| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၅. ဦနဝီသတိဝသ္သသိက္ခာပဒဝဏ္ဏနာ
5. Ūnavīsativassasikkhāpadavaṇṇanā
၄၀၄. ပုနပ္ပုနံ ဥပ္ပဇ္ဇနတော ဗဟုဓာ။ ဟာယနဝဍ္ဎနန္တိ မာတုကုစ္ဆိသ္မိံ စေ ဒ္ဝာဒသန္နံ မာသာနံ ဦနတာယ ဟာယနံ ကတံ။ ပသူတသ္သ ဝဍ္ဎနံ ကာတဗ္ဗံ။ မာတုကုစ္ဆိသ္မိံ စေ ဝဍ္ဎနံ ကတံ။ ပသူတသ္သ ဟာယနံ ကာတဗ္ဗံ။ နိက္ခမနီယပုဏ္ဏမာသီ နာမ သာဝဏမာသသ္သ ပုဏ္ဏမာသီ။ ‘‘ပာဋိပဒဒိဝသေတိ ဒုတိယေ ဥပဂစ္ဆတိ ဒိဝသေ’’တိ လိခိတံ။ သော ဟိ ပသူတဒိဝသတော ပဋ္ဌာယ ပရိပုဏ္ဏဝီသတိဝသ္သော ဟောတိ။ အဝသေသာနံ ဒ္ဝိန္နံ ဝသ္သာနံ အဓိကဒိဝသာနိ ဟောန္တေဝ, တသ္မာ နိက္ကင္ခာ ဟုတ္ဝာ ဥပသမ္ပာဒေန္တိ။ တံ သန္ဓာယာတိ ဂဗ္ဘဝသ္သဉ္စ ပဝာရေတ္ဝာ လဒ္ဓဝသ္သဉ္စ အဂဏေတ္ဝာ ဇာတဒိဝသတော ပဋ္ဌာယ ဂဏေတ္ဝာ ဧကူနဝီသတိဝသ္သံ။ ဧကူနဝီသတိဝသ္သောတိ ‘‘ဂဗ္ဘဝသ္သံ ဧဝ ပဟာယာ’’တိ လိခိတံ, တံ ဒုလ္လိခိတံ။
404. Punappunaṃ uppajjanato bahudhā. Hāyanavaḍḍhananti mātukucchismiṃ ce dvādasannaṃ māsānaṃ ūnatāya hāyanaṃ kataṃ. Pasūtassa vaḍḍhanaṃ kātabbaṃ. Mātukucchismiṃ ce vaḍḍhanaṃ kataṃ. Pasūtassa hāyanaṃ kātabbaṃ. Nikkhamanīyapuṇṇamāsī nāma sāvaṇamāsassa puṇṇamāsī. ‘‘Pāṭipadadivaseti dutiye upagacchati divase’’ti likhitaṃ. So hi pasūtadivasato paṭṭhāya paripuṇṇavīsativasso hoti. Avasesānaṃ dvinnaṃ vassānaṃ adhikadivasāni honteva, tasmā nikkaṅkhā hutvā upasampādenti. Taṃ sandhāyāti gabbhavassañca pavāretvā laddhavassañca agaṇetvā jātadivasato paṭṭhāya gaṇetvā ekūnavīsativassaṃ. Ekūnavīsativassoti ‘‘gabbhavassaṃ eva pahāyā’’ti likhitaṃ, taṃ dullikhitaṃ.
၄၀၆. အညံ ဥပသမ္ပာဒေတီတိ ဥပဇ္ဈာယော ဝာ အာစရိယော ဝာ ဟုတ္ဝာ ဥပသမ္ပာဒေတိ။ ‘‘ဩပပာတိကသ္သ သောဠသဝသ္သုဒ္ဒေသိကဘာဝတော ပုန စတ္တာရော ဝသ္သေ အတိက္ကမိတ္ဝာ ဥပသမ္ပဒာ ကာတဗ္ဗာ’’တိ အာစရိယာ ဝဒန္တီတိ ကေစိ။
406.Aññaṃ upasampādetīti upajjhāyo vā ācariyo vā hutvā upasampādeti. ‘‘Opapātikassa soḷasavassuddesikabhāvato puna cattāro vasse atikkamitvā upasampadā kātabbā’’ti ācariyā vadantīti keci.
ဦနဝီသတိဝသ္သသိက္ခာပဒဝဏ္ဏနာ နိဋ္ဌိတာ။
Ūnavīsativassasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၇. သပ္ပာဏကဝဂ္ဂော • 7. Sappāṇakavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၅. ဦနဝီသတိဝသ္သသိက္ခာပဒဝဏ္ဏနာ • 5. Ūnavīsativassasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. ဦနဝီသတိဝသ္သသိက္ခာပဒဝဏ္ဏနာ • 5. Ūnavīsativassasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၅. ဦနဝီသတိဝသ္သသိက္ခာပဒဝဏ္ဏနာ • 5. Ūnavīsativassasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅. ဦနဝီသတိဝသ္သသိက္ခာပဒံ • 5. Ūnavīsativassasikkhāpadaṃ
