| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
5. ஊனவீஸதிவஸ்ஸஸிக்கா²பத³வண்ணனா
5. Ūnavīsativassasikkhāpadavaṇṇanā
404. புனப்புனங் உப்பஜ்ஜனதோ ப³ஹுதா⁴. ஹாயனவட்³ட⁴னந்தி மாதுகுச்சி²ஸ்மிங் சே த்³வாத³ஸன்னங் மாஸானங் ஊனதாய ஹாயனங் கதங். பஸூதஸ்ஸ வட்³ட⁴னங் காதப்³ப³ங். மாதுகுச்சி²ஸ்மிங் சே வட்³ட⁴னங் கதங். பஸூதஸ்ஸ ஹாயனங் காதப்³ப³ங். நிக்க²மனீயபுண்ணமாஸீ நாம ஸாவணமாஸஸ்ஸ புண்ணமாஸீ. ‘‘பாடிபத³தி³வஸேதி து³தியே உபக³ச்ச²தி தி³வஸே’’தி லிகி²தங். ஸோ ஹி பஸூததி³வஸதோ பட்டா²ய பரிபுண்ணவீஸதிவஸ்ஸோ ஹோதி. அவஸேஸானங் த்³வின்னங் வஸ்ஸானங் அதி⁴கதி³வஸானி ஹொந்தேவ, தஸ்மா நிக்கங்கா² ஹுத்வா உபஸம்பாதெ³ந்தி. தங் ஸந்தா⁴யாதி க³ப்³ப⁴வஸ்ஸஞ்ச பவாரெத்வா லத்³த⁴வஸ்ஸஞ்ச அக³ணெத்வா ஜாததி³வஸதோ பட்டா²ய க³ணெத்வா ஏகூனவீஸதிவஸ்ஸங். ஏகூனவீஸதிவஸ்ஸோதி ‘‘க³ப்³ப⁴வஸ்ஸங் ஏவ பஹாயா’’தி லிகி²தங், தங் து³ல்லிகி²தங்.
404. Punappunaṃ uppajjanato bahudhā. Hāyanavaḍḍhananti mātukucchismiṃ ce dvādasannaṃ māsānaṃ ūnatāya hāyanaṃ kataṃ. Pasūtassa vaḍḍhanaṃ kātabbaṃ. Mātukucchismiṃ ce vaḍḍhanaṃ kataṃ. Pasūtassa hāyanaṃ kātabbaṃ. Nikkhamanīyapuṇṇamāsī nāma sāvaṇamāsassa puṇṇamāsī. ‘‘Pāṭipadadivaseti dutiye upagacchati divase’’ti likhitaṃ. So hi pasūtadivasato paṭṭhāya paripuṇṇavīsativasso hoti. Avasesānaṃ dvinnaṃ vassānaṃ adhikadivasāni honteva, tasmā nikkaṅkhā hutvā upasampādenti. Taṃ sandhāyāti gabbhavassañca pavāretvā laddhavassañca agaṇetvā jātadivasato paṭṭhāya gaṇetvā ekūnavīsativassaṃ. Ekūnavīsativassoti ‘‘gabbhavassaṃ eva pahāyā’’ti likhitaṃ, taṃ dullikhitaṃ.
406. அஞ்ஞங் உபஸம்பாதே³தீதி உபஜ்ஜா²யோ வா ஆசரியோ வா ஹுத்வா உபஸம்பாதே³தி. ‘‘ஓபபாதிகஸ்ஸ ஸோளஸவஸ்ஸுத்³தே³ஸிகபா⁴வதோ புன சத்தாரோ வஸ்ஸே அதிக்கமித்வா உபஸம்பதா³ காதப்³பா³’’தி ஆசரியா வத³ந்தீதி கேசி.
406.Aññaṃ upasampādetīti upajjhāyo vā ācariyo vā hutvā upasampādeti. ‘‘Opapātikassa soḷasavassuddesikabhāvato puna cattāro vasse atikkamitvā upasampadā kātabbā’’ti ācariyā vadantīti keci.
ஊனவீஸதிவஸ்ஸஸிக்கா²பத³வண்ணனா நிட்டி²தா.
Ūnavīsativassasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. ஊனவீஸதிவஸ்ஸஸிக்கா²பத³ங் • 5. Ūnavīsativassasikkhāpadaṃ
