Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā

    д̣̇уганид̣̇д̣̇зсаван̣н̣анаа

    Dukaniddesavaṇṇanā

    убаад̣̇аабхааж̇анийяагат̇аа

    Upādābhājanīyakathā

    595. ид̣̇аани д̣̇увид̇хасан̇г̇ахаад̣̇ийсу ‘ад̇т̇и руубам̣ убаад̣̇аа, ад̇т̇и руубам̣ ноубаад̣̇аа’д̇и звам̣ бхзд̣̇асаб̣бхаавад̇о бужчаабуб̣б̣ан̇г̇амам̣ бад̣̇абхааж̇анам̣ д̣̇ассзнд̇о гад̇амам̣ д̇ам̣ руубам̣ убаад̣̇аад̇иаад̣̇имааха. д̇ад̇т̇а убаад̣̇ияад̇ийд̇и ‘убаад̣̇аа’; махаабхууд̇аани г̇ахзд̇ваа, амун̃жид̇ваа, д̇аани ниссааяа бавад̇д̇ад̇ийд̇и ад̇т̇о. ид̣̇аани д̇ам̣ бабхзд̣̇ад̇о д̣̇ассзнд̇о жагкааяад̇ананд̇иаад̣̇имааха.

    595. Idāni duvidhasaṅgahādīsu ‘atthi rūpaṃ upādā, atthi rūpaṃ noupādā’ti evaṃ bhedasabbhāvato pucchāpubbaṅgamaṃ padabhājanaṃ dassento katamaṃ taṃ rūpaṃ upādātiādimāha. Tattha upādiyatīti ‘upādā’; mahābhūtāni gahetvā, amuñcitvā, tāni nissāya pavattatīti attho. Idāni taṃ pabhedato dassento cakkhāyatanantiādimāha.

    596. звам̣ д̇звийсад̇ивид̇хам̣ убаад̣̇ааруубам̣ сан̇кзбад̇о уд̣̇д̣̇исид̇ваа буна д̇ад̣̇зва вид̇т̇аарад̇о нид̣̇д̣̇исанд̇о гад̇амам̣ д̇ам̣ руубам̣ жагкааяад̇ананд̇иаад̣̇имааха. д̇ад̇т̇а д̣̇увид̇хам̣ жагку – мам̣сажагку бан̃н̃аажагку жа. зд̇зсу ‘б̣уд̣̇д̇хажагку саманд̇ажагку н̃аан̣ажагку д̣̇иб̣б̣ажагку д̇хаммажагкуу’д̇и бан̃жавид̇хам̣ бан̃н̃аажагку. д̇ад̇т̇а ‘‘ад̣̇д̣̇асам̣ ко ахам̣, бхигкавз, б̣уд̣̇д̇хажагкунаа логам̣ вологзнд̇о сад̇д̇з аббараж̇агкз…бз… д̣̇увин̃н̃аабаяз’’д̇и (ма. ни. 1.283) ид̣̇ам̣ б̣уд̣̇д̇хажагку наама. ‘‘саманд̇ажагку вужжад̇и саб̣б̣ан̃н̃уд̇ан̃н̃аан̣а’’нд̇и ид̣̇ам̣ саманд̇ажагку наама. ‘‘жагкум̣ уд̣̇абаад̣̇и н̃аан̣ам̣ уд̣̇абаад̣̇ий’’д̇и (сам̣. ни. 5.1081; махаава. 15) ид̣̇ам̣ н̃аан̣ажагку наама. ‘‘ад̣̇д̣̇асам̣ ко ахам̣, бхигкавз, д̣̇иб̣б̣зна жагкунаа висуд̣̇д̇хзнаа’’д̇и (ма. ни. 1.284) ид̣̇ам̣ д̣̇иб̣б̣ажагку наама. ‘‘д̇асмим̣ язваасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇ий’’д̇и (ма. ни. 2.395) ид̣̇ам̣ хздтимамаг̇г̇ад̇д̇аяасан̇каад̇ам̣ н̃аан̣ам̣ д̇хаммажагку наама.

    596. Evaṃ tevīsatividhaṃ upādārūpaṃ saṅkhepato uddisitvā puna tadeva vitthārato niddisanto katamaṃ taṃ rūpaṃ cakkhāyatanantiādimāha. Tattha duvidhaṃ cakkhu – maṃsacakkhu paññācakkhu ca. Etesu ‘buddhacakkhu samantacakkhu ñāṇacakkhu dibbacakkhu dhammacakkhū’ti pañcavidhaṃ paññācakkhu. Tattha ‘‘addasaṃ kho ahaṃ, bhikkhave, buddhacakkhunā lokaṃ volokento satte apparajakkhe…pe… duviññāpaye’’ti (ma. ni. 1.283) idaṃ buddhacakkhu nāma. ‘‘Samantacakkhu vuccati sabbaññutaññāṇa’’nti idaṃ samantacakkhu nāma. ‘‘Cakkhuṃ udapādi ñāṇaṃ udapādī’’ti (saṃ. ni. 5.1081; mahāva. 15) idaṃ ñāṇacakkhu nāma. ‘‘Addasaṃ kho ahaṃ, bhikkhave, dibbena cakkhunā visuddhenā’’ti (ma. ni. 1.284) idaṃ dibbacakkhu nāma. ‘‘Tasmiṃ yevāsane virajaṃ vītamalaṃ dhammacakkhuṃ udapādī’’ti (ma. ni. 2.395) idaṃ heṭṭhimamaggattayasaṅkhātaṃ ñāṇaṃ dhammacakkhu nāma.

    мам̣сажагкуби басаад̣̇ажагку сасамбхааражагкууд̇и д̣̇увид̇хам̣ ход̇и. д̇ад̇т̇а яояам̣ агкигуубагз бад̇идтид̇о хздтаа агкигуубагадтигзна, убари бхамугадтигзна, убхад̇о агкигуудзхи, анд̇о мад̇т̇алун̇г̇зна, б̣ахид̣̇д̇хаа агкиломзхи барижчинно мам̣сабин̣д̣о. сан̇кзбад̇о ‘жад̇ассо д̇хаад̇уяо, ван̣н̣о г̇анд̇хо расо ож̇аа, самбхаво сан̣таанам̣, ж̇ийвид̇ам̣ бхааво гааяабасаад̣̇о жагкубасаад̣̇о’д̇и жуд̣̇д̣̇асасамбхааро. вид̇т̇аарад̇о ‘жад̇ассо д̇хаад̇уяо, д̇ам̣санниссид̇аван̣н̣аг̇анд̇харасаож̇аасан̣таанасамбхаваа жаа’д̇и имаани д̣̇аса жад̇усамудтаанигад̇д̇аа жад̇д̇аалийсам̣ хонд̇и. ж̇ийвид̇ам̣ бхааво гааяабасаад̣̇о жагкубасаад̣̇од̇и жад̇д̇аари зганд̇агаммасамудтаанаанзваад̇и имзсам̣ жад̇ужад̇д̇аалийсааяа руубаанам̣ васзна жад̇ужад̇д̇аалийсасамбхааро. яам̣ лого сзд̇ам̣ жагкум̣ бут̇улам̣ висадам̣ вид̇т̇ин̣н̣ам̣ ‘жагку’нд̇и сан̃ж̇аананд̇о на жагкум̣ сан̃ж̇аанаад̇и, вад̇т̇ум̣ жагкуд̇о сан̃ж̇аанаад̇и, со мам̣сабин̣д̣о агкигуубз бад̇идтид̇о, нхаарусуд̇д̇агзна мад̇т̇алун̇г̇з ааб̣ад̣̇д̇хо, яад̇т̇а сзд̇амби ад̇т̇и, ган̣хамби лохид̇агамби, бат̇авийби аабоби д̇зж̇оби вааяоби, яам̣ сзмхууссад̣̇ад̇д̇аа сзд̇ам̣, бид̇д̇уссад̣̇ад̇д̇аа ган̣хам̣, рухируссад̣̇ад̇д̇аа лохид̇агам̣, бат̇авуссад̣̇ад̇д̇аа бад̇т̇ин̣н̣ам̣ ход̇и, аабуссад̣̇ад̇д̇аа баг̇гхарад̇и, д̇зж̇уссад̣̇ад̇д̇аа барид̣̇аяхад̇и, вааяуссад̣̇ад̇д̇аа самбхамад̇и, ид̣̇ам̣ сасамбхааражагку наама.

    Maṃsacakkhupi pasādacakkhu sasambhāracakkhūti duvidhaṃ hoti. Tattha yoyaṃ akkhikūpake patiṭṭhito heṭṭhā akkhikūpakaṭṭhikena, upari bhamukaṭṭhikena, ubhato akkhikūṭehi, anto matthaluṅgena, bahiddhā akkhilomehi paricchinno maṃsapiṇḍo. Saṅkhepato ‘catasso dhātuyo, vaṇṇo gandho raso ojā, sambhavo saṇṭhānaṃ, jīvitaṃ bhāvo kāyapasādo cakkhupasādo’ti cuddasasambhāro. Vitthārato ‘catasso dhātuyo, taṃsannissitavaṇṇagandharasaojāsaṇṭhānasambhavā cā’ti imāni dasa catusamuṭṭhānikattā cattālīsaṃ honti. Jīvitaṃ bhāvo kāyapasādo cakkhupasādoti cattāri ekantakammasamuṭṭhānānevāti imesaṃ catucattālīsāya rūpānaṃ vasena catucattālīsasambhāro. Yaṃ loko setaṃ cakkhuṃ puthulaṃ visaṭaṃ vitthiṇṇaṃ ‘cakkhu’nti sañjānanto na cakkhuṃ sañjānāti, vatthuṃ cakkhuto sañjānāti, so maṃsapiṇḍo akkhikūpe patiṭṭhito, nhārusuttakena matthaluṅge ābaddho, yattha setampi atthi, kaṇhampi lohitakampi, pathavīpi āpopi tejopi vāyopi, yaṃ semhūssadattā setaṃ, pittussadattā kaṇhaṃ, ruhirussadattā lohitakaṃ, pathavussadattā patthiṇṇaṃ hoti, āpussadattā paggharati, tejussadattā paridayhati, vāyussadattā sambhamati, idaṃ sasambhāracakkhu nāma.

    яо банзд̇т̇а сид̇о зд̇т̇а бадиб̣ад̣̇д̇хо жад̇уннам̣ махаабхууд̇аанам̣ убаад̣̇ааяа басаад̣̇о, ид̣̇ам̣ басаад̣̇ажагку наама. д̇ад̣̇зд̇ам̣ д̇асса сасамбхааражагкуно сзд̇аман̣д̣алабаригкид̇д̇асса ган̣хаман̣д̣аласса маж̇жхз, абхимукз тид̇аанам̣ сарийрасан̣таануббад̇д̇ид̣̇зсабхууд̇з д̣̇идтиман̣д̣алз, сад̇д̇асу бижубадалзсу аасид̇д̇ад̇злам̣ бижубадалаани вияа, сад̇д̇агкибадалаани б̣яаабзд̇ваа, д̇хааран̣анхаабанаман̣д̣анаб̣ийж̇анагижжаахи жад̇уухи д̇хаад̇ийхи кад̇д̇ияагумааро вияа, санд̇хааран̣аааб̣анд̇ханабарибаажанасамуд̣̇ийран̣агижжаахи жад̇уухи д̇хаад̇уухи гад̇уубагаарам̣, уд̇ужид̇д̇аахаарзхи убад̇т̇амбхияамаанам̣, ааяунаа анубаалияамаанам̣, ван̣н̣аг̇анд̇харасаад̣̇ийхи баривуд̇ам̣, бамаан̣ад̇о уугаасирамад̇д̇ам̣, жагкувин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. вуд̇д̇амби жзд̇ам̣ д̇хаммасзнаабад̇инаа –

    Yo panettha sito ettha paṭibaddho catunnaṃ mahābhūtānaṃ upādāya pasādo, idaṃ pasādacakkhu nāma. Tadetaṃ tassa sasambhāracakkhuno setamaṇḍalaparikkhittassa kaṇhamaṇḍalassa majjhe, abhimukhe ṭhitānaṃ sarīrasaṇṭhānuppattidesabhūte diṭṭhimaṇḍale, sattasu picupaṭalesu āsittatelaṃ picupaṭalāni viya, sattakkhipaṭalāni byāpetvā, dhāraṇanhāpanamaṇḍanabījanakiccāhi catūhi dhātīhi khattiyakumāro viya, sandhāraṇaābandhanaparipācanasamudīraṇakiccāhi catūhi dhātūhi katūpakāraṃ, utucittāhārehi upatthambhiyamānaṃ, āyunā anupāliyamānaṃ, vaṇṇagandharasādīhi parivutaṃ, pamāṇato ūkāsiramattaṃ, cakkhuviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Vuttampi cetaṃ dhammasenāpatinā –

    ‘‘язна жагкуббасаад̣̇зна, руубаани манубассад̇и;

    ‘‘Yena cakkhuppasādena, rūpāni manupassati;

    барид̇д̇ам̣ сукумам̣ зд̇ам̣, уугаасирасамуубама’’нд̇и.

    Parittaṃ sukhumaṃ etaṃ, ūkāsirasamūpama’’nti.

    жагку жа д̇ам̣ ааяад̇анан̃жаад̇и жагкааяад̇анам̣. яам̣ жагку жад̇уннам̣ махаабхууд̇аанам̣ убаад̣̇ааяа басаад̣̇од̇и ид̇хааби убаяог̇ад̇т̇зязва саамиважанам̣; жад̇д̇аари махаабхууд̇аани убаад̣̇ияид̇ваа бавад̇д̇аббасаад̣̇од̇и ад̇т̇о. иминаа басаад̣̇ажагкумзва г̇ан̣хаад̇и, сзсажагкум̣ бадигкибад̇и. яам̣ бана инд̣̇рияаг̇ожарасуд̇д̇з ‘‘згам̣ махаабхууд̇ам̣ убаад̣̇ааяа басаад̣̇о бат̇авийд̇хаад̇уяаа д̇ийхи махаабхууд̇зхи сан̇г̇ахид̇о аабод̇хаад̇уяаа жа д̇зж̇од̇хаад̇уяаа жа вааяод̇хаад̇уяаа жа,’’ жад̇убаривад̇д̇асуд̇д̇з ‘‘д̣̇виннам̣ махаабхууд̇аанам̣ убаад̣̇ааяа басаад̣̇о бат̇авийд̇хаад̇уяаа жа аабод̇хаад̇уяаа жа д̣̇вийхи махаабхууд̇зхи сан̇г̇ахид̇о д̇зж̇од̇хаад̇уяаа жа вааяод̇хаад̇уяаа жаа’’д̇и вуд̇д̇ам̣, д̇ам̣ барияааязна вуд̇д̇ам̣. аяан̃хи суд̇д̇анд̇игагат̇аа наама барияааяад̣̇зсанаа . яо жа жад̇уннам̣ махаабхууд̇аанам̣ убаад̣̇ааяа басаад̣̇о со д̇зсу згзгассааби д̣̇иннам̣ д̣̇виннамби басаад̣̇оязваад̇и иминаа барияааязна д̇ад̇т̇а д̣̇зсанаа ааг̇ад̇аа. абхид̇хаммо бана ниббарияааяад̣̇зсанаа наама. д̇асмаа ид̇ха ‘жад̇уннам̣ махаабхууд̇аанам̣ убаад̣̇ааяа басаад̣̇о’д̇и вуд̇д̇ам̣.

    Cakkhu ca taṃ āyatanañcāti cakkhāyatanaṃ. Yaṃ cakkhu catunnaṃ mahābhūtānaṃ upādāya pasādoti idhāpi upayogattheyeva sāmivacanaṃ; cattāri mahābhūtāni upādiyitvā pavattappasādoti attho. Iminā pasādacakkhumeva gaṇhāti, sesacakkhuṃ paṭikkhipati. Yaṃ pana indriyagocarasutte ‘‘ekaṃ mahābhūtaṃ upādāya pasādo pathavīdhātuyā tīhi mahābhūtehi saṅgahito āpodhātuyā ca tejodhātuyā ca vāyodhātuyā ca,’’ catuparivattasutte ‘‘dvinnaṃ mahābhūtānaṃ upādāya pasādo pathavīdhātuyā ca āpodhātuyā ca dvīhi mahābhūtehi saṅgahito tejodhātuyā ca vāyodhātuyā cā’’ti vuttaṃ, taṃ pariyāyena vuttaṃ. Ayañhi suttantikakathā nāma pariyāyadesanā . Yo ca catunnaṃ mahābhūtānaṃ upādāya pasādo so tesu ekekassāpi dinnaṃ dvinnampi pasādoyevāti iminā pariyāyena tattha desanā āgatā. Abhidhammo pana nippariyāyadesanā nāma. Tasmā idha ‘catunnaṃ mahābhūtānaṃ upādāya pasādo’ti vuttaṃ.

    ‘аяам̣ мз ад̇д̇аа’д̇и б̣аалаж̇анзна бариг̇г̇ахид̇ад̇д̇аа ад̇д̇абхааво вужжад̇и сарийрамби канд̇хабан̃жагамби. д̇асмим̣ барияаабанно д̇анниссид̇од̇и ад̇д̇абхаавабарияаабанно жагкувин̃н̃аан̣зна бассид̇ум̣ на саггаад̇и анид̣̇ассано. бадигхадданаанигхам̣со зд̇т̇а ж̇ааяад̇ийд̇и саббадигхо.

    ‘Ayaṃ me attā’ti bālajanena pariggahitattā attabhāvo vuccati sarīrampi khandhapañcakampi. Tasmiṃ pariyāpanno tannissitoti attabhāvapariyāpanno cakkhuviññāṇena passituṃ na sakkāti anidassano. Paṭighaṭṭanānighaṃso ettha jāyatīti sappaṭigho.

    язнаад̇иаад̣̇ийсу аяам̣ сан̇кзбад̇т̇о – язна гаран̣абхууд̇зна жагкунаа аяам̣ сад̇д̇о ид̣̇ам̣ вуд̇д̇аббагаарам̣ руубам̣ ад̇ийд̇з басси ваа, вад̇д̇амаанз бассад̇и ваа, анааг̇ад̇з бассиссад̇и ваа, сажасса абарибхиннам̣ жагку бхавзяяа, ат̇аанзна аабаат̇аг̇ад̇ам̣ руубам̣ бассз ваа, ад̇ийд̇ам̣ ваа руубам̣ ад̇ийд̇зна жагкунаа басси, бажжуббаннам̣ бажжуббаннзна бассад̇и, анааг̇ад̇ам̣ анааг̇ад̇зна бассиссад̇и, сажз д̇ам̣ руубам̣ жагкусса аабаат̇ам̣ ааг̇ажчзяяа жагкунаа д̇ам̣ руубам̣ бассзяяаад̇и ид̣̇амзд̇т̇а баригаббаважанам̣. д̣̇ассанабарин̣ааяагадтзна жагкум̣бзд̇ам̣, сан̃ж̇аад̇исамосаран̣адтзна жагкааяад̇анам̣бзд̇ам̣, сун̃н̃ад̇абхааваниссад̇д̇адтзна жагкуд̇хаад̇убзсаа. д̣̇ассаналагкан̣з инд̣̇адтам̣ гаарзд̇ийд̇и жагкунд̣̇рияам̣бзд̇ам̣. луж̇ж̇анабалуж̇ж̇анадтзна логобзсо. вал̣ан̃ж̇анадтзна д̣̇ваараабзсаа. абууран̣ийяадтзна самуд̣̇д̣̇обзсо. барисуд̣̇д̇хадтзна бан̣д̣арам̣бзд̇ам̣. пассаад̣̇ийнам̣ абхиж̇ааяанадтзна кзд̇д̇ам̣бзд̇ам̣. д̇зсам̣язва бад̇идтаанадтзна вад̇т̇ум̣бзд̇ам̣. самависамам̣ д̣̇ассзнд̇ам̣ ад̇д̇абхаавам̣ нзд̇ийд̇и нзд̇д̇ам̣бзд̇ам̣. д̇знзвадтзна наяанам̣бзд̇ам̣ . саггааяабарияаабаннадтзна оримам̣ д̇ийрам̣бзд̇ам̣. б̣ахусаад̇хааран̣адтзна ассаамигадтзна жа сун̃н̃о г̇аамобзсод̇и.

    Yenātiādīsu ayaṃ saṅkhepattho – yena karaṇabhūtena cakkhunā ayaṃ satto idaṃ vuttappakāraṃ rūpaṃ atīte passi vā, vattamāne passati vā, anāgate passissati vā, sacassa aparibhinnaṃ cakkhu bhaveyya, athānena āpāthagataṃ rūpaṃ passe vā, atītaṃ vā rūpaṃ atītena cakkhunā passi, paccuppannaṃ paccuppannena passati, anāgataṃ anāgatena passissati, sace taṃ rūpaṃ cakkhussa āpāthaṃ āgaccheyya cakkhunā taṃ rūpaṃ passeyyāti idamettha parikappavacanaṃ. Dassanapariṇāyakaṭṭhena cakkhuṃpetaṃ, sañjātisamosaraṇaṭṭhena cakkhāyatanaṃpetaṃ, suññatabhāvanissattaṭṭhena cakkhudhātupesā. Dassanalakkhaṇe indaṭṭhaṃ kāretīti cakkhundriyaṃpetaṃ. Lujjanapalujjanaṭṭhena lokopeso. Vaḷañjanaṭṭhena dvārāpesā. Apūraṇīyaṭṭhena samuddopeso. Parisuddhaṭṭhena paṇḍaraṃpetaṃ. Phassādīnaṃ abhijāyanaṭṭhena khettaṃpetaṃ. Tesaṃyeva patiṭṭhānaṭṭhena vatthuṃpetaṃ. Samavisamaṃ dassentaṃ attabhāvaṃ netīti nettaṃpetaṃ. Tenevaṭṭhena nayanaṃpetaṃ. Sakkāyapariyāpannaṭṭhena orimaṃ tīraṃpetaṃ. Bahusādhāraṇaṭṭhena assāmikaṭṭhena ca suñño gāmopesoti.

    зд̇д̇аавад̇аа ‘басси ваа’д̇иаад̣̇ийхи жад̇уухи бад̣̇зхи жагкум̣бзд̇анд̇иаад̣̇ийни жуд̣̇д̣̇аса наамаани яож̇зд̇ваа жагкааяад̇анасса жад̇д̇ааро вавад̇т̇аабананаяаа вуд̇д̇аад̇и взд̣̇ид̇аб̣б̣аа. гат̇ам̣? зд̇т̇а хи язна жагкунаа анид̣̇ассанзна саббадигхзна руубам̣ санид̣̇ассанам̣ саббадигхам̣ басси ваа жагкум̣бзд̇ам̣…бз… сун̃н̃о г̇аамобзсо, ид̣̇ам̣ д̇ам̣ руубам̣ жагкааяад̇ананд̇и аяамзго наяо. звам̣ сзсааби взд̣̇ид̇аб̣б̣аа.

    Ettāvatā ‘passi vā’tiādīhi catūhi padehi cakkhuṃpetantiādīni cuddasa nāmāni yojetvā cakkhāyatanassa cattāro vavatthāpananayā vuttāti veditabbā. Kathaṃ? Ettha hi yena cakkhunā anidassanena sappaṭighena rūpaṃ sanidassanaṃ sappaṭighaṃ passi vā cakkhuṃpetaṃ…pe… suñño gāmopeso, idaṃ taṃ rūpaṃ cakkhāyatananti ayameko nayo. Evaṃ sesāpi veditabbā.

    597. ид̣̇аани яасмаа виж̇ж̇унижчаран̣аад̣̇игаалзсу анологзд̇угаамассааби руубам̣ жагкубасаад̣̇ам̣ гхаддзд̇и, д̇асмаа д̇ам̣ аагаарам̣ д̣̇ассзд̇ум̣ д̣̇уд̇ияо нид̣̇д̣̇зсавааро аарад̣̇д̇хо. д̇ад̇т̇а яамхи жагкумхийд̇и яамхи ад̇хигаран̣абхууд̇з жагкумхи. руубанд̇и бажжад̇д̇аважанамзд̇ам̣. д̇ад̇т̇а бадихан̃н̃и ваад̇и ад̇ийд̇ад̇т̇о. бадихан̃н̃ад̇и ваад̇и бажжуббаннад̇т̇о. бадихан̃н̃иссад̇и ваад̇и анааг̇ад̇ад̇т̇о. бадихан̃н̃з ваад̇и вигаббанад̇т̇о. ад̇ийд̇ан̃хи руубам̣ ад̇ийд̇з жагкусмим̣ бадихан̃н̃и наама. бажжуббаннам̣ бажжуббаннз бадихан̃н̃ад̇и наама. анааг̇ад̇ам̣ анааг̇ад̇з бадихан̃н̃иссад̇и наама. сажз д̇ам̣ руубам̣ жагкусса аабаат̇ам̣ ааг̇ажчзяяа, жагкумхи бадихан̃н̃зяяа д̇ам̣ руубанд̇и аяамзд̇т̇а баригаббо. ад̇т̇ад̇о бана басаад̣̇ам̣ гхаддаяамаанамзва руубам̣ бадихан̃н̃ад̇и наама. ид̇хааби буриманаязнзва жад̇д̇ааро вавад̇т̇аабананаяаа взд̣̇ид̇аб̣б̣аа.

    597. Idāni yasmā vijjuniccharaṇādikālesu anoloketukāmassāpi rūpaṃ cakkhupasādaṃ ghaṭṭeti, tasmā taṃ ākāraṃ dassetuṃ dutiyo niddesavāro āraddho. Tattha yamhi cakkhumhīti yamhi adhikaraṇabhūte cakkhumhi. Rūpanti paccattavacanametaṃ. Tattha paṭihaññi vāti atītattho. Paṭihaññativāti paccuppannattho. Paṭihaññissati vāti anāgatattho. Paṭihaññe vāti vikappanattho. Atītañhi rūpaṃ atīte cakkhusmiṃ paṭihaññi nāma. Paccuppannaṃ paccuppanne paṭihaññati nāma. Anāgataṃ anāgate paṭihaññissati nāma. Sace taṃ rūpaṃ cakkhussa āpāthaṃ āgaccheyya, cakkhumhi paṭihaññeyya taṃ rūpanti ayamettha parikappo. Atthato pana pasādaṃ ghaṭṭayamānameva rūpaṃ paṭihaññati nāma. Idhāpi purimanayeneva cattāro vavatthāpananayā veditabbā.

    598. ид̣̇аани яасмаа ад̇д̇ано ижчааяа ологзд̇угаамасса руубз жагкум̣ убасам̣харад̇о жагку руубасмим̣ бадихан̃н̃ад̇и, д̇асмаа д̇ам̣ аагаарам̣ д̣̇ассзд̇ум̣ д̇ад̇ияо нид̣̇д̣̇зсавааро аарад̣̇д̇хо. со ад̇т̇ад̇о баагадоязва. зд̇т̇а бана жагку аарамман̣ам̣ самбадижчамаанамзва руубамхи бадихан̃н̃ад̇и наама. ид̇хааби буриманаязнзва жад̇д̇ааро вавад̇т̇аабананаяаа взд̣̇ид̇аб̣б̣аа.

    598. Idāni yasmā attano icchāya oloketukāmassa rūpe cakkhuṃ upasaṃharato cakkhu rūpasmiṃ paṭihaññati, tasmā taṃ ākāraṃ dassetuṃ tatiyo niddesavāro āraddho. So atthato pākaṭoyeva. Ettha pana cakkhu ārammaṇaṃ sampaṭicchamānameva rūpamhi paṭihaññati nāma. Idhāpi purimanayeneva cattāro vavatthāpananayā veditabbā.

    599. ид̇о барам̣ пассабан̃жамагаанам̣ уббад̇д̇ид̣̇ассанавасзна бан̃жа, д̇зсам̣язва аарамман̣абадиб̣ад̣̇д̇хауббад̇д̇ид̣̇ассанавасзна бан̃жаад̇и, д̣̇аса ваараа д̣̇ассид̇аа. д̇ад̇т̇а жагкум̣ ниссааяаад̇и жагкум̣ ниссааяа, бажжаяам̣ гад̇ваа. руубам̣ аараб̣бхаад̇и руубаарамман̣ам̣ ааг̇амма, санд̇хааяа, бадижжа. иминаа жагкубасаад̣̇авад̇т̇угаанам̣ пассаад̣̇ийнам̣ бурзж̇аад̇абажжаязна жагкуд̣̇ваараж̇аванавийт̇ибарияаабаннаанам̣ аарамман̣аад̇хибад̇иаарамман̣уубаниссаяабажжаязхи руубасса бажжаяабхааво д̣̇ассид̇о. ид̇арзсу бан̃жасу ваарзсу руубам̣ аарамман̣амассаад̇и руубаарамман̣од̇и звам̣ аарамман̣абажжаяамад̇д̇знзва бажжаяабхааво д̣̇ассид̇о. яат̇аа бана буримзсу д̇ийсу, звам̣ имзсуби д̣̇асасу ваарзсу жад̇д̇ааро жад̇д̇ааро вавад̇т̇аабананаяаа взд̣̇ид̇аб̣б̣аа. звам̣ гад̇амам̣ д̇ам̣ руубам̣ жагкааяад̇ананд̇и бужчааяа уд̣̇д̇хадам̣ жагкум̣ ‘ид̣̇ам̣ д̇а’нд̇и наанаббагаарад̇о д̣̇ассзд̇ум̣, буримаа д̇аяо, имз д̣̇асаад̇и, д̇зраса нид̣̇д̣̇зсаваараа д̣̇ассид̇аа. згзгасмин̃жзд̇т̇а жад̇уннам̣ жад̇уннам̣ вавад̇т̇аабананаяаанам̣ ааг̇ад̇ад̇д̇аа д̣̇вибан̃н̃аасааяа наязхи бадиман̣д̣зд̇ваава д̣̇ассид̇аад̇и взд̣̇ид̇аб̣б̣аа.

    599. Ito paraṃ phassapañcamakānaṃ uppattidassanavasena pañca, tesaṃyeva ārammaṇapaṭibaddhauppattidassanavasena pañcāti, dasa vārā dassitā. Tattha cakkhuṃ nissāyāti cakkhuṃ nissāya, paccayaṃ katvā. Rūpaṃ ārabbhāti rūpārammaṇaṃ āgamma, sandhāya, paṭicca. Iminā cakkhupasādavatthukānaṃ phassādīnaṃ purejātapaccayena cakkhudvārajavanavīthipariyāpannānaṃ ārammaṇādhipatiārammaṇūpanissayapaccayehi rūpassa paccayabhāvo dassito. Itaresu pañcasu vāresu rūpaṃ ārammaṇamassāti rūpārammaṇoti evaṃ ārammaṇapaccayamatteneva paccayabhāvo dassito. Yathā pana purimesu tīsu, evaṃ imesupi dasasu vāresu cattāro cattāro vavatthāpananayā veditabbā. Evaṃ katamaṃ taṃ rūpaṃ cakkhāyatananti pucchāya uddhaṭaṃ cakkhuṃ ‘idaṃ ta’nti nānappakārato dassetuṃ, purimā tayo, ime dasāti, terasa niddesavārā dassitā. Ekekasmiñcettha catunnaṃ catunnaṃ vavatthāpananayānaṃ āgatattā dvipaññāsāya nayehi paṭimaṇḍetvāva dassitāti veditabbā.

    600. ид̇о барзсу сод̇ааяад̇анаад̣̇инид̣̇д̣̇зсзсуби зсзва наяо. висзсамад̇д̇ам̣ банзд̇т̇а звам̣ взд̣̇ид̇аб̣б̣ам̣ – сун̣аад̇ийд̇и сод̇ам̣. д̇ам̣ сасамбхаарасод̇аб̣иласса анд̇о д̇ануд̇амб̣аломаажид̇з ан̇г̇уливзд̇хагасан̣таанз бад̣̇зсз вуд̇д̇аббагаараахи д̇хаад̇уухи гад̇уубагаарам̣, уд̇ужид̇д̇аахаарзхи убад̇т̇амбхияамаанам̣, ааяунаа анубаалияамаанам̣, ван̣н̣аад̣̇ийхи баривуд̇ам̣ сод̇авин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и.

    600. Ito paresu sotāyatanādiniddesesupi eseva nayo. Visesamattaṃ panettha evaṃ veditabbaṃ – suṇātīti sotaṃ. Taṃ sasambhārasotabilassa anto tanutambalomācite aṅgulivedhakasaṇṭhāne padese vuttappakārāhi dhātūhi katūpakāraṃ, utucittāhārehi upatthambhiyamānaṃ, āyunā anupāliyamānaṃ, vaṇṇādīhi parivutaṃ sotaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati.

    гхааяад̇ийд̇и гхаанам̣. д̇ам̣ сасамбхаарагхаанаб̣иласса анд̇о аж̇аббад̣̇асан̣таанз бад̣̇зсз яат̇аавуд̇д̇аббагаараубагаарубад̇т̇амбханаанубааланабариваарам̣ худ̇ваа гхаанавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и.

    Ghāyatīti ghānaṃ. Taṃ sasambhāraghānabilassa anto ajappadasaṇṭhāne padese yathāvuttappakāraupakārupatthambhanānupālanaparivāraṃ hutvā ghānaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati.

    сааяанадтзна ж̇ивхаа. саа сасамбхаараж̇ивхаамаж̇жхасса убари уббалад̣̇алаг̇г̇асан̣таанз бад̣̇зсз яат̇аавуд̇д̇аббагаараубагаарубад̇т̇амбханаанубааланабариваараа худ̇ваа ж̇ивхаавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанаа д̇идтад̇и.

    Sāyanaṭṭhena jivhā. Sā sasambhārajivhāmajjhassa upari uppaladalaggasaṇṭhāne padese yathāvuttappakāraupakārupatthambhanānupālanaparivārā hutvā jivhāviññāṇādīnaṃ yathārahaṃ vatthudvārabhāvaṃ sādhayamānā tiṭṭhati.

    яаавад̇аа бана имасмим̣ гааяз убаад̣̇ин̣н̣агаруубам̣ наама ад̇т̇и, саб̣б̣ад̇т̇а гааяааяад̇анам̣, габбаасабадалз снзхо вияа, яат̇аавуд̇д̇аббагаараубагаарубад̇т̇амбханаанубааланабариваарамзва худ̇ваа гааяавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. аяамзд̇т̇а висзсо. сзсо баал̣иббабхзд̣̇о жа ад̇т̇о жа жагкунид̣̇д̣̇зсз вуд̇д̇анаязнзва взд̣̇ид̇аб̣б̣о. гзвалан̃хи ид̇ха жагкубад̣̇асса таанз сод̇абад̣̇аад̣̇ийни, руубабад̣̇асса таанз сад̣̇д̣̇абад̣̇аад̣̇ийни, бассийд̇и аад̣̇ийнам̣ таанз сун̣ийд̇иаад̣̇ибад̣̇аани жа ааг̇ад̇аани. ‘нзд̇д̇ам̣бзд̇ам̣ , наяанам̣бзд̇а’нд̇и имасса жа бад̣̇ад̣̇ваяасса абхааваа д̣̇ваад̣̇аса д̣̇ваад̣̇аса наамаани хонд̇и. сзсам̣ саб̣б̣ад̇т̇а вуд̇д̇асад̣̇исамзва.

    Yāvatā pana imasmiṃ kāye upādiṇṇakarūpaṃ nāma atthi, sabbattha kāyāyatanaṃ, kappāsapaṭale sneho viya, yathāvuttappakāraupakārupatthambhanānupālanaparivārameva hutvā kāyaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Ayamettha viseso. Seso pāḷippabhedo ca attho ca cakkhuniddese vuttanayeneva veditabbo. Kevalañhi idha cakkhupadassa ṭhāne sotapadādīni, rūpapadassa ṭhāne saddapadādīni, passīti ādīnaṃ ṭhāne suṇītiādipadāni ca āgatāni. ‘Nettaṃpetaṃ , nayanaṃpeta’nti imassa ca padadvayassa abhāvā dvādasa dvādasa nāmāni honti. Sesaṃ sabbattha vuttasadisameva.

    д̇ад̇т̇а сияаа – яад̣̇и яаавад̇аа имасмим̣ гааяз убаад̣̇ин̣н̣агаруубам̣ наама ад̇т̇и, саб̣б̣ад̇т̇а гааяааяад̇анам̣, габбаасабадалз снзхо вияа. ‘звам̣ санд̇з лагкан̣асаммиссад̇аа аабаж̇ж̇ад̇ий’д̇и. ‘наабаж̇ж̇ад̇ий’д̇и. ‘гасмаа’? ‘ан̃н̃асса ан̃н̃ад̇т̇а абхаавад̇о’. ‘яад̣̇и звам̣, на саб̣б̣ад̇т̇а гааяааяад̇ана’нд̇и? ‘нзва барамад̇т̇ад̇о саб̣б̣ад̇т̇а. виниб̣бхуж̇ид̇ваа банасса наанаагаран̣ам̣ бан̃н̃аабзд̇ум̣ на саггаа, д̇асмаа звам̣ вуд̇д̇ам̣. яат̇аа хи руубарасаад̣̇аяо, ваалигаажун̣н̣аани вияа, вивзжзд̇ум̣ асаггун̣зяяад̇ааяа ан̃н̃аман̃н̃аб̣яаабинод̇и вужжанд̇и, на жа барамад̇т̇ад̇о руубз расо ад̇т̇и. яад̣̇и сияаа руубаг̇г̇ахан̣знзва расаг̇г̇ахан̣ам̣ г̇ажчзяяа. звам̣ гааяааяад̇анамби барамад̇т̇ад̇о нзва саб̣б̣ад̇т̇а ад̇т̇и, на жа саб̣б̣ад̇т̇а над̇т̇и, вивзжзд̇ум̣ асаггун̣зяяад̇ааяаад̇и. звамзд̇т̇а на лагкан̣асаммиссад̇аа аабаж̇ж̇ад̇ийд̇и взд̣̇ид̇аб̣б̣аа’.

    Tattha siyā – yadi yāvatā imasmiṃ kāye upādiṇṇakarūpaṃ nāma atthi, sabbattha kāyāyatanaṃ, kappāsapaṭale sneho viya. ‘Evaṃ sante lakkhaṇasammissatā āpajjatī’ti. ‘Nāpajjatī’ti. ‘Kasmā’? ‘Aññassa aññattha abhāvato’. ‘Yadi evaṃ, na sabbattha kāyāyatana’nti? ‘Neva paramatthato sabbattha. Vinibbhujitvā panassa nānākaraṇaṃ paññāpetuṃ na sakkā, tasmā evaṃ vuttaṃ. Yathā hi rūparasādayo, vālikācuṇṇāni viya, vivecetuṃ asakkuṇeyyatāya aññamaññabyāpinoti vuccanti, na ca paramatthato rūpe raso atthi. Yadi siyā rūpaggahaṇeneva rasaggahaṇaṃ gaccheyya. Evaṃ kāyāyatanampi paramatthato neva sabbattha atthi, na ca sabbattha natthi, vivecetuṃ asakkuṇeyyatāyāti. Evamettha na lakkhaṇasammissatā āpajjatīti veditabbā’.

    абижа лагкан̣аад̣̇ивавад̇т̇аабанад̇обзд̇зсам̣ асаммиссад̇аа взд̣̇ид̇аб̣б̣аа – зд̇зсу хи руубаабхигхаад̇аарахабхууд̇аббасаад̣̇алагкан̣ам̣ д̣̇адтугаамад̇аанид̣̇аанагаммасамудтаанабхууд̇аббасаад̣̇алагкан̣ам̣ ваа жагку, руубзсу аавин̃чанарасам̣, жагкувин̃н̃аан̣асса аад̇хаарабхаавабажжубадтаанам̣, д̣̇адтугаамад̇аанид̣̇аанагаммаж̇абхууд̇абад̣̇адтаанам̣.

    Apica lakkhaṇādivavatthāpanatopetesaṃ asammissatā veditabbā – etesu hi rūpābhighātārahabhūtappasādalakkhaṇaṃ daṭṭhukāmatānidānakammasamuṭṭhānabhūtappasādalakkhaṇaṃ vā cakkhu, rūpesu āviñchanarasaṃ, cakkhuviññāṇassa ādhārabhāvapaccupaṭṭhānaṃ, daṭṭhukāmatānidānakammajabhūtapadaṭṭhānaṃ.

    сад̣̇д̣̇аабхигхаад̇аарахабхууд̇аббасаад̣̇алагкан̣ам̣ сод̇угаамад̇аанид̣̇аанагаммасамудтаанабхууд̇аббасаад̣̇алагкан̣ам̣ ваа сод̇ам̣, сад̣̇д̣̇зсу аавин̃чанарасам̣, сод̇авин̃н̃аан̣асса аад̇хаарабхаавабажжубадтаанам̣, сод̇угаамад̇аанид̣̇аанагаммаж̇абхууд̇абад̣̇адтаанам̣.

    Saddābhighātārahabhūtappasādalakkhaṇaṃ sotukāmatānidānakammasamuṭṭhānabhūtappasādalakkhaṇaṃ vā sotaṃ, saddesu āviñchanarasaṃ, sotaviññāṇassa ādhārabhāvapaccupaṭṭhānaṃ, sotukāmatānidānakammajabhūtapadaṭṭhānaṃ.

    г̇анд̇хаабхигхаад̇аарахабхууд̇аббасаад̣̇алагкан̣ам̣ гхааяид̇угаамад̇аанид̣̇аанагаммасамудтаанабхууд̇аббасаад̣̇алагкан̣ам̣ ваа гхаанам̣, г̇анд̇хзсу аавин̃чанарасам̣, гхаанавин̃н̃аан̣асса аад̇хаарабхаавабажжубадтаанам̣ гхааяид̇угаамад̇аанид̣̇аанагаммаж̇абхууд̇абад̣̇адтаанам̣.

    Gandhābhighātārahabhūtappasādalakkhaṇaṃ ghāyitukāmatānidānakammasamuṭṭhānabhūtappasādalakkhaṇaṃ vā ghānaṃ, gandhesu āviñchanarasaṃ, ghānaviññāṇassa ādhārabhāvapaccupaṭṭhānaṃ ghāyitukāmatānidānakammajabhūtapadaṭṭhānaṃ.

    расаабхигхаад̇аарахабхууд̇аббасаад̣̇алагкан̣аа сааяид̇угаамад̇аанид̣̇аанагаммасамудтаанабхууд̇аббасаад̣̇алагкан̣аа ваа ж̇ивхаа, расзсу аавин̃чанарасаа, ж̇ивхаавин̃н̃аан̣асса аад̇хаарабхаавабажжубадтаанаа, сааяид̇угаамад̇аанид̣̇аанагаммаж̇абхууд̇абад̣̇адтаанаа.

    Rasābhighātārahabhūtappasādalakkhaṇā sāyitukāmatānidānakammasamuṭṭhānabhūtappasādalakkhaṇā vā jivhā, rasesu āviñchanarasā, jivhāviññāṇassa ādhārabhāvapaccupaṭṭhānā, sāyitukāmatānidānakammajabhūtapadaṭṭhānā.

    подтаб̣б̣аабхигхаад̇аарахабхууд̇аббасаад̣̇алагкан̣о пусид̇угаамад̇аанид̣̇аанагаммасамудтаанабхууд̇аббасаад̣̇алагкан̣о ваа гааяо, подтаб̣б̣зсу аавин̃чанарасо, гааяавин̃н̃аан̣асса аад̇хаарабхаавабажжубадтаано, пусид̇угаамад̇аанид̣̇аанагаммаж̇абхууд̇абад̣̇адтаано.

    Phoṭṭhabbābhighātārahabhūtappasādalakkhaṇo phusitukāmatānidānakammasamuṭṭhānabhūtappasādalakkhaṇo vā kāyo, phoṭṭhabbesu āviñchanaraso, kāyaviññāṇassa ādhārabhāvapaccupaṭṭhāno, phusitukāmatānidānakammajabhūtapadaṭṭhāno.

    гзжи бана ‘д̇зж̇аад̇хигаанам̣ бхууд̇аанам̣ басаад̣̇о жагку, вааяубат̇авийаабаад̇хигаанам̣ бхууд̇аанам̣ басаад̣̇аа сод̇агхаанаж̇ивхаа, гааяо саб̣б̣зса’нд̇и вад̣̇анд̇и. абарз ‘д̇зж̇аад̇хигаанам̣ басаад̣̇о жагку, виваравааяуаабабат̇аваад̇хигаанам̣ басаад̣̇аа сод̇агхаанаж̇ивхаагааяаа’д̇и вад̣̇анд̇и. д̇з вад̇д̇аб̣б̣аа – ‘суд̇д̇ам̣ аахарат̇аа’д̇и. ад̣̇д̇хаа суд̇д̇амзва на д̣̇агкиссанд̇и. гзжи банзд̇т̇а ‘д̇зж̇аад̣̇ийнам̣ г̇ун̣зхи руубаад̣̇ийхи ануг̇г̇аяхабхаавад̇о’д̇и гааран̣ам̣ вад̣̇анд̇и. д̇з жа вад̇д̇аб̣б̣аа – ‘го банзвамааха – руубаад̣̇аяо д̇зж̇аад̣̇ийнам̣ г̇ун̣аа’д̇и? авиниб̣бхог̇зсу хи руубзсу ‘аяам̣ имасса г̇ун̣о, аяам̣ имасса г̇ун̣о’д̇и на лаб̣бхаа вад̇д̇ум̣. ат̇ааби вад̣̇зяяум̣ – ‘яат̇аа д̇зсу д̇зсу самбхаарзсу д̇асса д̇асса бхууд̇асса ад̇хигад̇ааяа бат̇авийаад̣̇ийнам̣ санд̇хааран̣аад̣̇ийни гижжаани ижчат̇а, звам̣ д̇зж̇аад̣̇иад̇хигзсу самбхаарзсу руубаад̣̇ийнам̣ ад̇хигабхаавад̣̇ассанад̇о ижчид̇аб̣б̣амзд̇ам̣ руубаад̣̇аяо д̇зсам̣ г̇ун̣аа’д̇и. д̇з вад̇д̇аб̣б̣аа – ижчзяяаама , яад̣̇и аабаад̇хигасса аасавасса г̇анд̇хад̇о бат̇авийад̇хигз габбаасз г̇анд̇хо ад̇хигад̇аро сияаа, д̇зж̇аад̇хигасса жа ун̣ход̣̇агасса ван̣н̣ад̇оби сийд̇ууд̣̇агасса ван̣н̣о барихааязт̇а. яасмаа банзд̇ам̣ убхаяамби над̇т̇и, д̇асмаа бахааязт̇зд̇ам̣ зд̇зсам̣ ниссаяабхууд̇аанам̣ висзсагаббанам̣, яат̇аа ависзсзби згагалаабз бхууд̇аанам̣ руубарасаад̣̇аяо ан̃н̃аман̃н̃ам̣ висад̣̇исаа хонд̇и, звам̣ жагкубасаад̣̇аад̣̇аяо, авиж̇ж̇амаанзби ан̃н̃асмим̣ висзсагааран̣зд̇и г̇ахзд̇аб̣б̣амзд̇ам̣.

    Keci pana ‘tejādhikānaṃ bhūtānaṃ pasādo cakkhu, vāyupathavīāpādhikānaṃ bhūtānaṃ pasādā sotaghānajivhā, kāyo sabbesa’nti vadanti. Apare ‘tejādhikānaṃ pasādo cakkhu, vivaravāyuāpapathavādhikānaṃ pasādā sotaghānajivhākāyā’ti vadanti. Te vattabbā – ‘suttaṃ āharathā’ti. Addhā suttameva na dakkhissanti. Keci panettha ‘tejādīnaṃ guṇehi rūpādīhi anuggayhabhāvato’ti kāraṇaṃ vadanti. Te ca vattabbā – ‘ko panevamāha – rūpādayo tejādīnaṃ guṇā’ti? Avinibbhogesu hi rūpesu ‘ayaṃ imassa guṇo, ayaṃ imassa guṇo’ti na labbhā vattuṃ. Athāpi vadeyyuṃ – ‘yathā tesu tesu sambhāresu tassa tassa bhūtassa adhikatāya pathavīādīnaṃ sandhāraṇādīni kiccāni icchatha, evaṃ tejādiadhikesu sambhāresu rūpādīnaṃ adhikabhāvadassanato icchitabbametaṃ rūpādayo tesaṃ guṇā’ti. Te vattabbā – iccheyyāma , yadi āpādhikassa āsavassa gandhato pathavīadhike kappāse gandho adhikataro siyā, tejādhikassa ca uṇhodakassa vaṇṇatopi sītūdakassa vaṇṇo parihāyetha. Yasmā panetaṃ ubhayampi natthi, tasmā pahāyethetaṃ etesaṃ nissayabhūtānaṃ visesakappanaṃ, yathā avisesepi ekakalāpe bhūtānaṃ rūparasādayo aññamaññaṃ visadisā honti, evaṃ cakkhupasādādayo, avijjamānepi aññasmiṃ visesakāraṇeti gahetabbametaṃ.

    гим̣ бана д̇ам̣ яам̣ ан̃н̃аман̃н̃асса асаад̇хааран̣ам̣? гаммамзва нзсам̣ висзсагааран̣ам̣. д̇асмаа гаммависзсад̇о зд̇зсам̣ висзсо, на бхууд̇ависзсад̇о. бхууд̇ависзсз хи сад̇и басаад̣̇ова нуббаж̇ж̇ад̇и. самаанаанан̃хи басаад̣̇о, на висамаанаананд̇и бораан̣аа. звам̣ гаммзвисасад̇о висзсаванд̇зсу жа зд̇зсу жагкусод̇аани асамбад̇д̇ависаяаг̇г̇аахагаани ад̇д̇ано ниссаяам̣ аналлийнаниссаяз зва висаяз вин̃н̃аан̣ахзд̇уд̇д̇аа. гхаанаж̇ивхаагааяаа самбад̇д̇ависаяаг̇г̇аахагаа, ниссаяавасзна жзва саяан̃жа ад̇д̇ано ниссаяам̣ аллийнзязва висаяз вин̃н̃аан̣ахзд̇уд̇д̇аа.

    Kiṃ pana taṃ yaṃ aññamaññassa asādhāraṇaṃ? Kammameva nesaṃ visesakāraṇaṃ. Tasmā kammavisesato etesaṃ viseso, na bhūtavisesato. Bhūtavisese hi sati pasādova nuppajjati. Samānānañhi pasādo, na visamānānanti porāṇā. Evaṃ kammevisasato visesavantesu ca etesu cakkhusotāni asampattavisayaggāhakāni attano nissayaṃ anallīnanissaye eva visaye viññāṇahetuttā. Ghānajivhākāyā sampattavisayaggāhakā, nissayavasena ceva sayañca attano nissayaṃ allīneyeva visaye viññāṇahetuttā.

    адтагат̇ааяам̣ бана ‘‘аабаат̇аг̇ад̇ад̇д̇аава аарамман̣ам̣ самбад̇д̇ам̣ наама. жанд̣̇аман̣д̣аласуурияаман̣д̣алаанан̃хи д̣̇ваажад̇д̇аалийсаяож̇анасахассамад̇т̇агз тид̇аанам̣ ван̣н̣о жагкубасаад̣̇ам̣ гхаддзд̇и. со д̣̇уурз тад̇ваа бан̃н̃ааяамааноби самбад̇д̇оязва наама. д̇ам̣г̇ожарад̇д̇аа жагку самбад̇д̇аг̇ожарамзва наама. д̣̇уурз ругкам̣ чинд̣̇анд̇аанамби, раж̇агаанан̃жа вад̇т̇ам̣ д̇хованд̇аанам̣ д̣̇уурад̇ова гааяавигааро бан̃н̃ааяад̇и. сад̣̇д̣̇о бана д̇хаад̇убарамбарааяа ааг̇анд̇ваа сод̇ам̣ гхаддзд̇ваа сан̣игам̣ вавад̇т̇аанам̣ г̇ажчад̇ий’’д̇и вуд̇д̇ам̣.

    Aṭṭhakathāyaṃ pana ‘‘āpāthagatattāva ārammaṇaṃ sampattaṃ nāma. Candamaṇḍalasūriyamaṇḍalānañhi dvācattālīsayojanasahassamatthake ṭhitānaṃ vaṇṇo cakkhupasādaṃ ghaṭṭeti. So dūre ṭhatvā paññāyamānopi sampattoyeva nāma. Taṃgocarattā cakkhu sampattagocarameva nāma. Dūre rukkhaṃ chindantānampi, rajakānañca vatthaṃ dhovantānaṃ dūratova kāyavikāro paññāyati. Saddo pana dhātuparamparāya āgantvā sotaṃ ghaṭṭetvā saṇikaṃ vavatthānaṃ gacchatī’’ti vuttaṃ.

    д̇ад̇т̇а гин̃жааби аабаат̇аг̇ад̇ад̇д̇аа аарамман̣ам̣ самбад̇д̇анд̇и вуд̇д̇ам̣, жанд̣̇аман̣д̣алаад̣̇иван̣н̣о бана жагкум̣ асамбад̇д̇о д̣̇уурз тид̇ова бан̃н̃ааяад̇и. сад̣̇д̣̇оби сажз сан̣игам̣ ааг̇ажчзяяа, д̣̇уурз уббанно жирзна суяязяяа, барамбарагхадданааяа жа ааг̇анд̇ваа сод̇ам̣ гхаддзнд̇о асугад̣̇исааяа наамаад̇и на бан̃н̃ааязяяа. д̇асмаа асамбад̇д̇аг̇ожараанзва д̇аани.

    Tattha kiñcāpi āpāthagatattā ārammaṇaṃ sampattanti vuttaṃ, candamaṇḍalādivaṇṇo pana cakkhuṃ asampatto dūre ṭhitova paññāyati. Saddopi sace saṇikaṃ āgaccheyya, dūre uppanno cirena suyyeyya, paramparaghaṭṭanāya ca āgantvā sotaṃ ghaṭṭento asukadisāya nāmāti na paññāyeyya. Tasmā asampattagocarāneva tāni.

    ахиаад̣̇исамаанаани жзд̇аани. яат̇аа хи ахи наама б̣ахи сид̇д̇асаммадтадтаанз наабхирамад̇и, сан̇гаарадтаанад̇ин̣абан̣н̣аг̇аханаваммигааниязва бана бависид̇ваа нибаннагаалз абхирамад̇и, згаг̇г̇ад̇ам̣ аабаж̇ж̇ад̇и, звамзва жагкубзд̇ам̣ висамаж̇жхаасаяам̣ мадтзсу суван̣н̣абхид̇д̇иаад̣̇ийсу наабхирамад̇и, ологзд̇умби на ижчад̇и, руубажид̇д̇абубпалад̇аад̣̇ижид̇д̇зсуязва бана абхирамад̇и. д̇аад̣̇исзсу хи таанзсу жагкумхи аббахонд̇з мукамби виварид̇ваа ологзд̇угаамаа хонд̇и.

    Ahiādisamānāni cetāni. Yathā hi ahi nāma bahi sittasammaṭṭhaṭṭhāne nābhiramati, saṅkāraṭṭhānatiṇapaṇṇagahanavammikāniyeva pana pavisitvā nipannakāle abhiramati, ekaggataṃ āpajjati, evameva cakkhupetaṃ visamajjhāsayaṃ maṭṭhesu suvaṇṇabhittiādīsu nābhiramati, oloketumpi na icchati, rūpacittapupphalatādicittesuyeva pana abhiramati. Tādisesu hi ṭhānesu cakkhumhi appahonte mukhampi vivaritvā oloketukāmā honti.

    сусумаароби б̣ахи нигканд̇о г̇ахзд̇аб̣б̣ам̣ на бассад̇и, агкийни ниммийлзд̇ваава жарад̇и. яад̣̇аа бана б̣яаамасад̇амад̇д̇ам̣ уд̣̇агам̣ ог̇аахид̇ваа б̣илам̣ бависид̇ваа нибанно ход̇и, д̇ад̣̇аа д̇асса жид̇д̇ам̣ згаг̇г̇ам̣ ход̇и сукам̣ субад̇и, звамзва сод̇ам̣ д̇амбз б̣илаж̇жхаасаяам̣ аагаасасанниссид̇ам̣ ган̣н̣ажчид̣̇д̣̇агуубагзязва аж̇жхаасаяам̣ гарод̇и. ган̣н̣ажчид̣̇д̣̇аагаасоязва д̇асса сад̣̇д̣̇асаванз бажжаяо ход̇и. аж̇адаагаасоби ваддад̇иязва. анд̇олзн̣асмин̃хи саж̇жхааяз гарияамаанз на лзн̣ажчад̣̇анам̣ бхинд̣̇ид̇ваа сад̣̇д̣̇о б̣ахи нигкамад̇и, д̣̇ваараваад̇абаанажчид̣̇д̣̇зхи бана нигкамид̇ваа д̇хаад̇убарамбарааязва гхаддзнд̇о г̇анд̇ваа сод̇абасаад̣̇ам̣ гхаддзд̇и. ат̇а д̇асмим̣ гаалз ‘асуго наама саж̇жхааяад̇ий’д̇и лзн̣абидтз нисиннаа ж̇аананд̇и.

    Susumāropi bahi nikkhanto gahetabbaṃ na passati, akkhīni nimmīletvāva carati. Yadā pana byāmasatamattaṃ udakaṃ ogāhitvā bilaṃ pavisitvā nipanno hoti, tadā tassa cittaṃ ekaggaṃ hoti sukhaṃ supati, evameva sotaṃ tampe bilajjhāsayaṃ ākāsasannissitaṃ kaṇṇacchiddakūpakeyeva ajjhāsayaṃ karoti. Kaṇṇacchiddākāsoyeva tassa saddasavane paccayo hoti. Ajaṭākāsopi vaṭṭatiyeva. Antoleṇasmiñhi sajjhāye kariyamāne na leṇacchadanaṃ bhinditvā saddo bahi nikkhamati, dvāravātapānacchiddehi pana nikkhamitvā dhātuparamparāyeva ghaṭṭento gantvā sotapasādaṃ ghaṭṭeti. Atha tasmiṃ kāle ‘asuko nāma sajjhāyatī’ti leṇapiṭṭhe nisinnā jānanti.

    звам̣ санд̇з самбад̇д̇аг̇ожарад̇аа ход̇и. ‘гим̣ банзд̇ам̣ самбад̇д̇аг̇ожара’нд̇и? ‘аама, самбад̇д̇аг̇ожарам̣’. ‘яад̣̇и звам̣, д̣̇уурз бхзрийаад̣̇ийсу важ̇ж̇амаанзсу д̣̇уурз сад̣̇д̣̇од̇и ж̇аананам̣ на бхавзяяаа’д̇и? ‘но на бхавад̇и. сод̇абасаад̣̇асмин̃хи гхаддид̇з д̣̇уурз сад̣̇д̣̇о аасаннз сад̣̇д̣̇о, барад̇ийрз оримад̇ийрзд̇и д̇ат̇аа д̇ат̇аа ж̇аананаагааро ход̇и. д̇хаммад̇аа зсаа’д̇и. ‘гим̣ зд̇ааяа д̇хаммад̇ааяа? яад̇о яад̇о чид̣̇д̣̇ам̣ д̇ад̇о д̇ад̇о саванам̣ ход̇и, жанд̣̇имасуурияаад̣̇ийнам̣ д̣̇ассанам̣ вияаад̇и асамбад̇д̇аг̇ожарамзвзд̇ам̣’.

    Evaṃ sante sampattagocaratā hoti. ‘Kiṃ panetaṃ sampattagocara’nti? ‘Āma, sampattagocaraṃ’. ‘Yadi evaṃ, dūre bherīādīsu vajjamānesu dūre saddoti jānanaṃ na bhaveyyā’ti? ‘No na bhavati. Sotapasādasmiñhi ghaṭṭite dūre saddo āsanne saddo, paratīre orimatīreti tathā tathā jānanākāro hoti. Dhammatā esā’ti. ‘Kiṃ etāya dhammatāya? Yato yato chiddaṃ tato tato savanaṃ hoti, candimasūriyādīnaṃ dassanaṃ viyāti asampattagocaramevetaṃ’.

    багкийби ругкз ваа бхуумияам̣ ваа на рамад̇и. яад̣̇аа бана згам̣ ваа д̣̇вз ваа лзд̣д̣убаад̇з ад̇иггамма аж̇адаагаасам̣ багканд̣̇о ход̇и, д̇ад̣̇аа згаг̇г̇ажид̇д̇ад̇ам̣ аабаж̇ж̇ад̇и, звамзва гхаанамби аагаасаж̇жхаасаяам̣ ваад̇уубаниссаяаг̇анд̇хаг̇ожарам̣. д̇ат̇аа хи г̇ааво нававудтз д̣̇звз бхуумияам̣ гхааяид̇ваа гхааяид̇ваа аагаасаабхимукаа худ̇ваа ваад̇ам̣ аагад̣дханд̇и. ан̇г̇улийхи г̇анд̇хабин̣д̣ам̣ г̇ахзд̇вааби жа убасин̇гханагаалз ваад̇ам̣ анаагад̣дханд̇о нзва д̇асса г̇анд̇хам̣ ж̇аанаад̇и.

    Pakkhīpi rukkhe vā bhūmiyaṃ vā na ramati. Yadā pana ekaṃ vā dve vā leḍḍupāte atikkamma ajaṭākāsaṃ pakkhando hoti, tadā ekaggacittataṃ āpajjati, evameva ghānampi ākāsajjhāsayaṃ vātūpanissayagandhagocaraṃ. Tathā hi gāvo navavuṭṭhe deve bhūmiyaṃ ghāyitvā ghāyitvā ākāsābhimukhā hutvā vātaṃ ākaḍḍhanti. Aṅgulīhi gandhapiṇḍaṃ gahetvāpi ca upasiṅghanakāle vātaṃ anākaḍḍhanto neva tassa gandhaṃ jānāti.

    гуггуроби б̣ахи вижаранд̇о кзмадтаанам̣ на бассад̇и лзд̣д̣убахаараад̣̇ийхи убад̣̇д̣̇уд̇о ход̇и. анд̇ог̇аамам̣ бависид̇ваа уд̣̇д̇ханадтаанз чааригам̣ б̣яуухид̇ваа нибаннасса бана паасугам̣ ход̇и, звамзва ж̇ивхааби г̇аамаж̇жхаасаяаа аабосанниссид̇арасаарамман̣аа. д̇ат̇аа хи д̇ияаамарад̇д̇им̣ саман̣ад̇хаммам̣ гад̇вааби баад̇ова бад̇д̇ажийварамаад̣̇ааяа г̇аамо бависид̇аб̣б̣о ход̇и. сугкакаад̣̇анийяасса жа на саггаа кзл̣зна ад̇змид̇асса расам̣ ж̇аанид̇ум̣.

    Kukkuropi bahi vicaranto khemaṭṭhānaṃ na passati leḍḍupahārādīhi upadduto hoti. Antogāmaṃ pavisitvā uddhanaṭṭhāne chārikaṃ byūhitvā nipannassa pana phāsukaṃ hoti, evameva jivhāpi gāmajjhāsayā āposannissitarasārammaṇā. Tathā hi tiyāmarattiṃ samaṇadhammaṃ katvāpi pātova pattacīvaramādāya gāmo pavisitabbo hoti. Sukkhakhādanīyassa ca na sakkā kheḷena atemitassa rasaṃ jānituṃ.

    син̇г̇аалоби б̣ахи жаранд̇о рад̇им̣ на винд̣̇ад̇и, аамагасусаанз мануссамам̣сам̣ каад̣̇ид̇ваа нибаннассзва банасса паасугам̣ ход̇и, звамзва гааяоби убаад̣̇ин̣н̣агаж̇жхаасаяо бат̇авийниссид̇аподтаб̣б̣аарамман̣о. д̇ат̇аа хи ан̃н̃ам̣ убаад̣̇ин̣н̣агам̣ алабхамаанаа сад̇д̇аа ад̇д̇анова хад̇т̇ад̇алз сийсам̣ гад̇ваа нибаж̇ж̇анд̇и. аж̇жхад̇д̇игаб̣аахираа жасса бат̇авий аарамман̣аг̇г̇ахан̣з бажжаяо ход̇и. сусант̇ад̇ассаби хи саяанасса, хад̇т̇з табид̇аанамби ваа палаанам̣, на саггаа анисийд̣̇анд̇зна ваа аниббийл̣знд̇зна ваа т̇ад̣̇д̇хамуд̣̇убхааво ж̇аанид̇унд̇и. аж̇жхад̇д̇игаб̣аахираабат̇авий зд̇асса гааяабасаад̣̇асса подтаб̣б̣аж̇аананз бажжаяо ход̇и. звам̣ лагкан̣аад̣̇ивавад̇т̇аанад̇обзд̇зсам̣ асаммиссад̇аа взд̣̇ид̇аб̣б̣аа. ан̃н̃зязва хи жагкубасаад̣̇асса лагкан̣арасабажжубадтаанабад̣̇адтаанаг̇ожараж̇жхаасаяаниссаяаа ан̃н̃з сод̇абасаад̣̇аад̣̇ийнанд̇и асаммиссаанзва жагкааяад̇анаад̣̇ийни.

    Siṅgālopi bahi caranto ratiṃ na vindati, āmakasusāne manussamaṃsaṃ khāditvā nipannasseva panassa phāsukaṃ hoti, evameva kāyopi upādiṇṇakajjhāsayo pathavīnissitaphoṭṭhabbārammaṇo. Tathā hi aññaṃ upādiṇṇakaṃ alabhamānā sattā attanova hatthatale sīsaṃ katvā nipajjanti. Ajjhattikabāhirā cassa pathavī ārammaṇaggahaṇe paccayo hoti. Susanthatassapi hi sayanassa, hatthe ṭhapitānampi vā phalānaṃ, na sakkā anisīdantena vā anippīḷentena vā thaddhamudubhāvo jānitunti. Ajjhattikabāhirāpathavī etassa kāyapasādassa phoṭṭhabbajānane paccayo hoti. Evaṃ lakkhaṇādivavatthānatopetesaṃ asammissatā veditabbā. Aññeyeva hi cakkhupasādassa lakkhaṇarasapaccupaṭṭhānapadaṭṭhānagocarajjhāsayanissayā aññe sotapasādādīnanti asammissāneva cakkhāyatanādīni.

    абижа нзсам̣ асаммиссад̇ааяа аяам̣ убамааби взд̣̇ид̇аб̣б̣аа – яат̇аа хи бан̃жаван̣н̣аанам̣ д̇хаж̇аанам̣ уссаабид̇аанам̣ гин̃жааби чааяаа згааб̣ад̣̇д̇хаа вияа ход̇и, д̇асса д̇асса бана ан̃н̃аман̃н̃ам̣ асаммиссаава яат̇аа жа бан̃жаван̣н̣зна габбаасзна ваддим̣ гад̇ваа д̣̇ийбз ж̇аалид̇з гин̃жааби ж̇аалаа згааб̣ад̣̇д̇хаа вияа ход̇и, д̇асса д̇асса бана ам̣суно баадиязггаа баадиязггаа ж̇аалаа асаммиссаа зва, звамзва гин̃жааби имаани бан̃жааяад̇анаани згасмим̣ ад̇д̇абхаавз самосадаани ан̃н̃аман̃н̃ам̣ бана асаммиссаанзва. на гзвалан̃жа имаанзва бан̃жа, сзсаруубааниби асаммиссаанзва. имасмин̃хи сарийрз хздтимагааяо маж̇жхимагааяо убаримагааяод̇и д̇аяо годтаасаа. д̇ад̇т̇а наабхид̇о бадтааяа хздтаа хздтимагааяо наама. д̇асмим̣ гааяад̣̇асагам̣, бхаавад̣̇асагам̣, аахаарасамудтаанаани адта, уд̇усамудтаанаани адта, жид̇д̇асамудтаанаани адтаад̇и жад̇ужад̇д̇аалийса руубаани. наабхид̇о уд̣̇д̇хам̣ яаава г̇алаваадагаа маж̇жхимагааяо наама. д̇ад̇т̇а жа гааяад̣̇асагам̣, бхаавад̣̇асагам̣, вад̇т̇уд̣̇асагам̣, аахаарасамудтаанаад̣̇ийни д̇ийн̣и адтагаанийд̇и жад̇убан̃н̃ааса руубаани. г̇алаваадагад̇о уд̣̇д̇хам̣ убаримагааяо наама. д̇ад̇т̇а жагкуд̣̇асагам̣, сод̇ад̣̇асагам̣, гхаанад̣̇асагам̣, ж̇ивхаад̣̇асагам̣, гааяад̣̇асагам̣, бхаавад̣̇асагам̣, аахаарасамудтаанаад̣̇ийни д̇ийн̣и адтагаанийд̇и жад̇ураасийд̇и руубаани.

    Apica nesaṃ asammissatāya ayaṃ upamāpi veditabbā – yathā hi pañcavaṇṇānaṃ dhajānaṃ ussāpitānaṃ kiñcāpi chāyā ekābaddhā viya hoti, tassa tassa pana aññamaññaṃ asammissāva yathā ca pañcavaṇṇena kappāsena vaṭṭiṃ katvā dīpe jālite kiñcāpi jālā ekābaddhā viya hoti, tassa tassa pana aṃsuno pāṭiyekkā pāṭiyekkā jālā asammissā eva, evameva kiñcāpi imāni pañcāyatanāni ekasmiṃ attabhāve samosaṭāni aññamaññaṃ pana asammissāneva. Na kevalañca imāneva pañca, sesarūpānipi asammissāneva. Imasmiñhi sarīre heṭṭhimakāyo majjhimakāyo uparimakāyoti tayo koṭṭhāsā. Tattha nābhito paṭṭhāya heṭṭhā heṭṭhimakāyo nāma. Tasmiṃ kāyadasakaṃ, bhāvadasakaṃ, āhārasamuṭṭhānāni aṭṭha, utusamuṭṭhānāni aṭṭha, cittasamuṭṭhānāni aṭṭhāti catucattālīsa rūpāni. Nābhito uddhaṃ yāva galavāṭakā majjhimakāyo nāma. Tattha ca kāyadasakaṃ, bhāvadasakaṃ, vatthudasakaṃ, āhārasamuṭṭhānādīni tīṇi aṭṭhakānīti catupaññāsa rūpāni. Galavāṭakato uddhaṃ uparimakāyo nāma. Tattha cakkhudasakaṃ, sotadasakaṃ, ghānadasakaṃ, jivhādasakaṃ, kāyadasakaṃ, bhāvadasakaṃ, āhārasamuṭṭhānādīni tīṇi aṭṭhakānīti caturāsīti rūpāni.

    д̇ад̇т̇а жагкубасаад̣̇асса бажжаяаани жад̇д̇аари махаабхууд̇аани, ван̣н̣о г̇анд̇хо расо ож̇аа, ж̇ийвид̇инд̣̇рияам̣ жагкубасаад̣̇од̇и ид̣̇ам̣ зганд̇ад̇о авинибхуд̇д̇аанам̣ д̣̇асаннам̣ нибпаннаруубаанам̣ васзна жагкуд̣̇асагам̣ наама. иминаа наязна сзсааниби взд̣̇ид̇аб̣б̣аани. д̇зсу хздтимагааяз руубам̣ маж̇жхимагааяаубаримагааяаруубзхи сад̣̇д̇хим̣ асаммиссам̣. сзсагааяад̣̇ваязби руубам̣ ид̇арзхи сад̣̇д̇хим̣ асаммиссамзва. яат̇аа хи сааяанхасамаяз баб̣б̣ад̇ажчааяаа жа ругкажчааяаа жа гин̃жааби згааб̣ад̣̇д̇хаа вияа хонд̇и ан̃н̃аман̃н̃ам̣ бана асаммиссаава звам̣ имзсуби гааязсу жад̇ужад̇д̇аалийса жад̇убан̃н̃ааса жад̇ураасийд̇и руубаани жа гин̃жааби згааб̣ад̣̇д̇хаани вияа хонд̇и, ан̃н̃аман̃н̃ам̣ бана асаммиссаанзваад̇и.

    Tattha cakkhupasādassa paccayāni cattāri mahābhūtāni, vaṇṇo gandho raso ojā, jīvitindriyaṃ cakkhupasādoti idaṃ ekantato avinibhuttānaṃ dasannaṃ nipphannarūpānaṃ vasena cakkhudasakaṃ nāma. Iminā nayena sesānipi veditabbāni. Tesu heṭṭhimakāye rūpaṃ majjhimakāyauparimakāyarūpehi saddhiṃ asammissaṃ. Sesakāyadvayepi rūpaṃ itarehi saddhiṃ asammissameva. Yathā hi sāyanhasamaye pabbatacchāyā ca rukkhacchāyā ca kiñcāpi ekābaddhā viya honti aññamaññaṃ pana asammissāva evaṃ imesupi kāyesu catucattālīsa catupaññāsa caturāsīti rūpāni ca kiñcāpi ekābaddhāni viya honti, aññamaññaṃ pana asammissānevāti.

    616. руубааяад̇ананид̣̇д̣̇зсз ван̣н̣ова ван̣н̣анибхаа; нибхаад̇ийд̇и ваа нибхаа. жагкувин̃н̃аан̣асса баагадаа ход̇ийд̇и ад̇т̇о. ван̣н̣ова нибхаа ван̣н̣анибхаа. сад̣̇д̇хим̣ нид̣̇ассанзна санид̣̇ассанам̣, жагкувин̃н̃аан̣зна бассид̇аб̣б̣анд̇и ад̇т̇о. сад̣̇д̇хим̣ бадигхзна саббадигхам̣, бадигхаддананигхам̣саж̇анаганд̇и ад̇т̇о. нийлаад̣̇ийсу умаабубпасамаанам̣ нийлам̣, ган̣игаарабубпасамаанам̣ бийд̇агам̣, б̣анд̇хуж̇ийвагабубпасамаанам̣ лохид̇агам̣, осад̇хид̇аарагасамаанам̣ од̣̇аад̇ам̣. жхааман̇г̇аарасамаанам̣ гаал̣агам̣, манд̣̇арад̇д̇ам̣ синд̣̇уваарагаравийрамагул̣асамаанам̣ ман̃ж̇идтагам̣. ‘‘харид̇д̇ажахзмаван̣н̣агаамам̣сумукабаггамаа’’д̇и (ж̇аа. 1.15.133) зд̇т̇а бана гин̃жааби ‘харий’д̇и суван̣н̣ам̣ вуд̇д̇ам̣, барад̇о банасса ж̇аад̇аруубаг̇г̇ахан̣зна г̇ахид̇ад̇д̇аа ид̇ха саамам̣ хари наама. имаани сад̇д̇а вад̇т̇ум̣ анаамасид̇ваа сабхаавзнзва д̣̇ассид̇аани.

    616. Rūpāyatananiddese vaṇṇova vaṇṇanibhā; nibhātīti vā nibhā. Cakkhuviññāṇassa pākaṭā hotīti attho. Vaṇṇova nibhā vaṇṇanibhā. Saddhiṃ nidassanena sanidassanaṃ, cakkhuviññāṇena passitabbanti attho. Saddhiṃ paṭighena sappaṭighaṃ, paṭighaṭṭananighaṃsajanakanti attho. Nīlādīsu umāpupphasamānaṃ nīlaṃ, kaṇikārapupphasamānaṃ pītakaṃ, bandhujīvakapupphasamānaṃ lohitakaṃ, osadhitārakasamānaṃ odātaṃ. Jhāmaṅgārasamānaṃ kāḷakaṃ, mandarattaṃ sinduvārakaravīramakuḷasamānaṃ mañjiṭṭhakaṃ. ‘‘Harittacahemavaṇṇakāmaṃsumukhapakkamā’’ti (jā. 1.15.133) ettha pana kiñcāpi ‘harī’ti suvaṇṇaṃ vuttaṃ, parato panassa jātarūpaggahaṇena gahitattā idha sāmaṃ hari nāma. Imāni satta vatthuṃ anāmasitvā sabhāveneva dassitāni.

    хариван̣н̣анд̇и харид̇асад̣̇д̣̇алаван̣н̣ам̣. амб̣ан̇гураван̣н̣анд̇и амб̣ан̇гурзна самаанаван̣н̣ам̣. имаани д̣̇вз вад̇т̇ум̣ аамасид̇ваа д̣̇ассид̇аани. д̣̇ийгхаад̣̇ийни д̣̇ваад̣̇аса вохаарад̇о д̣̇ассид̇аани. со жа нзсам̣ вохааро убанид̇хааяасид̣̇д̇хо жзва саннивзсасид̣̇д̇хо жа. д̣̇ийгхаад̣̇ийни хи ан̃н̃аман̃н̃ам̣ убанид̇хааяасид̣̇д̇хаани, ваддаад̣̇ийни саннивзсависзсзна. д̇ад̇т̇а рассам̣ убанид̇хааяа д̇ад̇о ужжад̇арам̣ д̣̇ийгхам̣, д̇ам̣ убанид̇хааяа д̇ад̇о нийжад̇арам̣ рассам̣. т̇уулам̣ убанид̇хааяа д̇ад̇о куд̣̇д̣̇агад̇арам̣ ан̣ум̣, д̇ам̣ убанид̇хааяа д̇ад̇о маханд̇ад̇арам̣ т̇уулам̣. жаггасан̣таанам̣ ваддам̣, гуггудан̣д̣асан̣таанам̣ бариман̣д̣алам̣. жад̇уухи ам̣сзхи яуд̇д̇ам̣ жад̇урам̣сам̣. чал̣ам̣саад̣̇ийсуби зсзва наяо. ниннанд̇и онад̇ам̣, т̇аланд̇и уннад̇ам̣.

    Harivaṇṇanti haritasaddalavaṇṇaṃ. Ambaṅkuravaṇṇanti ambaṅkurena samānavaṇṇaṃ. Imāni dve vatthuṃ āmasitvā dassitāni. Dīghādīni dvādasa vohārato dassitāni. So ca nesaṃ vohāro upanidhāyasiddho ceva sannivesasiddho ca. Dīghādīni hi aññamaññaṃ upanidhāyasiddhāni, vaṭṭādīni sannivesavisesena. Tattha rassaṃ upanidhāya tato uccataraṃ dīghaṃ, taṃ upanidhāya tato nīcataraṃ rassaṃ. Thūlaṃ upanidhāya tato khuddakataraṃ aṇuṃ, taṃ upanidhāya tato mahantataraṃ thūlaṃ. Cakkasaṇṭhānaṃ vaṭṭaṃ, kukkuṭaṇḍasaṇṭhānaṃ parimaṇḍalaṃ. Catūhi aṃsehi yuttaṃ caturaṃsaṃ. Chaḷaṃsādīsupi eseva nayo. Ninnanti onataṃ, thalanti unnataṃ.

    д̇ад̇т̇а яасмаа д̣̇ийгхаад̣̇ийни пусид̇ваа саггаа ж̇аанид̇ум̣, нийлаад̣̇ийни банзвам̣ на саггаа, д̇асмаа на ниббарияааязна д̣̇ийгхам̣ руубааяад̇анам̣; д̇ат̇аа рассаад̣̇ийни. д̇ам̣ д̇ам̣ ниссааяа бана д̇ат̇аа д̇ат̇аа тид̇ам̣ д̣̇ийгхам̣ рассанд̇и д̇зна д̇зна вохаарзна руубааяад̇анамзвзд̇т̇а бхаасид̇анд̇и взд̣̇ид̇аб̣б̣ам̣. чааяаа аад̇абод̇и ид̣̇ам̣ ан̃н̃аман̃н̃абарижчиннам̣; д̇ат̇аа аалого анд̇хагааро жа. аб̣бхаа махигаад̇иаад̣̇ийни жад̇д̇аари вад̇т̇унаава д̣̇ассид̇аани. д̇ад̇т̇а ‘аб̣бхаа’д̇и валаахаго. ‘махигаа’д̇и химам̣. имзхи жад̇уухи аб̣бхаад̣̇ийнам̣ ван̣н̣аа д̣̇ассид̇аа. жанд̣̇аман̣д̣аласса ван̣н̣анибхаад̇иаад̣̇ийхи д̇зсам̣ д̇зсам̣ бабхааван̣н̣аа д̣̇ассид̇аа.

    Tattha yasmā dīghādīni phusitvā sakkā jānituṃ, nīlādīni panevaṃ na sakkā, tasmā na nippariyāyena dīghaṃ rūpāyatanaṃ; tathā rassādīni. Taṃ taṃ nissāya pana tathā tathā ṭhitaṃ dīghaṃ rassanti tena tena vohārena rūpāyatanamevettha bhāsitanti veditabbaṃ. Chāyā ātapoti idaṃ aññamaññaparicchinnaṃ; tathā āloko andhakāro ca. Abbhā mahikātiādīni cattāri vatthunāva dassitāni. Tattha ‘abbhā’ti valāhako. ‘Mahikā’ti himaṃ. Imehi catūhi abbhādīnaṃ vaṇṇā dassitā. Candamaṇḍalassa vaṇṇanibhātiādīhi tesaṃ tesaṃ pabhāvaṇṇā dassitā.

    д̇ад̇т̇а жанд̣̇аман̣д̣алаад̣̇ийнам̣ вад̇т̇уунам̣ звам̣ висзсо взд̣̇ид̇аб̣б̣о – ман̣имаяам̣ раж̇ад̇абадижчаннам̣ згуунабан̃н̃аасаяож̇анааяаамавид̇т̇аарам̣ жанд̣̇асса д̣̇звабуд̇д̇асса вимаанам̣ жанд̣̇аман̣д̣алам̣ наама. сован̣н̣амаяам̣ палигабадижчаннам̣ самабан̣н̣аасаяож̇анааяаамавид̇т̇аарам̣ суурияасса д̣̇звабуд̇д̇асса вимаанам̣ суурияаман̣д̣алам̣ наама. сад̇д̇арад̇анамаяаани сад̇д̇адтад̣̇асад̣̇ваад̣̇асаяож̇анааяаамавид̇т̇аараани д̇зсам̣ д̇зсам̣ д̣̇звабуд̇д̇аанам̣ вимаанаани д̇аарагаруубаани наама.

    Tattha candamaṇḍalādīnaṃ vatthūnaṃ evaṃ viseso veditabbo – maṇimayaṃ rajatapaṭicchannaṃ ekūnapaññāsayojanāyāmavitthāraṃ candassa devaputtassa vimānaṃ candamaṇḍalaṃ nāma. Sovaṇṇamayaṃ phalikapaṭicchannaṃ samapaṇṇāsayojanāyāmavitthāraṃ sūriyassa devaputtassa vimānaṃ sūriyamaṇḍalaṃ nāma. Sattaratanamayāni sattaṭṭhadasadvādasayojanāyāmavitthārāni tesaṃ tesaṃ devaputtānaṃ vimānāni tārakarūpāni nāma.

    д̇ад̇т̇а хздтаа жанд̣̇о, суурияо убари, убхиннаманд̇арам̣ яож̇анам̣ ход̇и. жанд̣̇асса хздтиманд̇ад̇о суурияасса убариманд̇о яож̇анасад̇ам̣ ход̇и. д̣̇вийсу бассзсу нагкад̇д̇ад̇аарагаа г̇ажчанд̇и. зд̇зсу бана д̇ийсу жанд̣̇о д̣̇анд̇хаг̇амано, суурияо сийгхаг̇амано, нагкад̇д̇ад̇аарагаа саб̣б̣асийгхаг̇аманаа. гаалзна жанд̣̇имасуурияаанам̣ бурад̇о хонд̇и гаалзна бажчаа.

    Tattha heṭṭhā cando, sūriyo upari, ubhinnamantaraṃ yojanaṃ hoti. Candassa heṭṭhimantato sūriyassa uparimanto yojanasataṃ hoti. Dvīsu passesu nakkhattatārakā gacchanti. Etesu pana tīsu cando dandhagamano, sūriyo sīghagamano, nakkhattatārakā sabbasīghagamanā. Kālena candimasūriyānaṃ purato honti kālena pacchā.

    аад̣̇аасаман̣д̣аланд̇и гам̣самаяам̣. ман̣ийд̇и табзд̇ваа взл̣урияам̣ сзсо ж̇од̇ирасаад̣̇ианзгаббабхзд̣̇о. сан̇код̇и саамуд̣̇д̣̇иго; муд̇д̇аа саамуд̣̇д̣̇игааби, сзсааби. взл̣урияод̇и взл̣уван̣н̣аман̣и. ж̇аад̇аруубам̣ вужжад̇и сад̇т̇уван̣н̣о. сад̇т̇аа хи суван̣н̣аван̣н̣о, суван̣н̣амби сад̇т̇уван̣н̣ам̣. раж̇ад̇ам̣ вужжад̇и гахаабан̣о – лохамаасаго д̣̇аарумаасаго ж̇ад̇умаасаго, яз ‘вохаарам̣ г̇ажчанд̇ий’д̇и (баараа. 584) вуд̇д̇ам̣ д̇ам̣ саб̣б̣амби ид̇ха г̇ахид̇ам̣.

    Ādāsamaṇḍalanti kaṃsamayaṃ. Maṇīti ṭhapetvā veḷuriyaṃ seso jotirasādianekappabhedo. Saṅkhoti sāmuddiko; muttā sāmuddikāpi, sesāpi. Veḷuriyoti veḷuvaṇṇamaṇi. Jātarūpaṃ vuccati satthuvaṇṇo. Satthā hi suvaṇṇavaṇṇo, suvaṇṇampi satthuvaṇṇaṃ. Rajataṃ vuccati kahāpaṇo – lohamāsako dārumāsako jatumāsako, ye ‘vohāraṃ gacchantī’ti (pārā. 584) vuttaṃ taṃ sabbampi idha gahitaṃ.

    яам̣ ваа банан̃н̃амбийд̇и иминаа баал̣иааг̇ад̇ам̣ табзд̇ваа сзсам̣ д̇аддигабилод̇игаган̣н̣игаван̣н̣аад̣̇ибхзд̣̇ам̣ руубам̣ г̇ахид̇ам̣. д̇ан̃хи саб̣б̣ам̣ язваабанагзсу бавидтам̣.

    Yaṃ vā panaññampīti iminā pāḷiāgataṃ ṭhapetvā sesaṃ taṭṭikapilotikakaṇṇikavaṇṇādibhedaṃ rūpaṃ gahitaṃ. Tañhi sabbaṃ yevāpanakesu paviṭṭhaṃ.

    звамзд̇ам̣ нийлаад̣̇инаа бхзд̣̇зна бхиннамби руубам̣ саб̣б̣ам̣ лагкан̣аад̣̇ийхи абхиннамзва. саб̣б̣ан̃хзд̇ам̣ жагкубадихананалагкан̣ам̣ руубам̣, жагкувин̃н̃аан̣асса висаяабхааварасам̣, д̇ассзва г̇ожарабажжубадтаанам̣, жад̇умахаабхууд̇абад̣̇адтаанам̣. яат̇аа жзд̇ам̣ д̇ат̇аа саб̣б̣ааниби убаад̣̇ааруубаани. яад̇т̇а бана висзсо ад̇т̇и д̇ад̇т̇а вагкаама. сзсамзд̇т̇а жагкааяад̇ананид̣̇д̣̇зсз вуд̇д̇анаязнзва взд̣̇ид̇аб̣б̣ам̣. гзвалан̃хи д̇ад̇т̇а жагкубуб̣б̣ан̇г̇амо нид̣̇д̣̇зсо ид̇ха руубабуб̣б̣ан̇г̇амо. д̇ад̇т̇а ‘жагкум̣ бзд̇а’нд̇иаад̣̇ийни жуд̣̇д̣̇аса наамаани, ид̇ха ‘руубам̣бзд̇а’нд̇иаад̣̇ийни д̇ийн̣и. сзсам̣ д̇аад̣̇исамзва. яат̇аа хи жад̇уухи жад̇уухи наязхи бадиман̣д̣зд̇ваа жагкум̣ вавад̇т̇аабзд̇ум̣ д̇зраса ваараа вуд̇д̇аа, ид̇хааби д̇з д̇ат̇зва вуд̇д̇аад̇и.

    Evametaṃ nīlādinā bhedena bhinnampi rūpaṃ sabbaṃ lakkhaṇādīhi abhinnameva. Sabbañhetaṃ cakkhupaṭihananalakkhaṇaṃ rūpaṃ, cakkhuviññāṇassa visayabhāvarasaṃ, tasseva gocarapaccupaṭṭhānaṃ, catumahābhūtapadaṭṭhānaṃ. Yathā cetaṃ tathā sabbānipi upādārūpāni. Yattha pana viseso atthi tattha vakkhāma. Sesamettha cakkhāyatananiddese vuttanayeneva veditabbaṃ. Kevalañhi tattha cakkhupubbaṅgamo niddeso idha rūpapubbaṅgamo. Tattha ‘cakkhuṃ peta’ntiādīni cuddasa nāmāni, idha ‘rūpaṃpeta’ntiādīni tīṇi. Sesaṃ tādisameva. Yathā hi catūhi catūhi nayehi paṭimaṇḍetvā cakkhuṃ vavatthāpetuṃ terasa vārā vuttā, idhāpi te tatheva vuttāti.

    620. сад̣̇д̣̇ааяад̇ананид̣̇д̣̇зсз бхзрисад̣̇д̣̇од̇и махаабхзрийбахадабхзрийнам̣ сад̣̇д̣̇о. муд̣̇ин̇г̇асан̇кабан̣авасад̣̇д̣̇ааби муд̣̇ин̇г̇аад̣̇ибажжаяаа сад̣̇д̣̇аа. г̇ийд̇асан̇каад̇о сад̣̇д̣̇о г̇ийд̇асад̣̇д̣̇о . вуд̇д̇аавасзсаанам̣ вийн̣аад̣̇ийнам̣ д̇анд̇иб̣ад̣̇д̇хаанам̣ сад̣̇д̣̇о ваад̣̇ид̇асад̣̇д̣̇о. саммасад̣̇д̣̇од̇и гам̣сад̇аалагадтад̇ааласад̣̇д̣̇о. баан̣исад̣̇д̣̇од̇и баан̣иббахаарасад̣̇д̣̇о. сад̇д̇аанам̣ ниг̇гхосасад̣̇д̣̇од̇и б̣ахуунам̣ саннибад̇ид̇аанам̣ абан̃н̃ааяамаанабад̣̇аб̣яан̃ж̇ананиг̇гхосасад̣̇д̣̇о. д̇хаад̇уунам̣ саннигхаад̇асад̣̇д̣̇од̇и ругкаанам̣ ан̃н̃аман̃н̃анигхам̣санагхан̣дигаагоданаад̣̇исад̣̇д̣̇о. ваад̇асса вааяад̇о сад̣̇д̣̇о ваад̇асад̣̇д̣̇о. уд̣̇агасса санд̣̇амаанасса ваа бадихад̇асса ваа сад̣̇д̣̇о уд̣̇агасад̣̇д̣̇о. мануссаанам̣ саллаабаад̣̇исад̣̇д̣̇о мануссасад̣̇д̣̇о. д̇ам̣ табзд̇ваа сзсо саб̣б̣оби амануссасад̣̇д̣̇о. иминаа бад̣̇ад̣̇ваязна саб̣б̣оби сад̣̇д̣̇о барияаад̣̇инно. звам̣ санд̇зби вам̣сапааланабилод̇игапааланаад̣̇ийсу бавад̇д̇о баал̣ияам̣ анааг̇ад̇асад̣̇д̣̇о язваабанагадтаанам̣ бавидтод̇и взд̣̇ид̇аб̣б̣о.

    620. Saddāyatananiddese bherisaddoti mahābherīpahaṭabherīnaṃ saddo. Mudiṅgasaṅkhapaṇavasaddāpi mudiṅgādipaccayā saddā. Gītasaṅkhāto saddo gītasaddo. Vuttāvasesānaṃ vīṇādīnaṃ tantibaddhānaṃ saddo vāditasaddo. Sammasaddoti kaṃsatālakaṭṭhatālasaddo. Pāṇisaddoti pāṇippahārasaddo. Sattānaṃ nigghosasaddoti bahūnaṃ sannipatitānaṃ apaññāyamānapadabyañjananigghosasaddo. Dhātūnaṃ sannighātasaddoti rukkhānaṃ aññamaññanighaṃsanaghaṇṭikākoṭanādisaddo. Vātassa vāyato saddo vātasaddo. Udakassa sandamānassa vā paṭihatassa vā saddo udakasaddo. Manussānaṃ sallāpādisaddo manussasaddo. Taṃ ṭhapetvā seso sabbopi amanussasaddo. Iminā padadvayena sabbopi saddo pariyādinno. Evaṃ santepi vaṃsaphālanapilotikaphālanādīsu pavatto pāḷiyaṃ anāgatasaddo yevāpanakaṭṭhānaṃ paviṭṭhoti veditabbo.

    звамаяам̣ бхзрийсад̣̇д̣̇аад̣̇инаа бхзд̣̇зна бхинноби сад̣̇д̣̇о лагкан̣аад̣̇ийхи абхинноязва. саб̣б̣оби хзса сод̇абадихананалагкан̣о сад̣̇д̣̇о сод̇авин̃н̃аан̣асса висаяабхааварасо, д̇ассзва г̇ожарабажжубадтаано. сзсам̣ жагкааяад̇ананид̣̇д̣̇зсз вуд̇д̇анаязнзва взд̣̇ид̇аб̣б̣ам̣. ид̇хааби хи жад̇уухи жад̇уухи наязхи бадиман̣д̣ид̇аа д̇зраса ваараа вуд̇д̇аа. д̇зсам̣ ад̇т̇о саггаа вуд̇д̇анаязнзва ж̇аанид̇унд̇и на вид̇т̇аарид̇о.

    Evamayaṃ bherīsaddādinā bhedena bhinnopi saddo lakkhaṇādīhi abhinnoyeva. Sabbopi hesa sotapaṭihananalakkhaṇo saddo sotaviññāṇassa visayabhāvaraso, tasseva gocarapaccupaṭṭhāno. Sesaṃ cakkhāyatananiddese vuttanayeneva veditabbaṃ. Idhāpi hi catūhi catūhi nayehi paṭimaṇḍitā terasa vārā vuttā. Tesaṃ attho sakkā vuttanayeneva jānitunti na vitthārito.

    624. г̇анд̇хааяад̇ананид̣̇д̣̇зсз муулаг̇анд̇ход̇и яам̣ гин̃жи муулам̣ бадижжа ниб̣б̣ад̇д̇о г̇анд̇хо. саараг̇анд̇хаад̣̇ийсуби зсзва наяо. асид̣̇д̇хад̣̇усид̣̇д̇хаанам̣ д̣аагаад̣̇ийнам̣ г̇анд̇хо аамагаг̇анд̇хо. мажчасагалигаабууд̇имам̣сасам̣гилидтасаббиаад̣̇ийнам̣ г̇анд̇хо виссаг̇анд̇хо. суг̇анд̇ход̇и идтаг̇анд̇хо. д̣̇уг̇г̇анд̇ход̇и анидтаг̇анд̇хо. иминаа бад̣̇ад̣̇ваязна саб̣б̣оби г̇анд̇хо барияаад̣̇инно. звам̣ санд̇зби ган̣н̣агаг̇анд̇хабилод̇игаг̇анд̇хаад̣̇аяо баал̣ияам̣ анааг̇ад̇аа саб̣б̣зби г̇анд̇хаа язваабанагадтаанам̣ бавидтаад̇и взд̣̇ид̇аб̣б̣аа.

    624. Gandhāyatananiddese mūlagandhoti yaṃ kiñci mūlaṃ paṭicca nibbatto gandho. Sāragandhādīsupi eseva nayo. Asiddhadusiddhānaṃ ḍākādīnaṃ gandho āmakagandho. Macchasakalikāpūtimaṃsasaṃkiliṭṭhasappiādīnaṃ gandho vissagandho. Sugandhoti iṭṭhagandho. Duggandhoti aniṭṭhagandho. Iminā padadvayena sabbopi gandho pariyādinno. Evaṃ santepi kaṇṇakagandhapilotikagandhādayo pāḷiyaṃ anāgatā sabbepi gandhā yevāpanakaṭṭhānaṃ paviṭṭhāti veditabbā.

    звамаяам̣ муулаг̇анд̇хаад̣̇инаа бхзд̣̇зна бхинноби г̇анд̇хо лагкан̣аад̣̇ийхи абхинноязва. саб̣б̣оби хзса гхаанабадихананалагкан̣о г̇анд̇хо, гхаанавин̃н̃аан̣асса висаяабхааварасо, д̇ассзва г̇ожарабажжубадтаано. сзсам̣ жагкааяад̇ананид̣̇д̣̇зсз вуд̇д̇анаязнзва взд̣̇ид̇аб̣б̣ам̣. ид̇хааби хи д̇ат̇зва д̣̇вибан̃н̃аасанаяабадиман̣д̣ид̇аа д̇зраса ваараа вуд̇д̇аа. д̇з ад̇т̇ад̇о баагадааязва.

    Evamayaṃ mūlagandhādinā bhedena bhinnopi gandho lakkhaṇādīhi abhinnoyeva. Sabbopi hesa ghānapaṭihananalakkhaṇo gandho, ghānaviññāṇassa visayabhāvaraso, tasseva gocarapaccupaṭṭhāno. Sesaṃ cakkhāyatananiddese vuttanayeneva veditabbaṃ. Idhāpi hi tatheva dvipaññāsanayapaṭimaṇḍitā terasa vārā vuttā. Te atthato pākaṭāyeva.

    628. расааяад̇ананид̣̇д̣̇зсз мууларасод̇и яам̣гин̃жи муулам̣ бадижжа ниб̣б̣ад̇д̇арасо. канд̇харасаад̣̇ийсуби зсзва наяо. амб̣иланд̇и д̇аггамб̣илаад̣̇и. мад̇хуранд̇и зганд̇ад̇о г̇осаббиаад̣̇и. мад̇ху бана гасааваяуд̇д̇ам̣ жиранигкид̇д̇ам̣ гасаавам̣ ход̇и. паан̣ид̇ам̣ каарияуд̇д̇ам̣ жиранигкид̇д̇ам̣ каарияам̣ ход̇и. сабби бана жиранигкид̇д̇ам̣ ван̣н̣аг̇анд̇хз ж̇аханд̇амби расам̣ на ж̇ахад̇ийд̇и д̇ад̣̇зва зганд̇амад̇хурам̣. д̇ид̇д̇аганд̇и нимб̣абан̣н̣аад̣̇и. гадуганд̇и син̇г̇ивзрамарижаад̣̇и. лон̣иганд̇и саамуд̣̇д̣̇игалон̣аад̣̇и. каариганд̇и ваад̇ин̇г̇ан̣агал̣ийраад̣̇и. ламб̣иланд̇и б̣ад̣̇араамалагагабидтасаалаваад̣̇и. гасааванд̇и харид̇агаад̣̇и. имз саб̣б̣зби расаа вад̇т̇увасзна вуд̇д̇аа. д̇ам̣д̇ам̣вад̇т̇уд̇о банзд̇т̇а расова амб̣илаад̣̇ийхи наамзхи вуд̇д̇од̇и взд̣̇ид̇аб̣б̣о. саад̣̇ууд̇и идтарасо, асаад̣̇ууд̇и анидтарасо. иминаа бад̣̇ад̣̇ваязна саб̣б̣оби расо барияаад̣̇инно. звам̣ санд̇зби лзд̣д̣урасабхид̇д̇ирасабилод̇игарасаад̣̇аяо баал̣ияам̣ анааг̇ад̇аа саб̣б̣зби расаа язваабанагадтаанам̣ бавидтаад̇и взд̣̇ид̇аб̣б̣аа.

    628. Rasāyatananiddese mūlarasoti yaṃkiñci mūlaṃ paṭicca nibbattaraso. Khandharasādīsupi eseva nayo. Ambilanti takkambilādi. Madhuranti ekantato gosappiādi. Madhu pana kasāvayuttaṃ ciranikkhittaṃ kasāvaṃ hoti. Phāṇitaṃ khāriyuttaṃ ciranikkhittaṃ khāriyaṃ hoti. Sappi pana ciranikkhittaṃ vaṇṇagandhe jahantampi rasaṃ na jahatīti tadeva ekantamadhuraṃ. Tittakanti nimbapaṇṇādi. Kaṭukanti siṅgiveramaricādi. Loṇikanti sāmuddikaloṇādi. Khārikanti vātiṅgaṇakaḷīrādi. Lambilanti badarāmalakakapiṭṭhasālavādi. Kasāvanti haritakādi. Ime sabbepi rasā vatthuvasena vuttā. Taṃtaṃvatthuto panettha rasova ambilādīhi nāmehi vuttoti veditabbo. Sādūti iṭṭharaso, asādūti aniṭṭharaso. Iminā padadvayena sabbopi raso pariyādinno. Evaṃ santepi leḍḍurasabhittirasapilotikarasādayo pāḷiyaṃ anāgatā sabbepi rasā yevāpanakaṭṭhānaṃ paviṭṭhāti veditabbā.

    звамаяам̣ мууларасаад̣̇инаабхзд̣̇зна бхинноби расо лагкан̣аад̣̇ийхи абхинноязва. саб̣б̣оби хзса ж̇ивхаабадихананалагкан̣о расо, ж̇ивхаавин̃н̃аан̣асса висаяабхааварасо, д̇ассзва г̇ожарабажжубадтаано. сзсам̣ жагкааяад̇ананид̣̇д̣̇зсз вуд̇д̇анаязнзва взд̣̇ид̇аб̣б̣ам̣. ид̇хааби хи д̇ат̇зва д̣̇вибан̃н̃аасанаяабадиман̣д̣ид̇аа д̇зраса ваараа вуд̇д̇аа.

    Evamayaṃ mūlarasādinābhedena bhinnopi raso lakkhaṇādīhi abhinnoyeva. Sabbopi hesa jivhāpaṭihananalakkhaṇo raso, jivhāviññāṇassa visayabhāvaraso, tasseva gocarapaccupaṭṭhāno. Sesaṃ cakkhāyatananiddese vuttanayeneva veditabbaṃ. Idhāpi hi tatheva dvipaññāsanayapaṭimaṇḍitā terasa vārā vuttā.

    632. ид̇т̇инд̣̇рияанид̣̇д̣̇зсз яанд̇и гаран̣аважанам̣. язна гааран̣зна ид̇т̇ияаа ид̇т̇илин̇г̇аад̣̇ийни хонд̇ийд̇и аяамзд̇т̇а ад̇т̇о. д̇ад̇т̇а ‘лин̇г̇а’нд̇и сан̣таанам̣. ид̇т̇ияаа хи хад̇т̇абаад̣̇аг̇ийвааураад̣̇ийнам̣ сан̣таанам̣ на бурисасса вияа ход̇и. ид̇т̇ийнан̃хи хздтимагааяо висад̣̇о ход̇и, убаримагааяо ависад̣̇о. хад̇т̇абаад̣̇аа куд̣̇д̣̇агаа, мукам̣ куд̣̇д̣̇агам̣. нимид̇д̇анд̇и сан̃ж̇аананам̣. ид̇т̇ийнан̃хи урамам̣сам̣ ависад̣̇ам̣ ход̇и, мукам̣ ниммассуд̣̇аатигам̣. гзсаб̣анд̇хавад̇т̇аг̇г̇ахан̣амби на бурисаанам̣ вияа ход̇и. гуд̇д̇анд̇и гирияаа. ид̇т̇ияо хи д̣̇ахарагаалз суббагамусалагзхи гийл̣анд̇и, жид̇д̇ад̇хийд̇алигааяа гийл̣анд̇и, мад̇д̇игаваагзна суд̇д̇агам̣ наама ганд̇анд̇и. аагаббод̇и г̇аманаад̣̇иаагааро. ид̇т̇ияо хи г̇ажчамаанаа ависад̣̇аа г̇ажчанд̇и, д̇идтамаанаа нибаж̇ж̇амаанаа нисийд̣̇амаанаа каад̣̇амаанаа бхун̃ж̇амаанаа ависад̣̇аа бхун̃ж̇анд̇и. бурисамби хи ависад̣̇ам̣ д̣̇исваа маад̇уг̇аамо вияа г̇ажчад̇и д̇идтад̇и нибаж̇ж̇ад̇и нисийд̣̇ад̇и каад̣̇ад̇и бхун̃ж̇ад̇ийд̇и вад̣̇анд̇и.

    632. Itthindriyaniddese yanti karaṇavacanaṃ. Yena kāraṇena itthiyā itthiliṅgādīni hontīti ayamettha attho. Tattha ‘liṅga’nti saṇṭhānaṃ. Itthiyā hi hatthapādagīvāurādīnaṃ saṇṭhānaṃ na purisassa viya hoti. Itthīnañhi heṭṭhimakāyo visado hoti, uparimakāyo avisado. Hatthapādā khuddakā, mukhaṃ khuddakaṃ. Nimittanti sañjānanaṃ. Itthīnañhi uramaṃsaṃ avisadaṃ hoti, mukhaṃ nimmassudāṭhikaṃ. Kesabandhavatthaggahaṇampi na purisānaṃ viya hoti. Kuttanti kiriyā. Itthiyo hi daharakāle suppakamusalakehi kīḷanti, cittadhītalikāya kīḷanti, mattikavākena suttakaṃ nāma kantanti. Ākappoti gamanādiākāro. Itthiyo hi gacchamānā avisadā gacchanti, tiṭṭhamānā nipajjamānā nisīdamānā khādamānā bhuñjamānā avisadā bhuñjanti. Purisampi hi avisadaṃ disvā mātugāmo viya gacchati tiṭṭhati nipajjati nisīdati khādati bhuñjatīti vadanti.

    ид̇т̇ад̇д̇ам̣ ид̇т̇ибхаавод̇и убхаяамби згад̇т̇ам̣; ид̇т̇исабхаавод̇и ад̇т̇о. аяам̣ гаммаж̇о бадисанд̇хисамудтид̇о. ид̇т̇илин̇г̇аад̣̇ийни бана ид̇т̇инд̣̇рияам̣ бадижжа бавад̇д̇з самудтид̇аани. яат̇аа хи б̣ийж̇з сад̇и, б̣ийж̇ам̣ бадижжа, б̣ийж̇абажжаяаа ругко вад̣дхид̇ваа саакаавидабасамбанно худ̇ваа аагаасам̣ буурзд̇ваа д̇идтад̇и, звамзва ид̇т̇ибхаавасан̇каад̇з ид̇т̇инд̣̇рияз сад̇и ид̇т̇илин̇г̇аад̣̇ийни хонд̇и. б̣ийж̇ам̣ вияа хи ид̇т̇инд̣̇рияам̣, б̣ийж̇ам̣ бадижжа вад̣дхид̇ваа аагаасам̣ буурзд̇ваа тид̇аругко вияа ид̇т̇инд̣̇рияам̣ бадижжа ид̇т̇илин̇г̇аад̣̇ийни бавад̇д̇з самудтаханд̇и. д̇ад̇т̇а ид̇т̇инд̣̇рияам̣ на жагкувин̃н̃зяяам̣, мановин̃н̃зяяамзва. ид̇т̇илин̇г̇аад̣̇ийни жагкувин̃н̃зяяааниби мановин̃н̃зяяааниби.

    Itthattaṃ itthibhāvoti ubhayampi ekatthaṃ; itthisabhāvoti attho. Ayaṃ kammajo paṭisandhisamuṭṭhito. Itthiliṅgādīni pana itthindriyaṃ paṭicca pavatte samuṭṭhitāni. Yathā hi bīje sati, bījaṃ paṭicca, bījapaccayā rukkho vaḍḍhitvā sākhāviṭapasampanno hutvā ākāsaṃ pūretvā tiṭṭhati, evameva itthibhāvasaṅkhāte itthindriye sati itthiliṅgādīni honti. Bījaṃ viya hi itthindriyaṃ, bījaṃ paṭicca vaḍḍhitvā ākāsaṃ pūretvā ṭhitarukkho viya itthindriyaṃ paṭicca itthiliṅgādīni pavatte samuṭṭhahanti. Tattha itthindriyaṃ na cakkhuviññeyyaṃ, manoviññeyyameva. Itthiliṅgādīni cakkhuviññeyyānipi manoviññeyyānipi.

    ид̣̇ам̣ д̇ам̣ руубам̣ ид̇т̇инд̣̇рияанд̇и ид̣̇ам̣ д̇ам̣ руубам̣, яат̇аа жагкунд̣̇рияаад̣̇ийни бурисассааби хонд̇и, на звам̣; нияамад̇о бана ид̇т̇ияаа зва инд̣̇рияам̣ ‘ид̇т̇инд̣̇рияам̣’.

    Idaṃ taṃ rūpaṃ itthindriyanti idaṃ taṃ rūpaṃ, yathā cakkhundriyādīni purisassāpi honti, na evaṃ; niyamato pana itthiyā eva indriyaṃ ‘itthindriyaṃ’.

    633. бурисинд̣̇риязби зсзва наяо. бурисалин̇г̇аад̣̇ийни бана ид̇т̇илин̇г̇аад̣̇ийнам̣ бадибагкад̇о взд̣̇ид̇аб̣б̣аани. бурисасса хи хад̇т̇абаад̣̇аг̇ийвааураад̣̇ийнам̣ сан̣таанам̣ на ид̇т̇ияаа вияа ход̇и. бурисаанан̃хи убаримагааяо висад̣̇о ход̇и хздтимагааяо ависад̣̇о, хад̇т̇абаад̣̇аа маханд̇аа, мукам̣ маханд̇ам̣, урамам̣сам̣ висад̣̇ам̣, массуд̣̇аатигаа уббаж̇ж̇анд̇и. гзсаб̣анд̇ханавад̇т̇аг̇г̇ахан̣ам̣ на ид̇т̇ийнам̣ вияа ход̇и. д̣̇ахарагаалз рат̇анан̇г̇алаад̣̇ийхи гийл̣анд̇и, ваалигабаал̣им̣ гад̇ваа ваабим̣ наама кананд̇и, г̇аманаад̣̇ийни висад̣̇аани хонд̇и. ид̇т̇имби г̇аманаад̣̇ийни висад̣̇аани гурумаанам̣ д̣̇исваа ‘бурисо вияа г̇ажчад̇ий’д̇иаад̣̇ийни вад̣̇анд̇и. сзсам̣ ид̇т̇инд̣̇рияз вуд̇д̇асад̣̇исамзва.

    633. Purisindriyepi eseva nayo. Purisaliṅgādīni pana itthiliṅgādīnaṃ paṭipakkhato veditabbāni. Purisassa hi hatthapādagīvāurādīnaṃ saṇṭhānaṃ na itthiyā viya hoti. Purisānañhi uparimakāyo visado hoti heṭṭhimakāyo avisado, hatthapādā mahantā, mukhaṃ mahantaṃ, uramaṃsaṃ visadaṃ, massudāṭhikā uppajjanti. Kesabandhanavatthaggahaṇaṃ na itthīnaṃ viya hoti. Daharakāle rathanaṅgalādīhi kīḷanti, vālikapāḷiṃ katvā vāpiṃ nāma khananti, gamanādīni visadāni honti. Itthimpi gamanādīni visadāni kurumānaṃ disvā ‘puriso viya gacchatī’tiādīni vadanti. Sesaṃ itthindriye vuttasadisameva.

    д̇ад̇т̇а ид̇т̇ибхаавалагкан̣ам̣ ид̇т̇инд̣̇рияам̣, ид̇т̇ийд̇и багаасанарасам̣, ид̇т̇илин̇г̇анимид̇д̇агуд̇д̇аагаббаанам̣ гааран̣абхаавабажжубадтаанам̣. бурисабхаавалагкан̣ам̣ бурисинд̣̇рияам̣, бурисод̇и багаасанарасам̣, бурисалин̇г̇анимид̇д̇агуд̇д̇аагаббаанам̣ гааран̣абхаавабажжубадтаанам̣. убхаяамбзд̇ам̣ батамагаббигаанам̣ бавад̇д̇з самудтаад̇и. абарабхааг̇з бадисанд̇хияам̣. бадисанд̇хисамудтид̇амби бавад̇д̇з жалад̇и баривад̇д̇ад̇и.

    Tattha itthibhāvalakkhaṇaṃ itthindriyaṃ, itthīti pakāsanarasaṃ, itthiliṅganimittakuttākappānaṃ kāraṇabhāvapaccupaṭṭhānaṃ. Purisabhāvalakkhaṇaṃ purisindriyaṃ, purisoti pakāsanarasaṃ, purisaliṅganimittakuttākappānaṃ kāraṇabhāvapaccupaṭṭhānaṃ. Ubhayampetaṃ paṭhamakappikānaṃ pavatte samuṭṭhāti. Aparabhāge paṭisandhiyaṃ. Paṭisandhisamuṭṭhitampi pavatte calati parivattati.

    яат̇ааха –

    Yathāha –

    ‘‘д̇зна ко бана самаязна ан̃н̃ад̇арасса бхигкуно ид̇т̇илин̇г̇ам̣ баад̇убхууд̇ам̣ ход̇и. д̇зна ко бана самаязна ан̃н̃ад̇ариссаа бхигкунияаа бурисалин̇г̇ам̣ баад̇убхууд̇ам̣ ход̇ий’’д̇и (баараа. 69).

    ‘‘Tena kho pana samayena aññatarassa bhikkhuno itthiliṅgaṃ pātubhūtaṃ hoti. Tena kho pana samayena aññatarissā bhikkhuniyā purisaliṅgaṃ pātubhūtaṃ hotī’’ti (pārā. 69).

    имзсу бана д̣̇вийсу бурисалин̇г̇ам̣ уд̇д̇амам̣, ид̇т̇илин̇г̇ам̣ хийнам̣. д̇асмаа бурисалин̇г̇ам̣ б̣алаваагусалзна анд̇арад̇хааяад̇и, ид̇т̇илин̇г̇ам̣ д̣̇уб̣б̣алагусалзна бад̇идтаад̇и. ид̇т̇илин̇г̇ам̣ бана анд̇арад̇хааяанд̇ам̣ д̣̇уб̣б̣алаагусалзна анд̇арад̇хааяад̇и, бурисалин̇г̇ам̣ б̣алавагусалзна бад̇идтаад̇и. звам̣ убхаяамби агусалзна анд̇арад̇хааяад̇и, гусалзна бад̇идтаад̇ийд̇и взд̣̇ид̇аб̣б̣ам̣.

    Imesu pana dvīsu purisaliṅgaṃ uttamaṃ, itthiliṅgaṃ hīnaṃ. Tasmā purisaliṅgaṃ balavaakusalena antaradhāyati, itthiliṅgaṃ dubbalakusalena patiṭṭhāti. Itthiliṅgaṃ pana antaradhāyantaṃ dubbalaakusalena antaradhāyati, purisaliṅgaṃ balavakusalena patiṭṭhāti. Evaṃ ubhayampi akusalena antaradhāyati, kusalena patiṭṭhātīti veditabbaṃ.

    убхад̇об̣яан̃ж̇анагасса бана гим̣ згам̣ инд̣̇рияам̣ уд̣̇ааху д̣̇взд̇и? згам̣. д̇ан̃жа ко ид̇т̇иубхад̇об̣яан̃ж̇анагасса ид̇т̇инд̣̇рияам̣, бурисаубхад̇об̣яан̃ж̇анагасса бурисинд̣̇рияам̣. ‘звам̣ санд̇з д̣̇уд̇ияаб̣яан̃ж̇анагасса абхааво аабаж̇ж̇ад̇и. инд̣̇рияан̃хи б̣яан̃ж̇анагааран̣ам̣ вуд̇д̇ам̣. д̇ан̃жасса над̇т̇ий’д̇и? ‘на д̇асса инд̣̇рияам̣ б̣яан̃ж̇анагааран̣ам̣’. ‘гасмаа’? ‘сад̣̇аа абхаавад̇о. ид̇т̇иубхад̇об̣яан̃ж̇анагасса хи яад̣̇аа ид̇т̇ияаа рааг̇ажид̇д̇ам̣ уббаж̇ж̇ад̇и, д̇ад̣̇аава бурисаб̣яан̃ж̇анам̣ баагадам̣ ход̇и, ид̇т̇иб̣яан̃ж̇анам̣ бадижчаннам̣ г̇ул̣хам̣ ход̇и. д̇ат̇аа ид̇арасса ид̇арам̣.

    Ubhatobyañjanakassa pana kiṃ ekaṃ indriyaṃ udāhu dveti? Ekaṃ. Tañca kho itthiubhatobyañjanakassa itthindriyaṃ, purisaubhatobyañjanakassa purisindriyaṃ. ‘Evaṃ sante dutiyabyañjanakassa abhāvo āpajjati. Indriyañhi byañjanakāraṇaṃ vuttaṃ. Tañcassa natthī’ti? ‘Na tassa indriyaṃ byañjanakāraṇaṃ’. ‘Kasmā’? ‘Sadā abhāvato. Itthiubhatobyañjanakassa hi yadā itthiyā rāgacittaṃ uppajjati, tadāva purisabyañjanaṃ pākaṭaṃ hoti, itthibyañjanaṃ paṭicchannaṃ guḷhaṃ hoti. Tathā itarassa itaraṃ.

    яад̣̇и жа д̇зсам̣ инд̣̇рияам̣ д̣̇уд̇ияаб̣яан̃ж̇анагааран̣ам̣ бхавзяяа, сад̣̇ааби б̣яан̃ж̇анад̣̇ваяам̣ д̇идтзяяа. на бана д̇идтад̇и. д̇асмаа взд̣̇ид̇аб̣б̣амзд̇ам̣ на д̇асса д̇ам̣ б̣яан̃ж̇анагааран̣ам̣. гаммасахааяам̣ бана рааг̇ажид̇д̇амзвзд̇т̇а гааран̣ам̣. яасмаа жасса згамзва инд̣̇рияам̣ ход̇и, д̇асмаа ид̇т̇иубхад̇об̣яан̃ж̇анаго саяамби г̇аб̣бхам̣ г̇ан̣хаад̇и, барамби г̇ан̣хаабзд̇и. бурисаубхад̇об̣яан̃ж̇анаго барам̣ г̇аб̣бхам̣ г̇ан̣хаабзд̇и, саяам̣ бана на г̇ан̣хаад̇ийд̇и.

    Yadi ca tesaṃ indriyaṃ dutiyabyañjanakāraṇaṃ bhaveyya, sadāpi byañjanadvayaṃ tiṭṭheyya. Na pana tiṭṭhati. Tasmā veditabbametaṃ na tassa taṃ byañjanakāraṇaṃ. Kammasahāyaṃ pana rāgacittamevettha kāraṇaṃ. Yasmā cassa ekameva indriyaṃ hoti, tasmā itthiubhatobyañjanako sayampi gabbhaṃ gaṇhāti, parampi gaṇhāpeti. Purisaubhatobyañjanako paraṃ gabbhaṃ gaṇhāpeti, sayaṃ pana na gaṇhātīti.

    634. ж̇ийвид̇инд̣̇рияанид̣̇д̣̇зсз яам̣ вад̇д̇аб̣б̣ам̣ д̇ам̣ хздтаа аруубаж̇ийвид̇инд̣̇рияз вуд̇д̇амзва. гзвалан̃хи д̇ад̇т̇а яо д̇зсам̣ аруубийнам̣ д̇хаммаананд̇и вуд̇д̇ам̣, ид̇ха руубаж̇ийвид̇инд̣̇рияад̇д̇аа яо д̇зсам̣ руубийнам̣ д̇хаммаананд̇и аяамзва висзсо. лагкан̣аад̣̇ийни банасса звам̣ взд̣̇ид̇аб̣б̣аани – сахаж̇аад̇аруубаанубааланалагкан̣ам̣ ж̇ийвид̇инд̣̇рияам̣, д̇зсам̣ бавад̇д̇анарасам̣, д̇зсам̣ язва табанабажжубадтаанам̣, яаабаяид̇аб̣б̣абхууд̇абад̣̇адтаананд̇и.

    634. Jīvitindriyaniddese yaṃ vattabbaṃ taṃ heṭṭhā arūpajīvitindriye vuttameva. Kevalañhi tattha yo tesaṃ arūpīnaṃ dhammānanti vuttaṃ, idha rūpajīvitindriyattā yo tesaṃ rūpīnaṃ dhammānanti ayameva viseso. Lakkhaṇādīni panassa evaṃ veditabbāni – sahajātarūpānupālanalakkhaṇaṃ jīvitindriyaṃ, tesaṃ pavattanarasaṃ, tesaṃ yeva ṭhapanapaccupaṭṭhānaṃ, yāpayitabbabhūtapadaṭṭhānanti.

    635. гааяавин̃н̃ад̇д̇инид̣̇д̣̇зсз гааяавин̃н̃ад̇д̇ийд̇и зд̇т̇а д̇аава гааязна ад̇д̇ано бхаавам̣ вин̃н̃аабзнд̇аанам̣ д̇иражчаанзхиби бурисаанам̣, бурисзхи ваа д̇иражчаанаанамби гааяаг̇ахан̣аанусаарзна г̇ахид̇ааяа зд̇ааяа бхааво вин̃н̃ааяад̇ийд̇и ‘вин̃н̃ад̇д̇и’. саяам̣ гааяаг̇ахан̣аанусаарзна вин̃н̃ааяад̇ийд̇иби ‘вин̃н̃ад̇д̇и’. ‘‘гааязна сам̣варо саад̇хуу’’д̇иаад̣̇ийсу (д̇ха. ба. 361) ааг̇ад̇о жобанасан̇каад̇о гааяова вин̃н̃ад̇д̇и ‘гааяавин̃н̃ад̇д̇и’. гааяавибпанд̣̇анзна ад̇хиббааяавин̃н̃аабанахзд̇уд̇д̇аа, саяан̃жа д̇ат̇аа вин̃н̃зяяад̇д̇аа гааязна вин̃н̃ад̇д̇ийд̇иби ‘гааяавин̃н̃ад̇д̇и’.

    635. Kāyaviññattiniddese kāyaviññattīti ettha tāva kāyena attano bhāvaṃ viññāpentānaṃ tiracchānehipi purisānaṃ, purisehi vā tiracchānānampi kāyagahaṇānusārena gahitāya etāya bhāvo viññāyatīti ‘viññatti’. Sayaṃ kāyagahaṇānusārena viññāyatītipi ‘viññatti’. ‘‘Kāyena saṃvaro sādhū’’tiādīsu (dha. pa. 361) āgato copanasaṅkhāto kāyova viññatti ‘kāyaviññatti’. Kāyavipphandanena adhippāyaviññāpanahetuttā, sayañca tathā viññeyyattā kāyena viññattītipi ‘kāyaviññatti’.

    гусалажид̇д̇асса ваад̇иаад̣̇ийсу адтахи гаамааважарзхи абхин̃н̃аажид̇д̇зна жаад̇и навахи гусалажид̇д̇зхи гусалажид̇д̇асса ваа, д̣̇ваад̣̇асахиби агусалажид̇д̇зхи агусалажид̇д̇асса ваа, адтахи махаагириязхи д̣̇вийхи ахзд̇угагириязхи абхин̃н̃ааббад̇д̇зна згзна руубааважарагириязнаад̇и згаад̣̇асахи гирияажид̇д̇зхи аб̣яаагад̇ажид̇д̇асса ваа. ид̇о ан̃н̃аани хи жид̇д̇аани вин̃н̃ад̇д̇им̣ на ж̇анзнд̇и. сзгкаасзгкабут̇уж̇ж̇анаанам̣ бана зд̇д̇агзхзва жид̇д̇зхи вин̃н̃ад̇д̇и ход̇ийд̇и зд̇зсам̣ гусалаад̣̇ийнам̣ васзна д̇ийхи бад̣̇зхи ‘хзд̇уд̇о’ д̣̇ассид̇аа.

    Kusalacittassa vātiādīsu aṭṭhahi kāmāvacarehi abhiññācittena cāti navahi kusalacittehi kusalacittassa vā, dvādasahipi akusalacittehi akusalacittassa vā, aṭṭhahi mahākiriyehi dvīhi ahetukakiriyehi abhiññāppattena ekena rūpāvacarakiriyenāti ekādasahi kiriyacittehi abyākatacittassa vā. Ito aññāni hi cittāni viññattiṃ na janenti. Sekkhāsekkhaputhujjanānaṃ pana ettakeheva cittehi viññatti hotīti etesaṃ kusalādīnaṃ vasena tīhi padehi ‘hetuto’ dassitā.

    ид̣̇аани чахи бад̣̇зхи ‘палад̇о’ д̣̇ассзд̇ум̣ абхиггаманд̇асса ваад̇иаад̣̇и вуд̇д̇ам̣. абхиггамаад̣̇аяо хи вин̃н̃ад̇д̇ивасзна бавад̇д̇ад̇д̇аа вин̃н̃ад̇д̇ипалам̣ наама. д̇ад̇т̇а ‘абхиггаманд̇ассаа’д̇и бурад̇о гааяам̣ абхихаранд̇асса. бадиггаманд̇ассаад̇и бажчад̇о бажжаахаранд̇асса. аалогзнд̇ассаад̇и уж̇угам̣ бзгканд̇асса. вилогзнд̇ассаад̇и ид̇о жид̇о жа бзгканд̇асса. самин̃ж̇знд̇ассаад̇и санд̇хаяо сан̇гожзнд̇асса. басаарзнд̇ассаад̇и санд̇хаяо бадибан̣аамзнд̇асса.

    Idāni chahi padehi ‘phalato’ dassetuṃ abhikkamantassa vātiādi vuttaṃ. Abhikkamādayo hi viññattivasena pavattattā viññattiphalaṃ nāma. Tattha ‘abhikkamantassā’ti purato kāyaṃ abhiharantassa. Paṭikkamantassāti pacchato paccāharantassa. Ālokentassāti ujukaṃ pekkhantassa. Vilokentassāti ito cito ca pekkhantassa. Samiñjentassāti sandhayo saṅkocentassa. Pasārentassāti sandhayo paṭipaṇāmentassa.

    ид̣̇аани чахи бад̣̇зхи ‘сабхаавад̇о’ д̣̇ассзд̇ум̣ гааяасса т̇амбханаад̇и аад̣̇и вуд̇д̇ам̣. д̇ад̇т̇а ‘гааяассаа’д̇и сарийрасса. гааяам̣ т̇амбхзд̇ваа т̇ад̣̇д̇хам̣ гарод̇ийд̇и т̇амбханаа. д̇амзва убасаг̇г̇зна вад̣дхзд̇ваа сант̇амбханаад̇и ааха. б̣алавад̇араа ваа т̇амбханаа ‘сант̇амбханаа’. сант̇амбхид̇ад̇д̇анд̇и сант̇амбхид̇абхааво. вин̃н̃аабанавасзна вин̃н̃ад̇д̇и. вин̃н̃аабанаад̇и вин̃н̃аабанаагааро. вин̃н̃аабид̇абхааво вин̃н̃аабид̇ад̇д̇ам̣. сзсамзд̇т̇а яам̣ вад̇д̇аб̣б̣ам̣ д̇ам̣ хздтаа д̣̇ваарагат̇ааяам̣ вуд̇д̇амзва. д̇ат̇аа важийвин̃н̃ад̇д̇ияам̣.

    Idāni chahi padehi ‘sabhāvato’ dassetuṃ kāyassa thambhanāti ādi vuttaṃ. Tattha ‘kāyassā’ti sarīrassa. Kāyaṃ thambhetvā thaddhaṃ karotīti thambhanā. Tameva upasaggena vaḍḍhetvā santhambhanāti āha. Balavatarā vā thambhanā ‘santhambhanā’. Santhambhitattanti santhambhitabhāvo. Viññāpanavasena viññatti. Viññāpanāti viññāpanākāro. Viññāpitabhāvo viññāpitattaṃ. Sesamettha yaṃ vattabbaṃ taṃ heṭṭhā dvārakathāyaṃ vuttameva. Tathā vacīviññattiyaṃ.

    636. важийвин̃н̃ад̇д̇ийд̇ибад̣̇асса бана нид̣̇д̣̇зсабад̣̇аанан̃жа ад̇т̇о д̇ад̇т̇а на вуд̇д̇о, со звам̣ взд̣̇ид̇аб̣б̣о – ваажааяа ад̇д̇ано бхаавам̣ вин̃н̃аабзнд̇аанам̣ д̇иражчаанзхиби бурисаанам̣, бурисзхи ваа д̇иражчаанаанамби , важийг̇ахан̣аанусаарзна г̇ахид̇ааяа зд̇ааяа бхааво вин̃н̃ааяад̇ийд̇и вин̃н̃ад̇д̇и. саяан̃жа важийг̇ахан̣аанусаарзна вин̃н̃ааяад̇ийд̇иби вин̃н̃ад̇д̇и. ‘‘саад̇ху ваажааяа сам̣варо’’д̇иаад̣̇ийсу (д̇ха. ба. 361) ааг̇ад̇аа жобанасан̇каад̇аа важий зва вин̃н̃ад̇д̇и ‘важийвин̃н̃ад̇д̇и’. важийгхосзна ад̇хиббааяавин̃н̃аабанахзд̇уд̇д̇аа саяан̃жа д̇ат̇аавин̃н̃зяяад̇д̇аа ваажааяа вин̃н̃ад̇д̇ийд̇иби ‘важийвин̃н̃ад̇д̇и’. ваажаа г̇ираад̇иаад̣̇ийсу вужжад̇ийд̇и ‘ваажаа’. г̇ирияад̇ийд̇и ‘г̇ираа’. б̣яаббат̇од̇и ваагяабхзд̣̇о. ваагяан̃жа д̇ам̣ бат̇о жа ад̇т̇ам̣ н̃аад̇угаамаанам̣ н̃аабзд̇угаамаанан̃жаад̇иби ‘б̣яаббат̇о’. уд̣̇ийрияад̇ийд̇и уд̣̇ийран̣ам̣. гхуссад̇ийд̇и гхосо. гарияад̇ийд̇и гаммам̣. гхосова гаммам̣ гхосагаммам̣. наанаббагаарзхи гад̇о гхосод̇и ад̇т̇о. важияаа бхзд̣̇о важийбхзд̣̇о. со бана ‘на бхан̇г̇о, бабхзд̣̇аг̇ад̇аа ваажаа зваа’д̇и н̃аабанад̇т̇ам̣ ваажаа важийбхзд̣̇од̇и вуд̇д̇ам̣. имзхи саб̣б̣зхиби бад̣̇зхи ‘сад̣̇д̣̇аваажаава’ д̣̇ассид̇аа. ид̣̇аани д̇ааяа ваажааяа сад̣̇д̇хим̣ яож̇зд̇ваа хздтаа вуд̇д̇ад̇т̇аанам̣ вин̃н̃ад̇д̇иаад̣̇ийнам̣ бад̣̇аанам̣ васзна д̇ийхаагаарзхи сабхаавад̇о д̇ам̣ д̣̇ассзд̇ум̣ яаа д̇ааяа ваажааяа вин̃н̃ад̇д̇ийд̇иаад̣̇и вуд̇д̇ам̣. д̇ам̣ хздтаа вуд̇д̇анаяад̇д̇аа уд̇д̇аанад̇т̇амзва.

    636. Vacīviññattītipadassa pana niddesapadānañca attho tattha na vutto, so evaṃ veditabbo – vācāya attano bhāvaṃ viññāpentānaṃ tiracchānehipi purisānaṃ, purisehi vā tiracchānānampi , vacīgahaṇānusārena gahitāya etāya bhāvo viññāyatīti viññatti. Sayañca vacīgahaṇānusārena viññāyatītipi viññatti. ‘‘Sādhu vācāya saṃvaro’’tiādīsu (dha. pa. 361) āgatā copanasaṅkhātā vacī eva viññatti ‘vacīviññatti’. Vacīghosena adhippāyaviññāpanahetuttā sayañca tathāviññeyyattā vācāya viññattītipi ‘vacīviññatti’. Vācā girātiādīsu vuccatīti ‘vācā’. Giriyatīti ‘girā’. Byappathoti vākyabhedo. Vākyañca taṃ patho ca atthaṃ ñātukāmānaṃ ñāpetukāmānañcātipi ‘byappatho’. Udīriyatīti udīraṇaṃ. Ghussatīti ghoso. Kariyatīti kammaṃ. Ghosova kammaṃ ghosakammaṃ. Nānappakārehi kato ghosoti attho. Vaciyā bhedo vacībhedo. So pana ‘na bhaṅgo, pabhedagatā vācā evā’ti ñāpanatthaṃ vācā vacībhedoti vuttaṃ. Imehi sabbehipi padehi ‘saddavācāva’ dassitā. Idāni tāya vācāya saddhiṃ yojetvā heṭṭhā vuttatthānaṃ viññattiādīnaṃ padānaṃ vasena tīhākārehi sabhāvato taṃ dassetuṃ yā tāya vācāya viññattītiādi vuttaṃ. Taṃ heṭṭhā vuttanayattā uttānatthameva.

    ид̣̇аани вин̃н̃ад̇д̇исамудтаабагажид̇д̇зсу асаммохад̇т̇ам̣ д̣̇вад̇д̇им̣са чаб̣б̣ийса згуунавийсад̇и сол̣аса бажчимаанийд̇и ид̣̇ам̣ багин̣н̣агам̣ взд̣̇ид̇аб̣б̣ам̣ – д̣̇вад̇д̇им̣са жид̇д̇аани хи руубам̣ самудтаабзнд̇и, ирияаабат̇амби убад̇т̇амбхзнд̇и, д̣̇увид̇хамби вин̃н̃ад̇д̇им̣ ж̇анзнд̇и. чаб̣б̣ийсад̇и вин̃н̃ад̇д̇имзва на ж̇анзнд̇и, ид̇арад̣̇ваяам̣ гаронд̇и. згуунавийсад̇и руубамзва самудтаабзнд̇и, ид̇арад̣̇ваяам̣ на гаронд̇и. сол̣аса имзсу д̇ийсу згамби на гаронд̇и.

    Idāni viññattisamuṭṭhāpakacittesu asammohatthaṃ dvattiṃsa chabbīsa ekūnavīsati soḷasa pacchimānīti idaṃ pakiṇṇakaṃ veditabbaṃ – dvattiṃsa cittāni hi rūpaṃ samuṭṭhāpenti, iriyāpathampi upatthambhenti, duvidhampi viññattiṃ janenti. Chabbīsati viññattimeva na janenti, itaradvayaṃ karonti. Ekūnavīsati rūpameva samuṭṭhāpenti, itaradvayaṃ na karonti. Soḷasa imesu tīsu ekampi na karonti.

    д̇ад̇т̇а д̣̇вад̇д̇им̣саад̇и хздтаа вуд̇д̇аанзва гаамааважарад̇о адта гусалаани, д̣̇ваад̣̇аса агусалаани, гирияад̇о д̣̇аса жид̇д̇аани, сзгкабут̇уж̇ж̇анаанам̣ абхин̃н̃аажид̇д̇ам̣, кийн̣аасаваанам̣ абхин̃н̃аажид̇д̇анд̇и. чаб̣б̣ийсаад̇и руубааважарад̇о бан̃жа гусалаани, бан̃жа гирияаани, аруубааважарад̇о жад̇д̇аари гусалаани, жад̇д̇аари гирияаани, жад̇д̇аари маг̇г̇ажид̇д̇аани, жад̇д̇аари палажид̇д̇аанийд̇и. згуунавийсад̇ийд̇и гаамааважарагусалавибаагад̇о згаад̣̇аса, агусалавибаагад̇о д̣̇вз , гирияад̇о гирияаманод̇хаад̇у, руубааважарад̇о бан̃жа вибаагажид̇д̇аанийд̇и. сол̣асаад̇и д̣̇вз бан̃жавин̃н̃аан̣аани, саб̣б̣асад̇д̇аанам̣ бадисанд̇хижид̇д̇ам̣, кийн̣аасаваанам̣ жуд̇ижид̇д̇ам̣, аруубз жад̇д̇аари вибаагажид̇д̇аанийд̇и. имаани сол̣аса руубирияаабат̇авин̃н̃ад̇д̇ийсу згамби на гаронд̇и. ан̃н̃ааниби б̣ахууни аруубз уббаннаани аногаасаг̇ад̇ад̇д̇аа руубам̣ на самудтаабзнд̇и. на д̇аанзва, гааяаважийвин̃н̃ад̇д̇ияоби.

    Tattha dvattiṃsāti heṭṭhā vuttāneva kāmāvacarato aṭṭha kusalāni, dvādasa akusalāni, kiriyato dasa cittāni, sekkhaputhujjanānaṃ abhiññācittaṃ, khīṇāsavānaṃ abhiññācittanti. Chabbīsāti rūpāvacarato pañca kusalāni, pañca kiriyāni, arūpāvacarato cattāri kusalāni, cattāri kiriyāni, cattāri maggacittāni, cattāri phalacittānīti. Ekūnavīsatīti kāmāvacarakusalavipākato ekādasa, akusalavipākato dve , kiriyato kiriyamanodhātu, rūpāvacarato pañca vipākacittānīti. Soḷasāti dve pañcaviññāṇāni, sabbasattānaṃ paṭisandhicittaṃ, khīṇāsavānaṃ cuticittaṃ, arūpe cattāri vipākacittānīti. Imāni soḷasa rūpiriyāpathaviññattīsu ekampi na karonti. Aññānipi bahūni arūpe uppannāni anokāsagatattā rūpaṃ na samuṭṭhāpenti. Na tāneva, kāyavacīviññattiyopi.

    637. аагаасад̇хаад̇унид̣̇д̣̇зсз на гассад̇и, на нигассад̇и, гасид̇ум̣ ваа чинд̣̇ид̇ум̣ ваа бхинд̣̇ид̇ум̣ ваа на саггаад̇и аагаасо. аагаасова аагаасаг̇ад̇ам̣ , кзл̣аг̇ад̇аад̣̇и вияа. аагаасод̇и ваа г̇ад̇анд̇и ‘аагаасаг̇ад̇ам̣’. на хан̃н̃ад̇ийд̇и агхам̣, агхадданийяанд̇и ад̇т̇о. агхамзва агхаг̇ад̇ам̣. чид̣̇д̣̇адтзна виваро. виварова вивараг̇ад̇ам̣. асампудтам̣ жад̇уухи махаабхууд̇зхийд̇и зд̇зхи асампудтам̣ ниж̇ж̇адаагаасам̣ва гат̇ид̇ам̣. лагкан̣аад̣̇ид̇о бана руубабарижчзд̣̇алагкан̣аа аагаасад̇хаад̇у, руубабарияанд̇аббагаасанарасаа, руубамарияаад̣̇абажжубадтаанаа асампудтабхаавачид̣̇д̣̇авиварабхаавабажжубадтаанаа ваа, барижчиннаруубабад̣̇адтаанаа, яааяа барижчиннзсу руубзсу ‘ид̣̇амид̇о уд̣̇д̇хам̣ ад̇хо д̇ирияа’нд̇и жа ход̇и.

    637. Ākāsadhātuniddese na kassati, na nikassati, kasituṃ vā chindituṃ vā bhindituṃ vā na sakkāti ākāso. Ākāsova ākāsagataṃ, kheḷagatādi viya. Ākāsoti vā gatanti ‘ākāsagataṃ’. Na haññatīti aghaṃ, aghaṭṭanīyanti attho. Aghameva aghagataṃ. Chiddaṭṭhena vivaro. Vivarova vivaragataṃ. Asamphuṭṭhaṃ catūhi mahābhūtehīti etehi asamphuṭṭhaṃ nijjaṭākāsaṃva kathitaṃ. Lakkhaṇādito pana rūpaparicchedalakkhaṇā ākāsadhātu, rūpapariyantappakāsanarasā, rūpamariyādapaccupaṭṭhānā asamphuṭṭhabhāvachiddavivarabhāvapaccupaṭṭhānā vā, paricchinnarūpapadaṭṭhānā, yāya paricchinnesu rūpesu ‘idamito uddhaṃ adho tiriya’nti ca hoti.

    638. ид̇о барз руубассалахуд̇аад̣̇ийнам̣ нид̣̇д̣̇зсаа жид̇д̇ассалахуд̇аад̣̇ийсу вуд̇д̇анаязнзва взд̣̇ид̇аб̣б̣аа. лагкан̣аад̣̇ид̇о банзд̇т̇а ад̣̇анд̇хад̇аалагкан̣аа руубасса лахуд̇аа, руубаанам̣ г̇арубхаававинод̣̇анарасаа, лахубаривад̇д̇ид̇аабажжубадтаанаа, лахуруубабад̣̇адтаанаа. ат̇ад̣̇д̇хад̇аалагкан̣аа руубасса муд̣̇уд̇аа, руубаанам̣ т̇ад̣̇д̇хабхаававинод̣̇анарасаа, саб̣б̣агирияаасу авирод̇хид̇аабажжубадтаанаа, муд̣̇уруубабад̣̇адтаанаа. сарийрагирияаанугуулагамман̃н̃абхаавалагкан̣аа руубасса гамман̃н̃ад̇аа, агамман̃н̃ад̇аавинод̣̇анарасаа, ад̣̇уб̣б̣алабхаавабажжубадтаанаа, гамман̃н̃аруубабад̣̇адтаанаа.

    638. Ito pare rūpassalahutādīnaṃ niddesā cittassalahutādīsu vuttanayeneva veditabbā. Lakkhaṇādito panettha adandhatālakkhaṇā rūpassa lahutā, rūpānaṃ garubhāvavinodanarasā, lahuparivattitāpaccupaṭṭhānā, lahurūpapadaṭṭhānā. Athaddhatālakkhaṇā rūpassa mudutā, rūpānaṃ thaddhabhāvavinodanarasā, sabbakiriyāsu avirodhitāpaccupaṭṭhānā, mudurūpapadaṭṭhānā. Sarīrakiriyānukūlakammaññabhāvalakkhaṇā rūpassa kammaññatā, akammaññatāvinodanarasā, adubbalabhāvapaccupaṭṭhānā, kammaññarūpapadaṭṭhānā.

    зд̇аа бана д̇иссо на ан̃н̃аман̃н̃ам̣ виж̇аханд̇и. звам̣ санд̇зби яо арог̇ино вияа руубаанам̣ лахубхааво, ад̣̇анд̇хад̇аалахубаривад̇д̇иббагааро, руубад̣̇анд̇хад̇д̇агарад̇хаад̇угкобхабадибагкабажжаяасамудтаано, со руубавигааро ‘руубассалахуд̇аа’. яо субаримад̣̇д̣̇ид̇ажаммассзва руубаанам̣ муд̣̇убхааво саб̣б̣агирияаависзсзсу сарасавад̇д̇анабхааво васавад̇д̇анабхаавамад̣̇д̣̇аваббагааро руубат̇ад̣̇д̇хад̇д̇агарад̇хаад̇угкобхабадибагкабажжаяасамудтаано , со руубавигааро ‘руубасса муд̣̇уд̇аа’. яо бана суд̇ханд̇асуван̣н̣ассзва руубаанам̣ гамман̃н̃абхааво сарийрагирияаанугуулабхааваббагааро сарийрагирияаанам̣ ананугуулагарад̇хаад̇угкобхабадибагкабажжаяасамудтаано, со руубавигааро ‘руубасса гамман̃н̃ад̇аа’д̇и. звамзд̇аасам̣ висзсо взд̣̇ид̇аб̣б̣о.

    Etā pana tisso na aññamaññaṃ vijahanti. Evaṃ santepi yo arogino viya rūpānaṃ lahubhāvo, adandhatālahuparivattippakāro, rūpadandhattakaradhātukkhobhapaṭipakkhapaccayasamuṭṭhāno, so rūpavikāro ‘rūpassalahutā’. Yo suparimadditacammasseva rūpānaṃ mudubhāvo sabbakiriyāvisesesu sarasavattanabhāvo vasavattanabhāvamaddavappakāro rūpathaddhattakaradhātukkhobhapaṭipakkhapaccayasamuṭṭhāno , so rūpavikāro ‘rūpassa mudutā’. Yo pana sudhantasuvaṇṇasseva rūpānaṃ kammaññabhāvo sarīrakiriyānukūlabhāvappakāro sarīrakiriyānaṃ ananukūlakaradhātukkhobhapaṭipakkhapaccayasamuṭṭhāno, so rūpavikāro ‘rūpassa kammaññatā’ti. Evametāsaṃ viseso veditabbo.

    зд̇аа бана д̇иссоби гаммам̣ гаад̇ум̣ на саггод̇и, аахаараад̣̇аяова гаронд̇и. д̇ат̇аа хи яог̇ино ‘аж̇ж̇а амхзхи бхож̇анасаббааяам̣ лад̣̇д̇хам̣, гааяо но лаху муд̣̇у гамман̃н̃о’д̇и вад̣̇анд̇и. ‘аж̇ж̇а уд̇усаббааяам̣ лад̣̇д̇хам̣, аж̇ж̇а амхаагам̣ жид̇д̇ам̣ згаг̇г̇ам̣, гааяо но лаху муд̣̇у гамман̃н̃о’д̇и вад̣̇анд̇ийд̇и.

    Etā pana tissopi kammaṃ kātuṃ na sakkoti, āhārādayova karonti. Tathā hi yogino ‘ajja amhehi bhojanasappāyaṃ laddhaṃ, kāyo no lahu mudu kammañño’ti vadanti. ‘Ajja utusappāyaṃ laddhaṃ, ajja amhākaṃ cittaṃ ekaggaṃ, kāyo no lahu mudu kammañño’ti vadantīti.

    641. убажаяасанд̇ад̇инид̣̇д̣̇зсзсу ааяад̇анаананд̇и ад̣дхзгаад̣̇асаннам̣ руубааяад̇анаанам̣. аажаяод̇и ниб̣б̣ад̇д̇и. со руубасса убажаяод̇и яо ааяад̇анаанам̣ аажаяо бунаббунам̣ ниб̣б̣ад̇д̇амаанаанам̣, сова руубасса убажаяо наама ход̇и; вад̣дхийд̇и ад̇т̇о. яо руубасса убажаяо саа руубасса санд̇ад̇ийд̇и яаа звам̣ убажид̇аанам̣ руубаанам̣ вад̣дхи, д̇ад̇о уд̇д̇арид̇арам̣ бавад̇д̇игаалз саа руубасса санд̇ад̇и наама ход̇и; бавад̇д̇ийд̇и ад̇т̇о. над̣̇ид̇ийрз кад̇агуубасмин̃хи уд̣̇агуг̇г̇аманагаало вияа аажаяо, ниб̣б̣ад̇д̇и; барибун̣н̣агаало вияа убажаяо, вад̣дхи; аж̇жход̇т̇арид̇ваа г̇аманагаало вияа санд̇ад̇и, бавад̇д̇ийд̇и взд̣̇ид̇аб̣б̣аа.

    641. Upacayasantatiniddesesu āyatanānanti aḍḍhekādasannaṃ rūpāyatanānaṃ. Ācayoti nibbatti. So rūpassa upacayoti yo āyatanānaṃ ācayo punappunaṃ nibbattamānānaṃ, sova rūpassa upacayo nāma hoti; vaḍḍhīti attho. Yo rūpassa upacayo sā rūpassa santatīti yā evaṃ upacitānaṃ rūpānaṃ vaḍḍhi, tato uttaritaraṃ pavattikāle sā rūpassa santati nāma hoti; pavattīti attho. Naditīre khatakūpasmiñhi udakuggamanakālo viya ācayo, nibbatti; paripuṇṇakālo viya upacayo, vaḍḍhi; ajjhottharitvā gamanakālo viya santati, pavattīti veditabbā.

    звам̣ гим̣ гат̇ид̇ам̣ ход̇ийд̇и? ааяад̇анзна хи аажаяо гат̇ид̇о, аажаязна ааяад̇анам̣ гат̇ид̇ам̣. аажаяова гат̇ид̇о ааяад̇анамзва гат̇ид̇ам̣. звамби гим̣ гат̇ид̇ам̣ ход̇ийд̇и? жад̇усанд̇ад̇ируубаанам̣ аажаяо убажаяо ниб̣б̣ад̇д̇и вад̣дхи гат̇ид̇аа. ад̇т̇ад̇о хи убхаяамбзд̇ам̣ ж̇аад̇ируубассзва ад̇хиважанам̣. аагааранаанад̇д̇зна бана взнзяяавасзна жа убажаяо санд̇ад̇ийд̇и уд̣̇д̣̇зсад̣̇зсанам̣ гад̇ваа яасмаа зд̇т̇а ад̇т̇ад̇о наанад̇д̇ам̣ над̇т̇и, д̇асмаа нид̣̇д̣̇зсз ‘‘яо ааяад̇анаанам̣ аажаяо со руубасса убажаяо, яо руубасса убажаяо саа руубасса санд̇ад̇ий’’д̇и вуд̇д̇ам̣.

    Evaṃ kiṃ kathitaṃ hotīti? Āyatanena hi ācayo kathito, ācayena āyatanaṃ kathitaṃ. Ācayova kathito āyatanameva kathitaṃ. Evampi kiṃ kathitaṃ hotīti? Catusantatirūpānaṃ ācayo upacayo nibbatti vaḍḍhi kathitā. Atthato hi ubhayampetaṃ jātirūpasseva adhivacanaṃ. Ākāranānattena pana veneyyavasena ca upacayo santatīti uddesadesanaṃ katvā yasmā ettha atthato nānattaṃ natthi, tasmā niddese ‘‘yo āyatanānaṃ ācayo so rūpassa upacayo, yo rūpassa upacayo sā rūpassa santatī’’ti vuttaṃ.

    яасмаа жа убхаяамбзд̇ам̣ ж̇аад̇ируубассзва ад̇хиважанам̣ д̇асмаа зд̇т̇а аажаяалагкан̣о руубасса убажаяо, буб̣б̣анд̇ад̇о руубаанам̣ уммуж̇ж̇аабанарасо, нияяаад̇анабажжубадтаано барибун̣н̣абхаавабажжубадтаано ваа, убажид̇аруубабад̣̇адтаано. бавад̇д̇илагкан̣аа руубасса санд̇ад̇и, ануббаб̣анд̇харасаа, анубажчзд̣̇абажжубадтаанаа, ануббаб̣анд̇харуубабад̣̇адтаанаад̇и взд̣̇ид̇аб̣б̣аа.

    Yasmā ca ubhayampetaṃ jātirūpasseva adhivacanaṃ tasmā ettha ācayalakkhaṇo rūpassa upacayo, pubbantato rūpānaṃ ummujjāpanaraso, niyyātanapaccupaṭṭhāno paripuṇṇabhāvapaccupaṭṭhāno vā, upacitarūpapadaṭṭhāno. Pavattilakkhaṇā rūpassa santati, anuppabandharasā, anupacchedapaccupaṭṭhānā, anuppabandharūpapadaṭṭhānāti veditabbā.

    643. ж̇арад̇аанид̣̇д̣̇зсз ж̇ийран̣агавасзна ж̇араа; аяамзд̇т̇а сабхааванид̣̇д̣̇зсо . ж̇ийран̣аагааро ж̇ийран̣ад̇аа. кан̣д̣ижжанд̇и аад̣̇аяо д̇аяо гаалаад̇иггамз гижжанид̣̇д̣̇зсаа. бажчимаа д̣̇вз багад̇инид̣̇д̣̇зсаа. аяан̃хи ‘ж̇араа’д̇и иминаа бад̣̇зна сабхаавад̇о д̣̇ийбид̇аа; д̇знассааяам̣ сабхааванид̣̇д̣̇зсо. ‘ж̇ийран̣ад̇аа’д̇и иминаа аагаарад̇о; д̇знассааяам̣ аагааранид̣̇д̣̇зсо. кан̣д̣ижжанд̇и иминаа гаалаад̇иггамз д̣̇анд̇анакаанам̣ кан̣д̣ид̇абхаавагаран̣агижжад̇о. баалижжанд̇и иминаа гзсаломаанам̣ балид̇абхаавагаран̣агижжад̇о. валид̇д̇ажад̇аад̇и иминаа мам̣сам̣ милаабзд̇ваа д̇ажз валибхаавагаран̣агижжад̇о д̣̇ийбид̇аа. д̇знассаа имз ‘кан̣д̣ижжа’нд̇иаад̣̇аяо д̇аяо гаалаад̇иггамз гижжанид̣̇д̣̇зсаа. д̇зхи имзсам̣ вигаараанам̣ д̣̇ассанавасзна баагадийбхууд̇аа баагадаж̇араа д̣̇ассид̇аа. яат̇зва хи уд̣̇агасса ваа аг̇г̇ино ваа д̇ин̣аругкаад̣̇ийнам̣ сам̣бхаг̇г̇абалибхаг̇г̇ад̇ааяа ваа жхаамад̇ааяа ваа г̇ад̇амаг̇г̇о баагадо ход̇и, на жа со г̇ад̇амаг̇г̇о д̇аанзва уд̣̇агаад̣̇ийни, звамзва ж̇арааяа д̣̇анд̇аад̣̇ийсу кан̣д̣ижжаад̣̇ивасзна г̇ад̇амаг̇г̇о баагадо, жагкум̣ уммийлзд̇вааби г̇аяхад̇и, на жа кан̣д̣ижжаад̣̇ийнзва ж̇араа. на хи ж̇араа жагкувин̃н̃зяяаа ход̇и.

    643. Jaratāniddese jīraṇakavasena jarā; ayamettha sabhāvaniddeso . Jīraṇākāro jīraṇatā. Khaṇḍiccanti ādayo tayo kālātikkame kiccaniddesā. Pacchimā dve pakatiniddesā. Ayañhi ‘jarā’ti iminā padena sabhāvato dīpitā; tenassāyaṃ sabhāvaniddeso. ‘Jīraṇatā’ti iminā ākārato; tenassāyaṃ ākāraniddeso. Khaṇḍiccanti iminā kālātikkame dantanakhānaṃ khaṇḍitabhāvakaraṇakiccato. Pāliccanti iminā kesalomānaṃ palitabhāvakaraṇakiccato. Valittacatāti iminā maṃsaṃ milāpetvā tace valibhāvakaraṇakiccato dīpitā. Tenassā ime ‘khaṇḍicca’ntiādayo tayo kālātikkame kiccaniddesā. Tehi imesaṃ vikārānaṃ dassanavasena pākaṭībhūtā pākaṭajarā dassitā. Yatheva hi udakassa vā aggino vā tiṇarukkhādīnaṃ saṃbhaggapalibhaggatāya vā jhāmatāya vā gatamaggo pākaṭo hoti, na ca so gatamaggo tāneva udakādīni, evameva jarāya dantādīsu khaṇḍiccādivasena gatamaggo pākaṭo, cakkhuṃ ummīletvāpi gayhati, na ca khaṇḍiccādīneva jarā. Na hi jarā cakkhuviññeyyā hoti.

    ааяуно сам̣хаани инд̣̇рияаанам̣ барибаагод̇и имзхи бана бад̣̇зхи гаалаад̇иггамзязва абхиб̣яад̇д̇ааяа ааяугкаяажагкаад̣̇иинд̣̇рияабарибаагасан̃н̃ид̇ааяа багад̇ияаа д̣̇ийбид̇аа. д̇знассимз бажчимаа д̣̇вз багад̇инид̣̇д̣̇зсаад̇и взд̣̇ид̇аб̣б̣аа. д̇ад̇т̇а яасмаа ж̇арам̣ бад̇д̇асса ааяу хааяад̇и, д̇асмаа ж̇араа ‘ааяуно сам̣хааний’д̇и палуубажаарзна вуд̇д̇аа. яасмаа жа д̣̇ахарагаалз суббасаннаани, сукумамби ад̇д̇ано висаяам̣ сукзнзва г̇ан̣ханасамад̇т̇аани жагкаад̣̇ийни инд̣̇рияаани ж̇арам̣ бад̇д̇асса барибаггаани аалул̣ид̇аани ависад̣̇аани, ол̣ааригамби ад̇д̇ано висаяам̣ г̇ахзд̇ум̣ асамад̇т̇аани хонд̇и, д̇асмаа ‘инд̣̇рияаанам̣ барибааго’д̇иби палуубажаарзнзва вуд̇д̇аа.

    Āyuno saṃhāni indriyānaṃ paripākoti imehi pana padehi kālātikkameyeva abhibyattāya āyukkhayacakkhādiindriyaparipākasaññitāya pakatiyā dīpitā. Tenassime pacchimā dve pakatiniddesāti veditabbā. Tattha yasmā jaraṃ pattassa āyu hāyati, tasmā jarā ‘āyuno saṃhānī’ti phalūpacārena vuttā. Yasmā ca daharakāle suppasannāni, sukhumampi attano visayaṃ sukheneva gaṇhanasamatthāni cakkhādīni indriyāni jaraṃ pattassa paripakkāni āluḷitāni avisadāni, oḷārikampi attano visayaṃ gahetuṃ asamatthāni honti, tasmā ‘indriyānaṃ paripāko’tipi phalūpacāreneva vuttā.

    саа банааяам̣ звам̣ нид̣̇д̣̇идтаа саб̣б̣ааби ж̇араа баагадаа бадижчаннаад̇и д̣̇увид̇хаа ход̇и. д̇ад̇т̇а д̣̇анд̇аад̣̇ийсу кан̣д̣абхааваад̣̇ид̣̇ассанад̇о руубад̇хаммзсу ж̇араа баагадаж̇араа наама . аруубад̇хаммзсу бана ж̇араа д̇аад̣̇исасса вигаарасса ад̣̇ассанад̇о бадижчаннаж̇араа наама. буна авийжи савийжийд̇и звамби д̣̇увид̇хаа ход̇и. д̇ад̇т̇а ман̣иганагараж̇ад̇абаваал̣ажанд̣̇имасуурияаад̣̇ийнам̣ вияа, манд̣̇ад̣̇асагаад̣̇ийсу баан̣ийнам̣ вияа жа, бубпапалабаллаваад̣̇ийсу жа абаан̣ийнам̣ вияа, анд̇аранд̇араа ван̣н̣ависзсаад̣̇ийнам̣ д̣̇увин̃н̃зяяад̇д̇аа ж̇араа авийжиж̇араа наама; ниранд̇араж̇араад̇и ад̇т̇о. д̇ад̇о ан̃н̃зсу бана яат̇аавуд̇д̇зсу анд̇аранд̇араа ван̣н̣ависзсаад̣̇ийнам̣ сувин̃н̃зяяад̇д̇аа ж̇араа савийжиж̇араа наамаад̇и взд̣̇ид̇аб̣б̣аа.

    Sā panāyaṃ evaṃ niddiṭṭhā sabbāpi jarā pākaṭā paṭicchannāti duvidhā hoti. Tattha dantādīsu khaṇḍabhāvādidassanato rūpadhammesu jarā pākaṭajarā nāma . Arūpadhammesu pana jarā tādisassa vikārassa adassanato paṭicchannajarā nāma. Puna avīci savīcīti evampi duvidhā hoti. Tattha maṇikanakarajatapavāḷacandimasūriyādīnaṃ viya, mandadasakādīsu pāṇīnaṃ viya ca, pupphaphalapallavādīsu ca apāṇīnaṃ viya, antarantarā vaṇṇavisesādīnaṃ duviññeyyattā jarā avīcijarā nāma; nirantarajarāti attho. Tato aññesu pana yathāvuttesu antarantarā vaṇṇavisesādīnaṃ suviññeyyattā jarā savīcijarā nāmāti veditabbā.

    лагкан̣аад̣̇ид̇оби руубабарибаагалагкан̣аа руубасса ж̇арад̇аа, убанаяанарасаа, сабхааваанабаг̇амзби навабхааваабаг̇амабажжубадтаанаа, вийхибураан̣абхааво вияа барибажжамаанаруубабад̣̇адтаанаад̇и взд̣̇ид̇аб̣б̣аа.

    Lakkhaṇāditopi rūpaparipākalakkhaṇā rūpassa jaratā, upanayanarasā, sabhāvānapagamepi navabhāvāpagamapaccupaṭṭhānā, vīhipurāṇabhāvo viya paripaccamānarūpapadaṭṭhānāti veditabbā.

    644. анижжад̇аанид̣̇д̣̇зсз каяаг̇аманавасзна каяо, ваяаг̇аманавасзна ваяо, бхиж̇ж̇анавасзна бхзд̣̇о. ат̇а ваа, яасмаа д̇ам̣ бад̇ваа руубам̣ кийяад̇и, взд̇и, бхиж̇ж̇ад̇и жа, д̇асмаа кийяад̇и зд̇асминд̇и ‘каяо’, взд̇и зд̇асминд̇и ‘ваяо’, бхиж̇ж̇ад̇и зд̇асминд̇и ‘бхзд̣̇о’. убасаг̇г̇авасзна бад̣̇ам̣ вад̣дхзд̇ваа бхзд̣̇ова барибхзд̣̇о. худ̇ваа абхаавадтзна, на нижжанд̇и анижжам̣. д̇асса бхааво анижжад̇аа . анд̇арад̇хааяад̇и зд̇т̇аад̇и анд̇арад̇хаанам̣. маран̣ан̃хи бад̇ваа руубам̣ анд̇арад̇хааяад̇и, ад̣̇ассанам̣ г̇ажчад̇и. на гзвалан̃жа руубамзва, саб̣б̣зби бан̃жагканд̇хаа. д̇асмаа бан̃жаннамби канд̇хаанам̣ анижжад̇ааяа ид̣̇амзва лагкан̣анд̇и взд̣̇ид̇аб̣б̣ам̣. лагкан̣аад̣̇ид̇о бана барибхзд̣̇алагкан̣аа руубасса анижжад̇аа, сам̣сийд̣̇анарасаа, каяаваяабажжубадтаанаа, барибхиж̇ж̇амаанаруубабад̣̇адтаанаад̇и взд̣̇ид̇аб̣б̣аа.

    644. Aniccatāniddese khayagamanavasena khayo, vayagamanavasena vayo, bhijjanavasena bhedo. Atha vā, yasmā taṃ patvā rūpaṃ khīyati, veti, bhijjati ca, tasmā khīyati etasminti ‘khayo’, veti etasminti ‘vayo’, bhijjati etasminti ‘bhedo’. Upasaggavasena padaṃ vaḍḍhetvā bhedova paribhedo. Hutvā abhāvaṭṭhena, na niccanti aniccaṃ. Tassa bhāvo aniccatā. Antaradhāyati etthāti antaradhānaṃ. Maraṇañhi patvā rūpaṃ antaradhāyati, adassanaṃ gacchati. Na kevalañca rūpameva, sabbepi pañcakkhandhā. Tasmā pañcannampi khandhānaṃ aniccatāya idameva lakkhaṇanti veditabbaṃ. Lakkhaṇādito pana paribhedalakkhaṇā rūpassa aniccatā, saṃsīdanarasā, khayavayapaccupaṭṭhānā, paribhijjamānarūpapadaṭṭhānāti veditabbā.

    хздтаа ж̇аад̇и г̇ахид̇аа ж̇араа г̇ахид̇аа, имасмим̣ таанз маран̣ам̣ г̇ахид̇ам̣. имз д̇аяо д̇хаммаа имзсам̣ сад̇д̇аанам̣ угкид̇д̇аасигабажжаамид̇д̇асад̣̇исаа. яат̇аа хи бурисасса д̇аяо бажжаамид̇д̇аа од̇аарам̣ г̇авзсамаанаа вижарзяяум̣. д̇зсу зго звам̣ вад̣̇зяяа – ‘зд̇ам̣ нийхарид̇ваа адавибавзсанам̣ маяхам̣ бхааро ход̇уу’д̇и. д̣̇уд̇ияо ‘адавиг̇ад̇агаалз бот̇зд̇ваа бат̇авияам̣ баад̇анам̣ маяхам̣ бхааро’д̇и. д̇ад̇ияо ‘бат̇авиг̇ад̇агаалад̇о бадтааяа асинаа сийсажчзд̣̇анам̣ маяхам̣ бхааро’д̇и. зваруубаа имз ж̇аад̇и аад̣̇аяо. нийхарид̇ваа адавибавзсанабажжаамид̇д̇асад̣̇исаа хзд̇т̇а ж̇аад̇и, д̇асмим̣ д̇асмим̣ таанз ниб̣б̣ад̇д̇аабанад̇о. адавиг̇ад̇ам̣ бот̇зд̇ваа бат̇авияам̣ баад̇анабажжаамид̇д̇асад̣̇исаа ж̇араа , ниб̣б̣ад̇д̇агканд̇хаанам̣ д̣̇уб̣б̣алабараад̇хийнаман̃жабарааяан̣абхаавагаран̣ад̇о. бат̇авиг̇ад̇асса асинаа сийсажчзд̣̇агабажжаамид̇д̇асад̣̇исам̣ маран̣ам̣, ж̇арааббад̇д̇аанам̣ канд̇хаанам̣ ж̇ийвид̇агкаяабаабанад̇од̇и.

    Heṭṭhā jāti gahitā jarā gahitā, imasmiṃ ṭhāne maraṇaṃ gahitaṃ. Ime tayo dhammā imesaṃ sattānaṃ ukkhittāsikapaccāmittasadisā. Yathā hi purisassa tayo paccāmittā otāraṃ gavesamānā vicareyyuṃ. Tesu eko evaṃ vadeyya – ‘etaṃ nīharitvā aṭavipavesanaṃ mayhaṃ bhāro hotū’ti. Dutiyo ‘aṭavigatakāle pothetvā pathaviyaṃ pātanaṃ mayhaṃ bhāro’ti. Tatiyo ‘pathavigatakālato paṭṭhāya asinā sīsacchedanaṃ mayhaṃ bhāro’ti. Evarūpā ime jāti ādayo. Nīharitvā aṭavipavesanapaccāmittasadisā hettha jāti, tasmiṃ tasmiṃ ṭhāne nibbattāpanato. Aṭavigataṃ pothetvā pathaviyaṃ pātanapaccāmittasadisā jarā , nibbattakkhandhānaṃ dubbalaparādhīnamañcaparāyaṇabhāvakaraṇato. Pathavigatassa asinā sīsacchedakapaccāmittasadisaṃ maraṇaṃ, jarāppattānaṃ khandhānaṃ jīvitakkhayapāpanatoti.

    645. габ̣ал̣ийгаараахааранид̣̇д̣̇зсз габ̣ал̣ам̣ гарийяад̇ийд̇и габ̣ал̣ийгааро. аахарийяад̇ийд̇и аахааро. габ̣ал̣ам̣ гад̇ваа аж̇жхохарийяад̇ийд̇и ад̇т̇о. руубам̣ ваа аахарад̇ийд̇иби ‘аахааро’. звам̣ вад̇т̇увасзна наамам̣ уд̣̇д̇харид̇ваа буна вад̇т̇увасзнзвзд̇ам̣ бабхзд̣̇ад̇о д̣̇ассзд̇ум̣ од̣̇ано гуммаасод̇иаад̣̇и вуд̇д̇ам̣. од̣̇анаад̣̇ийни хи паан̣ид̇абарияанд̇аани д̣̇ваад̣̇аса ид̇хаад̇хиббзд̇асса аахаарасса вад̇т̇ууни. баал̣ияам̣ анааг̇ад̇аани муулапалаад̣̇ийни язваабанагам̣ бавидтаани.

    645. Kabaḷīkārāhāraniddese kabaḷaṃ karīyatīti kabaḷīkāro. Āharīyatīti āhāro. Kabaḷaṃ katvā ajjhoharīyatīti attho. Rūpaṃ vā āharatītipi ‘āhāro’. Evaṃ vatthuvasena nāmaṃ uddharitvā puna vatthuvasenevetaṃ pabhedato dassetuṃ odano kummāsotiādi vuttaṃ. Odanādīni hi phāṇitapariyantāni dvādasa idhādhippetassa āhārassa vatthūni. Pāḷiyaṃ anāgatāni mūlaphalādīni yevāpanakaṃ paviṭṭhāni.

    ид̣̇аани д̇аани муулапалаад̣̇ийни гад̇д̇аб̣б̣ад̇о д̣̇ассзд̇ум̣ яамхи яамхи ж̇анабад̣̇зд̇иаад̣̇имааха. д̇ад̇т̇а мукзна асид̇аб̣б̣ам̣ бхун̃ж̇ид̇аб̣б̣анд̇и мукаасияам̣. д̣̇анд̇зхи викаад̣̇ид̇аб̣б̣анд̇и д̣̇анд̇авикаад̣̇анам̣. г̇алзна аж̇жхохарид̇аб̣б̣анд̇и г̇алаж̇жхохаран̣ийяам̣. ид̣̇аани д̇ам̣ гижжавасзна д̣̇ассзд̇ум̣ гужчивид̇т̇амбхананд̇и ааха. д̇ан̃хи муулапалаад̣̇и од̣̇анагуммаасаад̣̇и ваа аж̇жхохадам̣ гужчим̣ вид̇т̇амбхзд̇и. ид̣̇амасса гижжам̣. яааяа ож̇ааяа сад̇д̇аа яаабзнд̇ийд̇и хздтаа саб̣б̣абад̣̇зхи савад̇т̇угам̣ аахаарам̣ д̣̇ассзд̇ваа ид̣̇аани ниб̣б̣аддид̇аож̇амзва д̣̇ассзд̇ум̣ ид̣̇ам̣ вуд̇д̇ам̣.

    Idāni tāni mūlaphalādīni kattabbato dassetuṃ yamhi yamhi janapadetiādimāha. Tattha mukhena asitabbaṃ bhuñjitabbanti mukhāsiyaṃ. Dantehi vikhāditabbanti dantavikhādanaṃ. Galena ajjhoharitabbanti galajjhoharaṇīyaṃ. Idāni taṃ kiccavasena dassetuṃ kucchivitthambhananti āha. Tañhi mūlaphalādi odanakummāsādi vā ajjhohaṭaṃ kucchiṃ vitthambheti. Idamassa kiccaṃ. Yāya ojāya sattā yāpentīti heṭṭhā sabbapadehi savatthukaṃ āhāraṃ dassetvā idāni nibbaṭṭitaojameva dassetuṃ idaṃ vuttaṃ.

    гим̣ банзд̇т̇а вад̇т̇усса гижжам̣? гим̣ ож̇ааяа? бариссаяахаран̣абааланаани. вад̇т̇ухи бариссаяам̣ харад̇и баалзд̇ум̣ на саггод̇и, ож̇аа баалзд̇и бариссаяам̣ харид̇ум̣ на саггод̇и. д̣̇взби згад̇о худ̇ваа баалзд̇умби саггонд̇и бариссаяамби харид̇ум̣. го банзса бариссаяо наама? гаммаж̇ад̇зж̇о. анд̇огужчияан̃хи од̣̇анаад̣̇ивад̇т̇усмим̣ асад̇и, гаммаж̇ад̇зж̇о удтахид̇ваа уд̣̇арабадалам̣ г̇ан̣хаад̇и, ‘чаад̇омхи, аахаарам̣ мз д̣̇зт̇аа’д̇и вад̣̇аабзд̇и. бхуд̇д̇агаалз уд̣̇арабадалам̣ мун̃жид̇ваа вад̇т̇ум̣ г̇ан̣хаад̇и. ат̇а сад̇д̇о згаг̇г̇о ход̇и.

    Kiṃ panettha vatthussa kiccaṃ? Kiṃ ojāya? Parissayaharaṇapālanāni. Vatthuhi parissayaṃ harati pāletuṃ na sakkoti, ojā pāleti parissayaṃ harituṃ na sakkoti. Dvepi ekato hutvā pāletumpi sakkonti parissayampi harituṃ. Ko panesa parissayo nāma? Kammajatejo. Antokucchiyañhi odanādivatthusmiṃ asati, kammajatejo uṭṭhahitvā udarapaṭalaṃ gaṇhāti, ‘chātomhi, āhāraṃ me dethā’ti vadāpeti. Bhuttakāle udarapaṭalaṃ muñcitvā vatthuṃ gaṇhāti. Atha satto ekaggo hoti.

    яат̇аа хи чааяаарагкасо чааяам̣ бавидтам̣ г̇ахзд̇ваа д̣̇звасан̇калигааяа б̣анд̇хид̇ваа ад̇д̇ано бхаванз мод̣̇анд̇о чаад̇агаалз ааг̇анд̇ваа сийсз д̣ам̣сад̇и. со д̣адтад̇д̇аа виравад̇и. д̇ам̣ виравам̣ суд̇ваа ‘д̣̇угкаббад̇д̇о зд̇т̇а ад̇т̇ий’д̇и д̇ад̇о д̇ад̇о мануссаа ааг̇ажчанд̇и. со ааг̇ад̇ааг̇ад̇з г̇ахзд̇ваа каад̣̇ид̇ваа бхаванз мод̣̇ад̇и. звам̣самбад̣̇амид̣̇ам̣ взд̣̇ид̇аб̣б̣ам̣. чааяаарагкасо вияа хи гаммаж̇ад̇зж̇о, д̣̇звасан̇калигааяа б̣анд̇хид̇ваа табид̇асад̇д̇о вияа уд̣̇арабадалам̣, буна ааг̇ад̇амануссаа вияа од̣̇анаад̣̇ивад̇т̇у, од̇арид̇ваа сийсз д̣ам̣санам̣ вияа гаммаж̇ад̇зж̇асса вад̇т̇уд̇о муд̇д̇асса уд̣̇арабадалаг̇г̇ахан̣ам̣, д̣адтасса вираванагаало вияа ‘аахаарам̣ д̣̇зт̇аа’д̇и важанагаало, д̇ааяа сан̃н̃ааяа ааг̇ад̇ааг̇ад̇з г̇ахзд̇ваа каад̣̇ид̇ваа бхаванз мод̣̇анагаало вияа гаммаж̇ад̇зж̇зна уд̣̇арабадалам̣ мун̃жид̇ваа вад̇т̇усмим̣ г̇ахид̇з згаг̇г̇ажид̇д̇ад̇аа.

    Yathā hi chāyārakkhaso chāyaṃ paviṭṭhaṃ gahetvā devasaṅkhalikāya bandhitvā attano bhavane modanto chātakāle āgantvā sīse ḍaṃsati. So ḍaṭṭhattā viravati. Taṃ viravaṃ sutvā ‘dukkhappatto ettha atthī’ti tato tato manussā āgacchanti. So āgatāgate gahetvā khāditvā bhavane modati. Evaṃsampadamidaṃ veditabbaṃ. Chāyārakkhaso viya hi kammajatejo, devasaṅkhalikāya bandhitvā ṭhapitasatto viya udarapaṭalaṃ, puna āgatamanussā viya odanādivatthu, otaritvā sīse ḍaṃsanaṃ viya kammajatejassa vatthuto muttassa udarapaṭalaggahaṇaṃ, ḍaṭṭhassa viravanakālo viya ‘āhāraṃ dethā’ti vacanakālo, tāya saññāya āgatāgate gahetvā khāditvā bhavane modanakālo viya kammajatejena udarapaṭalaṃ muñcitvā vatthusmiṃ gahite ekaggacittatā.

    д̇ад̇т̇а ол̣ааригз вад̇т̇усмим̣ ож̇аа манд̣̇аа ход̇и. сукумз б̣алавад̇ий. гуд̣̇руусагабхад̇д̇аад̣̇ийни хи бхун̃ж̇ид̇ваа мухуд̇д̇знзва чаад̇о ход̇и. саббиаад̣̇ийни бивид̇ваа тид̇асса д̣̇ивасамби бхад̇д̇ам̣ на ружжад̇и. зд̇т̇а жа убаад̣̇ааяубаад̣̇ааяа ол̣ааригасукумад̇аа взд̣̇ид̇аб̣б̣аа. гумбхийлаанан̃хи аахаарам̣ убаад̣̇ааяа мораанам̣ аахааро сукумо. гумбхийлаа гира баасаан̣з г̇иланд̇и. д̇з жа нзсам̣ гужчиббад̇д̇аа вилийяанд̇и. мораа саббавижчигаад̣̇ибаан̣з каад̣̇анд̇и. мораанам̣ бана аахаарам̣ убаад̣̇ааяа д̇аражчаанам̣ аахааро сукумо. д̇з гира д̇ивассачад̣д̣ид̇аани висаан̣аани жзва адтийни жа каад̣̇анд̇и. д̇аани жа нзсам̣ кзл̣зна д̇змид̇амад̇д̇аанзва ганд̣̇амуулам̣ вияа муд̣̇угаани хонд̇и. д̇аражчаанамби аахаарамубаад̣̇ааяа хад̇т̇ийнам̣ аахааро сукумо. д̇з хи наанааругкасаакаад̣̇аяо каад̣̇анд̇и. хад̇т̇ийнам̣ аахаарад̇о г̇аваяаг̇оган̣н̣амиг̇аад̣̇ийнам̣ аахааро сукумо. д̇з гира ниссаараани наанааругкабан̣н̣аад̣̇ийни каад̣̇анд̇и. д̇зсамби аахаарад̇о г̇уннам̣ аахааро сукумо. д̇з алласугкад̇ин̣аани каад̣̇анд̇и. д̇зсамби аахаарад̇о сасаанам̣ аахааро сукумо. сасаанам̣ аахаарад̇о сагун̣аанам̣ аахааро сукумо. сагун̣аанам̣ аахаарад̇о бажжанд̇аваасийнам̣ аахааро сукумо. бажжанд̇аваасийнам̣ аахаарад̇о г̇аамабхож̇агаанам̣ аахааро сукумо. г̇аамабхож̇агаанам̣ аахаарад̇о рааж̇арааж̇амахаамад̇д̇аанам̣ аахааро сукумо. д̇зсамби аахаарад̇о жаггавад̇д̇ино аахааро сукумо. жаггавад̇д̇ино аахаарад̇о бхуммад̣̇зваанам̣ аахааро сукумо. бхуммад̣̇зваанам̣ аахаарад̇о жаад̇умахаарааж̇игаанам̣ аахааро сукумо. звам̣ яаава бараниммид̇авасавад̇д̇ийнам̣ аахааро вид̇т̇аарзд̇аб̣б̣о. д̇зсам̣ банаахааро сукумод̇взва нидтам̣ бад̇д̇о.

    Tattha oḷārike vatthusmiṃ ojā mandā hoti. Sukhume balavatī. Kudrūsakabhattādīni hi bhuñjitvā muhutteneva chāto hoti. Sappiādīni pivitvā ṭhitassa divasampi bhattaṃ na ruccati. Ettha ca upādāyupādāya oḷārikasukhumatā veditabbā. Kumbhīlānañhi āhāraṃ upādāya morānaṃ āhāro sukhumo. Kumbhīlā kira pāsāṇe gilanti. Te ca nesaṃ kucchippattā vilīyanti. Morā sappavicchikādipāṇe khādanti. Morānaṃ pana āhāraṃ upādāya taracchānaṃ āhāro sukhumo. Te kira tivassachaḍḍitāni visāṇāni ceva aṭṭhīni ca khādanti. Tāni ca nesaṃ kheḷena temitamattāneva kandamūlaṃ viya mudukāni honti. Taracchānampi āhāramupādāya hatthīnaṃ āhāro sukhumo. Te hi nānārukkhasākhādayo khādanti. Hatthīnaṃ āhārato gavayagokaṇṇamigādīnaṃ āhāro sukhumo. Te kira nissārāni nānārukkhapaṇṇādīni khādanti. Tesampi āhārato gunnaṃ āhāro sukhumo. Te allasukkhatiṇāni khādanti. Tesampi āhārato sasānaṃ āhāro sukhumo. Sasānaṃ āhārato sakuṇānaṃ āhāro sukhumo. Sakuṇānaṃ āhārato paccantavāsīnaṃ āhāro sukhumo. Paccantavāsīnaṃ āhārato gāmabhojakānaṃ āhāro sukhumo. Gāmabhojakānaṃ āhārato rājarājamahāmattānaṃ āhāro sukhumo. Tesampi āhārato cakkavattino āhāro sukhumo. Cakkavattino āhārato bhummadevānaṃ āhāro sukhumo. Bhummadevānaṃ āhārato cātumahārājikānaṃ āhāro sukhumo. Evaṃ yāva paranimmitavasavattīnaṃ āhāro vitthāretabbo. Tesaṃ panāhāro sukhumotveva niṭṭhaṃ patto.

    лагкан̣аад̣̇ид̇оби ож̇аалагкан̣о габ̣ал̣ийгааро аахааро, руубаахаран̣арасо, убад̇т̇амбханабажжубадтаано, габ̣ал̣ам̣ гад̇ваа аахарид̇аб̣б̣авад̇т̇убад̣̇адтаанод̇и взд̣̇ид̇аб̣б̣о.

    Lakkhaṇāditopi ojālakkhaṇo kabaḷīkāro āhāro, rūpāharaṇaraso, upatthambhanapaccupaṭṭhāno, kabaḷaṃ katvā āharitabbavatthupadaṭṭhānoti veditabbo.

    646. ноубаад̣̇аанид̣̇д̣̇зсз яат̇аа убаад̣̇ааруубам̣ убаад̣̇ияад̇зва, на ан̃н̃зна убаад̣̇ияад̇и, звамзд̇ам̣ на убаад̣̇ияад̇зваад̇и ноубаад̣̇аа.

    646. Noupādāniddese yathā upādārūpaṃ upādiyateva, na aññena upādiyati, evametaṃ na upādiyatevāti noupādā.

    647. пусид̇аб̣б̣анд̇и подтаб̣б̣ам̣. пусид̇ваа ж̇аанид̇аб̣б̣анд̇и ад̇т̇о. подтаб̣б̣ан̃жа д̇ам̣ ааяад̇анан̃жаад̇и подтаб̣б̣ааяад̇анам̣. аабо жа д̇ам̣ ниссад̇д̇асун̃н̃ад̇асабхаавадтзна д̇хаад̇у жаад̇и аабод̇хаад̇у. ид̣̇аани яасмаа д̇ийн̣и руубаани пусид̇ваа ж̇аанид̇аб̣б̣аани д̇асмаа д̇аани бхааж̇зд̇ваа д̣̇ассзд̇ум̣ гад̇амам̣ д̇ам̣ руубам̣ подтаб̣б̣ааяад̇анам̣? бат̇авийд̇хаад̇ууд̇иаад̣̇имааха. д̇ад̇т̇а гагкал̣ад̇д̇алагкан̣аа бат̇авийд̇хаад̇у, бад̇идтаанарасаа, самбадижчанабажжубадтаанаа. д̇зж̇од̇хаад̇у ун̣хад̇д̇алагкан̣аа, барибаажанарасаа, мад̣̇д̣̇аваануббад̣̇аанабажжубадтаанаа. вааяод̇хаад̇у вид̇т̇амбханалагкан̣аа, самуд̣̇ийран̣арасаа, абхинийхаарабажжубадтаанаа. буримаа бана ‘аабод̇хаад̇у’ баг̇гхаран̣алагкан̣аа, б̣рууханарасаа, сан̇г̇ахабажжубадтаанаа. згзгаа жзд̇т̇а сзсад̇д̇аяабад̣̇адтаанаад̇и взд̣̇ид̇аб̣б̣аа.

    647. Phusitabbanti phoṭṭhabbaṃ. Phusitvā jānitabbanti attho. Phoṭṭhabbañca taṃ āyatanañcāti phoṭṭhabbāyatanaṃ. Āpo ca taṃ nissattasuññatasabhāvaṭṭhena dhātu cāti āpodhātu. Idāni yasmā tīṇi rūpāni phusitvā jānitabbāni tasmā tāni bhājetvā dassetuṃ katamaṃ taṃ rūpaṃ phoṭṭhabbāyatanaṃ? Pathavīdhātūtiādimāha. Tattha kakkhaḷattalakkhaṇā pathavīdhātu, patiṭṭhānarasā, sampaṭicchanapaccupaṭṭhānā. Tejodhātu uṇhattalakkhaṇā, paripācanarasā, maddavānuppadānapaccupaṭṭhānā. Vāyodhātu vitthambhanalakkhaṇā, samudīraṇarasā, abhinīhārapaccupaṭṭhānā. Purimā pana ‘āpodhātu’ paggharaṇalakkhaṇā, brūhanarasā, saṅgahapaccupaṭṭhānā. Ekekā cettha sesattayapadaṭṭhānāti veditabbā.

    гагкал̣анд̇и т̇ад̣̇д̇хам̣. муд̣̇уганд̇и ат̇ад̣̇д̇хам̣. сан̣ханд̇и мадтам̣. парусанд̇и карам̣. сукасампассанд̇и сукавзд̣̇анаабажжаяам̣ идтаподтаб̣б̣ам̣. д̣̇угкасампассанд̇и д̣̇угкавзд̣̇анаабажжаяам̣ анидтаподтаб̣б̣ам̣. г̇аруганд̇и бхаарияам̣. лахуганд̇и абхаарияам̣, саллахуганд̇и ад̇т̇о. зд̇т̇а жа ‘гагкал̣ам̣ муд̣̇угам̣ сан̣хам̣ парусам̣ г̇аругам̣ лахуга’нд̇и бад̣̇зхи бат̇авийд̇хаад̇у зва бхааж̇ид̇аа. ‘‘яад̣̇ааяам̣ гааяо ааяусахаг̇ад̇о жа ход̇и усмаасахаг̇ад̇о жа вин̃н̃аан̣асахаг̇ад̇о жа д̇ад̣̇аа лахуд̇аро жа ход̇и муд̣̇уд̇аро жа гамман̃н̃ад̇аро жаа’’д̇и (д̣̇ий. ни. 2.424) суд̇д̇зби лахумуд̣̇убхууд̇ам̣ бат̇авийд̇хаад̇умзва санд̇хааяа вуд̇д̇ам̣.

    Kakkhaḷanti thaddhaṃ. Mudukanti athaddhaṃ. Saṇhanti maṭṭhaṃ. Pharusanti kharaṃ. Sukhasamphassanti sukhavedanāpaccayaṃ iṭṭhaphoṭṭhabbaṃ. Dukkhasamphassanti dukkhavedanāpaccayaṃ aniṭṭhaphoṭṭhabbaṃ. Garukanti bhāriyaṃ. Lahukanti abhāriyaṃ, sallahukanti attho. Ettha ca ‘kakkhaḷaṃ mudukaṃ saṇhaṃ pharusaṃ garukaṃ lahuka’nti padehi pathavīdhātu eva bhājitā. ‘‘Yadāyaṃ kāyo āyusahagato ca hoti usmāsahagato ca viññāṇasahagato ca tadā lahutaro ca hoti mudutaro ca kammaññataro cā’’ti (dī. ni. 2.424) suttepi lahumudubhūtaṃ pathavīdhātumeva sandhāya vuttaṃ.

    ‘сукасампассам̣ д̣̇угкасампасса’нд̇и бад̣̇ад̣̇ваязна бана д̇ийн̣иби махаабхууд̇аани бхааж̇ид̇аани. бат̇авийд̇хаад̇у хи сукасампассааби ад̇т̇и д̣̇угкасампассааби. д̇ат̇аа д̇зж̇од̇хаад̇увааяод̇хаад̇уяо. д̇ад̇т̇а сукасампассаа бат̇авийд̇хаад̇у муд̣̇уд̇алун̣ахад̇т̇з д̣̇ахарз баад̣̇з самб̣ааханд̇з ассаад̣̇зд̇ваа ассаад̣̇зд̇ваа ‘самб̣ааха д̇аад̇а, самб̣ааха д̇аад̇аа’д̇и вад̣̇аабанаагаарам̣ гарод̇и. сукасампассаа д̇зж̇од̇хаад̇у сийд̇асамаяз ан̇г̇аарагабаллам̣ аахарид̇ваа г̇ад̇д̇ам̣ сзд̣̇знд̇з ассаад̣̇зд̇ваа ассаад̣̇зд̇ваа ‘сзд̣̇зхи д̇аад̇а, сзд̣̇зхи д̇аад̇аа’д̇и вад̣̇аабанаагаарам̣ гарод̇и. сукасампассаа вааяод̇хаад̇у ун̣хасамаяз вад̇д̇асамбаннз д̣̇ахарз б̣ийж̇анзна б̣ийж̇анд̇з ассаад̣̇зд̇ваа ассаад̣̇зд̇ваа ‘б̣ийж̇а д̇аад̇а, б̣ийж̇а д̇аад̇аа’д̇и вад̣̇аабанаагаарам̣ гарод̇и. т̇ад̣̇д̇хахад̇т̇з бана д̣̇ахарз баад̣̇з самб̣ааханд̇з адтийнам̣ бхиж̇ж̇анагаало вияа ход̇и. соби ‘абзхий’д̇и вад̇д̇аб̣б̣ад̇ам̣ аабаж̇ж̇ад̇и. ун̣хасамаяз ан̇г̇аарагабаллз аабхад̇з ‘абанзхи на’нд̇и вад̇д̇аб̣б̣ам̣ ход̇и. сийд̇асамаяз б̣ийж̇анзна б̣ийж̇анд̇з ‘абзхи, маа б̣ийж̇аа’д̇и вад̇д̇аб̣б̣ам̣ ход̇и. звамзд̇аасам̣ сукасампассад̇аа д̣̇угкасампассад̇аа жа взд̣̇ид̇аб̣б̣аа.

    ‘Sukhasamphassaṃ dukkhasamphassa’nti padadvayena pana tīṇipi mahābhūtāni bhājitāni. Pathavīdhātu hi sukhasamphassāpi atthi dukkhasamphassāpi. Tathā tejodhātuvāyodhātuyo. Tattha sukhasamphassā pathavīdhātu mudutaluṇahatthe dahare pāde sambāhante assādetvā assādetvā ‘sambāha tāta, sambāha tātā’ti vadāpanākāraṃ karoti. Sukhasamphassā tejodhātu sītasamaye aṅgārakapallaṃ āharitvā gattaṃ sedente assādetvā assādetvā ‘sedehi tāta, sedehi tātā’ti vadāpanākāraṃ karoti. Sukhasamphassā vāyodhātu uṇhasamaye vattasampanne dahare bījanena bījante assādetvā assādetvā ‘bīja tāta, bīja tātā’ti vadāpanākāraṃ karoti. Thaddhahatthe pana dahare pāde sambāhante aṭṭhīnaṃ bhijjanakālo viya hoti. Sopi ‘apehī’ti vattabbataṃ āpajjati. Uṇhasamaye aṅgārakapalle ābhate ‘apanehi na’nti vattabbaṃ hoti. Sītasamaye bījanena bījante ‘apehi, mā bījā’ti vattabbaṃ hoti. Evametāsaṃ sukhasamphassatā dukkhasamphassatā ca veditabbā.

    яам̣ подтаб̣б̣ам̣ анид̣̇ассанам̣ саббадигханд̇иаад̣̇инаа наязна вуд̇д̇аа бана жад̇уухи жад̇уухи наязхи бадиман̣д̣ид̇аа д̇зраса ваараа хздтаа руубааяад̇анаад̣̇ийсу вуд̇д̇анаязнзва взд̣̇ид̇аб̣б̣аа.

    Yaṃ phoṭṭhabbaṃ anidassanaṃ sappaṭighantiādinā nayena vuttā pana catūhi catūhi nayehi paṭimaṇḍitā terasa vārā heṭṭhā rūpāyatanādīsu vuttanayeneva veditabbā.

    гим̣ банзд̇аани д̇ийн̣и махаабхууд̇аани згаббахаарзнзва аабаат̇ам̣ ааг̇ажчанд̇и уд̣̇ааху нод̇и? ааг̇ажчанд̇и. звам̣ ааг̇ад̇аани гааяабасаад̣̇ам̣ гхаддзнд̇и на гхаддзнд̇ийд̇и? гхаддзнд̇и. згаббахаарзнзва д̇аани аарамман̣ам̣ гад̇ваа гааяавин̃н̃аан̣ам̣ уббаж̇ж̇ад̇и нуббаж̇ж̇ад̇ийд̇и? нуббаж̇ж̇ад̇и. аабхуж̇ид̇авасзна ваа хи уссад̣̇авасзна ваа аарамман̣агаран̣ам̣ ход̇и.

    Kiṃ panetāni tīṇi mahābhūtāni ekappahāreneva āpāthaṃ āgacchanti udāhu noti? Āgacchanti. Evaṃ āgatāni kāyapasādaṃ ghaṭṭenti na ghaṭṭentīti? Ghaṭṭenti. Ekappahāreneva tāni ārammaṇaṃ katvā kāyaviññāṇaṃ uppajjati nuppajjatīti? Nuppajjati. Ābhujitavasena vā hi ussadavasena vā ārammaṇakaraṇaṃ hoti.

    д̇ад̇т̇а аабхуж̇ид̇авасзна д̇аава, бад̇д̇асмин̃хи од̣̇анзна буурзд̇ваа аабхад̇з згам̣ сид̇т̇ам̣ г̇ахзд̇ваа т̇ад̣̇д̇хам̣ ваа муд̣̇угам̣ ваад̇и виймам̣санд̇о гин̃жааби д̇ад̇т̇а д̇зж̇оби ад̇т̇и вааяоби ад̇т̇и, бат̇авийд̇хаад̇умзва бана аабхуж̇ад̇и. ун̣ход̣̇агз хад̇т̇ам̣ од̇аарзд̇ваа виймам̣санд̇о гин̃жааби д̇ад̇т̇а бат̇авийби ад̇т̇и вааяоби ад̇т̇и, д̇зж̇од̇хаад̇умзва бана аабхуж̇ад̇и. ун̣хасамаяз ваад̇абаанам̣ виварид̇ваа ваад̇зна сарийрам̣ бахараабзнд̇о тид̇о манд̣̇аманд̣̇з ваад̇з бахаранд̇з гин̃жааби д̇ад̇т̇а бат̇авийби ад̇т̇и д̇зж̇оби ад̇т̇и, вааяод̇хаад̇умзва бана аабхуж̇ад̇и. звам̣ аабхуж̇ид̇авасзна аарамман̣ам̣ гарод̇и наама.

    Tattha ābhujitavasena tāva, pattasmiñhi odanena pūretvā ābhate ekaṃ sitthaṃ gahetvā thaddhaṃ vā mudukaṃ vāti vīmaṃsanto kiñcāpi tattha tejopi atthi vāyopi atthi, pathavīdhātumeva pana ābhujati. Uṇhodake hatthaṃ otāretvā vīmaṃsanto kiñcāpi tattha pathavīpi atthi vāyopi atthi, tejodhātumeva pana ābhujati. Uṇhasamaye vātapānaṃ vivaritvā vātena sarīraṃ paharāpento ṭhito mandamande vāte paharante kiñcāpi tattha pathavīpi atthi tejopi atthi, vāyodhātumeva pana ābhujati. Evaṃ ābhujitavasena ārammaṇaṃ karoti nāma.

    яо бана убагкалад̇и ваа сийсзна ваа ругкам̣ бахарад̇и бхун̃ж̇анд̇о ваа сагкарам̣ д̣ам̣сад̇и, со гин̃жааби д̇ад̇т̇а д̇зж̇оби ад̇т̇и вааяоби ад̇т̇и, уссад̣̇авасзна бана бат̇авийд̇хаад̇умзва аарамман̣ам̣ гарод̇и. аг̇г̇им̣ аггаманд̇оби гин̃жааби д̇ад̇т̇а бат̇авийби ад̇т̇и вааяоби ад̇т̇и, уссад̣̇авасзна бана д̇зж̇од̇хаад̇умзва аарамман̣ам̣ гарод̇и. б̣алававаад̇з ган̣н̣асагкалим̣ бахарид̇ваа б̣ад̇хирабхаавам̣ гаронд̇з. гин̃жааби д̇ад̇т̇а бат̇авийби ад̇т̇и д̇зж̇оби ад̇т̇и, уссад̣̇авасзна бана вааяод̇хаад̇умзва аарамман̣ам̣ гарод̇и.

    Yo pana upakkhalati vā sīsena vā rukkhaṃ paharati bhuñjanto vā sakkharaṃ ḍaṃsati, so kiñcāpi tattha tejopi atthi vāyopi atthi, ussadavasena pana pathavīdhātumeva ārammaṇaṃ karoti. Aggiṃ akkamantopi kiñcāpi tattha pathavīpi atthi vāyopi atthi, ussadavasena pana tejodhātumeva ārammaṇaṃ karoti. Balavavāte kaṇṇasakkhaliṃ paharitvā badhirabhāvaṃ karonte. Kiñcāpi tattha pathavīpi atthi tejopi atthi, ussadavasena pana vāyodhātumeva ārammaṇaṃ karoti.

    яам̣гин̃жи д̇хаад̇ум̣ аарамман̣ам̣ гаронд̇асса гааяавин̃н̃аан̣амби згаббахаарзна нуббаж̇ж̇ад̇и. суужигалаабзна вид̣̇д̇хасса згаббахаарзна гааяо гхаддияад̇и. яасмим̣ яасмим̣ бана таанз гааяабасаад̣̇о уссанно ход̇и, д̇ад̇т̇а д̇ад̇т̇а гааяавин̃н̃аан̣ам̣ уббаж̇ж̇ад̇и. яад̇т̇а яад̇т̇ааби бадигхаддананигхам̣со б̣алаваа ход̇и д̇ад̇т̇а д̇ад̇т̇а батамам̣ уббаж̇ж̇ад̇и. гуггудабад̇д̇зна ван̣з д̇ховияамаанз ам̣суам̣су гааяабасаад̣̇ам̣ гхаддзд̇и. яад̇т̇а яад̇т̇а бана басаад̣̇о уссанно ход̇и, д̇ад̇т̇а д̇ад̇т̇зва гааяавин̃н̃аан̣ам̣ уббаж̇ж̇ад̇и. звам̣ уссад̣̇авасзна аарамман̣ам̣ гарод̇и. уссад̣̇авасзнзва жа гааяавин̃н̃аан̣ам̣ уббаж̇ж̇ад̇и наама.

    Yaṃkiñci dhātuṃ ārammaṇaṃ karontassa kāyaviññāṇampi ekappahārena nuppajjati. Sūcikalāpena viddhassa ekappahārena kāyo ghaṭṭiyati. Yasmiṃ yasmiṃ pana ṭhāne kāyapasādo ussanno hoti, tattha tattha kāyaviññāṇaṃ uppajjati. Yattha yatthāpi paṭighaṭṭananighaṃso balavā hoti tattha tattha paṭhamaṃ uppajjati. Kukkuṭapattena vaṇe dhoviyamāne aṃsuaṃsu kāyapasādaṃ ghaṭṭeti. Yattha yattha pana pasādo ussanno hoti, tattha tattheva kāyaviññāṇaṃ uppajjati. Evaṃ ussadavasena ārammaṇaṃ karoti. Ussadavaseneva ca kāyaviññāṇaṃ uppajjati nāma.

    гат̇ам̣ бана жид̇д̇асса аарамман̣ад̇о сан̇ганд̇и ход̇ийд̇и? д̣̇вийхаагаарзхи ход̇и – аж̇жхаасаяад̇о ваа висаяаад̇химад̇д̇ад̇о ваа. вихаарабууж̇аад̣̇ийсу хи ‘д̇аани д̇аани жзд̇ияаани жзва бадимааяо жа ванд̣̇иссаами, бод̇т̇агаммажид̇д̇агаммаани жа ологзссаамий’д̇и аж̇жхаасаязна г̇ад̇о згам̣ ванд̣̇ид̇ваа ваа бассид̇ваа ваа ид̇арасса ванд̣̇анад̇т̇ааяа ваа д̣̇ассанад̇т̇ааяа ваа манам̣ гад̇ваа ванд̣̇ид̇умби бассид̇умби г̇ажчад̇иязва, звам̣ аж̇жхаасаяад̇о сан̇гамад̇и наама.

    Kathaṃ pana cittassa ārammaṇato saṅkanti hotīti? Dvīhākārehi hoti – ajjhāsayato vā visayādhimattato vā. Vihārapūjādīsu hi ‘tāni tāni cetiyāni ceva paṭimāyo ca vandissāmi, potthakammacittakammāni ca olokessāmī’ti ajjhāsayena gato ekaṃ vanditvā vā passitvā vā itarassa vandanatthāya vā dassanatthāya vā manaṃ katvā vanditumpi passitumpi gacchatiyeva, evaṃ ajjhāsayato saṅkamati nāma.

    гзлаасагуудабадибхааг̇ам̣ бана махаажзд̇ияам̣ ологзнд̇о тид̇оби абарабхааг̇з саб̣б̣ад̇ууриязсу баг̇г̇ахид̇зсу руубаарамман̣ам̣ виссаж̇ж̇зд̇ваа сад̣̇д̣̇аарамман̣ам̣ сан̇гамад̇и. манун̃н̃аг̇анд̇хзсу бубпзсу ваа г̇анд̇хзсу ваа аабхад̇зсу сад̣̇д̣̇аарамман̣ам̣ виссаж̇ж̇зд̇ваа г̇анд̇хаарамман̣ам̣ сан̇гамад̇и. звам̣ висаяаад̇химад̇д̇ад̇о сан̇гамад̇и наама.

    Kelāsakūṭapaṭibhāgaṃ pana mahācetiyaṃ olokento ṭhitopi aparabhāge sabbatūriyesu paggahitesu rūpārammaṇaṃ vissajjetvā saddārammaṇaṃ saṅkamati. Manuññagandhesu pupphesu vā gandhesu vā ābhatesu saddārammaṇaṃ vissajjetvā gandhārammaṇaṃ saṅkamati. Evaṃ visayādhimattato saṅkamati nāma.

    651. аабод̇хаад̇унид̣̇д̣̇зсз аабод̇и сабхааванид̣̇д̣̇зсо. аабова аабог̇ад̇ам̣. синзхавасзна синзхо, синзхова синзхаг̇ад̇ам̣. б̣анд̇ханад̇д̇ам̣ руубассаад̇и бат̇авийд̇хаад̇уаад̣̇игасса бхууд̇аруубасса б̣анд̇ханабхааво. аяобин̣д̣иаад̣̇ийни хи аабод̇хаад̇у ааб̣анд̇хид̇ваа б̣ад̣̇д̇хаани гарод̇и. д̇ааяа ааб̣ад̣̇д̇хад̇д̇аа д̇аани б̣ад̣̇д̇хаани наама хонд̇и. баасаан̣абаб̣б̣ад̇ад̇ааладтихад̇т̇ид̣̇анд̇аг̇осин̇г̇аад̣̇ийсуби зсзва наяо . саб̣б̣аани хзд̇аани аабод̇хаад̇у зва ааб̣анд̇хид̇ваа б̣ад̣̇д̇хаани гарод̇и. аабод̇хаад̇уяаа ааб̣ад̣̇д̇хад̇д̇аава б̣ад̣̇д̇хаани хонд̇и.

    651. Āpodhātuniddese āpoti sabhāvaniddeso. Āpova āpogataṃ. Sinehavasena sineho, sinehova sinehagataṃ. Bandhanattaṃrūpassāti pathavīdhātuādikassa bhūtarūpassa bandhanabhāvo. Ayopiṇḍiādīni hi āpodhātu ābandhitvā baddhāni karoti. Tāya ābaddhattā tāni baddhāni nāma honti. Pāsāṇapabbatatālaṭṭhihatthidantagosiṅgādīsupi eseva nayo . Sabbāni hetāni āpodhātu eva ābandhitvā baddhāni karoti. Āpodhātuyā ābaddhattāva baddhāni honti.

    гим̣ бана бат̇авийд̇хаад̇у сзсад̇хаад̇уунам̣ бад̇идтаа ход̇и на ход̇ийд̇и ход̇и пусид̇ваа ход̇и уд̣̇ааху апусид̇ваа? аабод̇хаад̇у ваа сзсаа ааб̣анд̇хамаанаа пусид̇ваа ааб̣анд̇хад̇и уд̣̇ааху апусид̇ваад̇и? бат̇авийд̇хаад̇у д̇аава аабод̇хаад̇уяаа апусид̇ваава бад̇идтаа ход̇и, д̇зж̇од̇хаад̇уяаа жа вааяод̇хаад̇уяаа жа пусид̇ваа. аабод̇хаад̇у бана бат̇авийд̇хаад̇умби д̇зж̇овааяод̇хаад̇уяоби апусид̇ваава ааб̣анд̇хад̇и. яад̣̇и пусид̇ваа ааб̣анд̇хзяяа подтаб̣б̣ааяад̇анам̣ наама бхавзяяа.

    Kiṃ pana pathavīdhātu sesadhātūnaṃ patiṭṭhā hoti na hotīti hoti phusitvā hoti udāhu aphusitvā? Āpodhātu vā sesā ābandhamānā phusitvā ābandhati udāhu aphusitvāti? Pathavīdhātu tāva āpodhātuyā aphusitvāva patiṭṭhā hoti, tejodhātuyā ca vāyodhātuyā ca phusitvā. Āpodhātu pana pathavīdhātumpi tejovāyodhātuyopi aphusitvāva ābandhati. Yadi phusitvā ābandheyya phoṭṭhabbāyatanaṃ nāma bhaveyya.

    д̇зж̇од̇хаад̇увааяод̇хаад̇уунамби сзсад̇хаад̇уусу сагасагагижжагаран̣з зсзва наяо. д̇зж̇од̇хаад̇у хи бат̇авийд̇хаад̇ум̣ пусид̇ваа жхаабзд̇и. саа бана на ун̣хаа худ̇ваа жхааяад̇и. яад̣̇и ун̣хаа худ̇ваа жхааязяяа ун̣хад̇д̇алагкан̣аа наама бхавзяяа. аабод̇хаад̇ум̣ бана апусид̇ваава д̇аабзд̇и. сааби д̇абамаанаа на ун̣хаа худ̇ваа д̇абад̇и. яад̣̇и ун̣хаа худ̇ваа д̇абзяяа ун̣хад̇д̇алагкан̣аа наама бхавзяяа. вааяод̇хаад̇ум̣ бана пусид̇ваава д̇аабзд̇и. сааби д̇абамаанаа на ун̣хаа худ̇ваа д̇абад̇и. яад̣̇и ун̣хаа худ̇ваа д̇абзяяа ун̣хад̇д̇алагкан̣аа наама бхавзяяа. вааяод̇хаад̇у бат̇авийд̇хаад̇ум̣ пусид̇ваа вид̇т̇амбхзд̇и, д̇ат̇аа д̇зж̇од̇хаад̇ум̣ аабод̇хаад̇ум̣ бана апусид̇ваава вид̇т̇амбхзд̇и.

    Tejodhātuvāyodhātūnampi sesadhātūsu sakasakakiccakaraṇe eseva nayo. Tejodhātu hi pathavīdhātuṃ phusitvā jhāpeti. Sā pana na uṇhā hutvā jhāyati. Yadi uṇhā hutvā jhāyeyya uṇhattalakkhaṇā nāma bhaveyya. Āpodhātuṃ pana aphusitvāva tāpeti. Sāpi tapamānā na uṇhā hutvā tapati. Yadi uṇhā hutvā tapeyya uṇhattalakkhaṇā nāma bhaveyya. Vāyodhātuṃ pana phusitvāva tāpeti. Sāpi tapamānā na uṇhā hutvā tapati. Yadi uṇhā hutvā tapeyya uṇhattalakkhaṇā nāma bhaveyya. Vāyodhātu pathavīdhātuṃ phusitvā vitthambheti, tathā tejodhātuṃ āpodhātuṃ pana aphusitvāva vitthambheti.

    ужчурасам̣ бажид̇ваа паан̣ид̇абин̣д̣з гарияамаанз аабод̇хаад̇у т̇ад̣̇д̇хаа ход̇и на ход̇ийд̇и? на ход̇и. саа хи баг̇гхаран̣алагкан̣аа. бат̇авийд̇хаад̇у гагкал̣алагкан̣аа. омад̇д̇ам̣ бана аабо ад̇химад̇д̇абат̇авийг̇ад̇игам̣ ж̇аад̇ам̣. саа хи расаагаарзна тид̇абхаавам̣ виж̇ахад̇и, лагкан̣ам̣ на виж̇ахад̇и. паан̣ид̇абин̣д̣з вилийяамаанзби бат̇авийд̇хаад̇у на вилийяад̇и. гагкал̣алагкан̣аа хи бат̇авийд̇хаад̇у баг̇гхаран̣алагкан̣аа аабод̇хаад̇у. омад̇д̇аа бана бат̇авий ад̇химад̇д̇ааабаг̇ад̇игаа ход̇и. саа бин̣д̣аагаарзна тид̇абхаавам̣ виж̇ахад̇и, лагкан̣ам̣ на виж̇ахад̇и. жад̇уннан̃хи махаабхууд̇аанам̣ бхааван̃н̃ат̇ад̇д̇амзва ход̇и, лагкан̣ан̃н̃ат̇ад̇д̇ам̣ наама над̇т̇и. д̇асса абхааво адтаанабаригаббасуд̇д̇зна д̣̇ийбид̇о. вуд̇д̇ан̃хзд̇ам̣ –

    Ucchurasaṃ pacitvā phāṇitapiṇḍe kariyamāne āpodhātu thaddhā hoti na hotīti? Na hoti. Sā hi paggharaṇalakkhaṇā. Pathavīdhātu kakkhaḷalakkhaṇā. Omattaṃ pana āpo adhimattapathavīgatikaṃ jātaṃ. Sā hi rasākārena ṭhitabhāvaṃ vijahati, lakkhaṇaṃ na vijahati. Phāṇitapiṇḍe vilīyamānepi pathavīdhātu na vilīyati. Kakkhaḷalakkhaṇā hi pathavīdhātu paggharaṇalakkhaṇā āpodhātu. Omattā pana pathavī adhimattaāpagatikā hoti. Sā piṇḍākārena ṭhitabhāvaṃ vijahati, lakkhaṇaṃ na vijahati. Catunnañhi mahābhūtānaṃ bhāvaññathattameva hoti, lakkhaṇaññathattaṃ nāma natthi. Tassa abhāvo aṭṭhānaparikappasuttena dīpito. Vuttañhetaṃ –

    ‘‘сияаа, аананд̣̇а, жад̇уннам̣ махаабхууд̇аанам̣ ан̃н̃ат̇ад̇д̇ам̣, бат̇авийд̇хаад̇уяаа…бз… вааяод̇хаад̇уяаа ; на д̇взва б̣уд̣̇д̇хз авзжжаббасаад̣̇зна саманнааг̇ад̇асса арияасаавагасса сияаа ан̃н̃ат̇ад̇д̇а’’нд̇и (а. ни. 3.76).

    ‘‘Siyā, ānanda, catunnaṃ mahābhūtānaṃ aññathattaṃ, pathavīdhātuyā…pe… vāyodhātuyā ; na tveva buddhe aveccappasādena samannāgatassa ariyasāvakassa siyā aññathatta’’nti (a. ni. 3.76).

    аяан̃хзд̇т̇а ад̇т̇о – аананд̣̇а, гагкал̣ад̇д̇алагкан̣аа бат̇авийд̇хаад̇у баривад̇д̇ид̇ваа баг̇гхаран̣алагкан̣аа аабод̇хаад̇у наама бхавзяяа, арияасаавагасса бана ан̃н̃ат̇ад̇д̇ам̣ наама над̇т̇ийд̇и. звамзд̇т̇а адтаанабаригаббо ааг̇ад̇о.

    Ayañhettha attho – ānanda, kakkhaḷattalakkhaṇā pathavīdhātu parivattitvā paggharaṇalakkhaṇā āpodhātu nāma bhaveyya, ariyasāvakassa pana aññathattaṃ nāma natthīti. Evamettha aṭṭhānaparikappo āgato.

    652. ид̇о барзсу убаад̣̇ин̣н̣аруубаад̣̇инид̣̇д̣̇зсзсу убаад̣̇ин̣н̣абад̣̇аад̣̇ийнам̣ ад̇т̇о маад̇игаагат̇ааяам̣ вуд̇д̇анаязнзва взд̣̇ид̇аб̣б̣о. жагкааяад̇анаад̣̇ийни хздтаа вид̇т̇аарид̇аанзва. д̇ад̇т̇а д̇ад̇т̇а бана висзсамад̇д̇амзва вагкаама.

    652. Ito paresu upādiṇṇarūpādiniddesesu upādiṇṇapadādīnaṃ attho mātikākathāyaṃ vuttanayeneva veditabbo. Cakkhāyatanādīni heṭṭhā vitthāritāneva. Tattha tattha pana visesamattameva vakkhāma.

    убаад̣̇ин̣н̣анид̣̇д̣̇зсз д̇аава жагкааяад̇анаад̣̇ийни зганд̇аубаад̣̇ин̣н̣ад̇д̇аа вуд̇д̇аани. яасмаа бана руубааяад̇анаад̣̇ийни убаад̣̇ин̣н̣ааниби ад̇т̇и анубаад̣̇ин̣н̣ааниби, д̇асмаа д̇аани яам̣ ваа банаад̇и сан̇кзбад̇о д̣̇ассзд̇ваа буна гаммасса гад̇ад̇д̇аа руубааяад̇ананд̇иаад̣̇инаа наязна вид̇т̇аарид̇аани. иминаа убааязна саб̣б̣аязваабанагзсу ад̇т̇о взд̣̇ид̇аб̣б̣о.

    Upādiṇṇaniddese tāva cakkhāyatanādīni ekantaupādiṇṇattā vuttāni. Yasmā pana rūpāyatanādīni upādiṇṇānipi atthi anupādiṇṇānipi, tasmā tāni yaṃ vā panāti saṅkhepato dassetvā puna kammassa katattā rūpāyatanantiādinā nayena vitthāritāni. Iminā upāyena sabbayevāpanakesu attho veditabbo.

    гасмаа бана ‘гаммасса гад̇ад̇д̇аа’д̇и жа ‘на гаммасса гад̇ад̇д̇аа’д̇и жа убхиннамби нид̣̇д̣̇зсз ‘ж̇арад̇аа жа анижжад̇аа жа’ на г̇ахид̇аа, анубаад̣̇ин̣н̣аад̣̇ийнам̣язва нид̣̇д̣̇зсзсу г̇ахид̇аад̇и? на гаммасса гад̇ад̇д̇аад̇и зд̇т̇а д̇аава гаммад̇о ан̃н̃абажжаяасамудтаанам̣ сан̇г̇ахид̇ам̣. ‘гаммасса гад̇ад̇д̇аа’д̇и зд̇т̇а гаммасамудтаанамзва. имаани жа д̣̇вз руубаани нзва гаммад̇о на ан̃н̃асмаа руубаж̇анагабажжаяаа уббаж̇ж̇анд̇и, д̇асмаа на г̇ахид̇аани. саа жа нзсам̣ ануббад̇д̇и барад̇о аави бхависсад̇и. анубаад̣̇ин̣н̣анд̇иаад̣̇ийсу бана гзвалам̣ анубаад̣̇ин̣н̣аад̣̇иг̇г̇ахан̣зна гаммаад̣̇исамудтаанад̇аа бадигкид̇д̇аа, наан̃н̃абажжаяасамудтаанад̇аа анун̃н̃аад̇аа. д̇асмаа д̇ад̇т̇а г̇ахид̇аанийд̇и взд̣̇ид̇аб̣б̣аани.

    Kasmā pana ‘kammassa katattā’ti ca ‘na kammassa katattā’ti ca ubhinnampi niddese ‘jaratā ca aniccatā ca’ na gahitā, anupādiṇṇādīnaṃyeva niddesesu gahitāti? Na kammassa katattāti ettha tāva kammato aññapaccayasamuṭṭhānaṃ saṅgahitaṃ. ‘Kammassa katattā’ti ettha kammasamuṭṭhānameva. Imāni ca dve rūpāni neva kammato na aññasmā rūpajanakapaccayā uppajjanti, tasmā na gahitāni. Sā ca nesaṃ anuppatti parato āvi bhavissati. Anupādiṇṇantiādīsu pana kevalaṃ anupādiṇṇādiggahaṇena kammādisamuṭṭhānatā paṭikkhittā, naaññapaccayasamuṭṭhānatā anuññātā. Tasmā tattha gahitānīti veditabbāni.

    666. жид̇д̇асамудтаананид̣̇д̣̇зсз гааяавин̃н̃ад̇д̇и важийвин̃н̃ад̇д̇ийд̇и ид̣̇ам̣ д̣̇ваяам̣ яасмаа зганд̇ажид̇д̇асамудтаанаани бхууд̇аани убаад̣̇ааяа бан̃н̃ааяад̇и, д̇асмаа вуд̇д̇ам̣. барамад̇т̇ад̇о бана д̇асса ниссаяабхууд̇аани бхууд̇аанзва жид̇д̇асамудтаанаани, д̇ам̣ниссид̇ад̇д̇аа. яат̇аа анижжасса руубасса ж̇араамаран̣ам̣ анижжам̣ наама ход̇и, звамид̣̇амби жид̇д̇асамудтаанам̣ наама ж̇аад̇ам̣.

    666. Cittasamuṭṭhānaniddese kāyaviññatti vacīviññattīti idaṃ dvayaṃ yasmā ekantacittasamuṭṭhānāni bhūtāni upādāya paññāyati, tasmā vuttaṃ. Paramatthato pana tassa nissayabhūtāni bhūtāneva cittasamuṭṭhānāni, taṃnissitattā. Yathā aniccassa rūpassa jarāmaraṇaṃ aniccaṃ nāma hoti, evamidampi cittasamuṭṭhānaṃ nāma jātaṃ.

    668. жид̇д̇асахабхунид̣̇д̣̇зсзби зсзва наяо. яаава жид̇д̇ам̣ д̇аава бан̃н̃ааяанад̇о ид̣̇амзва д̣̇ваяам̣ вуд̇д̇ам̣. на банзд̇ам̣ жид̇д̇зна саха бхууд̇аани вияа, жзд̇анаад̣̇аяо вияа жа уббаж̇ж̇ад̇и.

    668. Cittasahabhuniddesepi eseva nayo. Yāva cittaṃ tāva paññāyanato idameva dvayaṃ vuttaṃ. Na panetaṃ cittena saha bhūtāni viya, cetanādayo viya ca uppajjati.

    670. жид̇д̇аанубаривад̇д̇ид̇ааяаби зсзва наяо. яаава жид̇д̇ам̣ д̇аава бан̃н̃ааяанад̇о зва хзд̇ам̣ д̣̇ваяам̣ жид̇д̇аанубаривад̇д̇ийд̇и вуд̇д̇ам̣.

    670. Cittānuparivattitāyapi eseva nayo. Yāva cittaṃ tāva paññāyanato eva hetaṃ dvayaṃ cittānuparivattīti vuttaṃ.

    674. ол̣аариганд̇и вад̇т̇аарамман̣абхууд̇ад̇д̇аа сам̣н̇гхадданавасзна г̇ахзд̇аб̣б̣ад̇о т̇уулам̣. вуд̇д̇авибаллаасад̇о сукумам̣ взд̣̇ид̇аб̣б̣ам̣.

    674. Oḷārikanti vatthārammaṇabhūtattā saṃṅghaṭṭanavasena gahetabbato thūlaṃ. Vuttavipallāsato sukhumaṃ veditabbaṃ.

    676. д̣̇уурзд̇и гхадданавасзна аг̇г̇ахзд̇аб̣б̣ад̇д̇аа д̣̇уб̣б̣ин̃н̃зяяабхаавзна самийбз тид̇амби д̣̇уурз. ид̇арам̣ бана гхадданавасзна г̇ахзд̇аб̣б̣ад̇д̇аа сувин̃н̃зяяабхаавзна д̣̇уурз тид̇амби санд̇игз. жагкааяад̇анаад̣̇инид̣̇д̣̇зсаа хздтаа вуд̇д̇анаязнзва вид̇т̇аарад̇о взд̣̇ид̇аб̣б̣аа. ид̣̇ам̣ д̇аава д̣̇увид̇хзна руубасан̇г̇ахз висзсамад̇д̇ам̣. д̇ивид̇хасан̇г̇ахо уд̇д̇аанад̇т̇ова.

    676. Dūreti ghaṭṭanavasena aggahetabbattā dubbiññeyyabhāvena samīpe ṭhitampi dūre. Itaraṃ pana ghaṭṭanavasena gahetabbattā suviññeyyabhāvena dūre ṭhitampi santike. Cakkhāyatanādiniddesā heṭṭhā vuttanayeneva vitthārato veditabbā. Idaṃ tāva duvidhena rūpasaṅgahe visesamattaṃ. Tividhasaṅgaho uttānatthova.




    Next: жад̇угганид̣̇д̣̇зсаван̣н̣анаа • Catukkaniddesavaṇṇanā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā
    убаад̣̇аабхааж̇анийяагат̇ааван̣н̣анаа • Upādābhājanīyakathāvaṇṇanā
    ноубаад̣̇аабхааж̇анийяагат̇ааван̣н̣анаа • Noupādābhājanīyakathāvaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā
    убаад̣̇аабхааж̇анийяаван̣н̣анаа • Upādābhājanīyavaṇṇanā
    ноубаад̣̇аабхааж̇анийяагат̇ааван̣н̣анаа • Noupādābhājanīyakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact