| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. உபாதா³னபரிபவத்தஸுத்தவண்ணனா
4. Upādānaparipavattasuttavaṇṇanā
56. சதுத்தே² சதுபரிவட்டந்தி ஏகேகஸ்மிங் க²ந்தே⁴ சதுன்னங் பரிவட்டனவஸேன. ரூபங் அப்³ப⁴ஞ்ஞாஸிந்தி ரூபங் து³க்க²ஸச்சந்தி அபி⁴ஞ்ஞாஸிங். ஏவங் ஸப்³ப³பதே³ஸு சதுஸச்சவஸேனேவ அத்தோ² வேதி³தப்³போ³. ஆஹாரஸமுத³யாதி எத்த² ஸச்ச²ந்த³ராகோ³ கப³ளீகாராஹாரோ ஆஹாரோ நாம. படிபன்னாதி ஸீலதோ பட்டா²ய யாவ அரஹத்தமக்³கா³ படிபன்னா ஹொந்தி. கா³த⁴ந்தீதி பதிட்ட²ஹந்தி. எத்தாவதா ஸெக்க²பூ⁴மிங் கதெ²த்வா இதா³னி அஸெக்க²பூ⁴மிங் கதெ²ந்தோ யே ச கோ² கேசி, பி⁴க்க²வேதிஆதி³மாஹ. ஸுவிமுத்தாதி அரஹத்தப²லவிமுத்தியா ஸுட்டு² விமுத்தா. கேவலினோதி ஸகலினோ கதஸப்³ப³கிச்சா. வட்டங் தேஸங் நத்தி² பஞ்ஞாபனாயாதி யேன தே அவஸிட்டே²ன வட்டேன பஞ்ஞாபெய்யுங், தங் நேஸங் வட்டங் நத்தி² பஞ்ஞாபனாய. அத² வா வட்டந்தி காரணங், பஞ்ஞாபனாய காரணங் நத்தீ²தி. எத்தாவதா அஸெக்க²பூ⁴மிவாரோ கதி²தோ. சதுத்த²ங்.
56. Catutthe catuparivaṭṭanti ekekasmiṃ khandhe catunnaṃ parivaṭṭanavasena. Rūpaṃ abbhaññāsinti rūpaṃ dukkhasaccanti abhiññāsiṃ. Evaṃ sabbapadesu catusaccavaseneva attho veditabbo. Āhārasamudayāti ettha sacchandarāgo kabaḷīkārāhāro āhāro nāma. Paṭipannāti sīlato paṭṭhāya yāva arahattamaggā paṭipannā honti. Gādhantīti patiṭṭhahanti. Ettāvatā sekkhabhūmiṃ kathetvā idāni asekkhabhūmiṃ kathento ye ca kho keci, bhikkhavetiādimāha. Suvimuttāti arahattaphalavimuttiyā suṭṭhu vimuttā. Kevalinoti sakalino katasabbakiccā. Vaṭṭaṃ tesaṃ natthi paññāpanāyāti yena te avasiṭṭhena vaṭṭena paññāpeyyuṃ, taṃ nesaṃ vaṭṭaṃ natthi paññāpanāya. Atha vā vaṭṭanti kāraṇaṃ, paññāpanāya kāraṇaṃ natthīti. Ettāvatā asekkhabhūmivāro kathito. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. உபாதா³னபரிபவத்தஸுத்தங் • 4. Upādānaparipavattasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. உபாதா³னபரிபவத்தஸுத்தவண்ணனா • 4. Upādānaparipavattasuttavaṇṇanā
