| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
4. убаад̣̇иннад̇д̇игаван̣н̣анаа
4. Upādinnattikavaṇṇanā
15. убаад̣̇иннад̇д̇игз анубаад̣̇иннаанубаад̣̇аанияам̣ д̇хаммам̣ бадижжа анубаад̣̇иннаанубаад̣̇аанияо д̇хаммо уббаж̇ж̇ад̇и наад̇хибад̇ибажжаяаад̇и зд̇зна саяам̣ ад̇хибад̇ибхууд̇ад̇д̇аа авирахид̇аарамман̣аад̇хибад̇ийсуби ад̇хибад̇и д̣̇увид̇хзнаби ад̇хибад̇ибажжаязна уббаж̇ж̇ад̇ийд̇и на вад̇д̇аб̣б̣о, аяамзд̇асса сабхаавод̇и д̣̇ассзд̇и.
15. Upādinnattike anupādinnaanupādāniyaṃ dhammaṃ paṭicca anupādinnaanupādāniyo dhammo uppajjati nādhipatipaccayāti etena sayaṃ adhipatibhūtattā avirahitārammaṇādhipatīsupi adhipati duvidhenapi adhipatipaccayena uppajjatīti na vattabbo, ayametassa sabhāvoti dasseti.
72. убаад̣̇иннубаад̣̇аанияо габ̣ал̣ийгаараахааро убаад̣̇иннубаад̣̇аанияасса гааяасса аахаарабажжаязна бажжаяод̇и зд̇т̇а гаммаж̇аанам̣ руубаанам̣ аб̣бханд̇араг̇ад̇аа ож̇аа д̇ассзва гаммаж̇агааяасса руубаж̇ийвид̇инд̣̇рияам̣ вияа гадад̇д̇ааруубаанам̣ анубааланубад̇т̇амбханавасзна бажжаяо, на ж̇анагавасзнаад̇и аяамад̇т̇о адтагат̇ааяам̣ вуд̇д̇о. зд̇асмим̣ бана ад̇т̇з сад̇и убаад̣̇иннубаад̣̇аанияо жа анубаад̣̇иннаанубаад̣̇аанияо жа д̇хаммаа убаад̣̇иннубаад̣̇аанияасса д̇хаммасса ад̇т̇ибажжаязна бажжаяо бажчааж̇аад̇инд̣̇рияанд̇и зд̇т̇а ‘‘аахаара’’нд̇иби вад̇д̇аб̣б̣ам̣, яад̣̇и жа гаммаж̇аа ож̇аа сагалаабаруубаанамзва аахаарабажжаяо ход̇и, звам̣ сад̇и ‘‘убаад̣̇иннубаад̣̇аанияо габ̣ал̣ийгаараахааро анубаад̣̇иннубаад̣̇аанияасса гааяасса аахаарабажжаязна бажжаяо’’д̇и на вад̇д̇аб̣б̣ам̣ сияаа, вуд̇д̇ан̃жид̣̇ам̣, д̇амби анаж̇жхохадааяа сасанд̇аанаг̇ад̇ааяа убаад̣̇иннож̇ааяа анубаад̣̇иннубаад̣̇аанияасса гааяасса аахаарабажжаяам̣ санд̇хааяа вуд̇д̇ам̣. зван̃жа сад̇и ‘‘убаад̣̇иннубаад̣̇аанияо жа анубаад̣̇иннаанубаад̣̇аанияо жа д̇хаммаа анубаад̣̇иннубаад̣̇аанияасса д̇хаммасса ад̇т̇ибажжаязна бажжаяо’’д̇и (бадтаа. 1.4.85) аяамби бан̃хо бажчааж̇аад̇аахааравасзна уд̣̇д̇харид̇аб̣б̣о сияаа, д̇асмаа аж̇жхохадасса убаад̣̇иннаахаарасса логуд̇д̇арагкан̣з абхаавад̇о д̣̇умуулагзсу батамабан̃хз ‘‘аахаара’’нд̇и на вуд̇д̇ам̣. д̣̇уд̇ияабан̃хо жа на уд̣̇д̇хадо, на ид̇арасса убаад̣̇иннаахаарасса гаамабхавз асамбхаваабхаавад̇од̇и аж̇жхохадамзва ман̣д̣уугаад̣̇исарийраг̇ад̇ам̣ убаад̣̇иннаахаарам̣ санд̇хааяа ‘‘убаад̣̇иннубаад̣̇аанияо габ̣ал̣ийгаараахааро убаад̣̇иннубаад̣̇аанияасса жа анубаад̣̇иннубаад̣̇аанияасса жа гааяасса аахаарабажжаязна бажжаяо’’д̇и (бадтаа. 1.4.74) вад̣̇анд̇аанам̣ ваад̣̇о б̣алавад̇аро. на хи аж̇жхохадамад̇д̇аава ман̣д̣уугаад̣̇аяо гужчивид̇т̇ад̇ам̣ на гаронд̇и, на жа б̣алам̣ на убаж̇ааяанд̇и, на жа руубависзсо на вин̃н̃ааяад̇ийд̇и.
72. Upādinnupādāniyo kabaḷīkārāhāro upādinnupādāniyassa kāyassa āhārapaccayena paccayoti ettha kammajānaṃ rūpānaṃ abbhantaragatā ojā tasseva kammajakāyassa rūpajīvitindriyaṃ viya kaṭattārūpānaṃ anupālanupatthambhanavasena paccayo, na janakavasenāti ayamattho aṭṭhakathāyaṃ vutto. Etasmiṃ pana atthe sati upādinnupādāniyo ca anupādinnaanupādāniyo ca dhammā upādinnupādāniyassa dhammassa atthipaccayena paccayo pacchājātindriyanti ettha ‘‘āhāra’’ntipi vattabbaṃ, yadi ca kammajā ojā sakalāparūpānameva āhārapaccayo hoti, evaṃ sati ‘‘upādinnupādāniyo kabaḷīkārāhāro anupādinnupādāniyassa kāyassa āhārapaccayena paccayo’’ti na vattabbaṃ siyā, vuttañcidaṃ, tampi anajjhohaṭāya sasantānagatāya upādinnojāya anupādinnupādāniyassa kāyassa āhārapaccayaṃ sandhāya vuttaṃ. Evañca sati ‘‘upādinnupādāniyo ca anupādinnaanupādāniyo ca dhammā anupādinnupādāniyassa dhammassa atthipaccayena paccayo’’ti (paṭṭhā. 1.4.85) ayampi pañho pacchājātāhāravasena uddharitabbo siyā, tasmā ajjhohaṭassa upādinnāhārassa lokuttarakkhaṇe abhāvato dumūlakesu paṭhamapañhe ‘‘āhāra’’nti na vuttaṃ. Dutiyapañho ca na uddhaṭo, na itarassa upādinnāhārassa kāmabhave asambhavābhāvatoti ajjhohaṭameva maṇḍūkādisarīragataṃ upādinnāhāraṃ sandhāya ‘‘upādinnupādāniyo kabaḷīkārāhāro upādinnupādāniyassa ca anupādinnupādāniyassa ca kāyassa āhārapaccayena paccayo’’ti (paṭṭhā. 1.4.74) vadantānaṃ vādo balavataro. Na hi ajjhohaṭamattāva maṇḍūkādayo kucchivitthataṃ na karonti, na ca balaṃ na upajāyanti, na ca rūpaviseso na viññāyatīti.
‘‘анубаад̣̇иннаанубаад̣̇аанияо д̇хаммо убаад̣̇иннубаад̣̇аанияасса жа анубаад̣̇иннаанубаад̣̇аанияасса жа д̇хаммасса ад̇т̇ибажжаязна бажжаяо сахаж̇аад̇ам̣ бажчааж̇аад̇а’’нд̇и (бадтаа. 1.4.83) звамаад̣̇ийхи ид̇ха вуд̇д̇зхи згамуулагад̣̇угад̇игаавасаанабан̃хависсаж̇ж̇анзхи ‘‘гусало д̇хаммо гусаласса жа аб̣яаагад̇асса жа д̇хаммасса ад̇т̇ибажжаязна бажжаяо сахаж̇аад̇а’’нд̇иаад̣̇инаа ид̇ха д̣̇уд̇ияад̣̇угаавасаанз вияа виссаж̇ж̇анам̣ лаб̣бхад̇ийд̇и вин̃н̃ааяад̇и. сукааваб̣од̇ханад̇т̇ам̣ бана д̇ад̇т̇а сахаж̇аад̇авасзнзва виссаж̇ж̇анам̣ гад̇ам̣. бажжанийяз бана сахаж̇аад̇ассзва абадигкзбз лаабхад̇о, бадигкзбз жа алаабхад̇о сахаж̇аад̇абажжаяавасзнзва згамуулагад̣̇угаавасаанаа д̇ад̇т̇а уд̣̇д̇хадаа, ид̇ха банзд̇зхи виссаж̇ж̇анзхи зго д̇хаммо сахаж̇аад̇аад̣̇ийсу ад̇т̇ибажжаяависзсзсу анзгзхиби анзгзсам̣ д̇хаммаанам̣ зго ад̇т̇ибажжаяо ход̇ийд̇и д̣̇ассид̇ам̣ ход̇и. зго хи д̇хаммо згасса д̇хаммасса згзнзва ад̇т̇ибажжаяависзсзна ад̇т̇ибажжаяо ход̇и, зго анзгзсам̣ згзнаби анзгзхиби, д̇ат̇аа анзго згасса, анзго анзгзсам̣ самаанад̇д̇з бажжаяуббаннад̇хаммаанам̣, ад̇т̇ибажжаяависзсзсу бана бан̃жасу сахаж̇аад̇ам̣ бурзж̇аад̇знзва саха ад̇т̇ибажжаяо ход̇и, анан̃н̃ад̇хаммад̇д̇з бажчааж̇аад̇зна жа, на наанаад̇хаммад̇д̇з.
‘‘Anupādinnaanupādāniyo dhammo upādinnupādāniyassa ca anupādinnaanupādāniyassa ca dhammassa atthipaccayena paccayo sahajātaṃ pacchājāta’’nti (paṭṭhā. 1.4.83) evamādīhi idha vuttehi ekamūlakadukatikāvasānapañhavissajjanehi ‘‘kusalo dhammo kusalassa ca abyākatassa ca dhammassa atthipaccayena paccayo sahajāta’’ntiādinā idha dutiyadukāvasāne viya vissajjanaṃ labbhatīti viññāyati. Sukhāvabodhanatthaṃ pana tattha sahajātavaseneva vissajjanaṃ kataṃ. Paccanīye pana sahajātasseva apaṭikkhepe lābhato, paṭikkhepe ca alābhato sahajātapaccayavaseneva ekamūlakadukāvasānā tattha uddhaṭā, idha panetehi vissajjanehi eko dhammo sahajātādīsu atthipaccayavisesesu anekehipi anekesaṃ dhammānaṃ eko atthipaccayo hotīti dassitaṃ hoti. Eko hi dhammo ekassa dhammassa ekeneva atthipaccayavisesena atthipaccayo hoti, eko anekesaṃ ekenapi anekehipi, tathā aneko ekassa, aneko anekesaṃ samānatte paccayuppannadhammānaṃ, atthipaccayavisesesu pana pañcasu sahajātaṃ purejāteneva saha atthipaccayo hoti, anaññadhammatte pacchājātena ca, na nānādhammatte.
яад̣̇и сияаа, ‘‘убаад̣̇иннубаад̣̇аанияо жа анубаад̣̇иннаанубаад̣̇аанияо жа д̇хаммаа убаад̣̇иннубаад̣̇аанияасса д̇хаммасса ад̇т̇ибажжаязна бажжаяо бажчааж̇аад̇ам̣ инд̣̇рияа’’нд̇и зд̇т̇а ‘‘сахаж̇аад̇а’’нд̇иби вад̇д̇аб̣б̣ам̣ сияаа. гаммаж̇аанан̃хи бхууд̇аанам̣ сахаж̇аад̇аанам̣ бажчааж̇аад̇аанан̃жа логуд̇д̇араанам̣ згагкан̣з лаб̣бхамаанаанамби зго ад̇т̇ибажжаяабхааво над̇т̇и сахаж̇аад̇абажчааж̇аад̇аанам̣ наанаад̇хаммаанам̣ вируд̣̇д̇хасабхаавад̇д̇аад̇и д̇ам̣ на вуд̇д̇анд̇и взд̣̇ид̇аб̣б̣ам̣. зван̃жа гад̇ваа бажжанийяз жа ‘‘наинд̣̇рияз б̣аавийсаа’’д̇и вуд̇д̇ам̣. ан̃н̃ат̇аа хи инд̣̇рияабадигкзбзби сахаж̇аад̇абажчааж̇аад̇авасзна д̇асса бан̃хасса лаабхад̇о ‘‘д̇звийсаа’’д̇и вад̇д̇аб̣б̣ам̣ сияаад̇и. бурзж̇аад̇ам̣ сахаж̇аад̇знзва саха ад̇т̇ибажжаяо ход̇и, на ид̇арзхи, д̇амби вад̇т̇у д̇ам̣сахид̇абурзж̇аад̇амзва, на ид̇арам̣. гусалад̇д̇игз хи бан̃хааваарз ‘‘навиббаяуд̇д̇абажжаяаа ад̇т̇ияаа бан̃жаа’’д̇и (бадтаа. 1.1.649) вуд̇д̇ам̣, санид̣̇ассанад̇д̇игз бана ‘‘виббаяуд̇д̇з б̣аавийсаа’’д̇и. яам̣ бана д̇ад̇т̇а ад̇т̇ивибхан̇г̇з бажжаяуд̣̇д̇хаарз жа д̇имуулагзгаавасаанам̣ уд̣̇д̇хадам̣, д̇ам̣ вад̇т̇усахид̇асса аарамман̣абурзж̇аад̇асса сахаж̇аад̇зна, саха бажжаяабхаавад̇од̇и бажчааж̇аад̇ам̣ аахааринд̣̇риязхзва, анан̃н̃ад̇хаммад̇д̇з жа сахаж̇аад̇зна жа, аахааро бажчааж̇аад̇инд̣̇риязхзва, инд̣̇рияам̣ бажчааж̇аад̇аахаарзнаад̇и звамзд̇ам̣ ад̇т̇ибажжаяавибхааг̇ам̣ саллагкзд̇ваа ануломз бажжанийяаад̣̇ийсу жа лаб̣бхамаанаа бан̃хаа уд̣̇д̇харид̇аб̣б̣аа.
Yadi siyā, ‘‘upādinnupādāniyo ca anupādinnaanupādāniyo ca dhammā upādinnupādāniyassa dhammassa atthipaccayena paccayo pacchājātaṃ indriya’’nti ettha ‘‘sahajāta’’ntipi vattabbaṃ siyā. Kammajānañhi bhūtānaṃ sahajātānaṃ pacchājātānañca lokuttarānaṃ ekakkhaṇe labbhamānānampi eko atthipaccayabhāvo natthi sahajātapacchājātānaṃ nānādhammānaṃ viruddhasabhāvattāti taṃ na vuttanti veditabbaṃ. Evañca katvā paccanīye ca ‘‘naindriye bāvīsā’’ti vuttaṃ. Aññathā hi indriyapaṭikkhepepi sahajātapacchājātavasena tassa pañhassa lābhato ‘‘tevīsā’’ti vattabbaṃ siyāti. Purejātaṃ sahajāteneva saha atthipaccayo hoti, na itarehi, tampi vatthu taṃsahitapurejātameva, na itaraṃ. Kusalattike hi pañhāvāre ‘‘navippayuttapaccayā atthiyā pañcā’’ti (paṭṭhā. 1.1.649) vuttaṃ, sanidassanattike pana ‘‘vippayutte bāvīsā’’ti. Yaṃ pana tattha atthivibhaṅge paccayuddhāre ca timūlakekāvasānaṃ uddhaṭaṃ, taṃ vatthusahitassa ārammaṇapurejātassa sahajātena, saha paccayabhāvatoti pacchājātaṃ āhārindriyeheva, anaññadhammatte ca sahajātena ca, āhāro pacchājātindriyeheva, indriyaṃ pacchājātāhārenāti evametaṃ atthipaccayavibhāgaṃ sallakkhetvā anulome paccanīyādīsu ca labbhamānā pañhā uddharitabbā.
убаад̣̇иннад̇д̇игаван̣н̣анаа нидтид̇аа.
Upādinnattikavaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. убаад̣̇иннад̇д̇игаван̣н̣анаа • 4. Upādinnattikavaṇṇanā
