| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༥. ཨཱུནཝཱིསཏིཝསྶསིཀྑཱཔདཝཎྞནཱ
5. Ūnavīsativassasikkhāpadavaṇṇanā
༤༠༤. པུནཔྤུནཾ ཨུཔྤཛྫནཏོ བཧུདྷཱ། ཧཱཡནཝཌྜྷནནྟི མཱཏུཀུཙྪིསྨིཾ ཙེ དྭཱདསནྣཾ མཱསཱནཾ ཨཱུནཏཱཡ ཧཱཡནཾ ཀཏཾ། པསཱུཏསྶ ཝཌྜྷནཾ ཀཱཏབྦཾ། མཱཏུཀུཙྪིསྨིཾ ཙེ ཝཌྜྷནཾ ཀཏཾ། པསཱུཏསྶ ཧཱཡནཾ ཀཱཏབྦཾ། ནིཀྑམནཱིཡཔུཎྞམཱསཱི ནཱམ སཱཝཎམཱསསྶ པུཎྞམཱསཱི། ‘‘པཱཊིཔདདིཝསེཏི དུཏིཡེ ཨུཔགཙྪཏི དིཝསེ’’ཏི ལིཁིཏཾ། སོ ཧི པསཱུཏདིཝསཏོ པཊྛཱཡ པརིཔུཎྞཝཱིསཏིཝསྶོ ཧོཏི། ཨཝསེསཱནཾ དྭིནྣཾ ཝསྶཱནཾ ཨདྷིཀདིཝསཱནི ཧོནྟེཝ, ཏསྨཱ ནིཀྐངྑཱ ཧུཏྭཱ ཨུཔསམྤཱདེནྟི། ཏཾ སནྡྷཱཡཱཏི གབྦྷཝསྶཉྩ པཝཱརེཏྭཱ ལདྡྷཝསྶཉྩ ཨགཎེཏྭཱ ཛཱཏདིཝསཏོ པཊྛཱཡ གཎེཏྭཱ ཨེཀཱུནཝཱིསཏིཝསྶཾ། ཨེཀཱུནཝཱིསཏིཝསྶོཏི ‘‘གབྦྷཝསྶཾ ཨེཝ པཧཱཡཱ’’ཏི ལིཁིཏཾ, ཏཾ དུལླིཁིཏཾ།
404. Punappunaṃ uppajjanato bahudhā. Hāyanavaḍḍhananti mātukucchismiṃ ce dvādasannaṃ māsānaṃ ūnatāya hāyanaṃ kataṃ. Pasūtassa vaḍḍhanaṃ kātabbaṃ. Mātukucchismiṃ ce vaḍḍhanaṃ kataṃ. Pasūtassa hāyanaṃ kātabbaṃ. Nikkhamanīyapuṇṇamāsī nāma sāvaṇamāsassa puṇṇamāsī. ‘‘Pāṭipadadivaseti dutiye upagacchati divase’’ti likhitaṃ. So hi pasūtadivasato paṭṭhāya paripuṇṇavīsativasso hoti. Avasesānaṃ dvinnaṃ vassānaṃ adhikadivasāni honteva, tasmā nikkaṅkhā hutvā upasampādenti. Taṃ sandhāyāti gabbhavassañca pavāretvā laddhavassañca agaṇetvā jātadivasato paṭṭhāya gaṇetvā ekūnavīsativassaṃ. Ekūnavīsativassoti ‘‘gabbhavassaṃ eva pahāyā’’ti likhitaṃ, taṃ dullikhitaṃ.
༤༠༦. ཨཉྙཾ ཨུཔསམྤཱདེཏཱིཏི ཨུཔཛ྄ཛྷཱཡོ ཝཱ ཨཱཙརིཡོ ཝཱ ཧུཏྭཱ ཨུཔསམྤཱདེཏི། ‘‘ཨོཔཔཱཏིཀསྶ སོལ༹སཝསྶུདྡེསིཀབྷཱཝཏོ པུན ཙཏྟཱརོ ཝསྶེ ཨཏིཀྐམིཏྭཱ ཨུཔསམྤདཱ ཀཱཏབྦཱ’’ཏི ཨཱཙརིཡཱ ཝདནྟཱིཏི ཀེཙི།
406.Aññaṃ upasampādetīti upajjhāyo vā ācariyo vā hutvā upasampādeti. ‘‘Opapātikassa soḷasavassuddesikabhāvato puna cattāro vasse atikkamitvā upasampadā kātabbā’’ti ācariyā vadantīti keci.
ཨཱུནཝཱིསཏིཝསྶསིཀྑཱཔདཝཎྞནཱ ནིཊྛིཏཱ།
Ūnavīsativassasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༧. སཔྤཱཎཀཝགྒོ • 7. Sappāṇakavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༥. ཨཱུནཝཱིསཏིཝསྶསིཀྑཱཔདཝཎྞནཱ • 5. Ūnavīsativassasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༥. ཨཱུནཝཱིསཏིཝསྶསིཀྑཱཔདཝཎྞནཱ • 5. Ūnavīsativassasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༥. ཨཱུནཝཱིསཏིཝསྶསིཀྑཱཔདཝཎྞནཱ • 5. Ūnavīsativassasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥. ཨཱུནཝཱིསཏིཝསྶསིཀྑཱཔདཾ • 5. Ūnavīsativassasikkhāpadaṃ
