| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. убажаалаат̇зрийг̇аат̇ааван̣н̣анаа
3. Upacālātherīgāthāvaṇṇanā
сад̇имад̇ийд̇иаад̣̇игаа убажаалааяа т̇зрияаа г̇аат̇аа. д̇ассаа вад̇т̇у жаалааяа т̇зрияаа вад̇т̇умхи вуд̇д̇амзва. аяамби хи жаалаа вияа баб̣б̣аж̇ид̇ваа вибассанам̣ бадтабзд̇ваа арахад̇д̇ам̣ бад̇ваа уд̣̇аанзнд̇ий –
Satimatītiādikā upacālāya theriyā gāthā. Tassā vatthu cālāya theriyā vatthumhi vuttameva. Ayampi hi cālā viya pabbajitvā vipassanaṃ paṭṭhapetvā arahattaṃ patvā udānentī –
189.
189.
‘‘сад̇имад̇ий жагкумад̇ий, бхигкуний бхаавид̇инд̣̇рияаа;
‘‘Satimatī cakkhumatī, bhikkhunī bhāvitindriyā;
бадивиж̇жхи бад̣̇ам̣ санд̇ам̣, агаабурисасзвид̇а’’нд̇и. –
Paṭivijjhi padaṃ santaṃ, akāpurisasevita’’nti. –
имам̣ г̇аат̇ам̣ абхааси.
Imaṃ gāthaṃ abhāsi.
д̇ад̇т̇а сад̇имад̇ийд̇и сад̇исамбаннаа, буб̣б̣абхааг̇з барамзна сад̇инзбаггзна саманнааг̇ад̇аа худ̇ваа бажчаа арияамаг̇г̇асса бхаавид̇ад̇д̇аа сад̇ивзбуллаббад̇д̇ияаа уд̇д̇амааяа сад̇ияаа саманнааг̇ад̇аад̇и ад̇т̇о. жагкумад̇ийд̇и бан̃н̃аажагкунаа саманнааг̇ад̇аа, аад̣̇ид̇о уд̣̇аяад̇т̇аг̇ааминияаа бан̃н̃ааяа арияааяа ниб̣б̣зд̇хигааяа саманнааг̇ад̇аа худ̇ваа бан̃н̃аавзбуллаббад̇д̇ияаа барамзна бан̃н̃аажагкунаа саманнааг̇ад̇аад̇и вуд̇д̇ам̣ ход̇и. агаабурисасзвид̇анд̇и алаамагабурисзхи уд̇д̇амабурисзхи ариязхи б̣уд̣̇д̇хаад̣̇ийхи сзвид̇ам̣.
Tattha satimatīti satisampannā, pubbabhāge paramena satinepakkena samannāgatā hutvā pacchā ariyamaggassa bhāvitattā sativepullappattiyā uttamāya satiyā samannāgatāti attho. Cakkhumatīti paññācakkhunā samannāgatā, ādito udayatthagāminiyā paññāya ariyāya nibbedhikāya samannāgatā hutvā paññāvepullappattiyā paramena paññācakkhunā samannāgatāti vuttaṃ hoti. Akāpurisasevitanti alāmakapurisehi uttamapurisehi ariyehi buddhādīhi sevitaṃ.
‘‘гинну ж̇аад̇им̣ на рожзсий’’д̇и г̇аат̇аа т̇зрим̣ гаамзсу убахаарзд̇угаамзна маарзна вуд̇д̇аа. ‘‘гим̣ ну д̇вам̣ бхигкуни на рожзсий’’д̇и (сам̣. ни. 1.167) хи маарзна будтаа т̇зрий ааха – ‘‘ж̇аад̇им̣ кваахам̣, аавусо, на рожзмий’’д̇и. ат̇а нам̣ мааро ж̇аад̇асса гаамаа барибхог̇аа, д̇асмаа ж̇аад̇иби ижчид̇аб̣б̣аа, гаамааби барибхун̃ж̇ид̇аб̣б̣аад̇и д̣̇ассзнд̇о –
‘‘Kinnu jātiṃ na rocesī’’ti gāthā theriṃ kāmesu upahāretukāmena mārena vuttā. ‘‘Kiṃ nu tvaṃ bhikkhuni na rocesī’’ti (saṃ. ni. 1.167) hi mārena puṭṭhā therī āha – ‘‘jātiṃ khvāhaṃ, āvuso, na rocemī’’ti. Atha naṃ māro jātassa kāmā paribhogā, tasmā jātipi icchitabbā, kāmāpi paribhuñjitabbāti dassento –
190.
190.
‘‘гинну ж̇аад̇им̣ на рожзси, ж̇аад̇о гаамаани бхун̃ж̇ад̇и;
‘‘Kinnu jātiṃ na rocesi, jāto kāmāni bhuñjati;
бхун̃ж̇аахи гаамарад̇ияо, мааху бажчаануд̇аабиний’’д̇и. –
Bhuñjāhi kāmaratiyo, māhu pacchānutāpinī’’ti. –
г̇аат̇амааха.
Gāthamāha.
д̇ассад̇т̇о – гим̣ ну д̇ам̣ гааран̣ам̣, язна д̇вам̣ убажаалз ж̇аад̇им̣ на рожзси на рожзяяааси, на д̇ам̣ гааран̣ам̣ ад̇т̇и. яасмаа ж̇аад̇о гаамаани бхун̃ж̇ад̇и ид̇ха ж̇аад̇о гаамаг̇ун̣асам̣хид̇аани руубаад̣̇ийни бадисзванд̇о гаамасукам̣ барибхун̃ж̇ад̇и. на хи аж̇аад̇асса д̇ам̣ ад̇т̇и, д̇асмаа бхун̃ж̇аахи гаамарад̇ияо гаамакид̣д̣аарад̇ияо анубхава. мааху бажчаануд̇аабиний ‘‘яоб̣б̣ан̃н̃з сад̇и виж̇ж̇амаанзсу бхог̇зсу на маяаа гаамасукаманубхууд̇а’’нд̇и бажчаануд̇аабиний маа ахоси. имасмим̣ логз д̇хаммаа наама яаавад̣̇зва ад̇т̇аад̇хиг̇амад̇т̇о ад̇т̇о жа гаамасукад̇т̇од̇и баагадояамад̇т̇од̇и ад̇хиббааяо.
Tassattho – kiṃ nu taṃ kāraṇaṃ, yena tvaṃ upacāle jātiṃ na rocesi na roceyyāsi, na taṃ kāraṇaṃ atthi. Yasmā jāto kāmāni bhuñjati idha jāto kāmaguṇasaṃhitāni rūpādīni paṭisevanto kāmasukhaṃ paribhuñjati. Na hi ajātassa taṃ atthi, tasmā bhuñjāhi kāmaratiyo kāmakhiḍḍāratiyo anubhava. Māhu pacchānutāpinī ‘‘yobbaññe sati vijjamānesu bhogesu na mayā kāmasukhamanubhūta’’nti pacchānutāpinī mā ahosi. Imasmiṃ loke dhammā nāma yāvadeva atthādhigamattho attho ca kāmasukhatthoti pākaṭoyamatthoti adhippāyo.
д̇ам̣ суд̇ваа т̇зрий ж̇аад̇ияаа д̣̇угканимид̇д̇ад̇ам̣ ад̇д̇ано жа д̇асса висаяаад̇иггамам̣ вибхаавзд̇ваа д̇аж̇ж̇знд̇ий –
Taṃ sutvā therī jātiyā dukkhanimittataṃ attano ca tassa visayātikkamaṃ vibhāvetvā tajjentī –
191.
191.
‘‘ж̇аад̇асса маран̣ам̣ ход̇и, хад̇т̇абаад̣̇аана чзд̣̇анам̣;
‘‘Jātassa maraṇaṃ hoti, hatthapādāna chedanaṃ;
вад̇хаб̣анд̇хабариглзсам̣, ж̇аад̇о д̣̇угкам̣ ниг̇ажчад̇и.
Vadhabandhapariklesaṃ, jāto dukkhaṃ nigacchati.
192.
192.
‘‘ад̇т̇и сагяагулз ж̇аад̇о, самб̣уд̣̇д̇хо абарааж̇ид̇о;
‘‘Atthi sakyakule jāto, sambuddho aparājito;
со мз д̇хаммамад̣̇зсзси, ж̇аад̇ияаа самад̇иггамам̣.
So me dhammamadesesi, jātiyā samatikkamaṃ.
193.
193.
‘‘д̣̇угкам̣ д̣̇угкасамуббаад̣̇ам̣, д̣̇угкасса жа ад̇иггамам̣;
‘‘Dukkhaṃ dukkhasamuppādaṃ, dukkhassa ca atikkamaṃ;
арияам̣ жадтан̇г̇игам̣ маг̇г̇ам̣, д̣̇угкуубасамаг̇ааминам̣.
Ariyaṃ caṭṭhaṅgikaṃ maggaṃ, dukkhūpasamagāminaṃ.
194.
194.
‘‘д̇ассаахам̣ важанам̣ суд̇ваа, вихарим̣ саасанз рад̇аа;
‘‘Tassāhaṃ vacanaṃ sutvā, vihariṃ sāsane ratā;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
195.
195.
‘‘саб̣б̣ад̇т̇а вихад̇аа нанд̣̇ий, д̇амогканд̇хо бад̣̇аалид̇о;
‘‘Sabbattha vihatā nandī, tamokkhandho padālito;
звам̣ ж̇аанаахи баабима, нихад̇о д̇вамаси анд̇агаа’’д̇и. –
Evaṃ jānāhi pāpima, nihato tvamasi antakā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а ж̇аад̇асса маран̣ам̣ ход̇ийд̇и яасмаа ж̇аад̇асса сад̇д̇асса маран̣ам̣ ход̇и, на аж̇аад̇асса. на гзвалам̣ маран̣амзва, ат̇а ко ж̇араарог̇аад̣̇аяо яад̇д̇агаанад̇т̇аа, саб̣б̣зби д̇з ж̇аад̇асса хонд̇и ж̇аад̇ихзд̇угаа. д̇знааха бхаг̇аваа – ‘‘ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇ий’’д̇и (махаава. 1; вибха. 225; уд̣̇аа. 1). д̇знзвааха – ‘‘хад̇т̇абаад̣̇аана чзд̣̇ана’’нд̇и хад̇т̇абаад̣̇аанам̣ чзд̣̇анам̣ ж̇аад̇ассзва ход̇и, на аж̇аад̇асса. хад̇т̇абаад̣̇ачзд̣̇анаабад̣̇зсзна жзд̇т̇а б̣аад̇д̇им̣са гаммагааран̣ааби д̣̇ассид̇аа зваад̇и д̣̇адтаб̣б̣ам̣. д̇знзвааха – ‘‘вад̇хаб̣анд̇хабариглзсам̣, ж̇аад̇о д̣̇угкам̣ ниг̇ажчад̇ий’’д̇и. ж̇ийвид̇авияож̇анамудтиббахаараад̣̇исан̇каад̇ам̣ вад̇хабариглзсан̃жзва анд̣̇уб̣анд̇ханаад̣̇исан̇каад̇ам̣ б̣анд̇хабариглзсам̣ ан̃н̃ан̃жа яам̣гин̃жи д̣̇угкам̣ наама д̇ам̣ саб̣б̣ам̣ ж̇аад̇о зва ниг̇ажчад̇и, на аж̇аад̇о, д̇асмаа ж̇аад̇им̣ на рожзмийд̇и.
Tattha jātassa maraṇaṃ hotīti yasmā jātassa sattassa maraṇaṃ hoti, na ajātassa. Na kevalaṃ maraṇameva, atha kho jarārogādayo yattakānatthā, sabbepi te jātassa honti jātihetukā. Tenāha bhagavā – ‘‘jātipaccayā jarāmaraṇaṃ sokaparidevadukkhadomanassupāyāsā sambhavantī’’ti (mahāva. 1; vibha. 225; udā. 1). Tenevāha – ‘‘hatthapādāna chedana’’nti hatthapādānaṃ chedanaṃ jātasseva hoti, na ajātassa. Hatthapādachedanāpadesena cettha bāttiṃsa kammakāraṇāpi dassitā evāti daṭṭhabbaṃ. Tenevāha – ‘‘vadhabandhapariklesaṃ, jāto dukkhaṃ nigacchatī’’ti. Jīvitaviyojanamuṭṭhippahārādisaṅkhātaṃ vadhapariklesañceva andubandhanādisaṅkhātaṃ bandhapariklesaṃ aññañca yaṃkiñci dukkhaṃ nāma taṃ sabbaṃ jāto eva nigacchati, na ajāto, tasmā jātiṃ na rocemīti.
ид̣̇аани ж̇аад̇ияаа гаамаанан̃жа ажжанд̇амзва ад̇д̇анаа самад̇игганд̇абхаавам̣ муулад̇о бадтааяа д̣̇ассзнд̇ий – ‘‘ад̇т̇и сагяагулз ж̇аад̇о’’д̇иаад̣̇имааха. д̇ад̇т̇а абарааж̇ид̇од̇и гилзсамаараад̣̇инаа гзнажи на барааж̇ид̇о. сад̇т̇аа хи саб̣б̣аабхибхуу сад̣̇звагам̣ логам̣ ан̃н̃ад̣̇ад̇т̇у абхибхавид̇ваа тид̇о , д̇асмаа абарааж̇ид̇о. сзсам̣ вуд̇д̇анаяад̇д̇аа уд̇д̇аанамзва.
Idāni jātiyā kāmānañca accantameva attanā samatikkantabhāvaṃ mūlato paṭṭhāya dassentī – ‘‘atthi sakyakule jāto’’tiādimāha. Tattha aparājitoti kilesamārādinā kenaci na parājito. Satthā hi sabbābhibhū sadevakaṃ lokaṃ aññadatthu abhibhavitvā ṭhito , tasmā aparājito. Sesaṃ vuttanayattā uttānameva.
убажаалаат̇зрийг̇аат̇ааван̣н̣анаа нидтид̇аа.
Upacālātherīgāthāvaṇṇanā niṭṭhitā.
сад̇д̇аганибаад̇аван̣н̣анаа нидтид̇аа.
Sattakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 3. убажаалаат̇зрийг̇аат̇аа • 3. Upacālātherīgāthā
