Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ១១. ឧបាទានគោច្ឆកំ

    11. Upādānagocchakaṃ

    ៦៩. ឧបាទានទុកំ

    69. Upādānadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. ឧបាទានំ ធម្មំ បដិច្ច ឧបាទានោ ធម្មោ ឧប្បជ្ជតិ ហេតុបច្ចយា – ទិដ្ឋុបាទានំ បដិច្ច កាមុបាទានំ, កាមុបាទានំ បដិច្ច ទិដ្ឋុបាទានំ , សីលព្ពតុបាទានំ បដិច្ច កាមុបាទានំ, កាមុបាទានំ បដិច្ច សីលព្ពតុបាទានំ, អត្តវាទុបាទានំ បដិច្ច កាមុបាទានំ, កាមុបាទានំ បដិច្ច អត្តវាទុបាទានំ។ (១)

    1. Upādānaṃ dhammaṃ paṭicca upādāno dhammo uppajjati hetupaccayā – diṭṭhupādānaṃ paṭicca kāmupādānaṃ, kāmupādānaṃ paṭicca diṭṭhupādānaṃ , sīlabbatupādānaṃ paṭicca kāmupādānaṃ, kāmupādānaṃ paṭicca sīlabbatupādānaṃ, attavādupādānaṃ paṭicca kāmupādānaṃ, kāmupādānaṃ paṭicca attavādupādānaṃ. (1)

    ឧបាទានំ ធម្មំ បដិច្ច នោឧបាទានោ ធម្មោ ឧប្បជ្ជតិ ហេតុបច្ចយា – ឧបាទានេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (២)

    Upādānaṃ dhammaṃ paṭicca noupādāno dhammo uppajjati hetupaccayā – upādāne paṭicca sampayuttakā khandhā cittasamuṭṭhānañca rūpaṃ. (2)

    ឧបាទានំ ធម្មំ បដិច្ច ឧបាទានោ ច នោឧបាទានោ ច ធម្មា ឧប្បជ្ជន្តិ ហេតុបច្ចយា – ទិដ្ឋុបាទានំ បដិច្ច កាមុបាទានំ សម្បយុត្តកា ច ខន្ធា ចិត្តសមុដ្ឋានញ្ច រូបំ, កាមុបាទានំ…បេ.… (សព្ពំ ចក្កំ កាតព្ពំ)។ (៣)

    Upādānaṃ dhammaṃ paṭicca upādāno ca noupādāno ca dhammā uppajjanti hetupaccayā – diṭṭhupādānaṃ paṭicca kāmupādānaṃ sampayuttakā ca khandhā cittasamuṭṭhānañca rūpaṃ, kāmupādānaṃ…pe… (sabbaṃ cakkaṃ kātabbaṃ). (3)

    ២. នោឧបាទានំ ធម្មំ បដិច្ច នោឧបាទានោ ធម្មោ ឧប្បជ្ជតិ ហេតុបច្ចយា – នោឧបាទានំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ នោឧបាទានំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)

    2. Noupādānaṃ dhammaṃ paṭicca noupādāno dhammo uppajjati hetupaccayā – noupādānaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe noupādānaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    នោឧបាទានំ ធម្មំ បដិច្ច ឧបាទានោ ធម្មោ ឧប្បជ្ជតិ ហេតុបច្ចយា – នោឧបាទានេ ខន្ធេ បដិច្ច ឧបាទានា។ (២)

    Noupādānaṃ dhammaṃ paṭicca upādāno dhammo uppajjati hetupaccayā – noupādāne khandhe paṭicca upādānā. (2)

    នោឧបាទានំ ធម្មំ បដិច្ច ឧបាទានោ ច នោឧបាទានោ ច ធម្មា ឧប្បជ្ជន្តិ ហេតុបច្ចយា – នោឧបាទានំ ឯកំ ខន្ធំ បដិច្ច តយោ ខន្ធា ឧបាទានា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ បដិច្ច ទ្វេ ខន្ធា ឧបាទានា ច ចិត្តសមុដ្ឋានញ្ច រូបំ។ (៣)

    Noupādānaṃ dhammaṃ paṭicca upādāno ca noupādāno ca dhammā uppajjanti hetupaccayā – noupādānaṃ ekaṃ khandhaṃ paṭicca tayo khandhā upādānā ca cittasamuṭṭhānañca rūpaṃ…pe… dve khandhe paṭicca dve khandhā upādānā ca cittasamuṭṭhānañca rūpaṃ. (3)

    ៣. ឧបាទានញ្ច នោឧបាទានញ្ច ធម្មំ បដិច្ច ឧបាទានោ ធម្មោ ឧប្បជ្ជតិ ហេតុបច្ចយា – ទិដ្ឋុបាទានញ្ច សម្បយុត្តកេ ច ខន្ធេ បដិច្ច កាមុបាទានំ (សព្ពេ ចក្កា កាតព្ពា)។ (១)

    3. Upādānañca noupādānañca dhammaṃ paṭicca upādāno dhammo uppajjati hetupaccayā – diṭṭhupādānañca sampayuttake ca khandhe paṭicca kāmupādānaṃ (sabbe cakkā kātabbā). (1)

    ឧបាទានញ្ច នោឧបាទានញ្ច ធម្មំ បដិច្ច នោឧបាទានោ ធម្មោ ឧប្បជ្ជតិ ហេតុបច្ចយា – នោឧបាទានំ ឯកំ ខន្ធញ្ច ឧបាទានញ្ច បដិច្ច តយោ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ ច…បេ.… ឧបាទានញ្ច មហាភូតេ ច បដិច្ច ចិត្តសមុដ្ឋានំ រូបំ។ (២)

    Upādānañca noupādānañca dhammaṃ paṭicca noupādāno dhammo uppajjati hetupaccayā – noupādānaṃ ekaṃ khandhañca upādānañca paṭicca tayo khandhā cittasamuṭṭhānañca rūpaṃ, dve khandhe ca…pe… upādānañca mahābhūte ca paṭicca cittasamuṭṭhānaṃ rūpaṃ. (2)

    ឧបាទានញ្ច នោឧបាទានញ្ច ធម្មំ បដិច្ច ឧបាទានោ ច នោឧបាទានោ ច ធម្មា ឧប្បជ្ជន្តិ ហេតុបច្ចយា – នោឧបាទានំ ឯកំ ខន្ធញ្ច ទិដ្ឋុបាទានញ្ច បដិច្ច តយោ ខន្ធា កាមុបាទានញ្ច ចិត្តសមុដ្ឋានំ រូបំ, ទ្វេ ខន្ធេ ច…បេ.… (ចក្កំ កាតព្ពំ)។ (៣)

    Upādānañca noupādānañca dhammaṃ paṭicca upādāno ca noupādāno ca dhammā uppajjanti hetupaccayā – noupādānaṃ ekaṃ khandhañca diṭṭhupādānañca paṭicca tayo khandhā kāmupādānañca cittasamuṭṭhānaṃ rūpaṃ, dve khandhe ca…pe… (cakkaṃ kātabbaṃ). (3)

    អារម្មណបច្ចយោ

    Ārammaṇapaccayo

    ៤. ឧបាទានំ ធម្មំ បដិច្ច ឧបាទានោ ធម្មោ ឧប្បជ្ជតិ អារម្មណបច្ចយា (នវបិ បញ្ហា កាតព្ពា, រូបំ ឆឌ្ឌេតព្ពំ)។

    4. Upādānaṃ dhammaṃ paṭicca upādāno dhammo uppajjati ārammaṇapaccayā (navapi pañhā kātabbā, rūpaṃ chaḍḍetabbaṃ).

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៥. ហេតុយា នវ, អារម្មណេ នវ, អធិបតិយា នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    5. Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៦. នោឧបាទានំ ធម្មំ បដិច្ច នោឧបាទានោ ធម្មោ ឧប្បជ្ជតិ នហេតុបច្ចយា – អហេតុកំ នោឧបាទានំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    6. Noupādānaṃ dhammaṃ paṭicca noupādāno dhammo uppajjati nahetupaccayā – ahetukaṃ noupādānaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ; bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    នអារម្មណបច្ចយាទិ

    Naārammaṇapaccayādi

    ៧. ឧបាទានំ ធម្មំ បដិច្ច នោឧបាទានោ ធម្មោ ឧប្បជ្ជតិ នអារម្មណបច្ចយា – ឧបាទានេ បដិច្ច ចិត្តសមុដ្ឋានំ រូបំ។ (១)

    7. Upādānaṃ dhammaṃ paṭicca noupādāno dhammo uppajjati naārammaṇapaccayā – upādāne paṭicca cittasamuṭṭhānaṃ rūpaṃ. (1)

    នោឧបាទានំ ធម្មំ បដិច្ច នោឧបាទានោ ធម្មោ ឧប្បជ្ជតិ នអារម្មណបច្ចយា – នោឧបាទានេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ នោឧបាទានេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ, ឯកំ មហាភូតំ…បេ.… (យាវ អសញ្ញសត្តា)។ (១)

    Noupādānaṃ dhammaṃ paṭicca noupādāno dhammo uppajjati naārammaṇapaccayā – noupādāne khandhe paṭicca cittasamuṭṭhānaṃ rūpaṃ; paṭisandhikkhaṇe noupādāne khandhe paṭicca kaṭattārūpaṃ, khandhe paṭicca vatthu, ekaṃ mahābhūtaṃ…pe… (yāva asaññasattā). (1)

    ឧបាទានញ្ច នោឧបាទានំ ច ធម្មំ បដិច្ច នោឧបាទានោ ធម្មោ ឧប្បជ្ជតិ នអារម្មណបច្ចយា – ឧបាទានេ ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ, ឧបាទានេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Upādānañca noupādānaṃ ca dhammaṃ paṭicca noupādāno dhammo uppajjati naārammaṇapaccayā – upādāne ca sampayuttake ca khandhe paṭicca cittasamuṭṭhānaṃ rūpaṃ, upādāne ca mahābhūte ca paṭicca cittasamuṭṭhānaṃ rūpaṃ. (1)

    នអធិបតិបច្ចយា… នអនន្តរបច្ចយា…បេ.… នឧបនិស្សយបច្ចយា។

    Naadhipatipaccayā… naanantarapaccayā…pe… naupanissayapaccayā.

    នបុរេជាតបច្ចយោ

    Napurejātapaccayo

    ៨. ឧបាទានំ ធម្មំ បដិច្ច ឧបាទានោ ធម្មោ ឧប្បជ្ជតិ នបុរេជាតបច្ចយា – អរូបេ អត្តវាទុបាទានំ បដិច្ច កាមុបាទានំ, កាមុបាទានំ បដិច្ច អត្តវាទុបាទានំ។ (១)

    8. Upādānaṃ dhammaṃ paṭicca upādāno dhammo uppajjati napurejātapaccayā – arūpe attavādupādānaṃ paṭicca kāmupādānaṃ, kāmupādānaṃ paṭicca attavādupādānaṃ. (1)

    ឧបាទានំ ធម្មំ បដិច្ច នោឧបាទានោ ធម្មោ ឧប្បជ្ជតិ នបុរេជាតបច្ចយា – អរូបេ ឧបាទានេ បដិច្ច សម្បយុត្តកា ខន្ធា, ឧបាទានេ បដិច្ច ចិត្តសមុដ្ឋានំ រូបំ (សំខិត្តំ, នវបិ បញ្ហា អរូបេ ទ្វេ ឧបាទានា)។

    Upādānaṃ dhammaṃ paṭicca noupādāno dhammo uppajjati napurejātapaccayā – arūpe upādāne paṭicca sampayuttakā khandhā, upādāne paṭicca cittasamuṭṭhānaṃ rūpaṃ (saṃkhittaṃ, navapi pañhā arūpe dve upādānā).

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៩. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ។

    9. Nahetuyā ekaṃ, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte nava, nonatthiyā tīṇi, novigate tīṇi.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ១០. ហេតុបច្ចយា នអារម្មណេ តីណិ, នអធិបតិយា នវ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ។

    10. Hetupaccayā naārammaṇe tīṇi, naadhipatiyā nava…pe… naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, nasampayutte tīṇi, navippayutte nava, nonatthiyā tīṇi, novigate tīṇi.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ១១. នហេតុបច្ចយា អារម្មណេ ឯកំ (សព្ពត្ថ ឯកំ), មគ្គេ ឯកំ…បេ.… អវិគតេ ឯកំ។

    11. Nahetupaccayā ārammaṇe ekaṃ (sabbattha ekaṃ), magge ekaṃ…pe… avigate ekaṃ.

    ២. សហជាតវារោ

    2. Sahajātavāro

    (សហជាតវារោ បដិច្ចវារសទិសោ វិភជន្តេន ទិដ្ឋុបាទានំ ‘‘សហជាតំ កាមុបាទាន’’ន្តិ កាតព្ពំ។)

    (Sahajātavāro paṭiccavārasadiso vibhajantena diṭṭhupādānaṃ ‘‘sahajātaṃ kāmupādāna’’nti kātabbaṃ.)

    ៣. បច្ចយវារោ

    3. Paccayavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ១២. ឧបាទានំ ធម្មំ បច្ចយា ឧបាទានោ ធម្មោ ឧប្បជ្ជតិ ហេតុបច្ចយា – ទិដ្ឋុបាទានំ បច្ចយា កាមុបាទានំ… តីណិ (បដិច្ចសទិសា)។

    12. Upādānaṃ dhammaṃ paccayā upādāno dhammo uppajjati hetupaccayā – diṭṭhupādānaṃ paccayā kāmupādānaṃ… tīṇi (paṭiccasadisā).

    នោឧបាទានំ ធម្មំ បច្ចយា នោឧបាទានោ ធម្មោ ឧប្បជ្ជតិ ហេតុបច្ចយា – នោឧបាទានំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បច្ចយា វត្ថុ…បេ.… (យាវ អជ្ឈត្តិកា មហាភូតា) វត្ថុំ បច្ចយា នោឧបាទានា ខន្ធា។ (១)

    Noupādānaṃ dhammaṃ paccayā noupādāno dhammo uppajjati hetupaccayā – noupādānaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu…pe… (yāva ajjhattikā mahābhūtā) vatthuṃ paccayā noupādānā khandhā. (1)

    នោឧបាទានំ ធម្មំ បច្ចយា ឧបាទានោ ធម្មោ ឧប្បជ្ជតិ ហេតុបច្ចយា – នោឧបាទានេ ខន្ធេ បច្ចយា ឧបាទានា, វត្ថុំ បច្ចយា ឧបាទានា។ (២)

    Noupādānaṃ dhammaṃ paccayā upādāno dhammo uppajjati hetupaccayā – noupādāne khandhe paccayā upādānā, vatthuṃ paccayā upādānā. (2)

    នោឧបាទានំ ធម្មំ បច្ចយា ឧបាទានោ ច នោឧបាទានោ ច ធម្មា ឧប្បជ្ជន្តិ ហេតុបច្ចយា – នោឧបាទានំ ឯកំ ខន្ធំ បច្ចយា តយោ ខន្ធា ឧបាទានា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វត្ថុំ បច្ចយា ឧបាទានា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា ឧបាទានា សម្បយុត្តកា ច ខន្ធា។ (៣)

    Noupādānaṃ dhammaṃ paccayā upādāno ca noupādāno ca dhammā uppajjanti hetupaccayā – noupādānaṃ ekaṃ khandhaṃ paccayā tayo khandhā upādānā ca cittasamuṭṭhānañca rūpaṃ…pe… dve khandhe…pe… vatthuṃ paccayā upādānā, mahābhūte paccayā cittasamuṭṭhānaṃ rūpaṃ, vatthuṃ paccayā upādānā sampayuttakā ca khandhā. (3)

    ១៣. ឧបាទានញ្ច នោឧបាទានញ្ច ធម្មំ បច្ចយា ឧបាទានោ ធម្មោ ឧប្បជ្ជតិ ហេតុបច្ចយា – ទិដ្ឋុបាទានញ្ច សម្បយុត្តកេ ច ខន្ធេ បច្ចយា កាមុបាទានំ, កាមុបាទានញ្ច សម្បយុត្តកេ ច ខន្ធេ បច្ចយា ទិដ្ឋុបាទានំ (ចក្កំ កាតព្ពំ)។ ទិដ្ឋុបាទានញ្ច វត្ថុញ្ច បច្ចយា កាមុបាទានំ (ចក្កំ កាតព្ពំ)។ (១)

    13. Upādānañca noupādānañca dhammaṃ paccayā upādāno dhammo uppajjati hetupaccayā – diṭṭhupādānañca sampayuttake ca khandhe paccayā kāmupādānaṃ, kāmupādānañca sampayuttake ca khandhe paccayā diṭṭhupādānaṃ (cakkaṃ kātabbaṃ). Diṭṭhupādānañca vatthuñca paccayā kāmupādānaṃ (cakkaṃ kātabbaṃ). (1)

    ឧបាទានញ្ច នោឧបាទានញ្ច ធម្មំ បច្ចយា នោឧបាទានោ ធម្មោ ឧប្បជ្ជតិ ហេតុបច្ចយា – នោឧបាទានំ ឯកំ ខន្ធញ្ច ឧបាទានញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… (ចក្កំ កាតព្ពំ)។ ឧបាទានេ ច មហាភូតេ ច បច្ចយា ចិត្តសមុដ្ឋានំ រូបំ, ឧបាទានញ្ច វត្ថុញ្ច បច្ចយា នោឧបាទានា ខន្ធា។ (២)

    Upādānañca noupādānañca dhammaṃ paccayā noupādāno dhammo uppajjati hetupaccayā – noupādānaṃ ekaṃ khandhañca upādānañca paccayā tayo khandhā cittasamuṭṭhānañca rūpaṃ…pe… dve khandhe ca…pe… (cakkaṃ kātabbaṃ). Upādāne ca mahābhūte ca paccayā cittasamuṭṭhānaṃ rūpaṃ, upādānañca vatthuñca paccayā noupādānā khandhā. (2)

    ឧបាទានញ្ច នោឧបាទានញ្ច ធម្មំ បច្ចយា ឧបាទានោ ច នោឧបាទានោ ច ធម្មា ឧប្បជ្ជន្តិ ហេតុបច្ចយា – នោឧបាទានំ ឯកំ ខន្ធញ្ច ទិដ្ឋុបាទានញ្ច បច្ចយា តយោ ខន្ធា កាមុបាទានំ ចិត្តសមុដ្ឋានញ្ច រូបំ…បេ.… (ចក្កំ)។ ទិដ្ឋុបាទានញ្ច វត្ថុញ្ច បច្ចយា កាមុបាទានំ សម្បយុត្តកា ច ខន្ធា…បេ.… (ចក្កំ)។ (៣)

    Upādānañca noupādānañca dhammaṃ paccayā upādāno ca noupādāno ca dhammā uppajjanti hetupaccayā – noupādānaṃ ekaṃ khandhañca diṭṭhupādānañca paccayā tayo khandhā kāmupādānaṃ cittasamuṭṭhānañca rūpaṃ…pe… (cakkaṃ). Diṭṭhupādānañca vatthuñca paccayā kāmupādānaṃ sampayuttakā ca khandhā…pe… (cakkaṃ). (3)

    អារម្មណបច្ចយា… (អារម្មណេ នោឧបាទានមូលកេ បញ្ចាយតនញ្ច វត្ថុញ្ច កាតព្ពា)។

    Ārammaṇapaccayā… (ārammaṇe noupādānamūlake pañcāyatanañca vatthuñca kātabbā).

    ហេតុយា នវ, អារម្មណេ នវ, អធិបតិយា នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… avigate nava.

    អនុលោមំ។

    Anulomaṃ.

    ១៤. នោឧបាទានំ ធម្មំ បច្ចយា នោឧបាទានោ ធម្មោ ឧប្បជ្ជតិ នហេតុបច្ចយា – អហេតុកំ នោឧបាទានំ ឯកំ ខន្ធំ បច្ចយា…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នោឧបាទានា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។

    14. Noupādānaṃ dhammaṃ paccayā noupādāno dhammo uppajjati nahetupaccayā – ahetukaṃ noupādānaṃ ekaṃ khandhaṃ paccayā…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā noupādānā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.

    នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ…បេ.… នបុរេជាតេ នវ…បេ.… នកម្មេ តីណិ, នវិបាកេ នវ (បដិច្ចសទិសំ)…បេ.… នោវិគតេ តីណិ។

    Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi…pe… napurejāte nava…pe… nakamme tīṇi, navipāke nava (paṭiccasadisaṃ)…pe… novigate tīṇi.

    បច្ចនីយំ។

    Paccanīyaṃ.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ១៥. ឧបាទានំ ធម្មំ សំសដ្ឋោ ឧបាទានោ ធម្មោ ឧប្បជ្ជតិ ហេតុបច្ចយា – ទិដ្ឋុបាទានំ សំសដ្ឋំ កាមុបាទានំ, កាមុបាទានំ សំសដ្ឋំ ទិដ្ឋុបាទានំ (ចក្កំ។ ឯវំ នវបិ បញ្ហា កាតព្ពា)។

    15. Upādānaṃ dhammaṃ saṃsaṭṭho upādāno dhammo uppajjati hetupaccayā – diṭṭhupādānaṃ saṃsaṭṭhaṃ kāmupādānaṃ, kāmupādānaṃ saṃsaṭṭhaṃ diṭṭhupādānaṃ (cakkaṃ. Evaṃ navapi pañhā kātabbā).

    ហេតុយា នវ, អារម្មណេ នវ, អធិបតិយា នវ (សព្ពត្ថ នវ), វិបាកេ ឯកំ…បេ.… វិគតេ នវ, អវិគតេ នវ។

    Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… vigate nava, avigate nava.

    អនុលោមំ។

    Anulomaṃ.

    ១៦. នោឧបាទានំ ធម្មំ សំសដ្ឋោ នោឧបាទានោ ធម្មោ ឧប្បជ្ជតិ នហេតុបច្ចយា – អហេតុកំ នោឧបាទានំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ។

    16. Noupādānaṃ dhammaṃ saṃsaṭṭho noupādāno dhammo uppajjati nahetupaccayā – ahetukaṃ noupādānaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho.

    នហេតុយា ឯកំ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នឈានេ ឯកំ, នមគ្គេ ឯកំ, នវិប្បយុត្តេ នវ។

    Nahetuyā ekaṃ, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, najhāne ekaṃ, namagge ekaṃ, navippayutte nava.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៧. ឧបាទានោ ធម្មោ ឧបាទានស្ស ធម្មស្ស ហេតុបច្ចយេន បច្ចយោ – ឧបាទានា ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ។ (មូលំ កាតព្ពំ) ឧបាទានា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (មូលំ កាតព្ពំ) ឧបាទានា ហេតូ សម្បយុត្តកានំ ខន្ធានំ ឧបាទានានញ្ច ចិត្តសមុដ្ឋានានំ រូបានំ ហេតុបច្ចយេន បច្ចយោ។ (៣)

    17. Upādāno dhammo upādānassa dhammassa hetupaccayena paccayo – upādānā hetū sampayuttakānaṃ upādānānaṃ hetupaccayena paccayo. (Mūlaṃ kātabbaṃ) upādānā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (Mūlaṃ kātabbaṃ) upādānā hetū sampayuttakānaṃ khandhānaṃ upādānānañca cittasamuṭṭhānānaṃ rūpānaṃ hetupaccayena paccayo. (3)

    ១៨. នោឧបាទានោ ធម្មោ នោឧបាទានស្ស ធម្មស្ស ហេតុបច្ចយេន បច្ចយោ – នោឧបាទានា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    18. Noupādāno dhammo noupādānassa dhammassa hetupaccayena paccayo – noupādānā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    នោឧបាទានោ ធម្មោ ឧបាទានស្ស ធម្មស្ស ហេតុបច្ចយេន បច្ចយោ – នោឧបាទានា ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ។ (មូលំ កាតព្ពំ) នោឧបាទានា ហេតូ សម្បយុត្តកានំ ខន្ធានំ ឧបាទានានញ្ច ចិត្តសមុដ្ឋានានំ រូបានំ ហេតុបច្ចយេន បច្ចយោ។ (៣)

    Noupādāno dhammo upādānassa dhammassa hetupaccayena paccayo – noupādānā hetū sampayuttakānaṃ upādānānaṃ hetupaccayena paccayo. (Mūlaṃ kātabbaṃ) noupādānā hetū sampayuttakānaṃ khandhānaṃ upādānānañca cittasamuṭṭhānānaṃ rūpānaṃ hetupaccayena paccayo. (3)

    ១៩. ឧបាទានោ ច នោឧបាទានោ ច ធម្មា ឧបាទានស្ស ធម្មស្ស ហេតុបច្ចយេន បច្ចយោ – ឧបាទានា ច នោឧបាទានា ច ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ។ (មូលំ កាតព្ពំ) ឧបាទានា ច នោឧបាទានា ច ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (មូលំ កាតព្ពំ) ឧបាទានា ច នោឧបាទានា ច ហេតូ សម្បយុត្តកានំ ខន្ធានំ ឧបាទានានញ្ច ចិត្តសមុដ្ឋានានំ រូបានំ ហេតុបច្ចយេន បច្ចយោ។ (៣)

    19. Upādāno ca noupādāno ca dhammā upādānassa dhammassa hetupaccayena paccayo – upādānā ca noupādānā ca hetū sampayuttakānaṃ upādānānaṃ hetupaccayena paccayo. (Mūlaṃ kātabbaṃ) upādānā ca noupādānā ca hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (Mūlaṃ kātabbaṃ) upādānā ca noupādānā ca hetū sampayuttakānaṃ khandhānaṃ upādānānañca cittasamuṭṭhānānaṃ rūpānaṃ hetupaccayena paccayo. (3)

    អារម្មណបច្ចយោ

    Ārammaṇapaccayo

    ២០. ឧបាទានោ ធម្មោ ឧបាទានស្ស ធម្មស្ស អារម្មណបច្ចយេន បច្ចយោ – ឧបាទានេ អារព្ភ ឧបាទានា ឧប្បជ្ជន្តិ… តីណិ (អារព្ភ កាតព្ពា)។

    20. Upādāno dhammo upādānassa dhammassa ārammaṇapaccayena paccayo – upādāne ārabbha upādānā uppajjanti… tīṇi (ārabbha kātabbā).

    នោឧបាទានោ ធម្មោ នោឧបាទានស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ.… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ; វិចិកិច្ឆា…បេ.… ឧទ្ធច្ចំ…បេ.… ទោមនស្សំ ឧប្បជ្ជតិ; បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ បច្ចវេក្ខតិ, អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ…បេ.… និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ។ អរិយា នោឧបាទានេ បហីនេ កិលេសេ …បេ.… វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ…បេ.… ចក្ខុំ…បេ.… វត្ថុំ នោឧបាទានេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ ចេតោបរិយញាណេន នោឧបាទានចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.… រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… នោឧបាទានា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    Noupādāno dhammo noupādānassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ paccavekkhati assādeti abhinandati, taṃ ārabbha rāgo uppajjati, diṭṭhi uppajjati; vicikicchā…pe… uddhaccaṃ…pe… domanassaṃ uppajjati; pubbe suciṇṇāni…pe… jhānā vuṭṭhahitvā jhānaṃ paccavekkhati, ariyā maggā vuṭṭhahitvā maggaṃ paccavekkhanti, phalaṃ…pe… nibbānaṃ paccavekkhanti; nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā noupādāne pahīne kilese …pe… vikkhambhite kilese paccavekkhanti, pubbe samudāciṇṇe…pe… cakkhuṃ…pe… vatthuṃ noupādāne khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena noupādānacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… noupādānā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    នោឧបាទានោ ធម្មោ ឧបាទានស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ; បុព្ពេ សុចិណ្ណានិ…បេ.… ឈានា…បេ.… ចក្ខុំ…បេ.… វត្ថុំ នោឧបាទានេ ខន្ធេ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Noupādāno dhammo upādānassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ assādeti abhinandati, taṃ ārabbha rāgo uppajjati, diṭṭhi uppajjati; pubbe suciṇṇāni…pe… jhānā…pe… cakkhuṃ…pe… vatthuṃ noupādāne khandhe assādeti abhinandati, taṃ ārabbha rāgo uppajjati, diṭṭhi uppajjati. (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា…បេ.… បុព្ពេ សុចិណ្ណានិ …បេ.… ឈានា វុដ្ឋហិត្វា ឈានំ…បេ.… ចក្ខុំ…បេ.… វត្ថុំ នោឧបាទានេ ខន្ធេ អស្សាទេតិ អភិនន្ទតិ, តំ អារព្ភ ឧបាទានា ច សម្បយុត្តកា ច ខន្ធា ឧប្បជ្ជន្តិ។ (៣)

    Noupādāno dhammo upādānassa ca noupādānassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā…pe… pubbe suciṇṇāni …pe… jhānā vuṭṭhahitvā jhānaṃ…pe… cakkhuṃ…pe… vatthuṃ noupādāne khandhe assādeti abhinandati, taṃ ārabbha upādānā ca sampayuttakā ca khandhā uppajjanti. (3)

    ឧបាទានោ ច នោឧបាទានោ ច ធម្មា ឧបាទានស្ស ធម្មស្ស អារម្មណបច្ចយេន បច្ចយោ… តីណិ (អារព្ភ កាតព្ពា)។

    Upādāno ca noupādāno ca dhammā upādānassa dhammassa ārammaṇapaccayena paccayo… tīṇi (ārabbha kātabbā).

    អធិបតិបច្ចយោ

    Adhipatipaccayo

    ២១. ឧបាទានោ ធម្មោ ឧបាទានស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ឧបាទានេ គរុំ កត្វា ឧបាទានា ឧប្បជ្ជន្តិ… តីណិ (អារម្មណាធិបតិយេវ)។

    21. Upādāno dhammo upādānassa dhammassa adhipatipaccayena paccayo. Ārammaṇādhipati – upādāne garuṃ katvā upādānā uppajjanti… tīṇi (ārammaṇādhipatiyeva).

    ២២. នោឧបាទានោ ធម្មោ នោឧបាទានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា សីលំ…បេ.… ឧបោសថកម្មំ…បេ.… បុព្ពេ…បេ.… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អស្សាទេតិ អភិនន្ទតិ, អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ…បេ.… ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នោឧបាទានេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នោឧបាទានាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    22. Noupādāno dhammo noupādānassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ…pe… uposathakammaṃ…pe… pubbe…pe… jhānā vuṭṭhahitvā jhānaṃ garuṃ katvā paccavekkhati, assādeti abhinandati, ariyā maggā vuṭṭhahitvā maggaṃ garuṃ katvā paccavekkhanti…pe… phalassa adhipatipaccayena paccayo; cakkhuṃ…pe… vatthuṃ noupādāne khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noupādānādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នោឧបាទានោ ធម្មោ ឧបាទានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា តំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; បុព្ពេ…បេ.… ឈានា…បេ.… ចក្ខុំ…បេ.… វត្ថុំ នោឧបាទានេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នោឧបាទានាធិបតិ សម្បយុត្តកានំ ឧបាទានានំ អធិបតិបច្ចយេន បច្ចយោ។ (២)

    Noupādāno dhammo upādānassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; pubbe…pe… jhānā…pe… cakkhuṃ…pe… vatthuṃ noupādāne khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noupādānādhipati sampayuttakānaṃ upādānānaṃ adhipatipaccayena paccayo. (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ , សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានំ…បេ.… ចក្ខុំ…បេ.… វត្ថុំ នោឧបាទានេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ឧបាទានា ច សម្បយុត្តកា ច ខន្ធា ឧប្បជ្ជន្តិ។ សហជាតាធិបតិ – នោឧបាទានាធិបតិ សម្បយុត្តកានំ ខន្ធានំ ឧបាទានានញ្ច ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (៣)

    Noupādāno dhammo upādānassa ca noupādānassa ca dhammassa adhipatipaccayena paccayo – ārammaṇādhipati , sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānaṃ…pe… cakkhuṃ…pe… vatthuṃ noupādāne khandhe garuṃ katvā assādeti abhinandati, taṃ garuṃ katvā upādānā ca sampayuttakā ca khandhā uppajjanti. Sahajātādhipati – noupādānādhipati sampayuttakānaṃ khandhānaṃ upādānānañca cittasamuṭṭhānānaṃ rūpānaṃ adhipatipaccayena paccayo. (3)

    ឧបាទានោ ច នោឧបាទានោ ច ធម្មា ឧបាទានស្ស ធម្មស្ស អធិបតិបច្ចយេន បច្ចយោ… តីណិ… អារម្មណាធិបតិ… តីណិ (អារព្ភ កាតព្ពា, អារម្មណាធិបតិយេវ)។

    Upādāno ca noupādāno ca dhammā upādānassa dhammassa adhipatipaccayena paccayo… tīṇi… ārammaṇādhipati… tīṇi (ārabbha kātabbā, ārammaṇādhipatiyeva).

    អនន្តរបច្ចយាទិ

    Anantarapaccayādi

    ២៣. ឧបាទានោ ធម្មោ ឧបាទានស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទានា បច្ឆិមានំ បច្ឆិមានំ ឧបាទានានំ អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ឧបាទានា បច្ឆិមានំ បច្ឆិមានំ នោឧបាទានានំ ខន្ធានំ អនន្តរបច្ចយេន បច្ចយោ; ឧបាទានំ វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ឧបាទានា បច្ឆិមានំ បច្ឆិមានំ ឧបាទានានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    23. Upādāno dhammo upādānassa dhammassa anantarapaccayena paccayo – purimā purimā upādānā pacchimānaṃ pacchimānaṃ upādānānaṃ anantarapaccayena paccayo. (Mūlaṃ kātabbaṃ) purimā purimā upādānā pacchimānaṃ pacchimānaṃ noupādānānaṃ khandhānaṃ anantarapaccayena paccayo; upādānaṃ vuṭṭhānassa anantarapaccayena paccayo. (Mūlaṃ kātabbaṃ) purimā purimā upādānā pacchimānaṃ pacchimānaṃ upādānānaṃ sampayuttakānañca khandhānaṃ anantarapaccayena paccayo. (3)

    ២៤. នោឧបាទានោ ធម្មោ នោឧបាទានស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោឧបាទានា ខន្ធា បច្ឆិមានំ បច្ឆិមានំ នោឧបាទានានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… ផលសមាបត្តិយា អនន្តរបច្ចយេន បច្ចយោ។ (១)

    24. Noupādāno dhammo noupādānassa dhammassa anantarapaccayena paccayo – purimā purimā noupādānā khandhā pacchimānaṃ pacchimānaṃ noupādānānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (1)

    នោឧបាទានោ ធម្មោ ឧបាទានស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោឧបាទានា ខន្ធា បច្ឆិមានំ បច្ឆិមានំ ឧបាទានានំ ខន្ធានំ អនន្តរបច្ចយេន បច្ចយោ; អាវជ្ជនា ឧបាទានានំ អនន្តរបច្ចយេន បច្ចយោ។ (២)

    Noupādāno dhammo upādānassa dhammassa anantarapaccayena paccayo – purimā purimā noupādānā khandhā pacchimānaṃ pacchimānaṃ upādānānaṃ khandhānaṃ anantarapaccayena paccayo; āvajjanā upādānānaṃ anantarapaccayena paccayo. (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា នោឧបាទានា ខន្ធា បច្ឆិមានំ បច្ឆិមានំ ឧបាទានានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ; អាវជ្ជនា ឧបាទានានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    Noupādāno dhammo upādānassa ca noupādānassa ca dhammassa anantarapaccayena paccayo – purimā purimā noupādānā khandhā pacchimānaṃ pacchimānaṃ upādānānaṃ sampayuttakānañca khandhānaṃ anantarapaccayena paccayo; āvajjanā upādānānaṃ sampayuttakānañca khandhānaṃ anantarapaccayena paccayo. (3)

    ២៥. ឧបាទានោ ច នោឧបាទានោ ច ធម្មា ឧបាទានស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទានា ច សម្បយុត្តកា ច ខន្ធា បច្ឆិមានំ បច្ឆិមានំ ឧបាទានានំ អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ឧបាទានា ច សម្បយុត្តកា ច ខន្ធា បច្ឆិមានំ បច្ឆិមានំ នោឧបាទានានំ ខន្ធានំ អនន្តរបច្ចយេន បច្ចយោ; ឧបាទានា ច សម្បយុត្តកា ច ខន្ធា វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ឧបាទានា ច សម្បយុត្តកា ច ខន្ធា បច្ឆិមានំ បច្ឆិមានំ ឧបាទានានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    25. Upādāno ca noupādāno ca dhammā upādānassa dhammassa anantarapaccayena paccayo – purimā purimā upādānā ca sampayuttakā ca khandhā pacchimānaṃ pacchimānaṃ upādānānaṃ anantarapaccayena paccayo. (Mūlaṃ kātabbaṃ) purimā purimā upādānā ca sampayuttakā ca khandhā pacchimānaṃ pacchimānaṃ noupādānānaṃ khandhānaṃ anantarapaccayena paccayo; upādānā ca sampayuttakā ca khandhā vuṭṭhānassa anantarapaccayena paccayo. (Mūlaṃ kātabbaṃ) purimā purimā upādānā ca sampayuttakā ca khandhā pacchimānaṃ pacchimānaṃ upādānānaṃ sampayuttakānañca khandhānaṃ anantarapaccayena paccayo. (3)

    សមនន្តរបច្ចយេន បច្ចយោ… សហជាតបច្ចយេន បច្ចយោ (បដិច្ចសទិសំ)… អញ្ញមញ្ញបច្ចយេន បច្ចយោ (បដិច្ចសទិសំ)… និស្សយបច្ចយេន បច្ចយោ (បច្ចយសទិសំ)។

    Samanantarapaccayena paccayo… sahajātapaccayena paccayo (paṭiccasadisaṃ)… aññamaññapaccayena paccayo (paṭiccasadisaṃ)… nissayapaccayena paccayo (paccayasadisaṃ).

    ឧបនិស្សយបច្ចយោ

    Upanissayapaccayo

    ២៦. ឧបាទានោ ធម្មោ ឧបាទានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ …បេ.…។ បកតូបនិស្សយោ – ឧបាទានា ឧបាទានានំ ឧបនិស្សយបច្ចយេន បច្ចយោ… តីណិ។

    26. Upādāno dhammo upādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – upādānā upādānānaṃ upanissayapaccayena paccayo… tīṇi.

    ២៧. នោឧបាទានោ ធម្មោ នោឧបាទានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ…បេ.… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; បាណំ ហនតិ…បេ.… សង្ឃំ ភិន្ទតិ, សទ្ធា…បេ.… សេនាសនំ សទ្ធាយ…បេ.… ផលសមាបត្តិយា ឧបនិស្សយបច្ចយេន បច្ចយោ។ (១)

    27. Noupādāno dhammo noupādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… senāsanaṃ upanissāya dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; pāṇaṃ hanati…pe… saṅghaṃ bhindati, saddhā…pe… senāsanaṃ saddhāya…pe… phalasamāpattiyā upanissayapaccayena paccayo. (1)

    នោឧបាទានោ ធម្មោ ឧបាទានស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ អទិន្នំ…បេ.… មុសា…បេ.… បិសុណំ…បេ.… សម្ផំ…បេ.… សន្ធិំ…បេ.… និល្លោបំ…បេ.… ឯកាគារិកំ…បេ.… បរិបន្ថេ…បេ.… បរទារំ…បេ.… គាមឃាតំ…បេ.… និគមឃាតំ ករោតិ; សទ្ធា…បេ.… សេនាសនំ ឧបាទានានំ ឧបនិស្សយបច្ចយេន បច្ចយោ។ (មូលំ កាតព្ពំ) សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ អទិន្នំ អាទិយតិ, មុសា…បេ.… បិសុណំ…បេ.… សម្ផំ…បេ.… សន្ធិំ…បេ.… និល្លោបំ…បេ.… ឯកាគារិកំ…បេ.… បរិបន្ថេ…បេ.… បរទារំ…បេ.… គាមឃាតំ…បេ.… និគមឃាតំ ករោតិ; សទ្ធា…បេ.… សេនាសនំ ឧបាទានានំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ។ (៣)

    Noupādāno dhammo upādānassa dhammassa upanissayapaccayena paccayo. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya adinnaṃ…pe… musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti; saddhā…pe… senāsanaṃ upādānānaṃ upanissayapaccayena paccayo. (Mūlaṃ kātabbaṃ) saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya adinnaṃ ādiyati, musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti; saddhā…pe… senāsanaṃ upādānānaṃ sampayuttakānañca khandhānaṃ upanissayapaccayena paccayo. (3)

    ឧបាទានោ ច នោឧបាទានោ ច ធម្មា ឧបាទានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ… តីណិ។

    Upādāno ca noupādāno ca dhammā upādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo… tīṇi.

    បុរេជាតបច្ចយោ

    Purejātapaccayo

    ២៨. នោឧបាទានោ ធម្មោ នោឧបាទានស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នោឧបាទានានំ ខន្ធានំ បុរេជាតបច្ចយេន បច្ចយោ។ (១)

    28. Noupādāno dhammo noupādānassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noupādānānaṃ khandhānaṃ purejātapaccayena paccayo. (1)

    នោឧបាទានោ ធម្មោ ឧបាទានស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ។ វត្ថុបុរេជាតំ – វត្ថុ ឧបាទានានំ បុរេជាតបច្ចយេន បច្ចយោ។ (២)

    Noupādāno dhammo upādānassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati, diṭṭhi uppajjati. Vatthupurejātaṃ – vatthu upādānānaṃ purejātapaccayena paccayo. (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ ឧបាទានា ច សម្បយុត្តកា ច ខន្ធា ឧប្បជ្ជន្តិ។ វត្ថុបុរេជាតំ – វត្ថុ ឧបាទានានំ សម្បយុត្តកានញ្ច ខន្ធានំ បុរេជាតបច្ចយេន បច្ចយោ។ (៣)

    Noupādāno dhammo upādānassa ca noupādānassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha upādānā ca sampayuttakā ca khandhā uppajjanti. Vatthupurejātaṃ – vatthu upādānānaṃ sampayuttakānañca khandhānaṃ purejātapaccayena paccayo. (3)

    បច្ឆាជាតាសេវនបច្ចយា

    Pacchājātāsevanapaccayā

    ២៩. ឧបាទានោ ធម្មោ នោឧបាទានស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១)

    29. Upādāno dhammo noupādānassa dhammassa pacchājātapaccayena paccayo (saṃkhittaṃ). (1)

    នោឧបាទានោ ធម្មោ នោឧបាទានស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១)

    Noupādāno dhammo noupādānassa dhammassa pacchājātapaccayena paccayo (saṃkhittaṃ). (1)

    ឧបាទានោ ច នោឧបាទានោ ច ធម្មា នោឧបាទានស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១) …អាសេវនបច្ចយេន បច្ចយោ។

    Upādāno ca noupādāno ca dhammā noupādānassa dhammassa pacchājātapaccayena paccayo (saṃkhittaṃ). (1) …Āsevanapaccayena paccayo.

    កម្មបច្ចយោ

    Kammapaccayo

    ៣០. នោឧបាទានោ ធម្មោ នោឧបាទានស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នោឧបាទានា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – នោឧបាទានា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    30. Noupādāno dhammo noupādānassa dhammassa kammapaccayena paccayo – sahajātā, nānākkhaṇikā. Sahajātā – noupādānā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – noupādānā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    នោឧបាទានោ ធម្មោ ឧបាទានស្ស ធម្មស្ស កម្មបច្ចយេន បច្ចយោ – នោឧបាទានា ចេតនា សម្បយុត្តកានំ ឧបាទានានំ កម្មបច្ចយេន បច្ចយោ។ (២)

    Noupādāno dhammo upādānassa dhammassa kammapaccayena paccayo – noupādānā cetanā sampayuttakānaṃ upādānānaṃ kammapaccayena paccayo. (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស កម្មបច្ចយេន បច្ចយោ – នោឧបាទានា ចេតនា សម្បយុត្តកានំ ខន្ធានំ ឧបាទានានញ្ច ចិត្តសមុដ្ឋានានំ រូបានំ កម្មបច្ចយេន បច្ចយោ។ (៣)

    Noupādāno dhammo upādānassa ca noupādānassa ca dhammassa kammapaccayena paccayo – noupādānā cetanā sampayuttakānaṃ khandhānaṃ upādānānañca cittasamuṭṭhānānaṃ rūpānaṃ kammapaccayena paccayo. (3)

    វិបាកបច្ចយាទិ

    Vipākapaccayādi

    ៣១. នោឧបាទានោ ធម្មោ នោឧបាទានស្ស ធម្មស្ស វិបាកបច្ចយេន បច្ចយោ – វិបាកោ នោឧបាទានោ ឯកោ ខន្ធោ…បេ.… ឯកំ។

    31. Noupādāno dhammo noupādānassa dhammassa vipākapaccayena paccayo – vipāko noupādāno eko khandho…pe… ekaṃ.

    នោឧបាទានោ ធម្មោ នោឧបាទានស្ស ធម្មស្ស អាហារបច្ចយេន បច្ចយោ… តីណិ (ឯកោយេវ កពឡីការោ អាហារោ)… ឥន្ទ្រិយបច្ចយេន បច្ចយោ… តីណិ (រូបជីវិតិន្ទ្រិយំ ឯកំយេវ)… ឈានបច្ចយេន បច្ចយោ… តីណិ។

    Noupādāno dhammo noupādānassa dhammassa āhārapaccayena paccayo… tīṇi (ekoyeva kabaḷīkāro āhāro)… indriyapaccayena paccayo… tīṇi (rūpajīvitindriyaṃ ekaṃyeva)… jhānapaccayena paccayo… tīṇi.

    ឧបាទានោ ធម្មោ ឧបាទានស្ស ធម្មស្ស មគ្គបច្ចយេន បច្ចយោ – ឧបាទានានិ មគ្គង្គានិ សម្បយុត្តកានំ ឧបាទានានំ មគ្គបច្ចយេន បច្ចយោ (ឥមិនា ការណេន នវ បញ្ហា កាតព្ពា)… សម្បយុត្តបច្ចយេន បច្ចយោ… នវ។

    Upādāno dhammo upādānassa dhammassa maggapaccayena paccayo – upādānāni maggaṅgāni sampayuttakānaṃ upādānānaṃ maggapaccayena paccayo (iminā kāraṇena nava pañhā kātabbā)… sampayuttapaccayena paccayo… nava.

    វិប្បយុត្តបច្ចយោ

    Vippayuttapaccayo

    ៣២. ឧបាទានោ ធម្មោ នោឧបាទានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – ឧបាទានា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតំ – បច្ឆាជាតា ឧបាទានា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    32. Upādāno dhammo noupādānassa dhammassa vippayuttapaccayena paccayo – sahajātaṃ, pacchājātaṃ. Sahajātā – upādānā cittasamuṭṭhānānaṃ rūpānaṃ vippayuttapaccayena paccayo. Pacchājātaṃ – pacchājātā upādānā purejātassa imassa kāyassa vippayuttapaccayena paccayo. (1)

    នោឧបាទានោ ធម្មោ នោឧបាទានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។ (១)

    Noupādāno dhammo noupādānassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    នោឧបាទានោ ធម្មោ ឧបាទានស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ឧបាទានានំ វិប្បយុត្តបច្ចយេន បច្ចយោ។ (២)

    Noupādāno dhammo upādānassa dhammassa vippayuttapaccayena paccayo. Purejātaṃ – vatthu upādānānaṃ vippayuttapaccayena paccayo. (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ឧបាទានានំ សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ។ (៣)

    Noupādāno dhammo upādānassa ca noupādānassa ca dhammassa vippayuttapaccayena paccayo. Purejātaṃ – vatthu upādānānaṃ sampayuttakānañca khandhānaṃ vippayuttapaccayena paccayo. (3)

    ៣៣. ឧបាទានោ ច នោឧបាទានោ ច ធម្មា នោឧបាទានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – ឧបាទានា ច សម្បយុត្តកា ច ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – ឧបាទានា ច សម្បយុត្តកា ច ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    33. Upādāno ca noupādāno ca dhammā noupādānassa dhammassa vippayuttapaccayena paccayo – sahajātaṃ, pacchājātaṃ. Sahajātā – upādānā ca sampayuttakā ca khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – upādānā ca sampayuttakā ca khandhā purejātassa imassa kāyassa vippayuttapaccayena paccayo. (1)

    អត្ថិបច្ចយោ

    Atthipaccayo

    ៣៤. ឧបាទានោ ធម្មោ ឧបាទានស្ស ធម្មស្ស អត្ថិបច្ចយេន បច្ចយោ – ទិដ្ឋុបាទានំ កាមុបាទានស្ស អត្ថិបច្ចយេន បច្ចយោ (ចក្កំ)។ (១)

    34. Upādāno dhammo upādānassa dhammassa atthipaccayena paccayo – diṭṭhupādānaṃ kāmupādānassa atthipaccayena paccayo (cakkaṃ). (1)

    ឧបាទានោ ធម្មោ នោឧបាទានស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – ឧបាទានា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ បច្ឆាជាតា – ឧបាទានា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)

    Upādāno dhammo noupādānassa dhammassa atthipaccayena paccayo – sahajātaṃ, pacchājātaṃ. Sahajātā – upādānā sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Pacchājātā – upādānā purejātassa imassa kāyassa atthipaccayena paccayo. (2)

    ឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស អត្ថិបច្ចយេន បច្ចយោ (សំខិត្តំ, បដិច្ចសទិសំ)។ (៣)

    Upādāno dhammo upādānassa ca noupādānassa ca dhammassa atthipaccayena paccayo (saṃkhittaṃ, paṭiccasadisaṃ). (3)

    ៣៥. នោឧបាទានោ ធម្មោ នោឧបាទានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ, វិត្ថារេតព្ពំ)។ (១)

    35. Noupādāno dhammo noupādānassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ, vitthāretabbaṃ). (1)

    នោឧបាទានោ ធម្មោ ឧបាទានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតំ (សហជាតសទិសំ)។ បុរេជាតំ (បុរេជាតសទិសំ)។ (២)

    Noupādāno dhammo upādānassa dhammassa atthipaccayena paccayo – sahajātaṃ, purejātaṃ. Sahajātaṃ (sahajātasadisaṃ). Purejātaṃ (purejātasadisaṃ). (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ, សហជាតសទិសំ សហជាតំ វិភជិតព្ពំ, បុរេជាតសទិសំ បុរេជាតំ)។ (៣)

    Noupādāno dhammo upādānassa ca noupādānassa ca dhammassa atthipaccayena paccayo – sahajātaṃ, purejātaṃ (saṃkhittaṃ, sahajātasadisaṃ sahajātaṃ vibhajitabbaṃ, purejātasadisaṃ purejātaṃ). (3)

    ៣៦. ឧបាទានោ ច នោឧបាទានោ ច ធម្មា ឧបាទានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតំ – ទិដ្ឋុបាទានញ្ច សម្បយុត្តកា ច ខន្ធា កាមុបាទានស្ស អត្ថិបច្ចយេន បច្ចយោ (ចក្កំ)។ សហជាតំ – ទិដ្ឋុបាទានញ្ច វត្ថុ ច កាមុបាទានស្ស អត្ថិបច្ចយេន បច្ចយោ (ចក្កំ)។ (១)

    36. Upādāno ca noupādāno ca dhammā upādānassa dhammassa atthipaccayena paccayo – sahajātaṃ, purejātaṃ. Sahajātaṃ – diṭṭhupādānañca sampayuttakā ca khandhā kāmupādānassa atthipaccayena paccayo (cakkaṃ). Sahajātaṃ – diṭṭhupādānañca vatthu ca kāmupādānassa atthipaccayena paccayo (cakkaṃ). (1)

    ឧបាទានោ ច នោឧបាទានោ ច ធម្មា នោឧបាទានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – នោឧបាទានោ ឯកោ ខន្ធោ ច ឧបាទានា ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតា – ឧបាទានា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – ឧបាទានា ច វត្ថុ ច នោឧបាទានានំ ខន្ធានំ អត្ថិបច្ចយេន បច្ចយោ។ បច្ឆាជាតា – ឧបាទានា ច សម្បយុត្តកា ច ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – ឧបាទានា ច សម្បយុត្តកា ច ខន្ធា កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – ឧបាទានា ច សម្បយុត្តកា ច ខន្ធា រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Upādāno ca noupādāno ca dhammā noupādānassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – noupādāno eko khandho ca upādānā ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajātā – upādānā ca mahābhūtā ca cittasamuṭṭhānānaṃ rūpānaṃ atthipaccayena paccayo. Sahajātā – upādānā ca vatthu ca noupādānānaṃ khandhānaṃ atthipaccayena paccayo. Pacchājātā – upādānā ca sampayuttakā ca khandhā purejātassa imassa kāyassa atthipaccayena paccayo. Pacchājātā – upādānā ca sampayuttakā ca khandhā kabaḷīkāro āhāro ca imassa kāyassa atthipaccayena paccayo. Pacchājātā – upādānā ca sampayuttakā ca khandhā rūpajīvitindriyañca kaṭattārūpānaṃ atthipaccayena paccayo. (2)

    ឧបាទានោ ច នោឧបាទានោ ច ធម្មា ឧបាទានស្ស ច នោឧបាទានស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – នោឧបាទានោ ឯកោ ខន្ធោ ច ទិដ្ឋុបាទានញ្ច តិណ្ណន្នំ ខន្ធានំ កាមុបាទានស្ស ច ចិត្តសមុដ្ឋានានំ រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… (ចក្កំ)។ សហជាតំ – ទិដ្ឋុបាទានញ្ច វត្ថុ ច កាមុបាទានស្ស សម្បយុត្តកានញ្ច ខន្ធានំ អត្ថិបច្ចយេន បច្ចយោ (ចក្កំ)។ (៣)

    Upādāno ca noupādāno ca dhammā upādānassa ca noupādānassa ca dhammassa atthipaccayena paccayo – sahajātaṃ, purejātaṃ. Sahajāto – noupādāno eko khandho ca diṭṭhupādānañca tiṇṇannaṃ khandhānaṃ kāmupādānassa ca cittasamuṭṭhānānaṃ rūpānaṃ atthipaccayena paccayo…pe… dve khandhā ca…pe… (cakkaṃ). Sahajātaṃ – diṭṭhupādānañca vatthu ca kāmupādānassa sampayuttakānañca khandhānaṃ atthipaccayena paccayo (cakkaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៣៧. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ , ឧបនិស្សយេ នវ, បុរេជាតេ តីណិ, បច្ឆាជាតេ តីណិ , អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    37. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava , upanissaye nava, purejāte tīṇi, pacchājāte tīṇi , āsevane nava, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge nava, sampayutte nava, vippayutte pañca, atthiyā nava, natthiyā nava, vigate nava, avigate nava.

    អនុលោមំ។

    Anulomaṃ.

    ២. បច្ចនីយុទ្ធារោ

    2. Paccanīyuddhāro

    ៣៨. ឧបាទានោ ធម្មោ ឧបាទានស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    38. Upādāno dhammo upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    ឧបាទានោ ធម្មោ នោឧបាទានស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Upādāno dhammo noupādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    ឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Upādāno dhammo upādānassa ca noupādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ៣៩. នោឧបាទានោ ធម្មោ នោឧបាទានស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    39. Noupādāno dhammo noupādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    នោឧបាទានោ ធម្មោ ឧបាទានស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Noupādāno dhammo upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    នោឧបាទានោ ធម្មោ ឧបាទានស្ស ច នោឧបាទានស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ ។ (៣)

    Noupādāno dhammo upādānassa ca noupādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo . (3)

    ៤០. ឧបាទានោ ច នោឧបាទានោ ច ធម្មា ឧបាទានស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    40. Upādāno ca noupādāno ca dhammā upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    ឧបាទានោ ច នោឧបាទានោ ច ធម្មា នោឧបាទានស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Upādāno ca noupādāno ca dhammā noupādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    ឧបាទានោ ច នោឧបាទានោ ច ធម្មា ឧបាទានស្ស ច នោឧបាទានស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Upādāno ca noupādāno ca dhammā upādānassa ca noupādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៤១. នហេតុយា នវ, នអារម្មណេ នវ (សព្ពត្ថ នវ), នោអវិគតេ នវ។

    41. Nahetuyā nava, naārammaṇe nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៤២. ហេតុបច្ចយា នអារម្មណេ នវ, នអធិបតិយា នវ…បេ.… នអញ្ញមញ្ញេ តីណិ, នឧបនិស្សយេ នវ (សព្ពត្ថ នវ), នសម្បយុត្តេ តីណិ, នវិប្បយុត្តេ នវ, នោនត្ថិយា នវ, នោវិគតេ នវ។

    42. Hetupaccayā naārammaṇe nava, naadhipatiyā nava…pe… naaññamaññe tīṇi, naupanissaye nava (sabbattha nava), nasampayutte tīṇi, navippayutte nava, nonatthiyā nava, novigate nava.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៤៣. នហេតុបច្ចយា អារម្មណេ នវ, អធិបតិយា នវ (អនុលោមមាតិកា កាតព្ពា)…បេ.… អវិគតេ នវ។

    43. Nahetupaccayā ārammaṇe nava, adhipatiyā nava (anulomamātikā kātabbā)…pe… avigate nava.

    ឧបាទានទុកំ និដ្ឋិតំ។

    Upādānadukaṃ niṭṭhitaṃ.

    ៧០. ឧបាទានិយទុកំ

    70. Upādāniyadukaṃ

    ១-៧. បដិច្ចវារាទិ

    1-7. Paṭiccavārādi

    ៤៤. ឧបាទានិយំ ធម្មំ បដិច្ច ឧបាទានិយោ ធម្មោ ឧប្បជ្ជតិ ហេតុបច្ចយា – ឧបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… (យថា លោកិយទុកំ, ឯវំ កាតព្ពំ។ និន្នានាករណំ)។

    44. Upādāniyaṃ dhammaṃ paṭicca upādāniyo dhammo uppajjati hetupaccayā – upādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… (yathā lokiyadukaṃ, evaṃ kātabbaṃ. Ninnānākaraṇaṃ).

    ឧបាទានិយទុកំ និដ្ឋិតំ។

    Upādāniyadukaṃ niṭṭhitaṃ.

    ៧១. ឧបាទានសម្បយុត្តទុកំ

    71. Upādānasampayuttadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៤៥. ឧបាទានសម្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានសម្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    45. Upādānasampayuttaṃ dhammaṃ paṭicca upādānasampayutto dhammo uppajjati hetupaccayā – upādānasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ឧបាទានសម្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានសម្បយុត្តេ ខន្ធេ បដិច្ច ចិត្តសមុដ្ឋានំ រូបំ, ទិដ្ឋិគតវិប្បយុត្តលោភសហគតេ ខន្ធេ បដិច្ច លោភោ ចិត្តសមុដ្ឋានញ្ច រូបំ។ (២)

    Upādānasampayuttaṃ dhammaṃ paṭicca upādānavippayutto dhammo uppajjati hetupaccayā – upādānasampayutte khandhe paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe paṭicca lobho cittasamuṭṭhānañca rūpaṃ. (2)

    ឧបាទានសម្បយុត្តំ ធម្មំ បដិច្ច ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ឧបាទានសម្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ទិដ្ឋិគតវិប្បយុត្តលោភសហគតំ ឯកំ ខន្ធំ បដិច្ច តយោ ខន្ធា លោភោ ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Upādānasampayuttaṃ dhammaṃ paṭicca upādānasampayutto ca upādānavippayutto ca dhammā uppajjanti hetupaccayā – upādānasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca cittasamuṭṭhānañca rūpaṃ…pe… dve khandhe…pe…. (3)

    ៤៦. ឧបាទានវិប្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានវិប្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ទិដ្ឋិគតវិប្បយុត្តំ លោភំ បដិច្ច ចិត្តសមុដ្ឋានំ រូបំ; បដិសន្ធិក្ខណេ ឧបាទានវិប្បយុត្តំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    46. Upādānavippayuttaṃ dhammaṃ paṭicca upādānavippayutto dhammo uppajjati hetupaccayā – upādānavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… diṭṭhigatavippayuttaṃ lobhaṃ paṭicca cittasamuṭṭhānaṃ rūpaṃ; paṭisandhikkhaṇe upādānavippayuttaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    ឧបាទានវិប្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា – ទិដ្ឋិគតវិប្បយុត្តំ លោភំ បដិច្ច សម្បយុត្តកា ខន្ធា។ (២)

    Upādānavippayuttaṃ dhammaṃ paṭicca upādānasampayutto dhammo uppajjati hetupaccayā – diṭṭhigatavippayuttaṃ lobhaṃ paṭicca sampayuttakā khandhā. (2)

    ឧបាទានវិប្បយុត្តំ ធម្មំ បដិច្ច ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ទិដ្ឋិគតវិប្បយុត្តំ លោភំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (៣)

    Upādānavippayuttaṃ dhammaṃ paṭicca upādānasampayutto ca upādānavippayutto ca dhammā uppajjanti hetupaccayā – diṭṭhigatavippayuttaṃ lobhaṃ paṭicca sampayuttakā khandhā cittasamuṭṭhānañca rūpaṃ. (3)

    ៤៧. ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា – ទិដ្ឋិគតវិប្បយុត្តលោភសហគតំ ឯកំ ខន្ធញ្ច លោភញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ (១)

    47. Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati hetupaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe ca…pe…. (1)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានសម្បយុត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ទិដ្ឋិគតវិប្បយុត្តលោភសហគតេ ខន្ធេ ច លោភញ្ច បដិច្ច ចិត្តសមុដ្ឋានំ រូបំ។ (២)

    Upādānasampayuttañca upādānavippayuttañca dhammaṃ paṭicca upādānavippayutto dhammo uppajjati hetupaccayā – upādānasampayutte khandhe ca mahābhūte ca paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paṭicca cittasamuṭṭhānaṃ rūpaṃ. (2)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ទិដ្ឋិគតវិប្បយុត្តលោភសហគតំ ឯកំ ខន្ធញ្ច លោភញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.…។ (៣)

    Upādānasampayuttañca upādānavippayuttañca dhammaṃ paṭicca upādānasampayutto ca upādānavippayutto ca dhammā uppajjanti hetupaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā cittasamuṭṭhānañca rūpaṃ…pe… dve khandhe ca…pe…. (3)

    អារម្មណបច្ចយោ

    Ārammaṇapaccayo

    ៤៨. ឧបាទានសម្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ អារម្មណបច្ចយា – ឧបាទានសម្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    48. Upādānasampayuttaṃ dhammaṃ paṭicca upādānasampayutto dhammo uppajjati ārammaṇapaccayā – upādānasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ឧបាទានសម្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ អារម្មណបច្ចយា – ទិដ្ឋិគតវិប្បយុត្តលោភសហគតេ ខន្ធេ បដិច្ច លោភោ។ (២)

    Upādānasampayuttaṃ dhammaṃ paṭicca upādānavippayutto dhammo uppajjati ārammaṇapaccayā – diṭṭhigatavippayuttalobhasahagate khandhe paṭicca lobho. (2)

    ឧបាទានសម្បយុត្តំ ធម្មំ បដិច្ច ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧប្បជ្ជន្តិ អារម្មណបច្ចយា – ទិដ្ឋិគតវិប្បយុត្តលោភសហគតំ ឯកំ ខន្ធំ បដិច្ច តយោ ខន្ធា លោភោ ច…បេ.… ទ្វេ ខន្ធេ…បេ.…។ (៣)

    Upādānasampayuttaṃ dhammaṃ paṭicca upādānasampayutto ca upādānavippayutto ca dhammā uppajjanti ārammaṇapaccayā – diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca…pe… dve khandhe…pe…. (3)

    ៤៩. ឧបាទានវិប្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ អារម្មណបច្ចយា – ឧបាទានវិប្បយុត្តំ ឯកំ ខន្ធំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… វត្ថុំ បដិច្ច ខន្ធា។ (១)

    49. Upādānavippayuttaṃ dhammaṃ paṭicca upādānavippayutto dhammo uppajjati ārammaṇapaccayā – upādānavippayuttaṃ ekaṃ khandhaṃ…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1)

    ឧបាទានវិប្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ អារម្មណបច្ចយា – ទិដ្ឋិគតវិប្បយុត្តំ លោភំ បដិច្ច សម្បយុត្តកា ខន្ធា។ (២)

    Upādānavippayuttaṃ dhammaṃ paṭicca upādānasampayutto dhammo uppajjati ārammaṇapaccayā – diṭṭhigatavippayuttaṃ lobhaṃ paṭicca sampayuttakā khandhā. (2)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ អារម្មណបច្ចយា – ទិដ្ឋិគតវិប្បយុត្តលោភសហគតំ ឯកំ ខន្ធញ្ច លោភញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ (៣) (សំខិត្តំ។)

    Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati ārammaṇapaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe ca…pe…. (3) (Saṃkhittaṃ.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៥០. ហេតុយា នវ, អារម្មណេ ឆ, អធិបតិយា នវ, អនន្តរេ ឆ, សមនន្តរេ ឆ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ឆ, បុរេជាតេ ឆ, អាសេវនេ ឆ, កម្មេ នវ, វិបាកេ ឯកំ, អាហារេ នវ (សព្ពត្ថ នវ), មគ្គេ នវ, សម្បយុត្តេ ឆ, វិប្បយុត្តេ នវ, អត្ថិយា នវ, នត្ថិយា ឆ, វិគតេ ឆ, អវិគតេ នវ។

    50. Hetuyā nava, ārammaṇe cha, adhipatiyā nava, anantare cha, samanantare cha, sahajāte nava, aññamaññe cha, nissaye nava, upanissaye cha, purejāte cha, āsevane cha, kamme nava, vipāke ekaṃ, āhāre nava (sabbattha nava), magge nava, sampayutte cha, vippayutte nava, atthiyā nava, natthiyā cha, vigate cha, avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៥១. ឧបាទានវិប្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ ឧបាទានវិប្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    51. Upādānavippayuttaṃ dhammaṃ paṭicca upādānavippayutto dhammo uppajjati nahetupaccayā – ahetukaṃ upādānavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    នអារម្មណបច្ចយាទិ

    Naārammaṇapaccayādi

    ៥២. ឧបាទានសម្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នអារម្មណបច្ចយា – ឧបាទានសម្បយុត្តេ ខន្ធេ បដិច្ច ចិត្តសមុដ្ឋានំ រូបំ។ (១)

    52. Upādānasampayuttaṃ dhammaṃ paṭicca upādānavippayutto dhammo uppajjati naārammaṇapaccayā – upādānasampayutte khandhe paṭicca cittasamuṭṭhānaṃ rūpaṃ. (1)

    ឧបាទានវិប្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នអារម្មណបច្ចយា – ឧបាទានវិប្បយុត្តេ ខន្ធេ បដិច្ច ចិត្តសមុដ្ឋានំ រូបំ, ទិដ្ឋិគតវិប្បយុត្តំ លោភំ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (យាវ អសញ្ញសត្តា)។ (១)

    Upādānavippayuttaṃ dhammaṃ paṭicca upādānavippayutto dhammo uppajjati naārammaṇapaccayā – upādānavippayutte khandhe paṭicca cittasamuṭṭhānaṃ rūpaṃ, diṭṭhigatavippayuttaṃ lobhaṃ paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នអារម្មណបច្ចយា – ឧបាទានសម្បយុត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ទិដ្ឋិគតវិប្បយុត្តលោភសហគតេ ខន្ធេ ច លោភញ្ច បដិច្ច ចិត្តសមុដ្ឋានំ រូបំ។ (១)

    Upādānasampayuttañca upādānavippayuttañca dhammaṃ paṭicca upādānavippayutto dhammo uppajjati naārammaṇapaccayā – upādānasampayutte khandhe ca mahābhūte ca paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paṭicca cittasamuṭṭhānaṃ rūpaṃ. (1)

    នអធិបតិបច្ចយា… នអនន្តរបច្ចយា… នសមនន្តរបច្ចយា… នឧបនិស្សយបច្ចយា។

    Naadhipatipaccayā… naanantarapaccayā… nasamanantarapaccayā… naupanissayapaccayā.

    នបុរេជាតបច្ចយាទិ

    Napurejātapaccayādi

    ៥៣. ឧបាទានសម្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ ឧបាទានសម្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    53. Upādānasampayuttaṃ dhammaṃ paṭicca upādānasampayutto dhammo uppajjati napurejātapaccayā – arūpe upādānasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ឧបាទានសម្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ ទិដ្ឋិគតវិប្បយុត្តលោភសហគតេ ខន្ធេ បដិច្ច លោភោ, ឧបាទានសម្បយុត្តេ ខន្ធេ បដិច្ច ចិត្តសមុដ្ឋានំ រូបំ។ (២)

    Upādānasampayuttaṃ dhammaṃ paṭicca upādānavippayutto dhammo uppajjati napurejātapaccayā – arūpe diṭṭhigatavippayuttalobhasahagate khandhe paṭicca lobho, upādānasampayutte khandhe paṭicca cittasamuṭṭhānaṃ rūpaṃ. (2)

    ឧបាទានសម្បយុត្តំ ធម្មំ បដិច្ច ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧប្បជ្ជន្តិ នបុរេជាតបច្ចយា – អរូបេ ទិដ្ឋិគតវិប្បយុត្តលោភសហគតំ ឯកំ ខន្ធំ បដិច្ច តយោ ខន្ធា លោភោ ច…បេ.… ទ្វេ ខន្ធេ…បេ.…។ (៣)

    Upādānasampayuttaṃ dhammaṃ paṭicca upādānasampayutto ca upādānavippayutto ca dhammā uppajjanti napurejātapaccayā – arūpe diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca…pe… dve khandhe…pe…. (3)

    ៥៤. ឧបាទានវិប្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ ឧបាទានវិប្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… ឧបាទានវិប្បយុត្តេ ខន្ធេ បដិច្ច ចិត្តសមុដ្ឋានំ រូបំ, ទិដ្ឋិគតវិប្បយុត្តំ លោភំ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (យាវ អសញ្ញសត្តា)។ (១)

    54. Upādānavippayuttaṃ dhammaṃ paṭicca upādānavippayutto dhammo uppajjati napurejātapaccayā – arūpe upādānavippayuttaṃ ekaṃ khandhaṃ paṭicca tayo khandhā…pe… dve khandhe…pe… upādānavippayutte khandhe paṭicca cittasamuṭṭhānaṃ rūpaṃ, diṭṭhigatavippayuttaṃ lobhaṃ paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)

    ឧបាទានវិប្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ ទិដ្ឋិគតវិប្បយុត្តំ លោភំ បដិច្ច សម្បយុត្តកា ខន្ធា។ (២)

    Upādānavippayuttaṃ dhammaṃ paṭicca upādānasampayutto dhammo uppajjati napurejātapaccayā – arūpe diṭṭhigatavippayuttaṃ lobhaṃ paṭicca sampayuttakā khandhā. (2)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ ទិដ្ឋិគតវិប្បយុត្តលោភសហគតំ ឯកំ ខន្ធញ្ច លោភញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ (១)

    Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati napurejātapaccayā – arūpe diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe ca…pe…. (1)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នបុរេជាតបច្ចយា – ឧបាទានសម្បយុត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ទិដ្ឋិគតវិប្បយុត្តលោភសហគតេ ខន្ធេ ច លោភញ្ច បដិច្ច ចិត្តសមុដ្ឋានំ រូបំ។ (២)

    Upādānasampayuttañca upādānavippayuttañca dhammaṃ paṭicca upādānavippayutto dhammo uppajjati napurejātapaccayā – upādānasampayutte khandhe ca mahābhūte ca paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paṭicca cittasamuṭṭhānaṃ rūpaṃ. (2)

    នបច្ឆាជាតបច្ចយា… នអាសេវនបច្ចយា។

    Napacchājātapaccayā… naāsevanapaccayā.

    នកម្មបច្ចយោ

    Nakammapaccayo

    ៥៥. ឧបាទានសម្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ នកម្មបច្ចយា – ឧបាទានសម្បយុត្តេ ខន្ធេ បដិច្ច សម្បយុត្តកា ចេតនា។ (១)

    55. Upādānasampayuttaṃ dhammaṃ paṭicca upādānasampayutto dhammo uppajjati nakammapaccayā – upādānasampayutte khandhe paṭicca sampayuttakā cetanā. (1)

    ឧបាទានវិប្បយុត្តំ ធម្មំ បដិច្ច ឧបាទានវិប្បយុត្តោ ធម្មោ ឧប្បជ្ជតិ នកម្មបច្ចយា – ឧបាទានវិប្បយុត្តេ ខន្ធេ បដិច្ច សម្បយុត្តកា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ.…។ (១)

    Upādānavippayuttaṃ dhammaṃ paṭicca upādānavippayutto dhammo uppajjati nakammapaccayā – upādānavippayutte khandhe paṭicca sampayuttakā cetanā; bāhiraṃ… āhārasamuṭṭhānaṃ… utusamuṭṭhānaṃ…pe…. (1)

    ឧបាទានវិប្បយុត្តំ ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ នកម្មបច្ចយា – ទិដ្ឋិគតវិប្បយុត្តំ លោភំ បដិច្ច សម្បយុត្តកា ចេតនា។ (២)

    Upādānavippayuttaṃ dhammaṃ paṭicca upādānasampayutto dhammo uppajjati nakammapaccayā – diṭṭhigatavippayuttaṃ lobhaṃ paṭicca sampayuttakā cetanā. (2)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បដិច្ច ឧបាទានសម្បយុត្តោ ធម្មោ ឧប្បជ្ជតិ នកម្មបច្ចយា – ទិដ្ឋិគតវិប្បយុត្តលោភសហគតេ ខន្ធេ ច លោភញ្ច បដិច្ច សម្បយុត្តកា ចេតនា។ (១) (សំខិត្តំ។)

    Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati nakammapaccayā – diṭṭhigatavippayuttalobhasahagate khandhe ca lobhañca paṭicca sampayuttakā cetanā. (1) (Saṃkhittaṃ.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៥៦. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    56. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឥតរេ ទ្វេ គណនាបិ កាតព្ពា។ សហជាតវារោ បដិច្ចវារសទិសោ។)

    (Itare dve gaṇanāpi kātabbā. Sahajātavāro paṭiccavārasadiso.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៥៧. ឧបាទានសម្បយុត្តំ ធម្មំ បច្ចយា ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសំ)។

    57. Upādānasampayuttaṃ dhammaṃ paccayā upādānasampayutto dhammo uppajjati hetupaccayā… tīṇi (paṭiccasadisaṃ).

    ឧបាទានវិប្បយុត្តំ ធម្មំ បច្ចយា ឧបាទានវិប្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានវិប្បយុត្តំ ឯកំ ខន្ធំ បច្ចយា…បេ.… (យាវ អជ្ឈត្តិកា មហាភូតា) វត្ថុំ បច្ចយា ឧបាទានវិប្បយុត្តា ខន្ធា, វត្ថុំ បច្ចយា ទិដ្ឋិគតវិប្បយុត្តោ លោភោ។ (១)

    Upādānavippayuttaṃ dhammaṃ paccayā upādānavippayutto dhammo uppajjati hetupaccayā – upādānavippayuttaṃ ekaṃ khandhaṃ paccayā…pe… (yāva ajjhattikā mahābhūtā) vatthuṃ paccayā upādānavippayuttā khandhā, vatthuṃ paccayā diṭṭhigatavippayutto lobho. (1)

    ឧបាទានវិប្បយុត្តំ ធម្មំ បច្ចយា ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ឧបាទានសម្បយុត្តា ខន្ធា, ទិដ្ឋិគតវិប្បយុត្តំ លោភំ បច្ចយា សម្បយុត្តកា ខន្ធា។ (២)

    Upādānavippayuttaṃ dhammaṃ paccayā upādānasampayutto dhammo uppajjati hetupaccayā – vatthuṃ paccayā upādānasampayuttā khandhā, diṭṭhigatavippayuttaṃ lobhaṃ paccayā sampayuttakā khandhā. (2)

    ឧបាទានវិប្បយុត្តំ ធម្មំ បច្ចយា ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ឧបាទានសម្បយុត្តកា ខន្ធា, មហាភូតេ បច្ចយា ចិត្តសមុដ្ឋានំ រូបំ; ទិដ្ឋិគតវិប្បយុត្តំ លោភំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ, វត្ថុំ បច្ចយា ទិដ្ឋិគតវិប្បយុត្តលោភសហគតា ខន្ធា ច លោភោ ច។ (៣)

    Upādānavippayuttaṃ dhammaṃ paccayā upādānasampayutto ca upādānavippayutto ca dhammā uppajjanti hetupaccayā – vatthuṃ paccayā upādānasampayuttakā khandhā, mahābhūte paccayā cittasamuṭṭhānaṃ rūpaṃ; diṭṭhigatavippayuttaṃ lobhaṃ paccayā sampayuttakā khandhā cittasamuṭṭhānañca rūpaṃ, vatthuṃ paccayā diṭṭhigatavippayuttalobhasahagatā khandhā ca lobho ca. (3)

    ៥៨. ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បច្ចយា ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានសម្បយុត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… ទិដ្ឋិគតវិប្បយុត្តលោភសហគតំ ឯកំ ខន្ធញ្ច លោភញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ (១)

    58. Upādānasampayuttañca upādānavippayuttañca dhammaṃ paccayā upādānasampayutto dhammo uppajjati hetupaccayā – upādānasampayuttaṃ ekaṃ khandhañca vatthuñca paccayā tayo khandhā…pe… dve khandhe ca…pe… diṭṭhigatavippayuttalobhasahagataṃ ekaṃ khandhañca lobhañca paccayā tayo khandhā…pe… dve khandhe ca…pe…. (1)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បច្ចយា ឧបាទានវិប្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ទិដ្ឋិគតវិប្បយុត្តលោភសហគតេ ខន្ធេ ច លោភញ្ច បច្ចយា ចិត្តសមុដ្ឋានំ រូបំ, ទិដ្ឋិគតវិប្បយុត្តលោភសហគតេ ខន្ធេ ច វត្ថុញ្ច បច្ចយា លោភោ។ (២)

    Upādānasampayuttañca upādānavippayuttañca dhammaṃ paccayā upādānavippayutto dhammo uppajjati hetupaccayā – upādānasampayutte khandhe ca mahābhūte ca paccayā cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paccayā cittasamuṭṭhānaṃ rūpaṃ, diṭṭhigatavippayuttalobhasahagate khandhe ca vatthuñca paccayā lobho. (2)

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ បច្ចយា ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ឧបាទានសម្បយុត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… ឧបាទានសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; ទិដ្ឋិគតវិប្បយុត្តលោភសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា លោភោ ច…បេ.… ទ្វេ ខន្ធេ ច…បេ.…។ (៣) (សំខិត្តំ។ អារម្មណបច្ចយម្ហិ បញ្ច វិញ្ញាណា កាតព្ពា។)

    Upādānasampayuttañca upādānavippayuttañca dhammaṃ paccayā upādānasampayutto ca upādānavippayutto ca dhammā uppajjanti hetupaccayā – upādānasampayuttaṃ ekaṃ khandhañca vatthuñca paccayā tayo khandhā…pe… dve khandhe ca…pe… upādānasampayutte khandhe ca mahābhūte ca paccayā cittasamuṭṭhānaṃ rūpaṃ; diṭṭhigatavippayuttalobhasahagataṃ ekaṃ khandhañca vatthuñca paccayā tayo khandhā lobho ca…pe… dve khandhe ca…pe…. (3) (Saṃkhittaṃ. Ārammaṇapaccayamhi pañca viññāṇā kātabbā.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៥៩. ហេតុយា នវ, អារម្មណេ នវ, អធិបតិយា នវ, អនន្តរេ នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    59. Hetuyā nava, ārammaṇe nava, adhipatiyā nava, anantare nava (sabbattha nava), vipāke ekaṃ…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៦០. ឧបាទានវិប្បយុត្តំ ធម្មំ បច្ចយា ឧបាទានវិប្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ ឧបាទានវិប្បយុត្តំ ឯកំ ខន្ធំ បច្ចយា…បេ.… (យាវ អសញ្ញសត្តា ) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ…បេ.… វត្ថុំ បច្ចយា អហេតុកា ឧបាទានវិប្បយុត្តា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ (សំខិត្តំ)។

    60. Upādānavippayuttaṃ dhammaṃ paccayā upādānavippayutto dhammo uppajjati nahetupaccayā – ahetukaṃ upādānavippayuttaṃ ekaṃ khandhaṃ paccayā…pe… (yāva asaññasattā ) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ…pe… vatthuṃ paccayā ahetukā upādānavippayuttā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho (saṃkhittaṃ).

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៦១. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    61. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ៦២. ឧបាទានសម្បយុត្តំ ធម្មំ សំសដ្ឋោ ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានសម្បយុត្តំ ឯកំ ខន្ធំ សំសដ្ឋា… តីណិ។

    62. Upādānasampayuttaṃ dhammaṃ saṃsaṭṭho upādānasampayutto dhammo uppajjati hetupaccayā – upādānasampayuttaṃ ekaṃ khandhaṃ saṃsaṭṭhā… tīṇi.

    ឧបាទានវិប្បយុត្តំ ធម្មំ សំសដ្ឋោ ឧបាទានវិប្បយុត្តោ ធម្មោ ឧប្បជ្ជតិ ហេតុបច្ចយា (បដិច្ចសទិសំ, អរូបំយេវ កាតព្ពំ)។

    Upādānavippayuttaṃ dhammaṃ saṃsaṭṭho upādānavippayutto dhammo uppajjati hetupaccayā (paṭiccasadisaṃ, arūpaṃyeva kātabbaṃ).

    ឧបាទានវិប្បយុត្តំ ធម្មំ សំសដ្ឋោ ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា (បដិច្ចសទិសំ, អរូបំយេវ កាតព្ពំ)។

    Upādānavippayuttaṃ dhammaṃ saṃsaṭṭho upādānasampayutto dhammo uppajjati hetupaccayā (paṭiccasadisaṃ, arūpaṃyeva kātabbaṃ).

    ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ សំសដ្ឋោ ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា (បដិច្ចសទិសំ, អរូបំយេវ កាតព្ពំ)។

    Upādānasampayuttañca upādānavippayuttañca dhammaṃ saṃsaṭṭho upādānasampayutto dhammo uppajjati hetupaccayā (paṭiccasadisaṃ, arūpaṃyeva kātabbaṃ).

    ហេតុយា ឆ, អារម្មណេ ឆ, អធិបតិយា ឆ (សព្ពត្ថ ឆ), វិបាកេ ឯកំ…បេ.… អវិគតេ ឆ។

    Hetuyā cha, ārammaṇe cha, adhipatiyā cha (sabbattha cha), vipāke ekaṃ…pe… avigate cha.

    អនុលោមំ។

    Anulomaṃ.

    ឧបាទានវិប្បយុត្តំ ធម្មំ សំសដ្ឋោ ឧបាទានវិប្បយុត្តោ ធម្មោ ឧប្បជ្ជតិ នហេតុបច្ចយា (សំខិត្តំ)។

    Upādānavippayuttaṃ dhammaṃ saṃsaṭṭho upādānavippayutto dhammo uppajjati nahetupaccayā (saṃkhittaṃ).

    នហេតុយា ឯកំ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឯកំ, នវិប្បយុត្តេ ឆ។

    Nahetuyā ekaṃ, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge ekaṃ, navippayutte cha.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៦៣. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស ហេតុបច្ចយេន បច្ចយោ – ឧបាទានសម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    63. Upādānasampayutto dhammo upādānasampayuttassa dhammassa hetupaccayena paccayo – upādānasampayuttā hetū sampayuttakānaṃ khandhānaṃ hetupaccayena paccayo. (1)

    ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស ហេតុបច្ចយេន បច្ចយោ – ឧបាទានសម្បយុត្តា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; ទិដ្ឋិគតវិប្បយុត្តលោភសហគតា ហេតូ ទិដ្ឋិគតវិប្បយុត្តលោភស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (មូលំ កាតព្ពំ) ឧបាទានសម្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទិដ្ឋិគតវិប្បយុត្តលោភសហគតា ហេតូ សម្បយុត្តកានំ ខន្ធានំ លោភស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Upādānasampayutto dhammo upādānavippayuttassa dhammassa hetupaccayena paccayo – upādānasampayuttā hetū cittasamuṭṭhānānaṃ rūpānaṃ hetupaccayena paccayo; diṭṭhigatavippayuttalobhasahagatā hetū diṭṭhigatavippayuttalobhassa cittasamuṭṭhānānañca rūpānaṃ hetupaccayena paccayo. (Mūlaṃ kātabbaṃ) upādānasampayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; diṭṭhigatavippayuttalobhasahagatā hetū sampayuttakānaṃ khandhānaṃ lobhassa ca cittasamuṭṭhānānañca rūpānaṃ hetupaccayena paccayo. (3)

    ៦៤. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស ហេតុបច្ចយេន បច្ចយោ – ឧបាទានវិប្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទិដ្ឋិគតវិប្បយុត្តោ លោភោ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ) ទិដ្ឋិគតវិប្បយុត្តោ លោភោ សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ កាតព្ពំ) ទិដ្ឋិគតវិប្បយុត្តោ លោភោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    64. Upādānavippayutto dhammo upādānavippayuttassa dhammassa hetupaccayena paccayo – upādānavippayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; diṭṭhigatavippayutto lobho cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ) diṭṭhigatavippayutto lobho sampayuttakānaṃ khandhānaṃ hetupaccayena paccayo. (Mūlaṃ kātabbaṃ) diṭṭhigatavippayutto lobho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    ៦៥. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស ហេតុបច្ចយេន បច្ចយោ – ទិដ្ឋិគតវិប្បយុត្តលោភសហគតោ មោហោ ច លោភោ ច សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ កាតព្ពំ) ទិដ្ឋិគតវិប្បយុត្តលោភសហគតោ មោហោ ច លោភោ ច ចិត្តសមុដ្ឋានានំ រូបានំ ហេតុបច្ចយេន បច្ចយោ។ (២)

    65. Upādānasampayutto ca upādānavippayutto ca dhammā upādānasampayuttassa dhammassa hetupaccayena paccayo – diṭṭhigatavippayuttalobhasahagato moho ca lobho ca sampayuttakānaṃ khandhānaṃ hetupaccayena paccayo. (Mūlaṃ kātabbaṃ) diṭṭhigatavippayuttalobhasahagato moho ca lobho ca cittasamuṭṭhānānaṃ rūpānaṃ hetupaccayena paccayo. (2)

    ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស ហេតុបច្ចយេន បច្ចយោ – ទិដ្ឋិគតវិប្បយុត្តលោភសហគតោ មោហោ ច លោភោ ច សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Upādānasampayutto ca upādānavippayutto ca dhammā upādānasampayuttassa ca upādānavippayuttassa ca dhammassa hetupaccayena paccayo – diṭṭhigatavippayuttalobhasahagato moho ca lobho ca sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    អារម្មណបច្ចយោ

    Ārammaṇapaccayo

    ៦៦. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ – ឧបាទានសម្បយុត្តេ ខន្ធេ អារព្ភ ឧបាទានសម្បយុត្តា ខន្ធា ឧប្បជ្ជន្តិ។ (មូលំ កាតព្ពំ) ឧបាទានសម្បយុត្តេ ខន្ធេ អារព្ភ ឧបាទានវិប្បយុត្តា ខន្ធា ច លោភោ ច ឧប្បជ្ជន្តិ។ (មូលំ កាតព្ពំ) ឧបាទានសម្បយុត្តេ ខន្ធេ អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ។ (៣)

    66. Upādānasampayutto dhammo upādānasampayuttassa dhammassa ārammaṇapaccayena paccayo – upādānasampayutte khandhe ārabbha upādānasampayuttā khandhā uppajjanti. (Mūlaṃ kātabbaṃ) upādānasampayutte khandhe ārabbha upādānavippayuttā khandhā ca lobho ca uppajjanti. (Mūlaṃ kātabbaṃ) upādānasampayutte khandhe ārabbha diṭṭhigatavippayuttalobhasahagatā khandhā ca lobho ca uppajjanti. (3)

    ៦៧. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ បច្ចវេក្ខតិ, អស្សាទេតិ អភិនន្ទតិ, តំ អារព្ភ ទិដ្ឋិគតវិប្បយុត្តោ រាគោ…បេ.… វិចិកិច្ឆា…បេ.… ឧទ្ធច្ចំ ឧប្បជ្ជតិ, ឈានេ បរិហីនេ វិប្បដិសារិស្ស ទោមនស្សំ ឧប្បជ្ជតិ។ អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ…បេ.… និព្ពានំ បច្ចវេក្ខន្តិ។ និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ។ អរិយា ឧបាទានវិប្បយុត្តេ បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ សមុទាចិណ្ណេ កិលេសេ…បេ.… ចក្ខុំ…បេ.… វត្ថុំ ឧបាទានវិប្បយុត្តេ ខន្ធេ ច លោភញ្ច អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ ទិដ្ឋិគតវិប្បយុត្តោ រាគោ…បេ.… វិចិកិច្ឆា…បេ.… ឧទ្ធច្ចំ…បេ.… ទោមនស្សំ ឧប្បជ្ជតិ…បេ.… (សព្ពំ បរិបុណ្ណំ), ទិព្ពេន ចក្ខុនា… (យាវ កាយវិញ្ញាណំ), ឧបាទានវិប្បយុត្តា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    67. Upādānavippayutto dhammo upādānavippayuttassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ paccavekkhati, assādeti abhinandati, taṃ ārabbha diṭṭhigatavippayutto rāgo…pe… vicikicchā…pe… uddhaccaṃ uppajjati, jhāne parihīne vippaṭisārissa domanassaṃ uppajjati. Ariyā maggā vuṭṭhahitvā maggaṃ paccavekkhanti, phalaṃ…pe… nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā upādānavippayutte pahīne kilese…pe… vikkhambhite kilese…pe… pubbe samudāciṇṇe kilese…pe… cakkhuṃ…pe… vatthuṃ upādānavippayutte khandhe ca lobhañca aniccato…pe… vipassati, assādeti abhinandati, taṃ ārabbha diṭṭhigatavippayutto rāgo…pe… vicikicchā…pe… uddhaccaṃ…pe… domanassaṃ uppajjati…pe… (sabbaṃ paripuṇṇaṃ), dibbena cakkhunā… (yāva kāyaviññāṇaṃ), upādānavippayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ – ទានំ …បេ.… ឈានំ…បេ.… ចក្ខុំ…បេ.… វត្ថុំ ឧបាទានវិប្បយុត្តេ ខន្ធេ ច លោភញ្ច អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Upādānavippayutto dhammo upādānasampayuttassa dhammassa ārammaṇapaccayena paccayo – dānaṃ …pe… jhānaṃ…pe… cakkhuṃ…pe… vatthuṃ upādānavippayutte khandhe ca lobhañca assādeti abhinandati, taṃ ārabbha rāgo uppajjati, diṭṭhi uppajjati. (2)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ.… វត្ថុំ ឧបាទានវិប្បយុត្តេ ខន្ធេ ច លោភញ្ច អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ។ (៣)

    Upādānavippayutto dhammo upādānasampayuttassa ca upādānavippayuttassa ca dhammassa ārammaṇapaccayena paccayo – cakkhuṃ…pe… vatthuṃ upādānavippayutte khandhe ca lobhañca ārabbha diṭṭhigatavippayuttalobhasahagatā khandhā ca lobho ca uppajjanti. (3)

    ៦៨. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ – ទិដ្ឋិគតវិប្បយុត្តលោភសហគតេ ខន្ធេ ច លោភញ្ច អារព្ភ ឧបាទានសម្បយុត្តា ខន្ធា ឧប្បជ្ជន្តិ។ (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច អារព្ភ ឧបាទានវិប្បយុត្តា ខន្ធា ច លោភោ ច ឧប្បជ្ជន្តិ។ (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ។ (៣)

    68. Upādānasampayutto ca upādānavippayutto ca dhammā upādānasampayuttassa dhammassa ārammaṇapaccayena paccayo – diṭṭhigatavippayuttalobhasahagate khandhe ca lobhañca ārabbha upādānasampayuttā khandhā uppajjanti. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca ārabbha upādānavippayuttā khandhā ca lobho ca uppajjanti. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca ārabbha diṭṭhigatavippayuttalobhasahagatā khandhā ca lobho ca uppajjanti. (3)

    អធិបតិបច្ចយោ

    Adhipatipaccayo

    ៦៩. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ឧបាទានសម្បយុត្តេ ខន្ធេ គរុំ កត្វា ឧបាទានសម្បយុត្តា ខន្ធា ឧប្បជ្ជន្តិ។ សហជាតាធិបតិ – ឧបាទានសម្បយុត្តាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (មូលំ កាតព្ពំ) អារម្មណាធិបតិ, សហជាតាធិបតិ។ អារម្មណាធិបតិ – ឧបាទានសម្បយុត្តេ ខន្ធេ គរុំ កត្វា ទិដ្ឋិគតវិប្បយុត្តោ លោភោ ឧប្បជ្ជតិ។ សហជាតាធិបតិ – ឧបាទានសម្បយុត្តាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ; ទិដ្ឋិគតវិប្បយុត្តលោភសហគតាធិបតិ លោភស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (មូលំ កាតព្ពំ) អារម្មណាធិបតិ, សហជាតាធិបតិ។ អារម្មណាធិបតិ – ឧបាទានសម្បយុត្តេ ខន្ធេ គរុំ កត្វា ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ។ សហជាតាធិបតិ – ឧបាទានសម្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ; ទិដ្ឋិគតវិប្បយុត្តលោភសហគតាធិបតិ សម្បយុត្តកានំ ខន្ធានំ លោភស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    69. Upādānasampayutto dhammo upādānasampayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – upādānasampayutte khandhe garuṃ katvā upādānasampayuttā khandhā uppajjanti. Sahajātādhipati – upādānasampayuttādhipati sampayuttakānaṃ khandhānaṃ adhipatipaccayena paccayo. (Mūlaṃ kātabbaṃ) ārammaṇādhipati, sahajātādhipati. Ārammaṇādhipati – upādānasampayutte khandhe garuṃ katvā diṭṭhigatavippayutto lobho uppajjati. Sahajātādhipati – upādānasampayuttādhipati cittasamuṭṭhānānaṃ rūpānaṃ adhipatipaccayena paccayo; diṭṭhigatavippayuttalobhasahagatādhipati lobhassa ca cittasamuṭṭhānānañca rūpānaṃ adhipatipaccayena paccayo. (Mūlaṃ kātabbaṃ) ārammaṇādhipati, sahajātādhipati. Ārammaṇādhipati – upādānasampayutte khandhe garuṃ katvā diṭṭhigatavippayuttalobhasahagatā khandhā ca lobho ca uppajjanti. Sahajātādhipati – upādānasampayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo; diṭṭhigatavippayuttalobhasahagatādhipati sampayuttakānaṃ khandhānaṃ lobhassa ca cittasamuṭṭhānānañca rūpānaṃ adhipatipaccayena paccayo. (3)

    ៧០. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អស្សាទេតិ អភិនន្ទតិ, តំ គរុំ កត្វា ទិដ្ឋិគតវិប្បយុត្តោ រាគោ ឧប្បជ្ជតិ…បេ.… អរិយា មគ្គា វុដ្ឋហិត្វា…បេ.… ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ ឧបាទានវិប្បយុត្តេ ខន្ធេ ច លោភញ្ច គរុំ កត្វា អស្សាទេតិ អភិនន្ទតិ, តំ គរុំ កត្វា ទិដ្ឋិគតវិប្បយុត្តោ រាគោ ឧប្បជ្ជតិ។ សហជាតាធិបតិ – ឧបាទានវិប្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    70. Upādānavippayutto dhammo upādānavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… jhānā vuṭṭhahitvā jhānaṃ garuṃ katvā paccavekkhati, assādeti abhinandati, taṃ garuṃ katvā diṭṭhigatavippayutto rāgo uppajjati…pe… ariyā maggā vuṭṭhahitvā…pe… phalassa adhipatipaccayena paccayo; cakkhuṃ…pe… vatthuṃ upādānavippayutte khandhe ca lobhañca garuṃ katvā assādeti abhinandati, taṃ garuṃ katvā diṭṭhigatavippayutto rāgo uppajjati. Sahajātādhipati – upādānavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ…បេ.… ឈានំ…បេ.… ចក្ខុំ…បេ.… វត្ថុំ ឧបាទានវិប្បយុត្តេ ខន្ធេ ច លោភញ្ច គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Upādānavippayutto dhammo upādānasampayuttassa dhammassa adhipatipaccayena paccayo. Ārammaṇādhipati – dānaṃ…pe… jhānaṃ…pe… cakkhuṃ…pe… vatthuṃ upādānavippayutte khandhe ca lobhañca garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អធិបតិបច្ចយេន បច្ចយោ។ អារម្មណាធិបតិ – ចក្ខុំ…បេ.… វត្ថុំ ឧបាទានវិប្បយុត្តេ ខន្ធេ ច លោភញ្ច គរុំ កត្វា ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ។ (៣)

    Upādānavippayutto dhammo upādānasampayuttassa ca upādānavippayuttassa ca dhammassa adhipatipaccayena paccayo. Ārammaṇādhipati – cakkhuṃ…pe… vatthuṃ upādānavippayutte khandhe ca lobhañca garuṃ katvā diṭṭhigatavippayuttalobhasahagatā khandhā ca lobho ca uppajjanti. (3)

    ៧១. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទិដ្ឋិគតវិប្បយុត្តលោភសហគតេ ខន្ធេ ច លោភញ្ច គរុំ កត្វា ឧបាទានសម្បយុត្តា ខន្ធា ឧប្បជ្ជន្តិ។ (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច គរុំ កត្វា ទិដ្ឋិគតវិប្បយុត្តោ លោភោ ឧប្បជ្ជតិ។ (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច គរុំ កត្វា ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ។ (៣)

    71. Upādānasampayutto ca upādānavippayutto ca dhammā upādānasampayuttassa dhammassa adhipatipaccayena paccayo. Ārammaṇādhipati – diṭṭhigatavippayuttalobhasahagate khandhe ca lobhañca garuṃ katvā upādānasampayuttā khandhā uppajjanti. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca garuṃ katvā diṭṭhigatavippayutto lobho uppajjati. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca garuṃ katvā diṭṭhigatavippayuttalobhasahagatā khandhā ca lobho ca uppajjanti. (3)

    អនន្តរបច្ចយោ

    Anantarapaccayo

    ៧២. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទានសម្បយុត្តា ខន្ធា បច្ឆិមានំ បច្ឆិមានំ ឧបាទានសម្បយុត្តកានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា បច្ឆិមស្ស បច្ឆិមស្ស ទិដ្ឋិគតវិប្បយុត្តស្ស លោភស្ស អនន្តរបច្ចយេន បច្ចយោ; ឧបាទានសម្បយុត្តា ខន្ធា វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ។ (៣)

    72. Upādānasampayutto dhammo upādānasampayuttassa dhammassa anantarapaccayena paccayo – purimā purimā upādānasampayuttā khandhā pacchimānaṃ pacchimānaṃ upādānasampayuttakānaṃ khandhānaṃ anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā pacchimassa pacchimassa diṭṭhigatavippayuttassa lobhassa anantarapaccayena paccayo; upādānasampayuttā khandhā vuṭṭhānassa anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo. (3)

    ៧៣. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ទិដ្ឋិគតវិប្បយុត្តោ លោភោ បច្ឆិមស្ស បច្ឆិមស្ស ទិដ្ឋិគតវិប្បយុត្តស្ស លោភស្ស អនន្តរបច្ចយេន បច្ចយោ; បុរិមា បុរិមា ឧបាទានវិប្បយុត្តា ខន្ធា បច្ឆិមានំ បច្ឆិមានំ ឧបាទានវិប្បយុត្តានំ ខន្ធានំ អនន្តរបច្ចយេន បច្ចយោ; ទិដ្ឋិគតវិប្បយុត្តោ លោភោ វុដ្ឋានស្ស អនន្តរបច្ចយេន បច្ចយោ; អនុលោមំ គោត្រភុស្ស…បេ.… ផលសមាបត្តិយា អនន្តរបច្ចយេន បច្ចយោ។ (មូលំ កាតព្ពំ) បុរិមោ បុរិមោ ទិដ្ឋិគតវិប្បយុត្តោ លោភោ បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ អនន្តរបច្ចយេន បច្ចយោ។ អាវជ្ជនា ឧបាទានសម្បយុត្តកានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ) បុរិមោ បុរិមោ ទិដ្ឋិគតវិប្បយុត្តោ លោភោ បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ; អាវជ្ជនា ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ។ (៣)

    73. Upādānavippayutto dhammo upādānavippayuttassa dhammassa anantarapaccayena paccayo – purimo purimo diṭṭhigatavippayutto lobho pacchimassa pacchimassa diṭṭhigatavippayuttassa lobhassa anantarapaccayena paccayo; purimā purimā upādānavippayuttā khandhā pacchimānaṃ pacchimānaṃ upādānavippayuttānaṃ khandhānaṃ anantarapaccayena paccayo; diṭṭhigatavippayutto lobho vuṭṭhānassa anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (Mūlaṃ kātabbaṃ) purimo purimo diṭṭhigatavippayutto lobho pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ anantarapaccayena paccayo. Āvajjanā upādānasampayuttakānaṃ khandhānaṃ anantarapaccayena paccayo. (Mūlaṃ kātabbaṃ) purimo purimo diṭṭhigatavippayutto lobho pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo; āvajjanā diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo. (3)

    ៧៤. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទិដ្ឋិគតវិប្បយុត្តលោភសហគតា ខន្ធា ច លោភោ ច បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា ច លោភោ ច បច្ឆិមស្ស បច្ឆិមស្ស ទិដ្ឋិគតវិប្បយុត្តស្ស លោភស្ស អនន្តរបច្ចយេន បច្ចយោ; ទិដ្ឋិគតវិប្បយុត្តលោភសហគតា ខន្ធា ច លោភោ ច វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា ច លោភោ ច បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ។ (៣)

    74. Upādānasampayutto ca upādānavippayutto ca dhammā upādānasampayuttassa dhammassa anantarapaccayena paccayo – purimā purimā diṭṭhigatavippayuttalobhasahagatā khandhā ca lobho ca pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā ca lobho ca pacchimassa pacchimassa diṭṭhigatavippayuttassa lobhassa anantarapaccayena paccayo; diṭṭhigatavippayuttalobhasahagatā khandhā ca lobho ca vuṭṭhānassa anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā ca lobho ca pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo. (3)

    សមនន្តរបច្ចយាទិ

    Samanantarapaccayādi

    ៧៥. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… (បដិច្ចសទិសំ) នវ… អញ្ញមញ្ញបច្ចយេន បច្ចយោ… (បដិច្ចសទិសំ) ឆ… និស្សយបច្ចយេន បច្ចយោ… (បច្ចយវារសទិសំ) នវ។

    75. Upādānasampayutto dhammo upādānasampayuttassa dhammassa samanantarapaccayena paccayo… sahajātapaccayena paccayo… (paṭiccasadisaṃ) nava… aññamaññapaccayena paccayo… (paṭiccasadisaṃ) cha… nissayapaccayena paccayo… (paccayavārasadisaṃ) nava.

    ឧបនិស្សយបច្ចយោ

    Upanissayapaccayo

    ៧៦. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧបាទានសម្បយុត្តា ខន្ធា ឧបាទានសម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ) ឧបាទានសម្បយុត្តា ខន្ធា ឧបាទានវិប្បយុត្តកានំ ខន្ធានំ លោភស្ស ច ឧបនិស្សយបច្ចយេន បច្ចយោ។ (មូលំ កាតព្ពំ) ឧបាទានសម្បយុត្តា ខន្ធា ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច ឧបនិស្សយបច្ចយេន បច្ចយោ។ (៣)

    76. Upādānasampayutto dhammo upādānasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upādānasampayuttā khandhā upādānasampayuttakānaṃ khandhānaṃ upanissayapaccayena paccayo. (Mūlaṃ kātabbaṃ) upādānasampayuttā khandhā upādānavippayuttakānaṃ khandhānaṃ lobhassa ca upanissayapaccayena paccayo. (Mūlaṃ kātabbaṃ) upādānasampayuttā khandhā diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo. (3)

    ៧៧. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, សីលំ…បេ.… បញ្ញំ… ឧបាទានវិប្បយុត្តំ រាគំ… មានំ… បត្ថនំ…បេ.… សេនាសនំ ឧបនិស្សាយ ទានំ ទេតិ…បេ.… សង្ឃំ ភិន្ទតិ; សទ្ធា…បេ.… សេនាសនំ សទ្ធាយ…បេ.… បញ្ញាយ ឧបាទានវិប្បយុត្តស្ស រាគស្ស… មានស្ស… បត្ថនាយ… កាយិកស្ស សុខស្ស…បេ.… ផលសមាបត្តិយា ឧបនិស្សយបច្ចយេន បច្ចយោ។ (១)

    77. Upādānavippayutto dhammo upādānavippayuttassa dhammassa upanissayapaccayena paccayo – ārammaṇūpanissayo, anantarūpanissayo pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, mānaṃ jappeti, sīlaṃ…pe… paññaṃ… upādānavippayuttaṃ rāgaṃ… mānaṃ… patthanaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… senāsanaṃ saddhāya…pe… paññāya upādānavippayuttassa rāgassa… mānassa… patthanāya… kāyikassa sukhassa…pe… phalasamāpattiyā upanissayapaccayena paccayo. (1)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស ឧបនិស្សយបច្ចយេន បច្ចយោ – (តីណិ ឧបនិស្សយា) សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ, សីលំ…បេ.… បញ្ញំ… ឧបាទានវិប្បយុត្តំ រាគំ… មានំ… បត្ថនំ… សេនាសនំ ឧបនិស្សាយ អទិន្នំ…បេ.… មុសា…បេ.… បិសុណំ…បេ.… សម្ផំ…បេ.… សន្ធិំ…បេ.… និល្លោបំ…បេ.… ឯកាគារិកំ…បេ.… បរិបន្ថេ…បេ.… បរទារំ…បេ.… គាមឃាតំ…បេ.… និគមឃាតំ ករោតិ ។ សទ្ធា…បេ.… សេនាសនំ ឧបាទានសម្បយុត្តស្ស រាគស្ស… មោហស្ស… មានស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ។ (២)

    Upādānavippayutto dhammo upādānasampayuttassa dhammassa upanissayapaccayena paccayo – (tīṇi upanissayā) saddhaṃ upanissāya mānaṃ jappeti, diṭṭhiṃ gaṇhāti, sīlaṃ…pe… paññaṃ… upādānavippayuttaṃ rāgaṃ… mānaṃ… patthanaṃ… senāsanaṃ upanissāya adinnaṃ…pe… musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti . Saddhā…pe… senāsanaṃ upādānasampayuttassa rāgassa… mohassa… mānassa… diṭṭhiyā… patthanāya upanissayapaccayena paccayo. (2)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, សីលំ…បេ.… បញ្ញំ… ឧបាទានវិប្បយុត្តំ រាគំ…បេ.… សេនាសនំ ឧបនិស្សាយ អទិន្នំ អាទិយតិ…បេ.… គាមឃាតំ ករោតិ… និគមឃាតំ ករោតិ…។ សទ្ធា…បេ.… សេនាសនំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច ឧបនិស្សយបច្ចយេន បច្ចយោ។ (៣)

    Upādānavippayutto dhammo upādānasampayuttassa ca upādānavippayuttassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, sīlaṃ…pe… paññaṃ… upādānavippayuttaṃ rāgaṃ…pe… senāsanaṃ upanissāya adinnaṃ ādiyati…pe… gāmaghātaṃ karoti… nigamaghātaṃ karoti…. Saddhā…pe… senāsanaṃ diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo. (3)

    ៧៨. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស ឧបនិស្សយបច្ចយេន បច្ចយោ – ទិដ្ឋិគតវិប្បយុត្តលោភសហគតា ខន្ធា ច លោភោ ច ឧបាទានសម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ) ទិដ្ឋិគតវិប្បយុត្តលោភសហគតា ខន្ធា ច លោភោ ច ឧបាទានវិប្បយុត្តកានំ ខន្ធានំ លោភស្ស ច ឧបនិស្សយបច្ចយេន បច្ចយោ។ (មូលំ កាតព្ពំ) ទិដ្ឋិគតវិប្បយុត្តលោភសហគតា ខន្ធា ច លោភោ ច ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច ឧបនិស្សយបច្ចយេន បច្ចយោ។ (៣)

    78. Upādānasampayutto ca upādānavippayutto ca dhammā upādānasampayuttassa dhammassa upanissayapaccayena paccayo – diṭṭhigatavippayuttalobhasahagatā khandhā ca lobho ca upādānasampayuttakānaṃ khandhānaṃ upanissayapaccayena paccayo. (Mūlaṃ kātabbaṃ) diṭṭhigatavippayuttalobhasahagatā khandhā ca lobho ca upādānavippayuttakānaṃ khandhānaṃ lobhassa ca upanissayapaccayena paccayo. (Mūlaṃ kātabbaṃ) diṭṭhigatavippayuttalobhasahagatā khandhā ca lobho ca diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo. (3)

    បុរេជាតបច្ចយោ

    Purejātapaccayo

    ៧៩. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ…បេ.… វត្ថុ ឧបាទានវិប្បយុត្តកានំ ខន្ធានំ លោភស្ស ច បុរេជាតបច្ចយេន បច្ចយោ។ (១)

    79. Upādānavippayutto dhammo upādānavippayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ…pe… vatthu upādānavippayuttakānaṃ khandhānaṃ lobhassa ca purejātapaccayena paccayo. (1)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ , តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ។ វត្ថុបុរេជាតំ – វត្ថុ ឧបាទានសម្បយុត្តកានំ ខន្ធានំ បុរេជាតបច្ចយេន បច្ចយោ។ (២)

    Upādānavippayutto dhammo upādānasampayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati , taṃ ārabbha rāgo uppajjati, diṭṭhi uppajjati. Vatthupurejātaṃ – vatthu upādānasampayuttakānaṃ khandhānaṃ purejātapaccayena paccayo. (2)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ។ វត្ថុបុរេជាតំ – វត្ថុ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច បុរេជាតបច្ចយេន បច្ចយោ។ (៣)

    Upādānavippayutto dhammo upādānasampayuttassa ca upādānavippayuttassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha diṭṭhigatavippayuttalobhasahagatā khandhā ca lobho ca uppajjanti. Vatthupurejātaṃ – vatthu diṭṭhigatavippayuttalobhasahagatānaṃ khandhānaṃ lobhassa ca purejātapaccayena paccayo. (3)

    បច្ឆាជាតាសេវនបច្ចយា

    Pacchājātāsevanapaccayā

    ៨០. ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១)

    80. Upādānasampayutto dhammo upādānavippayuttassa dhammassa pacchājātapaccayena paccayo (saṃkhittaṃ). (1)

    ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១)

    Upādānavippayutto dhammo upādānavippayuttassa dhammassa pacchājātapaccayena paccayo (saṃkhittaṃ). (1)

    ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានវិប្បយុត្តស្ស ធម្មស្ស បច្ឆាជាតបច្ចយេន បច្ចយោ។ (សំខិត្តំ។) (១) …អាសេវនបច្ចយេន បច្ចយោ។

    Upādānasampayutto ca upādānavippayutto ca dhammā upādānavippayuttassa dhammassa pacchājātapaccayena paccayo. (Saṃkhittaṃ.) (1) …Āsevanapaccayena paccayo.

    កម្ម-វិបាកបច្ចយា

    Kamma-vipākapaccayā

    ៨១. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស កម្មបច្ចយេន បច្ចយោ – ឧបាទានសម្បយុត្តា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

    81. Upādānasampayutto dhammo upādānasampayuttassa dhammassa kammapaccayena paccayo – upādānasampayuttā cetanā sampayuttakānaṃ khandhānaṃ kammapaccayena paccayo. (1)

    ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – ឧបាទានសម្បយុត្តា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ; ទិដ្ឋិគតវិប្បយុត្តលោភសហគតា ចេតនា លោភស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ នានាក្ខណិកា – ឧបាទានសម្បយុត្តា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (២)

    Upādānasampayutto dhammo upādānavippayuttassa dhammassa kammapaccayena paccayo – sahajātā, nānākkhaṇikā. Sahajātā – upādānasampayuttā cetanā cittasamuṭṭhānānaṃ rūpānaṃ kammapaccayena paccayo; diṭṭhigatavippayuttalobhasahagatā cetanā lobhassa cittasamuṭṭhānānañca rūpānaṃ kammapaccayena paccayo. Nānākkhaṇikā – upādānasampayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)

    ឧបាទានសម្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស កម្មបច្ចយេន បច្ចយោ – ឧបាទានសម្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; ទិដ្ឋិគតវិប្បយុត្តលោភសហគតា ចេតនា សម្បយុត្តកានំ ខន្ធានំ លោភស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Upādānasampayutto dhammo upādānasampayuttassa ca upādānavippayuttassa ca dhammassa kammapaccayena paccayo – upādānasampayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; diṭṭhigatavippayuttalobhasahagatā cetanā sampayuttakānaṃ khandhānaṃ lobhassa ca cittasamuṭṭhānānañca rūpānaṃ kammapaccayena paccayo. (3)

    ៨២. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – ឧបាទានវិប្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – ឧបាទានវិប្បយុត្តា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    82. Upādānavippayutto dhammo upādānavippayuttassa dhammassa kammapaccayena paccayo – sahajātā, nānākkhaṇikā. Sahajātā – upādānavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – upādānavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស វិបាកបច្ចយេន បច្ចយោ – វិបាកោ ឧបាទានវិប្បយុត្តោ ឯកោ…បេ.… ឯកំ។

    Upādānavippayutto dhammo upādānavippayuttassa dhammassa vipākapaccayena paccayo – vipāko upādānavippayutto eko…pe… ekaṃ.

    អាហារបច្ចយាទិ

    Āhārapaccayādi

    ៨៣. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ (ឥមេសុ ចតូសុបិ យថា កម្មបច្ចយេ ទិដ្ឋិគតវិប្បយុត្តោ លោភោ ទស្សិតោ ឯវំ ទស្សេតព្ពោ។ ចត្តារិ ចត្តារិ បញ្ហា)… សម្បយុត្តបច្ចយេន បច្ចយោ… ឆ។

    83. Upādānasampayutto dhammo upādānasampayuttassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo (imesu catūsupi yathā kammapaccaye diṭṭhigatavippayutto lobho dassito evaṃ dassetabbo. Cattāri cattāri pañhā)… sampayuttapaccayena paccayo… cha.

    វិប្បយុត្តបច្ចយោ

    Vippayuttapaccayo

    ៨៤. ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (១)

    84. Upādānasampayutto dhammo upādānavippayuttassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។ (១)

    Upādānavippayutto dhammo upādānavippayuttassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ឧបាទានសម្បយុត្តកានំ ខន្ធានំ វិប្បយុត្តបច្ចយេន បច្ចយោ។ (២)

    Upādānavippayutto dhammo upādānasampayuttassa dhammassa vippayuttapaccayena paccayo. Purejātaṃ – vatthu upādānasampayuttakānaṃ khandhānaṃ vippayuttapaccayena paccayo. (2)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច វិប្បយុត្តបច្ចយេន បច្ចយោ។ (៣)

    Upādānavippayutto dhammo upādānasampayuttassa ca upādānavippayuttassa ca dhammassa vippayuttapaccayena paccayo. Purejātaṃ – vatthu diṭṭhigatavippayuttalobhasahagatānaṃ khandhānaṃ lobhassa ca vippayuttapaccayena paccayo. (3)

    ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា…បេ.…។

    Upādānasampayutto ca upādānavippayutto ca dhammā upādānavippayuttassa dhammassa vippayuttapaccayena paccayo – sahajātaṃ, pacchājātaṃ. Sahajātā – diṭṭhigatavippayuttalobhasahagatā khandhā ca lobho ca cittasamuṭṭhānānaṃ rūpānaṃ vippayuttapaccayena paccayo. Pacchājātā…pe….

    អត្ថិបច្ចយាទិ

    Atthipaccayādi

    ៨៥. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អត្ថិបច្ចយេន បច្ចយោ… ឯកំ (បដិច្ចសទិសំ)។ (១)

    85. Upādānasampayutto dhammo upādānasampayuttassa dhammassa atthipaccayena paccayo… ekaṃ (paṭiccasadisaṃ). (1)

    ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ , បច្ឆាជាតំ (សំខិត្តំ)។ (២)

    Upādānasampayutto dhammo upādānavippayuttassa dhammassa atthipaccayena paccayo – sahajātaṃ , pacchājātaṃ (saṃkhittaṃ). (2)

    ឧបាទានសម្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ)។ (៣)

    Upādānasampayutto dhammo upādānasampayuttassa ca upādānavippayuttassa ca dhammassa atthipaccayena paccayo (paṭiccasadisaṃ). (3)

    ៨៦. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ (១)

    86. Upādānavippayutto dhammo upādānavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ)។ (២)

    Upādānavippayutto dhammo upādānasampayuttassa dhammassa atthipaccayena paccayo – sahajātaṃ, purejātaṃ (saṃkhittaṃ). (2)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (ឥមេសុ សហជាតំ សហជាតសទិសំ, បុរេជាតំ បុរេជាតសទិសំ)។ (៣)

    Upādānavippayutto dhammo upādānasampayuttassa ca upādānavippayuttassa ca dhammassa atthipaccayena paccayo – sahajātaṃ, purejātaṃ (imesu sahajātaṃ sahajātasadisaṃ, purejātaṃ purejātasadisaṃ). (3)

    ៨៧. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ឧបាទានសម្បយុត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតោ – ទិដ្ឋិគតវិប្បយុត្តលោភសហគតោ ឯកោ ខន្ធោ ច លោភោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ (១)

    87. Upādānasampayutto ca upādānavippayutto ca dhammā upādānasampayuttassa dhammassa atthipaccayena paccayo – sahajātaṃ, purejātaṃ. Sahajāto – upādānasampayutto eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe…. Sahajāto – diṭṭhigatavippayuttalobhasahagato eko khandho ca lobho ca tiṇṇannaṃ khandhānaṃ atthipaccayena paccayo…pe… dve khandhā ca…pe…. (1)

    ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតា – ឧបាទានសម្បយុត្តា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – ទិដ្ឋិគតវិប្បយុត្តលោភសហគតា ខន្ធា ច វត្ថុ ច លោភស្ស អត្ថិបច្ចយេន បច្ចយោ។ បច្ឆាជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Upādānasampayutto ca upādānavippayutto ca dhammā upādānavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajātā – upādānasampayuttā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Sahajātā – diṭṭhigatavippayuttalobhasahagatā khandhā ca lobho ca cittasamuṭṭhānānaṃ rūpānaṃ atthipaccayena paccayo. Sahajātā – diṭṭhigatavippayuttalobhasahagatā khandhā ca vatthu ca lobhassa atthipaccayena paccayo. Pacchājātā – diṭṭhigatavippayuttalobhasahagatā khandhā ca lobho ca purejātassa imassa kāyassa atthipaccayena paccayo. Pacchājātā – diṭṭhigatavippayuttalobhasahagatā khandhā ca lobho ca kabaḷīkāro āhāro ca imassa kāyassa atthipaccayena paccayo. Pacchājātā – diṭṭhigatavippayuttalobhasahagatā khandhā ca lobho ca rūpajīvitindriyañca kaṭattārūpānaṃ atthipaccayena paccayo. (2)

    ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ទិដ្ឋិគតវិប្បយុត្តលោភសហគតោ ឯកោ ខន្ធោ ច លោភោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតោ – ទិដ្ឋិគតវិប្បយុត្តលោភសហគតោ ឯកោ ខន្ធោ ច វត្ថុ ច តិណ្ណន្នំ ខន្ធានំ លោភស្ស ច អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ (៣)

    Upādānasampayutto ca upādānavippayutto ca dhammā upādānasampayuttassa ca upādānavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – diṭṭhigatavippayuttalobhasahagato eko khandho ca lobho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajāto – diṭṭhigatavippayuttalobhasahagato eko khandho ca vatthu ca tiṇṇannaṃ khandhānaṃ lobhassa ca atthipaccayena paccayo…pe… dve khandhā ca…pe…. (3)

    នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។

    Natthipaccayena paccayo… vigatapaccayena paccayo… avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៨៨. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ , កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    88. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe cha, nissaye nava, upanissaye nava, purejāte tīṇi, pacchājāte tīṇi, āsevane nava , kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.

    បច្ចនីយុទ្ធារោ

    Paccanīyuddhāro

    ៨៩. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    89. Upādānasampayutto dhammo upādānasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ (២)

    Upādānasampayutto dhammo upādānavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

    ឧបាទានសម្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Upādānasampayutto dhammo upādānasampayuttassa ca upādānavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ៩០. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ … បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    90. Upādānavippayutto dhammo upādānavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo … pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Upādānavippayutto dhammo upādānasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    Upādānavippayutto dhammo upādānasampayuttassa ca upādānavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ៩១. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    91. Upādānasampayutto ca upādānavippayutto ca dhammā upādānasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Upādānasampayutto ca upādānavippayutto ca dhammā upādānavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Upādānasampayutto ca upādānavippayutto ca dhammā upādānasampayuttassa ca upādānavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៩២. នហេតុយា នវ, នអារម្មណេ នវ, នអធិបតិយា នវ (សព្ពត្ថ នវ), នោអវិគតេ នវ។

    92. Nahetuyā nava, naārammaṇe nava, naadhipatiyā nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៩៣. ហេតុបច្ចយា នអារម្មណេ នវ, នអធិបតិយា នវ, នអនន្តរេ នវ, នសមនន្តរេ នវ, នអញ្ញមញ្ញេ តីណិ, នឧបនិស្សយេ នវ (សព្ពត្ថ នវ), នសម្បយុត្តេ តីណិ, នវិប្បយុត្តេ ឆ, នោនត្ថិយា នវ, នោវិគតេ នវ។

    93. Hetupaccayā naārammaṇe nava, naadhipatiyā nava, naanantare nava, nasamanantare nava, naaññamaññe tīṇi, naupanissaye nava (sabbattha nava), nasampayutte tīṇi, navippayutte cha, nonatthiyā nava, novigate nava.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៩៤. នហេតុបច្ចយា អារម្មណេ នវ, អធិបតិយា នវ (អនុលោមមាតិកា)…បេ.… អវិគតេ នវ។

    94. Nahetupaccayā ārammaṇe nava, adhipatiyā nava (anulomamātikā)…pe… avigate nava.

    ឧបាទានសម្បយុត្តទុកំ និដ្ឋិតំ។

    Upādānasampayuttadukaṃ niṭṭhitaṃ.

    ៧២. ឧបាទានឧបាទានិយទុកំ

    72. Upādānaupādāniyadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៩៥. ឧបាទានញ្ចេវ ឧបាទានិយញ្ច ធម្មំ បដិច្ច ឧបាទានោ ចេវ ឧបាទានិយោ ច ធម្មោ ឧប្បជ្ជតិ ហេតុបច្ចយា – ទិដ្ឋុបាទានំ បដិច្ច កាមុបាទានំ, កាមុបាទានំ បដិច្ច ទិដ្ឋុបាទានំ (ចក្កំ)។ (១)

    95. Upādānañceva upādāniyañca dhammaṃ paṭicca upādāno ceva upādāniyo ca dhammo uppajjati hetupaccayā – diṭṭhupādānaṃ paṭicca kāmupādānaṃ, kāmupādānaṃ paṭicca diṭṭhupādānaṃ (cakkaṃ). (1)

    ឧបាទានញ្ចេវ ឧបាទានិយញ្ច ធម្មំ បដិច្ច ឧបាទានិយោ ចេវ នោ ច ឧបាទានោ ធម្មោ ឧប្បជ្ជតិ ហេតុបច្ចយា – ឧបាទានេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (១)

    Upādānañceva upādāniyañca dhammaṃ paṭicca upādāniyo ceva no ca upādāno dhammo uppajjati hetupaccayā – upādāne paṭicca sampayuttakā khandhā cittasamuṭṭhānañca rūpaṃ. (1)

    ឧបាទានញ្ចេវ ឧបាទានិយញ្ច ធម្មំ បដិច្ច ឧបាទានោ ចេវ ឧបាទានិយោ ច ឧបាទានិយោ ចេវ នោ ច ឧបាទានោ ច ធម្មា ឧប្បជ្ជន្តិ ហេតុបច្ចយា – ទិដ្ឋុបាទានំ បដិច្ច កាមុបាទានំ សម្បយុត្តកា ច ខន្ធា ចិត្តសមុដ្ឋានានញ្ច រូបំ (ចក្កំ)។ (៣)

    Upādānañceva upādāniyañca dhammaṃ paṭicca upādāno ceva upādāniyo ca upādāniyo ceva no ca upādāno ca dhammā uppajjanti hetupaccayā – diṭṭhupādānaṃ paṭicca kāmupādānaṃ sampayuttakā ca khandhā cittasamuṭṭhānānañca rūpaṃ (cakkaṃ). (3)

    ៩៦. ឧបាទានិយញ្ចេវ នោ ច ឧបាទានំ ធម្មំ បដិច្ច ឧបាទានិយោ ចេវ នោ ច ឧបាទានោ ធម្មោ ឧប្បជ្ជតិ ហេតុបច្ចយា – ឧបាទានិយញ្ចេវ នោ ច ឧបាទានំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… (យាវ អជ្ឈត្តិកា មហាភូតា)។ (១)

    96. Upādāniyañceva no ca upādānaṃ dhammaṃ paṭicca upādāniyo ceva no ca upādāno dhammo uppajjati hetupaccayā – upādāniyañceva no ca upādānaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā). (1)

    ឧបាទានិយញ្ចេវ នោ ច ឧបាទានំ ធម្មំ បដិច្ច ឧបាទានោ ចេវ ឧបាទានិយោ ច ធម្មោ ឧប្បជ្ជតិ ហេតុបច្ចយា – ឧបាទានិយេ ចេវ នោ ច ឧបាទានេ ខន្ធេ បដិច្ច ឧបាទានា។ (២)

    Upādāniyañceva no ca upādānaṃ dhammaṃ paṭicca upādāno ceva upādāniyo ca dhammo uppajjati hetupaccayā – upādāniye ceva no ca upādāne khandhe paṭicca upādānā. (2)

    ឧបាទានិយញ្ចេវ នោ ច ឧបាទានំ ធម្មំ បដិច្ច ឧបាទានោ ចេវ ឧបាទានិយោ ច ឧបាទានិយោ ចេវ នោ ច ឧបាទានោ ច ធម្មា ឧប្បជ្ជន្តិ ហេតុបច្ចយា – ឧបាទានិយញ្ចេវ នោ ច ឧបាទានំ ឯកំ ខន្ធំ បដិច្ច តយោ ខន្ធា ឧបាទានា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Upādāniyañceva no ca upādānaṃ dhammaṃ paṭicca upādāno ceva upādāniyo ca upādāniyo ceva no ca upādāno ca dhammā uppajjanti hetupaccayā – upādāniyañceva no ca upādānaṃ ekaṃ khandhaṃ paṭicca tayo khandhā upādānā ca cittasamuṭṭhānañca rūpaṃ…pe… dve khandhe…pe…. (3)

    ៩៧. ឧបាទានញ្ចេវ ឧបាទានិយញ្ច ឧបាទានិយញ្ចេវ នោ ច ឧបាទានញ្ច ធម្មំ បដិច្ច ឧបាទានោ ចេវ ឧបាទានិយោ ច ធម្មោ ឧប្បជ្ជតិ ហេតុបច្ចយា – ទិដ្ឋុបាទានញ្ច សម្បយុត្តកេ ច ខន្ធេ បដិច្ច កាមុបាទានំ (ចក្កំ)។ (១)

    97. Upādānañceva upādāniyañca upādāniyañceva no ca upādānañca dhammaṃ paṭicca upādāno ceva upādāniyo ca dhammo uppajjati hetupaccayā – diṭṭhupādānañca sampayuttake ca khandhe paṭicca kāmupādānaṃ (cakkaṃ). (1)

    ឧបាទានញ្ចេវ ឧបាទានិយញ្ច ឧបាទានិយញ្ចេវ នោ ច ឧបាទានញ្ច ធម្មំ បដិច្ច ឧបាទានិយោ ចេវ នោ ច ឧបាទានោ ធម្មោ ឧប្បជ្ជតិ ហេតុបច្ចយា – ឧបាទានិយញ្ចេវ នោ ច ឧបាទានំ ឯកំ ខន្ធញ្ច ឧបាទានេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… ឧបាទានេ ច មហាភូតេ ច បដិច្ច ចិត្តសមុដ្ឋានំ រូបំ។ (២)

    Upādānañceva upādāniyañca upādāniyañceva no ca upādānañca dhammaṃ paṭicca upādāniyo ceva no ca upādāno dhammo uppajjati hetupaccayā – upādāniyañceva no ca upādānaṃ ekaṃ khandhañca upādāne ca paṭicca tayo khandhā cittasamuṭṭhānañca rūpaṃ…pe… dve khandhe ca…pe… upādāne ca mahābhūte ca paṭicca cittasamuṭṭhānaṃ rūpaṃ. (2)

    ឧបាទានញ្ចេវ ឧបាទានិយញ្ច ឧបាទានិយញ្ចេវ នោ ច ឧបាទានញ្ច ធម្មំ បដិច្ច ឧបាទានោ ចេវ ឧបាទានិយោ ច ឧបាទានិយោ ចេវ នោ ច ឧបាទានោ ច ធម្មា ឧប្បជ្ជន្តិ ហេតុបច្ចយា – ឧបាទានិយញ្ចេវ នោ ច ឧបាទានំ ឯកំ ខន្ធញ្ច ទិដ្ឋុបាទានញ្ច បដិច្ច តយោ ខន្ធា កាមុបាទានញ្ច ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… (ចក្កំ)។ (៣)

    Upādānañceva upādāniyañca upādāniyañceva no ca upādānañca dhammaṃ paṭicca upādāno ceva upādāniyo ca upādāniyo ceva no ca upādāno ca dhammā uppajjanti hetupaccayā – upādāniyañceva no ca upādānaṃ ekaṃ khandhañca diṭṭhupādānañca paṭicca tayo khandhā kāmupādānañca cittasamuṭṭhānañca rūpaṃ…pe… dve khandhe ca…pe… (cakkaṃ). (3)

    ២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

    2-6. Sahajāta-paccaya-nissaya-saṃsaṭṭha-sampayuttavāro

    (យថា ឧបាទានទុកំ ឯវំ បដិច្ចវារោបិ សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ កាតព្ពា, និន្នានាករណា, អាមសនំ នានាករណំ។)

    (Yathā upādānadukaṃ evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi kātabbā, ninnānākaraṇā, āmasanaṃ nānākaraṇaṃ.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៩៨. ឧបាទានោ ចេវ ឧបាទានិយោ ច ធម្មោ ឧបាទានស្ស ចេវ ឧបាទានិយស្ស ច ធម្មស្ស ហេតុបច្ចយេន បច្ចយោ – ឧបាទានា ចេវ ឧបាទានិយា ច ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ។ (១)

    98. Upādāno ceva upādāniyo ca dhammo upādānassa ceva upādāniyassa ca dhammassa hetupaccayena paccayo – upādānā ceva upādāniyā ca hetū sampayuttakānaṃ upādānānaṃ hetupaccayena paccayo. (1)

    ឧបាទានោ ចេវ ឧបាទានិយោ ច ធម្មោ ឧបាទានិយស្ស ចេវ នោ ច ឧបាទានស្ស ធម្មស្ស ហេតុបច្ចយេន បច្ចយោ – ឧបាទានា ចេវ ឧបាទានិយា ច ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ (ឧបាទានទុកសទិសា និន្នានា, នវ បញ្ហា)។

    Upādāno ceva upādāniyo ca dhammo upādāniyassa ceva no ca upādānassa dhammassa hetupaccayena paccayo – upādānā ceva upādāniyā ca hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo (upādānadukasadisā ninnānā, nava pañhā).

    អារម្មណបច្ចយោ

    Ārammaṇapaccayo

    ៩៩. ឧបាទានោ ចេវ ឧបាទានិយោ ច ធម្មោ ឧបាទានស្ស ចេវ ឧបាទានិយស្ស ច ធម្មស្ស អារម្មណបច្ចយេន បច្ចយោ – ឧបាទានេ អារព្ភ ឧបាទានា ឧប្បជ្ជន្តិ… តីណិ។

    99. Upādāno ceva upādāniyo ca dhammo upādānassa ceva upādāniyassa ca dhammassa ārammaṇapaccayena paccayo – upādāne ārabbha upādānā uppajjanti… tīṇi.

    ឧបាទានិយោ ចេវ នោ ច ឧបាទានោ ធម្មោ ឧបាទានិយស្ស ចេវ នោ ច ឧបាទានស្ស ធម្មស្ស អារម្មណបច្ចយេន បច្ចយោ – ទានំ…បេ.… ឈានា វុដ្ឋហិត្វា ឈានំ បច្ចវេក្ខតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧទ្ធច្ចំ ទោមនស្សំ ឧប្បជ្ជតិ; អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ សមុទាចិណ្ណេ…បេ.… ចក្ខុំ…បេ.… វត្ថុំ…បេ.… (សំខិត្តំ) អនាគតំសញាណស្ស អាវជ្ជនាយ អារម្មណបច្ចយេន បច្ចយោ។ (១)

    Upādāniyo ceva no ca upādāno dhammo upādāniyassa ceva no ca upādānassa dhammassa ārammaṇapaccayena paccayo – dānaṃ…pe… jhānā vuṭṭhahitvā jhānaṃ paccavekkhati, assādeti abhinandati, taṃ ārabbha rāgo uppajjati, diṭṭhi uppajjati, vicikicchā uddhaccaṃ domanassaṃ uppajjati; ariyā gotrabhuṃ paccavekkhanti, vodānaṃ paccavekkhanti, pahīne kilese…pe… vikkhambhite kilese…pe… pubbe samudāciṇṇe…pe… cakkhuṃ…pe… vatthuṃ…pe… (saṃkhittaṃ) anāgataṃsañāṇassa āvajjanāya ārammaṇapaccayena paccayo. (1)

    ឧបាទានិយោ ចេវ នោ ច ឧបាទានោ ធម្មោ ឧបាទានស្ស ចេវ ឧបាទានិយស្ស ច ធម្មស្ស អារម្មណបច្ចយេន បច្ចយោ (សំខិត្តំ, ឥតរេ ទ្វេ ឧបាទានទុកសទិសា)។ (៣)

    Upādāniyo ceva no ca upādāno dhammo upādānassa ceva upādāniyassa ca dhammassa ārammaṇapaccayena paccayo (saṃkhittaṃ, itare dve upādānadukasadisā). (3)

    ឧបាទានោ ចេវ ឧបាទានិយោ ច ឧបាទានិយោ ចេវ នោ ច ឧបាទានោ ច ធម្មា ឧបាទានស្ស ចេវ ឧបាទានិយស្ស ច ធម្មស្ស អារម្មណបច្ចយេន បច្ចយោ… តីណិ (ហេដ្ឋា អធិបតិ តីណិ, ឧបាទានទុកសទិសា)។

    Upādāno ceva upādāniyo ca upādāniyo ceva no ca upādāno ca dhammā upādānassa ceva upādāniyassa ca dhammassa ārammaṇapaccayena paccayo… tīṇi (heṭṭhā adhipati tīṇi, upādānadukasadisā).

    អធិបតិបច្ចយោ

    Adhipatipaccayo

    ១០០. ឧបាទានិយោ ចេវ នោ ច ឧបាទានោ ធម្មោ ឧបាទានិយស្ស ចេវ នោ ច ឧបាទានស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; សេក្ខា គោត្រភុំ គរុំ កត្វា…បេ.… វោទានំ…បេ.… ចក្ខុំ…បេ.… វត្ថុំ ឧបាទានិយេ ចេវ នោ ច ឧបាទានេ ខន្ធេ គរុំ កត្វា ឧបាទានិយា ចេវ នោ ច ឧបាទានា ខន្ធា ឧប្បជ្ជន្តិ។ សហជាតាធិបតិ – ឧបាទានិយា ចេវ នោ ច ឧបាទានាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ (អវសេសា ទ្វេបិ អារម្មណាធិបតិ សហជាតាធិបតិបិ ឧបាទានទុកសទិសា)។ (៣)

    100. Upādāniyo ceva no ca upādāno dhammo upādāniyassa ceva no ca upādānassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… jhānā vuṭṭhahitvā jhānaṃ garuṃ katvā paccavekkhati, assādeti abhinandati, taṃ garuṃ katvā rāgo uppajjati, diṭṭhi uppajjati; sekkhā gotrabhuṃ garuṃ katvā…pe… vodānaṃ…pe… cakkhuṃ…pe… vatthuṃ upādāniye ceva no ca upādāne khandhe garuṃ katvā upādāniyā ceva no ca upādānā khandhā uppajjanti. Sahajātādhipati – upādāniyā ceva no ca upādānādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo (avasesā dvepi ārammaṇādhipati sahajātādhipatipi upādānadukasadisā). (3)

    (ឃដនា អធិបតិ តីណិ, ឧបាទានទុកសទិសា។ សព្ពេ បច្ចយា ឧបាទានទុកសទិសា។ ឧបាទានិយេ លោកុត្តរំ នត្ថិ, បច្ចនីយម្បិ ឥតរេ ទ្វេ គណនាបិ ឧបាទានទុកសទិសំ។)

    (Ghaṭanā adhipati tīṇi, upādānadukasadisā. Sabbe paccayā upādānadukasadisā. Upādāniye lokuttaraṃ natthi, paccanīyampi itare dve gaṇanāpi upādānadukasadisaṃ.)

    ឧបាទានឧបាទានិយទុកំ និដ្ឋិតំ។

    Upādānaupādāniyadukaṃ niṭṭhitaṃ.

    ៧៣. ឧបាទានឧបាទានសម្បយុត្តទុកំ

    73. Upādānaupādānasampayuttadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១០១. ឧបាទានញ្ចេវ ឧបាទានសម្បយុត្តញ្ច ធម្មំ បដិច្ច ឧបាទានោ ចេវ ឧបាទានសម្បយុត្តោ ច ធម្មោ ឧប្បជ្ជតិ ហេតុបច្ចយា – ទិដ្ឋុបាទានំ បដិច្ច កាមុបាទានំ (ចក្កំ កាតព្ពំ)។ (១)

    101. Upādānañceva upādānasampayuttañca dhammaṃ paṭicca upādāno ceva upādānasampayutto ca dhammo uppajjati hetupaccayā – diṭṭhupādānaṃ paṭicca kāmupādānaṃ (cakkaṃ kātabbaṃ). (1)

    ឧបាទានញ្ចេវ ឧបាទានសម្បយុត្តញ្ច ធម្មំ បដិច្ច ឧបាទានសម្បយុត្តោ ចេវ នោ ច ឧបាទានោ ធម្មោ ឧប្បជ្ជតិ ហេតុបច្ចយា – ឧបាទានេ បដិច្ច សម្បយុត្តកា ខន្ធា។ (២)

    Upādānañceva upādānasampayuttañca dhammaṃ paṭicca upādānasampayutto ceva no ca upādāno dhammo uppajjati hetupaccayā – upādāne paṭicca sampayuttakā khandhā. (2)

    ឧបាទានញ្ចេវ ឧបាទានសម្បយុត្តញ្ច ធម្មំ បដិច្ច ឧបាទានោ ចេវ ឧបាទានសម្បយុត្តោ ច ឧបាទានសម្បយុត្តោ ចេវ នោ ច ឧបាទានោ ច ធម្មា ឧប្បជ្ជន្តិ ហេតុបច្ចយា – ទិដ្ឋុបាទានំ បដិច្ច កាមុបាទានំ សម្បយុត្តកា ច ខន្ធា (ចក្កំ)។ (៣)

    Upādānañceva upādānasampayuttañca dhammaṃ paṭicca upādāno ceva upādānasampayutto ca upādānasampayutto ceva no ca upādāno ca dhammā uppajjanti hetupaccayā – diṭṭhupādānaṃ paṭicca kāmupādānaṃ sampayuttakā ca khandhā (cakkaṃ). (3)

    ២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

    2-6. Sahajāta-paccaya-nissaya-saṃsaṭṭha-sampayuttavāro

    ឧបាទានសម្បយុត្តញ្ចេវ នោ ច ឧបាទានំ ធម្មំ បដិច្ច…បេ.…។ (សំខិត្តំ។ អាមសនំ នានាករណំ ឧបាទានទុកសទិសំ នវ បញ្ហា។ រូបំ នត្ថិ។ ឯវំ សព្ពេបិ វារា វិត្ថារេតព្ពា។ អរូបំយេវ។)

    Upādānasampayuttañceva no ca upādānaṃ dhammaṃ paṭicca…pe…. (Saṃkhittaṃ. Āmasanaṃ nānākaraṇaṃ upādānadukasadisaṃ nava pañhā. Rūpaṃ natthi. Evaṃ sabbepi vārā vitthāretabbā. Arūpaṃyeva.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១០២. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស ហេតុបច្ចយេន បច្ចយោ – ឧបាទានា ចេវ ឧបាទានសម្បយុត្តា ច ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ។ (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ហេតូ សម្បយុត្តកានំ ខន្ធានំ ឧបាទានានញ្ច ហេតុបច្ចយេន បច្ចយោ។ (៣)

    102. Upādāno ceva upādānasampayutto ca dhammo upādānassa ceva upādānasampayuttassa ca dhammassa hetupaccayena paccayo – upādānā ceva upādānasampayuttā ca hetū sampayuttakānaṃ upādānānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca hetū sampayuttakānaṃ khandhānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca hetū sampayuttakānaṃ khandhānaṃ upādānānañca hetupaccayena paccayo. (3)

    ១០៣. ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស ហេតុបច្ចយេន បច្ចយោ – ឧបាទានសម្បយុត្តា ចេវ នោ ច ឧបាទានា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ បុច្ឆិតព្ពំ) ឧបាទានសម្បយុត្តា ចេវ នោ ច ឧបាទានា ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ។ (មូលំ បុច្ឆិតព្ពំ) ឧបាទានសម្បយុត្តា ចេវ នោ ច ឧបាទានា ហេតូ សម្បយុត្តកានំ ខន្ធានំ ឧបាទានានញ្ច ហេតុបច្ចយេន បច្ចយោ។ (៣)

    103. Upādānasampayutto ceva no ca upādāno dhammo upādānasampayuttassa ceva no ca upādānassa dhammassa hetupaccayena paccayo – upādānasampayuttā ceva no ca upādānā hetū sampayuttakānaṃ khandhānaṃ hetupaccayena paccayo. (Mūlaṃ pucchitabbaṃ) upādānasampayuttā ceva no ca upādānā hetū sampayuttakānaṃ upādānānaṃ hetupaccayena paccayo. (Mūlaṃ pucchitabbaṃ) upādānasampayuttā ceva no ca upādānā hetū sampayuttakānaṃ khandhānaṃ upādānānañca hetupaccayena paccayo. (3)

    ១០៤. ឧបាទានោ ចេវ ឧបាទានសម្បយុត្តោ ច ឧបាទានសម្បយុត្តោ ចេវ នោ ច ឧបាទានោ ច ធម្មា ឧបាទានស្ស ចេវ ឧបាទានសម្បយុត្តស្ស ច ធម្មស្ស ហេតុបច្ចយេន បច្ចយោ – ឧបាទានា ចេវ ឧបាទានសម្បយុត្តា ច ឧបាទានសម្បយុត្តា ចេវ នោ ច ឧបាទានា ច ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ។ (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ឧបាទានសម្បយុត្តា ចេវ នោ ច ឧបាទានា ច ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ឧបាទានសម្បយុត្តា ចេវ នោ ច ឧបាទានា ច ហេតូ សម្បយុត្តកានំ ខន្ធានំ ឧបាទានានញ្ច ហេតុបច្ចយេន បច្ចយោ។ (៣)

    104. Upādāno ceva upādānasampayutto ca upādānasampayutto ceva no ca upādāno ca dhammā upādānassa ceva upādānasampayuttassa ca dhammassa hetupaccayena paccayo – upādānā ceva upādānasampayuttā ca upādānasampayuttā ceva no ca upādānā ca hetū sampayuttakānaṃ upādānānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca upādānasampayuttā ceva no ca upādānā ca hetū sampayuttakānaṃ khandhānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca upādānasampayuttā ceva no ca upādānā ca hetū sampayuttakānaṃ khandhānaṃ upādānānañca hetupaccayena paccayo. (3)

    អារម្មណបច្ចយោ

    Ārammaṇapaccayo

    ១០៥. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស អារម្មណបច្ចយេន បច្ចយោ – ឧបាទានេ អារព្ភ ឧបាទានា ឧប្បជ្ជន្តិ។ (មូលំ បុច្ឆិតព្ពំ) ឧបាទានេ អារព្ភ ឧបាទានសម្បយុត្តា ចេវ នោ ច ឧបាទានា ខន្ធា ឧប្បជ្ជន្តិ។ (មូលំ បុច្ឆិតព្ពំ) ឧបាទានេ អារព្ភ ឧបាទានា ច សម្បយុត្តកា ច ខន្ធា ឧប្បជ្ជន្តិ។ (៣)

    105. Upādāno ceva upādānasampayutto ca dhammo upādānassa ceva upādānasampayuttassa ca dhammassa ārammaṇapaccayena paccayo – upādāne ārabbha upādānā uppajjanti. (Mūlaṃ pucchitabbaṃ) upādāne ārabbha upādānasampayuttā ceva no ca upādānā khandhā uppajjanti. (Mūlaṃ pucchitabbaṃ) upādāne ārabbha upādānā ca sampayuttakā ca khandhā uppajjanti. (3)

    ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស អារម្មណបច្ចយេន បច្ចយោ – ឧបាទានសម្បយុត្តេ ចេវ នោ ច ឧបាទានេ ខន្ធេ អារព្ភ ឧបាទានសម្បយុត្តា ចេវ នោ ច ឧបាទានា ខន្ធា ឧប្បជ្ជន្តិ (តីណិបិ កាតព្ពា, ឃដនេ តីណិបិ កាតព្ពា)។

    Upādānasampayutto ceva no ca upādāno dhammo upādānasampayuttassa ceva no ca upādānassa dhammassa ārammaṇapaccayena paccayo – upādānasampayutte ceva no ca upādāne khandhe ārabbha upādānasampayuttā ceva no ca upādānā khandhā uppajjanti (tīṇipi kātabbā, ghaṭane tīṇipi kātabbā).

    អធិបតិបច្ចយោ

    Adhipatipaccayo

    ១០៦. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស អធិបតិបច្ចយេន បច្ចយោ… តីណិ។ (៣)

    106. Upādāno ceva upādānasampayutto ca dhammo upādānassa ceva upādānasampayuttassa ca dhammassa adhipatipaccayena paccayo… tīṇi. (3)

    ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ (តីណិបិ, តីសុបិ ទ្វេបិ អធិបតិ កាតព្ពា, ឃដនាធិបតិបិ តីណិ)។

    Upādānasampayutto ceva no ca upādāno dhammo upādānasampayuttassa ceva no ca upādānassa dhammassa adhipatipaccayena paccayo – ārammaṇādhipati, sahajātādhipati (tīṇipi, tīsupi dvepi adhipati kātabbā, ghaṭanādhipatipi tīṇi).

    អនន្តរបច្ចយោ

    Anantarapaccayo

    ១០៧. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទានា ចេវ ឧបាទានសម្បយុត្តា ច ខន្ធា បច្ឆិមានំ បច្ឆិមានំ ឧបាទានានំ អនន្តរបច្ចយេន បច្ចយោ (ឯវំ នវបិ បញ្ហា កាតព្ពា, អាវជ្ជនាបិ វុដ្ឋានម្បិ នត្ថិ)។

    107. Upādāno ceva upādānasampayutto ca dhammo upādānassa ceva upādānasampayuttassa ca dhammassa anantarapaccayena paccayo – purimā purimā upādānā ceva upādānasampayuttā ca khandhā pacchimānaṃ pacchimānaṃ upādānānaṃ anantarapaccayena paccayo (evaṃ navapi pañhā kātabbā, āvajjanāpi vuṭṭhānampi natthi).

    សមនន្តរបច្ចយាទិ

    Samanantarapaccayādi

    ១០៨. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ។

    108. Upādāno ceva upādānasampayutto ca dhammo upādānassa ceva upādānasampayuttassa ca dhammassa samanantarapaccayena paccayo… nava… sahajātapaccayena paccayo… nava… aññamaññapaccayena paccayo… nava… nissayapaccayena paccayo… nava.

    ឧបនិស្សយបច្ចយោ

    Upanissayapaccayo

    ១០៩. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស ឧបនិស្សយបច្ចយេន បច្ចយោ…បេ.… តីណិ។

    109. Upādāno ceva upādānasampayutto ca dhammo upādānassa ceva upādānasampayuttassa ca dhammassa upanissayapaccayena paccayo…pe… tīṇi.

    ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧបាទានសម្បយុត្តា ចេវ នោ ច ឧបាទានា ខន្ធា ឧបាទានសម្បយុត្តកានញ្ចេវ នោ ច ឧបាទានានំ ខន្ធានំ ឧបនិស្សយបច្ចយេន បច្ចយោ (តីណិ ឃដនុបនិស្សយេបិ តីណិ)… អាសេវនបច្ចយេន បច្ចយោ… នវ។

    Upādānasampayutto ceva no ca upādāno dhammo upādānasampayuttassa ceva no ca upādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upādānasampayuttā ceva no ca upādānā khandhā upādānasampayuttakānañceva no ca upādānānaṃ khandhānaṃ upanissayapaccayena paccayo (tīṇi ghaṭanupanissayepi tīṇi)… āsevanapaccayena paccayo… nava.

    កម្មបច្ចយាទិ

    Kammapaccayādi

    ១១០. ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស កម្មបច្ចយេន បច្ចយោ… តីណិ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… នវ… វិគតបច្ចយេន បច្ចយោ… នវ… អវិគតបច្ចយេន បច្ចយោ… នវ។

    110. Upādānasampayutto ceva no ca upādāno dhammo upādānasampayuttassa ceva no ca upādānassa dhammassa kammapaccayena paccayo… tīṇi… āhārapaccayena paccayo… tīṇi… indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava… atthipaccayena paccayo… nava… natthipaccayena paccayo… nava… vigatapaccayena paccayo… nava… avigatapaccayena paccayo… nava.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១១១. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ។

    111. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, āhāre tīṇi, indriye tīṇi, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava.

    បច្ចនីយុទ្ធារោ

    Paccanīyuddhāro

    ១១២. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    112. Upādāno ceva upādānasampayutto ca dhammo upādānassa ceva upādānasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    ឧបាទានោ ចេវ ឧបាទានសម្បយុត្តោ ច ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)

    Upādāno ceva upādānasampayutto ca dhammo upādānasampayuttassa ceva no ca upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)

    ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ឧបាទានសម្បយុត្តស្ស ចេវ នោ ច ឧបាទានស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (ឯវំ នវបិ កាតព្ពា, ឯកេកស្ស មូលេ តីណិ តីណិ បញ្ហា)។

    Upādāno ceva upādānasampayutto ca dhammo upādānassa ceva upādānasampayuttassa ca upādānasampayuttassa ceva no ca upādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo (evaṃ navapi kātabbā, ekekassa mūle tīṇi tīṇi pañhā).

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ១១៣. នហេតុយា នវ, នអារម្មណេ នវ, នអធិបតិយា នវ (សព្ពត្ថ នវ), នោអវិគតេ នវ។

    113. Nahetuyā nava, naārammaṇe nava, naadhipatiyā nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ១១៤. ហេតុបច្ចយា នអារម្មណេ នវ, នអធិបតិយា នវ, នអនន្តរេ នវ, នសមនន្តរេ នវ, នឧបនិស្សយេ នវ (សព្ពត្ថ នវ), នមគ្គេ នវ, នសម្បយុត្តេ នវ, នោនត្ថិយា នវ, នោវិគតេ នវ។

    114. Hetupaccayā naārammaṇe nava, naadhipatiyā nava, naanantare nava, nasamanantare nava, naupanissaye nava (sabbattha nava), namagge nava, nasampayutte nava, nonatthiyā nava, novigate nava.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ១១៥. នហេតុបច្ចយា អារម្មណេ នវ, អធិបតិយា នវ…បេ.… (អនុលោមមាតិកា កាតព្ពា)។

    115. Nahetupaccayā ārammaṇe nava, adhipatiyā nava…pe… (anulomamātikā kātabbā).

    ឧបាទានឧបាទានសម្បយុត្តទុកំ និដ្ឋិតំ។

    Upādānaupādānasampayuttadukaṃ niṭṭhitaṃ.

    ៧៤. ឧបាទានវិប្បយុត្តឧបាទានិយទុកំ

    74. Upādānavippayuttaupādāniyadukaṃ

    ១. បដិច្ចវារោ

    1. Paṭiccavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ១១៦. ឧបាទានវិប្បយុត្តំ ឧបាទានិយំ ធម្មំ បដិច្ច ឧបាទានវិប្បយុត្តោ ឧបាទានិយោ ធម្មោ ឧប្បជ្ជតិ ហេតុបច្ចយា – ឧបាទានវិប្បយុត្តំ ឧបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ឯកំ មហាភូតំ…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)

    116. Upādānavippayuttaṃ upādāniyaṃ dhammaṃ paṭicca upādānavippayutto upādāniyo dhammo uppajjati hetupaccayā – upādānavippayuttaṃ upādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    ឧបាទានវិប្បយុត្តំ អនុបាទានិយំ ធម្មំ បដិច្ច ឧបាទានវិប្បយុត្តោ អនុបាទានិយោ ធម្មោ ឧប្បជ្ជតិ ហេតុបច្ចយា – ឧបាទានវិប្បយុត្តំ អនុបាទានិយំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Upādānavippayuttaṃ anupādāniyaṃ dhammaṃ paṭicca upādānavippayutto anupādāniyo dhammo uppajjati hetupaccayā – upādānavippayuttaṃ anupādāniyaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ឧបាទានវិប្បយុត្តំ អនុបាទានិយំ ធម្មំ បដិច្ច ឧបាទានវិប្បយុត្តោ ឧបាទានិយោ ធម្មោ ឧប្បជ្ជតិ ហេតុបច្ចយា – ឧបាទានវិប្បយុត្តេ អនុបាទានិយេ ខន្ធេ បដិច្ច ចិត្តសមុដ្ឋានំ រូបំ។ (២)

    Upādānavippayuttaṃ anupādāniyaṃ dhammaṃ paṭicca upādānavippayutto upādāniyo dhammo uppajjati hetupaccayā – upādānavippayutte anupādāniye khandhe paṭicca cittasamuṭṭhānaṃ rūpaṃ. (2)

    ឧបាទានវិប្បយុត្តំ អនុបាទានិយំ ធម្មំ បដិច្ច ឧបាទានវិប្បយុត្តោ ឧបាទានិយោ ច ឧបាទានវិប្បយុត្តោ អនុបាទានិយោ ច ធម្មា ឧប្បជ្ជន្តិ ហេតុបច្ចយា – ឧបាទានវិប្បយុត្តំ អនុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Upādānavippayuttaṃ anupādāniyaṃ dhammaṃ paṭicca upādānavippayutto upādāniyo ca upādānavippayutto anupādāniyo ca dhammā uppajjanti hetupaccayā – upādānavippayuttaṃ anupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ឧបាទានវិប្បយុត្តំ ឧបាទានិយញ្ច ឧបាទានវិប្បយុត្តំ អនុបាទានិយញ្ច ធម្មំ បដិច្ច ឧបាទានវិប្បយុត្តោ ឧបាទានិយោ ធម្មោ ឧប្បជ្ជតិ ហេតុបច្ចយា – ឧបាទានវិប្បយុត្តេ អនុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Upādānavippayuttaṃ upādāniyañca upādānavippayuttaṃ anupādāniyañca dhammaṃ paṭicca upādānavippayutto upādāniyo dhammo uppajjati hetupaccayā – upādānavippayutte anupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    ហេតុយា បញ្ច, អារម្មណេ ទ្វេ…បេ.… អវិគតេ បញ្ច។

    Hetuyā pañca, ārammaṇe dve…pe… avigate pañca.

    (ឥមំ ទុកំ ចូឡន្តរទុកេ លោកិយទុកសទិសំ, និន្នានាករណំ។)

    (Imaṃ dukaṃ cūḷantaraduke lokiyadukasadisaṃ, ninnānākaraṇaṃ.)

    ឧបាទានវិប្បយុត្តឧបាទានិយទុកំ និដ្ឋិតំ។

    Upādānavippayuttaupādāniyadukaṃ niṭṭhitaṃ.

    ឧបាទានគោច្ឆកំ និដ្ឋិតំ។

    Upādānagocchakaṃ niṭṭhitaṃ.

    តតិយោ ភាគោ និដ្ឋិតោ។

    Tatiyo bhāgo niṭṭhito.




    Next: ១២. កិលេសគោច្ឆកំ • 12. Kilesagocchakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact