| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
5. ஊனவீஸதிவஸ்ஸஸிக்கா²பத³வண்ணனா
5. Ūnavīsativassasikkhāpadavaṇṇanā
402. பஞ்சமே ரூபஸுத்தந்தி ஹேரஞ்ஞிகானங் ஸுத்தங். து³ருத்தானந்தி அக்கோஸவஸேன து³ருத்தானங், து³ருத்தத்தாயேவ து³ராக³தானங். வசனபதா²னந்தி எத்த² வசனமேவ தத³த்த²ங் ஞாதுகாமானங் ஞாபேதுகாமானஞ்ச பதோ²தி வசனபதோ². து³க்க²மானந்தி து³க்கே²ன க²மிதப்³பா³னங்.
402. Pañcame rūpasuttanti heraññikānaṃ suttaṃ. Duruttānanti akkosavasena duruttānaṃ, duruttattāyeva durāgatānaṃ. Vacanapathānanti ettha vacanameva tadatthaṃ ñātukāmānaṃ ñāpetukāmānañca pathoti vacanapatho. Dukkhamānanti dukkhena khamitabbānaṃ.
404. க³ப்³பே⁴ ஸயிதகாலேன ஸத்³தி⁴ங் வீஸதிமங் வஸ்ஸங் அஸ்ஸாதி க³ப்³ப⁴வீஸோ. ஹாயனவட்³ட⁴னந்தி க³ப்³ப⁴மாஸேஸு அதி⁴கேஸு உத்தரிஹாயனங், ஊனேஸு வட்³ட⁴னந்தி வேதி³தப்³ப³ங். ஏகூனவீஸதிவஸ்ஸந்தி த்³வாத³ஸமாஸே மாதுகுச்சி²ஸ்மிங் வஸித்வா மஹாபவாரணாய ஜாதகாலதோ பட்டா²ய ஏகூனவீஸதிவஸ்ஸங். பாடிபத³தி³வஸேதி பச்சி²மிகாய வஸ்ஸூபக³மனதி³வஸே. ‘‘திங்ஸரத்திதி³வோ மாஸோ’’தி (அ॰ நி॰ 3.71; 8.43; விப⁴॰ 1023) வசனதோ ‘‘சத்தாரோ மாஸா பரிஹாயந்தீ’’தி வுத்தங். வஸ்ஸங் உக்கட்³ட⁴ந்தீதி வஸ்ஸங் உத்³த⁴ங் கட்³ட⁴ந்தி, ததியே ஸங்வச்ச²ரே ஏகமாஸங் அதி⁴கமாஸவஸேன பரிச்சஜந்தா வஸ்ஸங் உத்³த⁴ங் கட்³ட⁴ந்தீதி அத்தோ², தஸ்மா ததியோ ஸங்வச்ச²ரோ தேரஸமாஸிகோ ஹோதி, ஸங்வச்ச²ரஸ்ஸ பன த்³வாத³ஸமாஸிகத்தா அட்டா²ரஸஸு வஸ்ஸேஸு அதி⁴கமாஸே விஸுங் க³ஹெத்வா ‘‘ச² மாஸா வட்³ட⁴ந்தீ’’தி வுத்தங். ததோதி ச²மாஸதோ. நிக்கங்கா² ஹுத்வாதி அதி⁴கமாஸேஹி ஸத்³தி⁴ங் பரிபுண்ணவீஸதிவஸ்ஸத்தா நிப்³பே³மதிகா ஹுத்வா. யங் பன வுத்தங் தீஸு க³ண்டி²பதே³ஸு ‘‘அட்டா²ரஸன்னங்யேவ வஸ்ஸானங் அதி⁴கமாஸே க³ஹெத்வா க³ணிதத்தா ஸேஸவஸ்ஸத்³வயஸ்ஸபி அதி⁴கானி தி³வஸானி ஹொந்தேவ, தானி அதி⁴கதி³வஸானி ஸந்தா⁴ய ‘நிக்கங்கா² ஹுத்வா’தி வுத்த’’ந்தி, தங் ந க³ஹேதப்³ப³ங். ந ஹி த்³வீஸு வஸ்ஸேஸு அதி⁴கதி³வஸானி நாம விஸுங் உபலப்³ப⁴ந்தி ததியே வஸ்ஸே வஸ்ஸுக்கட்³ட⁴னவஸேன அதி⁴கமாஸே பரிச்சத்தேயேவ அதிரேகமாஸஸம்ப⁴வதோ. தஸ்மா த்³வீஸு வஸ்ஸேஸு அதிரேகதி³வஸானி நாம விஸுங் ந ஸம்ப⁴வந்தி.
404. Gabbhe sayitakālena saddhiṃ vīsatimaṃ vassaṃ assāti gabbhavīso. Hāyanavaḍḍhananti gabbhamāsesu adhikesu uttarihāyanaṃ, ūnesu vaḍḍhananti veditabbaṃ. Ekūnavīsativassanti dvādasamāse mātukucchismiṃ vasitvā mahāpavāraṇāya jātakālato paṭṭhāya ekūnavīsativassaṃ. Pāṭipadadivaseti pacchimikāya vassūpagamanadivase. ‘‘Tiṃsarattidivo māso’’ti (a. ni. 3.71; 8.43; vibha. 1023) vacanato ‘‘cattāro māsā parihāyantī’’ti vuttaṃ. Vassaṃ ukkaḍḍhantīti vassaṃ uddhaṃ kaḍḍhanti, tatiye saṃvacchare ekamāsaṃ adhikamāsavasena pariccajantā vassaṃ uddhaṃ kaḍḍhantīti attho, tasmā tatiyo saṃvaccharo terasamāsiko hoti, saṃvaccharassa pana dvādasamāsikattā aṭṭhārasasu vassesu adhikamāse visuṃ gahetvā ‘‘cha māsā vaḍḍhantī’’ti vuttaṃ. Tatoti chamāsato. Nikkaṅkhā hutvāti adhikamāsehi saddhiṃ paripuṇṇavīsativassattā nibbematikā hutvā. Yaṃ pana vuttaṃ tīsu gaṇṭhipadesu ‘‘aṭṭhārasannaṃyeva vassānaṃ adhikamāse gahetvā gaṇitattā sesavassadvayassapi adhikāni divasāni honteva, tāni adhikadivasāni sandhāya ‘nikkaṅkhā hutvā’ti vutta’’nti, taṃ na gahetabbaṃ. Na hi dvīsu vassesu adhikadivasāni nāma visuṃ upalabbhanti tatiye vasse vassukkaḍḍhanavasena adhikamāse pariccatteyeva atirekamāsasambhavato. Tasmā dvīsu vassesu atirekadivasāni nāma visuṃ na sambhavanti.
நனு ச ‘‘தே த்³வே மாஸே க³ஹெத்வா வீஸதிவஸ்ஸானி பரிபுண்ணானி ஹொந்தீ’’தி கஸ்மா வுத்தங், ஏகூனவீஸதிவஸ்ஸம்ஹி புன அபரஸ்மிங் வஸ்ஸே பக்கி²த்தே வீஸதிவஸ்ஸானி பரிபுண்ணானி ஹொந்தீதி ஆஹ ‘‘எத்த² பன…பே॰… வுத்த’’ந்தி. அனேகத்த²த்தா நிபாதானங் பன-ஸத்³தோ³ ஹி-ஸத்³த³த்தே², எத்த² ஹீதி வுத்தங் ஹோதி. இத³ஞ்ஹி வுத்தஸ்ஸேவத்த²ஸ்ஸ ஸமத்த²னவஸேன வுத்தங். இமினா ச இமங் தீ³பேதி ‘‘யங் வுத்தங் ‘ஏகூனவீஸதிவஸ்ஸங் ஸாமணேரங் நிக்க²மனீயபுண்ணமாஸிங் அதிக்கம்ம பாடிபத³தி³வஸே உபஸம்பாதெ³ந்தீ’தி, தத்த² க³ப்³ப⁴மாஸேபி அக்³க³ஹெத்வா த்³வீஹி மாஸேஹி அபரிபுண்ணவீஸதிவஸ்ஸங் ஸந்தா⁴ய ‘ஏகூனவீஸதிவஸ்ஸ’ந்தி வுத்தங், தஸ்மா அதி⁴கமாஸேஸு த்³வீஸு க³ஹிதேஸு வீஸதிவஸ்ஸானி பரிபுண்ணானி நாம ஹொந்தீ’’தி. தஸ்மாதி யஸ்மா க³ப்³ப⁴மாஸாபி க³ணனூபகா³ ஹொந்தி, தஸ்மா. ஏகவீஸதிவஸ்ஸோ ஹோதீதி ஜாததி³வஸதோ பட்டா²ய வீஸதிவஸ்ஸோ ஸமானோ க³ப்³ப⁴மாஸேஹி ஸத்³தி⁴ங் ஏகவீஸதிவஸ்ஸோ ஹோதி.
Nanu ca ‘‘te dve māse gahetvā vīsativassāni paripuṇṇāni hontī’’ti kasmā vuttaṃ, ekūnavīsativassamhi puna aparasmiṃ vasse pakkhitte vīsativassāni paripuṇṇāni hontīti āha ‘‘ettha pana…pe… vutta’’nti. Anekatthattā nipātānaṃ pana-saddo hi-saddatthe, ettha hīti vuttaṃ hoti. Idañhi vuttassevatthassa samatthanavasena vuttaṃ. Iminā ca imaṃ dīpeti ‘‘yaṃ vuttaṃ ‘ekūnavīsativassaṃ sāmaṇeraṃ nikkhamanīyapuṇṇamāsiṃ atikkamma pāṭipadadivase upasampādentī’ti, tattha gabbhamāsepi aggahetvā dvīhi māsehi aparipuṇṇavīsativassaṃ sandhāya ‘ekūnavīsativassa’nti vuttaṃ, tasmā adhikamāsesu dvīsu gahitesu vīsativassāni paripuṇṇāni nāma hontī’’ti. Tasmāti yasmā gabbhamāsāpi gaṇanūpagā honti, tasmā. Ekavīsativasso hotīti jātadivasato paṭṭhāya vīsativasso samāno gabbhamāsehi saddhiṃ ekavīsativasso hoti.
406. அஞ்ஞங் உபஸம்பாதே³தீதி உபஜ்ஜா²யோ கம்மவாசாசரியோ வா ஹுத்வா உபஸம்பாதே³தி. ஸேஸமெத்த² உத்தானமேவ. ஊனவீஸதிவஸ்ஸதா, ஊனகஸஞ்ஞிதா, உபஸம்பாத³னந்தி இமானி பனெத்த² தீணி அங்கா³னி.
406.Aññaṃupasampādetīti upajjhāyo kammavācācariyo vā hutvā upasampādeti. Sesamettha uttānameva. Ūnavīsativassatā, ūnakasaññitā, upasampādananti imāni panettha tīṇi aṅgāni.
ஊனவீஸதிவஸ்ஸஸிக்கா²பத³வண்ணனா நிட்டி²தா.
Ūnavīsativassasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. ஊனவீஸதிவஸ்ஸஸிக்கா²பத³ங் • 5. Ūnavīsativassasikkhāpadaṃ
