| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๔. อุปาทานปริปวตฺตสุตฺตวณฺณนา
4. Upādānaparipavattasuttavaṇṇanā
๕๖. จตุนฺนํ ปริวฎฺฎนวเสนาติ ปเจฺจกกฺขเนฺธสุ จตุนฺนํ อริยสจฺจานํ ปริวฎฺฎนวเสนฯ รูปํ อพฺภญฺญาสินฺติ สกลภูตุปาทารูปํ กุจฺฉิตภาวโต ตตฺถ จ ตุจฺฉวิปลฺลาสตาย ‘‘ทุกฺขสจฺจ’’นฺติ อภิวิสิเฎฺฐน ญาเณน อญฺญาสิํ ปฎิวิชฺฌิํฯ อาหารวเสน รูปกายสฺส หานิวุทฺธาทีนํ ปากฎภาวโต วิเสสปจฺจยโต จ ตสฺส ‘‘อาหารสมุทยา’’ติ วุตฺตํฯ ทุกฺขสมุทยกถา นาม วฎฺฎกถาติ ‘‘สจฺฉนฺทราโค’’ติ วิเสเสตฺวา วุตฺตํฯ ฉนฺทราคคฺคหเณน จ อุปาทานกมฺมาวิชฺชาปิ คหิตา เอวฯ ปฎิปนฺนา โหนฺตีติ อโตฺถฯ วตฺตมานกาลปฺปโยโค เหส ยถา ‘‘กุสลํ จิตฺตํ อุปฺปนฺนํ โหตี’’ติฯ ปติฎฺฐหนฺตีติ ปติฎฺฐํ ลภนฺติฯ เกวลิโนติ อิธ วิมุตฺติคุเณน ปาริปูรีติ อาห ‘‘สกลิโน กตสพฺพกิจฺจา’’ติฯ เยน เตติ เยน อวสิเฎฺฐน เต อเสเกฺข ปญฺญาเปนฺตา ปญฺญาเปยฺยุํ, ตํ เนสํ วฎฺฎํ เสกฺขานํ วิย นตฺถิ ปญฺญาปนายฯ วฎฺฎนฺติ การณํ วฎฺฎนเฎฺฐน ผลสฺส ปวตฺตนเฎฺฐนฯ อเสกฺขภูมิวาโรติ อเสกฺขภูมิปฺปวตฺติฯ
56.Catunnaṃparivaṭṭanavasenāti paccekakkhandhesu catunnaṃ ariyasaccānaṃ parivaṭṭanavasena. Rūpaṃ abbhaññāsinti sakalabhūtupādārūpaṃ kucchitabhāvato tattha ca tucchavipallāsatāya ‘‘dukkhasacca’’nti abhivisiṭṭhena ñāṇena aññāsiṃ paṭivijjhiṃ. Āhāravasena rūpakāyassa hānivuddhādīnaṃ pākaṭabhāvato visesapaccayato ca tassa ‘‘āhārasamudayā’’ti vuttaṃ. Dukkhasamudayakathā nāma vaṭṭakathāti ‘‘sacchandarāgo’’ti visesetvā vuttaṃ. Chandarāgaggahaṇena ca upādānakammāvijjāpi gahitā eva. Paṭipannā hontīti attho. Vattamānakālappayogo hesa yathā ‘‘kusalaṃ cittaṃ uppannaṃ hotī’’ti. Patiṭṭhahantīti patiṭṭhaṃ labhanti. Kevalinoti idha vimuttiguṇena pāripūrīti āha ‘‘sakalino katasabbakiccā’’ti. Yena teti yena avasiṭṭhena te asekkhe paññāpentā paññāpeyyuṃ, taṃ nesaṃ vaṭṭaṃ sekkhānaṃ viya natthi paññāpanāya. Vaṭṭanti kāraṇaṃ vaṭṭanaṭṭhena phalassa pavattanaṭṭhena. Asekkhabhūmivāroti asekkhabhūmippavatti.
อุปาทานปริปวตฺตสุตฺตวณฺณนา นิฎฺฐิตาฯ
Upādānaparipavattasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. อุปาทานปริปวตฺตสุตฺตํ • 4. Upādānaparipavattasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. อุปาทานปริปวตฺตสุตฺตวณฺณนา • 4. Upādānaparipavattasuttavaṇṇanā
