| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੫. ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ
5. Ūnavīsativassasikkhāpadavaṇṇanā
੪੦੨. ਪਞ੍ਚਮੇ ਰੂਪਸਿਪ੍ਪਨ੍ਤਿ ਹੇਰਞ੍ਞਿਕਸਿਪ੍ਪਂ। ਗਬ੍ਭੇ ਸਯਿਤਕਾਲੇਨ ਸਦ੍ਧਿਂ વੀਸਤਿਮਂ વਸ੍ਸਂ ਪਰਿਪੁਣ੍ਣਮਸ੍ਸਾਤਿ ਗਬ੍ਭવੀਸੋ।
402. Pañcame rūpasippanti heraññikasippaṃ. Gabbhe sayitakālena saddhiṃ vīsatimaṃ vassaṃ paripuṇṇamassāti gabbhavīso.
੪੦੪. ਨਿਕ੍ਖਮਨੀਯਪੁਣ੍ਣਮਾਸੀਤਿ ਸਾવਣਮਾਸਸ੍ਸ ਪੁਣ੍ਣਮਿਯਾ ਆਸਾਲ਼੍ਹੀਪੁਣ੍ਣਮਿਯਾ ਅਨਨ੍ਤਰਪੁਣ੍ਣਮੀ। ਪਾਟਿਪਦਦਿવਸੇਤਿ ਪਚ੍ਛਿਮਿਕਾਯ વਸ੍ਸੂਪਨਾਯਿਕਾਯ। ਦ੍વਾਦਸ ਮਾਸੇ ਮਾਤੁ ਕੁਚ੍ਛਿਸ੍ਮਿਂ વਸਿਤ੍વਾ ਮਹਾਪવਾਰਣਾਯ ਜਾਤਂ ਉਪਸਮ੍ਪਾਦੇਨ੍ਤੀਤਿ ਅਤ੍ਥੋ। ‘‘ਤਿਂਸ ਰਤ੍ਤਿਨ੍ਦਿવੋ ਮਾਸੋ, ਦ੍વਾਦਸਮਾਸਿਕੋ ਸਂવਚ੍ਛਰੋ’’ਤਿ (ਅ॰ ਨਿ॰ ੩.੭੧; ੮.੪੩; વਿਭ॰ ੧੦੨੩) વਚਨਤੋ ‘‘ਚਤ੍ਤਾਰੋ ਮਾਸਾ ਪਰਿਹਾਯਨ੍ਤੀ’’ਤਿ વੁਤ੍ਤਂ। વਸ੍ਸਂ ਉਕ੍ਕਡ੍ਢਨ੍ਤੀਤਿ વਸ੍ਸਂ ਉਦ੍ਧਂ ਕਡ੍ਢਨ੍ਤਿ, ‘‘ਏਕਮਾਸਂ ਅਧਿਕਮਾਸੋ’’ਤਿ ਛਡ੍ਡੇਤ੍વਾ વਸ੍ਸਂ ਉਪਗਚ੍ਛਨ੍ਤੀਤਿ ਅਤ੍ਥੋ। ਤਸ੍ਮਾ ਤਤਿਯੋ ਤਤਿਯੋ ਸਂવਚ੍ਛਰੋ ਤੇਰਸਮਾਸਿਕੋ ਹੋਤਿ। ਤੇ ਦ੍વੇ ਮਾਸੇ ਗਹੇਤ੍વਾਤਿ ਨਿਕ੍ਖਮਨੀਯਪੁਣ੍ਣਮਾਸਤੋ ਯਾવ ਜਾਤਦਿવਸਭੂਤਾ ਮਹਾਪવਾਰਣਾ। ਤਾવ ਯੇ ਦ੍વੇ ਮਾਸਾ ਅਨਾਗਤਾ, ਤੇਸਂ ਅਤ੍ਥਾਯ ਅਧਿਕਮਾਸਤੋ ਲਦ੍ਧੇ ਦ੍વੇ ਮਾਸੇ ਗਹੇਤ੍વਾ। ਤੇਨਾਹ ‘‘ਯੋ ਪવਾਰੇਤ੍વਾ વੀਸਤਿવਸ੍ਸੋ ਭવਿਸ੍ਸਤੀ’’ਤਿਆਦਿ। ‘‘ਨਿਕ੍ਕਙ੍ਖਾ ਹੁਤ੍વਾ’’ਤਿ ਇਦਂ ਅਟ੍ਠਾਰਸਨ੍ਨਂ વਸ੍ਸਾਨਂ ਏਕਅਧਿਕਮਾਸੇ ਗਹੇਤ੍વਾ ਤਤੋ વੀਸਤਿਯਾ વਸ੍ਸੇਸੁਪਿ ਚਾਤੁਦ੍ਦਸੀਅਤ੍ਥਾਯ ਚਤੁਨ੍ਨਂ ਮਾਸਾਨਂ ਪਰਿਹਾਪਨੇਨ ਸਬ੍ਬਦਾ ਪਰਿਪੁਣ੍ਣવੀਸਤਿવਸ੍ਸਤਂ ਸਨ੍ਧਾਯ વੁਤ੍ਤਂ। ਪવਾਰੇਤ੍વਾ વੀਸਤਿવਸ੍ਸੋ ਭવਿਸ੍ਸਤੀਤਿ ਮਹਾਪવਾਰਣਾਦਿવਸੇ ਅਤਿਕ੍ਕਨ੍ਤੇ ਗਬ੍ਭવਸ੍ਸੇਨ ਸਹ વੀਸਤਿવਸ੍ਸੋ ਭવਿਸ੍ਸਤੀਤਿ ਅਤ੍ਥੋ। ਤਸ੍ਮਾਤਿ ਯਸ੍ਮਾ ਗਬ੍ਭਮਾਸਾਪਿ ਗਣਨੂਪਗਾ ਹੋਨ੍ਤਿ, ਤਸ੍ਮਾ। ਏਕવੀਸਤਿવਸ੍ਸੋਤਿ ਜਾਤਿਯਾ વੀਸਤਿવਸ੍ਸਂ ਸਨ੍ਧਾਯ વੁਤ੍ਤਂ।
404.Nikkhamanīyapuṇṇamāsīti sāvaṇamāsassa puṇṇamiyā āsāḷhīpuṇṇamiyā anantarapuṇṇamī. Pāṭipadadivaseti pacchimikāya vassūpanāyikāya. Dvādasa māse mātu kucchismiṃ vasitvā mahāpavāraṇāya jātaṃ upasampādentīti attho. ‘‘Tiṃsa rattindivo māso, dvādasamāsiko saṃvaccharo’’ti (a. ni. 3.71; 8.43; vibha. 1023) vacanato ‘‘cattāro māsā parihāyantī’’ti vuttaṃ. Vassaṃ ukkaḍḍhantīti vassaṃ uddhaṃ kaḍḍhanti, ‘‘ekamāsaṃ adhikamāso’’ti chaḍḍetvā vassaṃ upagacchantīti attho. Tasmā tatiyo tatiyo saṃvaccharo terasamāsiko hoti. Te dve māse gahetvāti nikkhamanīyapuṇṇamāsato yāva jātadivasabhūtā mahāpavāraṇā. Tāva ye dve māsā anāgatā, tesaṃ atthāya adhikamāsato laddhe dve māse gahetvā. Tenāha ‘‘yo pavāretvā vīsativasso bhavissatī’’tiādi. ‘‘Nikkaṅkhā hutvā’’ti idaṃ aṭṭhārasannaṃ vassānaṃ ekaadhikamāse gahetvā tato vīsatiyā vassesupi cātuddasīatthāya catunnaṃ māsānaṃ parihāpanena sabbadā paripuṇṇavīsativassataṃ sandhāya vuttaṃ. Pavāretvā vīsativasso bhavissatīti mahāpavāraṇādivase atikkante gabbhavassena saha vīsativasso bhavissatīti attho. Tasmāti yasmā gabbhamāsāpi gaṇanūpagā honti, tasmā. Ekavīsativassoti jātiyā vīsativassaṃ sandhāya vuttaṃ.
੪੦੬. ਅਞ੍ਞਂ ਉਪਸਮ੍ਪਾਦੇਤੀਤਿ ਉਪਜ੍ਝਾਯੋ, ਆਚਰਿਯੋ વਾ ਹੁਤ੍વਾ ਉਪਸਮ੍ਪਾਦੇਤਿ। ਸੋਪੀਤਿ ਉਪਸਮ੍ਪਾਦੇਨ੍ਤੋਪਿ ਅਨੁਪਸਮ੍ਪਨ੍ਨੋ। ਊਨવੀਸਤਿવਸ੍ਸਤਾ, ਤਂ ਞਤ੍વਾ ਉਪਜ੍ਝਾਯੇਨ ਹੁਤ੍વਾ ਉਪਸਮ੍ਪਾਦਨਨ੍ਤਿ ਦ੍વੇ ਅਙ੍ਗਾਨਿ।
406.Aññaṃ upasampādetīti upajjhāyo, ācariyo vā hutvā upasampādeti. Sopīti upasampādentopi anupasampanno. Ūnavīsativassatā, taṃ ñatvā upajjhāyena hutvā upasampādananti dve aṅgāni.
ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ūnavīsativassasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ • 5. Ūnavīsativassasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ • 5. Ūnavīsativassasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ • 5. Ūnavīsativassasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਊਨવੀਸਤਿવਸ੍ਸਸਿਕ੍ਖਾਪਦਂ • 5. Ūnavīsativassasikkhāpadaṃ
