhogena na paribhuñjitabbo. Antarāmagge pana byādhimhi uppanne aññasmiṃ bhājane asati mattikāya limpetvā yāguṃ vā pacituṃ udakaṃ vā tāpetuṃ vaṭṭati.
на виссаж̇ж̇зд̇аб̣б̣од̇и ан̃н̃асса на д̣̇аад̇аб̣б̣о. сажз бана сад̣̇д̇хивихаариго ваа анд̇зваасиго ваа ан̃н̃ам̣ варабад̇д̇ам̣ табзд̇ваа ‘‘аяам̣ маяхам̣ сааруббо, аяам̣ т̇зрассаа’’д̇и г̇ан̣хаад̇и, ваддад̇и. ан̃н̃о ваа д̇ам̣ г̇ахзд̇ваа ад̇д̇ано бад̇д̇ам̣ д̣̇зд̇и, ваддад̇и. ‘‘маяхамзва бад̇д̇ам̣ аахараа’’д̇и вад̇д̇аб̣б̣агижжам̣ над̇т̇и.
Na vissajjetabboti aññassa na dātabbo. Sace pana saddhivihāriko vā antevāsiko vā aññaṃ varapattaṃ ṭhapetvā ‘‘ayaṃ mayhaṃ sāruppo, ayaṃ therassā’’ti gaṇhāti, vaṭṭati. Añño vā taṃ gahetvā attano pattaṃ deti, vaṭṭati. ‘‘Mayhameva pattaṃ āharā’’ti vattabbakiccaṃ natthi.
617. баваарид̇аананд̇и зд̇т̇а сан̇гхавасзна баваарид̇адтаанз бан̃жаб̣анд̇ханзнзва ваддад̇и. буг̇г̇алавасзна баваарид̇адтаанз уунабан̃жаб̣анд̇ханзнааби ваддад̇ийд̇и гурунд̣̇ияам̣ вуд̇д̇ам̣. сзсамзд̇т̇а уд̇д̇аанад̇т̇амзва.
617.Pavāritānanti ettha saṅghavasena pavāritaṭṭhāne pañcabandhaneneva vaṭṭati. Puggalavasena pavāritaṭṭhāne ūnapañcabandhanenāpi vaṭṭatīti kurundiyaṃ vuttaṃ. Sesamettha uttānatthameva.
часамудтаанам̣ , гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Chasamuṭṭhānaṃ , kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
уунабан̃жаб̣анд̇ханасигкаабад̣̇аван̣н̣анаа нидтид̇аа.
Ūnapañcabandhanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. уунабан̃жаб̣анд̇ханасигкаабад̣̇ам̣ • 2. Ūnapañcabandhanasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. уунабан̃жаб̣анд̇ханасигкаабад̣̇аван̣н̣анаа • 2. Ūnapañcabandhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. уунабан̃жаб̣анд̇ханасигкаабад̣̇аван̣н̣анаа • 2. Ūnapañcabandhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. уунабан̃жаб̣анд̇ханасигкаабад̣̇аван̣н̣анаа • 2. Ūnapañcabandhanasikkhāpadavaṇṇanā
