| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៩. ឧបាទានិយសុត្តំ
9. Upādāniyasuttaṃ
១២១. សាវត្ថិនិទានំ។ ‘‘ឧបាទានិយេ ច, ភិក្ខវេ, ធម្មេ ទេសេស្សាមិ ឧបាទានញ្ច ។ តំ សុណាថ។ កតមេ ច, ភិក្ខវេ, ឧបាទានិយា ធម្មា, កតមំ ឧបាទានំ? រូបំ, ភិក្ខវេ, ឧបាទានិយោ ធម្មោ, យោ តត្ថ ឆន្ទរាគោ, តំ តត្ថ ឧបាទានំ។ វេទនា…បេ.… សញ្ញា… សង្ខារា… វិញ្ញាណំ ឧបាទានិយោ ធម្មោ; យោ តត្ថ ឆន្ទរាគោ, តំ តត្ថ ឧបាទានំ។ ឥមេ វុច្ចន្តិ, ភិក្ខវេ, ឧបាទានិយា ធម្មា, ឥទំ ឧបាទាន’’ន្តិ។ នវមំ។
121. Sāvatthinidānaṃ. ‘‘Upādāniye ca, bhikkhave, dhamme desessāmi upādānañca . Taṃ suṇātha. Katame ca, bhikkhave, upādāniyā dhammā, katamaṃ upādānaṃ? Rūpaṃ, bhikkhave, upādāniyo dhammo, yo tattha chandarāgo, taṃ tattha upādānaṃ. Vedanā…pe… saññā… saṅkhārā… viññāṇaṃ upādāniyo dhammo; yo tattha chandarāgo, taṃ tattha upādānaṃ. Ime vuccanti, bhikkhave, upādāniyā dhammā, idaṃ upādāna’’nti. Navamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៥-៩. ពន្ធនសុត្តាទិវណ្ណនា • 5-9. Bandhanasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៥-៩. ពន្ធនសុត្តាទិវណ្ណនា • 5-9. Bandhanasuttādivaṇṇanā
