| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. убаад̣̇аабарид̇ассанаасуд̇д̇аван̣н̣анаа
7. Upādāparitassanāsuttavaṇṇanā
7. сад̇д̇амз убаад̣̇аабарид̇ассананд̇и г̇ахан̣зна уббаннам̣ барид̇ассанам̣. анубаад̣̇ааабарид̇ассананд̇и аг̇г̇ахан̣зна абарид̇ассанам̣. руубавибарин̣аамаанубаривад̇д̇ивин̃н̃аан̣ам̣ ход̇ийд̇и ‘‘мама руубам̣ вибарин̣ад̇а’’нд̇и ваа ‘‘аху вад̇а мзд̇ам̣, д̣̇аани вад̇а мз над̇т̇ий’’д̇и ваа аад̣̇инаа наязна гаммавин̃н̃аан̣ам̣ руубасса бхзд̣̇аанубаривад̇д̇и ход̇и. вибарин̣аамаанубаривад̇д̇иж̇аад̇и вибарин̣аамасса анубаривад̇д̇ид̇о вибарин̣аамаарамман̣ажид̇д̇ад̇о ж̇аад̇аа. барид̇ассанаа д̇хаммасамуббаад̣̇аад̇и д̇ан̣хаабарид̇ассанаа жа агусалад̇хаммасамуббаад̣̇аа жа. жид̇д̇анд̇и гусалажид̇д̇ам̣. барияаад̣̇ааяа д̇идтанд̇ийд̇и барияаад̣̇ияид̇ваа д̇идтанд̇и. уд̇д̇аасаваад̇и сауд̇д̇аасо. вигхаад̇аваад̇и савигхаад̇о сад̣̇угко. абзгкаваад̇и саалаяо. убаад̣̇ааяа жа барид̇ассад̇ийд̇и г̇ан̣хид̇ваа барид̇ассаго наама ход̇и. на руубавибарин̣аамаанубаривад̇д̇ийд̇и кийн̣аасавасса гаммавин̃н̃аан̣амзва над̇т̇и, д̇асмаа руубабхзд̣̇аанубаривад̇д̇и на ход̇ийд̇и вад̇д̇ум̣ ваддад̇и. сад̇д̇амам̣.
7. Sattame upādāparitassananti gahaṇena uppannaṃ paritassanaṃ. Anupādāaparitassananti aggahaṇena aparitassanaṃ. Rūpavipariṇāmānuparivattiviññāṇaṃ hotīti ‘‘mama rūpaṃ vipariṇata’’nti vā ‘‘ahu vata metaṃ, dāni vata me natthī’’ti vā ādinā nayena kammaviññāṇaṃ rūpassa bhedānuparivatti hoti. Vipariṇāmānuparivattijāti vipariṇāmassa anuparivattito vipariṇāmārammaṇacittato jātā. Paritassanā dhammasamuppādāti taṇhāparitassanā ca akusaladhammasamuppādā ca. Cittanti kusalacittaṃ. Pariyādāya tiṭṭhantīti pariyādiyitvā tiṭṭhanti. Uttāsavāti sauttāso. Vighātavāti savighāto sadukkho. Apekkhavāti sālayo. Upādāya ca paritassatīti gaṇhitvā paritassako nāma hoti. Na rūpavipariṇāmānuparivattīti khīṇāsavassa kammaviññāṇameva natthi, tasmā rūpabhedānuparivatti na hotīti vattuṃ vaṭṭati. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. убаад̣̇аабарид̇ассанаасуд̇д̇ам̣ • 7. Upādāparitassanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. убаад̣̇аабарид̇ассанаасуд̇д̇аван̣н̣анаа • 7. Upādāparitassanāsuttavaṇṇanā
