| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ಉಪಾದಾನಸುತ್ತವಣ್ಣನಾ
2. Upādānasuttavaṇṇanā
೫೨. ಆರಮ್ಮಣಾದಿಭಾವೇನ ಸಂವತ್ತನತೋ ಉಪಾದಾನಾನಂ ಹಿತಾನಿ ಉಪಾದಾನಿಯಾನಿ, ತೇಸು ಉಪಾದಾನಿಯೇಸು। ತೇನಾಹ ‘‘ಚತುನ್ನಂ ಉಪಾದಾನಾನಂ ಪಚ್ಚಯೇಸೂ’’ತಿ। ಅಸ್ಸಾದಂ ಅನುಪಸ್ಸನ್ತಸ್ಸಾತಿ ಅಸಾದೇತಬ್ಬಂ ಮಿಚ್ಛಾಞಾಣೇನ ಅನುಪಸ್ಸತೋ। ತದಾಹಾರೋತಿ ಸೋಳಸ ವಾ ವೀಸಂ ತಿಂಸಂ ಚತ್ತಾಲೀಸಂ ಪಞ್ಞಾಸಂ ವಾ ಆಹಾರೋ ಪಚ್ಚಯೋ ಏತಸ್ಸಾತಿ ತದಾಹಾರೋ। ಅಗ್ಗಿಕ್ಖನ್ಧೋ ವಿಯ ತಯೋ ಭವಾ ಏಕಾದಸಹಿ ಅಗ್ಗೀಹಿ ಆದಿತ್ತಭಾವತೋ ಏತದೇವ ಭವತ್ತಯಂ। ಅಗ್ಗಿ…ಪೇ॰… ಪುಥುಜ್ಜನೋ ಅಗ್ಗಿಕ್ಖನ್ಧಸದಿಸಸ್ಸ ಭವತ್ತಯಸ್ಸ ಪರಿಬನ್ಧನತೋ।
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
ಕಮ್ಮಟ್ಠಾನಸ್ಸಾತಿ ವಿಪಸ್ಸನಾಕಮ್ಮಟ್ಠಾನಸ್ಸ। ತೇನಾಹ ‘‘ತೇಭೂಮಕಧಮ್ಮೇಸೂ’’ತಿ। ಧಮ್ಮಪಾಸಾದನ್ತಿ ಲೋಕುತ್ತರಧಮ್ಮಪಾಸಾದಂ। ಸೋ ಹಿ ಅಚ್ಚುಗ್ಗತಟ್ಠೇನ ‘‘ಪಾಸಾದೋ’’ತಿ ವುಚ್ಚತಿ। ಸತಿಪಟ್ಠಾನಮಹಾವೀಥಿಯಂ ಫಲಕ್ಖಣೇ ಪವತ್ತಾಯಾತಿ।
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
ಉಪಾದಾನಸುತ್ತವಣ್ಣನಾ ನಿಟ್ಠಿತಾ।
Upādānasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ಉಪಾದಾನಸುತ್ತಂ • 2. Upādānasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨. ಉಪಾದಾನಸುತ್ತವಣ್ಣನಾ • 2. Upādānasuttavaṇṇanā
