| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. ਉਪਚਿਕਾવਗ੍ਗੋ
4. Upacikāvaggo
੧. ਉਪਚਿਕਙ੍ਗਪਞ੍ਹੋ
1. Upacikaṅgapañho
੧. ‘‘ਭਨ੍ਤੇ ਨਾਗਸੇਨ, ‘ਉਪਚਿਕਾਯ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਉਪਚਿਕਾ ਉਪਰਿ ਛਦਨਂ ਕਤ੍વਾ ਅਤ੍ਤਾਨਂ ਪਿਦਹਿਤ੍વਾ ਗੋਚਰਾਯ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸੀਲਸਂવਰਛਦਨਂ ਕਤ੍વਾ ਮਾਨਸਂ ਪਿਦਹਿਤ੍વਾ ਪਿਣ੍ਡਾਯ ਚਰਿਤਬ੍ਬਂ, ਸੀਲਸਂવਰਛਦਨੇਨ ਖੋ, ਮਹਾਰਾਜ, ਯੋਗੀ ਯੋਗਾવਚਰੋ ਸਬ੍ਬਭਯਸਮਤਿਕ੍ਕਨ੍ਤੋ ਹੋਤਿ। ਇਦਂ, ਮਹਾਰਾਜ, ਉਪਚਿਕਾਯ ਏਕਂ ਅਙ੍ਗਂ ਗਹੇਤਬ੍ਬਂ, ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਉਪਸੇਨੇਨ વਙ੍ਗਨ੍ਤਪੁਤ੍ਤੇਨ –
1. ‘‘Bhante nāgasena, ‘upacikāya ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, upacikā upari chadanaṃ katvā attānaṃ pidahitvā gocarāya carati, evameva kho, mahārāja, yoginā yogāvacarena sīlasaṃvarachadanaṃ katvā mānasaṃ pidahitvā piṇḍāya caritabbaṃ, sīlasaṃvarachadanena kho, mahārāja, yogī yogāvacaro sabbabhayasamatikkanto hoti. Idaṃ, mahārāja, upacikāya ekaṃ aṅgaṃ gahetabbaṃ, bhāsitampetaṃ, mahārāja, therena upasenena vaṅgantaputtena –
‘‘‘ਸੀਲਸਂવਰਛਦਨਂ, ਯੋਗੀ ਕਤ੍વਾਨ ਮਾਨਸਂ।
‘‘‘Sīlasaṃvarachadanaṃ, yogī katvāna mānasaṃ;
ਅਨੁਪਲਿਤ੍ਤੋ ਲੋਕੇਨ, ਭਯਾ ਚ ਪਰਿਮੁਚ੍ਚਤੀ’’’ਤਿ॥
Anupalitto lokena, bhayā ca parimuccatī’’’ti.
ਉਪਚਿਕਙ੍ਗਪਞ੍ਹੋ ਪਠਮੋ।
Upacikaṅgapañho paṭhamo.
