| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਉਪਾਦਾਪਰਿਤਸ੍ਸਨਾਸੁਤ੍ਤવਣ੍ਣਨਾ
7. Upādāparitassanāsuttavaṇṇanā
੭. ਸਤ੍ਤਮੇ ਉਪਾਦਾਪਰਿਤਸ੍ਸਨਨ੍ਤਿ ਗਹਣੇਨ ਉਪ੍ਪਨ੍ਨਂ ਪਰਿਤਸ੍ਸਨਂ। ਅਨੁਪਾਦਾਅਪਰਿਤਸ੍ਸਨਨ੍ਤਿ ਅਗ੍ਗਹਣੇਨ ਅਪਰਿਤਸ੍ਸਨਂ। ਰੂਪવਿਪਰਿਣਾਮਾਨੁਪਰਿવਤ੍ਤਿવਿਞ੍ਞਾਣਂ ਹੋਤੀਤਿ ‘‘ਮਮ ਰੂਪਂ વਿਪਰਿਣਤ’’ਨ੍ਤਿ વਾ ‘‘ਅਹੁ વਤ ਮੇਤਂ, ਦਾਨਿ વਤ ਮੇ ਨਤ੍ਥੀ’’ਤਿ વਾ ਆਦਿਨਾ ਨਯੇਨ ਕਮ੍ਮવਿਞ੍ਞਾਣਂ ਰੂਪਸ੍ਸ ਭੇਦਾਨੁਪਰਿવਤ੍ਤਿ ਹੋਤਿ। વਿਪਰਿਣਾਮਾਨੁਪਰਿવਤ੍ਤਿਜਾਤਿ વਿਪਰਿਣਾਮਸ੍ਸ ਅਨੁਪਰਿવਤ੍ਤਿਤੋ વਿਪਰਿਣਾਮਾਰਮ੍ਮਣਚਿਤ੍ਤਤੋ ਜਾਤਾ। ਪਰਿਤਸ੍ਸਨਾ ਧਮ੍ਮਸਮੁਪ੍ਪਾਦਾਤਿ ਤਣ੍ਹਾਪਰਿਤਸ੍ਸਨਾ ਚ ਅਕੁਸਲਧਮ੍ਮਸਮੁਪ੍ਪਾਦਾ ਚ। ਚਿਤ੍ਤਨ੍ਤਿ ਕੁਸਲਚਿਤ੍ਤਂ। ਪਰਿਯਾਦਾਯ ਤਿਟ੍ਠਨ੍ਤੀਤਿ ਪਰਿਯਾਦਿਯਿਤ੍વਾ ਤਿਟ੍ਠਨ੍ਤਿ। ਉਤ੍ਤਾਸવਾਤਿ ਸਉਤ੍ਤਾਸੋ। વਿਘਾਤવਾਤਿ ਸવਿਘਾਤੋ ਸਦੁਕ੍ਖੋ। ਅਪੇਕ੍ਖવਾਤਿ ਸਾਲਯੋ। ਉਪਾਦਾਯ ਚ ਪਰਿਤਸ੍ਸਤੀਤਿ ਗਣ੍ਹਿਤ੍વਾ ਪਰਿਤਸ੍ਸਕੋ ਨਾਮ ਹੋਤਿ। ਨ ਰੂਪવਿਪਰਿਣਾਮਾਨੁਪਰਿવਤ੍ਤੀਤਿ ਖੀਣਾਸવਸ੍ਸ ਕਮ੍ਮવਿਞ੍ਞਾਣਮੇવ ਨਤ੍ਥਿ, ਤਸ੍ਮਾ ਰੂਪਭੇਦਾਨੁਪਰਿવਤ੍ਤਿ ਨ ਹੋਤੀਤਿ વਤ੍ਤੁਂ વਟ੍ਟਤਿ। ਸਤ੍ਤਮਂ।
7. Sattame upādāparitassananti gahaṇena uppannaṃ paritassanaṃ. Anupādāaparitassananti aggahaṇena aparitassanaṃ. Rūpavipariṇāmānuparivattiviññāṇaṃ hotīti ‘‘mama rūpaṃ vipariṇata’’nti vā ‘‘ahu vata metaṃ, dāni vata me natthī’’ti vā ādinā nayena kammaviññāṇaṃ rūpassa bhedānuparivatti hoti. Vipariṇāmānuparivattijāti vipariṇāmassa anuparivattito vipariṇāmārammaṇacittato jātā. Paritassanā dhammasamuppādāti taṇhāparitassanā ca akusaladhammasamuppādā ca. Cittanti kusalacittaṃ. Pariyādāya tiṭṭhantīti pariyādiyitvā tiṭṭhanti. Uttāsavāti sauttāso. Vighātavāti savighāto sadukkho. Apekkhavāti sālayo. Upādāya ca paritassatīti gaṇhitvā paritassako nāma hoti. Na rūpavipariṇāmānuparivattīti khīṇāsavassa kammaviññāṇameva natthi, tasmā rūpabhedānuparivatti na hotīti vattuṃ vaṭṭati. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਉਪਾਦਾਪਰਿਤਸ੍ਸਨਾਸੁਤ੍ਤਂ • 7. Upādāparitassanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਉਪਾਦਾਪਰਿਤਸ੍ਸਨਾਸੁਤ੍ਤવਣ੍ਣਨਾ • 7. Upādāparitassanāsuttavaṇṇanā
