| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
5. уунавийсад̇ивассасигкаабад̣̇аван̣н̣анаа
5. Ūnavīsativassasikkhāpadavaṇṇanā
402. бан̃жамз руубасиббанд̇и хзран̃н̃игасиббам̣. г̇аб̣бхз саяид̇агаалзна сад̣̇д̇хим̣ вийсад̇имам̣ вассам̣ барибун̣н̣амассаад̇и г̇аб̣бхавийсо.
402. Pañcame rūpasippanti heraññikasippaṃ. Gabbhe sayitakālena saddhiṃ vīsatimaṃ vassaṃ paripuṇṇamassāti gabbhavīso.
404. нигкаманийяабун̣н̣амаасийд̇и сааван̣амаасасса бун̣н̣амияаа аасаал̣хийбун̣н̣амияаа ананд̇арабун̣н̣амий. баадибад̣̇ад̣̇ивасзд̇и бажчимигааяа вассуубанааяигааяа. д̣̇ваад̣̇аса маасз маад̇у гужчисмим̣ васид̇ваа махаабавааран̣ааяа ж̇аад̇ам̣ убасамбаад̣̇знд̇ийд̇и ад̇т̇о. ‘‘д̇им̣са рад̇д̇инд̣̇иво маасо, д̣̇ваад̣̇асамаасиго сам̣важчаро’’д̇и (а. ни. 3.71; 8.43; вибха. 1023) важанад̇о ‘‘жад̇д̇ааро маасаа барихааяанд̇ий’’д̇и вуд̇д̇ам̣. вассам̣ уггад̣дханд̇ийд̇и вассам̣ уд̣̇д̇хам̣ гад̣дханд̇и, ‘‘згамаасам̣ ад̇хигамаасо’’д̇и чад̣д̣зд̇ваа вассам̣ убаг̇ажчанд̇ийд̇и ад̇т̇о. д̇асмаа д̇ад̇ияо д̇ад̇ияо сам̣важчаро д̇зрасамаасиго ход̇и. д̇з д̣̇вз маасз г̇ахзд̇ваад̇и нигкаманийяабун̣н̣амаасад̇о яаава ж̇аад̇ад̣̇ивасабхууд̇аа махаабавааран̣аа. д̇аава яз д̣̇вз маасаа анааг̇ад̇аа, д̇зсам̣ ад̇т̇ааяа ад̇хигамаасад̇о лад̣̇д̇хз д̣̇вз маасз г̇ахзд̇ваа. д̇знааха ‘‘яо баваарзд̇ваа вийсад̇ивассо бхависсад̇ий’’д̇иаад̣̇и. ‘‘нигган̇каа худ̇ваа’’д̇и ид̣̇ам̣ адтаарасаннам̣ вассаанам̣ згаад̇хигамаасз г̇ахзд̇ваа д̇ад̇о вийсад̇ияаа вассзсуби жаад̇уд̣̇д̣̇асийад̇т̇ааяа жад̇уннам̣ маасаанам̣ барихаабанзна саб̣б̣ад̣̇аа барибун̣н̣авийсад̇ивассад̇ам̣ санд̇хааяа вуд̇д̇ам̣. баваарзд̇ваа вийсад̇ивассо бхависсад̇ийд̇и махаабавааран̣аад̣̇ивасз ад̇игганд̇з г̇аб̣бхавассзна саха вийсад̇ивассо бхависсад̇ийд̇и ад̇т̇о. д̇асмаад̇и яасмаа г̇аб̣бхамаасааби г̇ан̣ануубаг̇аа хонд̇и, д̇асмаа. згавийсад̇ивассод̇и ж̇аад̇ияаа вийсад̇ивассам̣ санд̇хааяа вуд̇д̇ам̣.
404.Nikkhamanīyapuṇṇamāsīti sāvaṇamāsassa puṇṇamiyā āsāḷhīpuṇṇamiyā anantarapuṇṇamī. Pāṭipadadivaseti pacchimikāya vassūpanāyikāya. Dvādasa māse mātu kucchismiṃ vasitvā mahāpavāraṇāya jātaṃ upasampādentīti attho. ‘‘Tiṃsa rattindivo māso, dvādasamāsiko saṃvaccharo’’ti (a. ni. 3.71; 8.43; vibha. 1023) vacanato ‘‘cattāro māsā parihāyantī’’ti vuttaṃ. Vassaṃ ukkaḍḍhantīti vassaṃ uddhaṃ kaḍḍhanti, ‘‘ekamāsaṃ adhikamāso’’ti chaḍḍetvā vassaṃ upagacchantīti attho. Tasmā tatiyo tatiyo saṃvaccharo terasamāsiko hoti. Te dve māse gahetvāti nikkhamanīyapuṇṇamāsato yāva jātadivasabhūtā mahāpavāraṇā. Tāva ye dve māsā anāgatā, tesaṃ atthāya adhikamāsato laddhe dve māse gahetvā. Tenāha ‘‘yo pavāretvā vīsativasso bhavissatī’’tiādi. ‘‘Nikkaṅkhā hutvā’’ti idaṃ aṭṭhārasannaṃ vassānaṃ ekaadhikamāse gahetvā tato vīsatiyā vassesupi cātuddasīatthāya catunnaṃ māsānaṃ parihāpanena sabbadā paripuṇṇavīsativassataṃ sandhāya vuttaṃ. Pavāretvā vīsativasso bhavissatīti mahāpavāraṇādivase atikkante gabbhavassena saha vīsativasso bhavissatīti attho. Tasmāti yasmā gabbhamāsāpi gaṇanūpagā honti, tasmā. Ekavīsativassoti jātiyā vīsativassaṃ sandhāya vuttaṃ.
406. ан̃н̃ам̣ убасамбаад̣̇зд̇ийд̇и убаж̇жхааяо, аажарияо ваа худ̇ваа убасамбаад̣̇зд̇и. собийд̇и убасамбаад̣̇знд̇оби анубасамбанно. уунавийсад̇ивассад̇аа, д̇ам̣ н̃ад̇ваа убаж̇жхааязна худ̇ваа убасамбаад̣̇ананд̇и д̣̇вз ан̇г̇аани.
406.Aññaṃ upasampādetīti upajjhāyo, ācariyo vā hutvā upasampādeti. Sopīti upasampādentopi anupasampanno. Ūnavīsativassatā, taṃ ñatvā upajjhāyena hutvā upasampādananti dve aṅgāni.
уунавийсад̇ивассасигкаабад̣̇аван̣н̣анаа нидтид̇аа.
Ūnavīsativassasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. уунавийсад̇ивассасигкаабад̣̇ам̣ • 5. Ūnavīsativassasikkhāpadaṃ
