| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. උපාදානියසුත්‌තං
9. Upādāniyasuttaṃ
121. සාවත්‌ථිනිදානං. ‘‘උපාදානියෙ ච, භික්‌ඛවෙ, ධම්‌මෙ දෙසෙස්‌සාමි උපාදානඤ්‌ච . තං සුණාථ. කතමෙ ච, භික්‌ඛවෙ, උපාදානියා ධම්‌මා, කතමං උපාදානං? රූපං, භික්‌ඛවෙ, උපාදානියො ධම්‌මො, යො තත්‌ථ ඡන්‌දරාගො, තං තත්‌ථ උපාදානං. වෙදනා…පෙ.… සඤ්‌ඤා… සඞ්‌ඛාරා… විඤ්‌ඤාණං උපාදානියො ධම්‌මො; යො තත්‌ථ ඡන්‌දරාගො, තං තත්‌ථ උපාදානං. ඉමෙ වුච්‌චන්‌ති, භික්‌ඛවෙ, උපාදානියා ධම්‌මා, ඉදං උපාදාන’’න්‌ති. නවමං.
121. Sāvatthinidānaṃ. ‘‘Upādāniye ca, bhikkhave, dhamme desessāmi upādānañca . Taṃ suṇātha. Katame ca, bhikkhave, upādāniyā dhammā, katamaṃ upādānaṃ? Rūpaṃ, bhikkhave, upādāniyo dhammo, yo tattha chandarāgo, taṃ tattha upādānaṃ. Vedanā…pe… saññā… saṅkhārā… viññāṇaṃ upādāniyo dhammo; yo tattha chandarāgo, taṃ tattha upādānaṃ. Ime vuccanti, bhikkhave, upādāniyā dhammā, idaṃ upādāna’’nti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5-9. බන්‌ධනසුත්‌තාදිවණ්‌ණනා • 5-9. Bandhanasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5-9. බන්‌ධනසුත්‌තාදිවණ්‌ණනා • 5-9. Bandhanasuttādivaṇṇanā
