| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
5. уунавийсад̇ивассасигкаабад̣̇аван̣н̣анаа
5. Ūnavīsativassasikkhāpadavaṇṇanā
402. бан̃жамз руубасуд̇д̇анд̇и хзран̃н̃игаанам̣ суд̇д̇ам̣. д̣̇уруд̇д̇аананд̇и аггосавасзна д̣̇уруд̇д̇аанам̣, д̣̇уруд̇д̇ад̇д̇ааязва д̣̇урааг̇ад̇аанам̣. важанабат̇аананд̇и зд̇т̇а важанамзва д̇ад̣̇ад̇т̇ам̣ н̃аад̇угаамаанам̣ н̃аабзд̇угаамаанан̃жа бат̇од̇и важанабат̇о. д̣̇угкамаананд̇и д̣̇угкзна камид̇аб̣б̣аанам̣.
402. Pañcame rūpasuttanti heraññikānaṃ suttaṃ. Duruttānanti akkosavasena duruttānaṃ, duruttattāyeva durāgatānaṃ. Vacanapathānanti ettha vacanameva tadatthaṃ ñātukāmānaṃ ñāpetukāmānañca pathoti vacanapatho. Dukkhamānanti dukkhena khamitabbānaṃ.
404. г̇аб̣бхз саяид̇агаалзна сад̣̇д̇хим̣ вийсад̇имам̣ вассам̣ ассаад̇и г̇аб̣бхавийсо. хааяанавад̣дхананд̇и г̇аб̣бхамаасзсу ад̇хигзсу уд̇д̇арихааяанам̣, уунзсу вад̣дхананд̇и взд̣̇ид̇аб̣б̣ам̣. згуунавийсад̇ивассанд̇и д̣̇ваад̣̇асамаасз маад̇угужчисмим̣ васид̇ваа махаабавааран̣ааяа ж̇аад̇агаалад̇о бадтааяа згуунавийсад̇ивассам̣. баадибад̣̇ад̣̇ивасзд̇и бажчимигааяа вассуубаг̇аманад̣̇ивасз. ‘‘д̇им̣сарад̇д̇ид̣̇иво маасо’’д̇и (а. ни. 3.71; 8.43; вибха. 1023) важанад̇о ‘‘жад̇д̇ааро маасаа барихааяанд̇ий’’д̇и вуд̇д̇ам̣. вассам̣ уггад̣дханд̇ийд̇и вассам̣ уд̣̇д̇хам̣ гад̣дханд̇и, д̇ад̇ияз сам̣важчарз згамаасам̣ ад̇хигамаасавасзна барижжаж̇анд̇аа вассам̣ уд̣̇д̇хам̣ гад̣дханд̇ийд̇и ад̇т̇о, д̇асмаа д̇ад̇ияо сам̣важчаро д̇зрасамаасиго ход̇и, сам̣важчарасса бана д̣̇ваад̣̇асамаасигад̇д̇аа адтаарасасу вассзсу ад̇хигамаасз висум̣ г̇ахзд̇ваа ‘‘ча маасаа вад̣дханд̇ий’’д̇и вуд̇д̇ам̣. д̇ад̇од̇и чамаасад̇о. нигган̇каа худ̇ваад̇и ад̇хигамаасзхи сад̣̇д̇хим̣ барибун̣н̣авийсад̇ивассад̇д̇аа ниб̣б̣змад̇игаа худ̇ваа. яам̣ бана вуд̇д̇ам̣ д̇ийсу г̇ан̣тибад̣̇зсу ‘‘адтаарасаннам̣язва вассаанам̣ ад̇хигамаасз г̇ахзд̇ваа г̇ан̣ид̇ад̇д̇аа сзсавассад̣̇ваяассаби ад̇хигаани д̣̇ивасаани хонд̇зва, д̇аани ад̇хигад̣̇ивасаани санд̇хааяа ‘нигган̇каа худ̇ваа’д̇и вуд̇д̇а’’нд̇и, д̇ам̣ на г̇ахзд̇аб̣б̣ам̣. на хи д̣̇вийсу вассзсу ад̇хигад̣̇ивасаани наама висум̣ убалаб̣бханд̇и д̇ад̇ияз вассз вассуггад̣дханавасзна ад̇хигамаасз барижжад̇д̇зязва ад̇ирзгамаасасамбхавад̇о. д̇асмаа д̣̇вийсу вассзсу ад̇ирзгад̣̇ивасаани наама висум̣ на самбхаванд̇и.
404. Gabbhe sayitakālena saddhiṃ vīsatimaṃ vassaṃ assāti gabbhavīso. Hāyanavaḍḍhananti gabbhamāsesu adhikesu uttarihāyanaṃ, ūnesu vaḍḍhananti veditabbaṃ. Ekūnavīsativassanti dvādasamāse mātukucchismiṃ vasitvā mahāpavāraṇāya jātakālato paṭṭhāya ekūnavīsativassaṃ. Pāṭipadadivaseti pacchimikāya vassūpagamanadivase. ‘‘Tiṃsarattidivo māso’’ti (a. ni. 3.71; 8.43; vibha. 1023) vacanato ‘‘cattāro māsā parihāyantī’’ti vuttaṃ. Vassaṃ ukkaḍḍhantīti vassaṃ uddhaṃ kaḍḍhanti, tatiye saṃvacchare ekamāsaṃ adhikamāsavasena pariccajantā vassaṃ uddhaṃ kaḍḍhantīti attho, tasmā tatiyo saṃvaccharo terasamāsiko hoti, saṃvaccharassa pana dvādasamāsikattā aṭṭhārasasu vassesu adhikamāse visuṃ gahetvā ‘‘cha māsā vaḍḍhantī’’ti vuttaṃ. Tatoti chamāsato. Nikkaṅkhā hutvāti adhikamāsehi saddhiṃ paripuṇṇavīsativassattā nibbematikā hutvā. Yaṃ pana vuttaṃ tīsu gaṇṭhipadesu ‘‘aṭṭhārasannaṃyeva vassānaṃ adhikamāse gahetvā gaṇitattā sesavassadvayassapi adhikāni divasāni honteva, tāni adhikadivasāni sandhāya ‘nikkaṅkhā hutvā’ti vutta’’nti, taṃ na gahetabbaṃ. Na hi dvīsu vassesu adhikadivasāni nāma visuṃ upalabbhanti tatiye vasse vassukkaḍḍhanavasena adhikamāse pariccatteyeva atirekamāsasambhavato. Tasmā dvīsu vassesu atirekadivasāni nāma visuṃ na sambhavanti.
нану жа ‘‘д̇з д̣̇вз маасз г̇ахзд̇ваа вийсад̇ивассаани барибун̣н̣аани хонд̇ий’’д̇и гасмаа вуд̇д̇ам̣, згуунавийсад̇ивассамхи буна абарасмим̣ вассз багкид̇д̇з вийсад̇ивассаани барибун̣н̣аани хонд̇ийд̇и ааха ‘‘зд̇т̇а бана…бз… вуд̇д̇а’’нд̇и. анзгад̇т̇ад̇д̇аа нибаад̇аанам̣ бана-сад̣̇д̣̇о хи-сад̣̇д̣̇ад̇т̇з, зд̇т̇а хийд̇и вуд̇д̇ам̣ ход̇и. ид̣̇ан̃хи вуд̇д̇ассзвад̇т̇асса самад̇т̇анавасзна вуд̇д̇ам̣. иминаа жа имам̣ д̣̇ийбзд̇и ‘‘яам̣ вуд̇д̇ам̣ ‘згуунавийсад̇ивассам̣ сааман̣зрам̣ нигкаманийяабун̣н̣амаасим̣ ад̇иггамма баадибад̣̇ад̣̇ивасз убасамбаад̣̇знд̇ий’д̇и, д̇ад̇т̇а г̇аб̣бхамаасзби аг̇г̇ахзд̇ваа д̣̇вийхи маасзхи абарибун̣н̣авийсад̇ивассам̣ санд̇хааяа ‘згуунавийсад̇ивасса’нд̇и вуд̇д̇ам̣, д̇асмаа ад̇хигамаасзсу д̣̇вийсу г̇ахид̇зсу вийсад̇ивассаани барибун̣н̣аани наама хонд̇ий’’д̇и. д̇асмаад̇и яасмаа г̇аб̣бхамаасааби г̇ан̣ануубаг̇аа хонд̇и, д̇асмаа. згавийсад̇ивассо ход̇ийд̇и ж̇аад̇ад̣̇ивасад̇о бадтааяа вийсад̇ивассо самаано г̇аб̣бхамаасзхи сад̣̇д̇хим̣ згавийсад̇ивассо ход̇и.
Nanu ca ‘‘te dve māse gahetvā vīsativassāni paripuṇṇāni hontī’’ti kasmā vuttaṃ, ekūnavīsativassamhi puna aparasmiṃ vasse pakkhitte vīsativassāni paripuṇṇāni hontīti āha ‘‘ettha pana…pe… vutta’’nti. Anekatthattā nipātānaṃ pana-saddo hi-saddatthe, ettha hīti vuttaṃ hoti. Idañhi vuttassevatthassa samatthanavasena vuttaṃ. Iminā ca imaṃ dīpeti ‘‘yaṃ vuttaṃ ‘ekūnavīsativassaṃ sāmaṇeraṃ nikkhamanīyapuṇṇamāsiṃ atikkamma pāṭipadadivase upasampādentī’ti, tattha gabbhamāsepi aggahetvā dvīhi māsehi aparipuṇṇavīsativassaṃ sandhāya ‘ekūnavīsativassa’nti vuttaṃ, tasmā adhikamāsesu dvīsu gahitesu vīsativassāni paripuṇṇāni nāma hontī’’ti. Tasmāti yasmā gabbhamāsāpi gaṇanūpagā honti, tasmā. Ekavīsativasso hotīti jātadivasato paṭṭhāya vīsativasso samāno gabbhamāsehi saddhiṃ ekavīsativasso hoti.
406. ан̃н̃ам̣ убасамбаад̣̇зд̇ийд̇и убаж̇жхааяо гаммаваажаажарияо ваа худ̇ваа убасамбаад̣̇зд̇и. сзсамзд̇т̇а уд̇д̇аанамзва. уунавийсад̇ивассад̇аа, уунагасан̃н̃ид̇аа, убасамбаад̣̇ананд̇и имаани банзд̇т̇а д̇ийн̣и ан̇г̇аани.
406.Aññaṃupasampādetīti upajjhāyo kammavācācariyo vā hutvā upasampādeti. Sesamettha uttānameva. Ūnavīsativassatā, ūnakasaññitā, upasampādananti imāni panettha tīṇi aṅgāni.
уунавийсад̇ивассасигкаабад̣̇аван̣н̣анаа нидтид̇аа.
Ūnavīsativassasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. уунавийсад̇ивассасигкаабад̣̇ам̣ • 5. Ūnavīsativassasikkhāpadaṃ
