| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៧. ឧបាទានិយសុត្តំ
7. Upādāniyasuttaṃ
១១០. ‘‘ឧបាទានិយេ ច, ភិក្ខវេ, ធម្មេ ទេសេស្សាមិ ឧបាទានញ្ច។ តំ សុណាថ។ កតមេ ច, ភិក្ខវេ, ឧបាទានិយា ធម្មា, កតមញ្ច ឧបាទានំ ? ចក្ខុំ, ភិក្ខវេ, ឧបាទានិយោ ធម្មោ។ យោ តត្ថ ឆន្ទរាគោ, តំ តត្ថ ឧបាទានំ…បេ.… ជិវ្ហា ឧបាទានិយោ ធម្មោ…បេ.… មនោ ឧបាទានិយោ ធម្មោ។ យោ តត្ថ ឆន្ទរាគោ, តំ តត្ថ ឧបាទានំ។ ឥមេ វុច្ចន្តិ, ភិក្ខវេ, ឧបាទានិយា ធម្មា, ឥទំ ឧបាទាន’’ន្តិ។ សត្តមំ។
110. ‘‘Upādāniye ca, bhikkhave, dhamme desessāmi upādānañca. Taṃ suṇātha. Katame ca, bhikkhave, upādāniyā dhammā, katamañca upādānaṃ ? Cakkhuṃ, bhikkhave, upādāniyo dhammo. Yo tattha chandarāgo, taṃ tattha upādānaṃ…pe… jivhā upādāniyo dhammo…pe… mano upādāniyo dhammo. Yo tattha chandarāgo, taṃ tattha upādānaṃ. Ime vuccanti, bhikkhave, upādāniyā dhammā, idaṃ upādāna’’nti. Sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២-១០. ឧបាទាយសុត្តាទិវណ្ណនា • 2-10. Upādāyasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២-១០. ឧបាទាយសុត្តាទិវណ្ណនា • 2-10. Upādāyasuttādivaṇṇanā
