| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৫. ঊনৰীসতিৰস্সসিক্খাপদৰণ্ণনা
5. Ūnavīsativassasikkhāpadavaṇṇanā
৪০৪. পুনপ্পুনং উপ্পজ্জনতো বহুধা। হাযনৰড্ঢনন্তি মাতুকুচ্ছিস্মিং চে দ্ৰাদসন্নং মাসানং ঊনতায হাযনং কতং। পসূতস্স ৰড্ঢনং কাতব্বং। মাতুকুচ্ছিস্মিং চে ৰড্ঢনং কতং। পসূতস্স হাযনং কাতব্বং। নিক্খমনীযপুণ্ণমাসী নাম সাৰণমাসস্স পুণ্ণমাসী। ‘‘পাটিপদদিৰসেতি দুতিযে উপগচ্ছতি দিৰসে’’তি লিখিতং। সো হি পসূতদিৰসতো পট্ঠায পরিপুণ্ণৰীসতিৰস্সো হোতি। অৰসেসানং দ্ৰিন্নং ৰস্সানং অধিকদিৰসানি হোন্তেৰ, তস্মা নিক্কঙ্খা হুত্ৰা উপসম্পাদেন্তি। তং সন্ধাযাতি গব্ভৰস্সঞ্চ পৰারেত্ৰা লদ্ধৰস্সঞ্চ অগণেত্ৰা জাতদিৰসতো পট্ঠায গণেত্ৰা একূনৰীসতিৰস্সং। একূনৰীসতিৰস্সোতি ‘‘গব্ভৰস্সং এৰ পহাযা’’তি লিখিতং, তং দুল্লিখিতং।
404. Punappunaṃ uppajjanato bahudhā. Hāyanavaḍḍhananti mātukucchismiṃ ce dvādasannaṃ māsānaṃ ūnatāya hāyanaṃ kataṃ. Pasūtassa vaḍḍhanaṃ kātabbaṃ. Mātukucchismiṃ ce vaḍḍhanaṃ kataṃ. Pasūtassa hāyanaṃ kātabbaṃ. Nikkhamanīyapuṇṇamāsī nāma sāvaṇamāsassa puṇṇamāsī. ‘‘Pāṭipadadivaseti dutiye upagacchati divase’’ti likhitaṃ. So hi pasūtadivasato paṭṭhāya paripuṇṇavīsativasso hoti. Avasesānaṃ dvinnaṃ vassānaṃ adhikadivasāni honteva, tasmā nikkaṅkhā hutvā upasampādenti. Taṃ sandhāyāti gabbhavassañca pavāretvā laddhavassañca agaṇetvā jātadivasato paṭṭhāya gaṇetvā ekūnavīsativassaṃ. Ekūnavīsativassoti ‘‘gabbhavassaṃ eva pahāyā’’ti likhitaṃ, taṃ dullikhitaṃ.
৪০৬. অঞ্ঞং উপসম্পাদেতীতি উপজ্ঝাযো ৰা আচরিযো ৰা হুত্ৰা উপসম্পাদেতি। ‘‘ওপপাতিকস্স সোল়সৰস্সুদ্দেসিকভাৰতো পুন চত্তারো ৰস্সে অতিক্কমিত্ৰা উপসম্পদা কাতব্বা’’তি আচরিযা ৰদন্তীতি কেচি।
406.Aññaṃ upasampādetīti upajjhāyo vā ācariyo vā hutvā upasampādeti. ‘‘Opapātikassa soḷasavassuddesikabhāvato puna cattāro vasse atikkamitvā upasampadā kātabbā’’ti ācariyā vadantīti keci.
ঊনৰীসতিৰস্সসিক্খাপদৰণ্ণনা নিট্ঠিতা।
Ūnavīsativassasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৭. সপ্পাণকৰগ্গো • 7. Sappāṇakavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৫. ঊনৰীসতিৰস্সসিক্খাপদৰণ্ণনা • 5. Ūnavīsativassasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৫. ঊনৰীসতিৰস্সসিক্খাপদৰণ্ণনা • 5. Ūnavīsativassasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৫. ঊনৰীসতিৰস্সসিক্খাপদৰণ্ণনা • 5. Ūnavīsativassasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৫. ঊনৰীসতিৰস্সসিক্খাপদং • 5. Ūnavīsativassasikkhāpadaṃ
