| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
4. убаад̣̇иннад̇д̇игаван̣н̣анаа
4. Upādinnattikavaṇṇanā
51. ад̇хибад̇ид̇хаммоязва логуд̇д̇арад̇хаммзсу наад̇хибад̇ибажжаяаа уббаж̇ж̇ад̇ийд̇и ааха ‘‘наад̇хибад̇ибажжаяаад̇и саяам̣ ад̇хибад̇ибхууд̇ад̇д̇аа’’д̇и. нану ад̇хибад̇ид̇хаммоби аарамман̣аад̇хибад̇ивасзна ад̇хибад̇ибажжаязна уббаж̇ж̇ад̇ийд̇и жод̣̇анам̣ санд̇хааяааха ‘‘авирахид̇аа…бз… д̣̇ассзд̇ий’’д̇и. авирахид̇аарамман̣аад̇хибад̇ийсууд̇и логуд̇д̇арз санд̇хааяааха. д̇з хи ниб̣б̣аанаарамман̣ад̇д̇аа звам̣ вужжад̇и. би-сад̣̇д̣̇зна го бана ваад̣̇о вирахид̇аарамман̣аад̇хибад̇ианзганд̇аарамман̣аад̇хибад̇ийсууд̇и д̣̇ассзд̇и.
51. Adhipatidhammoyeva lokuttaradhammesu nādhipatipaccayā uppajjatīti āha ‘‘nādhipatipaccayāti sayaṃ adhipatibhūtattā’’ti. Nanu adhipatidhammopi ārammaṇādhipativasena adhipatipaccayena uppajjatīti codanaṃ sandhāyāha ‘‘avirahitā…pe… dassetī’’ti. Avirahitārammaṇādhipatīsūti lokuttare sandhāyāha. Te hi nibbānārammaṇattā evaṃ vuccati. Pi-saddena ko pana vādo virahitārammaṇādhipatianekantārammaṇādhipatīsūti dasseti.
72. анубааланубад̇т̇амбханавасзнаад̇и ж̇ийвид̇инд̣̇рияам̣ вияа гадад̇д̇ааруубаанам̣ анубааланавасзна ож̇аа д̇ассзва гаммаж̇агааяасса убад̇т̇амбханавасзна бажжаяо ход̇и, на ж̇анагавасзнаад̇и яож̇анаа. зд̇асмим̣ бана ад̇т̇з сад̇ийд̇и гаммаж̇агалаабз ож̇аа д̇ассзва гаммаж̇агааяасса убад̇т̇амбхагавасзна бажжаяо ход̇ийд̇и зд̇асмим̣ ад̇т̇з лаб̣бхамаанз. аахааранд̇иби вад̇д̇аб̣б̣анд̇и яат̇аа ж̇ийвид̇инд̣̇рияавасзна ‘‘убаад̣̇иннубаад̣̇аанияо д̇хаммо убаад̣̇иннубаад̣̇аанияасса д̇хаммасса ад̇т̇ибажжаязна бажжаяо’’д̇и вуд̇д̇ам̣, звам̣ яат̇аавуд̇д̇ааахаарассаби васзна вад̇д̇аб̣б̣анд̇и ад̇т̇о. зд̇т̇а жа яасмим̣ галаабз гаммаж̇аа ож̇аа гад̣̇аажи д̇ассзва убад̇т̇амбханабажжаяо ход̇ийд̇и аяамад̇т̇о адтагат̇ааяам̣ д̣̇ассид̇о. яад̣̇и гаммаж̇аа ож̇аа згам̣сад̇о сагалаабаруубуубад̇т̇амбханавасзнзва бавад̇д̇ад̇и, д̇ат̇аа сад̇и имааяа баал̣ияаа вирод̇хо сияаад̇и д̣̇ассзнд̇о ‘‘яад̣̇и жа…бз… ход̇ий’’д̇и адтагат̇ааважанам̣ уд̣̇д̇харид̇ваа д̇ад̇т̇а д̣̇осам̣ вибхаавзнд̇о ‘‘звам̣ сад̇ий’’д̇и ааха. д̇ад̇т̇а д̇анд̇и д̇ам̣ важанам̣. анаж̇жхохадааяа ад̇д̇ано бажжаяад̇о ниб̣б̣ад̇д̇ааяа, бажжаяо жзд̇т̇а гаммам̣язва. д̇знааха ‘‘сасанд̇аанаг̇ад̇ааяа убаад̣̇иннож̇ааяаа’’д̇и.
72. Anupālanupatthambhanavasenāti jīvitindriyaṃ viya kaṭattārūpānaṃ anupālanavasena ojā tasseva kammajakāyassa upatthambhanavasena paccayo hoti, na janakavasenāti yojanā. Etasmiṃpana atthe satīti kammajakalāpe ojā tasseva kammajakāyassa upatthambhakavasena paccayo hotīti etasmiṃ atthe labbhamāne. Āhārantipi vattabbanti yathā jīvitindriyavasena ‘‘upādinnupādāniyo dhammo upādinnupādāniyassa dhammassa atthipaccayena paccayo’’ti vuttaṃ, evaṃ yathāvuttaāhārassapi vasena vattabbanti attho. Ettha ca yasmiṃ kalāpe kammajā ojā kadāci tasseva upatthambhanapaccayo hotīti ayamattho aṭṭhakathāyaṃ dassito. Yadi kammajā ojā ekaṃsato sakalāparūpūpatthambhanavaseneva pavattati, tathā sati imāya pāḷiyā virodho siyāti dassento ‘‘yadi ca…pe… hotī’’ti aṭṭhakathāvacanaṃ uddharitvā tattha dosaṃ vibhāvento ‘‘evaṃ satī’’ti āha. Tattha tanti taṃ vacanaṃ. Anajjhohaṭāya attano paccayato nibbattāya, paccayo cettha kammaṃyeva. Tenāha ‘‘sasantānagatāya upādinnojāyā’’ti.
аяамби бан̃хо, на гзвалам̣ буб̣б̣з вуд̇д̇ааахаароязваад̇и ад̇хиббааяо. уд̣̇д̇харид̇аб̣б̣о сияаа, на жа уд̣̇д̇хадо. д̇асмаад̇и зд̇асса ‘‘ваад̣̇о б̣алавад̇аро’’д̇и зд̇зна самб̣анд̇хо. гасмаа бана яат̇аавуд̇д̇зсу д̣̇вийсу бан̃хзсу аахааро на уд̣̇д̇хадод̇и ааха ‘‘аж̇жхохадассаа’’д̇иаад̣̇и. д̇ад̇т̇а д̣̇уд̇ияабан̃ход̇и д̣̇угамуулагз д̣̇уд̇ияабан̃ход̇и яож̇анаа. д̣̇уд̇ияабан̃хо жа на уд̣̇д̇хадод̇и зд̇т̇ааби ‘‘аж̇жхохадасса…бз… абхаавад̇о’’д̇и ид̣̇ам̣ аанзд̇ваа самб̣анд̇хид̇аб̣б̣ам̣. ид̇арассаад̇и анаж̇жхохадасса. аж̇жхохадамзва на анаж̇жхохадам̣, яат̇аавуд̇д̇ож̇анд̇и ад̇хиббааяо. ‘‘б̣алавад̇аро’’д̇и вад̇ваа д̇асса б̣алавад̇арабхаавам̣ д̣̇ассзнд̇о ‘‘на хий’’д̇иаад̣̇имааха. гад̇ибаяаалобз аж̇жхохарид̇ваа васид̇ваа тид̇асса вияа аж̇жхохадамад̇д̇аахи ман̣д̣уугаад̣̇ийхи аж̇жхохаарагасса сарийрз висзсаад̇хаанам̣ взд̣̇ид̇аб̣б̣ам̣.
Ayampi pañho, na kevalaṃ pubbe vuttaāhāroyevāti adhippāyo. Uddharitabbo siyā, na ca uddhaṭo. Tasmāti etassa ‘‘vādo balavataro’’ti etena sambandho. Kasmā pana yathāvuttesu dvīsu pañhesu āhāro na uddhaṭoti āha ‘‘ajjhohaṭassā’’tiādi. Tattha dutiyapañhoti dukamūlake dutiyapañhoti yojanā. Dutiyapañho ca na uddhaṭoti etthāpi ‘‘ajjhohaṭassa…pe… abhāvato’’ti idaṃ ānetvā sambandhitabbaṃ. Itarassāti anajjhohaṭassa. Ajjhohaṭameva na anajjhohaṭaṃ, yathāvuttojanti adhippāyo. ‘‘Balavataro’’ti vatvā tassa balavatarabhāvaṃ dassento ‘‘na hī’’tiādimāha. Katipayālope ajjhoharitvā vasitvā ṭhitassa viya ajjhohaṭamattāhi maṇḍūkādīhi ajjhohārakassa sarīre visesādhānaṃ veditabbaṃ.
ид̇ха вуд̇д̇зхийд̇и имасмим̣ убаад̣̇иннад̇д̇игз вуд̇д̇зхи. згамуулагад̣̇угад̇игаавасаанабан̃хависсаж̇ж̇анзхийд̇и згабад̣̇амуулагзхи д̣̇угаавасаанзхи д̇игаавасаанзхи жа бан̃хависсаж̇ж̇анзхи. д̇з бана ‘‘анубаад̣̇иннубаад̣̇аанияо д̇хаммо убаад̣̇иннубаад̣̇аанияасса анубаад̣̇иннубаад̣̇аанияасса жа д̇хаммасса ад̇т̇ибажжаязна бажжаяо, анубаад̣̇иннаанубаад̣̇аанияо д̇хаммо убаад̣̇иннубаад̣̇аанияасса анубаад̣̇иннубаад̣̇аанияасса анубаад̣̇иннаанубаад̣̇аанияасса жа д̇хаммасса ад̇т̇ибажжаязна бажжаяо’’д̇и звам̣ взд̣̇ид̇аб̣б̣о. ид̇хаад̇и имасмим̣ убаад̣̇иннад̇д̇игз. д̣̇уд̇ияад̣̇угаавасаанз вияаад̇и д̣̇уд̇ияад̣̇угаавасаанз бан̃хависсаж̇ж̇анз вияа, ‘‘анубаад̣̇иннубаад̣̇аанияо д̇хаммо убаад̣̇иннубаад̣̇аанияасса анубаад̣̇иннубаад̣̇аанияасса жа д̇хаммасса ад̇т̇ибажжаязна бажжаяо, сахаж̇аад̇ам̣ бажчааж̇аад̇а’’нд̇и зд̇асса виссаж̇ж̇анз вияаад̇и ад̇т̇о. аяан̃жа ад̇т̇о д̇ад̇ияабад̣̇амуулагзсу д̣̇угад̇игаавасаанабан̃хзсуби лаб̣бхад̇зва . яад̣̇и бана д̇з бан̃хаа гусалад̇д̇игзби лаб̣бханд̇и, ат̇а гасмаа д̇ад̇т̇а на уд̣̇д̇хадаад̇и ааха ‘‘сукааваб̣од̇ханад̇т̇ам̣ бана д̇ад̇т̇а сахаж̇аад̇авасзнзва виссаж̇ж̇анам̣ гад̇а’’нд̇и. сахаж̇аад̇авасзнзваад̇и сахаж̇аад̇аад̇т̇ибажжаяавасзнзва. згамуулагад̣̇угаавасаанаад̇и ‘‘гусало д̇хаммо гусаласса жа аб̣яаагад̇асса жаа’’д̇и звам̣багаараа бан̃хаа. д̇ад̇т̇а гусалад̇д̇игз уд̣̇д̇хадаа. ид̇ха бана имасмим̣ убаад̣̇иннад̇д̇игз. зд̇зхи яат̇аавуд̇д̇зхи виссаж̇ж̇анзхи. зго д̇хаммод̇и зго взд̣̇анаад̣̇иго бажжаяад̇хаммо. анзгзхийд̇и сахаж̇аад̇абажчааж̇аад̇аад̣̇ийхи анзгзхи ад̇т̇ибажжаяависзсзхи. анзгзсам̣ д̇хаммаананд̇и анзгзсам̣ бажжаяуббаннад̇хаммаанам̣. зго ад̇т̇ибажжаяод̇и ид̣̇ам̣ ад̇т̇ибажжаяад̇аасааман̃н̃ад̇о вуд̇д̇ам̣.
Idha vuttehīti imasmiṃ upādinnattike vuttehi. Ekamūlakadukatikāvasānapañhavissajjanehīti ekapadamūlakehi dukāvasānehi tikāvasānehi ca pañhavissajjanehi. Te pana ‘‘anupādinnupādāniyo dhammo upādinnupādāniyassa anupādinnupādāniyassa ca dhammassa atthipaccayena paccayo, anupādinnaanupādāniyo dhammo upādinnupādāniyassa anupādinnupādāniyassa anupādinnaanupādāniyassa ca dhammassa atthipaccayena paccayo’’ti evaṃ veditabbo. Idhāti imasmiṃ upādinnattike. Dutiyadukāvasāne viyāti dutiyadukāvasāne pañhavissajjane viya, ‘‘anupādinnupādāniyo dhammo upādinnupādāniyassa anupādinnupādāniyassa ca dhammassa atthipaccayena paccayo, sahajātaṃ pacchājāta’’nti etassa vissajjane viyāti attho. Ayañca attho tatiyapadamūlakesu dukatikāvasānapañhesupi labbhateva . Yadi pana te pañhā kusalattikepi labbhanti, atha kasmā tattha na uddhaṭāti āha ‘‘sukhāvabodhanatthaṃ pana tattha sahajātavaseneva vissajjanaṃ kata’’nti. Sahajātavasenevāti sahajātaatthipaccayavaseneva. Ekamūlakadukāvasānāti ‘‘kusalo dhammo kusalassa ca abyākatassa cā’’ti evaṃpakārā pañhā. Tattha kusalattike uddhaṭā. Idha pana imasmiṃ upādinnattike. Etehi yathāvuttehi vissajjanehi. Eko dhammoti eko vedanādiko paccayadhammo. Anekehīti sahajātapacchājātādīhi anekehi atthipaccayavisesehi. Anekesaṃ dhammānanti anekesaṃ paccayuppannadhammānaṃ. Eko atthipaccayoti idaṃ atthipaccayatāsāmaññato vuttaṃ.
ид̣̇аани яат̇аавуд̇д̇ам̣ авуд̇д̇ан̃жа ад̇т̇ибажжаяз лаб̣бхамаанам̣ висзсам̣ вид̇т̇аарад̇о д̣̇ассзнд̇о ‘‘зго хий’’д̇иаад̣̇имааха. д̇ад̇т̇а згод̇и ад̇т̇ибажжаяависзсзсу зго. згассаад̇и д̇аад̣̇исассзва згасса. ан̃н̃ат̇аа хи зго д̇хаммо згасса д̇хаммасса бажжаяо наама над̇т̇и. згзнзваад̇и сахаж̇аад̇аад̇т̇ибажжаязнзва яат̇аа огганд̇игкан̣з вад̇т̇у. д̇ан̃хи ад̇д̇анаа сахаж̇аад̇асса наамасса сахаж̇аад̇аад̇т̇ибажжаязнзва бажжаяо ход̇и, на бурзж̇аад̇аад̣̇инаа. зго сахаж̇аад̇ааруубагканд̇хо анзгзсам̣ ад̇д̇анаа сахаж̇аад̇аанам̣ аруубагканд̇хаанам̣ згзна сахаж̇аад̇аад̇т̇ибажжаязна, анзгзхи сахаж̇аад̇абажчааж̇аад̇аад̇т̇ибажжаязхи яат̇ааггамам̣ ад̇д̇анаа сахаж̇аад̇аанам̣ жид̇д̇асамудтаанаруубаанам̣ бурзж̇аад̇аанам̣ д̇зсамудтаанигаруубаанам̣. анзго бурзж̇аад̇авад̇т̇уруубан̃жзва сахаж̇аад̇ааруубагканд̇хаа жа згасса аруубагканд̇хасса яат̇ааггамам̣ бурзж̇аад̇асахаж̇аад̇аад̇т̇ибажжаязхи. анзго аруубад̇хаммо анзгзсам̣ сахаж̇аад̇ааруубад̇хаммаанам̣ бурзж̇аад̇аруубад̇хаммаанан̃жа сахаж̇аад̇абажчааж̇аад̇аад̇т̇ибажжаязхи. анзго ваа аахааринд̣̇рияаббагааро анзгзсам̣ руубад̇хаммаанам̣ яат̇аарахам̣ сахаж̇аад̇абурзж̇аад̇абажчааж̇аад̇аахааринд̣̇рияавасзна ад̇т̇ибажжаязна бажжаяо ход̇и. звам̣ бажжаяуббаннаанам̣ асамаанад̇д̇зби аяамад̇т̇о самбхавад̇и, самаанад̇д̇з бана вад̇д̇аб̣б̣амзва над̇т̇и. д̇знааха ‘‘самаанад̇д̇з бажжаяуббаннад̇хаммаана’’нд̇и. сахаж̇аад̇ам̣ бурзж̇аад̇знзва саха ад̇т̇ибажжаяо ход̇ийд̇и сахаж̇аад̇аад̇т̇ибажжаяад̇хаммо бурзж̇аад̇аад̇т̇ибажжаяад̇хаммзна сахзва ад̇т̇ибажжаяо ход̇и. яат̇аа вад̇т̇унаа бурзж̇аад̇аад̇т̇ибажжаяам̣ лабханд̇аа зва гусалаад̣̇ид̇хаммаа сахаж̇аад̇аанам̣ канд̇хаанам̣ жид̇д̇асамудтаанаанан̃жа руубаанам̣ сахаж̇аад̇аад̇т̇ибажжаяо хонд̇и, д̇ат̇аа д̇з бурзж̇аад̇асса гааяасса бажчааж̇аад̇абажжаяоби хонд̇иязва. д̇знааха ‘‘бажчааж̇аад̇зна жаа’’д̇и. ад̇т̇ибажжаяо ход̇ийд̇и самб̣анд̇хо. аяам̣ сахаж̇аад̇абажчааж̇аад̇аанам̣ ад̇т̇ибажжаяабхааво бажжаяад̇хаммаанам̣ абхзд̣̇з зва ижчид̇о, на бхзд̣̇з. д̇знааха ‘‘анан̃н̃ад̇хаммад̇д̇зна…бз… наанаад̇хаммад̇д̇з’’д̇и.
Idāni yathāvuttaṃ avuttañca atthipaccaye labbhamānaṃ visesaṃ vitthārato dassento ‘‘eko hī’’tiādimāha. Tattha ekoti atthipaccayavisesesu eko. Ekassāti tādisasseva ekassa. Aññathā hi eko dhammo ekassa dhammassa paccayo nāma natthi. Ekenevāti sahajātaatthipaccayeneva yathā okkantikkhaṇe vatthu. Tañhi attanā sahajātassa nāmassa sahajātaatthipaccayeneva paccayo hoti, na purejātādinā. Eko sahajātaarūpakkhandho anekesaṃ attanā sahajātānaṃ arūpakkhandhānaṃ ekena sahajātaatthipaccayena, anekehi sahajātapacchājātaatthipaccayehi yathākkamaṃ attanā sahajātānaṃ cittasamuṭṭhānarūpānaṃ purejātānaṃ tesamuṭṭhānikarūpānaṃ. Aneko purejātavatthurūpañceva sahajātaarūpakkhandhā ca ekassa arūpakkhandhassa yathākkamaṃ purejātasahajātaatthipaccayehi. Aneko arūpadhammo anekesaṃ sahajātaarūpadhammānaṃ purejātarūpadhammānañca sahajātapacchājātaatthipaccayehi. Aneko vā āhārindriyappakāro anekesaṃ rūpadhammānaṃ yathārahaṃ sahajātapurejātapacchājātāhārindriyavasena atthipaccayena paccayo hoti. Evaṃ paccayuppannānaṃ asamānattepi ayamattho sambhavati, samānatte pana vattabbameva natthi. Tenāha ‘‘samānatte paccayuppannadhammāna’’nti. Sahajātaṃ purejāteneva saha atthipaccayo hotīti sahajātaatthipaccayadhammo purejātaatthipaccayadhammena saheva atthipaccayo hoti. Yathā vatthunā purejātaatthipaccayaṃ labhantā eva kusalādidhammā sahajātānaṃ khandhānaṃ cittasamuṭṭhānānañca rūpānaṃ sahajātaatthipaccayo honti, tathā te purejātassa kāyassa pacchājātapaccayopi hontiyeva. Tenāha ‘‘pacchājātena cā’’ti. Atthipaccayo hotīti sambandho. Ayaṃ sahajātapacchājātānaṃ atthipaccayabhāvo paccayadhammānaṃ abhede eva icchito, na bhede. Tenāha ‘‘anaññadhammattena…pe… nānādhammatte’’ti.
ид̣̇аани д̇асса наанаад̇хаммад̇д̇з абхаавам̣ баал̣ияаа вибхаавзнд̇о ‘‘яад̣̇и сияаа’’д̇иаад̣̇имааха. д̇ад̇т̇а зго ад̇т̇ибажжаяабхааво над̇т̇ийд̇и згассзва бажжаяад̇хаммасса васзна лаб̣бхамаано зго ад̇т̇ибажжаяабхааво над̇т̇и. гасмаа? вирод̇хад̇о. д̇зна вуд̇д̇ам̣ ‘‘сахаж̇аад̇а…бз… на вуд̇д̇а’’нд̇и. зван̃жа гад̇ваад̇и сахаж̇аад̇абажчааж̇аад̇аанам̣ згад̇хаммавасзна саха алаабхад̇о зва. згад̇хаммавасзнаад̇и згассзва бажжаяад̇хаммасса васзна. д̇знааха ‘‘наанаад̇хаммаанам̣ вируд̣̇д̇хасабхаавад̇д̇аа’’д̇и. вируд̣̇д̇хасабхаавад̇аа жа сахаж̇аад̇абажчааж̇аад̇авасзна взд̣̇ид̇аб̣б̣аа, ид̇ха бана логияалогуд̇д̇араад̣̇ибхаавад̇од̇и. ан̃н̃ат̇аад̇и д̇зсам̣ сахаж̇аад̇абажчааж̇аад̇аанам̣ згаж̇жхам̣ лаабхз. инд̣̇рияабадигкзбзбийд̇и инд̣̇рияабажжаяз бажжанийгад̇о тид̇зби. д̇асса бан̃хасса лаабхад̇од̇и ‘‘убаад̣̇иннубаад̣̇аанияо жа анубаад̣̇иннубаад̣̇аанияо жа д̇хаммаа убаад̣̇иннубаад̣̇аанияасса д̇хаммасса ад̇т̇ибажжаязна бажжаяо’’д̇и зд̇асса бан̃хасса лаабхад̇о. б̣аавийсаад̇и згамуулагаавасаанаа нава, згамуулагад̣̇угаавасаанаа бан̃жа, згамуулагад̇игаавасаанамзгам̣, д̣̇угамуулагзгаавасаанаа жад̇д̇ааро, д̣̇угамуулагаавасаанаа д̣̇вз, д̣̇угамуулагад̇игаавасаанамзганд̇и звам̣ б̣аавийсад̇и. яат̇аа буб̣б̣з сахаж̇аад̇ам̣ бурзж̇аад̇зна сахзва ад̇т̇ибажжаяо ход̇ийд̇и вуд̇д̇ам̣, звам̣ бурзж̇аад̇амби д̇знаад̇и д̣̇ассзнд̇о ааха ‘‘бурзж̇аад̇ам̣ сахаж̇аад̇знзва саха ад̇т̇ибажжаяо ход̇ий’’д̇и. д̇ад̇т̇а сахаж̇аад̇знзва сахаад̇и сахаж̇аад̇зна сахзва. адтаанаббаяуд̇д̇о хи аяам̣ зва-сад̣̇д̣̇о, сахаж̇аад̇зна на винаа бурзж̇аад̇аад̇т̇ибажжаяод̇и ад̇т̇о. ид̇арзсу бана ад̇т̇ибажжаяад̇хаммзсу нияамо над̇т̇и д̇зхи сахааби винааби бхаавад̇о. д̇знааха ‘‘на ид̇арзхий’’д̇и. д̇амби вад̇т̇у д̇ам̣сахид̇абурзж̇аад̇амзваад̇и яам̣ ‘‘бурзж̇аад̇ам̣ сахаж̇аад̇знзва саха ад̇т̇ибажжаяо ход̇ий’’д̇и вуд̇д̇ам̣, д̇амби вад̇т̇убурзж̇аад̇ан̃жзва д̇ам̣сахид̇аарамман̣абурзж̇аад̇амзва жа, на гзвалам̣ аарамман̣абурзж̇аад̇ам̣. д̇знааха ‘‘на ид̇ара’’нд̇и.
Idāni tassa nānādhammatte abhāvaṃ pāḷiyā vibhāvento ‘‘yadi siyā’’tiādimāha. Tattha eko atthipaccayabhāvo natthīti ekasseva paccayadhammassa vasena labbhamāno eko atthipaccayabhāvo natthi. Kasmā? Virodhato. Tena vuttaṃ ‘‘sahajāta…pe… na vutta’’nti. Evañca katvāti sahajātapacchājātānaṃ ekadhammavasena saha alābhato eva. Ekadhammavasenāti ekasseva paccayadhammassa vasena. Tenāha ‘‘nānādhammānaṃ viruddhasabhāvattā’’ti. Viruddhasabhāvatā ca sahajātapacchājātavasena veditabbā, idha pana lokiyalokuttarādibhāvatoti. Aññathāti tesaṃ sahajātapacchājātānaṃ ekajjhaṃ lābhe. Indriyapaṭikkhepepīti indriyapaccaye paccanīkato ṭhitepi. Tassa pañhassa lābhatoti ‘‘upādinnupādāniyo ca anupādinnupādāniyo ca dhammā upādinnupādāniyassa dhammassa atthipaccayena paccayo’’ti etassa pañhassa lābhato. Bāvīsāti ekamūlakāvasānā nava, ekamūlakadukāvasānā pañca, ekamūlakatikāvasānamekaṃ, dukamūlakekāvasānā cattāro, dukamūlakāvasānā dve, dukamūlakatikāvasānamekanti evaṃ bāvīsati. Yathā pubbe sahajātaṃ purejātena saheva atthipaccayo hotīti vuttaṃ, evaṃ purejātampi tenāti dassento āha ‘‘purejātaṃ sahajāteneva saha atthipaccayo hotī’’ti. Tattha sahajāteneva sahāti sahajātena saheva. Aṭṭhānappayutto hi ayaṃ eva-saddo, sahajātena na vinā purejātaatthipaccayoti attho. Itaresu pana atthipaccayadhammesu niyamo natthi tehi sahāpi vināpi bhāvato. Tenāha ‘‘na itarehī’’ti. Tampi vatthu taṃsahitapurejātamevāti yaṃ ‘‘purejātaṃ sahajāteneva saha atthipaccayo hotī’’ti vuttaṃ, tampi vatthupurejātañceva taṃsahitārammaṇapurejātameva ca, na kevalaṃ ārammaṇapurejātaṃ. Tenāha ‘‘na itara’’nti.
ид̣̇аани яат̇аавуд̇д̇амад̇т̇ам̣ баатанд̇арзна вибхаавзд̇ум̣ ‘‘гусалад̇д̇игз хий’’д̇иаад̣̇и вуд̇д̇ам̣. яад̣̇и бурзж̇аад̇ам̣ д̇ам̣сахаж̇аад̇зна винааби ад̇т̇ибажжаяо сияаа, ‘‘навиббаяуд̇д̇абажжаяаа ад̇т̇ияаа бан̃жаа’’д̇и вад̇д̇ум̣ на саггаа, вуд̇д̇ан̃жзд̇ам̣, д̇асмаа вин̃н̃ааяад̇и ‘‘бурзж̇аад̇ам̣ сахаж̇аад̇зна сахзва ад̇т̇ибажжаяо ход̇ий’’д̇и. навиббаяуд̇д̇з б̣аавийсаад̇и зд̇т̇ааби зсзва наяо. д̇ад̇т̇аад̇и санид̣̇ассанад̇д̇игз. ад̇т̇ивибхан̇г̇зд̇и ад̇т̇ибажжаяасса вибхаж̇анз. д̇игамуулагзгаавасаананд̇и ‘‘санид̣̇ассанасаббадигхо жа анид̣̇ассанасаббадигхо жа анид̣̇ассанааббадигхо жа д̇хаммаа анид̣̇ассанасаббадигхасса д̇хаммасса ад̇т̇ибажжаязна бажжаяо’’д̇и звам̣ д̇игамуулаго згаавасаано бан̃хо уд̣̇д̇хадо. бажжаяуд̣̇д̇хаарзд̇и жа д̇ад̇т̇зва бажжаяуд̣̇д̇хаарз. д̇ат̇аа жа со бан̃хо уд̣̇д̇хадо. д̇аяид̣̇ам̣ гат̇ам̣, яад̣̇и бурзж̇аад̇ам̣ сахаж̇аад̇знзва саха ад̇т̇ибажжаяо ход̇ийд̇и жод̣̇анааяам̣ ааха ‘‘д̇ам̣ вад̇т̇усахид̇асса…бз… бажжаяабхаавад̇о’’д̇и. д̇ассад̇т̇о – яад̣̇иби д̇ад̇т̇а санид̣̇ассанасаббадигхаг̇г̇ахан̣зна аарамман̣абурзж̇аад̇асса ад̇т̇ибажжаяабхааво вуд̇д̇о, д̇ат̇ааби анид̣̇ассанааббадигхаг̇г̇ахан̣ад̇о вад̇т̇умби г̇ахид̇анд̇и вад̇т̇усахид̇асса аарамман̣абурзж̇аад̇асса сахаж̇аад̇зна сахзва ад̇т̇ибажжаяабхааво вуд̇д̇од̇и. бажчааж̇аад̇ам̣ аахааринд̣̇риязхзва саха ад̇т̇ибажжаяо ход̇и, на бурзж̇аад̇знаад̇и ад̇хиббааяо. анан̃н̃ад̇хаммад̇д̇зд̇и бажжаяад̇хаммасса анан̃н̃ад̇д̇з. сахаж̇аад̇зна саха ад̇т̇ибажжаяо ход̇ийд̇и яож̇анаа. сзсабад̣̇ад̣̇ваязби зсзва наяо. д̇ад̇т̇ааби бадияог̇ибурзж̇аад̇ам̣язва д̣̇адтаб̣б̣ам̣. ‘‘ад̇т̇ибажжаяависзсзсу банаа’’д̇иаад̣̇инаа ад̇д̇анаа д̣̇ассид̇ам̣ вижаарам̣ ‘‘звамзд̇а’’нд̇и ниг̇аманавасзна бажжаамасад̇и.
Idāni yathāvuttamatthaṃ pāṭhantarena vibhāvetuṃ ‘‘kusalattike hī’’tiādi vuttaṃ. Yadi purejātaṃ taṃsahajātena vināpi atthipaccayo siyā, ‘‘navippayuttapaccayā atthiyā pañcā’’ti vattuṃ na sakkā, vuttañcetaṃ, tasmā viññāyati ‘‘purejātaṃ sahajātena saheva atthipaccayo hotī’’ti. Navippayutte bāvīsāti etthāpi eseva nayo. Tatthāti sanidassanattike. Atthivibhaṅgeti atthipaccayassa vibhajane. Tikamūlakekāvasānanti ‘‘sanidassanasappaṭigho ca anidassanasappaṭigho ca anidassanaappaṭigho ca dhammā anidassanasappaṭighassa dhammassa atthipaccayena paccayo’’ti evaṃ tikamūlako ekāvasāno pañho uddhaṭo. Paccayuddhāreti ca tattheva paccayuddhāre. Tathā ca so pañho uddhaṭo. Tayidaṃ kathaṃ, yadi purejātaṃ sahajāteneva saha atthipaccayo hotīti codanāyaṃ āha ‘‘taṃ vatthusahitassa…pe… paccayabhāvato’’ti. Tassattho – yadipi tattha sanidassanasappaṭighaggahaṇena ārammaṇapurejātassa atthipaccayabhāvo vutto, tathāpi anidassanaappaṭighaggahaṇato vatthumpi gahitanti vatthusahitassa ārammaṇapurejātassa sahajātena saheva atthipaccayabhāvo vuttoti. Pacchājātaṃ āhārindriyeheva saha atthipaccayo hoti, na purejātenāti adhippāyo. Anaññadhammatteti paccayadhammassa anaññatte. Sahajātena saha atthipaccayo hotīti yojanā. Sesapadadvayepi eseva nayo. Tatthāpi paṭiyogipurejātaṃyeva daṭṭhabbaṃ. ‘‘Atthipaccayavisesesu panā’’tiādinā attanā dassitaṃ vicāraṃ ‘‘evameta’’nti nigamanavasena paccāmasati.
убаад̣̇иннад̇д̇игаван̣н̣анаа нидтид̇аа.
Upādinnattikavaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. убаад̣̇иннад̇д̇игаван̣н̣анаа • 4. Upādinnattikavaṇṇanā
