Library / Tipiṭaka / തിപിടക • Tipiṭaka / പട്ഠാനപാളി • Paṭṭhānapāḷi

    ൪. ഉപാദിന്നത്തികം

    4. Upādinnattikaṃ

    ൧. പടിച്ചവാരോ

    1. Paṭiccavāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൧. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ പടിച്ച ദ്വേ ഖന്ധാ; പടിസന്ധിക്ഖണേ ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം; ഖന്ധേ പടിച്ച വത്ഥു, വത്ഥും ഖന്ധാ; ഉപാദിന്നുപാദാനിയം ഏകം മഹാഭൂതം പടിച്ച തയോ മഹാഭൂതാ…പേ॰… ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച കടത്താരൂപം ഉപാദാരൂപം. (൧)

    1. Upādinnupādāniyaṃ dhammaṃ paṭicca upādinnupādāniyo dhammo uppajjati hetupaccayā – upādinnupādāniyaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā; paṭisandhikkhaṇe upādinnupādāniyaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā kaṭattā ca rūpaṃ; khandhe paṭicca vatthu, vatthuṃ khandhā; upādinnupādāniyaṃ ekaṃ mahābhūtaṃ paṭicca tayo mahābhūtā…pe… dve mahābhūte paṭicca dve mahābhūtā, mahābhūte paṭicca kaṭattārūpaṃ upādārūpaṃ. (1)

    ഉപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയേ ഖന്ധേ പടിച്ച ചിത്തസമുട്ഠാനം രൂപം. (൨)

    Upādinnupādāniyaṃ dhammaṃ paṭicca anupādinnupādāniyo dhammo uppajjati hetupaccayā – upādinnupādāniye khandhe paṭicca cittasamuṭṭhānaṃ rūpaṃ. (2)

    ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ – ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

    Upādinnupādāniyaṃ dhammaṃ paṭicca upādinnupādāniyo ca anupādinnupādāniyo ca dhammā uppajjanti hetupaccayā – upādinnupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; അനുപാദിന്നുപാദാനിയം ഏകം മഹാഭൂതം പടിച്ച തയോ മഹാഭൂതാ…പേ॰… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

    Anupādinnupādāniyaṃ dhammaṃ paṭicca anupādinnupādāniyo dhammo uppajjati hetupaccayā – anupādinnupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ; anupādinnupādāniyaṃ ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ പടിച്ച ദ്വേ ഖന്ധാ. (൧)

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati hetupaccayā – anupādinnaanupādāniyaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    അനുപാദിന്നഅനുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയേ ഖന്ധേ പടിച്ച ചിത്തസമുട്ഠാനം രൂപം. (൨)

    Anupādinnaanupādāniyaṃ dhammaṃ paṭicca anupādinnupādāniyo dhammo uppajjati hetupaccayā – anupādinnaanupādāniye khandhe paṭicca cittasamuṭṭhānaṃ rūpaṃ. (2)

    അനുപാദിന്നഅനുപാദാനിയം ധമ്മം പടിച്ച അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ – അനുപാദിന്നഅനുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

    Anupādinnaanupādāniyaṃ dhammaṃ paṭicca anupādinnupādāniyo ca anupādinnaanupādāniyo ca dhammā uppajjanti hetupaccayā – anupādinnaanupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Anupādinnupādāniyañca anupādinnaanupādāniyañca dhammaṃ paṭicca anupādinnupādāniyo dhammo uppajjati hetupaccayā – anupādinnaanupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Upādinnupādāniyañca anupādinnupādāniyañca dhammaṃ paṭicca anupādinnupādāniyo dhammo uppajjati hetupaccayā – upādinnupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    ആരമ്മണപച്ചയോ

    Ārammaṇapaccayo

    ൨. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – ഉപാദിന്നുപാദാനിയം ഏകം ഖന്ധം പടിച്ച…പേ॰… പടിസന്ധിക്ഖണേ…പേ॰….

    2. Upādinnupādāniyaṃ dhammaṃ paṭicca upādinnupādāniyo dhammo uppajjati ārammaṇapaccayā – upādinnupādāniyaṃ ekaṃ khandhaṃ paṭicca…pe… paṭisandhikkhaṇe…pe….

    അനുപാദിന്നുപാദാനിയം ധമ്മം പടിച്ച…പേ॰….

    Anupādinnupādāniyaṃ dhammaṃ paṭicca…pe….

    അനുപാദിന്നഅനുപാദാനിയം ധമ്മം പടിച്ച…പേ॰… ആരമ്മണപച്ചയാ… തീണി.

    Anupādinnaanupādāniyaṃ dhammaṃ paṭicca…pe… ārammaṇapaccayā… tīṇi.

    അധിപതിപച്ചയോ

    Adhipatipaccayo

    ൩. അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ – അനുപാദിന്നുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ഏകം മഹാഭൂതം പടിച്ച…പേ॰… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

    3. Anupādinnupādāniyaṃ dhammaṃ paṭicca anupādinnupādāniyo dhammo uppajjati adhipatipaccayā – anupādinnupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)

    അനുപാദിന്നഅനുപാദാനിയം ധമ്മം പടിച്ച… തീണി.

    Anupādinnaanupādāniyaṃ dhammaṃ paṭicca… tīṇi.

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ – അനുപാദിന്നഅനുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Anupādinnupādāniyañca anupādinnaanupādāniyañca dhammaṃ paṭicca anupādinnupādāniyo dhammo uppajjati adhipatipaccayā – anupādinnaanupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    അനന്തരപച്ചയാദി

    Anantarapaccayādi

    ൪. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ… സഹജാതപച്ചയാ – ഉപാദിന്നുപാദാനിയം ഏകം ഖന്ധം പടിച്ച…പേ॰… പടിസന്ധിക്ഖണേ…പേ॰… ഏകം മഹാഭൂതം പടിച്ച…പേ॰… മഹാഭൂതേ പടിച്ച കടത്താരൂപം ഉപാദാരൂപം; അസഞ്ഞസത്താനം ഏകം മഹാഭൂതം പടിച്ച…പേ॰… മഹാഭൂതേ പടിച്ച കടത്താരൂപം ഉപാദാരൂപം .

    4. Upādinnupādāniyaṃ dhammaṃ paṭicca upādinnupādāniyo dhammo uppajjati anantarapaccayā… samanantarapaccayā… sahajātapaccayā – upādinnupādāniyaṃ ekaṃ khandhaṃ paṭicca…pe… paṭisandhikkhaṇe…pe… ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ; asaññasattānaṃ ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ .

    ഉപാദിന്നുപാദാനിയം ധമ്മം പടിച്ച… തീണി.

    Upādinnupādāniyaṃ dhammaṃ paṭicca… tīṇi.

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി സഹജാതപച്ചയാ – അനുപാദിന്നുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം …പേ॰… ഏകം മഹാഭൂതം പടിച്ച…പേ॰… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച…പേ॰….

    Anupādinnupādāniyaṃ dhammaṃ paṭicca anupādinnupādāniyo dhammo uppajjati sahajātapaccayā – anupādinnupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ …pe… ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ upādārūpaṃ. Bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paṭicca…pe….

    അനുപാദിന്നഅനുപാദാനിയം ധമ്മം പടിച്ച… തീണി.

    Anupādinnaanupādāniyaṃ dhammaṃ paṭicca… tīṇi.

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച…പേ॰… അനുപാദിന്നുപാദാനിയോ…പേ॰…. (൧)

    Anupādinnupādāniyañca anupādinnaanupādāniyañca dhammaṃ paṭicca…pe… anupādinnupādāniyo…pe…. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച അനുപാദിന്നുപാദാനിയോ…പേ॰…. (൧)

    Upādinnupādāniyañca anupādinnupādāniyañca dhammaṃ paṭicca anupādinnupādāniyo…pe…. (1)

    അഞ്ഞമഞ്ഞപച്ചയോ

    Aññamaññapaccayo

    ൫. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി അഞ്ഞമഞ്ഞപച്ചയാ – ഉപാദിന്നുപാദാനിയം ഏകം ഖന്ധം പടിച്ച…പേ॰… പടിസന്ധിക്ഖണേ ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ വത്ഥു ച…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച…പേ॰… ദ്വേ മഹാഭൂതേ പടിച്ച ദ്വേ മഹാഭൂതാ; അസഞ്ഞസത്താനം ഏകം മഹാഭൂതം…പേ॰…. (൧)

    5. Upādinnupādāniyaṃ dhammaṃ paṭicca upādinnupādāniyo dhammo uppajjati aññamaññapaccayā – upādinnupādāniyaṃ ekaṃ khandhaṃ paṭicca…pe… paṭisandhikkhaṇe upādinnupādāniyaṃ ekaṃ khandhaṃ paṭicca tayo khandhā vatthu ca…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca…pe… dve mahābhūte paṭicca dve mahābhūtā; asaññasattānaṃ ekaṃ mahābhūtaṃ…pe…. (1)

    അനുപാദിന്നുപാദാനിയം ധമ്മം പടിച്ച…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം…പേ॰…. (൧)

    Anupādinnupādāniyaṃ dhammaṃ paṭicca…pe… bāhiraṃ… āhārasamuṭṭhānaṃ… utusamuṭṭhānaṃ…pe…. (1)

    അനുപാദിന്നഅനുപാദാനിയം ധമ്മം പടിച്ച…പേ॰…. (൧)

    Anupādinnaanupādāniyaṃ dhammaṃ paṭicca…pe…. (1)

    നിസ്സയ-ഉപനിസ്സയപച്ചയാ

    Nissaya-upanissayapaccayā

    ൬. ഉപാദിന്നുപാദാനിയം ധമ്മം പടിച്ച നിസ്സയപച്ചയാ… നവ. ഉപനിസ്സയപച്ചയാ… തീണി.

    6. Upādinnupādāniyaṃ dhammaṃ paṭicca nissayapaccayā… nava. Upanissayapaccayā… tīṇi.

    പുരേജാതപച്ചയോ

    Purejātapaccayo

    ൭. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി പുരേജാതപച്ചയാ… തീണി.

    7. Upādinnupādāniyaṃ dhammaṃ paṭicca upādinnupādāniyo dhammo uppajjati purejātapaccayā… tīṇi.

    ആസേവനപച്ചയോ

    Āsevanapaccayo

    ൮. അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി ആസേവനപച്ചയാ – അനുപാദിന്നുപാദാനിയം ഏകം ഖന്ധം പടിച്ച…പേ॰…. (൧)

    8. Anupādinnupādāniyaṃ dhammaṃ paṭicca anupādinnupādāniyo dhammo uppajjati āsevanapaccayā – anupādinnupādāniyaṃ ekaṃ khandhaṃ paṭicca…pe…. (1)

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി ആസേവനപച്ചയാ – അനുപാദിന്നഅനുപാദാനിയം ഏകം ഖന്ധം പടിച്ച…പേ॰…. (൧)

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati āsevanapaccayā – anupādinnaanupādāniyaṃ ekaṃ khandhaṃ paṭicca…pe…. (1)

    കമ്മപച്ചയോ

    Kammapaccayo

    ൯. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി കമ്മപച്ചയാ (ഹേതുപച്ചയസദിസാ നവ).

    9. Upādinnupādāniyaṃ dhammaṃ paṭicca upādinnupādāniyo dhammo uppajjati kammapaccayā (hetupaccayasadisā nava).

    വിപാകപച്ചയോ

    Vipākapaccayo

    ൧൦. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി വിപാകപച്ചയാ… തീണി.

    10. Upādinnupādāniyaṃ dhammaṃ paṭicca upādinnupādāniyo dhammo uppajjati vipākapaccayā… tīṇi.

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി വിപാകപച്ചയാ – ഏകം മഹാഭൂതം പടിച്ച…പേ॰… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം.

    Anupādinnupādāniyaṃ dhammaṃ paṭicca anupādinnupādāniyo dhammo uppajjati vipākapaccayā – ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ upādārūpaṃ.

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി വിപാകപച്ചയാ – വിപാകം അനുപാദിന്നഅനുപാദാനിയം ഏകം ഖന്ധം പടിച്ച തയോ ഖന്ധാ…പേ॰… നവ.

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati vipākapaccayā – vipākaṃ anupādinnaanupādāniyaṃ ekaṃ khandhaṃ paṭicca tayo khandhā…pe… nava.

    ആഹാരപച്ചയാദി

    Āhārapaccayādi

    ൧൧. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി ആഹാരപച്ചയാ…പേ॰… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

    11. Upādinnupādāniyaṃ dhammaṃ paṭicca upādinnupādāniyo dhammo uppajjati āhārapaccayā…pe… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    (യഥാ കുസലത്തികസ്സ പടിച്ചവാരോ സജ്ഝായമഗ്ഗേന വിത്ഥാരിതോ, ഏവം വിത്ഥാരേതബ്ബം.)

    (Yathā kusalattikassa paṭiccavāro sajjhāyamaggena vitthārito, evaṃ vitthāretabbaṃ.)

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൧൨. ഹേതുയാ നവ, ആരമ്മണേ തീണി, അധിപതിയാ പഞ്ച, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ തീണി, നിസ്സയേ നവ, ഉപനിസ്സയേ തീണി, പുരേജാതേ തീണി, ആസേവനേ ദ്വേ, കമ്മേ നവ, വിപാകേ നവ, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ തീണി, വിപ്പയുത്തേ നവ, അത്ഥിയാ നവ, നത്ഥിയാ തീണി, വിഗതേ തീണി, അവിഗതേ നവ.

    12. Hetuyā nava, ārammaṇe tīṇi, adhipatiyā pañca, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke nava, āhāre nava, indriye nava, jhāne nava, magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava.

    ഹേതുദുകം

    Hetudukaṃ

    ഹേതുപച്ചയാ ആരമ്മണേ തീണി…പേ॰… അവിഗതേ നവ.

    Hetupaccayā ārammaṇe tīṇi…pe… avigate nava.

    (യഥാ കുസലത്തികേ പടിച്ചഗണനാ സജ്ഝായമഗ്ഗേന ഗണിതാ, ഏവം ഗണേതബ്ബം.)

    (Yathā kusalattike paṭiccagaṇanā sajjhāyamaggena gaṇitā, evaṃ gaṇetabbaṃ.)

    അനുലോമം.

    Anulomaṃ.

    ൨. പച്ചയപച്ചനീയം

    2. Paccayapaccanīyaṃ

    ൧. വിഭങ്ഗവാരോ

    1. Vibhaṅgavāro

    നഹേതുപച്ചയോ

    Nahetupaccayo

    ൧൩. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ, ദ്വേ ഖന്ധേ പടിച്ച ദ്വേ ഖന്ധാ, അഹേതുകപടിസന്ധിക്ഖണേ ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം; ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ॰… മഹാഭൂതേ പടിച്ച കടത്താരൂപം ഉപാദാരൂപം; അസഞ്ഞസത്താനം ഏകം മഹാഭൂതം പടിച്ച…പേ॰… മഹാഭൂതേ പടിച്ച കടത്താരൂപം ഉപാദാരൂപം. (൧)

    13. Upādinnupādāniyaṃ dhammaṃ paṭicca upādinnupādāniyo dhammo uppajjati nahetupaccayā – ahetukaṃ upādinnupādāniyaṃ ekaṃ khandhaṃ paṭicca tayo khandhā, dve khandhe paṭicca dve khandhā, ahetukapaṭisandhikkhaṇe upādinnupādāniyaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā kaṭattā ca rūpaṃ; khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca tayo mahābhūtā…pe… mahābhūte paṭicca kaṭattārūpaṃ upādārūpaṃ; asaññasattānaṃ ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ. (1)

    ഉപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നുപാദാനിയേ ഖന്ധേ പടിച്ച ചിത്തസമുട്ഠാനം രൂപം. (൨)

    Upādinnupādāniyaṃ dhammaṃ paṭicca anupādinnupādāniyo dhammo uppajjati nahetupaccayā – ahetuke upādinnupādāniye khandhe paṭicca cittasamuṭṭhānaṃ rūpaṃ. (2)

    ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

    Upādinnupādāniyaṃ dhammaṃ paṭicca upādinnupādāniyo ca anupādinnupādāniyo ca dhammā uppajjanti nahetupaccayā – ahetukaṃ upādinnupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം അനുപാദിന്നുപാദാനിയം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. അനുപാദിന്നുപാദാനിയം ഏകം മഹാഭൂതം…പേ॰… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച…പേ॰… മഹാഭൂതേ പടിച്ച ഉപാദാരൂപം. വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

    Anupādinnupādāniyaṃ dhammaṃ paṭicca anupādinnupādāniyo dhammo uppajjati nahetupaccayā – ahetukaṃ anupādinnupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. Anupādinnupādāniyaṃ ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ upādārūpaṃ. Bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paṭicca…pe… mahābhūte paṭicca upādārūpaṃ. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Upādinnupādāniyañca anupādinnupādāniyañca dhammaṃ paṭicca anupādinnupādāniyo dhammo uppajjati nahetupaccayā – ahetuke upādinnupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    നആരമ്മണപച്ചയോ

    Naārammaṇapaccayo

    ൧൪. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ – പടിസന്ധിക്ഖണേ ഉപാദിന്നുപാദാനിയേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു, ഏകം മഹാഭൂതം പടിച്ച…പേ॰… അസഞ്ഞസത്താനം ഏകം മഹാഭൂതം പടിച്ച…പേ॰…. (൧)

    14. Upādinnupādāniyaṃ dhammaṃ paṭicca upādinnupādāniyo dhammo uppajjati naārammaṇapaccayā – paṭisandhikkhaṇe upādinnupādāniye khandhe paṭicca kaṭattārūpaṃ, khandhe paṭicca vatthu, ekaṃ mahābhūtaṃ paṭicca…pe… asaññasattānaṃ ekaṃ mahābhūtaṃ paṭicca…pe…. (1)

    ഉപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ – ഉപാദിന്നുപാദാനിയേ ഖന്ധേ പടിച്ച ചിത്തസമുട്ഠാനം രൂപം. (൨)

    Upādinnupādāniyaṃ dhammaṃ paṭicca anupādinnupādāniyo dhammo uppajjati naārammaṇapaccayā – upādinnupādāniye khandhe paṭicca cittasamuṭṭhānaṃ rūpaṃ. (2)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ – അനുപാദിന്നുപാദാനിയേ ഖന്ധേ പടിച്ച ചിത്തസമുട്ഠാനം രൂപം, ഏകം മഹാഭൂതം പടിച്ച …പേ॰… ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച…പേ॰…. (൧)

    Anupādinnupādāniyaṃ dhammaṃ paṭicca anupādinnupādāniyo dhammo uppajjati naārammaṇapaccayā – anupādinnupādāniye khandhe paṭicca cittasamuṭṭhānaṃ rūpaṃ, ekaṃ mahābhūtaṃ paṭicca …pe… bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paṭicca…pe…. (1)

    അനുപാദിന്നഅനുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ – അനുപാദിന്നഅനുപാദാനിയേ ഖന്ധേ പടിച്ച ചിത്തസമുട്ഠാനം രൂപം. (൧)

    Anupādinnaanupādāniyaṃ dhammaṃ paṭicca anupādinnupādāniyo dhammo uppajjati naārammaṇapaccayā – anupādinnaanupādāniye khandhe paṭicca cittasamuṭṭhānaṃ rūpaṃ. (1)

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ – അനുപാദിന്നഅനുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Anupādinnupādāniyañca anupādinnaanupādāniyañca dhammaṃ paṭicca anupādinnupādāniyo dhammo uppajjati naārammaṇapaccayā – anupādinnaanupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ – ഉപാദിന്നുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Upādinnupādāniyañca anupādinnupādāniyañca dhammaṃ paṭicca anupādinnupādāniyo dhammo uppajjati naārammaṇapaccayā – upādinnupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    നഅധിപതിപച്ചയോ

    Naadhipatipaccayo

    ൧൫. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ (പടിസന്ധി പരിപുണ്ണം)… തീണി.

    15. Upādinnupādāniyaṃ dhammaṃ paṭicca upādinnupādāniyo dhammo uppajjati naadhipatipaccayā (paṭisandhi paripuṇṇaṃ)… tīṇi.

    അനുപാദിന്നുപാദാനിയം ധമ്മം പടിച്ച… ഏകാ.

    Anupādinnupādāniyaṃ dhammaṃ paṭicca… ekā.

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി നഅധിപതിപച്ചയാ – അനുപാദിന്നഅനുപാദാനിയേ ഖന്ധേ പടിച്ച അനുപാദിന്നഅനുപാദാനിയാ അധിപതി. (൧)

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati naadhipatipaccayā – anupādinnaanupādāniye khandhe paṭicca anupādinnaanupādāniyā adhipati. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ – ഉപാദിന്നുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം.

    Upādinnupādāniyañca anupādinnupādāniyañca dhammaṃ paṭicca anupādinnupādāniyo dhammo uppajjati naadhipatipaccayā – upādinnupādāniye khandhe ca mahābhūte ca paṭicca cittasamuṭṭhānaṃ rūpaṃ.

    നഅനന്തരപച്ചയാദി

    Naanantarapaccayādi

    ൧൬. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നഅനന്തരപച്ചയാ…പേ॰… നസമനന്തരപച്ചയാ…. നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ… നപച്ഛാജാതപച്ചയാ… നആസേവനപച്ചയാ…പേ॰….

    16. Upādinnupādāniyaṃ dhammaṃ paṭicca upādinnupādāniyo dhammo uppajjati naanantarapaccayā…pe… nasamanantarapaccayā…. naaññamaññapaccayā… naupanissayapaccayā… napurejātapaccayā… napacchājātapaccayā… naāsevanapaccayā…pe….

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി നആസേവനപച്ചയാ – വിപാകം അനുപാദിന്നഅനുപാദാനിയം ഏകം ഖന്ധം പടിച്ച തയോ ഖന്ധാ (സംഖിത്തം).

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati naāsevanapaccayā – vipākaṃ anupādinnaanupādāniyaṃ ekaṃ khandhaṃ paṭicca tayo khandhā (saṃkhittaṃ).

    നകമ്മപച്ചയോ

    Nakammapaccayo

    ൧൭. അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നകമ്മപച്ചയാ – അനുപാദിന്നുപാദാനിയേ ഖന്ധേ പടിച്ച അനുപാദിന്നുപാദാനിയാ ചേതനാ . ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച…പേ॰…. (൧)

    17. Anupādinnupādāniyaṃ dhammaṃ paṭicca anupādinnupādāniyo dhammo uppajjati nakammapaccayā – anupādinnupādāniye khandhe paṭicca anupādinnupādāniyā cetanā . Bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paṭicca…pe…. (1)

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി നകമ്മപച്ചയാ – കുസലേ അനുപാദിന്നഅനുപാദാനിയേ ഖന്ധേ പടിച്ച അനുപാദിന്നഅനുപാദാനിയാ ചേതനാ. (൨)

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati nakammapaccayā – kusale anupādinnaanupādāniye khandhe paṭicca anupādinnaanupādāniyā cetanā. (2)

    നവിപാകപച്ചയോ

    Navipākapaccayo

    ൧൮. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ – അസഞ്ഞസത്താനം ഏകം മഹാഭൂതം പടിച്ച…പേ॰… മഹാഭൂതേ പടിച്ച കടത്താരൂപം ഉപാദാരൂപം. (൧)

    18. Upādinnupādāniyaṃ dhammaṃ paṭicca upādinnupādāniyo dhammo uppajjati navipākapaccayā – asaññasattānaṃ ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ. (1)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ… ഏകാ .

    Anupādinnupādāniyaṃ dhammaṃ paṭicca anupādinnupādāniyo dhammo uppajjati navipākapaccayā… ekā .

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി നവിപാകപച്ചയാ – കുസലം അനുപാദിന്നഅനുപാദാനിയം ഏകം ഖന്ധം പടിച്ച തയോ ഖന്ധാ… തീണി.

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati navipākapaccayā – kusalaṃ anupādinnaanupādāniyaṃ ekaṃ khandhaṃ paṭicca tayo khandhā… tīṇi.

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ – കുസലേ അനുപാദിന്നഅനുപാദാനിയേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Anupādinnupādāniyañca anupādinnaanupādāniyañca dhammaṃ paṭicca anupādinnupādāniyo dhammo uppajjati navipākapaccayā – kusale anupādinnaanupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)

    നആഹാരപച്ചയോ

    Naāhārapaccayo

    ൧൯. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നആഹാരപച്ചയാ – അസഞ്ഞസത്താനം ഏകം മഹാഭൂതം പടിച്ച…പേ॰…. (൧)

    19. Upādinnupādāniyaṃ dhammaṃ paṭicca upādinnupādāniyo dhammo uppajjati naāhārapaccayā – asaññasattānaṃ ekaṃ mahābhūtaṃ paṭicca…pe…. (1)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നആഹാരപച്ചയാ – ബാഹിരം… ഉതുസമുട്ഠാനം ഏകം മഹാഭൂതം പടിച്ച…പേ॰…. (൧)

    Anupādinnupādāniyaṃ dhammaṃ paṭicca anupādinnupādāniyo dhammo uppajjati naāhārapaccayā – bāhiraṃ… utusamuṭṭhānaṃ ekaṃ mahābhūtaṃ paṭicca…pe…. (1)

    നഇന്ദ്രിയപച്ചയോ

    Naindriyapaccayo

    ൨൦. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നഇന്ദ്രിയപച്ചയാ – അസഞ്ഞസത്താനം മഹാഭൂതേ പടിച്ച രൂപജീവിതിന്ദ്രിയം. (൧)

    20. Upādinnupādāniyaṃ dhammaṃ paṭicca upādinnupādāniyo dhammo uppajjati naindriyapaccayā – asaññasattānaṃ mahābhūte paṭicca rūpajīvitindriyaṃ. (1)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച…പേ॰…. (൧)

    Anupādinnupādāniyaṃ dhammaṃ paṭicca anupādinnupādāniyo dhammo uppajjati naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paṭicca…pe…. (1)

    നഝാനപച്ചയോ

    Najhānapaccayo

    ൨൧. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പടിച്ച തയോ ഖന്ധാ…പേ॰… അസഞ്ഞസത്താനം ഏകം മഹാഭൂതം പടിച്ച …പേ॰…. (൧)

    21. Upādinnupādāniyaṃ dhammaṃ paṭicca upādinnupādāniyo dhammo uppajjati najhānapaccayā – pañcaviññāṇasahagataṃ ekaṃ khandhaṃ paṭicca tayo khandhā…pe… asaññasattānaṃ ekaṃ mahābhūtaṃ paṭicca …pe…. (1)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നഝാനപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച…പേ॰…. (൧)

    Anupādinnupādāniyaṃ dhammaṃ paṭicca anupādinnupādāniyo dhammo uppajjati najhānapaccayā – bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paṭicca…pe…. (1)

    നമഗ്ഗപച്ചയോ

    Namaggapaccayo

    ൨൨. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ… പഞ്ച.

    22. Upādinnupādāniyaṃ dhammaṃ paṭicca upādinnupādāniyo dhammo uppajjati namaggapaccayā – ahetukaṃ upādinnupādāniyaṃ ekaṃ khandhaṃ paṭicca tayo khandhā… pañca.

    നസമ്പയുത്തപച്ചയോ

    Nasampayuttapaccayo

    ൨൩. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നസമ്പയുത്തപച്ചയാ (നആരമ്മണപച്ചയസദിസം).

    23. Upādinnupādāniyaṃ dhammaṃ paṭicca upādinnupādāniyo dhammo uppajjati nasampayuttapaccayā (naārammaṇapaccayasadisaṃ).

    നവിപ്പയുത്തപച്ചയോ

    Navippayuttapaccayo

    ൨൪. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ ഉപാദിന്നുപാദാനിയം ഏകം ഖന്ധം പടിച്ച തയോ ഖന്ധാ…പേ॰… അസഞ്ഞസത്താനം ഏകം മഹാഭൂതം പടിച്ച…പേ॰…. (൧)

    24. Upādinnupādāniyaṃ dhammaṃ paṭicca upādinnupādāniyo dhammo uppajjati navippayuttapaccayā – arūpe upādinnupādāniyaṃ ekaṃ khandhaṃ paṭicca tayo khandhā…pe… asaññasattānaṃ ekaṃ mahābhūtaṃ paṭicca…pe…. (1)

    അനുപാദിന്നുപാദാനിയം ധമ്മം പടിച്ച അനുപാദിന്നുപാദാനിയോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അനുപാദിന്നുപാദാനിയം ഏകം ഖന്ധം പടിച്ച തയോഖന്ധാ…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച…പേ॰…. (൧)

    Anupādinnupādāniyaṃ dhammaṃ paṭicca anupādinnupādāniyo dhammo uppajjati navippayuttapaccayā – arūpe anupādinnupādāniyaṃ ekaṃ khandhaṃ paṭicca tayokhandhā…pe… bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paṭicca…pe…. (1)

    അനുപാദിന്നഅനുപാദാനിയം ധമ്മം പടിച്ച അനുപാദിന്നഅനുപാദാനിയോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അനുപാദിന്നഅനുപാദാനിയം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ പടിച്ച ദ്വേ ഖന്ധാ. (൧)

    Anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati navippayuttapaccayā – arūpe anupādinnaanupādāniyaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    നോനത്ഥി-നോവിഗതപച്ചയാ

    Nonatthi-novigatapaccayā

    ൨൫. ഉപാദിന്നുപാദാനിയം ധമ്മം പടിച്ച ഉപാദിന്നുപാദാനിയോ ധമ്മോ ഉപ്പജ്ജതി നോനത്ഥിപച്ചയാ… നോവിഗതപച്ചയാ.

    25. Upādinnupādāniyaṃ dhammaṃ paṭicca upādinnupādāniyo dhammo uppajjati nonatthipaccayā… novigatapaccayā.

    (യഥാ കുസലത്തികേ പച്ചനീയവാരോ വിത്ഥാരിതോ, ഏവം വിത്ഥാരേതബ്ബോ.)

    (Yathā kusalattike paccanīyavāro vitthārito, evaṃ vitthāretabbo.)

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൨൬. നഹേതുയാ പഞ്ച, നആരമ്മണേ ഛ, നഅധിപതിയാ ഛ, നഅനന്തരേ ഛ, നസമനന്തരേ ഛ, നഅഞ്ഞമഞ്ഞേ ഛ, നഉപനിസ്സയേ ഛ, നപുരേജാതേ സത്ത, നപച്ഛാജാതേ നവ, നആസേവനേ നവ, നകമ്മേ ദ്വേ, നവിപാകേ ഛ, നആഹാരേ ദ്വേ, നഇന്ദ്രിയേ ദ്വേ, നഝാനേ ദ്വേ, നമഗ്ഗേ പഞ്ച, നസമ്പയുത്തേ ഛ, നവിപ്പയുത്തേ തീണി, നോനത്ഥിയാ ഛ, നോവിഗതേ ഛ.

    26. Nahetuyā pañca, naārammaṇe cha, naadhipatiyā cha, naanantare cha, nasamanantare cha, naaññamaññe cha, naupanissaye cha, napurejāte satta, napacchājāte nava, naāsevane nava, nakamme dve, navipāke cha, naāhāre dve, naindriye dve, najhāne dve, namagge pañca, nasampayutte cha, navippayutte tīṇi, nonatthiyā cha, novigate cha.

    നഹേതുദുകം

    Nahetudukaṃ

    നഹേതുപച്ചയാ നആരമ്മണേ ചത്താരി, നഅധിപതിയാ പഞ്ച, നഅനന്തരേ ചത്താരി…പേ॰… നആസേവനേ പഞ്ച, നകമ്മേ ഏകം, നവിപാകേ ദ്വേ…പേ॰… നഝാനേ ദ്വേ, നമഗ്ഗേ പഞ്ച, നസമ്പയുത്തേ ചത്താരി, നവിപ്പയുത്തേ ദ്വേ…പേ॰… നോവിഗതേ ചത്താരി.

    Nahetupaccayā naārammaṇe cattāri, naadhipatiyā pañca, naanantare cattāri…pe… naāsevane pañca, nakamme ekaṃ, navipāke dve…pe… najhāne dve, namagge pañca, nasampayutte cattāri, navippayutte dve…pe… novigate cattāri.

    (യഥാ കുസലത്തികേ ഗണനാ, ഏവം ഗണേതബ്ബം.)

    (Yathā kusalattike gaṇanā, evaṃ gaṇetabbaṃ.)

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ഹേതുദുകം

    Hetudukaṃ

    ൨൭. ഹേതുപച്ചയാ നആരമ്മണേ ഛ…പേ॰… നപുരേജാതേ സത്ത, നപച്ഛാജാതേ നവ, നആസേവനേ നവ, നകമ്മേ ദ്വേ, നവിപാകേ ഛ, നസമ്പയുത്തേ ഛ, നവിപ്പയുത്തേ തീണി…പേ॰… നോവിഗതേ ഛ.

    27. Hetupaccayā naārammaṇe cha…pe… napurejāte satta, napacchājāte nava, naāsevane nava, nakamme dve, navipāke cha, nasampayutte cha, navippayutte tīṇi…pe… novigate cha.

    (യഥാ കുസലത്തികേ അനുലോമപച്ചനീയഗണനാ, ഏവം ഗണേതബ്ബാ.)

    (Yathā kusalattike anulomapaccanīyagaṇanā, evaṃ gaṇetabbā.)

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    നഹേതുദുകം

    Nahetudukaṃ

    ൨൮. നഹേതുപച്ചയാ ആരമ്മണേ ദ്വേ…പേ॰… സഹജാതേ പഞ്ച, അഞ്ഞമഞ്ഞേ ദ്വേ, നിസ്സയേ പഞ്ച, ഉപനിസ്സയേ ദ്വേ, പുരേജാതേ ദ്വേ, ആസേവനേ ഏകം, കമ്മേ പഞ്ച…പേ॰… ഝാനേ പഞ്ച, മഗ്ഗേ ഏകം, സമ്പയുത്തേ ദ്വേ, വിപ്പയുത്തേ പഞ്ച…പേ॰… അവിഗതേ പഞ്ച.

    28. Nahetupaccayā ārammaṇe dve…pe… sahajāte pañca, aññamaññe dve, nissaye pañca, upanissaye dve, purejāte dve, āsevane ekaṃ, kamme pañca…pe… jhāne pañca, magge ekaṃ, sampayutte dve, vippayutte pañca…pe… avigate pañca.

    (യഥാ കുസലത്തികേ പച്ചനീയാനുലോമഗണനാ, ഏവം ഗണേതബ്ബാ.)

    (Yathā kusalattike paccanīyānulomagaṇanā, evaṃ gaṇetabbā.)

    പച്ചനീയാനുലോമം.

    Paccanīyānulomaṃ.

    പടിച്ചവാരോ.

    Paṭiccavāro.

    ൨. സഹജാതവാരോ

    2. Sahajātavāro

    ൧-൪. പച്ചയചതുക്കം

    1-4. Paccayacatukkaṃ

    ൨൯. ഉപാദിന്നുപാദാനിയം ധമ്മം സഹജാതോ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (പടിച്ചവാരോപി സഹജാതവാരോപി സദിസോ.)

    29. Upādinnupādāniyaṃ dhammaṃ sahajāto upādinnupādāniyo dhammo uppajjati hetupaccayā. (Paṭiccavāropi sahajātavāropi sadiso.)

    സഹജാതവാരോ.

    Sahajātavāro.

    ൩. പച്ചയവാരോ

    3. Paccayavāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൩൦. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ॰… പടിസന്ധിക്ഖണേ…പേ॰… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ തയോ മഹാഭൂതാ…പേ॰… മഹാഭൂതേ പച്ചയാ കടത്താരൂപം ഉപാദാരൂപം; വത്ഥും പച്ചയാ ഉപാദിന്നുപാദാനിയാ ഖന്ധാ. (൧)

    30. Upādinnupādāniyaṃ dhammaṃ paccayā upādinnupādāniyo dhammo uppajjati hetupaccayā – upādinnupādāniyaṃ ekaṃ khandhaṃ paccayā tayo khandhā…pe… paṭisandhikkhaṇe…pe… khandhe paccayā vatthu, vatthuṃ paccayā khandhā; ekaṃ mahābhūtaṃ paccayā tayo mahābhūtā…pe… mahābhūte paccayā kaṭattārūpaṃ upādārūpaṃ; vatthuṃ paccayā upādinnupādāniyā khandhā. (1)

    ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയേ ഖന്ധേ പച്ചയാ ചിത്തസമുട്ഠാനം രൂപം; വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

    Upādinnupādāniyaṃ dhammaṃ paccayā anupādinnupādāniyo dhammo uppajjati hetupaccayā – upādinnupādāniye khandhe paccayā cittasamuṭṭhānaṃ rūpaṃ; vatthuṃ paccayā anupādinnupādāniyā khandhā. (2)

    ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ അനുപാദിന്നഅനുപാദാനിയാ ഖന്ധാ. (൩)

    Upādinnupādāniyaṃ dhammaṃ paccayā anupādinnaanupādāniyo dhammo uppajjati hetupaccayā – vatthuṃ paccayā anupādinnaanupādāniyā khandhā. (3)

    ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰…. (൪)

    Upādinnupādāniyaṃ dhammaṃ paccayā upādinnupādāniyo ca anupādinnupādāniyo ca dhammā uppajjanti hetupaccayā – upādinnupādāniyaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe…. (4)

    ൩൧. അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ… ഏകാ.

    31. Anupādinnupādāniyaṃ dhammaṃ paccayā anupādinnupādāniyo dhammo uppajjati hetupaccayā… ekā.

    അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ… തീണി.

    Anupādinnaanupādāniyaṃ dhammaṃ paccayā anupādinnaanupādāniyo dhammo uppajjati hetupaccayā… tīṇi.

    ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

    Upādinnupādāniyañca anupādinnaanupādāniyañca dhammaṃ paccayā anupādinnaanupādāniyo dhammo uppajjati hetupaccayā – anupādinnaanupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā. (1)

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൧)

    Anupādinnupādāniyañca anupādinnaanupādāniyañca dhammaṃ paccayā anupādinnupādāniyo dhammo uppajjati hetupaccayā – anupādinnaanupādāniye khandhe ca mahābhūte ca paccayā cittasamuṭṭhānaṃ rūpaṃ. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

    Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati hetupaccayā – upādinnupādāniye khandhe ca mahābhūte ca paccayā cittasamuṭṭhānaṃ rūpaṃ; anupādinnupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā. (1)

    ആരമ്മണപച്ചയോ

    Ārammaṇapaccayo

    ൩൨. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ॰… ദ്വേ ഖന്ധേ പച്ചയാ ദ്വേ ഖന്ധാ; പടിസന്ധിക്ഖണേ ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ॰… ദ്വേ ഖന്ധേ പച്ചയാ ദ്വേ ഖന്ധാ; വത്ഥും പച്ചയാ ഖന്ധാ; ചക്ഖായതനം പച്ചയാ ചക്ഖുവിഞ്ഞാണം…പേ॰… കായായതനം പച്ചയാ കായവിഞ്ഞാണം; വത്ഥും പച്ചയാ ഉപാദിന്നുപാദാനിയാ ഖന്ധാ. (൧)

    32. Upādinnupādāniyaṃ dhammaṃ paccayā upādinnupādāniyo dhammo uppajjati ārammaṇapaccayā – upādinnupādāniyaṃ ekaṃ khandhaṃ paccayā tayo khandhā…pe… dve khandhe paccayā dve khandhā; paṭisandhikkhaṇe upādinnupādāniyaṃ ekaṃ khandhaṃ paccayā tayo khandhā…pe… dve khandhe paccayā dve khandhā; vatthuṃ paccayā khandhā; cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ; vatthuṃ paccayā upādinnupādāniyā khandhā. (1)

    ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

    Upādinnupādāniyaṃ dhammaṃ paccayā anupādinnupādāniyo dhammo uppajjati ārammaṇapaccayā – vatthuṃ paccayā anupādinnupādāniyā khandhā. (2)

    ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ അനുപാദിന്നഅനുപാദാനിയാ ഖന്ധാ . (൩)

    Upādinnupādāniyaṃ dhammaṃ paccayā anupādinnaanupādāniyo dhammo uppajjati ārammaṇapaccayā – vatthuṃ paccayā anupādinnaanupādāniyā khandhā . (3)

    അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ॰… ദ്വേ ഖന്ധേ പച്ചയാ ദ്വേ ഖന്ധാ. (൧)

    Anupādinnupādāniyaṃ dhammaṃ paccayā anupādinnupādāniyo dhammo uppajjati ārammaṇapaccayā – anupādinnupādāniyaṃ ekaṃ khandhaṃ paccayā tayo khandhā…pe… dve khandhe paccayā dve khandhā. (1)

    അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നഅനുപാദാനിയം ഏകം ഖന്ധം പച്ചയാ തയോ ഖന്ധാ…പേ॰… ദ്വേ ഖന്ധേ പച്ചയാ ദ്വേ ഖന്ധാ. (൧)

    Anupādinnaanupādāniyaṃ dhammaṃ paccayā anupādinnaanupādāniyo dhammo uppajjati ārammaṇapaccayā – anupādinnaanupādāniyaṃ ekaṃ khandhaṃ paccayā tayo khandhā…pe… dve khandhe paccayā dve khandhā. (1)

    ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നഅനുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

    Upādinnupādāniyañca anupādinnaanupādāniyañca dhammaṃ paccayā anupādinnaanupādāniyo dhammo uppajjati ārammaṇapaccayā – anupādinnaanupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

    Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati ārammaṇapaccayā – anupādinnupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā. (1)

    അധിപതിപച്ചയോ

    Adhipatipaccayo

    ൩൩. ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ അനുപാദിന്നുപാദാനിയാ ഖന്ധാ. (൧)

    33. Upādinnupādāniyaṃ dhammaṃ paccayā anupādinnupādāniyo dhammo uppajjati adhipatipaccayā – vatthuṃ paccayā anupādinnupādāniyā khandhā. (1)

    ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ അനുപാദിന്നഅനുപാദാനിയാ ഖന്ധാ. (൨)

    Upādinnupādāniyaṃ dhammaṃ paccayā anupādinnaanupādāniyo dhammo uppajjati adhipatipaccayā – vatthuṃ paccayā anupādinnaanupādāniyā khandhā. (2)

    അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ… ഏകാ.

    Anupādinnupādāniyaṃ dhammaṃ paccayā anupādinnupādāniyo dhammo uppajjati adhipatipaccayā… ekā.

    അനുപാദിന്നഅനുപാദാനിയം ധമ്മം പച്ചയാ… തിസ്സോ.

    Anupādinnaanupādāniyaṃ dhammaṃ paccayā… tisso.

    ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ…പേ॰… അധിപതിപച്ചയാ…പേ॰…. (൧)

    Upādinnupādāniyañca anupādinnaanupādāniyañca dhammaṃ paccayā…pe… adhipatipaccayā…pe…. (1)

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ…പേ॰… അധിപതിപച്ചയാ. (൧)

    Anupādinnupādāniyañca anupādinnaanupādāniyañca dhammaṃ paccayā…pe… adhipatipaccayā. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ – അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

    Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati adhipatipaccayā – anupādinnupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā. (1)

    അനന്തരപച്ചയോ

    Anantarapaccayo

    ൩൪. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി അനന്തരപച്ചയാ.

    34. Upādinnupādāniyaṃ dhammaṃ paccayā upādinnupādāniyo dhammo uppajjati anantarapaccayā.

    (ചതുവീസതിപച്ചയാ വിത്ഥാരേതബ്ബാ, അവിഗതപച്ചയാ.)

    (Catuvīsatipaccayā vitthāretabbā, avigatapaccayā.)

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൩൫. ഹേതുയാ ഏകാദസ, ആരമ്മണേ സത്ത, അധിപതിയാ നവ, അനന്തരേ സത്ത, സമനന്തരേ സത്ത, സഹജാതേ ഏകാദസ, അഞ്ഞമഞ്ഞേ സത്ത, നിസ്സയേ ഏകാദസ, ഉപനിസ്സയേ സത്ത, പുരേജാതേ സത്ത, ആസേവനേ ഛ, കമ്മേ ഏകാദസ, വിപാകേ ഏകാദസ, ആഹാരേ ഏകാദസ, ഇന്ദ്രിയേ ഏകാദസ, ഝാനേ ഏകാദസ, മഗ്ഗേ ഏകാദസ, സമ്പയുത്തേ സത്ത, വിപ്പയുത്തേ ഏകാദസ, അത്ഥിയാ ഏകാദസ, നത്ഥിയാ സത്ത, വിഗതേ സത്ത, അവിഗതേ ഏകാദസ.

    35. Hetuyā ekādasa, ārammaṇe satta, adhipatiyā nava, anantare satta, samanantare satta, sahajāte ekādasa, aññamaññe satta, nissaye ekādasa, upanissaye satta, purejāte satta, āsevane cha, kamme ekādasa, vipāke ekādasa, āhāre ekādasa, indriye ekādasa, jhāne ekādasa, magge ekādasa, sampayutte satta, vippayutte ekādasa, atthiyā ekādasa, natthiyā satta, vigate satta, avigate ekādasa.

    ഹേതുദുകം

    Hetudukaṃ

    ഹേതുപച്ചയാ ആരമ്മണേ സത്ത…പേ॰… അവിഗതേ ഏകാദസ.

    Hetupaccayā ārammaṇe satta…pe… avigate ekādasa.

    (യഥാ കുസലത്തികേ ഗണനാ ഏവം ഗണേതബ്ബാ.)

    (Yathā kusalattike gaṇanā evaṃ gaṇetabbā.)

    അനുലോമം.

    Anulomaṃ.

    ൨. പച്ചയപച്ചനീയം

    2. Paccayapaccanīyaṃ

    ൧. വിഭങ്ഗവാരോ

    1. Vibhaṅgavāro

    നഹേതുപച്ചയോ

    Nahetupaccayo

    ൩൬. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപാദിന്നുപാദാനിയം ഏകം ഖന്ധം പച്ചയാ…പേ॰… അഹേതുകപടിസന്ധിക്ഖണേ…പേ॰… അസഞ്ഞസത്താനം ഏകം മഹാഭൂതം…പേ॰… ചക്ഖായതനം പച്ചയാ ചക്ഖുവിഞ്ഞാണം…പേ॰… കായായതനം പച്ചയാ കായവിഞ്ഞാണം; വത്ഥും പച്ചയാ അഹേതുകാ ഉപാദിന്നുപാദാനിയാ ഖന്ധാ. (൧)

    36. Upādinnupādāniyaṃ dhammaṃ paccayā upādinnupādāniyo dhammo uppajjati nahetupaccayā – ahetukaṃ upādinnupādāniyaṃ ekaṃ khandhaṃ paccayā…pe… ahetukapaṭisandhikkhaṇe…pe… asaññasattānaṃ ekaṃ mahābhūtaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ; vatthuṃ paccayā ahetukā upādinnupādāniyā khandhā. (1)

    ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നുപാദാനിയേ ഖന്ധേ പച്ചയാ ചിത്തസമുട്ഠാനം രൂപം; വത്ഥും പച്ചയാ അഹേതുകാ അനുപാദിന്നുപാദാനിയാ ഖന്ധാ; വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

    Upādinnupādāniyaṃ dhammaṃ paccayā anupādinnupādāniyo dhammo uppajjati nahetupaccayā – ahetuke upādinnupādāniye khandhe paccayā cittasamuṭṭhānaṃ rūpaṃ; vatthuṃ paccayā ahetukā anupādinnupādāniyā khandhā; vatthuṃ paccayā vicikicchāsahagato uddhaccasahagato moho. (2)

    ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰…. (൩)

    Upādinnupādāniyaṃ dhammaṃ paccayā upādinnupādāniyo ca anupādinnupādāniyo ca dhammā uppajjanti nahetupaccayā – ahetukaṃ upādinnupādāniyaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe…. (3)

    അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം അനുപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം…പേ॰… രൂപം; വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

    Anupādinnupādāniyaṃ dhammaṃ paccayā anupādinnupādāniyo dhammo uppajjati nahetupaccayā – ahetukaṃ anupādinnupādāniyaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ…pe… rūpaṃ; vicikicchāsahagate uddhaccasahagate khandhe paccayā vicikicchāsahagato uddhaccasahagato moho. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; അഹേതുകം അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ; വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

    Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati nahetupaccayā – ahetuke upādinnupādāniye khandhe ca mahābhūte ca paccayā cittasamuṭṭhānaṃ rūpaṃ; ahetukaṃ anupādinnupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā; vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    നആരമ്മണപച്ചയോ

    Naārammaṇapaccayo

    ൩൭. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ (സംഖിത്തം).

    37. Upādinnupādāniyaṃ dhammaṃ paccayā upādinnupādāniyo dhammo uppajjati naārammaṇapaccayā (saṃkhittaṃ).

    നഅധിപതിപച്ചയോ

    Naadhipatipaccayo

    ൩൮. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ – ഉപാദിന്നുപാദാനിയം ഏകം ഖന്ധം പച്ചയാ…പേ॰…. (൧)

    38. Upādinnupādāniyaṃ dhammaṃ paccayā upādinnupādāniyo dhammo uppajjati naadhipatipaccayā – upādinnupādāniyaṃ ekaṃ khandhaṃ paccayā…pe…. (1)

    ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ – ഉപാദിന്നുപാദാനിയേ ഖന്ധേ പച്ചയാ ചിത്തസമുട്ഠാനം രൂപം; വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

    Upādinnupādāniyaṃ dhammaṃ paccayā anupādinnupādāniyo dhammo uppajjati naadhipatipaccayā – upādinnupādāniye khandhe paccayā cittasamuṭṭhānaṃ rūpaṃ; vatthuṃ paccayā anupādinnupādāniyā khandhā. (2)

    ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ അനുപാദിന്നഅനുപാദാനിയാ അധിപതി. (൩)

    Upādinnupādāniyaṃ dhammaṃ paccayā anupādinnaanupādāniyo dhammo uppajjati naadhipatipaccayā – vatthuṃ paccayā anupādinnaanupādāniyā adhipati. (3)

    ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി നഅധിപതിപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰…. (൪)

    Upādinnupādāniyaṃ dhammaṃ paccayā upādinnupādāniyo ca anupādinnupādāniyo ca dhammā uppajjanti naadhipatipaccayā – upādinnupādāniyaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe…. (4)

    അനുപാദിന്നുപാദാനിയം ധമ്മം പച്ചയാ. (ഏകാ പഞ്ഹാ.)

    Anupādinnupādāniyaṃ dhammaṃ paccayā. (Ekā pañhā.)

    അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നഅധിപതിപച്ചയാ – അനുപാദിന്നഅനുപാദാനിയേ ഖന്ധേ പച്ചയാ അനുപാദിന്നഅനുപാദാനിയാ അധിപതി. (൧)

    Anupādinnaanupādāniyaṃ dhammaṃ paccayā anupādinnaanupādāniyo dhammo uppajjati naadhipatipaccayā – anupādinnaanupādāniye khandhe paccayā anupādinnaanupādāniyā adhipati. (1)

    ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ന അധിപതിപച്ചയാ – അനുപാദിന്നഅനുപാദാനിയേ ഖന്ധേ ച വത്ഥുഞ്ച പച്ചയാ അനുപാദിന്നഅനുപാദാനിയാ അധിപതി. (൧)

    Upādinnupādāniyañca anupādinnaanupādāniyañca dhammaṃ paccayā anupādinnaanupādāniyo dhammo uppajjati na adhipatipaccayā – anupādinnaanupādāniye khandhe ca vatthuñca paccayā anupādinnaanupādāniyā adhipati. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ – ഉപാദിന്നുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

    Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati naadhipatipaccayā – upādinnupādāniye khandhe ca mahābhūte ca paccayā cittasamuṭṭhānaṃ rūpaṃ; anupādinnupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā. (1)

    നഅനന്തരപച്ചയാദി

    Naanantarapaccayādi

    ൩൯. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ… നപച്ഛാജാതപച്ചയാ… നആസേവനപച്ചയാ…പേ॰….

    39. Upādinnupādāniyaṃ dhammaṃ paccayā upādinnupādāniyo dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… napacchājātapaccayā… naāsevanapaccayā…pe….

    നകമ്മപച്ചയോ

    Nakammapaccayo

    ൪൦. ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ അനുപാദിന്നുപാദാനിയാ ചേതനാ. (൧)

    40. Upādinnupādāniyaṃ dhammaṃ paccayā anupādinnupādāniyo dhammo uppajjati nakammapaccayā – vatthuṃ paccayā anupādinnupādāniyā cetanā. (1)

    ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ കുസലാ അനുപാദിന്നഅനുപാദാനിയാ ചേതനാ. (൨)

    Upādinnupādāniyaṃ dhammaṃ paccayā anupādinnaanupādāniyo dhammo uppajjati nakammapaccayā – vatthuṃ paccayā kusalā anupādinnaanupādāniyā cetanā. (2)

    അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നകമ്മപച്ചയാ – അനുപാദിന്നുപാദാനിയേ ഖന്ധേ പച്ചയാ അനുപാദിന്നുപാദാനിയാ ചേതനാ. ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പച്ചയാ…പേ॰…. (൧)

    Anupādinnupādāniyaṃ dhammaṃ paccayā anupādinnupādāniyo dhammo uppajjati nakammapaccayā – anupādinnupādāniye khandhe paccayā anupādinnupādāniyā cetanā. Bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ paccayā…pe…. (1)

    അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നകമ്മപച്ചയാ – കുസലേ അനുപാദിന്നഅനുപാദാനിയേ ഖന്ധേ പച്ചയാ അനുപാദിന്നഅനുപാദാനിയാ ചേതനാ. (൧)

    Anupādinnaanupādāniyaṃ dhammaṃ paccayā anupādinnaanupādāniyo dhammo uppajjati nakammapaccayā – kusale anupādinnaanupādāniye khandhe paccayā anupādinnaanupādāniyā cetanā. (1)

    ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നകമ്മപച്ചയാ – കുസലേ അനുപാദിന്നഅനുപാദാനിയേ ഖന്ധേ ച വത്ഥുഞ്ച പച്ചയാ അനുപാദിന്നഅനുപാദാനിയാ കുസലാ ചേതനാ. (൧)

    Upādinnupādāniyañca anupādinnaanupādāniyañca dhammaṃ paccayā anupādinnaanupādāniyo dhammo uppajjati nakammapaccayā – kusale anupādinnaanupādāniye khandhe ca vatthuñca paccayā anupādinnaanupādāniyā kusalā cetanā. (1)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നകമ്മപച്ചയാ – അനുപാദിന്നുപാദാനിയേ ഖന്ധേ ച വത്ഥുഞ്ച പച്ചയാ അനുപാദിന്നുപാദാനിയാ ചേതനാ. (൧)

    Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati nakammapaccayā – anupādinnupādāniye khandhe ca vatthuñca paccayā anupādinnupādāniyā cetanā. (1)

    നവിപാകപച്ചയോ

    Navipākapaccayo

    ൪൧. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ – അസഞ്ഞസത്താനം ഏകം മഹാഭൂതം പച്ചയാ…പേ॰… (൧).

    41. Upādinnupādāniyaṃ dhammaṃ paccayā upādinnupādāniyo dhammo uppajjati navipākapaccayā – asaññasattānaṃ ekaṃ mahābhūtaṃ paccayā…pe… (1).

    ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ; വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

    Upādinnupādāniyaṃ dhammaṃ paccayā anupādinnupādāniyo dhammo uppajjati navipākapaccayā; vatthuṃ paccayā anupādinnupādāniyā khandhā. (2)

    ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നവിപാകപച്ചയാ – വത്ഥും പച്ചയാ കുസലാ അനുപാദിന്നഅനുപാദാനിയാ ഖന്ധാ. (൩)

    Upādinnupādāniyaṃ dhammaṃ paccayā anupādinnaanupādāniyo dhammo uppajjati navipākapaccayā – vatthuṃ paccayā kusalā anupādinnaanupādāniyā khandhā. (3)

    അനുപാദിന്നുപാദാനിയം ധമ്മം പച്ചയാ… ഏകാ.

    Anupādinnupādāniyaṃ dhammaṃ paccayā… ekā.

    അനുപാദിന്നഅനുപാദാനിയം ധമ്മം പച്ചയാ… തീണി.

    Anupādinnaanupādāniyaṃ dhammaṃ paccayā… tīṇi.

    ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നവിപാകപച്ചയാ. (സംഖിത്തം.)

    Upādinnupādāniyañca anupādinnaanupādāniyañca dhammaṃ paccayā anupādinnaanupādāniyo dhammo uppajjati navipākapaccayā. (Saṃkhittaṃ.)

    അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ. (സംഖിത്തം.)

    Anupādinnupādāniyañca anupādinnaanupādāniyañca dhammaṃ paccayā anupādinnupādāniyo dhammo uppajjati navipākapaccayā. (Saṃkhittaṃ.)

    ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ – അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ.

    Upādinnupādāniyañca anupādinnupādāniyañca dhammaṃ paccayā anupādinnupādāniyo dhammo uppajjati navipākapaccayā – anupādinnupādāniyaṃ ekaṃ khandhañca vatthuñca paccayā tayo khandhā…pe… dve khandhe ca vatthuñca paccayā dve khandhā.

    നആഹാരപച്ചയാദി

    Naāhārapaccayādi

    ൪൨. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നആഹാരപച്ചയാ… നഇന്ദ്രിയപച്ചയാ… നഝാനപച്ചയാ… നമഗ്ഗപച്ചയാ… നസമ്പയുത്തപച്ചയാ… നവിപ്പയുത്തപച്ചയാ… നോനത്ഥിപച്ചയാ… നോവിഗതപച്ചയാ (സംഖിത്തം).

    42. Upādinnupādāniyaṃ dhammaṃ paccayā upādinnupādāniyo dhammo uppajjati naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā (saṃkhittaṃ).

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    ൪൩. നഹേതുയാ പഞ്ച, നആരമ്മണേ ഛ, നഅധിപതിയാ അട്ഠ, നഅനന്തരേ ഛ, നസമനന്തരേ ഛ, നഅഞ്ഞമഞ്ഞേ ഛ, നഉപനിസ്സയേ ഛ, നപുരേജാതേ സത്ത, നപച്ഛാജാതേ ഏകാദസ, നആസേവനേ ഏകാദസ , നകമ്മേ ഛ, നവിപാകേ ദസ, നആഹാരേ ദ്വേ, നഇന്ദ്രിയേ ദ്വേ, നഝാനേ ദ്വേ, നമഗ്ഗേ പഞ്ച, ന സമ്പയുത്തേ ഛ, നവിപ്പയുത്തേ തീണി, നോനത്ഥിയാ ഛ, നോവിഗതേ ഛ (വിത്ഥാരേന ഗണേതബ്ബം).

    43. Nahetuyā pañca, naārammaṇe cha, naadhipatiyā aṭṭha, naanantare cha, nasamanantare cha, naaññamaññe cha, naupanissaye cha, napurejāte satta, napacchājāte ekādasa, naāsevane ekādasa , nakamme cha, navipāke dasa, naāhāre dve, naindriye dve, najhāne dve, namagge pañca, na sampayutte cha, navippayutte tīṇi, nonatthiyā cha, novigate cha (vitthārena gaṇetabbaṃ).

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ൪൪. ഹേതുപച്ചയാ നആരമ്മണേ ഛ…പേ॰… നോവിഗതേ ഛ. (വിത്ഥാരേന ഗണേതബ്ബം.)

    44. Hetupaccayā naārammaṇe cha…pe… novigate cha. (Vitthārena gaṇetabbaṃ.)

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    ൪൫. നഹേതുപച്ചയാ ആരമ്മണേ ചത്താരി…പേ॰… അവിഗതേ പഞ്ച.

    45. Nahetupaccayā ārammaṇe cattāri…pe… avigate pañca.

    പച്ചയവാരോ.

    Paccayavāro.

    ൪. നിസ്സയവാരോ

    4. Nissayavāro

    ൪൬. ഉപാദിന്നുപാദാനിയം ധമ്മം നിസ്സായ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയം ഏകം ഖന്ധം നിസ്സായ തയോ ഖന്ധാ, തയോ ഖന്ധേ നിസ്സായ… (സംഖിത്തം). (പച്ചയവാരോപി നിസ്സയവാരോപി സദിസോ).

    46. Upādinnupādāniyaṃ dhammaṃ nissāya upādinnupādāniyo dhammo uppajjati hetupaccayā – upādinnupādāniyaṃ ekaṃ khandhaṃ nissāya tayo khandhā, tayo khandhe nissāya… (saṃkhittaṃ). (Paccayavāropi nissayavāropi sadiso).

    നിസ്സയവാരോ.

    Nissayavāro.

    ൫. സംസട്ഠവാരോ

    5. Saṃsaṭṭhavāro

    ൧. പച്ചയാനുലോമം

    1. Paccayānulomaṃ

    ഹേതുപച്ചയോ

    Hetupaccayo

    ൪൭. ഉപാദിന്നുപാദാനിയം ധമ്മം സംസട്ഠോ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയം ഏകം ഖന്ധം സംസട്ഠാ തയോ ഖന്ധാ, തയോ ഖന്ധേ സംസട്ഠോ ഏകോ ഖന്ധോ, ദ്വേ ഖന്ധേ സംസട്ഠാ ദ്വേ ഖന്ധാ, പടിസന്ധിക്ഖണേ ഉപാദിന്നുപാദാനിയം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ സംസട്ഠാ ദ്വേ ഖന്ധാ. (൧)

    47. Upādinnupādāniyaṃ dhammaṃ saṃsaṭṭho upādinnupādāniyo dhammo uppajjati hetupaccayā – upādinnupādāniyaṃ ekaṃ khandhaṃ saṃsaṭṭhā tayo khandhā, tayo khandhe saṃsaṭṭho eko khandho, dve khandhe saṃsaṭṭhā dve khandhā, paṭisandhikkhaṇe upādinnupādāniyaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. (1)

    അനുപാദിന്നുപാദാനിയം ധമ്മം സംസട്ഠോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നുപാദാനിയം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ സംസട്ഠാ ദ്വേ ഖന്ധാ. (൧)

    Anupādinnupādāniyaṃ dhammaṃ saṃsaṭṭho anupādinnupādāniyo dhammo uppajjati hetupaccayā – anupādinnupādāniyaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. (1)

    അനുപാദിന്നഅനുപാദാനിയം ധമ്മം സംസട്ഠോ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ സംസട്ഠാ ദ്വേ ഖന്ധാ. (൧) (സംഖിത്തം.)

    Anupādinnaanupādāniyaṃ dhammaṃ saṃsaṭṭho anupādinnaanupādāniyo dhammo uppajjati hetupaccayā – anupādinnaanupādāniyaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. (1) (Saṃkhittaṃ.)

    സങ്ഖ്യാവാരോ

    Saṅkhyāvāro

    ൪൮. ഹേതുയാ തീണി…പേ॰… അധിപതിയാ ദ്വേ…പേ॰… ആസേവനേ ദ്വേ…പേ॰… വിപാകേ ദ്വേ…പേ॰… അവിഗതേ തീണി.

    48. Hetuyā tīṇi…pe… adhipatiyā dve…pe… āsevane dve…pe… vipāke dve…pe… avigate tīṇi.

    (യഥാ കുസലത്തികേ ഗണനാ, ഏവം ഗണേതബ്ബാ.)

    (Yathā kusalattike gaṇanā, evaṃ gaṇetabbā.)

    അനുലോമം.

    Anulomaṃ.

    ൨. പച്ചയപച്ചനീയം

    2. Paccayapaccanīyaṃ

    നഹേതുപച്ചയോ

    Nahetupaccayo

    ൪൯. ഉപാദിന്നുപാദാനിയം ധമ്മം സംസട്ഠോ ഉപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപാദിന്നുപാദാനിയം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ സംസട്ഠാ ദ്വേ ഖന്ധാ; അഹേതുകപടിസന്ധിക്ഖണേ…പേ॰…. (൧)

    49. Upādinnupādāniyaṃ dhammaṃ saṃsaṭṭho upādinnupādāniyo dhammo uppajjati nahetupaccayā – ahetukaṃ upādinnupādāniyaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā; ahetukapaṭisandhikkhaṇe…pe…. (1)

    അനുപാദിന്നുപാദാനിയം ധമ്മം സംസട്ഠോ അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം അനുപാദിന്നുപാദാനിയം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ സംസട്ഠാ ദ്വേ ഖന്ധാ; വിചികിച്ഛാസഹഗതേ ഉദ്ധച്ചസഹഗതേ ഖന്ധേ സംസട്ഠോ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧) (സംഖിത്തം.)

    Anupādinnupādāniyaṃ dhammaṃ saṃsaṭṭho anupādinnupādāniyo dhammo uppajjati nahetupaccayā – ahetukaṃ anupādinnupādāniyaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā; vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1) (Saṃkhittaṃ.)

    നഹേതുയാ ദ്വേ, ന അധിപതിയാ തീണി…പേ॰… നവിപ്പയുത്തേ തീണി. (സംഖിത്തം.)

    Nahetuyā dve, na adhipatiyā tīṇi…pe… navippayutte tīṇi. (Saṃkhittaṃ.)

    പച്ചനീയം

    Paccanīyaṃ

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ഹേതുപച്ചയാ നഅധിപതിയാ തീണി…പേ॰… നവിപ്പയുത്തേ തീണി.

    Hetupaccayā naadhipatiyā tīṇi…pe… navippayutte tīṇi.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    നഹേതുപച്ചയാ ആരമ്മണേ ദ്വേ…പേ॰… അവിഗതേ ദ്വേ.

    Nahetupaccayā ārammaṇe dve…pe… avigate dve.

    സംസട്ഠവാരോ.

    Saṃsaṭṭhavāro.

    ൬. സമ്പയുത്തവാരോ

    6. Sampayuttavāro

    ൫൦. ഉപാദിന്നുപാദാനിയം ധമ്മം സമ്പയുത്തോ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.) ഹേതുയാ തീണി…പേ॰… അവിഗതേ തീണി.

    50. Upādinnupādāniyaṃ dhammaṃ sampayutto upādinnupādāniyo dhammo uppajjati hetupaccayā. (Saṃkhittaṃ.) Hetuyā tīṇi…pe… avigate tīṇi.

    (സംസട്ഠവാരോപി സമ്പയുത്തവാരോപി സദിസോ .)

    (Saṃsaṭṭhavāropi sampayuttavāropi sadiso .)

    സമ്പയുത്തവാരോ.

    Sampayuttavāro.

    ൭. പഞ്ഹാവാരോ

    7. Pañhāvāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൫൧. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ – ഉപാദിന്നുപാദാനിയാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ ഉപാദിന്നുപാദാനിയാ ഹേതൂ സമ്പയുത്തകാനം ഖന്ധാനം കടത്താ ച രൂപാനം ഹേതുപച്ചയേന പച്ചയോ. (൧)

    51. Upādinnupādāniyo dhammo upādinnupādāniyassa dhammassa hetupaccayena paccayo – upādinnupādāniyā hetū sampayuttakānaṃ khandhānaṃ hetupaccayena paccayo; paṭisandhikkhaṇe upādinnupādāniyā hetū sampayuttakānaṃ khandhānaṃ kaṭattā ca rūpānaṃ hetupaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ – ഉപാദിന്നുപാദാനിയാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa hetupaccayena paccayo – upādinnupādāniyā hetū cittasamuṭṭhānānaṃ rūpānaṃ hetupaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ഹേതുപച്ചയേന പച്ചയോ – ഉപാദിന്നുപാദാനിയാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa hetupaccayena paccayo – upādinnupādāniyā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ – അനുപാദിന്നുപാദാനിയാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa hetupaccayena paccayo – anupādinnupādāniyā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഹേതുപച്ചയേന പച്ചയോ – അനുപാദിന്നഅനുപാദാനിയാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa hetupaccayena paccayo – anupādinnaanupādāniyā hetū sampayuttakānaṃ khandhānaṃ hetupaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ – അനുപാദിന്നഅനുപാദാനിയാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa hetupaccayena paccayo – anupādinnaanupādāniyā hetū cittasamuṭṭhānānaṃ rūpānaṃ hetupaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ ഹേതുപച്ചയേന പച്ചയോ – അനുപാദിന്നഅനുപാദാനിയാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa hetupaccayena paccayo – anupādinnaanupādāniyā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    ആരമ്മണപച്ചയോ

    Ārammaṇapaccayo

    ൫൨. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ – സേക്ഖാ വാ പുഥുജ്ജനാ വാ ചക്ഖും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി; കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. സോതം… ഘാനം… ജിവ്ഹം… കായം… ഉപാദിന്നുപാദാനിയേ രൂപേ… ഗന്ധേ… രസേ… ഫോട്ഠബ്ബേ… വത്ഥും… ഉപാദിന്നുപാദാനിയേ ഖന്ധേ അനിച്ചതോ ദുക്ഖതോ അനത്തതോ വിപ്പസ്സന്തി, അസ്സാദേന്തി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. ഉപാദിന്നുപാദാനിയം രൂപായതനം ചക്ഖുവിഞ്ഞാണസ്സ…പേ॰… ഉപാദിന്നുപാദാനിയം ഗന്ധായതനം… രസായതനം… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ. (൧)

    52. Upādinnupādāniyo dhammo upādinnupādāniyassa dhammassa ārammaṇapaccayena paccayo – sekkhā vā puthujjanā vā cakkhuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati; kusalākusale niruddhe vipāko tadārammaṇatā uppajjati. Sotaṃ… ghānaṃ… jivhaṃ… kāyaṃ… upādinnupādāniye rūpe… gandhe… rase… phoṭṭhabbe… vatthuṃ… upādinnupādāniye khandhe aniccato dukkhato anattato vippassanti, assādenti abhinandati; taṃ ārabbha rāgo uppajjati…pe… domanassaṃ uppajjati. Kusalākusale niruddhe vipāko tadārammaṇatā uppajjati. Upādinnupādāniyaṃ rūpāyatanaṃ cakkhuviññāṇassa…pe… upādinnupādāniyaṃ gandhāyatanaṃ… rasāyatanaṃ… phoṭṭhabbāyatanaṃ kāyaviññāṇassa ārammaṇapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ – ചക്ഖും അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. സോതം… ഘാനം… ജിവ്ഹം… കായം… ഉപാദിന്നുപാദാനിയേ രൂപേ… ഗന്ധേ… രസേ… ഫോട്ഠബ്ബേ… വത്ഥും… ഉപാദിന്നുപാദാനിയേ ഖന്ധേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. ദിബ്ബേന ചക്ഖുനാ ഉപാദിന്നുപാദാനിയം രൂപം പസ്സതി, ചേതോപരിയഞാണേന ഉപാദിന്നുപാദാനിയചിത്തസമങ്ഗിസ്സ ചിത്തം ജാനാതി. ഉപാദിന്നുപാദാനിയാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa ārammaṇapaccayena paccayo – cakkhuṃ aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ… ghānaṃ… jivhaṃ… kāyaṃ… upādinnupādāniye rūpe… gandhe… rase… phoṭṭhabbe… vatthuṃ… upādinnupādāniye khandhe aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Dibbena cakkhunā upādinnupādāniyaṃ rūpaṃ passati, cetopariyañāṇena upādinnupādāniyacittasamaṅgissa cittaṃ jānāti. Upādinnupādāniyā khandhā iddhividhañāṇassa, cetopariyañāṇassa, pubbenivāsānussatiñāṇassa anāgataṃsañāṇassa, āvajjanāya ārammaṇapaccayena paccayo. (2)

    ൫൩. അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ ഝാനം പച്ചവേക്ഖതി, അരിയാ ഗോത്രഭും പച്ചവേക്ഖന്തി, വോദാനം പച്ചവേക്ഖന്തി, അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി; അനുപാദിന്നുപാദാനിയേ രൂപേ… സദ്ദേ… ഗന്ധേ… രസേ… ഫോട്ഠബ്ബേ… അനുപാദിന്നുപാദാനിയേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. ദിബ്ബേന ചക്ഖുനാ അനുപാദിന്നുപാദാനിയം രൂപം പസ്സന്തി, ദിബ്ബായ സോതധാതുയാ സദ്ദം സുണന്തി, ചേതോപരിയഞാണേന അനുപാദിന്നുപാദാനിയചിത്തസമങ്ഗിസ്സ ചിത്തം ജാനന്തി. ആകാസാനഞ്ചായതനം വിഞ്ഞാണഞ്ചായതനസ്സ ആരമ്മണപച്ചയേന പച്ചയോ. ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ആരമ്മണപച്ചയേന പച്ചയോ. അനുപാദിന്നുപാദാനിയാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

    53. Anupādinnupādāniyo dhammo anupādinnupādāniyassa dhammassa ārammaṇapaccayena paccayo – dānaṃ datvā, sīlaṃ samādiyitvā, uposathakammaṃ katvā taṃ paccavekkhati, pubbe suciṇṇāni paccavekkhati, jhānā vuṭṭhahitvā jhānaṃ paccavekkhati, ariyā gotrabhuṃ paccavekkhanti, vodānaṃ paccavekkhanti, ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti; anupādinnupādāniye rūpe… sadde… gandhe… rase… phoṭṭhabbe… anupādinnupādāniye khandhe aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati. Dibbena cakkhunā anupādinnupādāniyaṃ rūpaṃ passanti, dibbāya sotadhātuyā saddaṃ suṇanti, cetopariyañāṇena anupādinnupādāniyacittasamaṅgissa cittaṃ jānanti. Ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa ārammaṇapaccayena paccayo. Anupādinnupādāniyā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ – സേക്ഖാ വാ പുഥുജ്ജനാ വാ അനുപാദിന്നുപാദാനിയേ രൂപേ… സദ്ദേ… ഗന്ധേ… രസേ… ഫോട്ഠബ്ബേ… അനുപാദിന്നുപാദാനിയേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. ആകാസാനഞ്ചായതനകുസലം വിഞ്ഞാണഞ്ചായതനവിപാകസ്സ ആരമ്മണപച്ചയേന പച്ചയോ. ആകിഞ്ചഞ്ഞായതനകുസലം നേവസഞ്ഞാനാസഞ്ഞായതനവിപാകസ്സ ആരമ്മണപച്ചയേന പച്ചയോ. അനുപാദിന്നുപാദാനിയം രൂപായതനം ചക്ഖുവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa ārammaṇapaccayena paccayo – sekkhā vā puthujjanā vā anupādinnupādāniye rūpe… sadde… gandhe… rase… phoṭṭhabbe… anupādinnupādāniye khandhe aniccato dukkhato anattato vipassanti, assādenti abhinandati; taṃ ārabbha rāgo uppajjati…pe… domanassaṃ uppajjati. Kusalākusale niruddhe vipāko tadārammaṇatā uppajjati. Ākāsānañcāyatanakusalaṃ viññāṇañcāyatanavipākassa ārammaṇapaccayena paccayo. Ākiñcaññāyatanakusalaṃ nevasaññānāsaññāyatanavipākassa ārammaṇapaccayena paccayo. Anupādinnupādāniyaṃ rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa ārammaṇapaccayena paccayo. (2)

    ൫൪. അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം മഗ്ഗസ്സ, ഫലസ്സ ആരമ്മണപച്ചയേന പച്ചയോ. (൧)

    54. Anupādinnaanupādāniyo dhammo anupādinnaanupādāniyassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, ആവജ്ജനായ ആരമ്മണപച്ചയേന പച്ചയോ. അരിയാ ചേതോപരിയഞാണേന അനുപാദിന്നഅനുപാദാനിയചിത്തസമങ്ഗിസ്സ ചിത്തം ജാനന്തി; അനുപാദിന്നഅനുപാദാനിയാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti; nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā cetopariyañāṇena anupādinnaanupādāniyacittasamaṅgissa cittaṃ jānanti; anupādinnaanupādāniyā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)

    അധിപതിപച്ചയോ

    Adhipatipaccayo

    ൫൫. ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചക്ഖും ഗരും കത്വാ അസ്സാദേതി അഭിനന്ദതി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സോതം… ഘാനം… ജിവ്ഹം… കായം… ഉപാദിന്നുപാദാനിയേ രൂപേ… ഗന്ധേ… രസേ… ഫോട്ഠബ്ബേ… വത്ഥും… ഉപാദിന്നുപാദാനിയേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

    55. Upādinnupādāniyo dhammo anupādinnupādāniyassa dhammassa adhipatipaccayena paccayo. Ārammaṇādhipati – cakkhuṃ garuṃ katvā assādeti abhinandati; taṃ garuṃ katvā rāgo uppajjati, diṭṭhi uppajjati. Sotaṃ… ghānaṃ… jivhaṃ… kāyaṃ… upādinnupādāniye rūpe… gandhe… rase… phoṭṭhabbe… vatthuṃ… upādinnupādāniye khandhe garuṃ katvā assādeti abhinandati; taṃ garuṃ katvā rāgo uppajjati, diṭṭhi uppajjati. (1)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി; ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി; സേക്ഖാ ഗോത്രഭും ഗരും കത്വാ പച്ചവേക്ഖന്തി, വോദാനം ഗരും കത്വാ പച്ചവേക്ഖന്തി. അനുപാദിന്നുപാദാനിയേ രൂപേ… സദ്ദേ… ഗന്ധേ… രസേ… ഫോട്ഠബ്ബേ… അനുപാദിന്നുപാദാനിയേ ഖന്ധേ ഗരും കത്വാ അസ്സാദേന്തി അഭിനന്ദന്തി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അനുപാദിന്നുപാദാനിയാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati; jhānā vuṭṭhahitvā jhānaṃ garuṃ katvā paccavekkhati; sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti. Anupādinnupādāniye rūpe… sadde… gandhe… rase… phoṭṭhabbe… anupādinnupādāniye khandhe garuṃ katvā assādenti abhinandanti; taṃ garuṃ katvā rāgo uppajjati, diṭṭhi uppajjati. Sahajātādhipati – anupādinnupādāniyādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – നിബ്ബാനം മഗ്ഗസ്സ ഫലസ്സ അധിപതിപച്ചയേന പച്ചയോ. സഹജാതാധിപതി – അനുപാദിന്നഅനുപാദാനിയാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa phalassa adhipatipaccayena paccayo. Sahajātādhipati – anupādinnaanupādāniyādhipati sampayuttakānaṃ khandhānaṃ adhipatipaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ അധിപതിപച്ചയേന പച്ചയോ. സഹജാതാധിപതി – അനുപാദിന്നഅനുപാദാനിയാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti, nibbānaṃ garuṃ katvā paccavekkhanti. Nibbānaṃ gotrabhussa, vodānassa adhipatipaccayena paccayo. Sahajātādhipati – anupādinnaanupādāniyādhipati cittasamuṭṭhānānaṃ rūpānaṃ adhipatipaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ അധിപതിപച്ചയേന പച്ചയോ . സഹജാതാധിപതി – അനുപാദിന്നഅനുപാദാനിയാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa adhipatipaccayena paccayo . Sahajātādhipati – anupādinnaanupādāniyādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    അനന്തരപച്ചയോ

    Anantarapaccayo

    ൫൬. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉപാദിന്നുപാദാനിയാ ഖന്ധാ പച്ഛിമാനം പച്ഛിമാനം ഉപാദിന്നുപാദാനിയാനം ഖന്ധാനം അനന്തരപച്ചയേന പച്ചയോ; പഞ്ചവിഞ്ഞാണം വിപാകമനോധാതുയാ അനന്തരപച്ചയേന പച്ചയോ; വിപാകമനോധാതു വിപാകമനോവിഞ്ഞാണധാതുയാ അനന്തരപച്ചയേന പച്ചയോ. (൧)

    56. Upādinnupādāniyo dhammo upādinnupādāniyassa dhammassa anantarapaccayena paccayo – purimā purimā upādinnupādāniyā khandhā pacchimānaṃ pacchimānaṃ upādinnupādāniyānaṃ khandhānaṃ anantarapaccayena paccayo; pañcaviññāṇaṃ vipākamanodhātuyā anantarapaccayena paccayo; vipākamanodhātu vipākamanoviññāṇadhātuyā anantarapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അനന്തരപച്ചയേന പച്ചയോ – ഭവങ്ഗം ആവജ്ജനായ, വിപാകമനോവിഞ്ഞാണധാതു കിരിയമനോവിഞ്ഞാണധാതുയാ അനന്തരപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa anantarapaccayena paccayo – bhavaṅgaṃ āvajjanāya, vipākamanoviññāṇadhātu kiriyamanoviññāṇadhātuyā anantarapaccayena paccayo. (2)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അനുപാദിന്നുപാദാനിയാ ഖന്ധാ പച്ഛിമാനം പച്ഛിമാനം അനുപാദിന്നുപാദാനിയാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ… അനുലോമം വോദാനസ്സ… ആവജ്ജനാ അനുപാദിന്നുപാദാനിയാനം ഖന്ധാനം അനന്തരപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa anantarapaccayena paccayo – purimā purimā anupādinnupādāniyā khandhā pacchimānaṃ pacchimānaṃ anupādinnupādāniyānaṃ khandhānaṃ anantarapaccayena paccayo; anulomaṃ gotrabhussa… anulomaṃ vodānassa… āvajjanā anupādinnupādāniyānaṃ khandhānaṃ anantarapaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ പഞ്ചന്നം വിഞ്ഞാണാനം അനന്തരപച്ചയേന പച്ചയോ; അനുപാദിന്നുപാദാനിയാ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa anantarapaccayena paccayo – āvajjanā pañcannaṃ viññāṇānaṃ anantarapaccayena paccayo; anupādinnupādāniyā khandhā vuṭṭhānassa anantarapaccayena paccayo. (2)

    അനുപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ അനന്തരപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ… അനുലോമം ഫലസമാപത്തിയാ… നിരോധാ വുട്ഠഹന്തസ്സ… നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൩)

    Anupādinnupādāniyo dhammo anupādinnaanupādāniyassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ phalasamāpattiyā… nirodhā vuṭṭhahantassa… nevasaññānāsaññāyatanaṃ phalasamāpattiyā anantarapaccayena paccayo. (3)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അനുപാദിന്നഅനുപാദാനിയാ ഖന്ധാ പച്ഛിമാനം പച്ഛിമാനം അനുപാദിന്നഅനുപാദാനിയാനം ഖന്ധാനം അനന്തരപച്ചയേന പച്ചയോ. മഗ്ഗോ ഫലസ്സ… ഫലം ഫലസ്സ അനന്തരപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa anantarapaccayena paccayo – purimā purimā anupādinnaanupādāniyā khandhā pacchimānaṃ pacchimānaṃ anupādinnaanupādāniyānaṃ khandhānaṃ anantarapaccayena paccayo. Maggo phalassa… phalaṃ phalassa anantarapaccayena paccayo. (1)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ അനന്തരപച്ചയേന പച്ചയോ – ഫലം വുട്ഠാനസ്സ അനന്തരപച്ചയേന പച്ചയോ. (൨)

    Anupādinnaanupādāniyo dhammo upādinnupādāniyassa dhammassa anantarapaccayena paccayo – phalaṃ vuṭṭhānassa anantarapaccayena paccayo. (2)

    സമനന്തരപച്ചയോ

    Samanantarapaccayo

    ൫൭. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ സമനന്തരപച്ചയേന പച്ചയോ (അനന്തരപച്ചയസദിസം).

    57. Upādinnupādāniyo dhammo upādinnupādāniyassa dhammassa samanantarapaccayena paccayo (anantarapaccayasadisaṃ).

    സഹജാതപച്ചയോ

    Sahajātapaccayo

    ൫൮. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ സഹജാതപച്ചയേന പച്ചയോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം സഹജാതപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം…പേ॰… പടിസന്ധിക്ഖണേ ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം കടത്താ ച രൂപാനം സഹജാതപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം കടത്താ ച രൂപാനം…പേ॰… ഖന്ധാ വത്ഥുസ്സ…പേ॰… വത്ഥു ഖന്ധാനം…പേ॰… ഏകം മഹാഭൂതം തിണ്ണന്നം മഹാഭൂതാനം…പേ॰… തയോ മഹാഭൂതാ ഏകസ്സ മഹാഭൂതസ്സ …പേ॰… ദ്വേ മഹാഭൂതാ ദ്വിന്നം മഹാഭൂതാനം…പേ॰… മഹാഭൂതാ കടത്താരൂപാനം ഉപാദാരൂപാനം സഹജാതപച്ചയേന പച്ചയോ. അസഞ്ഞസത്താനം ഏകം മഹാഭൂതം…പേ॰…. (൧)

    58. Upādinnupādāniyo dhammo upādinnupādāniyassa dhammassa sahajātapaccayena paccayo – upādinnupādāniyo eko khandho tiṇṇannaṃ khandhānaṃ sahajātapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe upādinnupādāniyo eko khandho tiṇṇannaṃ khandhānaṃ kaṭattā ca rūpānaṃ sahajātapaccayena paccayo…pe… dve khandhā dvinnaṃ khandhānaṃ kaṭattā ca rūpānaṃ…pe… khandhā vatthussa…pe… vatthu khandhānaṃ…pe… ekaṃ mahābhūtaṃ tiṇṇannaṃ mahābhūtānaṃ…pe… tayo mahābhūtā ekassa mahābhūtassa …pe… dve mahābhūtā dvinnaṃ mahābhūtānaṃ…pe… mahābhūtā kaṭattārūpānaṃ upādārūpānaṃ sahajātapaccayena paccayo. Asaññasattānaṃ ekaṃ mahābhūtaṃ…pe…. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ സഹജാതപച്ചയേന പച്ചയോ – ഉപാദിന്നുപാദാനിയാ ഖന്ധാ ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa sahajātapaccayena paccayo – upādinnupādāniyā khandhā cittasamuṭṭhānānaṃ rūpānaṃ sahajātapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ സഹജാതപച്ചയേന പച്ചയോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa sahajātapaccayena paccayo – upādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo. (3)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ സഹജാതപച്ചയേന പച്ചയോ – അനുപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ. അനുപാദിന്നുപാദാനിയം ഏകം മഹാഭൂതം…പേ॰… മഹാഭൂതാ ചിത്തസമുട്ഠാനാനം രൂപാനം …പേ॰… ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം…പേ॰… മഹാഭൂതാ ഉപാദാരൂപാനം സഹജാതപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa sahajātapaccayena paccayo – anupādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo. Anupādinnupādāniyaṃ ekaṃ mahābhūtaṃ…pe… mahābhūtā cittasamuṭṭhānānaṃ rūpānaṃ …pe… bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ…pe… mahābhūtā upādārūpānaṃ sahajātapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ സഹജാതപച്ചയേന പച്ചയോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം…പേ॰… ദ്വേ ഖന്ധാ ദ്വിന്നം ഖന്ധാനം സഹജാതപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa sahajātapaccayena paccayo – anupādinnaanupādāniyo eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ sahajātapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ സഹജാതപച്ചയേന പച്ചയോ – അനുപാദിന്നഅനുപാദാനിയാ ഖന്ധാ ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa sahajātapaccayena paccayo – anupādinnaanupādāniyā khandhā cittasamuṭṭhānānaṃ rūpānaṃ sahajātapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ സഹജാതപച്ചയേന പച്ചയോ; അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa sahajātapaccayena paccayo; anupādinnaanupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo. (3)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ സഹജാതപച്ചയേന പച്ചയോ – അനുപാദിന്നഅനുപാദാനിയാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൧)

    Anupādinnupādāniyo ca anupādinnaanupādāniyo ca dhammā anupādinnupādāniyassa dhammassa sahajātapaccayena paccayo – anupādinnaanupādāniyā khandhā ca mahābhūtā ca cittasamuṭṭhānānaṃ rūpānaṃ sahajātapaccayena paccayo. (1)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ സഹജാതപച്ചയേന പച്ചയോ – ഉപാദിന്നുപാദാനിയാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൧)

    Upādinnupādāniyo ca anupādinnupādāniyo ca dhammā anupādinnupādāniyassa dhammassa sahajātapaccayena paccayo – upādinnupādāniyā khandhā ca mahābhūtā ca cittasamuṭṭhānānaṃ rūpānaṃ sahajātapaccayena paccayo. (1)

    അഞ്ഞമഞ്ഞപച്ചയോ

    Aññamaññapaccayo

    ൫൯. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ അഞ്ഞമഞ്ഞപച്ചയേന പച്ചയോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം…പേ॰… പടിസന്ധിക്ഖണേ ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം വത്ഥുസ്സ ച…പേ॰… ഖന്ധാ വത്ഥുസ്സ…പേ॰… വത്ഥു ഖന്ധാനം…പേ॰… ഏകം മഹാഭൂതം തിണ്ണന്നം മഹാഭൂതാനം…പേ॰… ദ്വേ മഹാഭൂതാ ദ്വിന്നം മഹാഭൂതാനം…പേ॰… അസഞ്ഞസത്താനം ഏകം മഹാഭൂതം…പേ॰…. (൧)

    59. Upādinnupādāniyo dhammo upādinnupādāniyassa dhammassa aññamaññapaccayena paccayo – upādinnupādāniyo eko khandho tiṇṇannaṃ khandhānaṃ aññamaññapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe upādinnupādāniyo eko khandho tiṇṇannaṃ khandhānaṃ vatthussa ca…pe… khandhā vatthussa…pe… vatthu khandhānaṃ…pe… ekaṃ mahābhūtaṃ tiṇṇannaṃ mahābhūtānaṃ…pe… dve mahābhūtā dvinnaṃ mahābhūtānaṃ…pe… asaññasattānaṃ ekaṃ mahābhūtaṃ…pe…. (1)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അഞ്ഞമഞ്ഞപച്ചയേന പച്ചയോ – അനുപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം…പേ॰… ദ്വേ ഖന്ധാ ദ്വിന്നം ഖന്ധാനം അഞ്ഞമഞ്ഞപച്ചയേന പച്ചയോ. ഏകം മഹാഭൂതം…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം…പേ॰…. (൧)

    Anupādinnupādāniyo dhammo anupādinnupādāniyassa dhammassa aññamaññapaccayena paccayo – anupādinnupādāniyo eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ aññamaññapaccayena paccayo. Ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ ekaṃ mahābhūtaṃ…pe…. (1)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ അഞ്ഞമഞ്ഞപച്ചയേന പച്ചയോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം…പേ॰… ദ്വേ ഖന്ധാ ദ്വിന്നം ഖന്ധാനം…പേ॰…. (൧)

    Anupādinnaanupādāniyo dhammo anupādinnaanupādāniyassa dhammassa aññamaññapaccayena paccayo – anupādinnaanupādāniyo eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ…pe…. (1)

    നിസ്സയപച്ചയോ

    Nissayapaccayo

    ൬൦. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ നിസ്സയപച്ചയേന പച്ചയോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം നിസ്സയപച്ചയേന പച്ചയോ…പേ॰… പടിസന്ധിക്ഖണേ…പേ॰… ഏകം മഹാഭൂതം…പേ॰… അസഞ്ഞസത്താനം ഏകം മഹാഭൂതം…പേ॰… ചക്ഖായതനം ചക്ഖുവിഞ്ഞാണസ്സ…പേ॰… കായായതനം കായവിഞ്ഞാണസ്സ…പേ॰… വത്ഥു ഉപാദിന്നുപാദാനിയാനം ഖന്ധാനം നിസ്സയപച്ചയേന പച്ചയോ. (൧)

    60. Upādinnupādāniyo dhammo upādinnupādāniyassa dhammassa nissayapaccayena paccayo – upādinnupādāniyo eko khandho tiṇṇannaṃ khandhānaṃ nissayapaccayena paccayo…pe… paṭisandhikkhaṇe…pe… ekaṃ mahābhūtaṃ…pe… asaññasattānaṃ ekaṃ mahābhūtaṃ…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu upādinnupādāniyānaṃ khandhānaṃ nissayapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ നിസ്സയപച്ചയേന പച്ചയോ – ഉപാദിന്നുപാദാനിയാ ഖന്ധാ ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. വത്ഥു അനുപാദിന്നുപാദാനിയാനം ഖന്ധാനം നിസ്സയപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa nissayapaccayena paccayo – upādinnupādāniyā khandhā cittasamuṭṭhānānaṃ rūpānaṃ nissayapaccayena paccayo. Vatthu anupādinnupādāniyānaṃ khandhānaṃ nissayapaccayena paccayo. (2)

    ഉപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ നിസ്സയപച്ചയേന പച്ചയോ – വത്ഥു അനുപാദിന്നഅനുപാദാനിയാനം ഖന്ധാനം നിസ്സയപച്ചയേന പച്ചയോ. (൩)

    Upādinnupādāniyo dhammo anupādinnaanupādāniyassa dhammassa nissayapaccayena paccayo – vatthu anupādinnaanupādāniyānaṃ khandhānaṃ nissayapaccayena paccayo. (3)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ നിസ്സയപച്ചയേന പച്ചയോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ. (൪)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa nissayapaccayena paccayo – upādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ nissayapaccayena paccayo. (4)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ… ഏകാ.

    Anupādinnupādāniyo dhammo anupādinnupādāniyassa dhammassa… ekā.

    അനുപാദിന്നഅനുപാദാനിയോ ധമ്മോ… തീണി.

    Anupādinnaanupādāniyo dhammo… tīṇi.

    ഉപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നഅനുപാദാനിയസ്സ ധമ്മസ്സ നിസ്സയപച്ചയേന പച്ചയോ – അനുപാദിന്നഅനുപാദാനിയോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ॰… ദ്വേ ഖന്ധാ ച വത്ഥു ച ദ്വിന്നം ഖന്ധാനം നിസ്സയപച്ചയേന പച്ചയോ. (൧)

    Upādinnupādāniyo ca anupādinnaanupādāniyo ca dhammā anupādinnaanupādāniyassa dhammassa nissayapaccayena paccayo – anupādinnaanupādāniyo eko khandho ca vatthu ca tiṇṇannaṃ khandhānaṃ nissayapaccayena paccayo…pe… dve khandhā ca vatthu ca dvinnaṃ khandhānaṃ nissayapaccayena paccayo. (1)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ നിസ്സയപച്ചയേന പച്ചയോ – അനുപാദിന്നഅനുപാദാനിയാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. (൧)

    Anupādinnupādāniyo ca anupādinnaanupādāniyo ca dhammā anupādinnupādāniyassa dhammassa nissayapaccayena paccayo – anupādinnaanupādāniyā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo. (1)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ നിസ്സയപച്ചയേന പച്ചയോ – ഉപാദിന്നുപാദാനിയാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. അനുപാദിന്നുപാദാനിയോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ॰… ദ്വേ ഖന്ധാ ച വത്ഥു ച ദ്വിന്നം ഖന്ധാനം നിസ്സയപച്ചയേന പച്ചയോ. (൧)

    Upādinnupādāniyo ca anupādinnupādāniyo ca dhammā anupādinnupādāniyassa dhammassa nissayapaccayena paccayo – upādinnupādāniyā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo. Anupādinnupādāniyo eko khandho ca vatthu ca tiṇṇannaṃ khandhānaṃ nissayapaccayena paccayo…pe… dve khandhā ca vatthu ca dvinnaṃ khandhānaṃ nissayapaccayena paccayo. (1)

    ഉപനിസ്സയപച്ചയോ

    Upanissayapaccayo

    ൬൧. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – കായികം സുഖം കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. കായികം ദുക്ഖം കായികസ്സ സുഖസ്സ, കായികസ്സ ദുക്ഖസ്സ…പേ॰… ഉതു കായികസ്സ സുഖസ്സ, കായികസ്സ ദുക്ഖസ്സ…പേ॰… ഭോജനം കായികസ്സ സുഖസ്സ, കായികസ്സ ദുക്ഖസ്സ…പേ॰… കായികം സുഖം… കായികം ദുക്ഖം… ഉതു… ഭോജനം കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. (൧)

    61. Upādinnupādāniyo dhammo upādinnupādāniyassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ kāyikassa sukhassa, kāyikassa dukkhassa upanissayapaccayena paccayo. Kāyikaṃ dukkhaṃ kāyikassa sukhassa, kāyikassa dukkhassa…pe… utu kāyikassa sukhassa, kāyikassa dukkhassa…pe… bhojanaṃ kāyikassa sukhassa, kāyikassa dukkhassa…pe… kāyikaṃ sukhaṃ… kāyikaṃ dukkhaṃ… utu… bhojanaṃ kāyikassa sukhassa, kāyikassa dukkhassa upanissayapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – കായികം സുഖം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി, ഝാനം ഉപ്പാദേതി, വിപസ്സനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി, പാണം ഹനതി…പേ॰… സങ്ഘം ഭിന്ദതി. കായികം ദുക്ഖം… ഉതും… ഭോജനം ഉപനിസ്സായ ദാനം ദേതി…പേ॰… സങ്ഘം ഭിന്ദതി. കായികം സുഖം… കായികം ദുക്ഖം… ഉതു… ഭോജനം അനുപാദിന്നുപാദാനിയായ സദ്ധായ… സീലസ്സ… സുതസ്സ… ചാഗസ്സ… പഞ്ഞായ… രാഗസ്സ… ദോസസ്സ… മോഹസ്സ… മാനസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ upanissāya dānaṃ deti, sīlaṃ samādiyati, uposathakammaṃ karoti, jhānaṃ uppādeti, vipassanaṃ uppādeti, abhiññaṃ uppādeti, samāpattiṃ uppādeti, pāṇaṃ hanati…pe… saṅghaṃ bhindati. Kāyikaṃ dukkhaṃ… utuṃ… bhojanaṃ upanissāya dānaṃ deti…pe… saṅghaṃ bhindati. Kāyikaṃ sukhaṃ… kāyikaṃ dukkhaṃ… utu… bhojanaṃ anupādinnupādāniyāya saddhāya… sīlassa… sutassa… cāgassa… paññāya… rāgassa… dosassa… mohassa… mānassa… diṭṭhiyā… patthanāya upanissayapaccayena paccayo. (2)

    ഉപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ. പകതൂപനിസ്സയോ – കായികം സുഖം ഉപനിസ്സായ മഗ്ഗം ഉപ്പാദേതി, ഫലസമാപത്തിം സമാപജ്ജതി. കായികം ദുക്ഖം… ഉതും… ഭോജനം ഉപനിസ്സായ മഗ്ഗം ഉപ്പാദേതി, ഫലസമാപത്തിം സമാപജ്ജതി. കായികം സുഖം… കായികം ദുക്ഖം… ഉതു… ഭോജനം മഗ്ഗസ്സ… ഫലസമാപത്തിയാ ഉപനിസ്സയപച്ചയേന പച്ചയോ. (൩)

    Upādinnupādāniyo dhammo anupādinnaanupādāniyassa dhammassa upanissayapaccayena paccayo. Pakatūpanissayo – kāyikaṃ sukhaṃ upanissāya maggaṃ uppādeti, phalasamāpattiṃ samāpajjati. Kāyikaṃ dukkhaṃ… utuṃ… bhojanaṃ upanissāya maggaṃ uppādeti, phalasamāpattiṃ samāpajjati. Kāyikaṃ sukhaṃ… kāyikaṃ dukkhaṃ… utu… bhojanaṃ maggassa… phalasamāpattiyā upanissayapaccayena paccayo. (3)

    ൬൨. അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – അനുപാദിന്നുപാദാനിയം സദ്ധം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി, ഝാനം ഉപ്പാദേതി, വിപസ്സനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി. അനുപാദിന്നുപാദാനിയം സീലം… സുതം… ചാഗം… പഞ്ഞം… രാഗം… ദോസം… മോഹം… മാനം … ദിട്ഠിം… പത്ഥനം… ഉതും… ഭോജനം… സേനാസനം ഉപനിസ്സായ ദാനം ദേതി…പേ॰… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി, പാണം ഹനതി…പേ॰… സങ്ഘം ഭിന്ദതി. അനുപാദിന്നുപാദാനിയാ സദ്ധാ… സീലം… സുതം… ചാഗോ… പഞ്ഞാ… രാഗോ… ദോസോ… മോഹോ… മാനോ… ദിട്ഠി… പത്ഥനാ… ഉതു… ഭോജനം… സേനാസനം… അനുപാദിന്നുപാദാനിയായ സദ്ധായ… സീലസ്സ… സുതസ്സ… ചാഗസ്സ… പഞ്ഞായ… രാഗസ്സ… ദോസസ്സ… മോഹസ്സ… മാനസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. പഠമസ്സ ഝാനസ്സ പരികമ്മം പഠമസ്സ ഝാനസ്സ…പേ॰… നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ…പേ॰… പഠമം ഝാനം ദുതിയസ്സ…പേ॰… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ॰… പാണാതിപാതോ പാണാതിപാതസ്സ…പേ॰… നിയതമിച്ഛാദിട്ഠി നിയതമിച്ഛാദിട്ഠിയാ…പേ॰…. (൧)

    62. Anupādinnupādāniyo dhammo anupādinnupādāniyassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – anupādinnupādāniyaṃ saddhaṃ upanissāya dānaṃ deti, sīlaṃ samādiyati, uposathakammaṃ karoti, jhānaṃ uppādeti, vipassanaṃ uppādeti, abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Anupādinnupādāniyaṃ sīlaṃ… sutaṃ… cāgaṃ… paññaṃ… rāgaṃ… dosaṃ… mohaṃ… mānaṃ … diṭṭhiṃ… patthanaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti, pāṇaṃ hanati…pe… saṅghaṃ bhindati. Anupādinnupādāniyā saddhā… sīlaṃ… sutaṃ… cāgo… paññā… rāgo… doso… moho… māno… diṭṭhi… patthanā… utu… bhojanaṃ… senāsanaṃ… anupādinnupādāniyāya saddhāya… sīlassa… sutassa… cāgassa… paññāya… rāgassa… dosassa… mohassa… mānassa… diṭṭhiyā… patthanāya upanissayapaccayena paccayo. Paṭhamassa jhānassa parikammaṃ paṭhamassa jhānassa…pe… nevasaññānāsaññāyatanassa parikammaṃ nevasaññānāsaññāyatanassa…pe… paṭhamaṃ jhānaṃ dutiyassa…pe… ākiñcaññāyatanaṃ nevasaññānāsaññāyatanassa…pe… pāṇātipāto pāṇātipātassa…pe… niyatamicchādiṭṭhi niyatamicchādiṭṭhiyā…pe…. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – അനുപാദിന്നുപാദാനിയം സദ്ധം ഉപനിസ്സായ അത്താനം ആതാപേതി പരിതാപേതി, പരിയിട്ഠിമൂലകം ദുക്ഖം പച്ചനുഭോതി. അനുപാദിന്നുപാദാനിയം സീലം …പേ॰… സേനാസനം ഉപനിസ്സായ അത്താനം ആതാപേതി പരിതാപേതി, പരിയിട്ഠിമൂലകം ദുക്ഖം പച്ചനുഭോതി. അനുപാദിന്നുപാദാനിയാ സദ്ധാ…പേ॰… സേനാസനം കായികസ്സ സുഖസ്സ , കായികസ്സ ദുക്ഖസ്സ ഉപനിസ്സയപച്ചയേന പച്ചയോ. കുസലാകുസലം കമ്മം വിപാകസ്സ ഉപനിസ്സയപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – anupādinnupādāniyaṃ saddhaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Anupādinnupādāniyaṃ sīlaṃ …pe… senāsanaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Anupādinnupādāniyā saddhā…pe… senāsanaṃ kāyikassa sukhassa , kāyikassa dukkhassa upanissayapaccayena paccayo. Kusalākusalaṃ kammaṃ vipākassa upanissayapaccayena paccayo. (2)

    അനുപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – പഠമസ്സ മഗ്ഗസ്സ പരികമ്മം പഠമസ്സ മഗ്ഗസ്സ ഉപനിസ്സയപച്ചയേന പച്ചയോ. ദുതിയസ്സ മഗ്ഗസ്സ…പേ॰… തതിയസ്സ മഗ്ഗസ്സ…പേ॰… ചതുത്ഥസ്സ മഗ്ഗസ്സ പരികമ്മം ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. (൩)

    Anupādinnupādāniyo dhammo anupādinnaanupādāniyassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa upanissayapaccayena paccayo. Dutiyassa maggassa…pe… tatiyassa maggassa…pe… catutthassa maggassa parikammaṃ catutthassa maggassa upanissayapaccayena paccayo. (3)

    ൬൩. അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – പഠമോ മഗ്ഗോ ദുതിയസ്സ മഗ്ഗസ്സ ഉപനിസ്സയപച്ചയേന പച്ചയോ. ദുതിയോ മഗ്ഗോ തതിയസ്സ മഗ്ഗസ്സ…പേ॰… തതിയോ മഗ്ഗോ ചതുത്ഥസ്സ മഗ്ഗസ്സ…പേ॰… മഗ്ഗോ ഫലസമാപത്തിയാ ഉപനിസ്സയപച്ചയേന പച്ചയോ. (൧)

    63. Anupādinnaanupādāniyo dhammo anupādinnaanupādāniyassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa upanissayapaccayena paccayo. Dutiyo maggo tatiyassa maggassa…pe… tatiyo maggo catutthassa maggassa…pe… maggo phalasamāpattiyā upanissayapaccayena paccayo. (1)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – ഫലസമാപത്തി കായികസ്സ സുഖസ്സ ഉപനിസ്സയപച്ചയേന പച്ചയോ. (൨)

    Anupādinnaanupādāniyo dhammo upādinnupādāniyassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – phalasamāpatti kāyikassa sukhassa upanissayapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂനിസ്സയോ…പേ॰…. പകതൂപനിസ്സയോ – അരിയാ മഗ്ഗം ഉപനിസ്സായ അനുപ്പന്നം സമാപത്തിം ഉപ്പാദേന്തി, ഉപ്പന്നം സമാപത്തിം സമാപജ്ജന്തി, സങ്ഖാരേ അനിച്ചതോ ദുക്ഖതോ അനത്തതോ വിപസ്സന്തി. മഗ്ഗോ അരിയാനം അത്ഥപ്പടിസമ്ഭിദായ ധമ്മപ്പടിസമ്ഭിദായ നിരുത്തിപ്പടിസമ്ഭിദായ പടിഭാനപ്പടിസമ്ഭിദായ ഠാനാഠാനകോസല്ലസ്സ ഉപനിസ്സയപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa dhammassa upanissayapaccayena paccayo – ārammaṇūpanissayo, pakatūnissayo…pe…. Pakatūpanissayo – ariyā maggaṃ upanissāya anuppannaṃ samāpattiṃ uppādenti, uppannaṃ samāpattiṃ samāpajjanti, saṅkhāre aniccato dukkhato anattato vipassanti. Maggo ariyānaṃ atthappaṭisambhidāya dhammappaṭisambhidāya niruttippaṭisambhidāya paṭibhānappaṭisambhidāya ṭhānāṭhānakosallassa upanissayapaccayena paccayo. (3)

    പുരേജാതപച്ചയോ

    Purejātapaccayo

    ൬൪. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – സേക്ഖാ വാ പുഥുജ്ജനാ വാ ചക്ഖും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി; കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. സോതം… ഘാനം… ജിവ്ഹം… കായം… ഉപാദിന്നുപാദാനിയേ രൂപേ… ഗന്ധേ… രസേ… ഫോട്ഠബ്ബേ… വത്ഥും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. ഉപാദിന്നുപാദാനിയം രൂപായതനം ചക്ഖുവിഞ്ഞാണസ്സ…പേ॰… ഉപാദിന്നുപാദാനിയം ഗന്ധായതനം… രസായതനം… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ॰… കായായതനം കായവിഞ്ഞാണസ്സ…പേ॰… വത്ഥു ഉപാദിന്നുപാദാനിയാനം ഖന്ധാനം പുരേജാതപച്ചയേന പച്ചയോ. (൧)

    64. Upādinnupādāniyo dhammo upādinnupādāniyassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – sekkhā vā puthujjanā vā cakkhuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati; kusalākusale niruddhe vipāko tadārammaṇatā uppajjati. Sotaṃ… ghānaṃ… jivhaṃ… kāyaṃ… upādinnupādāniye rūpe… gandhe… rase… phoṭṭhabbe… vatthuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati. Kusalākusale niruddhe vipāko tadārammaṇatā uppajjati. Upādinnupādāniyaṃ rūpāyatanaṃ cakkhuviññāṇassa…pe… upādinnupādāniyaṃ gandhāyatanaṃ… rasāyatanaṃ… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu upādinnupādāniyānaṃ khandhānaṃ purejātapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. സോതം…പേ॰… വത്ഥും അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. ദിബ്ബേന ചക്ഖുനാ ഉപാദിന്നുപാദാനിയം രൂപം പസ്സന്തി. വത്ഥുപുരേജാതം – വത്ഥു അനുപാദിന്നുപാദാനിയാനം ഖന്ധാനം പുരേജാതപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Dibbena cakkhunā upādinnupādāniyaṃ rūpaṃ passanti. Vatthupurejātaṃ – vatthu anupādinnupādāniyānaṃ khandhānaṃ purejātapaccayena paccayo. (2)

    ഉപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ പുരേജാതപച്ചയേന പച്ചയോ. വത്ഥുപുരേജാതം – വത്ഥു അനുപാദിന്നഅനുപാദാനിയാനം ഖന്ധാനം പുരേജാതപച്ചയേന പച്ചയോ. (൩)

    Upādinnupādāniyo dhammo anupādinnaanupādāniyassa dhammassa purejātapaccayena paccayo. Vatthupurejātaṃ – vatthu anupādinnaanupādāniyānaṃ khandhānaṃ purejātapaccayena paccayo. (3)

    ൬൫. അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – അനുപാദിന്നുപാദാനിയേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി …പേ॰… ദോമനസ്സം ഉപ്പജ്ജതി. ദിബ്ബേന ചക്ഖുനാ അനുപാദിന്നുപാദാനിയം രൂപം പസ്സതി, ദിബ്ബായ സോതധാതുയാ സദ്ദം സുണാതി. (൧)

    65. Anupādinnupādāniyo dhammo anupādinnupādāniyassa dhammassa purejātapaccayena paccayo. Ārammaṇapurejātaṃ – anupādinnupādāniye rūpe… sadde… gandhe… rase… phoṭṭhabbe aniccato dukkhato anattato vipassati, assādeti abhinandati; taṃ ārabbha rāgo uppajjati …pe… domanassaṃ uppajjati. Dibbena cakkhunā anupādinnupādāniyaṃ rūpaṃ passati, dibbāya sotadhātuyā saddaṃ suṇāti. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – അനുപാദിന്നുപാദാനിയേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. അനുപാദിന്നുപാദാനിയം രൂപായതനം ചക്ഖുവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa purejātapaccayena paccayo. Ārammaṇapurejātaṃ – anupādinnupādāniye rūpe… sadde… gandhe… rase… phoṭṭhabbe aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Kusalākusale niruddhe vipāko tadārammaṇatā uppajjati. Anupādinnupādāniyaṃ rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. (2)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. അനുപാദിന്നുപാദാനിയം രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ പുരേജാതപച്ചയേന പച്ചയോ…പേ॰… അനുപാദിന്നുപാദാനിയം ഫോട്ഠബ്ബായതനഞ്ച കായായതനഞ്ച കായവിഞ്ഞാണസ്സ പുരേജാതപച്ചയേന പച്ചയോ. അനുപാദിന്നുപാദാനിയം രൂപായതനഞ്ച വത്ഥു ച ഉപാദിന്നുപാദാനിയാനം ഖന്ധാനം പുരേജാതപച്ചയേന പച്ചയോ…പേ॰… അനുപാദിന്നുപാദാനിയം ഫോട്ഠബ്ബായതനഞ്ച വത്ഥു ച ഉപാദിന്നുപാദാനിയാനം ഖന്ധാനം പുരേജാതപച്ചയേന പച്ചയോ. (൧)

    Upādinnupādāniyo ca anupādinnupādāniyo ca dhammā upādinnupādāniyassa dhammassa purejātapaccayena paccayo – ārammaṇapurejātaṃ, vatthupurejātaṃ. Anupādinnupādāniyaṃ rūpāyatanañca cakkhāyatanañca cakkhuviññāṇassa purejātapaccayena paccayo…pe… anupādinnupādāniyaṃ phoṭṭhabbāyatanañca kāyāyatanañca kāyaviññāṇassa purejātapaccayena paccayo. Anupādinnupādāniyaṃ rūpāyatanañca vatthu ca upādinnupādāniyānaṃ khandhānaṃ purejātapaccayena paccayo…pe… anupādinnupādāniyaṃ phoṭṭhabbāyatanañca vatthu ca upādinnupādāniyānaṃ khandhānaṃ purejātapaccayena paccayo. (1)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. അനുപാദിന്നുപാദാനിയം രൂപായതനഞ്ച വത്ഥു ച അനുപാദിന്നുപാദാനിയാനം ഖന്ധാനം പുരേജാതപച്ചയേന പച്ചയോ…പേ॰… അനുപാദിന്നുപാദാനിയം ഫോട്ഠബ്ബായതനഞ്ച വത്ഥു ച അനുപാദിന്നുപാദാനിയാനം ഖന്ധാനം പുരേജാതപച്ചയേന പച്ചയോ. (൨)

    Upādinnupādāniyo ca anupādinnupādāniyo ca dhammā anupādinnupādāniyassa dhammassa purejātapaccayena paccayo – ārammaṇapurejātaṃ, vatthupurejātaṃ. Anupādinnupādāniyaṃ rūpāyatanañca vatthu ca anupādinnupādāniyānaṃ khandhānaṃ purejātapaccayena paccayo…pe… anupādinnupādāniyaṃ phoṭṭhabbāyatanañca vatthu ca anupādinnupādāniyānaṃ khandhānaṃ purejātapaccayena paccayo. (2)

    പച്ഛാജാതപച്ചയോ

    Pacchājātapaccayo

    ൬൬. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ പച്ഛാജാതപച്ചയേന പച്ചയോ. (൧)

    66. Upādinnupādāniyo dhammo upādinnupādāniyassa dhammassa pacchājātapaccayena paccayo – pacchājātā upādinnupādāniyā khandhā purejātassa imassa upādinnupādāniyassa kāyassa pacchājātapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ പച്ഛാജാതപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa pacchājātapaccayena paccayo – pacchājātā upādinnupādāniyā khandhā purejātassa imassa anupādinnupādāniyassa kāyassa pacchājātapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ പച്ഛാജാതപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa pacchājātapaccayena paccayo – pacchājātā upādinnupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa pacchājātapaccayena paccayo. (3)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ പച്ഛാജാതപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa pacchājātapaccayena paccayo – pacchājātā anupādinnupādāniyā khandhā purejātassa imassa anupādinnupādāniyassa kāyassa pacchājātapaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ പച്ഛാജാതപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa pacchājātapaccayena paccayo – pacchājātā anupādinnupādāniyā khandhā purejātassa imassa upādinnupādāniyassa kāyassa pacchājātapaccayena paccayo. (2)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ പച്ഛാജാതപച്ചയേന പച്ചയോ. (൩)

    Anupādinnupādāniyo dhammo upādinnupādāniyassa ca anupādinnupādāniyassa ca dhammassa pacchājātapaccayena paccayo – pacchājātā anupādinnupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa pacchājātapaccayena paccayo. (3)

    ൬൭. അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ പച്ഛാജാതപച്ചയേന പച്ചയോ. (൧)

    67. Anupādinnaanupādāniyo dhammo upādinnupādāniyassa dhammassa pacchājātapaccayena paccayo – pacchājātā anupādinnaanupādāniyā khandhā purejātassa imassa upādinnupādāniyassa kāyassa pacchājātapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ പച്ഛാജാതപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa pacchājātapaccayena paccayo – pacchājātā anupādinnaanupādāniyā khandhā purejātassa imassa anupādinnupādāniyassa kāyassa pacchājātapaccayena paccayo. (2)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ പച്ഛാജാതപച്ചയേന പച്ചയോ. (൩)

    Anupādinnaanupādāniyo dhammo upādinnupādāniyassa ca anupādinnupādāniyassa ca dhammassa pacchājātapaccayena paccayo – pacchājātā anupādinnaanupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa pacchājātapaccayena paccayo. (3)

    ആസേവനപച്ചയോ

    Āsevanapaccayo

    ൬൮. അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ അനുപാദിന്നുപാദാനിയാ ഖന്ധാ പച്ഛിമാനം പച്ഛിമാനം അനുപാദിന്നുപാദാനിയാനം ഖന്ധാനം ആസേവനപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ ആസേവനപച്ചയേന പച്ചയോ. (൧)

    68. Anupādinnupādāniyo dhammo anupādinnupādāniyassa dhammassa āsevanapaccayena paccayo – purimā purimā anupādinnupādāniyā khandhā pacchimānaṃ pacchimānaṃ anupādinnupādāniyānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa āsevanapaccayena paccayo. (1)

    അനുപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ആസേവനപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൨)

    Anupādinnupādāniyo dhammo anupādinnaanupādāniyassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)

    കമ്മപച്ചയോ

    Kammapaccayo

    ൬൯. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ കമ്മപച്ചയേന പച്ചയോ – ഉപാദിന്നുപാദാനിയാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ; പടിസന്ധിക്ഖണേ ഉപാദിന്നുപാദാനിയാ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. ചേതനാ വത്ഥുസ്സ കമ്മപച്ചയേന പച്ചയോ. (൧)

    69. Upādinnupādāniyo dhammo upādinnupādāniyassa dhammassa kammapaccayena paccayo – upādinnupādāniyā cetanā sampayuttakānaṃ khandhānaṃ kammapaccayena paccayo; paṭisandhikkhaṇe upādinnupādāniyā cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo. Cetanā vatthussa kammapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ കമ്മപച്ചയേന പച്ചയോ – ഉപാദിന്നുപാദാനിയാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa kammapaccayena paccayo – upādinnupādāniyā cetanā cittasamuṭṭhānānaṃ rūpānaṃ kammapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ കമ്മപച്ചയേന പച്ചയോ – ഉപാദിന്നുപാദാനിയാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa kammapaccayena paccayo – upādinnupādāniyā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ കമ്മപച്ചയേന പച്ചയോ – അനുപാദിന്നുപാദാനിയാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa kammapaccayena paccayo – anupādinnupādāniyā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ കമ്മപച്ചയേന പച്ചയോ – നാനാക്ഖണികാ അനുപാദിന്നുപാദാനിയാ ചേതനാ വിപാകാനം ഉപാദിന്നുപാദാനിയാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa kammapaccayena paccayo – nānākkhaṇikā anupādinnupādāniyā cetanā vipākānaṃ upādinnupādāniyānaṃ khandhānaṃ kaṭattā ca rūpānaṃ kammapaccayena paccayo. (2)

    ൭൦. അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അനുപാദിന്നഅനുപാദാനിയാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – അനുപാദിന്നഅനുപാദാനിയാ കുസലാ ചേതനാ വിപാകാനം അനുപാദിന്നഅനുപാദാനിയാനം ഖന്ധാനം കമ്മപച്ചയേന പച്ചയോ. (൧)

    70. Anupādinnaanupādāniyo dhammo anupādinnaanupādāniyassa dhammassa kammapaccayena paccayo – sahajātā, nānākkhaṇikā. Sahajātā – anupādinnaanupādāniyā cetanā sampayuttakānaṃ khandhānaṃ kammapaccayena paccayo. Nānākkhaṇikā – anupādinnaanupādāniyā kusalā cetanā vipākānaṃ anupādinnaanupādāniyānaṃ khandhānaṃ kammapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ കമ്മപച്ചയേന പച്ചയോ – അനുപാദിന്നഅനുപാദാനിയാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa kammapaccayena paccayo – anupādinnaanupādāniyā cetanā cittasamuṭṭhānānaṃ rūpānaṃ kammapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ കമ്മപച്ചയേന പച്ചയോ – അനുപാദിന്നഅനുപാദാനിയാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa kammapaccayena paccayo – anupādinnaanupādāniyā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    വിപാകപച്ചയോ

    Vipākapaccayo

    ൭൧. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ വിപാകപച്ചയേന പച്ചയോ – വിപാകോ ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം വിപാകപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം വിപാകപച്ചയേന പച്ചയോ; പടിസന്ധിക്ഖണേ വിപാകോ ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം കടത്താ ച രൂപാനം വിപാകപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം കടത്താ ച രൂപാനം വിപാകപച്ചയേന പച്ചയോ. ഖന്ധാ വത്ഥുസ്സ വിപാകപച്ചയേന പച്ചയോ. (൧)

    71. Upādinnupādāniyo dhammo upādinnupādāniyassa dhammassa vipākapaccayena paccayo – vipāko upādinnupādāniyo eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ vipākapaccayena paccayo; paṭisandhikkhaṇe vipāko upādinnupādāniyo eko khandho tiṇṇannaṃ khandhānaṃ kaṭattā ca rūpānaṃ vipākapaccayena paccayo…pe… dve khandhā dvinnaṃ khandhānaṃ kaṭattā ca rūpānaṃ vipākapaccayena paccayo. Khandhā vatthussa vipākapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ വിപാകപച്ചയേന പച്ചയോ – വിപാകാ ഉപാദിന്നുപാദാനിയാ ഖന്ധാ ചിത്തസമുട്ഠാനാനം രൂപാനം വിപാകപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa vipākapaccayena paccayo – vipākā upādinnupādāniyā khandhā cittasamuṭṭhānānaṃ rūpānaṃ vipākapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ വിപാകപച്ചയേന പച്ചയോ – വിപാകോ ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ …പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa vipākapaccayena paccayo – vipāko upādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo …pe… dve khandhā dvinnaṃ khandhānaṃ cittasamuṭṭhānānañca rūpānaṃ vipākapaccayena paccayo. (3)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ വിപാകപച്ചയേന പച്ചയോ – വിപാകോ അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം വിപാകപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം വിപാകപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa vipākapaccayena paccayo – vipāko anupādinnaanupādāniyo eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ vipākapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ വിപാകപച്ചയേന പച്ചയോ – വിപാകാ അനുപാദിന്നഅനുപാദാനിയാ ഖന്ധാ ചിത്തസമുട്ഠാനാനം രൂപാനം വിപാകപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa vipākapaccayena paccayo – vipākā anupādinnaanupādāniyā khandhā cittasamuṭṭhānānaṃ rūpānaṃ vipākapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ വിപാകപച്ചയേന പച്ചയോ – വിപാകോ അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa vipākapaccayena paccayo – vipāko anupādinnaanupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ vipākapaccayena paccayo. (3)

    ആഹാരപച്ചയോ

    Āhārapaccayo

    ൭൨. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആഹാരപച്ചയേന പച്ചയോ – ഉപാദിന്നുപാദാനിയാ ആഹാരാ സമ്പയുത്തകാനം ഖന്ധാനം ആഹാരപച്ചയേന പച്ചയോ; പടിസന്ധിക്ഖണേ ഉപാദിന്നുപാദാനിയാ ആഹാരാ സമ്പയുത്തകാനം ഖന്ധാനം കടത്താ ച രൂപാനം ആഹാരപച്ചയേന പച്ചയോ. ഉപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ കായസ്സ ആഹാരപച്ചയേന പച്ചയോ. (൧)

    72. Upādinnupādāniyo dhammo upādinnupādāniyassa dhammassa āhārapaccayena paccayo – upādinnupādāniyā āhārā sampayuttakānaṃ khandhānaṃ āhārapaccayena paccayo; paṭisandhikkhaṇe upādinnupādāniyā āhārā sampayuttakānaṃ khandhānaṃ kaṭattā ca rūpānaṃ āhārapaccayena paccayo. Upādinnupādāniyo kabaḷīkāro āhāro upādinnupādāniyassa kāyassa āhārapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആഹാരപച്ചയേന പച്ചയോ – ഉപാദിന്നുപാദാനിയാ ആഹാരാ ചിത്തസമുട്ഠാനാനം രൂപാനം ആഹാരപച്ചയേന പച്ചയോ; ഉപാദിന്നുപാദാനിയോ കബളീകാരോ ആഹാരോ അനുപാദിന്നുപാദാനിയസ്സ കായസ്സ ആഹാരപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa āhārapaccayena paccayo – upādinnupādāniyā āhārā cittasamuṭṭhānānaṃ rūpānaṃ āhārapaccayena paccayo; upādinnupādāniyo kabaḷīkāro āhāro anupādinnupādāniyassa kāyassa āhārapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ആഹാരപച്ചയേന പച്ചയോ – ഉപാദിന്നുപാദാനിയാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ . ഉപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ ആഹാരപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa āhārapaccayena paccayo – upādinnupādāniyā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo . Upādinnupādāniyo kabaḷīkāro āhāro upādinnupādāniyassa ca anupādinnupādāniyassa ca kāyassa āhārapaccayena paccayo. (3)

    ൭൩. അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആഹാരപച്ചയേന പച്ചയോ – അനുപാദിന്നുപാദാനിയാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. അനുപാദിന്നുപാദാനിയോ കബളീകാരോ ആഹാരോ അനുപാദിന്നുപാദാനിയസ്സ കായസ്സ ആഹാരപച്ചയേന പച്ചയോ. (൧)

    73. Anupādinnupādāniyo dhammo anupādinnupādāniyassa dhammassa āhārapaccayena paccayo – anupādinnupādāniyā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Anupādinnupādāniyo kabaḷīkāro āhāro anupādinnupādāniyassa kāyassa āhārapaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആഹാരപച്ചയേന പച്ചയോ – അനുപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ കായസ്സ ആഹാരപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa āhārapaccayena paccayo – anupādinnupādāniyo kabaḷīkāro āhāro upādinnupādāniyassa kāyassa āhārapaccayena paccayo. (2)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ആഹാരപച്ചയേന പച്ചയോ – അനുപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ ആഹാരപച്ചയേന പച്ചയോ. (൩)

    Anupādinnupādāniyo dhammo upādinnupādāniyassa ca anupādinnupādāniyassa ca dhammassa āhārapaccayena paccayo – anupādinnupādāniyo kabaḷīkāro āhāro upādinnupādāniyassa ca anupādinnupādāniyassa ca kāyassa āhārapaccayena paccayo. (3)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ആഹാരപച്ചയേന പച്ചയോ – അനുപാദിന്നഅനുപാദാനിയാ ആഹാരാ സമ്പയുത്തകാനം ഖന്ധാനം ആഹാരപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa āhārapaccayena paccayo – anupādinnaanupādāniyā āhārā sampayuttakānaṃ khandhānaṃ āhārapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആഹാരപച്ചയേന പച്ചയോ – അനുപാദിന്നഅനുപാദാനിയാ ആഹാരാ ചിത്തസമുട്ഠാനാനം രൂപാനം ആഹാരപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa āhārapaccayena paccayo – anupādinnaanupādāniyā āhārā cittasamuṭṭhānānaṃ rūpānaṃ āhārapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ ആഹാരപച്ചയേന പച്ചയോ – അനുപാദിന്നഅനുപാദാനിയാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa āhārapaccayena paccayo – anupādinnaanupādāniyā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. (3)

    ൭൪. ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ ആഹാരപച്ചയേന പച്ചയോ – ഉപാദിന്നുപാദാനിയോ ച അനുപാദിന്നുപാദാനിയോ ച കബളീകാരോ ആഹാരോ ഉപാദിന്നുപാദാനിയസ്സ കായസ്സ ആഹാരപച്ചയേന പച്ചയോ. (൧)

    74. Upādinnupādāniyo ca anupādinnupādāniyo ca dhammā upādinnupādāniyassa dhammassa āhārapaccayena paccayo – upādinnupādāniyo ca anupādinnupādāniyo ca kabaḷīkāro āhāro upādinnupādāniyassa kāyassa āhārapaccayena paccayo. (1)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ ആഹാരപച്ചയേന പച്ചയോ – ഉപാദിന്നുപാദാനിയോ ച അനുപാദിന്നുപാദാനിയോ ച കബളീകാരോ ആഹാരോ അനുപാദിന്നുപാദാനിയസ്സ കായസ്സ ആഹാരപച്ചയേന പച്ചയോ. (൨)

    Upādinnupādāniyo ca anupādinnupādāniyo ca dhammā anupādinnupādāniyassa dhammassa āhārapaccayena paccayo – upādinnupādāniyo ca anupādinnupādāniyo ca kabaḷīkāro āhāro anupādinnupādāniyassa kāyassa āhārapaccayena paccayo. (2)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ആഹാരപച്ചയേന പച്ചയോ – ഉപാദിന്നുപാദാനിയോ ച അനുപാദിന്നുപാദാനിയോ ച കബളീകാരോ ആഹാരോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ ആഹാരപച്ചയേന പച്ചയോ. (൩)

    Upādinnupādāniyo ca anupādinnupādāniyo ca dhammā upādinnupādāniyassa ca anupādinnupādāniyassa ca dhammassa āhārapaccayena paccayo – upādinnupādāniyo ca anupādinnupādāniyo ca kabaḷīkāro āhāro upādinnupādāniyassa ca anupādinnupādāniyassa ca kāyassa āhārapaccayena paccayo. (3)

    ഇന്ദ്രിയപച്ചയോ

    Indriyapaccayo

    ൭൫. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഇന്ദ്രിയപച്ചയേന പച്ചയോ – ഉപാദിന്നുപാദാനിയാ ഇന്ദ്രിയാ സമ്പയുത്തകാനം ഖന്ധാനം ഇന്ദ്രിയപച്ചയേന പച്ചയോ; പടിസന്ധിക്ഖണേ ഉപാദിന്നുപാദാനിയാ ഇന്ദ്രിയാ സമ്പയുത്തകാനം ഖന്ധാനം കടത്താ ച രൂപാനം ഇന്ദ്രിയപച്ചയേന പച്ചയോ. ചക്ഖുന്ദ്രിയം ചക്ഖുവിഞ്ഞാണസ്സ…പേ॰… കായിന്ദ്രിയം കായവിഞ്ഞാണസ്സ…പേ॰… രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ. (൧)

    75. Upādinnupādāniyo dhammo upādinnupādāniyassa dhammassa indriyapaccayena paccayo – upādinnupādāniyā indriyā sampayuttakānaṃ khandhānaṃ indriyapaccayena paccayo; paṭisandhikkhaṇe upādinnupādāniyā indriyā sampayuttakānaṃ khandhānaṃ kaṭattā ca rūpānaṃ indriyapaccayena paccayo. Cakkhundriyaṃ cakkhuviññāṇassa…pe… kāyindriyaṃ kāyaviññāṇassa…pe… rūpajīvitindriyaṃ kaṭattārūpānaṃ indriyapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഇന്ദ്രിയപച്ചയേന പച്ചയോ – ഉപാദിന്നുപാദാനിയാ ഇന്ദ്രിയാ ചിത്തസമുട്ഠാനാനം രൂപാനം ഇന്ദ്രിയപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa indriyapaccayena paccayo – upādinnupādāniyā indriyā cittasamuṭṭhānānaṃ rūpānaṃ indriyapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ഇന്ദ്രിയപച്ചയേന പച്ചയോ – ഉപാദിന്നുപാദാനിയാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa indriyapaccayena paccayo – upādinnupādāniyā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo. (3)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഇന്ദ്രിയപച്ചയേന പച്ചയോ – അനുപാദിന്നുപാദാനിയാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa indriyapaccayena paccayo – anupādinnupādāniyā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഇന്ദ്രിയപച്ചയേന പച്ചയോ – അനുപാദിന്നഅനുപാദാനിയാ ഇന്ദ്രിയാ സമ്പയുത്തകാനം ഖന്ധാനം ഇന്ദ്രിയപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa indriyapaccayena paccayo – anupādinnaanupādāniyā indriyā sampayuttakānaṃ khandhānaṃ indriyapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഇന്ദ്രിയപച്ചയേന പച്ചയോ – അനുപാദിന്നഅനുപാദാനിയാ ഇന്ദ്രിയാ ചിത്തസമുട്ഠാനാനം രൂപാനം ഇന്ദ്രിയപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa indriyapaccayena paccayo – anupādinnaanupādāniyā indriyā cittasamuṭṭhānānaṃ rūpānaṃ indriyapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ ഇന്ദ്രിയപച്ചയേന പച്ചയോ – അനുപാദിന്നഅനുപാദാനിയാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa indriyapaccayena paccayo – anupādinnaanupādāniyā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo. (3)

    ഝാനപച്ചയോ

    Jhānapaccayo

    ൭൬. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഝാനപച്ചയേന പച്ചയോ – ഉപാദിന്നുപാദാനിയാനി ഝാനങ്ഗാനി സമ്പയുത്തകാനം ഖന്ധാനം ഝാനപച്ചയേന പച്ചയോ; പടിസന്ധിക്ഖണേ ഉപാദിന്നുപാദാനിയാനി ഝാനങ്ഗാനി സമ്പയുത്തകാനം ഖന്ധാനം കടത്താ ച രൂപാനം ഝാനപച്ചയേന പച്ചയോ. (൧)

    76. Upādinnupādāniyo dhammo upādinnupādāniyassa dhammassa jhānapaccayena paccayo – upādinnupādāniyāni jhānaṅgāni sampayuttakānaṃ khandhānaṃ jhānapaccayena paccayo; paṭisandhikkhaṇe upādinnupādāniyāni jhānaṅgāni sampayuttakānaṃ khandhānaṃ kaṭattā ca rūpānaṃ jhānapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഝാനപച്ചയേന പച്ചയോ – ഉപാദിന്നുപാദാനിയാനി ഝാനങ്ഗാനി ചിത്തസമുട്ഠാനാനം രൂപാനം ഝാനപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa jhānapaccayena paccayo – upādinnupādāniyāni jhānaṅgāni cittasamuṭṭhānānaṃ rūpānaṃ jhānapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ഝാനപച്ചയേന പച്ചയോ – ഉപാദിന്നുപാദാനിയാനി ഝാനങ്ഗാനി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഝാനപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa jhānapaccayena paccayo – upādinnupādāniyāni jhānaṅgāni sampayuttakānaṃ khandhānaṃ cittasamuṭṭhānānañca rūpānaṃ jhānapaccayena paccayo. (3)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഝാനപച്ചയേന പച്ചയോ – അനുപാദിന്നുപാദാനിയാനി ഝാനങ്ഗാനി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഝാനപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa jhānapaccayena paccayo – anupādinnupādāniyāni jhānaṅgāni sampayuttakānaṃ khandhānaṃ cittasamuṭṭhānānañca rūpānaṃ jhānapaccayena paccayo. (1)

    ൭൭. അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഝാനപച്ചയേന പച്ചയോ – അനുപാദിന്നഅനുപാദാനിയാനി ഝാനങ്ഗാനി സമ്പയുത്തകാനം ഖന്ധാനം ഝാനപച്ചയേന പച്ചയോ. (൧)

    77. Anupādinnaanupādāniyo dhammo anupādinnaanupādāniyassa dhammassa jhānapaccayena paccayo – anupādinnaanupādāniyāni jhānaṅgāni sampayuttakānaṃ khandhānaṃ jhānapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ഝാനപച്ചയേന പച്ചയോ – അനുപാദിന്നഅനുപാദാനിയാനി ഝാനങ്ഗാനി ചിത്തസമുട്ഠാനാനം രൂപാനം ഝാനപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa jhānapaccayena paccayo – anupādinnaanupādāniyāni jhānaṅgāni cittasamuṭṭhānānaṃ rūpānaṃ jhānapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ ഝാനപച്ചയേന പച്ചയോ – അനുപാദിന്നഅനുപാദാനിയാനി ഝാനങ്ഗാനി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഝാനപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa jhānapaccayena paccayo – anupādinnaanupādāniyāni jhānaṅgāni sampayuttakānaṃ khandhānaṃ cittasamuṭṭhānānañca rūpānaṃ jhānapaccayena paccayo. (3)

    മഗ്ഗപച്ചയോ

    Maggapaccayo

    ൭൮. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ മഗ്ഗപച്ചയേന പച്ചയോ – ഉപാദിന്നുപാദാനിയാനി മഗ്ഗങ്ഗാനി സമ്പയുത്തകാനം ഖന്ധാനം മഗ്ഗപച്ചയേന പച്ചയോ. പടിസന്ധിക്ഖണേ…പേ॰…. (൧)

    78. Upādinnupādāniyo dhammo upādinnupādāniyassa dhammassa maggapaccayena paccayo – upādinnupādāniyāni maggaṅgāni sampayuttakānaṃ khandhānaṃ maggapaccayena paccayo. Paṭisandhikkhaṇe…pe…. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ മഗ്ഗപച്ചയേന പച്ചയോ – ഉപാദിന്നുപാദാനിയാനി മഗ്ഗങ്ഗാനി ചിത്തസമുട്ഠാനാനം രൂപാനം മഗ്ഗപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa maggapaccayena paccayo – upādinnupādāniyāni maggaṅgāni cittasamuṭṭhānānaṃ rūpānaṃ maggapaccayena paccayo. (2)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ മഗ്ഗപച്ചയേന പച്ചയോ – ഉപാദിന്നുപാദാനിയാനി മഗ്ഗങ്ഗാനി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം മഗ്ഗപച്ചയേന പച്ചയോ. (൩)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa maggapaccayena paccayo – upādinnupādāniyāni maggaṅgāni sampayuttakānaṃ khandhānaṃ cittasamuṭṭhānānañca rūpānaṃ maggapaccayena paccayo. (3)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ മഗ്ഗപച്ചയേന പച്ചയോ – അനുപാദിന്നുപാദാനിയാനി മഗ്ഗങ്ഗാനി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം മഗ്ഗപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa maggapaccayena paccayo – anupādinnupādāniyāni maggaṅgāni sampayuttakānaṃ khandhānaṃ cittasamuṭṭhānānañca rūpānaṃ maggapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ മഗ്ഗപച്ചയേന പച്ചയോ – അനുപാദിന്നഅനുപാദാനിയാനി മഗ്ഗങ്ഗാനി സമ്പയുത്തകാനം ഖന്ധാനം മഗ്ഗപച്ചയേന പച്ചയോ. (൧)

    Anupādinnaanupādāniyo dhammo anupādinnaanupādāniyassa dhammassa maggapaccayena paccayo – anupādinnaanupādāniyāni maggaṅgāni sampayuttakānaṃ khandhānaṃ maggapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ മഗ്ഗപച്ചയേന പച്ചയോ – അനുപാദിന്നഅനുപാദാനിയാനി മഗ്ഗങ്ഗാനി ചിത്തസമുട്ഠാനാനം രൂപാനം മഗ്ഗപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa maggapaccayena paccayo – anupādinnaanupādāniyāni maggaṅgāni cittasamuṭṭhānānaṃ rūpānaṃ maggapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ മഗ്ഗപച്ചയേന പച്ചയോ – അനുപാദിന്നഅനുപാദാനിയാനി മഗ്ഗങ്ഗാനി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം മഗ്ഗപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa maggapaccayena paccayo – anupādinnaanupādāniyāni maggaṅgāni sampayuttakānaṃ khandhānaṃ cittasamuṭṭhānānañca rūpānaṃ maggapaccayena paccayo. (3)

    സമ്പയുത്തപച്ചയോ

    Sampayuttapaccayo

    ൭൯. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ സമ്പയുത്തപച്ചയേന പച്ചയോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം സമ്പയുത്തപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം…പേ॰… പടിസന്ധിക്ഖണേ…പേ॰…. (൧)

    79. Upādinnupādāniyo dhammo upādinnupādāniyassa dhammassa sampayuttapaccayena paccayo – upādinnupādāniyo eko khandho tiṇṇannaṃ khandhānaṃ sampayuttapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe…pe…. (1)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ സമ്പയുത്തപച്ചയേന പച്ചയോ – അനുപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം സമ്പയുത്തപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം…പേ॰…. (൧)

    Anupādinnupādāniyo dhammo anupādinnupādāniyassa dhammassa sampayuttapaccayena paccayo – anupādinnupādāniyo eko khandho tiṇṇannaṃ khandhānaṃ sampayuttapaccayena paccayo…pe… dve khandhā dvinnaṃ khandhānaṃ…pe…. (1)

    അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ സമ്പയുത്തപച്ചയേന പച്ചയോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം സമ്പയുത്തപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം…പേ॰…. (൧)

    Anupādinnaanupādāniyo dhammo anupādinnaanupādāniyassa dhammassa sampayuttapaccayena paccayo – anupādinnaanupādāniyo eko khandho tiṇṇannaṃ khandhānaṃ sampayuttapaccayena paccayo…pe… dve khandhā dvinnaṃ khandhānaṃ…pe…. (1)

    വിപ്പയുത്തപച്ചയോ

    Vippayuttapaccayo

    ൮൦. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – പടിസന്ധിക്ഖണേ ഉപാദിന്നുപാദാനിയാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ വിപ്പയുത്തപച്ചയേന പച്ചയോ. വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ വിപ്പയുത്തപച്ചയേന പച്ചയോ…പേ॰… കായായതനം കായവിഞ്ഞാണസ്സ വിപ്പയുത്തപച്ചയേന പച്ചയോ. വത്ഥു ഉപാദിന്നുപാദാനിയാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ വിപ്പയുത്തപച്ചയേന പച്ചയോ. (൧)

    80. Upādinnupādāniyo dhammo upādinnupādāniyassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – paṭisandhikkhaṇe upādinnupādāniyā khandhā kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa vippayuttapaccayena paccayo…pe… kāyāyatanaṃ kāyaviññāṇassa vippayuttapaccayena paccayo. Vatthu upādinnupādāniyānaṃ khandhānaṃ vippayuttapaccayena paccayo. Pacchājātā – upādinnupādāniyā khandhā purejātassa imassa upādinnupādāniyassa kāyassa vippayuttapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – ഉപാദിന്നുപാദാനിയാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പുരേജാതം – വത്ഥു അനുപാദിന്നുപാദാനിയാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ വിപ്പയുത്തപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – upādinnupādāniyā khandhā cittasamuṭṭhānānaṃ rūpānaṃ vippayuttapaccayena paccayo. Purejātaṃ – vatthu anupādinnupādāniyānaṃ khandhānaṃ vippayuttapaccayena paccayo. Pacchājātā – upādinnupādāniyā khandhā purejātassa imassa anupādinnupādāniyassa kāyassa vippayuttapaccayena paccayo. (2)

    ഉപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു അനുപാദിന്നഅനുപാദാനിയാനം ഖന്ധാനം വിപ്പയുത്തപച്ചയേന പച്ചയോ. (൩)

    Upādinnupādāniyo dhammo anupādinnaanupādāniyassa dhammassa vippayuttapaccayena paccayo. Purejātaṃ – vatthu anupādinnaanupādāniyānaṃ khandhānaṃ vippayuttapaccayena paccayo. (3)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ വിപ്പയുത്തപച്ചയേന പച്ചയോ. (൪)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa vippayuttapaccayena paccayo. Pacchājātā – upādinnupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa vippayuttapaccayena paccayo. (4)

    ൮൧. അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അനുപാദിന്നുപാദാനിയാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ വിപ്പയുത്തപച്ചയേന പച്ചയോ. (൧)

    81. Anupādinnupādāniyo dhammo anupādinnupādāniyassa dhammassa vippayuttapaccayena paccayo – sahajātaṃ, pacchājātaṃ. Sahajātā – anupādinnupādāniyā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – anupādinnupādāniyā khandhā purejātassa imassa anupādinnupādāniyassa kāyassa vippayuttapaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ വിപ്പയുത്തപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa vippayuttapaccayena paccayo. Pacchājātā – anupādinnupādāniyā khandhā purejātassa imassa upādinnupādāniyassa kāyassa vippayuttapaccayena paccayo. (2)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ വിപ്പയുത്തപച്ചയേന പച്ചയോ. (൩)

    Anupādinnupādāniyo dhammo upādinnupādāniyassa ca anupādinnupādāniyassa ca dhammassa vippayuttapaccayena paccayo. Pacchājātā – anupādinnupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa vippayuttapaccayena paccayo. (3)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ വിപ്പയുത്തപച്ചയേന പച്ചയോ. (൧)

    Anupādinnaanupādāniyo dhammo upādinnupādāniyassa dhammassa vippayuttapaccayena paccayo. Pacchājātā – anupādinnaanupādāniyā khandhā purejātassa imassa upādinnupādāniyassa kāyassa vippayuttapaccayena paccayo. (1)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അനുപാദിന്നഅനുപാദാനിയാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ വിപ്പയുത്തപച്ചയേന പച്ചയോ. (൨)

    Anupādinnaanupādāniyo dhammo anupādinnupādāniyassa dhammassa vippayuttapaccayena paccayo – sahajātaṃ, pacchājātaṃ. Sahajātā – anupādinnaanupādāniyā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – anupādinnaanupādāniyā khandhā purejātassa imassa anupādinnupādāniyassa kāyassa vippayuttapaccayena paccayo. (2)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ വിപ്പയുത്തപച്ചയേന പച്ചയോ. (൩)

    Anupādinnaanupādāniyo dhammo upādinnupādāniyassa ca anupādinnupādāniyassa ca dhammassa vippayuttapaccayena paccayo. Pacchājātā – anupādinnaanupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa vippayuttapaccayena paccayo. (3)

    അത്ഥിപച്ചയോ

    Atthipaccayo

    ൮൨. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം അത്ഥിപച്ചയേന പച്ചയോ; പടിസന്ധിക്ഖണേ ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം കടത്താ ച രൂപാനം അത്ഥിപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം കടത്താ ച രൂപാനം അത്ഥിപച്ചയേന പച്ചയോ. ഖന്ധാ വത്ഥുസ്സ…പേ॰… വത്ഥു ഖന്ധാനം…പേ॰… ഏകം മഹാഭൂതം…പേ॰… മഹാഭൂതാ കടത്താരൂപാനം ഉപാദാരൂപാനം അത്ഥിപച്ചയേന പച്ചയോ. അസഞ്ഞസത്താനം ഏകം മഹാഭൂതം…പേ॰… മഹാഭൂതാ കടത്താരൂപാനം ഉപാദാരൂപാനം അത്ഥിപച്ചയേന പച്ചയോ.

    82. Upādinnupādāniyo dhammo upādinnupādāniyassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – upādinnupādāniyo eko khandho tiṇṇannaṃ khandhānaṃ atthipaccayena paccayo…pe… dve khandhā dvinnaṃ khandhānaṃ atthipaccayena paccayo; paṭisandhikkhaṇe upādinnupādāniyo eko khandho tiṇṇannaṃ khandhānaṃ kaṭattā ca rūpānaṃ atthipaccayena paccayo…pe… dve khandhā dvinnaṃ khandhānaṃ kaṭattā ca rūpānaṃ atthipaccayena paccayo. Khandhā vatthussa…pe… vatthu khandhānaṃ…pe… ekaṃ mahābhūtaṃ…pe… mahābhūtā kaṭattārūpānaṃ upādārūpānaṃ atthipaccayena paccayo. Asaññasattānaṃ ekaṃ mahābhūtaṃ…pe… mahābhūtā kaṭattārūpānaṃ upādārūpānaṃ atthipaccayena paccayo.

    പുരേജാതം – സേക്ഖാ വാ പുഥുജ്ജനാ വാ ചക്ഖും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. സോതം… ഘാനം… ജിവ്ഹം… കായം… ഉപാദിന്നുപാദാനിയേ രൂപേ… ഗന്ധേ… രസേ… ഫോട്ഠബ്ബേ… വത്ഥും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. ഉപാദിന്നുപാദാനിയം രൂപായതനം ചക്ഖുവിഞ്ഞാണസ്സ…പേ॰… ഉപാദിന്നുപാദാനിയം ഗന്ധായതനം… രസായതനം… ഫോട്ഠബ്ബായതനം കായവിഞ്ഞാണസ്സ…പേ॰… ചക്ഖായതനം ചക്ഖുവിഞ്ഞാണസ്സ…പേ॰… കായായതനം കായവിഞ്ഞാണസ്സ…പേ॰… വത്ഥു ഉപാദിന്നുപാദാനിയാനം ഖന്ധാനം അത്ഥിപച്ചയേന പച്ചയോ.

    Purejātaṃ – sekkhā vā puthujjanā vā cakkhuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati. Kusalākusale niruddhe vipāko tadārammaṇatā uppajjati. Sotaṃ… ghānaṃ… jivhaṃ… kāyaṃ… upādinnupādāniye rūpe… gandhe… rase… phoṭṭhabbe… vatthuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati. Kusalākusale niruddhe vipāko tadārammaṇatā uppajjati. Upādinnupādāniyaṃ rūpāyatanaṃ cakkhuviññāṇassa…pe… upādinnupādāniyaṃ gandhāyatanaṃ… rasāyatanaṃ… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu upādinnupādāniyānaṃ khandhānaṃ atthipaccayena paccayo.

    പച്ഛാജാതാ – ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. ഉപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

    Pacchājātā – upādinnupādāniyā khandhā purejātassa imassa upādinnupādāniyassa kāyassa atthipaccayena paccayo. Upādinnupādāniyo kabaḷīkāro āhāro upādinnupādāniyassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം. സഹജാതാ – ഉപാദിന്നുപാദാനിയാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പുരേജാതം – ചക്ഖും അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. സോതം… ഘാനം… ജിവ്ഹം… കായം… ഉപാദിന്നുപാദാനിയേ രൂപേ… ഗന്ധേ… രസേ… ഫോട്ഠബ്ബേ… വത്ഥും അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. ദിബ്ബേന ചക്ഖുനാ ഉപാദിന്നുപാദാനിയം രൂപം പസ്സതി. വത്ഥു അനുപാദിന്നുപാദാനിയം ഖന്ധാനം അത്ഥിപച്ചയേന പച്ചയോ. പച്ഛാജാതാ – ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. ഉപാദിന്നുപാദാനിയോ കബളീകാരോ ആഹാരോ അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ. Sahajātā – upādinnupādāniyā khandhā cittasamuṭṭhānānaṃ rūpānaṃ atthipaccayena paccayo. Purejātaṃ – cakkhuṃ aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ… ghānaṃ… jivhaṃ… kāyaṃ… upādinnupādāniye rūpe… gandhe… rase… phoṭṭhabbe… vatthuṃ aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Dibbena cakkhunā upādinnupādāniyaṃ rūpaṃ passati. Vatthu anupādinnupādāniyaṃ khandhānaṃ atthipaccayena paccayo. Pacchājātā – upādinnupādāniyā khandhā purejātassa imassa anupādinnupādāniyassa kāyassa atthipaccayena paccayo. Upādinnupādāniyo kabaḷīkāro āhāro anupādinnupādāniyassa kāyassa atthipaccayena paccayo. (2)

    ഉപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു അനുപാദിന്നഅനുപാദാനിയാനം ഖന്ധാനം അത്ഥിപച്ചയേന പച്ചയോ. (൩)

    Upādinnupādāniyo dhammo anupādinnaanupādāniyassa dhammassa atthipaccayena paccayo. Purejātaṃ – vatthu anupādinnaanupādāniyānaṃ khandhānaṃ atthipaccayena paccayo. (3)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം. സഹജാതോ – ഉപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – ഉപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. ഉപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൪)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa atthipaccayena paccayo – sahajātaṃ, pacchājātaṃ, āhāraṃ. Sahajāto – upādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ atthipaccayena paccayo. Pacchājātā – upādinnupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa atthipaccayena paccayo. Upādinnupādāniyo kabaḷīkāro āhāro upādinnupādāniyassa ca anupādinnupādāniyassa ca kāyassa atthipaccayena paccayo. (4)

    ൮൩. അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം. സഹജാതോ – അനുപാദിന്നുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. ഏകം മഹാഭൂതം തിണ്ണന്നം മഹാഭൂതാനം …പേ॰… മഹാഭൂതാ ചിത്തസമുട്ഠാനാനം രൂപാനം ഉപാദാരൂപാനം അത്ഥിപച്ചയേന പച്ചയോ. ബാഹിരം… ആഹാരസമുട്ഠാനം … ഉതുസമുട്ഠാനം ഏകം മഹാഭൂതം…പേ॰…. പുരേജാതം – അനുപാദിന്നുപാദാനിയേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. ദിബ്ബേന ചക്ഖുനാ അനുപാദിന്നുപാദാനിയം രൂപം പസ്സതി. ദിബ്ബായ സോതധാതുയാ സദ്ദം സുണാതി. പച്ഛാജാതാ – അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. അനുപാദിന്നുപാദാനിയോ കബളീകാരോ ആഹാരോ അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൧)

    83. Anupādinnupādāniyo dhammo anupādinnupādāniyassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ. Sahajāto – anupādinnupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ atthipaccayena paccayo. Ekaṃ mahābhūtaṃ tiṇṇannaṃ mahābhūtānaṃ …pe… mahābhūtā cittasamuṭṭhānānaṃ rūpānaṃ upādārūpānaṃ atthipaccayena paccayo. Bāhiraṃ… āhārasamuṭṭhānaṃ … utusamuṭṭhānaṃ ekaṃ mahābhūtaṃ…pe…. Purejātaṃ – anupādinnupādāniye rūpe… sadde… gandhe… rase… phoṭṭhabbe aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Dibbena cakkhunā anupādinnupādāniyaṃ rūpaṃ passati. Dibbāya sotadhātuyā saddaṃ suṇāti. Pacchājātā – anupādinnupādāniyā khandhā purejātassa imassa anupādinnupādāniyassa kāyassa atthipaccayena paccayo. Anupādinnupādāniyo kabaḷīkāro āhāro anupādinnupādāniyassa kāyassa atthipaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – പുരേജാതം, പച്ഛാജാതം, ആഹാരം. പുരേജാതം – അനുപാദിന്നുപാദാനിയേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. അനുപാദിന്നുപാദാനിയം രൂപായതനം ചക്ഖുവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ അത്ഥിപച്ചയേന പച്ചയോ. പച്ഛാജാതാ – അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. അനുപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa atthipaccayena paccayo – purejātaṃ, pacchājātaṃ, āhāraṃ. Purejātaṃ – anupādinnupādāniye rūpe… sadde… gandhe… rase… phoṭṭhabbe aniccato dukkhato anattato vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Kusalākusale niruddhe vipāko tadārammaṇatā uppajjati. Anupādinnupādāniyaṃ rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Pacchājātā – anupādinnupādāniyā khandhā purejātassa imassa upādinnupādāniyassa kāyassa atthipaccayena paccayo. Anupādinnupādāniyo kabaḷīkāro āhāro upādinnupādāniyassa kāyassa atthipaccayena paccayo. (2)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ അത്ഥിപച്ചയേന പച്ചയോ – പച്ഛാജാതം, ആഹാരം. പച്ഛാജാതാ – അനുപാദിന്നുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. അനുപാദിന്നുപാദാനിയോ കബളീകാരോ ആഹാരോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൩)

    Anupādinnupādāniyo dhammo upādinnupādāniyassa ca anupādinnupādāniyassa ca dhammassa atthipaccayena paccayo – pacchājātaṃ, āhāraṃ. Pacchājātā – anupādinnupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa atthipaccayena paccayo. Anupādinnupādāniyo kabaḷīkāro āhāro upādinnupādāniyassa ca anupādinnupādāniyassa ca kāyassa atthipaccayena paccayo. (3)

    ൮൪. അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ അത്ഥിപച്ചയേന പച്ചയോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ…പേ॰… ദ്വേ ഖന്ധാ ദ്വിന്നം ഖന്ധാനം അത്ഥിപച്ചയേന പച്ചയോ. (൧)

    84. Anupādinnaanupādāniyo dhammo anupādinnaanupādāniyassa dhammassa atthipaccayena paccayo – anupādinnaanupādāniyo eko khandho tiṇṇannaṃ khandhānaṃ atthipaccayena paccayo…pe… dve khandhā dvinnaṃ khandhānaṃ atthipaccayena paccayo. (1)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ. പച്ഛാജാതാ – അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൨)

    Anupādinnaanupādāniyo dhammo upādinnupādāniyassa dhammassa atthipaccayena paccayo. Pacchājātā – anupādinnaanupādāniyā khandhā purejātassa imassa upādinnupādāniyassa kāyassa atthipaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – അനുപാദിന്നഅനുപാദാനിയാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa dhammassa atthipaccayena paccayo – sahajātaṃ, pacchājātaṃ. Sahajātā – anupādinnaanupādāniyā khandhā cittasamuṭṭhānānaṃ rūpānaṃ atthipaccayena paccayo. Pacchājātā – anupādinnaanupādāniyā khandhā purejātassa imassa anupādinnupādāniyassa kāyassa atthipaccayena paccayo. (3)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം പുരേജാതസ്സ ഇമസ്സ ഉപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. തയോ ഖന്ധാ ഏകസ്സ ഖന്ധസ്സ പുരേജാതസ്സ ഇമസ്സ ഉപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. ദ്വേ ഖന്ധാ ദ്വിന്നം ഖന്ധാനം പുരേജാതസ്സ ഇമസ്സ ഉപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൪)

    Anupādinnaanupādāniyo dhammo upādinnupādāniyassa ca anupādinnaanupādāniyassa ca dhammassa atthipaccayena paccayo – sahajātaṃ, pacchājātaṃ. Sahajāto – anupādinnaanupādāniyo eko khandho tiṇṇannaṃ khandhānaṃ purejātassa imassa upādinnupādāniyassa ca kāyassa atthipaccayena paccayo. Tayo khandhā ekassa khandhassa purejātassa imassa upādinnupādāniyassa ca kāyassa atthipaccayena paccayo. Dve khandhā dvinnaṃ khandhānaṃ purejātassa imassa upādinnupādāniyassa ca kāyassa atthipaccayena paccayo. (4)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. തയോ ഖന്ധാ ഏകസ്സ ഖന്ധസ്സ ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. സഹജാതോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം പുരേജാതസ്സ ഇമസ്സ അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. തയോ ഖന്ധാ ഏകസ്സ ഖന്ധസ്സ പുരേജാതസ്സ ഇമസ്സ അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. ദ്വേ ഖന്ധാ ദ്വിന്നം ഖന്ധാനം പുരേജാതസ്സ ഇമസ്സ അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൫)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa atthipaccayena paccayo – sahajātaṃ, pacchājātaṃ. Sahajāto – anupādinnaanupādāniyo eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo. Tayo khandhā ekassa khandhassa cittasamuṭṭhānānañca rūpānaṃ atthipaccayena paccayo. Dve khandhā dvinnaṃ khandhānaṃ cittasamuṭṭhānānañca rūpānaṃ atthipaccayena paccayo. Sahajāto – anupādinnaanupādāniyo eko khandho tiṇṇannaṃ khandhānaṃ purejātassa imassa anupādinnupādāniyassa ca kāyassa atthipaccayena paccayo. Tayo khandhā ekassa khandhassa purejātassa imassa anupādinnupādāniyassa ca kāyassa atthipaccayena paccayo. Dve khandhā dvinnaṃ khandhānaṃ purejātassa imassa anupādinnupādāniyassa ca kāyassa atthipaccayena paccayo. (5)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ അത്ഥിപച്ചയേന പച്ചയോ. പച്ഛാജാതാ – അനുപാദിന്നഅനുപാദാനിയാ ഖന്ധാ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൬)

    Anupādinnaanupādāniyo dhammo upādinnupādāniyassa ca anupādinnupādāniyassa ca dhammassa atthipaccayena paccayo. Pacchājātā – anupādinnaanupādāniyā khandhā purejātassa imassa upādinnupādāniyassa ca anupādinnupādāniyassa ca kāyassa atthipaccayena paccayo. (6)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതോ – അനുപാദിന്നഅനുപാദാനിയോ ഏകോ ഖന്ധോ തിണ്ണന്നം ഖന്ധാനം പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. തയോ ഖന്ധാ ഏകസ്സ ഖന്ധസ്സ പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. ദ്വേ ഖന്ധാ ദ്വിന്നം ഖന്ധാനം പുരേജാതസ്സ ഇമസ്സ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൭)

    Anupādinnaanupādāniyo dhammo upādinnupādāniyassa ca anupādinnupādāniyassa ca anupādinnaanupādāniyassa ca dhammassa atthipaccayena paccayo – sahajātaṃ, pacchājātaṃ. Sahajāto – anupādinnaanupādāniyo eko khandho tiṇṇannaṃ khandhānaṃ purejātassa imassa upādinnupādāniyassa ca anupādinnupādāniyassa ca kāyassa atthipaccayena paccayo. Tayo khandhā ekassa khandhassa purejātassa imassa upādinnupādāniyassa ca anupādinnupādāniyassa ca kāyassa atthipaccayena paccayo. Dve khandhā dvinnaṃ khandhānaṃ purejātassa imassa upādinnupādāniyassa ca anupādinnupādāniyassa ca kāyassa atthipaccayena paccayo. (7)

    ൮൫. ഉപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – പച്ഛാജാതം, ഇന്ദ്രിയം. പച്ഛാജാതാ – അനുപാദിന്നഅനുപാദാനിയാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

    85. Upādinnupādāniyo ca anupādinnaanupādāniyo ca dhammā upādinnupādāniyassa dhammassa atthipaccayena paccayo – pacchājātaṃ, indriyaṃ. Pacchājātā – anupādinnaanupādāniyā khandhā ca rūpajīvitindriyañca kaṭattārūpānaṃ atthipaccayena paccayo. (1)

    ഉപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നഅനുപാദാനിയസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം . സഹജാതോ – അനുപാദിന്നഅനുപാദാനിയോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ. തയോ ഖന്ധാ ച വത്ഥു ച ഏകസ്സ ഖന്ധസ്സ അത്ഥിപച്ചയേന പച്ചയോ. ദ്വേ ഖന്ധാ ച വത്ഥു ച ദ്വിന്നം ഖന്ധാനം അത്ഥിപച്ചയേന പച്ചയോ. (൨)

    Upādinnupādāniyo ca anupādinnaanupādāniyo ca dhammā anupādinnaanupādāniyassa dhammassa atthipaccayena paccayo – sahajātaṃ, purejātaṃ. Sahajāto – anupādinnaanupādāniyo eko khandho ca vatthu ca tiṇṇannaṃ khandhānaṃ atthipaccayena paccayo. Tayo khandhā ca vatthu ca ekassa khandhassa atthipaccayena paccayo. Dve khandhā ca vatthu ca dvinnaṃ khandhānaṃ atthipaccayena paccayo. (2)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – പച്ഛാജാതം, ആഹാരം. പച്ഛാജാതാ – അനുപാദിന്നഅനുപാദാനിയാ ഖന്ധാ ച അനുപാദിന്നുപാദാനിയോ കബളീകാരോ ആഹാരോ ച ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൧)

    Anupādinnupādāniyo ca anupādinnaanupādāniyo ca dhammā upādinnupādāniyassa dhammassa atthipaccayena paccayo – pacchājātaṃ, āhāraṃ. Pacchājātā – anupādinnaanupādāniyā khandhā ca anupādinnupādāniyo kabaḷīkāro āhāro ca upādinnupādāniyassa kāyassa atthipaccayena paccayo. (1)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം. സഹജാതാ – അനുപാദിന്നഅനുപാദാനിയാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അനുപാദിന്നഅനുപാദാനിയാ ഖന്ധാ ച അനുപാദിന്നുപാദാനിയോ കബളീകാരോ ആഹാരോ ച അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൨)

    Anupādinnupādāniyo ca anupādinnaanupādāniyo ca dhammā anupādinnupādāniyassa dhammassa atthipaccayena paccayo – sahajātaṃ, pacchājātaṃ, āhāraṃ. Sahajātā – anupādinnaanupādāniyā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – anupādinnaanupādāniyā khandhā ca anupādinnupādāniyo kabaḷīkāro āhāro ca anupādinnupādāniyassa kāyassa atthipaccayena paccayo. (2)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ അത്ഥിപച്ചയേന പച്ചയോ – പച്ഛാജാതം, ആഹാരം. പച്ഛാജാതാ – അനുപാദിന്നഅനുപാദാനിയാ ഖന്ധാ ച അനുപാദിന്നുപാദാനിയോ കബളീകാരോ ആഹാരോ ച ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൩)

    Anupādinnupādāniyo ca anupādinnaanupādāniyo ca dhammā upādinnupādāniyassa ca anupādinnupādāniyassa ca dhammassa atthipaccayena paccayo – pacchājātaṃ, āhāraṃ. Pacchājātā – anupādinnaanupādāniyā khandhā ca anupādinnupādāniyo kabaḷīkāro āhāro ca upādinnupādāniyassa ca anupādinnupādāniyassa ca kāyassa atthipaccayena paccayo. (3)

    ൮൬. ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – പുരേജാതം, പച്ഛാജാതം, ആഹാരം, ഇന്ദ്രിയം. പുരേജാതം – അനുപാദിന്നുപാദാനിയം രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ അത്ഥിപച്ചയേന പച്ചയോ…പേ॰… അനുപാദിന്നുപാദാനിയം ഫോട്ഠബ്ബായതനഞ്ച കായായതനഞ്ച കായവിഞ്ഞാണസ്സ അത്ഥിപച്ചയേന പച്ചയോ. അനുപാദിന്നുപാദാനിയം രൂപായതനഞ്ച വത്ഥു ച ഉപാദിന്നുപാദാനിയാനം ഖന്ധാനം…പേ॰… അനുപാദിന്നുപാദാനിയം ഫോട്ഠബ്ബായതനഞ്ച വത്ഥു ച ഉപാദിന്നുപാദാനിയാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – ഉപാദിന്നുപാദാനിയാ ഖന്ധാ ച അനുപാദിന്നുപാദാനിയോ കബളീകാരോ ആഹാരോ ച ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. ഉപാദിന്നുപാദാനിയോ ച അനുപാദിന്നുപാദാനിയോ ച കബളീകാരോ ആഹാരോ ഉപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. പച്ഛാജാതാ – അനുപാദിന്നുപാദാനിയാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

    86. Upādinnupādāniyo ca anupādinnupādāniyo ca dhammā upādinnupādāniyassa dhammassa atthipaccayena paccayo – purejātaṃ, pacchājātaṃ, āhāraṃ, indriyaṃ. Purejātaṃ – anupādinnupādāniyaṃ rūpāyatanañca cakkhāyatanañca cakkhuviññāṇassa atthipaccayena paccayo…pe… anupādinnupādāniyaṃ phoṭṭhabbāyatanañca kāyāyatanañca kāyaviññāṇassa atthipaccayena paccayo. Anupādinnupādāniyaṃ rūpāyatanañca vatthu ca upādinnupādāniyānaṃ khandhānaṃ…pe… anupādinnupādāniyaṃ phoṭṭhabbāyatanañca vatthu ca upādinnupādāniyānaṃ khandhānaṃ atthipaccayena paccayo. Pacchājātā – upādinnupādāniyā khandhā ca anupādinnupādāniyo kabaḷīkāro āhāro ca upādinnupādāniyassa kāyassa atthipaccayena paccayo. Upādinnupādāniyo ca anupādinnupādāniyo ca kabaḷīkāro āhāro upādinnupādāniyassa kāyassa atthipaccayena paccayo. Pacchājātā – anupādinnupādāniyā khandhā ca rūpajīvitindriyañca kaṭattārūpānaṃ atthipaccayena paccayo. (1)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം. സഹജാതാ – ഉപാദിന്നുപാദാനിയാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പുരേജാതം – അനുപാദിന്നുപാദാനിയം രൂപായതനഞ്ച വത്ഥു ച അനുപാദിന്നുപാദാനിയാനം ഖന്ധാനം…പേ॰… അനുപാദിന്നുപാദാനിയം ഫോട്ഠബ്ബായതനഞ്ച വത്ഥു ച അനുപാദിന്നുപാദാനിയാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – ഉപാദിന്നുപാദാനിയാ ഖന്ധാ ച അനുപാദിന്നുപാദാനിയോ കബളീകാരോ ആഹാരോ ച അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. ഉപാദിന്നുപാദാനിയോ ച അനുപാദിന്നുപാദാനിയോ ച കബളീകാരോ ആഹാരോ അനുപാദിന്നുപാദാനിയസ്സ കായസ്സ അത്ഥിപച്ചയേന പച്ചയോ. (൨)

    Upādinnupādāniyo ca anupādinnupādāniyo ca dhammā anupādinnupādāniyassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ. Sahajātā – upādinnupādāniyā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Purejātaṃ – anupādinnupādāniyaṃ rūpāyatanañca vatthu ca anupādinnupādāniyānaṃ khandhānaṃ…pe… anupādinnupādāniyaṃ phoṭṭhabbāyatanañca vatthu ca anupādinnupādāniyānaṃ khandhānaṃ atthipaccayena paccayo. Pacchājātā – upādinnupādāniyā khandhā ca anupādinnupādāniyo kabaḷīkāro āhāro ca anupādinnupādāniyassa kāyassa atthipaccayena paccayo. Upādinnupādāniyo ca anupādinnupādāniyo ca kabaḷīkāro āhāro anupādinnupādāniyassa kāyassa atthipaccayena paccayo. (2)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ അത്ഥിപച്ചയേന പച്ചയോ… ആഹാരം… ഉപാദിന്നുപാദാനിയോ ച അനുപാദിന്നുപാദാനിയോ ച കബളീകാരോ ആഹാരോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച കായസ്സ അത്ഥിപച്ചയേന പച്ചയോ. (൩)

    Upādinnupādāniyo ca anupādinnupādāniyo ca dhammā upādinnupādāniyassa ca anupādinnupādāniyassa ca dhammassa atthipaccayena paccayo… āhāraṃ… upādinnupādāniyo ca anupādinnupādāniyo ca kabaḷīkāro āhāro upādinnupādāniyassa ca anupādinnupādāniyassa ca kāyassa atthipaccayena paccayo. (3)

    ഉപാദിന്നുപാദാനിയോ ച അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ അത്ഥിപച്ചയേന പച്ചയോ – പച്ഛാജാതം, ആഹാരം, ഇന്ദ്രിയം. പച്ഛാജാതാ – അനുപാദിന്നഅനുപാദാനിയാ ഖന്ധാ ച അനുപാദിന്നഅനുപാദാനിയോ കബളീകാരോ ആഹാരോ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

    Upādinnupādāniyo ca anupādinnupādāniyo ca anupādinnaanupādāniyo ca dhammā upādinnupādāniyassa dhammassa atthipaccayena paccayo – pacchājātaṃ, āhāraṃ, indriyaṃ. Pacchājātā – anupādinnaanupādāniyā khandhā ca anupādinnaanupādāniyo kabaḷīkāro āhāro ca rūpajīvitindriyañca kaṭattārūpānaṃ atthipaccayena paccayo. (1)

    നത്ഥി-വിഗതാവിഗതപച്ചയാ

    Natthi-vigatāvigatapaccayā

    ൮൭. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ. (സംഖിത്തം.)

    87. Upādinnupādāniyo dhammo upādinnupādāniyassa dhammassa natthipaccayena paccayo… vigatapaccayena paccayo… avigatapaccayena paccayo. (Saṃkhittaṃ.)

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൮൮. ഹേതുയാ സത്ത, ആരമ്മണേ ഛ, അധിപതിയാ പഞ്ച, അനന്തരേ സത്ത, സമനന്തരേ സത്ത, സഹജാതേ നവ, അഞ്ഞമഞ്ഞേ തീണി, നിസ്സയേ ഏകാദസ, ഉപനിസ്സയേ നവ, പുരേജാതേ സത്ത, പച്ഛാജാതേ നവ, ആസേവനേ ദ്വേ, കമ്മേ അട്ഠ, വിപാകേ ഛ, ആഹാരേ ദ്വാദസ, ഇന്ദ്രിയേ സത്ത, ഝാനേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ ദസ, അത്ഥിയാ തേവീസ, നത്ഥിയാ സത്ത, വിഗതേ സത്ത, അവിഗതേ തേവീസ.

    88. Hetuyā satta, ārammaṇe cha, adhipatiyā pañca, anantare satta, samanantare satta, sahajāte nava, aññamaññe tīṇi, nissaye ekādasa, upanissaye nava, purejāte satta, pacchājāte nava, āsevane dve, kamme aṭṭha, vipāke cha, āhāre dvādasa, indriye satta, jhāne satta, magge satta, sampayutte tīṇi, vippayutte dasa, atthiyā tevīsa, natthiyā satta, vigate satta, avigate tevīsa.

    സഭാഗം

    Sabhāgaṃ

    ഹേതുപച്ചയാ അധിപതിയാ ചത്താരി, സഹജാതേ സത്ത, അഞ്ഞമഞ്ഞേ തീണി, നിസ്സയേ സത്ത, വിപാകേ ഛ, ഇന്ദ്രിയേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ ചത്താരി, അത്ഥിയാ സത്ത, അവിഗതേ സത്ത (സംഖിത്തം).

    Hetupaccayā adhipatiyā cattāri, sahajāte satta, aññamaññe tīṇi, nissaye satta, vipāke cha, indriye satta, magge satta, sampayutte tīṇi, vippayutte cattāri, atthiyā satta, avigate satta (saṃkhittaṃ).

    (യഥാ കുസലത്തികസ്സ ഗണനാ സജ്ഝായമഗ്ഗേന ഗണിതാ, ഏവം ഗണേതബ്ബാ. കുസലത്തികസ്സ ഗണനതോ ഉപാദിന്നത്തികേ ഗണനാ ഗമ്ഭീരാ സുഖുമതരാ ച, ഏവം കാതൂന അസമ്മോഹന്തേന ഗണേതബ്ബം.)

    (Yathā kusalattikassa gaṇanā sajjhāyamaggena gaṇitā, evaṃ gaṇetabbā. Kusalattikassa gaṇanato upādinnattike gaṇanā gambhīrā sukhumatarā ca, evaṃ kātūna asammohantena gaṇetabbaṃ.)

    അനുലോമം.

    Anulomaṃ.

    പച്ചനീയുദ്ധാരോ

    Paccanīyuddhāro

    ൮൯. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ … പച്ഛാജാതപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

    89. Upādinnupādāniyo dhammo upādinnupādāniyassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo … pacchājātapaccayena paccayo… āhārapaccayena paccayo… indriyapaccayena paccayo. (1)

    ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൨)

    Upādinnupādāniyo dhammo anupādinnupādāniyassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… āhārapaccayena paccayo. (2)

    ഉപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

    Upādinnupādāniyo dhammo anupādinnaanupādāniyassa dhammassa upanissayapaccayena paccayo… purejātapaccayena paccayo. (3)

    ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൪)

    Upādinnupādāniyo dhammo upādinnupādāniyassa ca anupādinnupādāniyassa ca dhammassa sahajātapaccayena paccayo… pacchājātapaccayena paccayo… āhārapaccayena paccayo. (4)

    അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൧)

    Anupādinnupādāniyo dhammo anupādinnupādāniyassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… āhārapaccayena paccayo. (1)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ. (൨)

    Anupādinnupādāniyo dhammo upādinnupādāniyassa dhammassa ārammaṇapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo. (2)

    അനുപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ. (൩)

    Anupādinnupādāniyo dhammo anupādinnaanupādāniyassa dhammassa upanissayapaccayena paccayo. (3)

    അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൪)

    Anupādinnupādāniyo dhammo upādinnupādāniyassa ca anupādinnupādāniyassa ca dhammassa pacchājātapaccayena paccayo… āhārapaccayena paccayo. (4)

    ൯൦. അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

    90. Anupādinnaanupādāniyo dhammo anupādinnaanupādāniyassa dhammassa sahajātapaccayena paccayo… upanissayapaccayena paccayo. (1)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

    Anupādinnaanupādāniyo dhammo upādinnupādāniyassa dhammassa upanissayapaccayena paccayo… pacchājātapaccayena paccayo. (2)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൩)

    Anupādinnaanupādāniyo dhammo anupādinnupādāniyassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ സഹജാതം, പച്ഛാജാതം. (൪)

    Anupādinnaanupādāniyo dhammo upādinnupādāniyassa ca anupādinnaanupādāniyassa ca dhammassa sahajātaṃ, pacchājātaṃ. (4)

    അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ സഹജാതം, പച്ഛാജാതം. (൫)

    Anupādinnaanupādāniyo dhammo anupādinnupādāniyassa ca anupādinnaanupādāniyassa ca dhammassa sahajātaṃ, pacchājātaṃ. (5)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതപച്ചയേന പച്ചയോ. (൬)

    Anupādinnaanupādāniyo dhammo upādinnupādāniyassa ca anupādinnupādāniyassa ca dhammassa pacchājātapaccayena paccayo. (6)

    അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ സഹജാതം, പച്ഛാജാതം. (൭)

    Anupādinnaanupādāniyo dhammo upādinnupādāniyassa ca anupādinnupādāniyassa ca anupādinnaanupādāniyassa ca dhammassa sahajātaṃ, pacchājātaṃ. (7)

    ഉപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പച്ഛാജാതം, ഇന്ദ്രിയം. (൧)

    Upādinnupādāniyo ca anupādinnaanupādāniyo ca dhammā upādinnupādāniyassa dhammassa pacchājātaṃ, indriyaṃ. (1)

    ഉപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നഅനുപാദാനിയസ്സ ധമ്മസ്സ സഹജാതം, പുരേജാതം. (൨)

    Upādinnupādāniyo ca anupādinnaanupādāniyo ca dhammā anupādinnaanupādāniyassa dhammassa sahajātaṃ, purejātaṃ. (2)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പച്ഛാജാതം, ആഹാരം. (൧)

    Anupādinnupādāniyo ca anupādinnaanupādāniyo ca dhammā upādinnupādāniyassa dhammassa pacchājātaṃ, āhāraṃ. (1)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ സഹജാതം, പച്ഛാജാതം, ആഹാരം. (൨)

    Anupādinnupādāniyo ca anupādinnaanupādāniyo ca dhammā anupādinnupādāniyassa dhammassa sahajātaṃ, pacchājātaṃ, āhāraṃ. (2)

    അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതം, ആഹാരം. (൩)

    Anupādinnupādāniyo ca anupādinnaanupādāniyo ca dhammā upādinnupādāniyassa ca anupādinnupādāniyassa ca dhammassa pacchājātaṃ, āhāraṃ. (3)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പുരേജാതം, പച്ഛാജാതം, ആഹാരം, ഇന്ദ്രിയം. (൧)

    Upādinnupādāniyo ca anupādinnupādāniyo ca dhammā upādinnupādāniyassa dhammassa purejātaṃ, pacchājātaṃ, āhāraṃ, indriyaṃ. (1)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ സഹജാതം, പുരേജാതം, പച്ഛാജാതം, ആഹാരം. (൨)

    Upādinnupādāniyo ca anupādinnupādāniyo ca dhammā anupādinnupādāniyassa dhammassa sahajātaṃ, purejātaṃ, pacchājātaṃ, āhāraṃ. (2)

    ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ആഹാരം. (൩)

    Upādinnupādāniyo ca anupādinnupādāniyo ca dhammā upādinnupādāniyassa ca anupādinnupādāniyassa ca dhammassa āhāraṃ. (3)

    ഉപാദിന്നുപാദാനിയോ ച അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പച്ഛാജാതം, ആഹാരം, ഇന്ദ്രിയം. (൧)

    Upādinnupādāniyo ca anupādinnupādāniyo ca anupādinnaanupādāniyo ca dhammā upādinnupādāniyassa dhammassa pacchājātaṃ, āhāraṃ, indriyaṃ. (1)

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൯൧. നഹേതുയാ ചതുവീസതി, നആരമ്മണേ ചതുവീസതി, നഅധിപതിയാ ചതുവീസതി, നഅനന്തരേ ചതുവീസതി, നസമനന്തരേ ചതുവീസതി, നസഹജാതേ വീസതി, നഅഞ്ഞമഞ്ഞേ വീസതി, നനിസ്സയേ വീസതി, നഉപനിസ്സയേ തേവീസതി, നപുരേജാതേ തേവീസതി, നപച്ഛാജാതേ സത്തരസ, നആസേവനേ ചതുവീസതി, നകമ്മേ ചതുവീസതി, നവിപാകേ ചതുവീസതി, നആഹാരേ വീസതി, നഇന്ദ്രിയേ ബാവീസതി, നഝാനേ ചതുവീസതി, നമഗ്ഗേ ചതുവീസതി, നസമ്പയുത്തേ വീസതി, നവിപ്പയുത്തേ ചുദ്ദസ, നോഅത്ഥിയാ നവ, നോനത്ഥിയാ ചതുവീസതി, നോവിഗതേ ചതുവീസതി, നോഅവിഗതേ നവ.

    91. Nahetuyā catuvīsati, naārammaṇe catuvīsati, naadhipatiyā catuvīsati, naanantare catuvīsati, nasamanantare catuvīsati, nasahajāte vīsati, naaññamaññe vīsati, nanissaye vīsati, naupanissaye tevīsati, napurejāte tevīsati, napacchājāte sattarasa, naāsevane catuvīsati, nakamme catuvīsati, navipāke catuvīsati, naāhāre vīsati, naindriye bāvīsati, najhāne catuvīsati, namagge catuvīsati, nasampayutte vīsati, navippayutte cuddasa, noatthiyā nava, nonatthiyā catuvīsati, novigate catuvīsati, noavigate nava.

    ദുകം

    Dukaṃ

    ൯൨. നഹേതുപച്ചയാ നആരമ്മണേ ചതുവീസതി (സംഖിത്തം).

    92. Nahetupaccayā naārammaṇe catuvīsati (saṃkhittaṃ).

    (യഥാ കുസലത്തികേ പച്ചനീയഗണനാ വിത്ഥാരിതാ, ഏവം വിത്ഥാരേതബ്ബം.)

    (Yathā kusalattike paccanīyagaṇanā vitthāritā, evaṃ vitthāretabbaṃ.)

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ഹേതുദുകം

    Hetudukaṃ

    ൯൩. ഹേതുപച്ചയാ നആരമ്മണേ സത്ത, നഅധിപതിയാ സത്ത, നഅനന്തരേ സത്ത, നസമനന്തരേ സത്ത, നഅഞ്ഞമഞ്ഞേ ചത്താരി, നഉപനിസ്സയേ സത്ത, നപുരേജാതേ സത്ത, നപച്ഛാജാതേ സത്ത, നആസേവനേ സത്ത, നകമ്മേ സത്ത, നവിപാകേ ചത്താരി, നആഹാരേ സത്ത, നഇന്ദ്രിയേ സത്ത, നഝാനേ സത്ത, നമഗ്ഗേ സത്ത, നസമ്പയുത്തേ ചത്താരി, നവിപ്പയുത്തേ തീണി, നോനത്ഥിയാ സത്ത, നോവിഗതേ സത്ത.

    93. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe cattāri, naupanissaye satta, napurejāte satta, napacchājāte satta, naāsevane satta, nakamme satta, navipāke cattāri, naāhāre satta, naindriye satta, najhāne satta, namagge satta, nasampayutte cattāri, navippayutte tīṇi, nonatthiyā satta, novigate satta.

    ഹേതുഘടനാ

    Hetughaṭanā

    ൯൪. ഹേതു-സഹജാത-നിസ്സയ-അത്ഥി-അവിഗതന്തി നആരമ്മണേ സത്ത, നഅധിപതിയാ സത്ത, നഅനന്തരേ സത്ത…പേ॰… നഅഞ്ഞമഞ്ഞേ ചത്താരി…പേ॰… നവിപാകേ ചത്താരി…പേ॰… നസമ്പയുത്തേ ചത്താരി, നവിപ്പയുത്തേ തീണി, നോനത്ഥിയാ സത്ത, നോവിഗതേ സത്ത (സംഖിത്തം).

    94. Hetu-sahajāta-nissaya-atthi-avigatanti naārammaṇe satta, naadhipatiyā satta, naanantare satta…pe… naaññamaññe cattāri…pe… navipāke cattāri…pe… nasampayutte cattāri, navippayutte tīṇi, nonatthiyā satta, novigate satta (saṃkhittaṃ).

    (യഥാ കുസലത്തികേ അനുലോമപച്ചനീയഗണനാ വിഭത്താ, ഏവം ഗണേതബ്ബാ.)

    (Yathā kusalattike anulomapaccanīyagaṇanā vibhattā, evaṃ gaṇetabbā.)

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    നഹേതുദുകം

    Nahetudukaṃ

    ൯൫. നഹേതുപച്ചയാ ആരമ്മണേ ഛ, അധിപതിയാ പഞ്ച, അനന്തരേ സത്ത, സമനന്തരേ സത്ത, സഹജാതേ നവ, അഞ്ഞമഞ്ഞേ തീണി, നിസ്സയേ ഏകാദസ, ഉപനിസ്സയേ നവ, പുരേജാതേ സത്ത, പച്ഛാജാതേ നവ, ആസേവനേ ദ്വേ, കമ്മേ അട്ഠ, വിപാകേ ഛ, ആഹാരേ ദ്വാദസ, ഇന്ദ്രിയേ സത്ത, ഝാനേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ ദസ, അത്ഥിയാ തേവീസതി, നത്ഥിയാ സത്ത, വിഗതേ സത്ത, അവിഗതേ തേവീസതി (സംഖിത്തം).

    95. Nahetupaccayā ārammaṇe cha, adhipatiyā pañca, anantare satta, samanantare satta, sahajāte nava, aññamaññe tīṇi, nissaye ekādasa, upanissaye nava, purejāte satta, pacchājāte nava, āsevane dve, kamme aṭṭha, vipāke cha, āhāre dvādasa, indriye satta, jhāne satta, magge satta, sampayutte tīṇi, vippayutte dasa, atthiyā tevīsati, natthiyā satta, vigate satta, avigate tevīsati (saṃkhittaṃ).

    (യഥാ കുസലത്തികേ പച്ചനീയാനുലോമഗണനാ വിഭത്താ, ഏവം ഗണേതബ്ബാ.)

    (Yathā kusalattike paccanīyānulomagaṇanā vibhattā, evaṃ gaṇetabbā.)

    പച്ചനീയാനുലോമം.

    Paccanīyānulomaṃ.

    ഉപാദിന്നത്തികം നിട്ഠിതം.

    Upādinnattikaṃ niṭṭhitaṃ.




    Next: ൫. സംകിലിട്ഠത്തികം • 5. Saṃkiliṭṭhattikaṃ




    Related texts:



    അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ഉപാദിന്നത്തികവണ്ണനാ • 4. Upādinnattikavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact