| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༥༤. ཨུཎྷཝལཱཧཀསུཏྟཾ
54. Uṇhavalāhakasuttaṃ
༦༠༣. སཱཝཏྠིནིདཱནཾ ། ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘ཀོ ནུ ཁོ, བྷནྟེ, ཧེཏུ, ཀོ པཙྩཡོ, ཡེནེཀདཱ ཨུཎྷཾ ཧོཏཱི’’ཏི? ‘‘སནྟི, བྷིཀྑུ, ཨུཎྷཝལཱཧཀཱ ནཱམ དེཝཱ། ཏེསཾ ཡདཱ ཨེཝཾ ཧོཏི – ‘ཡཾནཱུན མཡཾ སཀཱཡ རཏིཡཱ ཝསེཡྻཱམཱ’ཏི, ཏེསཾ ཏཾ ཙེཏོཔཎིདྷིམནྭཱཡ ཨུཎྷཾ ཧོཏི། ཨཡཾ ཁོ, བྷིཀྑུ, ཧེཏུ, ཨཡཾ པཙྩཡོ, ཡེནེཀདཱ ཨུཎྷཾ ཧོཏཱི’’ཏི། ཙཏུཔཉྙཱསམཾ།
603. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā uṇhaṃ hotī’’ti? ‘‘Santi, bhikkhu, uṇhavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya uṇhaṃ hoti. Ayaṃ kho, bhikkhu, hetu, ayaṃ paccayo, yenekadā uṇhaṃ hotī’’ti. Catupaññāsamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༡. ཝལཱཧཀསཾཡུཏྟཝཎྞནཱ • 11. Valāhakasaṃyuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༡. ཝལཱཧཀསཾཡུཏྟཝཎྞནཱ • 11. Valāhakasaṃyuttavaṇṇanā
