| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ун̣н̣аабхаб̣раахман̣асуд̇д̇ам̣
5. Uṇṇābhabrāhmaṇasuttaṃ
827. звам̣ мз суд̇ам̣ – згам̣ самаяам̣ ааяасмаа аананд̣̇о госамб̣ияам̣ вихарад̇и гхосид̇аараамз. ат̇а ко ун̣н̣аабхо б̣раахман̣о язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ун̣н̣аабхо б̣раахман̣о ааяасманд̇ам̣ аананд̣̇ам̣ зд̇ад̣̇авожа – ‘‘гимад̇т̇ияам̣ ну ко, бхо аананд̣̇а, саман̣з г̇од̇амз б̣рахмажарияам̣ вуссад̇ий’’д̇и? ‘‘чанд̣̇аббахаанад̇т̇ам̣ ко, б̣раахман̣а, бхаг̇авад̇и б̣рахмажарияам̣ вуссад̇ий’’д̇и.
827. Evaṃ me sutaṃ – ekaṃ samayaṃ āyasmā ānando kosambiyaṃ viharati ghositārāme. Atha kho uṇṇābho brāhmaṇo yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho uṇṇābho brāhmaṇo āyasmantaṃ ānandaṃ etadavoca – ‘‘kimatthiyaṃ nu kho, bho ānanda, samaṇe gotame brahmacariyaṃ vussatī’’ti? ‘‘Chandappahānatthaṃ kho, brāhmaṇa, bhagavati brahmacariyaṃ vussatī’’ti.
‘‘ад̇т̇и бана, бхо аананд̣̇а, маг̇г̇о ад̇т̇и бадибад̣̇аа зд̇асса чанд̣̇асса бахаанааяаа’’д̇и? ‘‘ад̇т̇и ко, б̣раахман̣а, маг̇г̇о ад̇т̇и бадибад̣̇аа зд̇асса чанд̣̇асса бахаанааяаа’’д̇и.
‘‘Atthi pana, bho ānanda, maggo atthi paṭipadā etassa chandassa pahānāyā’’ti? ‘‘Atthi kho, brāhmaṇa, maggo atthi paṭipadā etassa chandassa pahānāyā’’ti.
‘‘гад̇амо бана, бхо аананд̣̇а, маг̇г̇о гад̇амаа бадибад̣̇аа зд̇асса чанд̣̇асса бахаанааяаа’’д̇и? ‘‘ид̇ха, б̣раахман̣а, бхигку чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хи…бз… жид̇д̇асамаад̇хи…бз… виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и – аяам̣ ко, б̣раахман̣а, маг̇г̇о аяам̣ бадибад̣̇аа зд̇асса чанд̣̇асса бахаанааяаа’’д̇и.
‘‘Katamo pana, bho ānanda, maggo katamā paṭipadā etassa chandassa pahānāyā’’ti? ‘‘Idha, brāhmaṇa, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti – ayaṃ kho, brāhmaṇa, maggo ayaṃ paṭipadā etassa chandassa pahānāyā’’ti.
‘‘звам̣ санд̇з, бхо аананд̣̇а, санд̇агам̣ ход̇и но асанд̇агам̣. чанд̣̇знзва чанд̣̇ам̣ баж̇ахиссад̇ийд̇и – нзд̇ам̣ таанам̣ виж̇ж̇ад̇и’’. ‘‘д̇зна хи, б̣раахман̣а, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа д̇ам̣ б̣яаагарзяяааси. д̇ам̣ гим̣ ман̃н̃аси, б̣раахман̣а, ахоси д̇з буб̣б̣з чанд̣̇о ‘аараамам̣ г̇амиссаамий’д̇и? д̇асса д̇з аараамаг̇ад̇асса яо д̇аж̇ж̇о чанд̣̇о со бадиббассад̣̇д̇хо’’д̇и? ‘‘звам̣ , бхо’’. ‘‘ахоси д̇з буб̣б̣з вийрияам̣ ‘аараамам̣ г̇амиссаамий’д̇и? д̇асса д̇з аараамаг̇ад̇асса яам̣ д̇аж̇ж̇ам̣ вийрияам̣ д̇ам̣ бадиббассад̣̇д̇ха’’нд̇и? ‘‘звам̣, бхо’’. ‘‘ахоси д̇з буб̣б̣з жид̇д̇ам̣ ‘аараамам̣ г̇амиссаамий’д̇и? д̇асса д̇з аараамаг̇ад̇асса яам̣ д̇аж̇ж̇ам̣ жид̇д̇ам̣ д̇ам̣ бадиббассад̣̇д̇ха’’нд̇и? ‘‘звам̣, бхо’’. ‘‘ахоси д̇з буб̣б̣з виймам̣саа ‘аараамам̣ г̇амиссаамий’д̇и? д̇асса д̇з аараамаг̇ад̇асса яаа д̇аж̇ж̇аа виймам̣саа саа бадиббассад̣̇д̇хаа’’д̇и? ‘‘звам̣, бхо’’.
‘‘Evaṃ sante, bho ānanda, santakaṃ hoti no asantakaṃ. Chandeneva chandaṃ pajahissatīti – netaṃ ṭhānaṃ vijjati’’. ‘‘Tena hi, brāhmaṇa, taññevettha paṭipucchissāmi. Yathā te khameyya tathā taṃ byākareyyāsi. Taṃ kiṃ maññasi, brāhmaṇa, ahosi te pubbe chando ‘ārāmaṃ gamissāmī’ti? Tassa te ārāmagatassa yo tajjo chando so paṭippassaddho’’ti? ‘‘Evaṃ , bho’’. ‘‘Ahosi te pubbe vīriyaṃ ‘ārāmaṃ gamissāmī’ti? Tassa te ārāmagatassa yaṃ tajjaṃ vīriyaṃ taṃ paṭippassaddha’’nti? ‘‘Evaṃ, bho’’. ‘‘Ahosi te pubbe cittaṃ ‘ārāmaṃ gamissāmī’ti? Tassa te ārāmagatassa yaṃ tajjaṃ cittaṃ taṃ paṭippassaddha’’nti? ‘‘Evaṃ, bho’’. ‘‘Ahosi te pubbe vīmaṃsā ‘ārāmaṃ gamissāmī’ti? Tassa te ārāmagatassa yā tajjā vīmaṃsā sā paṭippassaddhā’’ti? ‘‘Evaṃ, bho’’.
‘‘звамзва ко, б̣раахман̣а, яо со бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, д̇асса яо буб̣б̣з чанд̣̇о ахоси арахад̇д̇аббад̇д̇ияаа, арахад̇д̇аббад̇д̇з 1 яо д̇аж̇ж̇о чанд̣̇о со бадиббассад̣̇д̇хо; яам̣ буб̣б̣з вийрияам̣ ахоси арахад̇д̇аббад̇д̇ияаа, арахад̇д̇аббад̇д̇з яам̣ д̇аж̇ж̇ам̣ вийрияам̣ д̇ам̣ бадиббассад̣̇д̇хам̣; яам̣ буб̣б̣з жид̇д̇ам̣ ахоси арахад̇д̇аббад̇д̇ияаа, арахад̇д̇аббад̇д̇з яам̣ д̇аж̇ж̇ам̣ жид̇д̇ам̣ д̇ам̣ бадиббассад̣̇д̇хам̣; яаа буб̣б̣з виймам̣саа ахоси арахад̇д̇аббад̇д̇ияаа, арахад̇д̇аббад̇д̇з яаа д̇аж̇ж̇аа виймам̣саа саа бадиббассад̣̇д̇хаа. д̇ам̣ гим̣ ман̃н̃аси, б̣раахман̣а, ид̇и звам̣ санд̇з, санд̇агам̣ ваа ход̇и но асанд̇агам̣ ваа’’д̇и?
‘‘Evameva kho, brāhmaṇa, yo so bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, tassa yo pubbe chando ahosi arahattappattiyā, arahattappatte 2 yo tajjo chando so paṭippassaddho; yaṃ pubbe vīriyaṃ ahosi arahattappattiyā, arahattappatte yaṃ tajjaṃ vīriyaṃ taṃ paṭippassaddhaṃ; yaṃ pubbe cittaṃ ahosi arahattappattiyā, arahattappatte yaṃ tajjaṃ cittaṃ taṃ paṭippassaddhaṃ; yā pubbe vīmaṃsā ahosi arahattappattiyā, arahattappatte yā tajjā vīmaṃsā sā paṭippassaddhā. Taṃ kiṃ maññasi, brāhmaṇa, iti evaṃ sante, santakaṃ vā hoti no asantakaṃ vā’’ti?
‘‘ад̣̇д̇хаа, бхо аананд̣̇а, звам̣ санд̇з, санд̇агам̣ ход̇и но асанд̇агам̣. абхигганд̇ам̣, бхо аананд̣̇а, абхигганд̇ам̣, бхо аананд̣̇а! сзяяат̇ааби, бхо аананд̣̇а, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и; звамзвам̣ бход̇аа аананд̣̇зна анзгабарияааязна д̇хаммо багаасид̇о. зсаахам̣, бхо аананд̣̇а, д̇ам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ аананд̣̇о д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. бан̃жамам̣.
‘‘Addhā, bho ānanda, evaṃ sante, santakaṃ hoti no asantakaṃ. Abhikkantaṃ, bho ānanda, abhikkantaṃ, bho ānanda! Seyyathāpi, bho ānanda, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti; evamevaṃ bhotā ānandena anekapariyāyena dhammo pakāsito. Esāhaṃ, bho ānanda, taṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ ānando dhāretu ajjatagge pāṇupetaṃ saraṇaṃ gata’’nti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. ун̣н̣аабхаб̣раахман̣асуд̇д̇аван̣н̣анаа • 5. Uṇṇābhabrāhmaṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. ун̣н̣аабхаб̣раахман̣асуд̇д̇аван̣н̣анаа • 5. Uṇṇābhabrāhmaṇasuttavaṇṇanā
