| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១០. ឧបាទានិយធម្មសុត្តំ
10. Upādāniyadhammasuttaṃ
១២៣. ‘‘ឧបាទានិយេ ច, ភិក្ខវេ, ធម្មេ ទេសេស្សាមិ ឧបាទានញ្ច។ តំ សុណាថ។ កតមេ ច, ភិក្ខវេ, ឧបាទានិយា ធម្មា, កតមញ្ច ឧបាទានំ? សន្តិ, ភិក្ខវេ, ចក្ខុវិញ្ញេយ្យា រូបា ឥដ្ឋា កន្តា មនាបា បិយរូបា កាមូបសំហិតា រជនីយា។ ឥមេ វុច្ចន្តិ, ភិក្ខវេ, ឧបាទានិយា ធម្មា។ យោ តត្ថ ឆន្ទរាគោ, តំ តត្ថ ឧបាទានំ…បេ.… សន្តិ, ភិក្ខវេ, ជិវ្ហាវិញ្ញេយ្យា រសា…បេ.… សន្តិ, ភិក្ខវេ, មនោវិញ្ញេយ្យា ធម្មា ឥដ្ឋា កន្តា មនាបា បិយរូបា កាមូបសំហិតា រជនីយា។ ឥមេ វុច្ចន្តិ, ភិក្ខវេ, ឧបាទានិយា ធម្មា។ យោ តត្ថ ឆន្ទរាគោ តំ តត្ថ ឧបាទាន’’ន្តិ។ ទសមំ។
123. ‘‘Upādāniye ca, bhikkhave, dhamme desessāmi upādānañca. Taṃ suṇātha. Katame ca, bhikkhave, upādāniyā dhammā, katamañca upādānaṃ? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, upādāniyā dhammā. Yo tattha chandarāgo, taṃ tattha upādānaṃ…pe… santi, bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, upādāniyā dhammā. Yo tattha chandarāgo taṃ tattha upādāna’’nti. Dasamaṃ.
លោកកាមគុណវគ្គោ ទ្វាទសមោ។
Lokakāmaguṇavaggo dvādasamo.
តស្សុទ្ទានំ –
Tassuddānaṃ –
មារបាសេន ទ្វេ វុត្តា, លោកកាមគុណេន ច;
Mārapāsena dve vuttā, lokakāmaguṇena ca;
សក្កោ បញ្ចសិខោ ចេវ, សារិបុត្តោ ច រាហុលោ;
Sakko pañcasikho ceva, sāriputto ca rāhulo;
សំយោជនំ ឧបាទានំ, វគ្គោ តេន បវុច្ចតីតិ។
Saṃyojanaṃ upādānaṃ, vaggo tena pavuccatīti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៩-១០. សំយោជនិយធម្មសុត្តាទិវណ្ណនា • 9-10. Saṃyojaniyadhammasuttādivaṇṇanā
