| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. อุปาทานิยธมฺมสุตฺตํ
10. Upādāniyadhammasuttaṃ
๑๒๓. ‘‘อุปาทานิเย จ, ภิกฺขเว, ธเมฺม เทเสสฺสามิ อุปาทานญฺจฯ ตํ สุณาถฯ กตเม จ, ภิกฺขเว, อุปาทานิยา ธมฺมา, กตมญฺจ อุปาทานํ? สนฺติ, ภิกฺขเว, จกฺขุวิเญฺญยฺยา รูปา อิฎฺฐา กนฺตา มนาปา ปิยรูปา กามูปสํหิตา รชนียาฯ อิเม วุจฺจนฺติ, ภิกฺขเว, อุปาทานิยา ธมฺมาฯ โย ตตฺถ ฉนฺทราโค, ตํ ตตฺถ อุปาทานํ…เป.… สนฺติ, ภิกฺขเว, ชิวฺหาวิเญฺญยฺยา รสา…เป.… สนฺติ, ภิกฺขเว, มโนวิเญฺญยฺยา ธมฺมา อิฎฺฐา กนฺตา มนาปา ปิยรูปา กามูปสํหิตา รชนียาฯ อิเม วุจฺจนฺติ, ภิกฺขเว, อุปาทานิยา ธมฺมาฯ โย ตตฺถ ฉนฺทราโค ตํ ตตฺถ อุปาทาน’’นฺติฯ ทสมํฯ
123. ‘‘Upādāniye ca, bhikkhave, dhamme desessāmi upādānañca. Taṃ suṇātha. Katame ca, bhikkhave, upādāniyā dhammā, katamañca upādānaṃ? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, upādāniyā dhammā. Yo tattha chandarāgo, taṃ tattha upādānaṃ…pe… santi, bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, upādāniyā dhammā. Yo tattha chandarāgo taṃ tattha upādāna’’nti. Dasamaṃ.
โลกกามคุณวโคฺค ทฺวาทสโมฯ
Lokakāmaguṇavaggo dvādasamo.
ตสฺสุทฺทานํ –
Tassuddānaṃ –
มารปาเสน เทฺว วุตฺตา, โลกกามคุเณน จ;
Mārapāsena dve vuttā, lokakāmaguṇena ca;
สโกฺก ปญฺจสิโข เจว, สาริปุโตฺต จ ราหุโล;
Sakko pañcasikho ceva, sāriputto ca rāhulo;
สํโยชนํ อุปาทานํ, วโคฺค เตน ปวุจฺจตีติฯ
Saṃyojanaṃ upādānaṃ, vaggo tena pavuccatīti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙-๑๐. สํโยชนิยธมฺมสุตฺตาทิวณฺณนา • 9-10. Saṃyojaniyadhammasuttādivaṇṇanā
