| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
5. уунавийсад̇ивассасигкаабад̣̇ам̣
5. Ūnavīsativassasikkhāpadaṃ
402. бан̃жамз ан̇г̇улияод̇и гарасаакааяо. д̇аа хи ан̇г̇анд̇и хад̇т̇ад̇о бан̃жад̇хаа бхиж̇ж̇ид̇ваа уг̇г̇ажчанд̇ийд̇и ан̇г̇улияод̇и вужжанд̇и. ликанд̇асса убаалиссаад̇и самб̣анд̇хо. д̇знаад̇и б̣ахужинд̇зд̇аб̣б̣агааран̣зна. ассаад̇и убаалисса. урод̇и хад̣̇аяам̣. д̇ан̃хи усад̇и жид̇д̇ад̇аабо д̣̇ахад̇и зд̇т̇аад̇и урод̇и вужжад̇и. руубасуд̇д̇анд̇и хзран̃н̃игаанам̣ руубасуд̇д̇ам̣, яат̇аа хад̇т̇аажарияаанам̣ хад̇т̇исуд̇д̇анд̇и. агкийнийд̇и жагкууни. д̇аани хи агканд̇и висаязсу б̣яаабийбхаванд̇и, руубам̣ ваа бассад̇и имзхийд̇и агкийнийд̇и вужжанд̇и. магасзна суужимукаанам̣ г̇ахид̇ад̇д̇аа д̣ам̣сзна бин̇г̇аламагкигааяова г̇ахзд̇аб̣б̣аад̇и ааха ‘‘д̣ам̣саад̇и бин̇г̇аламагкигааяо’’д̇и. бин̇г̇аламагкигааяо хи д̣ам̣санадтзна каад̣̇анадтзна д̣ам̣саад̇и вужжанд̇и. д̣̇уггаро камо зд̇аасанд̇и д̣̇угкаад̇и д̣̇ассзнд̇о ааха ‘‘д̣̇угкамаана’’нд̇и. взд̣̇анаананд̇и самб̣анд̇хо. асаад̇асса гааран̣ам̣ д̣̇ассзд̇ум̣ вуд̇д̇ам̣ ‘‘амад̇хураана’’нд̇и. иминаа амад̇хурад̇д̇аа на саад̣̇ид̇аб̣б̣аад̇и асаад̇аад̇и ад̇т̇ам̣ д̣̇ассзд̇и. баан̣асад̣̇д̣̇аж̇ийвид̇асад̣̇д̣̇аанам̣ барияааяабхаавам̣ д̣̇ассзд̇ум̣ вуд̇д̇ам̣ ‘‘ж̇ийвид̇ахараана’’нд̇и. баан̣ам̣ харанд̇и абанзнд̇ийд̇и баан̣ахараа, д̇аасам̣ взд̣̇анаананд̇и самб̣анд̇хо.
402. Pañcame aṅguliyoti karasākhāyo. Tā hi aṅganti hatthato pañcadhā bhijjitvā uggacchantīti aṅguliyoti vuccanti. Likhantassa upālissāti sambandho. Tenāti bahucintetabbakāraṇena. Assāti upālissa. Uroti hadayaṃ. Tañhi usati cittatāpo dahati etthāti uroti vuccati. Rūpasuttanti heraññikānaṃ rūpasuttaṃ, yathā hatthācariyānaṃ hatthisuttanti. Akkhīnīti cakkhūni. Tāni hi akkhanti visayesu byāpībhavanti, rūpaṃ vā passati imehīti akkhīnīti vuccanti. Makasena sūcimukhānaṃ gahitattā ḍaṃsena piṅgalamakkhikāyova gahetabbāti āha ‘‘ḍaṃsāti piṅgalamakkhikāyo’’ti. Piṅgalamakkhikāyo hi ḍaṃsanaṭṭhena khādanaṭṭhena ḍaṃsāti vuccanti. Dukkaro khamo etāsanti dukkhāti dassento āha ‘‘dukkhamāna’’nti. Vedanānanti sambandho. Asātassa kāraṇaṃ dassetuṃ vuttaṃ ‘‘amadhurāna’’nti. Iminā amadhurattā na sāditabbāti asātāti atthaṃ dasseti. Pāṇasaddajīvitasaddānaṃ pariyāyabhāvaṃ dassetuṃ vuttaṃ ‘‘jīvitaharāna’’nti. Pāṇaṃ haranti apanentīti pāṇaharā, tāsaṃ vedanānanti sambandho.
404. виж̇ааяанагаалад̇о бадтааяа барибун̣н̣авийсад̇ивассо на г̇ахзд̇аб̣б̣о, г̇аб̣бхаг̇ахан̣агаалад̇о бана бадтааяаад̇и д̣̇ассзнд̇о ааха ‘‘бадисанд̇хиг̇г̇ахан̣ад̇о бадтааяаа’’д̇и. г̇аб̣бхз саяид̇агаалзна сад̣̇д̇хим̣ вийсад̇имам̣ вассам̣ барибун̣н̣амассаад̇и г̇аб̣бхавийсо буг̇г̇ало. хийд̇и сажжам̣. яат̇аахаад̇и язнаагаарзна сан̇кяам̣ г̇ажчад̇и, д̇знаагаарзна бхаг̇аваа аахаад̇и яож̇анаа. ат̇а ваа яат̇аа гим̣ важанам̣ бхаг̇аваа аахаад̇и яож̇анаа.
404. Vijāyanakālato paṭṭhāya paripuṇṇavīsativasso na gahetabbo, gabbhagahaṇakālato pana paṭṭhāyāti dassento āha ‘‘paṭisandhiggahaṇato paṭṭhāyā’’ti. Gabbhe sayitakālena saddhiṃ vīsatimaṃ vassaṃ paripuṇṇamassāti gabbhavīso puggalo. Hīti saccaṃ. Yathāhāti yenākārena saṅkhyaṃ gacchati, tenākārena bhagavā āhāti yojanā. Atha vā yathā kiṃ vacanaṃ bhagavā āhāti yojanā.
г̇аб̣бхавийсо худ̇ваа убасамбаннод̇и самб̣анд̇хо. амхийд̇и асми. нусад̣̇д̣̇о баривид̇аггад̇т̇з нибаад̇о. яанд̇и яаад̣̇исам̣ батамам̣ жид̇д̇анд̇и самб̣анд̇хо. иминаа бадисанд̇хижид̇д̇ам̣ д̣̇ассзд̇и. ‘‘батамам̣ вин̃н̃аан̣а’’нд̇и д̇ассзва взважанам̣. д̇анд̇и батамам̣ жид̇д̇ам̣ батамам̣ вин̃н̃аан̣ам̣. ассаад̇и сад̇д̇асса. саава ж̇аад̇ийд̇и саа зва бадисанд̇хи, г̇аб̣бхо наама ход̇ийд̇и самб̣анд̇хо.
Gabbhavīso hutvā upasampannoti sambandho. Amhīti asmi. Nusaddo parivitakkatthe nipāto. Yanti yādisaṃ paṭhamaṃ cittanti sambandho. Iminā paṭisandhicittaṃ dasseti. ‘‘Paṭhamaṃ viññāṇa’’nti tasseva vevacanaṃ. Tanti paṭhamaṃ cittaṃ paṭhamaṃ viññāṇaṃ. Assāti sattassa. Sāva jātīti sā eva paṭisandhi, gabbho nāma hotīti sambandho.
д̇ад̇т̇аад̇и баал̣ияам̣, винижчаяо звам̣ взд̣̇ид̇аб̣б̣од̇и яож̇анаа. яод̇и буг̇г̇ало. махаабавааран̣ааяаад̇и ассаяуж̇абун̣н̣амияам̣. саа хи бууж̇ид̇абавааран̣ад̇д̇аа махаабавааран̣аад̇и вужжад̇и. д̇ад̇од̇и бавааран̣ааяа ж̇аад̇агаалад̇о. д̇анд̇и махаабавааран̣ам̣. баадибад̣̇з жаад̇и зд̇т̇а жасад̣̇д̣̇о анияамавигаббад̇т̇о, бавааран̣ад̣̇ивасабаадибад̣̇ад̣̇ивасзсу ан̃н̃ад̇арасмим̣ д̣̇ивасз убасамбаад̣̇зд̇аб̣б̣од̇и ад̇т̇о. хааяанавад̣дхананд̇и гужчимхи васид̇амаасзсу ад̇хигзсу хааяанан̃жа уунзсу вад̣дхунан̃жа взд̣̇ид̇аб̣б̣ам̣.
Tatthāti pāḷiyaṃ, vinicchayo evaṃ veditabboti yojanā. Yoti puggalo. Mahāpavāraṇāyāti assayujapuṇṇamiyaṃ. Sā hi pūjitapavāraṇattā mahāpavāraṇāti vuccati. Tatoti pavāraṇāya jātakālato. Tanti mahāpavāraṇaṃ. Pāṭipade cāti ettha casaddo aniyamavikappattho, pavāraṇadivasapāṭipadadivasesu aññatarasmiṃ divase upasampādetabboti attho. Hāyanavaḍḍhananti kucchimhi vasitamāsesu adhikesu hāyanañca ūnesu vaḍḍhunañca veditabbaṃ.
бораан̣агад̇т̇зраа бана убасамбаад̣̇знд̇ийд̇и самб̣анд̇хо. згуунавийсад̇ивассанд̇и ананд̇арз вуд̇д̇ам̣ згуунавийсад̇ивассам̣. нигкаманийяод̇и сааван̣амаасо. со хи анд̇овийт̇ид̇о б̣аахиравийт̇им̣ нигкамад̇и суурияо асминд̇и ‘‘нигкаманийяо’’д̇и вужжад̇и. баадибад̣̇ад̣̇ивасзд̇и бажчимигааяа вассуубаг̇аманад̣̇ивасз. д̇ам̣ убасамбаад̣̇анам̣. гасмаад̇и бужчаа. зд̇т̇а тад̇ваа барихааро вужжад̇з маяаад̇и яож̇анаа. вийсад̇ияаа вассзсууд̇и убасамбаннабуг̇г̇аласса вийсад̇ияаа вассзсу. д̇им̣сарад̇д̇ид̣̇ивасса згамаасад̇д̇аа ‘‘жад̇д̇ааро маасаа барихааяанд̇ий’’д̇и вуд̇д̇ам̣. уггад̣дханд̇ийд̇и згасса ад̇хигамаасасса наасанад̇т̇ааяа вассам̣ убари гад̣дханд̇и. д̇ад̇од̇и чамаасад̇о абанзд̇ваад̇и самб̣анд̇хо. зд̇т̇аад̇и ‘‘згуунавийсад̇ивасса’’нд̇иаад̣̇иважанз. бана-сад̣̇д̣̇о хисад̣̇д̣̇ад̇т̇о, сажжанд̇и ад̇т̇о. яод̇и буг̇г̇ало. д̇асмаад̇и яасмаа г̇аб̣бхамаасаанамби г̇ан̣ануубаг̇ад̇д̇аа г̇ахзд̇ваа убасамбаад̣̇знд̇и, д̇асмаа ча маасз васид̇ваад̇и самб̣анд̇хо. адта маасз васид̇ваа ж̇аад̇оби на ж̇ийвад̇ийд̇и суд̇д̇анд̇аадтагат̇аасу (д̣̇ий. ни. адта. 2.24-25; ма. ни. адта. 3.205) вуд̇д̇ам̣.
Porāṇakattherā pana upasampādentīti sambandho. Ekūnavīsativassanti anantare vuttaṃ ekūnavīsativassaṃ. Nikkhamanīyoti sāvaṇamāso. So hi antovīthito bāhiravīthiṃ nikkhamati sūriyo asminti ‘‘nikkhamanīyo’’ti vuccati. Pāṭipadadivaseti pacchimikāya vassūpagamanadivase. Taṃ upasampādanaṃ. Kasmāti pucchā. Ettha ṭhatvā parihāro vuccate mayāti yojanā. Vīsatiyā vassesūti upasampannapuggalassa vīsatiyā vassesu. Tiṃsarattidivassa ekamāsattā ‘‘cattāro māsā parihāyantī’’ti vuttaṃ. Ukkaḍḍhantīti ekassa adhikamāsassa nāsanatthāya vassaṃ upari kaḍḍhanti. Tatoti chamāsato apanetvāti sambandho. Etthāti ‘‘ekūnavīsativassa’’ntiādivacane. Pana-saddo hisaddattho, saccanti attho. Yoti puggalo. Tasmāti yasmā gabbhamāsānampi gaṇanūpagattā gahetvā upasampādenti, tasmā cha māse vasitvāti sambandho. Aṭṭha māse vasitvā jātopi na jīvatīti suttantaaṭṭhakathāsu (dī. ni. aṭṭha. 2.24-25; ma. ni. aṭṭha. 3.205) vuttaṃ.
406. д̣̇асавассажжаязнаад̇и убасамбад̣̇ад̇о д̣̇асавассаад̇иггамзна. убасамбаад̣̇зд̇ийд̇и убаж̇жхааяо ваа гаммаваажаажарияо ваа худ̇ваа убасамбаад̣̇зд̇и. д̇анд̇и убаж̇жхаажарияабхууд̇ам̣ анубасамбаннабуг̇г̇алам̣. гаммаваажаажарияо худ̇ваа убасамбаад̣̇знд̇о д̇ам̣ мун̃жид̇ваа сажз ан̃н̃оби гаммаваажаажарияо ад̇т̇и, суубасамбанно. сова сажз гаммаваажам̣ саавзд̇и, нубасамбанно. н̃ад̇ваа бана буна анубасамбаад̣̇знд̇з саг̇г̇анд̇арааяоби маг̇г̇анд̇арааяоби ход̇иязваад̇и д̣̇адтаб̣б̣анд̇и. бан̃жамам̣.
406.Dasavassaccayenāti upasampadato dasavassātikkamena. Upasampādetīti upajjhāyo vā kammavācācariyo vā hutvā upasampādeti. Tanti upajjhācariyabhūtaṃ anupasampannapuggalaṃ. Kammavācācariyo hutvā upasampādento taṃ muñcitvā sace aññopi kammavācācariyo atthi, sūpasampanno. Sova sace kammavācaṃ sāveti, nupasampanno. Ñatvā pana puna anupasampādente saggantarāyopi maggantarāyopi hotiyevāti daṭṭhabbanti. Pañcamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
