| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൨. ഉപാദാനസുത്തവണ്ണനാ
2. Upādānasuttavaṇṇanā
൫൨. ആരമ്മണാദിഭാവേന സംവത്തനതോ ഉപാദാനാനം ഹിതാനി ഉപാദാനിയാനി, തേസു ഉപാദാനിയേസു. തേനാഹ ‘‘ചതുന്നം ഉപാദാനാനം പച്ചയേസൂ’’തി. അസ്സാദം അനുപസ്സന്തസ്സാതി അസാദേതബ്ബം മിച്ഛാഞാണേന അനുപസ്സതോ. തദാഹാരോതി സോളസ വാ വീസം തിംസം ചത്താലീസം പഞ്ഞാസം വാ ആഹാരോ പച്ചയോ ഏതസ്സാതി തദാഹാരോ. അഗ്ഗിക്ഖന്ധോ വിയ തയോ ഭവാ ഏകാദസഹി അഗ്ഗീഹി ആദിത്തഭാവതോ ഏതദേവ ഭവത്തയം. അഗ്ഗി…പേ॰… പുഥുജ്ജനോ അഗ്ഗിക്ഖന്ധസദിസസ്സ ഭവത്തയസ്സ പരിബന്ധനതോ.
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
കമ്മട്ഠാനസ്സാതി വിപസ്സനാകമ്മട്ഠാനസ്സ. തേനാഹ ‘‘തേഭൂമകധമ്മേസൂ’’തി. ധമ്മപാസാദന്തി ലോകുത്തരധമ്മപാസാദം. സോ ഹി അച്ചുഗ്ഗതട്ഠേന ‘‘പാസാദോ’’തി വുച്ചതി. സതിപട്ഠാനമഹാവീഥിയം ഫലക്ഖണേ പവത്തായാതി.
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
ഉപാദാനസുത്തവണ്ണനാ നിട്ഠിതാ.
Upādānasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. ഉപാദാനസുത്തം • 2. Upādānasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨. ഉപാദാനസുത്തവണ്ണനാ • 2. Upādānasuttavaṇṇanā
