| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਉਪਾਦਾਨਸੁਤ੍ਤવਣ੍ਣਨਾ
2. Upādānasuttavaṇṇanā
੫੨. ਆਰਮ੍ਮਣਾਦਿਭਾવੇਨ ਸਂવਤ੍ਤਨਤੋ ਉਪਾਦਾਨਾਨਂ ਹਿਤਾਨਿ ਉਪਾਦਾਨਿਯਾਨਿ, ਤੇਸੁ ਉਪਾਦਾਨਿਯੇਸੁ। ਤੇਨਾਹ ‘‘ਚਤੁਨ੍ਨਂ ਉਪਾਦਾਨਾਨਂ ਪਚ੍ਚਯੇਸੂ’’ਤਿ। ਅਸ੍ਸਾਦਂ ਅਨੁਪਸ੍ਸਨ੍ਤਸ੍ਸਾਤਿ ਅਸਾਦੇਤਬ੍ਬਂ ਮਿਚ੍ਛਾਞਾਣੇਨ ਅਨੁਪਸ੍ਸਤੋ। ਤਦਾਹਾਰੋਤਿ ਸੋਲ਼ਸ વਾ વੀਸਂ ਤਿਂਸਂ ਚਤ੍ਤਾਲੀਸਂ ਪਞ੍ਞਾਸਂ વਾ ਆਹਾਰੋ ਪਚ੍ਚਯੋ ਏਤਸ੍ਸਾਤਿ ਤਦਾਹਾਰੋ। ਅਗ੍ਗਿਕ੍ਖਨ੍ਧੋ વਿਯ ਤਯੋ ਭવਾ ਏਕਾਦਸਹਿ ਅਗ੍ਗੀਹਿ ਆਦਿਤ੍ਤਭਾવਤੋ ਏਤਦੇવ ਭવਤ੍ਤਯਂ। ਅਗ੍ਗਿ…ਪੇ॰… ਪੁਥੁਜ੍ਜਨੋ ਅਗ੍ਗਿਕ੍ਖਨ੍ਧਸਦਿਸਸ੍ਸ ਭવਤ੍ਤਯਸ੍ਸ ਪਰਿਬਨ੍ਧਨਤੋ।
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
ਕਮ੍ਮਟ੍ਠਾਨਸ੍ਸਾਤਿ વਿਪਸ੍ਸਨਾਕਮ੍ਮਟ੍ਠਾਨਸ੍ਸ। ਤੇਨਾਹ ‘‘ਤੇਭੂਮਕਧਮ੍ਮੇਸੂ’’ਤਿ। ਧਮ੍ਮਪਾਸਾਦਨ੍ਤਿ ਲੋਕੁਤ੍ਤਰਧਮ੍ਮਪਾਸਾਦਂ। ਸੋ ਹਿ ਅਚ੍ਚੁਗ੍ਗਤਟ੍ਠੇਨ ‘‘ਪਾਸਾਦੋ’’ਤਿ વੁਚ੍ਚਤਿ। ਸਤਿਪਟ੍ਠਾਨਮਹਾવੀਥਿਯਂ ਫਲਕ੍ਖਣੇ ਪવਤ੍ਤਾਯਾਤਿ।
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
ਉਪਾਦਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upādānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਉਪਾਦਾਨਸੁਤ੍ਤਂ • 2. Upādānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਉਪਾਦਾਨਸੁਤ੍ਤવਣ੍ਣਨਾ • 2. Upādānasuttavaṇṇanā
