| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. ဥပာဒာပရိတသ္သနာသုတ္တဝဏ္ဏနာ
7. Upādāparitassanāsuttavaṇṇanā
၇. သတ္တမေ ဥပာဒာပရိတသ္သနန္တိ ဂဟဏေန ဥပ္ပန္နံ ပရိတသ္သနံ။ အနုပာဒာအပရိတသ္သနန္တိ အဂ္ဂဟဏေန အပရိတသ္သနံ။ ရူပဝိပရိဏာမာနုပရိဝတ္တိဝိညာဏံ ဟောတီတိ ‘‘မမ ရူပံ ဝိပရိဏတ’’န္တိ ဝာ ‘‘အဟု ဝတ မေတံ, ဒာနိ ဝတ မေ နတ္ထီ’’တိ ဝာ အာဒိနာ နယေန ကမ္မဝိညာဏံ ရူပသ္သ ဘေဒာနုပရိဝတ္တိ ဟောတိ။ ဝိပရိဏာမာနုပရိဝတ္တိဇာတိ ဝိပရိဏာမသ္သ အနုပရိဝတ္တိတော ဝိပရိဏာမာရမ္မဏစိတ္တတော ဇာတာ။ ပရိတသ္သနာ ဓမ္မသမုပ္ပာဒာတိ တဏ္ဟာပရိတသ္သနာ စ အကုသလဓမ္မသမုပ္ပာဒာ စ။ စိတ္တန္တိ ကုသလစိတ္တံ။ ပရိယာဒာယ တိဋ္ဌန္တီတိ ပရိယာဒိယိတ္ဝာ တိဋ္ဌန္တိ။ ဥတ္တာသဝာတိ သဥတ္တာသော။ ဝိဃာတဝာတိ သဝိဃာတော သဒုက္ခော။ အပေက္ခဝာတိ သာလယော။ ဥပာဒာယ စ ပရိတသ္သတီတိ ဂဏ္ဟိတ္ဝာ ပရိတသ္သကော နာမ ဟောတိ။ န ရူပဝိပရိဏာမာနုပရိဝတ္တီတိ ခီဏာသဝသ္သ ကမ္မဝိညာဏမေဝ နတ္ထိ, တသ္မာ ရူပဘေဒာနုပရိဝတ္တိ န ဟောတီတိ ဝတ္တုံ ဝဋ္ဋတိ။ သတ္တမံ။
7. Sattame upādāparitassananti gahaṇena uppannaṃ paritassanaṃ. Anupādāaparitassananti aggahaṇena aparitassanaṃ. Rūpavipariṇāmānuparivattiviññāṇaṃ hotīti ‘‘mama rūpaṃ vipariṇata’’nti vā ‘‘ahu vata metaṃ, dāni vata me natthī’’ti vā ādinā nayena kammaviññāṇaṃ rūpassa bhedānuparivatti hoti. Vipariṇāmānuparivattijāti vipariṇāmassa anuparivattito vipariṇāmārammaṇacittato jātā. Paritassanā dhammasamuppādāti taṇhāparitassanā ca akusaladhammasamuppādā ca. Cittanti kusalacittaṃ. Pariyādāya tiṭṭhantīti pariyādiyitvā tiṭṭhanti. Uttāsavāti sauttāso. Vighātavāti savighāto sadukkho. Apekkhavāti sālayo. Upādāya ca paritassatīti gaṇhitvā paritassako nāma hoti. Na rūpavipariṇāmānuparivattīti khīṇāsavassa kammaviññāṇameva natthi, tasmā rūpabhedānuparivatti na hotīti vattuṃ vaṭṭati. Sattamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဥပာဒာပရိတသ္သနာသုတ္တံ • 7. Upādāparitassanāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဥပာဒာပရိတသ္သနာသုတ္တဝဏ္ဏနာ • 7. Upādāparitassanāsuttavaṇṇanā
