| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. உபாதா³பரிதஸ்ஸனாஸுத்தவண்ணனா
7. Upādāparitassanāsuttavaṇṇanā
7. ஸத்தமே உபாதா³பரிதஸ்ஸனந்தி க³ஹணேன உப்பன்னங் பரிதஸ்ஸனங். அனுபாதா³அபரிதஸ்ஸனந்தி அக்³க³ஹணேன அபரிதஸ்ஸனங். ரூபவிபரிணாமானுபரிவத்திவிஞ்ஞாணங் ஹோதீதி ‘‘மம ரூபங் விபரிணத’’ந்தி வா ‘‘அஹு வத மேதங், தா³னி வத மே நத்தீ²’’தி வா ஆதி³னா நயேன கம்மவிஞ்ஞாணங் ரூபஸ்ஸ பே⁴தா³னுபரிவத்தி ஹோதி. விபரிணாமானுபரிவத்திஜாதி விபரிணாமஸ்ஸ அனுபரிவத்திதோ விபரிணாமாரம்மணசித்ததோ ஜாதா. பரிதஸ்ஸனா த⁴ம்மஸமுப்பாதா³தி தண்ஹாபரிதஸ்ஸனா ச அகுஸலத⁴ம்மஸமுப்பாதா³ ச. சித்தந்தி குஸலசித்தங். பரியாதா³ய திட்ட²ந்தீதி பரியாதி³யித்வா திட்ட²ந்தி. உத்தாஸவாதி ஸஉத்தாஸோ. விகா⁴தவாதி ஸவிகா⁴தோ ஸது³க்கோ². அபெக்க²வாதி ஸாலயோ. உபாதா³ய ச பரிதஸ்ஸதீதி க³ண்ஹித்வா பரிதஸ்ஸகோ நாம ஹோதி. ந ரூபவிபரிணாமானுபரிவத்தீதி கீ²ணாஸவஸ்ஸ கம்மவிஞ்ஞாணமேவ நத்தி², தஸ்மா ரூபபே⁴தா³னுபரிவத்தி ந ஹோதீதி வத்துங் வட்டதி. ஸத்தமங்.
7. Sattame upādāparitassananti gahaṇena uppannaṃ paritassanaṃ. Anupādāaparitassananti aggahaṇena aparitassanaṃ. Rūpavipariṇāmānuparivattiviññāṇaṃ hotīti ‘‘mama rūpaṃ vipariṇata’’nti vā ‘‘ahu vata metaṃ, dāni vata me natthī’’ti vā ādinā nayena kammaviññāṇaṃ rūpassa bhedānuparivatti hoti. Vipariṇāmānuparivattijāti vipariṇāmassa anuparivattito vipariṇāmārammaṇacittato jātā. Paritassanā dhammasamuppādāti taṇhāparitassanā ca akusaladhammasamuppādā ca. Cittanti kusalacittaṃ. Pariyādāya tiṭṭhantīti pariyādiyitvā tiṭṭhanti. Uttāsavāti sauttāso. Vighātavāti savighāto sadukkho. Apekkhavāti sālayo. Upādāya ca paritassatīti gaṇhitvā paritassako nāma hoti. Na rūpavipariṇāmānuparivattīti khīṇāsavassa kammaviññāṇameva natthi, tasmā rūpabhedānuparivatti na hotīti vattuṃ vaṭṭati. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. உபாதா³பரிதஸ்ஸனாஸுத்தங் • 7. Upādāparitassanāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. உபாதா³பரிதஸ்ஸனாஸுத்தவண்ணனா • 7. Upādāparitassanāsuttavaṇṇanā
