| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. убаад̣̇аанабарибавад̇д̇асуд̇д̇аван̣н̣анаа
4. Upādānaparipavattasuttavaṇṇanā
56. жад̇уд̇т̇з жад̇убаривадданд̇и згзгасмим̣ канд̇хз жад̇уннам̣ баривадданавасзна. руубам̣ аб̣бхан̃н̃аасинд̇и руубам̣ д̣̇угкасажжанд̇и абхин̃н̃аасим̣. звам̣ саб̣б̣абад̣̇зсу жад̇усажжавасзнзва ад̇т̇о взд̣̇ид̇аб̣б̣о. аахаарасамуд̣̇аяаад̇и зд̇т̇а сажчанд̣̇арааг̇о габ̣ал̣ийгаараахааро аахааро наама. бадибаннаад̇и сийлад̇о бадтааяа яаава арахад̇д̇амаг̇г̇аа бадибаннаа хонд̇и. г̇аад̇ханд̇ийд̇и бад̇идтаханд̇и. зд̇д̇аавад̇аа сзгкабхуумим̣ гат̇зд̇ваа ид̣̇аани асзгкабхуумим̣ гат̇знд̇о яз жа ко гзжи, бхигкавзд̇иаад̣̇имааха. сувимуд̇д̇аад̇и арахад̇д̇апалавимуд̇д̇ияаа судту вимуд̇д̇аа. гзвалинод̇и сагалино гад̇асаб̣б̣агижжаа. ваддам̣ д̇зсам̣ над̇т̇и бан̃н̃аабанааяаад̇и язна д̇з авасидтзна ваддзна бан̃н̃аабзяяум̣, д̇ам̣ нзсам̣ ваддам̣ над̇т̇и бан̃н̃аабанааяа. ат̇а ваа вадданд̇и гааран̣ам̣, бан̃н̃аабанааяа гааран̣ам̣ над̇т̇ийд̇и. зд̇д̇аавад̇аа асзгкабхуумивааро гат̇ид̇о. жад̇уд̇т̇ам̣.
56. Catutthe catuparivaṭṭanti ekekasmiṃ khandhe catunnaṃ parivaṭṭanavasena. Rūpaṃ abbhaññāsinti rūpaṃ dukkhasaccanti abhiññāsiṃ. Evaṃ sabbapadesu catusaccavaseneva attho veditabbo. Āhārasamudayāti ettha sacchandarāgo kabaḷīkārāhāro āhāro nāma. Paṭipannāti sīlato paṭṭhāya yāva arahattamaggā paṭipannā honti. Gādhantīti patiṭṭhahanti. Ettāvatā sekkhabhūmiṃ kathetvā idāni asekkhabhūmiṃ kathento ye ca kho keci, bhikkhavetiādimāha. Suvimuttāti arahattaphalavimuttiyā suṭṭhu vimuttā. Kevalinoti sakalino katasabbakiccā. Vaṭṭaṃ tesaṃ natthi paññāpanāyāti yena te avasiṭṭhena vaṭṭena paññāpeyyuṃ, taṃ nesaṃ vaṭṭaṃ natthi paññāpanāya. Atha vā vaṭṭanti kāraṇaṃ, paññāpanāya kāraṇaṃ natthīti. Ettāvatā asekkhabhūmivāro kathito. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. убаад̣̇аанабарибавад̇д̇асуд̇д̇ам̣ • 4. Upādānaparipavattasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. убаад̣̇аанабарибавад̇д̇асуд̇д̇аван̣н̣анаа • 4. Upādānaparipavattasuttavaṇṇanā
