| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
5. ஊனவீஸதிவஸ்ஸஸிக்கா²பத³வண்ணனா
5. Ūnavīsativassasikkhāpadavaṇṇanā
402. பஞ்சமே ரூபஸிப்பந்தி ஹேரஞ்ஞிகஸிப்பங். க³ப்³பே⁴ ஸயிதகாலேன ஸத்³தி⁴ங் வீஸதிமங் வஸ்ஸங் பரிபுண்ணமஸ்ஸாதி க³ப்³ப⁴வீஸோ.
402. Pañcame rūpasippanti heraññikasippaṃ. Gabbhe sayitakālena saddhiṃ vīsatimaṃ vassaṃ paripuṇṇamassāti gabbhavīso.
404. நிக்க²மனீயபுண்ணமாஸீதி ஸாவணமாஸஸ்ஸ புண்ணமியா ஆஸாள்ஹீபுண்ணமியா அனந்தரபுண்ணமீ. பாடிபத³தி³வஸேதி பச்சி²மிகாய வஸ்ஸூபனாயிகாய. த்³வாத³ஸ மாஸே மாது குச்சி²ஸ்மிங் வஸித்வா மஹாபவாரணாய ஜாதங் உபஸம்பாதெ³ந்தீதி அத்தோ². ‘‘திங்ஸ ரத்திந்தி³வோ மாஸோ, த்³வாத³ஸமாஸிகோ ஸங்வச்ச²ரோ’’தி (அ॰ நி॰ 3.71; 8.43; விப⁴॰ 1023) வசனதோ ‘‘சத்தாரோ மாஸா பரிஹாயந்தீ’’தி வுத்தங். வஸ்ஸங் உக்கட்³ட⁴ந்தீதி வஸ்ஸங் உத்³த⁴ங் கட்³ட⁴ந்தி, ‘‘ஏகமாஸங் அதி⁴கமாஸோ’’தி ச²ட்³டெ³த்வா வஸ்ஸங் உபக³ச்ச²ந்தீதி அத்தோ². தஸ்மா ததியோ ததியோ ஸங்வச்ச²ரோ தேரஸமாஸிகோ ஹோதி. தே த்³வே மாஸே க³ஹெத்வாதி நிக்க²மனீயபுண்ணமாஸதோ யாவ ஜாததி³வஸபூ⁴தா மஹாபவாரணா. தாவ யே த்³வே மாஸா அனாக³தா, தேஸங் அத்தா²ய அதி⁴கமாஸதோ லத்³தே⁴ த்³வே மாஸே க³ஹெத்வா. தேனாஹ ‘‘யோ பவாரெத்வா வீஸதிவஸ்ஸோ ப⁴விஸ்ஸதீ’’திஆதி³. ‘‘நிக்கங்கா² ஹுத்வா’’தி இத³ங் அட்டா²ரஸன்னங் வஸ்ஸானங் ஏகஅதி⁴கமாஸே க³ஹெத்வா ததோ வீஸதியா வஸ்ஸேஸுபி சாதுத்³த³ஸீஅத்தா²ய சதுன்னங் மாஸானங் பரிஹாபனேன ஸப்³ப³தா³ பரிபுண்ணவீஸதிவஸ்ஸதங் ஸந்தா⁴ய வுத்தங். பவாரெத்வா வீஸதிவஸ்ஸோ ப⁴விஸ்ஸதீதி மஹாபவாரணாதி³வஸே அதிக்கந்தே க³ப்³ப⁴வஸ்ஸேன ஸஹ வீஸதிவஸ்ஸோ ப⁴விஸ்ஸதீதி அத்தோ². தஸ்மாதி யஸ்மா க³ப்³ப⁴மாஸாபி க³ணனூபகா³ ஹொந்தி, தஸ்மா. ஏகவீஸதிவஸ்ஸோதி ஜாதியா வீஸதிவஸ்ஸங் ஸந்தா⁴ய வுத்தங்.
404.Nikkhamanīyapuṇṇamāsīti sāvaṇamāsassa puṇṇamiyā āsāḷhīpuṇṇamiyā anantarapuṇṇamī. Pāṭipadadivaseti pacchimikāya vassūpanāyikāya. Dvādasa māse mātu kucchismiṃ vasitvā mahāpavāraṇāya jātaṃ upasampādentīti attho. ‘‘Tiṃsa rattindivo māso, dvādasamāsiko saṃvaccharo’’ti (a. ni. 3.71; 8.43; vibha. 1023) vacanato ‘‘cattāro māsā parihāyantī’’ti vuttaṃ. Vassaṃ ukkaḍḍhantīti vassaṃ uddhaṃ kaḍḍhanti, ‘‘ekamāsaṃ adhikamāso’’ti chaḍḍetvā vassaṃ upagacchantīti attho. Tasmā tatiyo tatiyo saṃvaccharo terasamāsiko hoti. Te dve māse gahetvāti nikkhamanīyapuṇṇamāsato yāva jātadivasabhūtā mahāpavāraṇā. Tāva ye dve māsā anāgatā, tesaṃ atthāya adhikamāsato laddhe dve māse gahetvā. Tenāha ‘‘yo pavāretvā vīsativasso bhavissatī’’tiādi. ‘‘Nikkaṅkhā hutvā’’ti idaṃ aṭṭhārasannaṃ vassānaṃ ekaadhikamāse gahetvā tato vīsatiyā vassesupi cātuddasīatthāya catunnaṃ māsānaṃ parihāpanena sabbadā paripuṇṇavīsativassataṃ sandhāya vuttaṃ. Pavāretvā vīsativasso bhavissatīti mahāpavāraṇādivase atikkante gabbhavassena saha vīsativasso bhavissatīti attho. Tasmāti yasmā gabbhamāsāpi gaṇanūpagā honti, tasmā. Ekavīsativassoti jātiyā vīsativassaṃ sandhāya vuttaṃ.
406. அஞ்ஞங் உபஸம்பாதே³தீதி உபஜ்ஜா²யோ, ஆசரியோ வா ஹுத்வா உபஸம்பாதே³தி. ஸோபீதி உபஸம்பாதெ³ந்தோபி அனுபஸம்பன்னோ. ஊனவீஸதிவஸ்ஸதா, தங் ஞத்வா உபஜ்ஜா²யேன ஹுத்வா உபஸம்பாத³னந்தி த்³வே அங்கா³னி.
406.Aññaṃ upasampādetīti upajjhāyo, ācariyo vā hutvā upasampādeti. Sopīti upasampādentopi anupasampanno. Ūnavīsativassatā, taṃ ñatvā upajjhāyena hutvā upasampādananti dve aṅgāni.
ஊனவீஸதிவஸ்ஸஸிக்கா²பத³வண்ணனா நிட்டி²தா.
Ūnavīsativassasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 5. ஊனவீஸதிவஸ்ஸஸிக்கா²பத³வண்ணனா • 5. Ūnavīsativassasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. ஊனவீஸதிவஸ்ஸஸிக்கா²பத³ங் • 5. Ūnavīsativassasikkhāpadaṃ
