| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਉਪਾਦਾਨਪਰਿਪવਤ੍ਤਸੁਤ੍ਤવਣ੍ਣਨਾ
4. Upādānaparipavattasuttavaṇṇanā
੫੬. ਚਤੁਨ੍ਨਂ ਪਰਿવਟ੍ਟਨવਸੇਨਾਤਿ ਪਚ੍ਚੇਕਕ੍ਖਨ੍ਧੇਸੁ ਚਤੁਨ੍ਨਂ ਅਰਿਯਸਚ੍ਚਾਨਂ ਪਰਿવਟ੍ਟਨવਸੇਨ। ਰੂਪਂ ਅਬ੍ਭਞ੍ਞਾਸਿਨ੍ਤਿ ਸਕਲਭੂਤੁਪਾਦਾਰੂਪਂ ਕੁਚ੍ਛਿਤਭਾવਤੋ ਤਤ੍ਥ ਚ ਤੁਚ੍ਛવਿਪਲ੍ਲਾਸਤਾਯ ‘‘ਦੁਕ੍ਖਸਚ੍ਚ’’ਨ੍ਤਿ ਅਭਿવਿਸਿਟ੍ਠੇਨ ਞਾਣੇਨ ਅਞ੍ਞਾਸਿਂ ਪਟਿવਿਜ੍ਝਿਂ। ਆਹਾਰવਸੇਨ ਰੂਪਕਾਯਸ੍ਸ ਹਾਨਿવੁਦ੍ਧਾਦੀਨਂ ਪਾਕਟਭਾવਤੋ વਿਸੇਸਪਚ੍ਚਯਤੋ ਚ ਤਸ੍ਸ ‘‘ਆਹਾਰਸਮੁਦਯਾ’’ਤਿ વੁਤ੍ਤਂ। ਦੁਕ੍ਖਸਮੁਦਯਕਥਾ ਨਾਮ વਟ੍ਟਕਥਾਤਿ ‘‘ਸਚ੍ਛਨ੍ਦਰਾਗੋ’’ਤਿ વਿਸੇਸੇਤ੍વਾ વੁਤ੍ਤਂ। ਛਨ੍ਦਰਾਗਗ੍ਗਹਣੇਨ ਚ ਉਪਾਦਾਨਕਮ੍ਮਾવਿਜ੍ਜਾਪਿ ਗਹਿਤਾ ਏવ। ਪਟਿਪਨ੍ਨਾ ਹੋਨ੍ਤੀਤਿ ਅਤ੍ਥੋ। વਤ੍ਤਮਾਨਕਾਲਪ੍ਪਯੋਗੋ ਹੇਸ ਯਥਾ ‘‘ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤੀ’’ਤਿ। ਪਤਿਟ੍ਠਹਨ੍ਤੀਤਿ ਪਤਿਟ੍ਠਂ ਲਭਨ੍ਤਿ। ਕੇવਲਿਨੋਤਿ ਇਧ વਿਮੁਤ੍ਤਿਗੁਣੇਨ ਪਾਰਿਪੂਰੀਤਿ ਆਹ ‘‘ਸਕਲਿਨੋ ਕਤਸਬ੍ਬਕਿਚ੍ਚਾ’’ਤਿ। ਯੇਨ ਤੇਤਿ ਯੇਨ ਅવਸਿਟ੍ਠੇਨ ਤੇ ਅਸੇਕ੍ਖੇ ਪਞ੍ਞਾਪੇਨ੍ਤਾ ਪਞ੍ਞਾਪੇਯ੍ਯੁਂ, ਤਂ ਨੇਸਂ વਟ੍ਟਂ ਸੇਕ੍ਖਾਨਂ વਿਯ ਨਤ੍ਥਿ ਪਞ੍ਞਾਪਨਾਯ। વਟ੍ਟਨ੍ਤਿ ਕਾਰਣਂ વਟ੍ਟਨਟ੍ਠੇਨ ਫਲਸ੍ਸ ਪવਤ੍ਤਨਟ੍ਠੇਨ। ਅਸੇਕ੍ਖਭੂਮਿવਾਰੋਤਿ ਅਸੇਕ੍ਖਭੂਮਿਪ੍ਪવਤ੍ਤਿ।
56.Catunnaṃparivaṭṭanavasenāti paccekakkhandhesu catunnaṃ ariyasaccānaṃ parivaṭṭanavasena. Rūpaṃ abbhaññāsinti sakalabhūtupādārūpaṃ kucchitabhāvato tattha ca tucchavipallāsatāya ‘‘dukkhasacca’’nti abhivisiṭṭhena ñāṇena aññāsiṃ paṭivijjhiṃ. Āhāravasena rūpakāyassa hānivuddhādīnaṃ pākaṭabhāvato visesapaccayato ca tassa ‘‘āhārasamudayā’’ti vuttaṃ. Dukkhasamudayakathā nāma vaṭṭakathāti ‘‘sacchandarāgo’’ti visesetvā vuttaṃ. Chandarāgaggahaṇena ca upādānakammāvijjāpi gahitā eva. Paṭipannā hontīti attho. Vattamānakālappayogo hesa yathā ‘‘kusalaṃ cittaṃ uppannaṃ hotī’’ti. Patiṭṭhahantīti patiṭṭhaṃ labhanti. Kevalinoti idha vimuttiguṇena pāripūrīti āha ‘‘sakalino katasabbakiccā’’ti. Yena teti yena avasiṭṭhena te asekkhe paññāpentā paññāpeyyuṃ, taṃ nesaṃ vaṭṭaṃ sekkhānaṃ viya natthi paññāpanāya. Vaṭṭanti kāraṇaṃ vaṭṭanaṭṭhena phalassa pavattanaṭṭhena. Asekkhabhūmivāroti asekkhabhūmippavatti.
ਉਪਾਦਾਨਪਰਿਪવਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upādānaparipavattasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਉਪਾਦਾਨਪਰਿਪવਤ੍ਤਸੁਤ੍ਤਂ • 4. Upādānaparipavattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਉਪਾਦਾਨਪਰਿਪવਤ੍ਤਸੁਤ੍ਤવਣ੍ਣਨਾ • 4. Upādānaparipavattasuttavaṇṇanā
