| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੫. ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ
5. Ūnavīsativassasikkhāpadavaṇṇanā
ਗਬ੍ਭવੀਸੋਪਿ ਹਿ ‘‘ਪਰਿਪੁਣ੍ਣવੀਸੋ’’ ਤ੍વੇવ ਸਙ੍ਖਂ ਗਚ੍ਛਤੀਤਿ ਆਹ ‘‘ਪਟਿਸਨ੍ਧਿਗ੍ਗਹਣਤੋ ਪਟ੍ਠਾਯਾ’’ਤਿਆਦਿ। ਤਤ੍ਥ ਪਟਿਸਨ੍ਧਿਗ੍ਗਹਣਤੋ ਪਟ੍ਠਾਯਾਤਿ ਯਂ ਮਾਤੁਕੁਚ੍ਛਿਸ੍ਮਿਂ ਪਠਮਂ ਚਿਤ੍ਤਂ ਉਪ੍ਪਨ੍ਨਂ ਪਠਮਂ વਿਞ੍ਞਾਣਂ ਪਾਤੁਭੂਤਂ, ਤਂ ਆਦਿਂ ਕਤ੍વਾ। ਸੋਤਿ ਯੋ ਪੁਗ੍ਗਲੋ ਊਨવੀਸਤਿવਸ੍ਸੋ ਉਪਸਮ੍ਪਾਦਿਤੋ, ਸੋ ਪੁਗ੍ਗਲੋ। ਅਞ੍ਞਂ ਉਪਸਮ੍ਪਾਦੇਤੀਤਿ ਉਪਜ੍ਝਾਯੋ વਾ ਕਮ੍ਮવਾਚਾਚਰਿਯੋ વਾ ਹੁਤ੍વਾ ਅਞ੍ਞਂ ਪੁਗ੍ਗਲਂ ਉਪਸਮ੍ਪਾਦੇਤਿ। ਤਨ੍ਤਿ ਊਨવੀਸਤਿવਸ੍ਸਂ ਪੁਗ੍ਗਲਂ। ਸੀਮਂ વਾ ਸਮ੍ਮਨ੍ਨਤੀਤਿ ਨવਂ ਸੀਮਂ ਬਨ੍ਧਤਿ।
Gabbhavīsopi hi ‘‘paripuṇṇavīso’’ tveva saṅkhaṃ gacchatīti āha ‘‘paṭisandhiggahaṇato paṭṭhāyā’’tiādi. Tattha paṭisandhiggahaṇato paṭṭhāyāti yaṃ mātukucchismiṃ paṭhamaṃ cittaṃ uppannaṃ paṭhamaṃ viññāṇaṃ pātubhūtaṃ, taṃ ādiṃ katvā. Soti yo puggalo ūnavīsativasso upasampādito, so puggalo. Aññaṃ upasampādetīti upajjhāyo vā kammavācācariyo vā hutvā aññaṃ puggalaṃ upasampādeti. Tanti ūnavīsativassaṃ puggalaṃ. Sīmaṃ vā sammannatīti navaṃ sīmaṃ bandhati.
ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ūnavīsativassasikkhāpadavaṇṇanā niṭṭhitā.
