| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៥៤. ឧណ្ហវលាហកសុត្តំ
54. Uṇhavalāhakasuttaṃ
៦០៣. សាវត្ថិនិទានំ ។ ឯកមន្តំ និសិន្នោ ខោ សោ ភិក្ខុ ភគវន្តំ ឯតទវោច – ‘‘កោ នុ ខោ, ភន្តេ, ហេតុ, កោ បច្ចយោ, យេនេកទា ឧណ្ហំ ហោតី’’តិ? ‘‘សន្តិ, ភិក្ខុ, ឧណ្ហវលាហកា នាម ទេវា។ តេសំ យទា ឯវំ ហោតិ – ‘យំនូន មយំ សកាយ រតិយា វសេយ្យាមា’តិ, តេសំ តំ ចេតោបណិធិមន្វាយ ឧណ្ហំ ហោតិ។ អយំ ខោ, ភិក្ខុ, ហេតុ, អយំ បច្ចយោ, យេនេកទា ឧណ្ហំ ហោតី’’តិ។ ចតុបញ្ញាសមំ។
603. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā uṇhaṃ hotī’’ti? ‘‘Santi, bhikkhu, uṇhavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya uṇhaṃ hoti. Ayaṃ kho, bhikkhu, hetu, ayaṃ paccayo, yenekadā uṇhaṃ hotī’’ti. Catupaññāsamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១១. វលាហកសំយុត្តវណ្ណនា • 11. Valāhakasaṃyuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១១. វលាហកសំយុត្តវណ្ណនា • 11. Valāhakasaṃyuttavaṇṇanā
