| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. убаад̣̇аанабан̃хаасуд̇д̇ам̣
12. Upādānapañhāsuttaṃ
325. ‘‘‘убаад̣̇аанам̣, убаад̣̇аана’нд̇и, аавусо саарибуд̇д̇а, вужжад̇и. гад̇амам̣ ну ко, аавусо, убаад̣̇аана’’нд̇и? ‘‘жад̇д̇ааримаани, аавусо, убаад̣̇аанаани. гаамубаад̣̇аанам̣, д̣̇идтубаад̣̇аанам̣ сийлаб̣б̣ад̇убаад̣̇аанам̣, ад̇д̇аваад̣̇убаад̣̇аанам̣ – имаани ко, аавусо, жад̇д̇аари убаад̣̇аанааний’’д̇и. ‘‘ад̇т̇и банаавусо, маг̇г̇о ад̇т̇и бадибад̣̇аа, зд̇зсам̣ убаад̣̇аанаанам̣ бахаанааяаа’’д̇и? ‘‘ад̇т̇и ко, аавусо, маг̇г̇о ад̇т̇и бадибад̣̇аа, зд̇зсам̣ убаад̣̇аанаанам̣ бахаанааяаа’’д̇и . ‘‘гад̇амо банаавусо, маг̇г̇о гад̇амаа бадибад̣̇аа, зд̇зсам̣ убаад̣̇аанаанам̣ бахаанааяаа’’д̇и? ‘‘аяамзва ко, аавусо, арияо адтан̇г̇иго маг̇г̇о, зд̇зсам̣ убаад̣̇аанаанам̣ бахаанааяа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко, аавусо, маг̇г̇о аяам̣ бадибад̣̇аа, зд̇зсам̣ убаад̣̇аанаанам̣ бахаанааяаа’’д̇и. ‘‘бхад̣̇д̣̇аго, аавусо, маг̇г̇о бхад̣̇д̣̇игаа бадибад̣̇аа, зд̇зсам̣ убаад̣̇аанаанам̣ бахаанааяа. алан̃жа банаавусо саарибуд̇д̇а, аббамаад̣̇ааяаа’’д̇и. д̣̇ваад̣̇асамам̣.
325. ‘‘‘Upādānaṃ, upādāna’nti, āvuso sāriputta, vuccati. Katamaṃ nu kho, āvuso, upādāna’’nti? ‘‘Cattārimāni, āvuso, upādānāni. Kāmupādānaṃ, diṭṭhupādānaṃ sīlabbatupādānaṃ, attavādupādānaṃ – imāni kho, āvuso, cattāri upādānānī’’ti. ‘‘Atthi panāvuso, maggo atthi paṭipadā, etesaṃ upādānānaṃ pahānāyā’’ti? ‘‘Atthi kho, āvuso, maggo atthi paṭipadā, etesaṃ upādānānaṃ pahānāyā’’ti . ‘‘Katamo panāvuso, maggo katamā paṭipadā, etesaṃ upādānānaṃ pahānāyā’’ti? ‘‘Ayameva kho, āvuso, ariyo aṭṭhaṅgiko maggo, etesaṃ upādānānaṃ pahānāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etesaṃ upādānānaṃ pahānāyā’’ti. ‘‘Bhaddako, āvuso, maggo bhaddikā paṭipadā, etesaṃ upādānānaṃ pahānāya. Alañca panāvuso sāriputta, appamādāyā’’ti. Dvādasamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-15. д̇хаммаваад̣̇ийбан̃хаасуд̇д̇аад̣̇иван̣н̣анаа • 3-15. Dhammavādīpañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-15. д̇хаммаваад̣̇ийбан̃хасуд̇д̇аад̣̇иван̣н̣анаа • 3-15. Dhammavādīpañhasuttādivaṇṇanā
