| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
5. ஊனவீஸதிவஸ்ஸஸிக்கா²பத³வண்ணனா
5. Ūnavīsativassasikkhāpadavaṇṇanā
க³ப்³ப⁴வீஸோபி ஹி ‘‘பரிபுண்ணவீஸோ’’ த்வேவ ஸங்க²ங் க³ச்ச²தீதி ஆஹ ‘‘படிஸந்தி⁴க்³க³ஹணதோ பட்டா²யா’’திஆதி³. தத்த² படிஸந்தி⁴க்³க³ஹணதோ பட்டா²யாதி யங் மாதுகுச்சி²ஸ்மிங் பட²மங் சித்தங் உப்பன்னங் பட²மங் விஞ்ஞாணங் பாதுபூ⁴தங், தங் ஆதி³ங் கத்வா. ஸோதி யோ புக்³க³லோ ஊனவீஸதிவஸ்ஸோ உபஸம்பாதி³தோ, ஸோ புக்³க³லோ. அஞ்ஞங் உபஸம்பாதே³தீதி உபஜ்ஜா²யோ வா கம்மவாசாசரியோ வா ஹுத்வா அஞ்ஞங் புக்³க³லங் உபஸம்பாதே³தி. தந்தி ஊனவீஸதிவஸ்ஸங் புக்³க³லங். ஸீமங் வா ஸம்மன்னதீதி நவங் ஸீமங் ப³ந்த⁴தி.
Gabbhavīsopi hi ‘‘paripuṇṇavīso’’ tveva saṅkhaṃ gacchatīti āha ‘‘paṭisandhiggahaṇato paṭṭhāyā’’tiādi. Tattha paṭisandhiggahaṇato paṭṭhāyāti yaṃ mātukucchismiṃ paṭhamaṃ cittaṃ uppannaṃ paṭhamaṃ viññāṇaṃ pātubhūtaṃ, taṃ ādiṃ katvā. Soti yo puggalo ūnavīsativasso upasampādito, so puggalo. Aññaṃ upasampādetīti upajjhāyo vā kammavācācariyo vā hutvā aññaṃ puggalaṃ upasampādeti. Tanti ūnavīsativassaṃ puggalaṃ. Sīmaṃ vā sammannatīti navaṃ sīmaṃ bandhati.
ஊனவீஸதிவஸ்ஸஸிக்கா²பத³வண்ணனா நிட்டி²தா.
Ūnavīsativassasikkhāpadavaṇṇanā niṭṭhitā.
