| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਉਪਾਦਾਨਪਰਿਪવਤ੍ਤਸੁਤ੍ਤવਣ੍ਣਨਾ
4. Upādānaparipavattasuttavaṇṇanā
੫੬. ਚਤੁਤ੍ਥੇ ਚਤੁਪਰਿવਟ੍ਟਨ੍ਤਿ ਏਕੇਕਸ੍ਮਿਂ ਖਨ੍ਧੇ ਚਤੁਨ੍ਨਂ ਪਰਿવਟ੍ਟਨવਸੇਨ। ਰੂਪਂ ਅਬ੍ਭਞ੍ਞਾਸਿਨ੍ਤਿ ਰੂਪਂ ਦੁਕ੍ਖਸਚ੍ਚਨ੍ਤਿ ਅਭਿਞ੍ਞਾਸਿਂ। ਏવਂ ਸਬ੍ਬਪਦੇਸੁ ਚਤੁਸਚ੍ਚવਸੇਨੇવ ਅਤ੍ਥੋ વੇਦਿਤਬ੍ਬੋ। ਆਹਾਰਸਮੁਦਯਾਤਿ ਏਤ੍ਥ ਸਚ੍ਛਨ੍ਦਰਾਗੋ ਕਬਲ਼ੀਕਾਰਾਹਾਰੋ ਆਹਾਰੋ ਨਾਮ। ਪਟਿਪਨ੍ਨਾਤਿ ਸੀਲਤੋ ਪਟ੍ਠਾਯ ਯਾવ ਅਰਹਤ੍ਤਮਗ੍ਗਾ ਪਟਿਪਨ੍ਨਾ ਹੋਨ੍ਤਿ। ਗਾਧਨ੍ਤੀਤਿ ਪਤਿਟ੍ਠਹਨ੍ਤਿ। ਏਤ੍ਤਾવਤਾ ਸੇਕ੍ਖਭੂਮਿਂ ਕਥੇਤ੍વਾ ਇਦਾਨਿ ਅਸੇਕ੍ਖਭੂਮਿਂ ਕਥੇਨ੍ਤੋ ਯੇ ਚ ਖੋ ਕੇਚਿ, ਭਿਕ੍ਖવੇਤਿਆਦਿਮਾਹ। ਸੁવਿਮੁਤ੍ਤਾਤਿ ਅਰਹਤ੍ਤਫਲવਿਮੁਤ੍ਤਿਯਾ ਸੁਟ੍ਠੁ વਿਮੁਤ੍ਤਾ। ਕੇવਲਿਨੋਤਿ ਸਕਲਿਨੋ ਕਤਸਬ੍ਬਕਿਚ੍ਚਾ। વਟ੍ਟਂ ਤੇਸਂ ਨਤ੍ਥਿ ਪਞ੍ਞਾਪਨਾਯਾਤਿ ਯੇਨ ਤੇ ਅવਸਿਟ੍ਠੇਨ વਟ੍ਟੇਨ ਪਞ੍ਞਾਪੇਯ੍ਯੁਂ, ਤਂ ਨੇਸਂ વਟ੍ਟਂ ਨਤ੍ਥਿ ਪਞ੍ਞਾਪਨਾਯ। ਅਥ વਾ વਟ੍ਟਨ੍ਤਿ ਕਾਰਣਂ, ਪਞ੍ਞਾਪਨਾਯ ਕਾਰਣਂ ਨਤ੍ਥੀਤਿ। ਏਤ੍ਤਾવਤਾ ਅਸੇਕ੍ਖਭੂਮਿવਾਰੋ ਕਥਿਤੋ। ਚਤੁਤ੍ਥਂ।
56. Catutthe catuparivaṭṭanti ekekasmiṃ khandhe catunnaṃ parivaṭṭanavasena. Rūpaṃ abbhaññāsinti rūpaṃ dukkhasaccanti abhiññāsiṃ. Evaṃ sabbapadesu catusaccavaseneva attho veditabbo. Āhārasamudayāti ettha sacchandarāgo kabaḷīkārāhāro āhāro nāma. Paṭipannāti sīlato paṭṭhāya yāva arahattamaggā paṭipannā honti. Gādhantīti patiṭṭhahanti. Ettāvatā sekkhabhūmiṃ kathetvā idāni asekkhabhūmiṃ kathento ye ca kho keci, bhikkhavetiādimāha. Suvimuttāti arahattaphalavimuttiyā suṭṭhu vimuttā. Kevalinoti sakalino katasabbakiccā. Vaṭṭaṃ tesaṃ natthi paññāpanāyāti yena te avasiṭṭhena vaṭṭena paññāpeyyuṃ, taṃ nesaṃ vaṭṭaṃ natthi paññāpanāya. Atha vā vaṭṭanti kāraṇaṃ, paññāpanāya kāraṇaṃ natthīti. Ettāvatā asekkhabhūmivāro kathito. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਉਪਾਦਾਨਪਰਿਪવਤ੍ਤਸੁਤ੍ਤਂ • 4. Upādānaparipavattasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਉਪਾਦਾਨਪਰਿਪવਤ੍ਤਸੁਤ੍ਤવਣ੍ਣਨਾ • 4. Upādānaparipavattasuttavaṇṇanā
