| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༢. ཨཱུནཔཉྩབནྡྷནསིཀྑཱཔདཝཎྞནཱ
2. Ūnapañcabandhanasikkhāpadavaṇṇanā
༦༠༩-༦༡༣. དུཏིཡེ པཱལི༹ཡཾ ཨཧཾ པཏྟེན ཏེ བྷིཀྑཱུ སནྟཔེསྶཱམཱིཏི སེསོ། ‘‘ཨཔཏྟོ’’ཏི ཨིམིནཱ ཨདྷིཊྛཱནཝིཛཧནམྤི དསྶེཏི། པཉྩབནྡྷནེཔི པཏྟེ ཨཔརིཔུཎྞཔཱཀེ པཏྟེ ཝིཡ ཨདྷིཊྛཱནཾ ན རུཧཏི། ‘‘ཏིཔུཔཊྚཀེན ཝཱ’’ཏི ཝུཏྟཏྟཱ ཏམྦལོཧཱདཱིཧི ཀཔྤིཡལོཧེཧི ཨཡོཔཏྟསྶ ཚིདྡཾ ཚཱདེཏུཾ ཝཊྚཏི། ཏེནེཝ ‘‘ལོཧམཎྜལཀེནཱ’’ཏི ཝུཏྟཾ། ཨིམསྨིཾ སིཀྑཱཔདེ ཨཀཱལ༹ཝཎྞམྤི ཀཔྤིཡཔཏྟཾ ཝིཉྙཱཔེནྟསྶ ཨཱཔཏྟི ཨེཝཱཏི དཊྛབྦཾ། ཨདྷིཊྛཱནུཔགཔཏྟསྶ ཨཱུནཔཉྩབནྡྷནཏཱ, ཨཏྟུདྡེསིཀཏཱ, ཨཀཏཝིཉྙཏྟི, ཏཱཡ ཙ པཊིལཱབྷོཏི ཨིམཱནེཏྠ ཙཏྟཱརི ཨངྒཱནི།
609-613. Dutiye pāḷiyaṃ ahaṃ pattena te bhikkhū santapessāmīti seso. ‘‘Apatto’’ti iminā adhiṭṭhānavijahanampi dasseti. Pañcabandhanepi patte aparipuṇṇapāke patte viya adhiṭṭhānaṃ na ruhati. ‘‘Tipupaṭṭakena vā’’ti vuttattā tambalohādīhi kappiyalohehi ayopattassa chiddaṃ chādetuṃ vaṭṭati. Teneva ‘‘lohamaṇḍalakenā’’ti vuttaṃ. Imasmiṃ sikkhāpade akāḷavaṇṇampi kappiyapattaṃ viññāpentassa āpatti evāti daṭṭhabbaṃ. Adhiṭṭhānupagapattassa ūnapañcabandhanatā, attuddesikatā, akataviññatti, tāya ca paṭilābhoti imānettha cattāri aṅgāni.
ཨཱུནཔཉྩབནྡྷནསིཀྑཱཔདཝཎྞནཱ ནིཊྛིཏཱ།
Ūnapañcabandhanasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. ཨཱུནཔཉྩབནྡྷནསིཀྑཱཔདཾ • 2. Ūnapañcabandhanasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. ཨཱུནཔཉྩབནྡྷནསིཀྑཱཔདཝཎྞནཱ • 2. Ūnapañcabandhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༢. ཨཱུནཔཉྩབནྡྷནསིཀྑཱཔདཝཎྞནཱ • 2. Ūnapañcabandhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༢. ཨཱུནཔཉྩབནྡྷནསིཀྑཱཔདཝཎྞནཱ • 2. Ūnapañcabandhanasikkhāpadavaṇṇanā
