| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. убаад̣̇аанабарибавад̇д̇асуд̇д̇аван̣н̣анаа
4. Upādānaparipavattasuttavaṇṇanā
56. жад̇уннам̣ баривадданавасзнаад̇и бажжзгагканд̇хзсу жад̇уннам̣ арияасажжаанам̣ баривадданавасзна. руубам̣ аб̣бхан̃н̃аасинд̇и сагалабхууд̇убаад̣̇ааруубам̣ гужчид̇абхаавад̇о д̇ад̇т̇а жа д̇ужчавибаллаасад̇ааяа ‘‘д̣̇угкасажжа’’нд̇и абхивисидтзна н̃аан̣зна ан̃н̃аасим̣ бадивиж̇жхим̣. аахааравасзна руубагааяасса хаанивуд̣̇д̇хаад̣̇ийнам̣ баагадабхаавад̇о висзсабажжаяад̇о жа д̇асса ‘‘аахаарасамуд̣̇аяаа’’д̇и вуд̇д̇ам̣. д̣̇угкасамуд̣̇аяагат̇аа наама ваддагат̇аад̇и ‘‘сажчанд̣̇арааг̇о’’д̇и висзсзд̇ваа вуд̇д̇ам̣. чанд̣̇арааг̇аг̇г̇ахан̣зна жа убаад̣̇аанагаммаавиж̇ж̇ааби г̇ахид̇аа зва. бадибаннаа хонд̇ийд̇и ад̇т̇о. вад̇д̇амаанагаалаббаяог̇о хзса яат̇аа ‘‘гусалам̣ жид̇д̇ам̣ уббаннам̣ ход̇ий’’д̇и. бад̇идтаханд̇ийд̇и бад̇идтам̣ лабханд̇и. гзвалинод̇и ид̇ха вимуд̇д̇иг̇ун̣зна баарибуурийд̇и ааха ‘‘сагалино гад̇асаб̣б̣агижжаа’’д̇и. язна д̇зд̇и язна авасидтзна д̇з асзгкз бан̃н̃аабзнд̇аа бан̃н̃аабзяяум̣, д̇ам̣ нзсам̣ ваддам̣ сзгкаанам̣ вияа над̇т̇и бан̃н̃аабанааяа. вадданд̇и гааран̣ам̣ вадданадтзна паласса бавад̇д̇анадтзна. асзгкабхуумиваарод̇и асзгкабхуумиббавад̇д̇и.
56.Catunnaṃparivaṭṭanavasenāti paccekakkhandhesu catunnaṃ ariyasaccānaṃ parivaṭṭanavasena. Rūpaṃ abbhaññāsinti sakalabhūtupādārūpaṃ kucchitabhāvato tattha ca tucchavipallāsatāya ‘‘dukkhasacca’’nti abhivisiṭṭhena ñāṇena aññāsiṃ paṭivijjhiṃ. Āhāravasena rūpakāyassa hānivuddhādīnaṃ pākaṭabhāvato visesapaccayato ca tassa ‘‘āhārasamudayā’’ti vuttaṃ. Dukkhasamudayakathā nāma vaṭṭakathāti ‘‘sacchandarāgo’’ti visesetvā vuttaṃ. Chandarāgaggahaṇena ca upādānakammāvijjāpi gahitā eva. Paṭipannā hontīti attho. Vattamānakālappayogo hesa yathā ‘‘kusalaṃ cittaṃ uppannaṃ hotī’’ti. Patiṭṭhahantīti patiṭṭhaṃ labhanti. Kevalinoti idha vimuttiguṇena pāripūrīti āha ‘‘sakalino katasabbakiccā’’ti. Yena teti yena avasiṭṭhena te asekkhe paññāpentā paññāpeyyuṃ, taṃ nesaṃ vaṭṭaṃ sekkhānaṃ viya natthi paññāpanāya. Vaṭṭanti kāraṇaṃ vaṭṭanaṭṭhena phalassa pavattanaṭṭhena. Asekkhabhūmivāroti asekkhabhūmippavatti.
убаад̣̇аанабарибавад̇д̇асуд̇д̇аван̣н̣анаа нидтид̇аа.
Upādānaparipavattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. убаад̣̇аанабарибавад̇д̇асуд̇д̇ам̣ • 4. Upādānaparipavattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. убаад̣̇аанабарибавад̇д̇асуд̇д̇аван̣н̣анаа • 4. Upādānaparipavattasuttavaṇṇanā
