| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. ун̣н̣аабхаб̣раахман̣асуд̇д̇аван̣н̣анаа
2. Uṇṇābhabrāhmaṇasuttavaṇṇanā
512. д̣̇уд̇ияз г̇ожарависаяанд̇и г̇ожарабхууд̇ам̣ висаяам̣. ан̃н̃аман̃н̃ассаад̇и жагку сод̇асса, сод̇ам̣ ваа жагкуссаад̇и звам̣ згам̣ згасса г̇ожарависаяам̣ на бажжанубход̇и. сажз хи нийлаад̣̇ибхзд̣̇ам̣ руубаарамман̣ам̣ самод̇хаанзд̇ваа сод̇инд̣̇рияасса убанзяяа – ‘‘ин̇гха д̇вам̣ д̇аава нам̣ вавад̇т̇абзхи вибхаавзхи ‘гиннаамзд̇ам̣ аарамман̣а’’’нд̇и. жагкувин̃н̃аан̣ам̣ винааби мукзна ад̇д̇ано д̇хаммад̇ааяа звам̣ вад̣̇зяяа – ‘‘арз, анд̇хаб̣аала, вассасад̇амби вассасахассамби вассасад̇асахассамби барид̇хаавамаано ан̃н̃ад̇ра маяаа гухим̣ зд̇асса ж̇аананагам̣ лабхиссаси, д̇ам̣ аахара, жагкубасаад̣̇з убанзхи, ахамзд̇ам̣ аарамман̣ам̣ ж̇ааниссаами – яад̣̇и ваа нийлам̣, яад̣̇и ваа бийд̇агам̣. на хи зсо ан̃н̃асса висаяо, маяхамзвзсо висаяо’’д̇и. сзсад̣̇ваарзсуби зсзва наяо. звамзд̇аани ан̃н̃аман̃н̃асса г̇ожарависаяам̣ на бажжанубхонд̇и наама.
512. Dutiye gocaravisayanti gocarabhūtaṃ visayaṃ. Aññamaññassāti cakkhu sotassa, sotaṃ vā cakkhussāti evaṃ ekaṃ ekassa gocaravisayaṃ na paccanubhoti. Sace hi nīlādibhedaṃ rūpārammaṇaṃ samodhānetvā sotindriyassa upaneyya – ‘‘iṅgha tvaṃ tāva naṃ vavatthapehi vibhāvehi ‘kinnāmetaṃ ārammaṇa’’’nti. Cakkhuviññāṇaṃ vināpi mukhena attano dhammatāya evaṃ vadeyya – ‘‘are, andhabāla, vassasatampi vassasahassampi vassasatasahassampi paridhāvamāno aññatra mayā kuhiṃ etassa jānanakaṃ labhissasi, taṃ āhara, cakkhupasāde upanehi, ahametaṃ ārammaṇaṃ jānissāmi – yadi vā nīlaṃ, yadi vā pītakaṃ. Na hi eso aññassa visayo, mayhameveso visayo’’ti. Sesadvāresupi eseva nayo. Evametāni aññamaññassa gocaravisayaṃ na paccanubhonti nāma.
гим̣ бадисаран̣анд̇и зд̇зсам̣ гим̣ бадисаран̣ам̣, гим̣ зд̇аани бадисаранд̇ийд̇и бужчад̇и. мано бадисаран̣анд̇и ж̇аванамано бадисаран̣ам̣. манова нзсанд̇и манод̣̇вааригаж̇аванаманова зд̇зсам̣ г̇ожарависаяам̣ раж̇ж̇анаад̣̇ивасзна анубход̇и. жагкувин̃н̃аан̣ан̃хи руубад̣̇ассанамад̇д̇амзва, зд̇т̇а раж̇ж̇анам̣ ваа д̣̇уссанам̣ ваа муяханам̣ ваа над̇т̇и. згасмим̣ бана д̣̇ваарз ж̇аванам̣ раж̇ж̇ад̇и ваа д̣̇уссад̇и ваа муяхад̇и ваа. сод̇авин̃н̃аан̣аад̣̇ийсуби зсзва наяо.
Kiṃ paṭisaraṇanti etesaṃ kiṃ paṭisaraṇaṃ, kiṃ etāni paṭisarantīti pucchati. Mano paṭisaraṇanti javanamano paṭisaraṇaṃ. Manova nesanti manodvārikajavanamanova etesaṃ gocaravisayaṃ rajjanādivasena anubhoti. Cakkhuviññāṇañhi rūpadassanamattameva, ettha rajjanaṃ vā dussanaṃ vā muyhanaṃ vā natthi. Ekasmiṃ pana dvāre javanaṃ rajjati vā dussati vā muyhati vā. Sotaviññāṇādīsupi eseva nayo.
д̇ад̇рааяам̣ убамаа – бан̃жа гира д̣̇уб̣б̣алабхож̇агаа рааж̇аанам̣ сзвид̇ваа гижчзна гасирзна згасмим̣ бан̃жагулигз г̇аамз барид̇д̇агам̣ ааяам̣ лабхим̣су. д̇зсам̣ д̇ад̇т̇а мажчабхааг̇о мам̣сабхааг̇о, ад̣̇д̣̇угахаабан̣о ваа яод̇д̇агахаабан̣о ваа маасагахаабан̣о ваа адтагахаабан̣о ваа сол̣асагахаабан̣о ваа жад̇усадтигахаабан̣о ваа д̣̇ан̣д̣од̇и зд̇д̇агамад̇д̇амзва баабун̣аад̇и, сад̇авад̇т̇угам̣ бан̃жасад̇авад̇т̇угам̣ сахассавад̇т̇угам̣ махааб̣алим̣ рааж̇аава г̇ан̣хаад̇и.
Tatrāyaṃ upamā – pañca kira dubbalabhojakā rājānaṃ sevitvā kicchena kasirena ekasmiṃ pañcakulike gāme parittakaṃ āyaṃ labhiṃsu. Tesaṃ tattha macchabhāgo maṃsabhāgo, addukahāpaṇo vā yottakahāpaṇo vā māsakahāpaṇo vā aṭṭhakahāpaṇo vā soḷasakahāpaṇo vā catusaṭṭhikahāpaṇo vā daṇḍoti ettakamattameva pāpuṇāti, satavatthukaṃ pañcasatavatthukaṃ sahassavatthukaṃ mahābaliṃ rājāva gaṇhāti.
д̇ад̇т̇а бан̃жагулигаг̇аамаа вияа бан̃жабасаад̣̇аа д̣̇адтаб̣б̣аа, бан̃жа д̣̇уб̣б̣алабхож̇агаа вияа бан̃жавин̃н̃аан̣аани; рааж̇аа вияа ж̇аванам̣, д̣̇уб̣б̣алабхож̇агаанам̣ барид̇д̇агаааяабаабун̣анам̣ вияа жагкувин̃н̃аан̣аад̣̇ийнам̣ руубад̣̇ассанаад̣̇имад̇д̇ам̣, раж̇ж̇анаад̣̇и бана зд̇зсу над̇т̇и . ран̃н̃о махааб̣алиг̇г̇ахан̣ам̣ вияа д̇зсу д̣̇ваарзсу ж̇аванасса раж̇ж̇анаад̣̇ийни взд̣̇ид̇аб̣б̣аани. звамзд̇т̇а манод̇и гусалаагусалаж̇аванам̣ вуд̇д̇ам̣.
Tattha pañcakulikagāmā viya pañcapasādā daṭṭhabbā, pañca dubbalabhojakā viya pañcaviññāṇāni; rājā viya javanaṃ, dubbalabhojakānaṃ parittakaāyapāpuṇanaṃ viya cakkhuviññāṇādīnaṃ rūpadassanādimattaṃ, rajjanādi pana etesu natthi . Rañño mahābaliggahaṇaṃ viya tesu dvāresu javanassa rajjanādīni veditabbāni. Evamettha manoti kusalākusalajavanaṃ vuttaṃ.
сад̇и бадисаран̣анд̇и маг̇г̇асад̇и бадисаран̣ам̣. ж̇аванамано хи маг̇г̇асад̇им̣ бадисарад̇и. вимуд̇д̇ийд̇и палавимуд̇д̇и. бадисаран̣анд̇и палавимуд̇д̇ияаа ниб̣б̣аанам̣ бадисаран̣ам̣. д̇ан̃хи саа бадисарад̇и. наасагки бан̃хасса барияанд̇ам̣ г̇ахзд̇унд̇и бан̃хасса барижчзд̣̇ам̣ бамаан̣ам̣ г̇ахзд̇ум̣ наасагки, аббадисаран̣ам̣ д̇хаммам̣ ‘‘саббадисаран̣а’’нд̇и бужчи. ниб̣б̣аанам̣ наамзд̇ам̣ аббадисаран̣ам̣, на гин̃жи бадисарад̇и. ниб̣б̣ааног̇ад̇ханд̇и ниб̣б̣аанаб̣бханд̇арам̣ ниб̣б̣аанам̣ анубавидтам̣. б̣рахмажарияанд̇и маг̇г̇аб̣рахмажарияам̣. ниб̣б̣аанабарааяан̣анд̇и ниб̣б̣аанам̣ барам̣ аяанамасса бараа г̇ад̇и, на д̇ад̇о барам̣ г̇ажчад̇ийд̇и ад̇т̇о. ниб̣б̣аанам̣ барияосаанам̣ авасаанам̣ ассаад̇и ниб̣б̣аанабарияосаанам̣.
Sati paṭisaraṇanti maggasati paṭisaraṇaṃ. Javanamano hi maggasatiṃ paṭisarati. Vimuttīti phalavimutti. Paṭisaraṇanti phalavimuttiyā nibbānaṃ paṭisaraṇaṃ. Tañhi sā paṭisarati. Nāsakkhi pañhassa pariyantaṃ gahetunti pañhassa paricchedaṃ pamāṇaṃ gahetuṃ nāsakkhi, appaṭisaraṇaṃ dhammaṃ ‘‘sappaṭisaraṇa’’nti pucchi. Nibbānaṃ nāmetaṃ appaṭisaraṇaṃ, na kiñci paṭisarati. Nibbānogadhanti nibbānabbhantaraṃ nibbānaṃ anupaviṭṭhaṃ. Brahmacariyanti maggabrahmacariyaṃ. Nibbānaparāyaṇanti nibbānaṃ paraṃ ayanamassa parā gati, na tato paraṃ gacchatīti attho. Nibbānaṃ pariyosānaṃ avasānaṃ assāti nibbānapariyosānaṃ.
муулаж̇аад̇аа бад̇идтид̇аад̇и маг̇г̇зна ааг̇ад̇асад̣̇д̇хаа вужжад̇и. имамхи жз, бхигкавз, самаязд̇и гим̣ санд̇хааяааха? жхаанаанааг̇аамид̇ам̣. д̇асмин̃хи самаяз б̣раахман̣асса батамамаг̇г̇зна бан̃жа агусалажид̇д̇аани бахийнаани, батамаж̇жхаанзна бан̃жа нийваран̣аанийд̇и жхаанаанааг̇аамидтаанз тид̇о. со абарихийнаж̇жхаано гаалам̣ гад̇ваа д̇ад̇т̇зва бариниб̣б̣ааязяяа. сажз банасса буд̇д̇ад̣̇аарам̣ анусаасанд̇асса гамманд̇з вижаарзнд̇асса жхаанам̣ нассад̇и, надтз жхаанз г̇ад̇и аниб̣ад̣̇д̇хаа ход̇и, анадтз бана ниб̣ад̣̇д̇хаад̇и имам̣ жхаанаанааг̇аамид̇ам̣ санд̇хааяа звамааха.
Mūlajātā patiṭṭhitāti maggena āgatasaddhā vuccati. Imamhi ce, bhikkhave, samayeti kiṃ sandhāyāha? Jhānaanāgāmitaṃ. Tasmiñhi samaye brāhmaṇassa paṭhamamaggena pañca akusalacittāni pahīnāni, paṭhamajjhānena pañca nīvaraṇānīti jhānaanāgāmiṭṭhāne ṭhito. So aparihīnajjhāno kālaṃ katvā tattheva parinibbāyeyya. Sace panassa puttadāraṃ anusāsantassa kammante vicārentassa jhānaṃ nassati, naṭṭhe jhāne gati anibaddhā hoti, anaṭṭhe pana nibaddhāti imaṃ jhānaanāgāmitaṃ sandhāya evamāha.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. ун̣н̣аабхаб̣раахман̣асуд̇д̇ам̣ • 2. Uṇṇābhabrāhmaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. ун̣н̣аабхаб̣раахман̣асуд̇д̇аван̣н̣анаа • 2. Uṇṇābhabrāhmaṇasuttavaṇṇanā
