| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๕. อูนวีสติวสฺสสิกฺขาปทวณฺณนา
5. Ūnavīsativassasikkhāpadavaṇṇanā
คพฺภวีโสปิ หิ ‘‘ปริปุณฺณวีโส’’ เตฺวว สงฺขํ คจฺฉตีติ อาห ‘‘ปฎิสนฺธิคฺคหณโต ปฎฺฐายา’’ติอาทิฯ ตตฺถ ปฎิสนฺธิคฺคหณโต ปฎฺฐายาติ ยํ มาตุกุจฺฉิสฺมิํ ปฐมํ จิตฺตํ อุปฺปนฺนํ ปฐมํ วิญฺญาณํ ปาตุภูตํ, ตํ อาทิํ กตฺวาฯ โสติ โย ปุคฺคโล อูนวีสติวโสฺส อุปสมฺปาทิโต, โส ปุคฺคโลฯ อญฺญํ อุปสมฺปาเทตีติ อุปชฺฌาโย วา กมฺมวาจาจริโย วา หุตฺวา อญฺญํ ปุคฺคลํ อุปสมฺปาเทติฯ ตนฺติ อูนวีสติวสฺสํ ปุคฺคลํฯ สีมํ วา สมฺมนฺนตีติ นวํ สีมํ พนฺธติฯ
Gabbhavīsopi hi ‘‘paripuṇṇavīso’’ tveva saṅkhaṃ gacchatīti āha ‘‘paṭisandhiggahaṇato paṭṭhāyā’’tiādi. Tattha paṭisandhiggahaṇato paṭṭhāyāti yaṃ mātukucchismiṃ paṭhamaṃ cittaṃ uppannaṃ paṭhamaṃ viññāṇaṃ pātubhūtaṃ, taṃ ādiṃ katvā. Soti yo puggalo ūnavīsativasso upasampādito, so puggalo. Aññaṃ upasampādetīti upajjhāyo vā kammavācācariyo vā hutvā aññaṃ puggalaṃ upasampādeti. Tanti ūnavīsativassaṃ puggalaṃ. Sīmaṃ vā sammannatīti navaṃ sīmaṃ bandhati.
อูนวีสติวสฺสสิกฺขาปทวณฺณนา นิฎฺฐิตาฯ
Ūnavīsativassasikkhāpadavaṇṇanā niṭṭhitā.
