| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяаалан̇гаара-дийгаа (д̣̇уд̇ияо бхааг̇о)
Vinayālaṅkāra-ṭīkā (dutiyo bhāgo)
27. убаж̇жхааяаад̣̇ивад̇д̇авинижчаяагат̇аа
27. Upajjhāyādivattavinicchayakathā
убаж̇жхааяавад̇д̇агат̇ааван̣анаа
Upajjhāyavattakathāvaṇanā
183. звам̣ вассуубанааяигавинижчаяам̣ гат̇зд̇ваа ид̣̇аани убаж̇жхааяавад̇д̇аад̣̇ивад̇д̇агат̇ам̣ гат̇зд̇ум̣ ‘‘вад̇д̇анд̇и зд̇т̇аа’’д̇иаад̣̇имааха. д̇ад̇т̇а вад̇д̇зд̇аб̣б̣ам̣ бавад̇д̇зд̇аб̣б̣анд̇и вад̇д̇ам̣, сад̣̇д̇хивихааригаад̣̇ийхи убаж̇жхааяаад̣̇ийсу бавад̇д̇зд̇аб̣б̣ам̣ аабхисамаажааригасийлам̣. д̇ам̣ гад̇ивид̇ханд̇и ааха ‘‘вад̇д̇ам̣ наамзд̇ам̣…бз… б̣ахувид̇ха’’нд̇и. важжагудивад̇д̇анд̇и зд̇т̇а ид̇и-сад̣̇д̣̇о аад̣̇яад̇т̇о. д̇зна сад̣̇д̇хивихааригавад̇д̇аанд̇зваасигавад̇д̇аанумод̣̇анавад̇д̇аани сан̇г̇аяханд̇и. вуд̇д̇ан̃хи д̇ад̇т̇а д̇ад̇т̇а адтагат̇аасу ‘‘жуд̣̇д̣̇аса канд̇хагавад̇д̇ааний’’д̇и. вад̇д̇агканд̇хагз (жуул̣ава. 356) жа баал̣ияам̣ ааг̇ад̇амзва, д̇ад̇т̇а бана ааг̇анд̇угавад̇д̇ад̇о бадтааяа ааг̇ад̇ам̣, ид̇ха убаж̇жхааяавад̇д̇ад̇о. ид̇о ан̃н̃ааниби бан̃жасад̇д̇ад̇и сзкияавад̇д̇аани д̣̇взасийд̇и махаавад̇д̇аани жа вад̇д̇амзва. д̇зсу бана сзкияавад̇д̇аани махаавибхан̇г̇з ааг̇ад̇аани, махаавад̇д̇аани гаммагканд̇хагабаариваасигагканд̇хагзсу (жуул̣ава. 75 аад̣̇аяо), д̇асмаа ид̇ха жуд̣̇д̣̇аса канд̇хагавад̇д̇ааниязва д̣̇ассид̇аани. д̇зсу убаж̇жхааяавад̇д̇ам̣ батамам̣ д̣̇ассзнд̇о ‘‘д̇ад̇т̇а убаж̇жхааяавад̇д̇ам̣ д̇аава звам̣ взд̣̇ид̇аб̣б̣а’’нд̇яаад̣̇имааха.
183. Evaṃ vassūpanāyikavinicchayaṃ kathetvā idāni upajjhāyavattādivattakathaṃ kathetuṃ ‘‘vattanti etthā’’tiādimāha. Tattha vattetabbaṃ pavattetabbanti vattaṃ, saddhivihārikādīhi upajjhāyādīsu pavattetabbaṃ ābhisamācārikasīlaṃ. Taṃ katividhanti āha ‘‘vattaṃ nāmetaṃ…pe… bahuvidha’’nti. Vaccakuṭivattanti ettha iti-saddo ādyattho. Tena saddhivihārikavattaantevāsikavattaanumodanavattāni saṅgayhanti. Vuttañhi tattha tattha aṭṭhakathāsu ‘‘cuddasa khandhakavattānī’’ti. Vattakkhandhake (cūḷava. 356) ca pāḷiyaṃ āgatameva, tattha pana āgantukavattato paṭṭhāya āgataṃ, idha upajjhāyavattato. Ito aññānipi pañcasattati sekhiyavattāni dveasīti mahāvattāni ca vattameva. Tesu pana sekhiyavattāni mahāvibhaṅge āgatāni, mahāvattāni kammakkhandhakapārivāsikakkhandhakesu (cūḷava. 75 ādayo), tasmā idha cuddasa khandhakavattāniyeva dassitāni. Tesu upajjhāyavattaṃ paṭhamaṃ dassento ‘‘tattha upajjhāyavattaṃ tāva evaṃ veditabba’’ntyādimāha.
д̇ад̇т̇а го убаж̇жхааяо, гзнадтзна убаж̇жхааяо, гат̇ам̣ г̇ахид̇о убаж̇жхааяо, гзна вад̇д̇ид̇аб̣б̣ам̣ убаж̇жхааяавад̇д̇ам̣, гад̇амам̣ д̇ам̣ вад̇д̇анд̇и? д̇ад̇т̇а го убаж̇жхааяод̇и ‘‘ануж̇аанаами, бхигкавз, б̣яад̇д̇зна бхигкунаа бадиб̣алзна д̣̇асавассзна ваа ад̇ирзгад̣̇асавассзна ваа убасамбаад̣̇зд̇у’’нд̇иаад̣̇иважанад̇о (махаава. 76) б̣яад̇д̇иб̣аласамбанно убасамбад̣̇ад̇о бадтааяа д̣̇асавассо ваа ад̇ирзгад̣̇асавассо ваа бхигку убаж̇жхааяо. гзнадтзна убаж̇жхааяод̇и важ̇ж̇ааваж̇ж̇ам̣ убаниж̇жхааяад̇ийд̇и убаж̇жхааяо, сад̣̇д̇хивихааригаанам̣ куд̣̇д̣̇агам̣ важ̇ж̇ам̣ ваа маханд̇ам̣ важ̇ж̇ам̣ ваа бхусо жинд̇зд̇ийд̇и ад̇т̇о. гат̇ам̣ г̇ахид̇о ход̇и убаж̇жхааяод̇и сад̣̇д̇хивихааригзна згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘убаж̇жхааяо мз, бханд̇з, хохий’’д̇и д̇игкад̇д̇ум̣ вуд̇д̇з сажз убаж̇жхааяо ‘‘саахуу’’д̇и ваа ‘‘лахуу’’д̇и ваа ‘‘обааяига’’нд̇и ваа ‘‘бад̇ирууба’’нд̇и ваа ‘‘баасаад̣̇игзна самбаад̣̇зхий’’д̇и ваа имзсу бан̃жасу бад̣̇зсу яасса гассажи бад̣̇асса васзна гааязна ваа ваажааяа ваа гааяаваажаахи ваа ‘‘г̇ахид̇о д̇аяаа убаж̇жхааяо’’д̇и убаж̇жхааяаг̇г̇ахан̣ам̣ вин̃н̃аабзд̇и, г̇ахид̇о ход̇и убаж̇жхааяо. д̇ад̇т̇а саахууд̇и саад̇ху. лахууд̇и аг̇ару, субхарад̇аад̇и ад̇т̇о. обааяиганд̇и убааяабадисам̣яуд̇д̇ам̣, звам̣ бадибаж̇ж̇анам̣ нид̇т̇аран̣убааяод̇и ад̇т̇о. бад̇ируубанд̇и саамийжигаммамид̣̇анд̇и ад̇т̇о. баасаад̣̇игзнаад̇и басаад̣̇аавахзна гааяаважийбаяог̇зна самбаад̣̇зхийд̇и ад̇т̇о.
Tattha ko upajjhāyo, kenaṭṭhena upajjhāyo, kathaṃ gahito upajjhāyo, kena vattitabbaṃ upajjhāyavattaṃ, katamaṃ taṃ vattanti? Tattha ko upajjhāyoti ‘‘anujānāmi, bhikkhave, byattena bhikkhunā paṭibalena dasavassena vā atirekadasavassena vā upasampādetu’’ntiādivacanato (mahāva. 76) byattibalasampanno upasampadato paṭṭhāya dasavasso vā atirekadasavasso vā bhikkhu upajjhāyo. Kenaṭṭhena upajjhāyoti vajjāvajjaṃ upanijjhāyatīti upajjhāyo, saddhivihārikānaṃ khuddakaṃ vajjaṃ vā mahantaṃ vajjaṃ vā bhuso cintetīti attho. Kathaṃ gahito hoti upajjhāyoti saddhivihārikena ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā ‘‘upajjhāyo me, bhante, hohī’’ti tikkhattuṃ vutte sace upajjhāyo ‘‘sāhū’’ti vā ‘‘lahū’’ti vā ‘‘opāyika’’nti vā ‘‘patirūpa’’nti vā ‘‘pāsādikena sampādehī’’ti vā imesu pañcasu padesu yassa kassaci padassa vasena kāyena vā vācāya vā kāyavācāhi vā ‘‘gahito tayā upajjhāyo’’ti upajjhāyaggahaṇaṃ viññāpeti, gahito hoti upajjhāyo. Tattha sāhūti sādhu. Lahūti agaru, subharatāti attho. Opāyikanti upāyapaṭisaṃyuttaṃ, evaṃ paṭipajjanaṃ nittharaṇupāyoti attho. Patirūpanti sāmīcikammamidanti attho. Pāsādikenāti pasādāvahena kāyavacīpayogena sampādehīti attho.
гзна вад̇д̇ид̇аб̣б̣ам̣ убаж̇жхааяавад̇д̇анд̇и г̇ахид̇аубаж̇жхааязна сад̣̇д̇хивихааригзна вад̇д̇ид̇аб̣б̣ам̣. гад̇амам̣ д̇ам̣ вад̇д̇анд̇и ид̣̇ам̣ ааг̇ад̇амзва, д̇ад̇т̇а гаалассзва удтааяа убааханаа омун̃жид̇ваад̇и сажасса бажжуусагаалз жан̇гаманад̇т̇ааяа ваа д̇ход̇абаад̣̇абарихаран̣ад̇т̇ааяа ваа бадимуггаа убааханаа баад̣̇аг̇ад̇аа хонд̇и, д̇аа гаалассзва удтааяа абанзд̇ваа. д̇аад̣̇исамзва мукад̇хованод̣̇агам̣ д̣̇аад̇аб̣б̣анд̇и уд̇умби сарийрасабхаавз жа згаагаарз д̇аад̣̇исамзва д̣̇аад̇аб̣б̣ам̣.
Kena vattitabbaṃ upajjhāyavattanti gahitaupajjhāyena saddhivihārikena vattitabbaṃ. Katamaṃ taṃ vattanti idaṃ āgatameva, tattha kālasseva uṭṭhāya upāhanā omuñcitvāti sacassa paccūsakāle caṅkamanatthāya vā dhotapādapariharaṇatthāya vā paṭimukkā upāhanā pādagatā honti, tā kālasseva uṭṭhāya apanetvā. Tādisameva mukhadhovanodakaṃ dātabbanti utumpi sarīrasabhāve ca ekākāre tādisameva dātabbaṃ.
саг̇ун̣ам̣ гад̇ваад̇и уд̇д̇араасан̇г̇ам̣ сан̇гхаадин̃жаад̇и д̣̇вз жийвараани згад̇о гад̇ваа д̇аа д̣̇взби сан̇гхаадияо д̣̇аад̇аб̣б̣аа. саб̣б̣ан̃хи жийварам̣ сан̇гхадид̇ад̇д̇аа сан̇гхаадийд̇и вужжад̇и. д̇зна вуд̇д̇ам̣ ‘‘сан̇гхаадияо д̣̇аад̇аб̣б̣аа’’д̇и. бад̣̇авийд̇ихаарзхийд̇и зд̇т̇а бад̣̇ам̣ вийд̇ихарад̇и зд̇т̇аад̇и бад̣̇авийд̇ихааро, бад̣̇авийд̇ихаарадтаанам̣. д̣̇уд̇авиламб̣ид̇ам̣ агад̇ваа самаг̇аманзна д̣̇виннам̣ бад̣̇аанам̣ анд̇арз мудтирад̇анамад̇д̇ам̣. бад̣̇аанам̣ ваа вийд̇ихаран̣ам̣ абхимукам̣ харид̇ваа нигкзбо бад̣̇авийд̇ихаарод̇и звамзд̇т̇а ад̇т̇о д̣̇адтаб̣б̣о. на убаж̇жхааяасса бхан̣амаанасса анд̇аранд̇араа гат̇аа обаад̇зд̇аб̣б̣аад̇и анд̇арагхарз ваа ан̃н̃ад̇ра ваа бхан̣амаанасса анидтид̇з д̇асса важанз ан̃н̃аа гат̇аа на самудтаабзд̇аб̣б̣аа. ид̇о бадтааяаад̇и ‘‘на убаж̇жхааяасса бхан̣амаанассаа’’д̇и зд̇т̇а на-гаарад̇о бадтааяа. д̇зна наад̇ид̣̇уурзд̇иаад̣̇ийсу на-гаарабадисид̣̇д̇хзсу аабад̇д̇и над̇т̇ийд̇и д̣̇ассзд̇и. саб̣б̣ад̇т̇а д̣̇уггадаабад̇д̇ийд̇и аабад̣̇аауммад̇д̇акид̇д̇ажид̇д̇авзд̣̇анааддад̇аад̣̇ийхи винаа бан̣н̣ад̇д̇им̣ аж̇аанид̇вааби вад̣̇анд̇асса г̇илаанасса жа д̣̇уггадамзва. аабад̣̇аасу хи анд̇аранд̇араа гат̇аа вад̇д̇ум̣ ваддад̇и, зваман̃н̃зсу на-гаарабадисид̣̇д̇хзсу ийд̣̇исзсу, ид̇арзсу бана г̇илааноби на мужжад̇и. саб̣б̣ад̇т̇а д̣̇уггадаабад̇д̇и взд̣̇ид̇аб̣б̣аад̇и ‘‘ийд̣̇исзсу г̇илааноби на мужжад̇ий’’д̇и д̣̇ассанад̇т̇ам̣ вуд̇д̇ам̣. ан̃н̃амби хи яат̇аавуд̇д̇ам̣ убаж̇жхааяавад̇д̇ам̣ анаад̣̇ариязна агаронд̇асса аг̇илаанасса вад̇д̇абхзд̣̇з саб̣б̣ад̇т̇а д̣̇уггадамзва, д̇знзва вагкад̇и ‘‘аг̇илаанзна хи сад̣̇д̇хивихааригзна садтивассзнаби саб̣б̣ам̣ убаж̇жхааяавад̇д̇ам̣ гаад̇аб̣б̣ам̣, анаад̣̇ариязна агаронд̇асса вад̇д̇абхзд̣̇з д̣̇уггадам̣. на-гаарабадисам̣яуд̇д̇зсу бана бад̣̇зсу г̇илаанассаби бадигкид̇д̇агирияам̣ гаронд̇асса д̣̇уггадамзваа’’д̇и. аабад̇д̇исааманд̇аа бхан̣амаанод̇и бад̣̇асод̇хамма(баажи. 44 аад̣̇аяо)-д̣̇удтуллаад̣̇ивасзна (баараа. 283) аабад̇д̇ияаа аасаннаваажам̣ бхан̣амаано. аабад̇д̇ияаа аасаннаваажанд̇и жа аабад̇д̇иж̇анагамзва важанам̣ санд̇хааяа вад̣̇ад̇и. яааяа хи ваажааяа аабад̇д̇им̣ аабаж̇ж̇ад̇и, саа ваажаа аабад̇д̇ияаа аасаннаад̇и вужжад̇и.
Saguṇaṃkatvāti uttarāsaṅgaṃ saṅghāṭiñcāti dve cīvarāni ekato katvā tā dvepi saṅghāṭiyo dātabbā. Sabbañhi cīvaraṃ saṅghaṭitattā saṅghāṭīti vuccati. Tena vuttaṃ ‘‘saṅghāṭiyo dātabbā’’ti. Padavītihārehīti ettha padaṃ vītiharati etthāti padavītihāro, padavītihāraṭṭhānaṃ. Dutavilambitaṃ akatvā samagamanena dvinnaṃ padānaṃ antare muṭṭhiratanamattaṃ. Padānaṃ vā vītiharaṇaṃ abhimukhaṃ haritvā nikkhepo padavītihāroti evamettha attho daṭṭhabbo. Na upajjhāyassa bhaṇamānassa antarantarā kathā opātetabbāti antaraghare vā aññatra vā bhaṇamānassa aniṭṭhite tassa vacane aññā kathā na samuṭṭhāpetabbā. Ito paṭṭhāyāti ‘‘na upajjhāyassa bhaṇamānassā’’ti ettha na-kārato paṭṭhāya. Tena nātidūretiādīsu na-kārapaṭisiddhesu āpatti natthīti dasseti. Sabbattha dukkaṭāpattīti āpadāummattakhittacittavedanāṭṭatādīhi vinā paṇṇattiṃ ajānitvāpi vadantassa gilānassa ca dukkaṭameva. Āpadāsu hi antarantarā kathā vattuṃ vaṭṭati, evamaññesu na-kārapaṭisiddhesu īdisesu, itaresu pana gilānopi na muccati. Sabbattha dukkaṭāpatti veditabbāti ‘‘īdisesu gilānopi na muccatī’’ti dassanatthaṃ vuttaṃ. Aññampi hi yathāvuttaṃ upajjhāyavattaṃ anādariyena akarontassa agilānassa vattabhede sabbattha dukkaṭameva, teneva vakkhati ‘‘agilānena hi saddhivihārikena saṭṭhivassenapi sabbaṃ upajjhāyavattaṃ kātabbaṃ, anādariyena akarontassa vattabhede dukkaṭaṃ. Na-kārapaṭisaṃyuttesu pana padesu gilānassapi paṭikkhittakiriyaṃ karontassa dukkaṭamevā’’ti. Āpattisāmantā bhaṇamānoti padasodhamma(pāci. 44 ādayo)-duṭṭhullādivasena (pārā. 283) āpattiyā āsannavācaṃ bhaṇamāno. Āpattiyā āsannavācanti ca āpattijanakameva vacanaṃ sandhāya vadati. Yāya hi vācāya āpattiṃ āpajjati, sā vācā āpattiyā āsannāti vuccati.
жийварзна бад̇д̇ам̣ взтзд̇ваад̇и зд̇т̇а ‘‘уд̇д̇араасан̇г̇асса згзна ган̣н̣зна взтзд̇ваа’’д̇и г̇ан̣тибад̣̇зсу вуд̇д̇ам̣. хздтаабийтам̣ ваа бараамасид̇ваад̇и ид̣̇ам̣ буб̣б̣з д̇ад̇т̇а табид̇абад̇д̇аад̣̇инаа асан̇гхадданад̇т̇ааяа вуд̇д̇ам̣. жагкунаа ологзд̇вааби ан̃н̃зсам̣ абхаавам̣ н̃ад̇вааби табзд̇ум̣ ваддад̇и зва. жад̇уран̇г̇улам̣ ган̣н̣ам̣ уссаарзд̇ваад̇и ган̣н̣ам̣ жад̇уран̇г̇улаббамаан̣ам̣ ад̇ирзгам̣ гад̇ваа звам̣ жийварам̣ сан̇гхарид̇аб̣б̣ам̣. обхог̇з гааяаб̣анд̇ханам̣ гаад̇аб̣б̣анд̇и гааяаб̣анд̇ханам̣ сан̇гхарид̇ваа жийварабхог̇з багкибид̇ваа табзд̇аб̣б̣ам̣. сажз бин̣д̣абаад̇о ход̇ийд̇и зд̇т̇а яо г̇аамзязва ваа анд̇арагхарз ваа бадиггаманз ваа бхун̃ж̇ид̇ваа ааг̇ажчад̇и, бин̣д̣ам̣ ваа на лабхад̇и, д̇асса бин̣д̣абаад̇о на ход̇и, г̇аамз абхуд̇д̇асса бана лад̣̇д̇хабхигкасса ваа ход̇и, д̇асмаа ‘‘сажз бин̣д̣абаад̇о ход̇ий’’д̇иаад̣̇и вуд̇д̇ам̣. д̇ад̇т̇а г̇аамзд̇и г̇аамабарияаабаннз д̇аад̣̇исз гисмин̃жи бад̣̇зсз. анд̇арагхарзд̇и анд̇ог̇зхз. бадиггаманзд̇и аасанасаалааяам̣. сажзби д̇асса на ход̇и, бхун̃ж̇ид̇угаамо жа ход̇и, уд̣̇агам̣ д̣̇ад̇ваа ад̇д̇анаа лад̣̇д̇хад̇оби бин̣д̣абаад̇о убанзд̇аб̣б̣о. д̇игкад̇д̇ум̣ баанийязна бужчид̇аб̣б̣од̇и самб̣анд̇хо, аад̣̇имхи маж̇жхз анд̇зд̇и звам̣ д̇игкад̇д̇ум̣ бужчид̇аб̣б̣од̇и ад̇т̇о. убагадтод̇и аасанно. д̇ход̇аваалигааяаад̇и уд̣̇агзна г̇ад̇адтаанз нираж̇ааяа барисуд̣̇д̇хаваалигааяа.
Cīvarena pattaṃ veṭhetvāti ettha ‘‘uttarāsaṅgassa ekena kaṇṇena veṭhetvā’’ti gaṇṭhipadesu vuttaṃ. Heṭṭhāpīṭhaṃ vā parāmasitvāti idaṃ pubbe tattha ṭhapitapattādinā asaṅghaṭṭanatthāya vuttaṃ. Cakkhunā oloketvāpi aññesaṃ abhāvaṃ ñatvāpi ṭhapetuṃ vaṭṭati eva. Caturaṅgulaṃ kaṇṇaṃ ussāretvāti kaṇṇaṃ caturaṅgulappamāṇaṃ atirekaṃ katvā evaṃ cīvaraṃ saṅgharitabbaṃ. Obhoge kāyabandhanaṃ kātabbanti kāyabandhanaṃ saṅgharitvā cīvarabhoge pakkhipitvā ṭhapetabbaṃ. Sace piṇḍapāto hotīti ettha yo gāmeyeva vā antaraghare vā paṭikkamane vā bhuñjitvā āgacchati, piṇḍaṃ vā na labhati, tassa piṇḍapāto na hoti, gāme abhuttassa pana laddhabhikkhassa vā hoti, tasmā ‘‘sace piṇḍapāto hotī’’tiādi vuttaṃ. Tattha gāmeti gāmapariyāpanne tādise kismiñci padese. Antaraghareti antogehe. Paṭikkamaneti āsanasālāyaṃ. Sacepi tassa na hoti, bhuñjitukāmo ca hoti, udakaṃ datvā attanā laddhatopi piṇḍapāto upanetabbo. Tikkhattuṃ pānīyena pucchitabboti sambandho, ādimhi majjhe anteti evaṃ tikkhattuṃ pucchitabboti attho. Upakaṭṭhoti āsanno. Dhotavālikāyāti udakena gataṭṭhāne nirajāya parisuddhavālikāya.
нид̣̇д̇хуумзд̇и ж̇анд̇аагхарз ж̇аламаанааг̇г̇ид̇хуумарахид̇з. ж̇анд̇аагхаран̃хи наама химабаад̇аб̣ахугзсу д̣̇зсзсу д̇аббажжаяарог̇абийл̣аад̣̇инивааран̣ад̇т̇ам̣ сарийрасзд̣̇ад̇аабанадтаанам̣. д̇ад̇т̇а гира анд̇хагаарабадижчаннад̇ааяа б̣ахууби згад̇о бависид̇ваа жийварам̣ нигкибид̇ваа аг̇г̇ид̇аабабарихаарааяа мад̇д̇игааяа мукам̣ лимбид̇ваа сарийрам̣ яаавад̣̇ад̇т̇ам̣ сзд̣̇зд̇ваа жун̣н̣аад̣̇ийхи уб̣б̣аддзд̇ваа нахааяанд̇и. д̇знзва баал̣ияам̣ (махаава. 66) ‘‘жун̣н̣ам̣ саннзд̇аб̣б̣а’’нд̇иаад̣̇и вуд̇д̇ам̣. сажз уссахад̇ийд̇и сажз баход̇и. вуд̇д̇амзвад̇т̇ам̣ вибхаавзд̇и ‘‘гзнажи г̇злан̃н̃зна анабхибхууд̇о ход̇ий’’д̇и. абадигхам̣санд̇знаад̇и бхуумияам̣ абадигхам̣санд̇зна. гаваадабийтанд̇и гаваадабийтан̃жа бидтасан̇гхаад̇ан̃жа ажчубанд̇зна. санд̇аанаганд̇и яам̣ гин̃жи гийдагулаавагамаггадагасуд̇д̇аад̣̇и. уллогаа батамам̣ охаарзд̇аб̣б̣анд̇и уллогад̇о батамам̣ уллогам̣ аад̣̇им̣ гад̇ваа авахарид̇аб̣б̣анд̇и ад̇т̇о. уллоганд̇и жа уд̣̇д̇хам̣ ологанадтаанам̣, убарибхааг̇анд̇и ад̇т̇о. аалогасанд̇хиган̣н̣абхааг̇аад̇и аалогасанд̇хибхааг̇аа жа ган̣н̣абхааг̇аа жа, аб̣бханд̇араб̣аахираваад̇абаанагаваадагаани жа г̇аб̣бхасса жа жад̇д̇ааро гон̣аа саммаж̇ж̇ид̇аб̣б̣аад̇и ад̇т̇о.
Niddhūmeti jantāghare jalamānaaggidhūmarahite. Jantāgharañhi nāma himapātabahukesu desesu tappaccayarogapīḷādinivāraṇatthaṃ sarīrasedatāpanaṭṭhānaṃ. Tattha kira andhakārapaṭicchannatāya bahūpi ekato pavisitvā cīvaraṃ nikkhipitvā aggitāpaparihārāya mattikāya mukhaṃ limpitvā sarīraṃ yāvadatthaṃ sedetvā cuṇṇādīhi ubbaṭṭetvā nahāyanti. Teneva pāḷiyaṃ (mahāva. 66) ‘‘cuṇṇaṃ sannetabba’’ntiādi vuttaṃ. Sace ussahatīti sace pahoti. Vuttamevatthaṃ vibhāveti ‘‘kenaci gelaññena anabhibhūto hotī’’ti. Apaṭighaṃsantenāti bhūmiyaṃ apaṭighaṃsantena. Kavāṭapīṭhanti kavāṭapīṭhañca piṭṭhasaṅghātañca acchupantena. Santānakanti yaṃ kiñci kīṭakulāvakamakkaṭakasuttādi. Ullokā paṭhamaṃ ohāretabbanti ullokato paṭhamaṃ ullokaṃ ādiṃ katvā avaharitabbanti attho. Ullokanti ca uddhaṃ olokanaṭṭhānaṃ, uparibhāganti attho. Ālokasandhikaṇṇabhāgāti ālokasandhibhāgā ca kaṇṇabhāgā ca, abbhantarabāhiravātapānakavāṭakāni ca gabbhassa ca cattāro koṇā sammajjitabbāti attho.
ан̃н̃ад̇т̇а нзд̇аб̣б̣од̇и яад̇т̇а вихаарад̇о саасанз анабхирад̇и уббаннаа, д̇ад̇о ан̃н̃ад̇т̇а галяаан̣амид̇д̇аад̣̇исамбад̇д̇ияуд̇д̇адтаанз нзд̇аб̣б̣о. на жа ажчиннз т̇звз баггамид̇аб̣б̣анд̇и раж̇ид̇ажийварад̇о яаава аббамад̇д̇агамби раж̇анам̣ г̇ал̣ад̇и, на д̇аава баггамид̇аб̣б̣ам̣. на убаж̇жхааяам̣ анаабужчаа згажжасса бад̇д̇о д̣̇аад̇аб̣б̣од̇иаад̣̇и саб̣б̣ам̣ убаж̇жхааяасса висабхааг̇абуг̇г̇алаанам̣ васзна гат̇ид̇ам̣. зд̇т̇а жа висабхааг̇абуг̇г̇алаананд̇и лаж̇ж̇ино ваа алаж̇ж̇ино ваа убаж̇жхааяасса авад̣дхигаамз санд̇хааяа вуд̇д̇ам̣. сажз бана убаж̇жхааяо алаж̇ж̇ий оваад̣̇амби на г̇ан̣хаад̇и, лаж̇ж̇ино жа зд̇асса висабхааг̇аа хонд̇и, д̇ад̇т̇а убаж̇жхааяам̣ вихааяа лаж̇ж̇ийхзва сад̣̇д̇хим̣ аамисаад̣̇ибарибхог̇о гаад̇аб̣б̣о. убаж̇жхааяаад̣̇ибхааво хзд̇т̇а наббамаан̣анд̇и д̣̇адтаб̣б̣ам̣. баривзн̣ам̣ г̇анд̇ваад̇и убаж̇жхааяасса баривзн̣ам̣ г̇анд̇ваа. сусаананд̇и ид̣̇ам̣ убалагкан̣ам̣. убажаарасиймад̇о б̣ахи г̇анд̇угаамзна анаабужчаа г̇анд̇ум̣ на ваддад̇и. вудтаанамасса ааг̇амзд̇аб̣б̣анд̇и г̇злан̃н̃ад̇о вудтаанам̣ асса ааг̇амзд̇аб̣б̣ам̣.
Aññattha netabboti yattha vihārato sāsane anabhirati uppannā, tato aññattha kalyāṇamittādisampattiyuttaṭṭhāne netabbo. Na ca acchinne theve pakkamitabbanti rajitacīvarato yāva appamattakampi rajanaṃ gaḷati, na tāva pakkamitabbaṃ. Na upajjhāyaṃ anāpucchā ekaccassa patto dātabbotiādi sabbaṃ upajjhāyassa visabhāgapuggalānaṃ vasena kathitaṃ. Ettha ca visabhāgapuggalānanti lajjino vā alajjino vā upajjhāyassa avaḍḍhikāme sandhāya vuttaṃ. Sace pana upajjhāyo alajjī ovādampi na gaṇhāti, lajjino ca etassa visabhāgā honti, tattha upajjhāyaṃ vihāya lajjīheva saddhiṃ āmisādiparibhogo kātabbo. Upajjhāyādibhāvo hettha nappamāṇanti daṭṭhabbaṃ. Pariveṇaṃ gantvāti upajjhāyassa pariveṇaṃ gantvā. Susānanti idaṃ upalakkhaṇaṃ. Upacārasīmato bahi gantukāmena anāpucchā gantuṃ na vaṭṭati. Vuṭṭhānamassa āgametabbanti gelaññato vuṭṭhānaṃ assa āgametabbaṃ.
убаж̇жхааяавад̇д̇агат̇ааван̣н̣анаа нидтид̇аа.
Upajjhāyavattakathāvaṇṇanā niṭṭhitā.
аажарияавад̇д̇агат̇ааван̣н̣анаа
Ācariyavattakathāvaṇṇanā
184. аажарияавад̇д̇агат̇ааяам̣ го аажарияо, гзнадтзна аажарияо, гад̇ивид̇хо аажарияо, гат̇ам̣ г̇ахид̇о аажарияо, гзна вад̇д̇ид̇аб̣б̣ам̣ аажарияавад̇д̇ам̣, гад̇амам̣ д̇ам̣ вад̇д̇анд̇и? д̇ад̇т̇а го аажарияод̇и ‘‘ануж̇аанаами, бхигкавз, д̣̇асавассам̣ ниссааяа вад̇т̇ум̣ д̣̇асавассзна ниссаяам̣ д̣̇аад̇у’’нд̇иаад̣̇иважанад̇о (махаава. 77) б̣яад̇д̇иб̣аласамбанно д̣̇асавассо ваа ад̇ирзгад̣̇асавассо ваа бхигку аажарияо. гзнадтзна аажарияод̇и анд̇зваасигзна аабхусо жарид̇аб̣б̣од̇и аажарияо, убадтаад̇аб̣б̣од̇и ад̇т̇о. гад̇ивид̇хо аажарияод̇и ниссаяаажарияабаб̣б̣аж̇ж̇аажарияаубасамбад̣̇аажарияад̇хаммаажарияавасзна жад̇уб̣б̣ид̇хо. д̇ад̇т̇а ниссаяам̣ г̇ахзд̇ваа д̇ам̣ ниссааяа вад̇т̇аб̣б̣о ниссаяаажарияо. баб̣б̣аж̇ид̇агаалз сигкид̇аб̣б̣асигкаабаго баб̣б̣аж̇ж̇аажарияо. убасамбад̣̇агаалз гаммаваажаануссааваго убасамбад̣̇аажарияо. б̣уд̣̇д̇хаважанасигкаабаго д̇хаммаажарияо наама. гат̇ам̣ г̇ахид̇о ход̇и аажарияод̇и анд̇зваасигзна згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘аажарияо мз, бханд̇з, хохи, ааяасмад̇о ниссааяа важчаамий’’д̇и д̇игкад̇д̇ум̣ вуд̇д̇з аажарияо ‘‘саахуу’’д̇и ваа ‘‘лахуу’’д̇и ваа ‘‘обааяига’’нд̇и ваа ‘‘бад̇ирууба’’нд̇и ваа ‘‘баасаад̣̇игзна самбаад̣̇зхий’’д̇и ваа гааязна вин̃н̃аабзд̇и , ваажааяа вин̃н̃аабзд̇и, гааяаваажаахи вин̃н̃аабзд̇и, г̇ахид̇о ход̇и аажарияо.
184. Ācariyavattakathāyaṃ ko ācariyo, kenaṭṭhena ācariyo, katividho ācariyo, kathaṃ gahito ācariyo, kena vattitabbaṃ ācariyavattaṃ, katamaṃ taṃ vattanti? Tattha ko ācariyoti ‘‘anujānāmi, bhikkhave, dasavassaṃ nissāya vatthuṃ dasavassena nissayaṃ dātu’’ntiādivacanato (mahāva. 77) byattibalasampanno dasavasso vā atirekadasavasso vā bhikkhu ācariyo. Kenaṭṭhena ācariyoti antevāsikena ābhuso caritabboti ācariyo, upaṭṭhātabboti attho. Katividho ācariyoti nissayācariyapabbajjācariyaupasampadācariyadhammācariyavasena catubbidho. Tattha nissayaṃ gahetvā taṃ nissāya vatthabbo nissayācariyo. Pabbajitakāle sikkhitabbasikkhāpako pabbajjācariyo. Upasampadakāle kammavācānussāvako upasampadācariyo. Buddhavacanasikkhāpako dhammācariyo nāma. Kathaṃ gahito hoti ācariyoti antevāsikena ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā ‘‘ācariyo me, bhante, hohi, āyasmato nissāya vacchāmī’’ti tikkhattuṃ vutte ācariyo ‘‘sāhū’’ti vā ‘‘lahū’’ti vā ‘‘opāyika’’nti vā ‘‘patirūpa’’nti vā ‘‘pāsādikena sampādehī’’ti vā kāyena viññāpeti , vācāya viññāpeti, kāyavācāhi viññāpeti, gahito hoti ācariyo.
гзна вад̇д̇ид̇аб̣б̣ам̣ аажарияавад̇д̇анд̇и анд̇зваасигзна вад̇д̇ид̇аб̣б̣ам̣ аажарияавад̇д̇ам̣. б̣яад̇д̇зна бхигкунаа бан̃жа вассаани ниссааяа вад̇т̇аб̣б̣ам̣, аб̣яад̇д̇зна яааваж̇ийвам̣. зд̇т̇а сажааяам̣ бхигку вуд̣дхад̇арам̣ аажарияам̣ на лабхад̇и, убасамбад̣̇ааяа садтивассо ваа сад̇д̇ад̇ивассо ваа ход̇и, навагад̇арассаби б̣яад̇д̇асса санд̇игз уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘аажарияо мз, аавусо, хохи, ааяасмад̇о ниссааяа важчаамий’’д̇и звам̣ д̇игкад̇д̇ум̣ вад̇ваа ниссаяо г̇ахзд̇аб̣б̣о. г̇аамаббавзсанам̣ аабужчанд̇знаби уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘г̇аамаббавзсанам̣ аабужчаами аажарияаа’’д̇и вад̇д̇аб̣б̣ам̣. зса наяо саб̣б̣ааабужчанзсу. гад̇амам̣ д̇ам̣ вад̇д̇анд̇и зд̇т̇а убаж̇жхааяавад̇д̇ад̇о ан̃н̃ам̣ над̇т̇ийд̇и ааха ‘‘ид̣̇амзва жа…бз… аажарияавад̇д̇анд̇и вужжад̇ий’’д̇и. нану убаж̇жхаажарияаа бхиннабад̣̇ад̇т̇аа, ат̇а гасмаа ид̣̇амзва ‘‘аажарияавад̇д̇а’’нд̇и вужжад̇ийд̇и ааха ‘‘аажарияасса гад̇д̇аб̣б̣ад̇д̇аа’’д̇и. яат̇аа згоби бхигку маад̇убхаад̇аабхууд̇ад̇д̇аа ‘‘маад̇уло’’д̇и жа д̇хаммз сигкаабагад̇д̇аа ‘‘аажарияо’’д̇и жа вужжад̇и, звам̣ згамзва вад̇д̇ам̣ убаж̇жхааяасса гад̇д̇аб̣б̣ад̇д̇аа ‘‘убаж̇жхааяавад̇д̇а’’нд̇и жа аажарияасса гад̇д̇аб̣б̣ад̇д̇аа ‘‘аажарияавад̇д̇а’’нд̇и жа вужжад̇ийд̇и ад̇хиббааяо. звам̣ санд̇зби наамз бхиннз ад̇т̇о бхинно сияаад̇и ааха ‘‘наамамад̇д̇амзва хзд̇т̇а наана’’нд̇и. яат̇аа ‘‘инд̣̇о сагго’’д̇иаад̣̇ийсу наамамад̇д̇амзва бхиннам̣, на ад̇т̇о, звамзд̇т̇аабийд̇и д̣̇адтаб̣б̣од̇и.
Kena vattitabbaṃ ācariyavattanti antevāsikena vattitabbaṃ ācariyavattaṃ. Byattena bhikkhunā pañca vassāni nissāya vatthabbaṃ, abyattena yāvajīvaṃ. Ettha sacāyaṃ bhikkhu vuḍḍhataraṃ ācariyaṃ na labhati, upasampadāya saṭṭhivasso vā sattativasso vā hoti, navakatarassapi byattassa santike ukkuṭikaṃ nisīditvā añjaliṃ paggahetvā ‘‘ācariyo me, āvuso, hohi, āyasmato nissāya vacchāmī’’ti evaṃ tikkhattuṃ vatvā nissayo gahetabbo. Gāmappavesanaṃ āpucchantenapi ukkuṭikaṃ nisīditvā añjaliṃ paggahetvā ‘‘gāmappavesanaṃ āpucchāmi ācariyā’’ti vattabbaṃ. Esa nayo sabbaāpucchanesu. Katamaṃ taṃ vattanti ettha upajjhāyavattato aññaṃ natthīti āha ‘‘idameva ca…pe… ācariyavattanti vuccatī’’ti. Nanu upajjhācariyā bhinnapadatthā, atha kasmā idameva ‘‘ācariyavatta’’nti vuccatīti āha ‘‘ācariyassa kattabbattā’’ti. Yathā ekopi bhikkhu mātubhātābhūtattā ‘‘mātulo’’ti ca dhamme sikkhāpakattā ‘‘ācariyo’’ti ca vuccati, evaṃ ekameva vattaṃ upajjhāyassa kattabbattā ‘‘upajjhāyavatta’’nti ca ācariyassa kattabbattā ‘‘ācariyavatta’’nti ca vuccatīti adhippāyo. Evaṃ santepi nāme bhinne attho bhinno siyāti āha ‘‘nāmamattameva hettha nāna’’nti. Yathā ‘‘indo sakko’’tiādīsu nāmamattameva bhinnaṃ, na attho, evametthāpīti daṭṭhabboti.
ид̣̇аани д̇асмим̣ вад̇д̇з сад̣̇д̇хивихааригаанд̇зваасигаанам̣ васзна лаб̣бхамаанам̣ ган̃жи висзсам̣ д̣̇ассзнд̇о ‘‘д̇ад̇т̇а яаава жийварараж̇ана’’нд̇яаад̣̇имааха. д̇ад̇о убаж̇жхааяаажарияаанам̣ васзна висзсам̣ д̣̇ассзд̇ум̣ ‘‘убаж̇жхааяз’’д̇яаад̣̇имааха. д̇зсу вад̇д̇ам̣ саад̣̇ияанд̇зсу аабад̇д̇и, асаад̣̇ияанд̇зсу анаабад̇д̇и, д̇зсу аж̇аананд̇зсу , згасса бхаарагаран̣зби анаабад̇д̇ийд̇и аяамзд̇т̇а бин̣д̣ад̇т̇о. ид̣̇аани анд̇зваасигависзсавасзна лаб̣бхамаанависзсам̣ д̣̇ассзд̇умааха ‘‘зд̇т̇а жаа’’д̇иаад̣̇и.
Idāni tasmiṃ vatte saddhivihārikaantevāsikānaṃ vasena labbhamānaṃ kañci visesaṃ dassento ‘‘tattha yāva cīvararajana’’ntyādimāha. Tato upajjhāyācariyānaṃ vasena visesaṃ dassetuṃ ‘‘upajjhāye’’tyādimāha. Tesu vattaṃ sādiyantesu āpatti, asādiyantesu anāpatti, tesu ajānantesu , ekassa bhārakaraṇepi anāpattīti ayamettha piṇḍattho. Idāni antevāsikavisesavasena labbhamānavisesaṃ dassetumāha ‘‘ettha cā’’tiādi.
аажарияавад̇д̇агат̇ааван̣н̣анаа нидтид̇аа.
Ācariyavattakathāvaṇṇanā niṭṭhitā.
сад̣̇д̇хивихааригавад̇д̇агат̇ааван̣н̣анаа
Saddhivihārikavattakathāvaṇṇanā
сад̣̇д̇хивихааригавад̇д̇з го сад̣̇д̇хивихаариго, гзнадтзна сад̣̇д̇хивихаариго, гзна вад̇д̇ид̇аб̣б̣ам̣ сад̣̇д̇хивихааригавад̇д̇ам̣, гад̇амам̣ д̇ам̣ вад̇д̇анд̇и? д̇ад̇т̇а го сад̣̇д̇хивихааригод̇и убасамбанно ваа ход̇у сааман̣зро ваа, яо убаж̇жхам̣ г̇ан̣хаад̇и, со сад̣̇д̇хивихаариго наама. гзнадтзна сад̣̇д̇хивихааригод̇и убаж̇жхааязна сад̣̇д̇хим̣ вихааро зд̇асса ад̇т̇ийд̇и сад̣̇д̇хивихааригод̇и ад̇т̇зна. гзна вад̇д̇ид̇аб̣б̣ам̣ сад̣̇д̇хивихааригавад̇д̇анд̇и убаж̇жхааязна вад̇д̇ид̇аб̣б̣ам̣. д̇зна вуд̇д̇ам̣ вад̇д̇агканд̇хагз (махаава. 378) ‘‘д̇зна хи, бхигкавз, убаж̇жхааяаанам̣ сад̣̇д̇хивихааригзсу вад̇д̇ам̣ бан̃н̃абзссаами, яат̇аа убаж̇жхааязхи сад̣̇д̇хивихааригзсу вад̇д̇ид̇аб̣б̣а’’нд̇и. гад̇амам̣ д̇ам̣ вад̇д̇анд̇и ид̣̇аани багаран̣ааг̇ад̇ам̣. имасмим̣ бана багаран̣з сан̇кзбаружид̇д̇аа, аажарияасад̣̇д̇хивихааригаанд̇зваасигавад̇д̇аанан̃жа самаанад̇д̇аа д̣̇взби згад̇о вуд̇д̇аа, д̇ат̇ааби вад̇д̇агканд̇хагз висум̣ висум̣ ааг̇ад̇ад̇д̇аа висум̣ висум̣язва гат̇аяаама.
Saddhivihārikavatte ko saddhivihāriko, kenaṭṭhena saddhivihāriko, kena vattitabbaṃ saddhivihārikavattaṃ, katamaṃ taṃ vattanti? Tattha ko saddhivihārikoti upasampanno vā hotu sāmaṇero vā, yo upajjhaṃ gaṇhāti, so saddhivihāriko nāma. Kenaṭṭhena saddhivihārikoti upajjhāyena saddhiṃ vihāro etassa atthīti saddhivihārikoti atthena. Kena vattitabbaṃ saddhivihārikavattanti upajjhāyena vattitabbaṃ. Tena vuttaṃ vattakkhandhake (mahāva. 378) ‘‘tena hi, bhikkhave, upajjhāyānaṃ saddhivihārikesu vattaṃ paññapessāmi, yathā upajjhāyehi saddhivihārikesu vattitabba’’nti. Katamaṃ taṃ vattanti idāni pakaraṇāgataṃ. Imasmiṃ pana pakaraṇe saṅkheparucittā, ācariyasaddhivihārikaantevāsikavattānañca samānattā dvepi ekato vuttā, tathāpi vattakkhandhake visuṃ visuṃ āgatattā visuṃ visuṃyeva kathayāma.
сан̇г̇ахзд̇аб̣б̣о ануг̇г̇ахзд̇аб̣б̣од̇и уд̣̇д̣̇зсаад̣̇ийхисса сан̇г̇ахо жа ануг̇г̇ахо жа гаад̇аб̣б̣о. д̇ад̇т̇а уд̣̇д̣̇зсод̇и баал̣иважанам̣. барибужчаад̇и баал̣ияаа ад̇т̇аван̣н̣анаа. оваад̣̇од̇и анод̇ин̣н̣з вад̇т̇усмим̣ ‘‘ид̣̇ам̣ гарохи, ид̣̇ам̣ маа гарид̇т̇аа’’д̇и важанам̣. анусаасанийд̇и од̇ин̣н̣з вад̇т̇усмим̣. абижа од̇ин̣н̣з ваа анод̇ин̣н̣з ваа батамам̣ важанам̣ оваад̣̇о, бунаббунам̣ важанам̣ анусаасанийд̇и д̣̇адтаб̣б̣ам̣. сажз убаж̇жхааяасса бад̇д̇о ход̇ийд̇и сажз ад̇ирзгабад̇д̇о ход̇и. зса наяо саб̣б̣ад̇т̇а. баригкаарод̇и ан̃н̃оби саман̣абаригкааро. ид̇ха уссуггам̣ наама д̇хаммиязна наязна уббаж̇ж̇амаанаубааяабариязсанам̣. ид̇о барам̣ д̣̇анд̇агадтад̣̇аанам̣ аад̣̇им̣ гад̇ваа аажаманагумбхияаа уд̣̇агасин̃жанабарияосаанам̣ вад̇д̇ам̣ г̇илаанассзва сад̣̇д̇хивихааригасса гаад̇аб̣б̣ам̣. анабхирад̇ивуубагаасанаад̣̇и бана аг̇илаанассаби гад̇д̇аб̣б̣амзва. жийварам̣ раж̇анд̇знаад̇и ‘‘звам̣ раж̇зяяаасий’’д̇и убаж̇жхааяад̇о убааяам̣ суд̇ваа раж̇анд̇зна. сзсам̣ вуд̇д̇анаязнзва взд̣̇ид̇аб̣б̣ам̣. сан̇г̇ахзд̇аб̣б̣о ануг̇г̇ахзд̇аб̣б̣од̇иаад̣̇ийсу анаад̣̇арияам̣ бадижжа д̇хаммаамисзхи асан̇г̇ан̣ханд̇аанам̣ аажарияубаж̇жхааяаанам̣ д̣̇уггадам̣ вад̇д̇абхзд̣̇ад̇д̇аа. д̇знзва бариваарзби (бари. 322) ‘‘на д̣̇знд̇о аабаж̇ж̇ад̇ий’’д̇и вуд̇д̇ам̣. сзсам̣ сувин̃н̃зяяамзва.
Saṅgahetabbo anuggahetabboti uddesādīhissa saṅgaho ca anuggaho ca kātabbo. Tattha uddesoti pāḷivacanaṃ. Paripucchāti pāḷiyā atthavaṇṇanā. Ovādoti anotiṇṇe vatthusmiṃ ‘‘idaṃ karohi, idaṃ mā karitthā’’ti vacanaṃ. Anusāsanīti otiṇṇe vatthusmiṃ. Apica otiṇṇe vā anotiṇṇe vā paṭhamaṃ vacanaṃ ovādo, punappunaṃ vacanaṃ anusāsanīti daṭṭhabbaṃ. Sace upajjhāyassa patto hotīti sace atirekapatto hoti. Esa nayo sabbattha. Parikkhāroti aññopi samaṇaparikkhāro. Idha ussukkaṃ nāma dhammiyena nayena uppajjamānaupāyapariyesanaṃ. Ito paraṃ dantakaṭṭhadānaṃ ādiṃ katvā ācamanakumbhiyā udakasiñcanapariyosānaṃ vattaṃ gilānasseva saddhivihārikassa kātabbaṃ. Anabhirativūpakāsanādi pana agilānassapi kattabbameva. Cīvaraṃ rajantenāti ‘‘evaṃ rajeyyāsī’’ti upajjhāyato upāyaṃ sutvā rajantena. Sesaṃ vuttanayeneva veditabbaṃ. Saṅgahetabbo anuggahetabbotiādīsu anādariyaṃ paṭicca dhammāmisehi asaṅgaṇhantānaṃ ācariyupajjhāyānaṃ dukkaṭaṃ vattabhedattā. Teneva parivārepi (pari. 322) ‘‘na dento āpajjatī’’ti vuttaṃ. Sesaṃ suviññeyyameva.
сад̣̇д̇хивихааригавад̇д̇агат̇ааван̣н̣анаа нидтид̇аа.
Saddhivihārikavattakathāvaṇṇanā niṭṭhitā.
анд̇зваасигавад̇д̇агат̇ааван̣н̣анаа
Antevāsikavattakathāvaṇṇanā
анд̇зваасигавад̇д̇з го анд̇зваасиго, гзнадтзна анд̇зваасиго, гад̇ивид̇хаа анд̇зваасигаа, гзна вад̇д̇ид̇аб̣б̣ам̣ анд̇зваасигавад̇д̇ам̣, гад̇амам̣ д̇ам̣ вад̇д̇анд̇и? д̇ад̇т̇а го анд̇зваасигод̇и убасамбанно ваа ход̇у сааман̣зро ваа, яо аажарияасса санд̇игз ниссаяам̣ г̇ан̣хаад̇и, яо ваа аажарияасса оваад̣̇ам̣ г̇ахзд̇ваа баб̣б̣аж̇ад̇и, яо ваа д̇знаануссаавид̇о худ̇ваа убасамбаж̇ж̇ад̇и, яо ваа д̇асса санд̇игз д̇хаммам̣ барияаабун̣аад̇и, со саб̣б̣о анд̇зваасигод̇и взд̣̇ид̇аб̣б̣о. д̇ад̇т̇а батамо ниссаяанд̇зваасиго наама, д̣̇уд̇ияо баб̣б̣аж̇ж̇анд̇зваасиго наама, д̇ад̇ияо убасамбад̣̇анд̇зваасиго наама, жад̇уд̇т̇о д̇хамманд̇зваасиго наама. ан̃н̃ад̇т̇а бана сиббанд̇зваасигоби ааг̇ад̇о, со ид̇ха наад̇хиббзд̇о . гзнадтзна анд̇зваасигод̇и анд̇з васад̇ийд̇и анд̇зваасиго алуд̇д̇асамаасавасзна. гад̇ивид̇хаа анд̇зваасигаад̇и яат̇аавуд̇д̇анаязна жад̇уб̣б̣ид̇хаа анд̇зваасигаа.
Antevāsikavatte ko antevāsiko, kenaṭṭhena antevāsiko, katividhā antevāsikā, kena vattitabbaṃ antevāsikavattaṃ, katamaṃ taṃ vattanti? Tattha ko antevāsikoti upasampanno vā hotu sāmaṇero vā, yo ācariyassa santike nissayaṃ gaṇhāti, yo vā ācariyassa ovādaṃ gahetvā pabbajati, yo vā tenānussāvito hutvā upasampajjati, yo vā tassa santike dhammaṃ pariyāpuṇāti, so sabbo antevāsikoti veditabbo. Tattha paṭhamo nissayantevāsiko nāma, dutiyo pabbajjantevāsiko nāma, tatiyo upasampadantevāsiko nāma, catuttho dhammantevāsiko nāma. Aññattha pana sippantevāsikopi āgato, so idha nādhippeto . Kenaṭṭhena antevāsikoti ante vasatīti antevāsiko aluttasamāsavasena. Katividhā antevāsikāti yathāvuttanayena catubbidhā antevāsikā.
гзна вад̇д̇ид̇аб̣б̣ам̣ анд̇зваасигавад̇д̇анд̇и жад̇уб̣б̣ид̇хзхи аажариязхи анд̇зваасигзсу вад̇д̇ид̇аб̣б̣ам̣. яат̇ааха вад̇д̇агканд̇хагз (жуул̣ава. 382) ‘‘д̇зна хи, бхигкавз, аажарияаанам̣ анд̇зваасигзсу вад̇д̇ам̣ бан̃н̃абзссаами, яат̇аа аажариязхи анд̇зваасигзсу вад̇д̇ид̇аб̣б̣а’’нд̇и. гад̇амам̣ д̇ам̣ вад̇д̇анд̇и яам̣ бхаг̇авад̇аа вад̇д̇агканд̇хагз вуд̇д̇ам̣, ид̇ха жа сан̇кзбзна д̣̇ассид̇ам̣, д̇ам̣ вад̇д̇анд̇и. ид̇ха бана ад̇т̇о сад̣̇д̇хивихааригавад̇д̇з вуд̇д̇анаязнзва взд̣̇ид̇аб̣б̣о. аяам̣ бана висзсо – зд̇зсу баб̣б̣аж̇ж̇анд̇зваасиго жа убасамбад̣̇анд̇зваасиго жа аажарияасса яааваж̇ийвам̣ бхааро, ниссаяанд̇зваасиго жа д̇хамманд̇зваасиго жа яаава самийбз васанд̇и, д̇аавад̣̇зва, д̇асмаа аажариязхиби д̇зсу саммаа вад̇д̇ид̇аб̣б̣ам̣. аажарияанд̇зваасигзсу хи яо яо на саммаа вад̇д̇ад̇и, д̇асса д̇асса аабад̇д̇и взд̣̇ид̇аб̣б̣аа.
Kena vattitabbaṃ antevāsikavattanti catubbidhehi ācariyehi antevāsikesu vattitabbaṃ. Yathāha vattakkhandhake (cūḷava. 382) ‘‘tena hi, bhikkhave, ācariyānaṃ antevāsikesu vattaṃ paññapessāmi, yathā ācariyehi antevāsikesu vattitabba’’nti. Katamaṃ taṃ vattanti yaṃ bhagavatā vattakkhandhake vuttaṃ, idha ca saṅkhepena dassitaṃ, taṃ vattanti. Idha pana attho saddhivihārikavatte vuttanayeneva veditabbo. Ayaṃ pana viseso – etesu pabbajjantevāsiko ca upasampadantevāsiko ca ācariyassa yāvajīvaṃ bhāro, nissayantevāsiko ca dhammantevāsiko ca yāva samīpe vasanti, tāvadeva, tasmā ācariyehipi tesu sammā vattitabbaṃ. Ācariyantevāsikesu hi yo yo na sammā vattati, tassa tassa āpatti veditabbā.
анд̇зваасигавад̇д̇агат̇ааван̣н̣анаа нидтид̇аа.
Antevāsikavattakathāvaṇṇanā niṭṭhitā.
ааг̇анд̇угавад̇д̇агат̇ааван̣н̣анаа
Āgantukavattakathāvaṇṇanā
185. ааг̇анд̇угавад̇д̇з ааг̇ажчад̇ийд̇и ааг̇анд̇уго, д̇зна вад̇д̇ид̇аб̣б̣анд̇и ааг̇анд̇угавад̇д̇ам̣. ‘‘ид̣̇аани аараамам̣ бависиссаамий’’д̇и иминаа убажаарасиймаасамийбам̣ д̣̇ассзд̇и, д̇асмаа убажаарасиймаасамийбам̣ бад̇ваа убааханааомун̃жанаад̣̇и саб̣б̣ам̣ гаад̇аб̣б̣ам̣. г̇ахзд̇ваад̇и убааханад̣̇ан̣д̣агзна г̇ахзд̇ваа. убааханабун̃чанажол̣агам̣ бужчид̇ваа убааханаа бун̃чид̇аб̣б̣аад̇и ‘‘гад̇арасмим̣ таанз убааханабун̃чанажол̣ага’’нд̇и ааваасигз бхигкуу бужчид̇ваа. бад̇т̇арид̇аб̣б̣анд̇и сугкаабанад̇т̇ааяа аад̇абз бад̇т̇арид̇аб̣б̣ам̣. сажз наваго ход̇и, абхиваад̣̇аабзд̇аб̣б̣од̇и д̇асса вассз бужчид̇з яад̣̇и д̣̇ахаро ход̇и, саяамзва ванд̣̇иссад̇и, д̇ад̣̇аа иминаа ванд̣̇аабид̇о ход̇и. ниллогзд̇аб̣б̣од̇и ологзд̇аб̣б̣о. б̣ахи тид̇знаад̇и б̣ахи нигкаманд̇асса ахино ваа амануссасса ваа маг̇г̇ам̣ тад̇ваа тид̇зна ниллогзд̇аб̣б̣о. сзсам̣ буб̣б̣з вуд̇д̇анаязнзва взд̣̇ид̇аб̣б̣ам̣.
185. Āgantukavatte āgacchatīti āgantuko, tena vattitabbanti āgantukavattaṃ. ‘‘Idāni ārāmaṃ pavisissāmī’’ti iminā upacārasīmāsamīpaṃ dasseti, tasmā upacārasīmāsamīpaṃ patvā upāhanāomuñcanādi sabbaṃ kātabbaṃ. Gahetvāti upāhanadaṇḍakena gahetvā. Upāhanapuñchanacoḷakaṃ pucchitvā upāhanā puñchitabbāti ‘‘katarasmiṃ ṭhāne upāhanapuñchanacoḷaka’’nti āvāsike bhikkhū pucchitvā. Pattharitabbanti sukkhāpanatthāya ātape pattharitabbaṃ. Sace navako hoti, abhivādāpetabboti tassa vasse pucchite yadi daharo hoti, sayameva vandissati, tadā iminā vandāpito hoti. Nilloketabboti oloketabbo. Bahi ṭhitenāti bahi nikkhamantassa ahino vā amanussassa vā maggaṃ ṭhatvā ṭhitena nilloketabbo. Sesaṃ pubbe vuttanayeneva veditabbaṃ.
ааг̇анд̇угавад̇д̇агат̇ааван̣н̣анаа нидтид̇аа.
Āgantukavattakathāvaṇṇanā niṭṭhitā.
ааваасигавад̇д̇агат̇ааван̣н̣анаа
Āvāsikavattakathāvaṇṇanā
186. ааваасигавад̇д̇з аавасад̇ийд̇и ааваасиго, д̇зна вад̇д̇ид̇аб̣б̣анд̇и ааваасигавад̇д̇ам̣. д̇ад̇т̇а ааваасигзна бхигкунаа ааг̇анд̇угам̣ бхигкум̣ вуд̣дхад̇арам̣ д̣̇исваа аасанам̣ бан̃н̃абзд̇аб̣б̣анд̇иаад̣̇и баал̣ияам̣ (жуул̣ава. 359) ааг̇ад̇ан̃жа адтагат̇ааяам̣ ааг̇ад̇ан̃жа (жуул̣ава. адта. 359) г̇ахзд̇аб̣б̣ам̣, г̇ахзд̇ваа вуд̇д̇ад̇д̇аа баагадамзва, убааханабун̃чанам̣ бана ад̇д̇ано руживасзна гаад̇аб̣б̣ам̣. д̇знзва хзд̇т̇а ‘‘сажз уссахад̇ий’’д̇и вуд̇д̇ам̣, д̇асмаа убааханаа абун̃чанд̇ассаби анаабад̇д̇и. сзнаасанам̣ бан̃н̃абзд̇аб̣б̣анд̇и зд̇т̇а ‘‘гад̇т̇а маяхам̣ сзнаасанам̣ баабун̣аад̇ий’’д̇и бужчид̇зна сзнаасанам̣ бан̃н̃абзд̇аб̣б̣ам̣, ‘‘зд̇ам̣ сзнаасанам̣ д̇умхаагам̣ баабун̣аад̇ий’’д̇и звам̣ аажигкид̇аб̣б̣анд̇и ад̇т̇о. бабподзд̇ваа бад̇т̇арид̇ум̣ бана ваддад̇иязва. зд̇зна ман̃жабийтаад̣̇им̣ бабподзд̇ваа бад̇т̇арид̇ваа убари бажжад̇т̇аран̣ам̣ д̣̇ад̇ваа д̣̇аанамби сзнаасанабан̃н̃аабанамзваад̇и д̣̇ассзд̇и. махааааваасзби ад̇д̇ано санд̇игам̣ самбад̇д̇асса ааг̇анд̇угасса вад̇д̇ам̣ агаад̇ум̣ на лаб̣бхад̇и. сзсам̣ буримасад̣̇исамзва.
186. Āvāsikavatte āvasatīti āvāsiko, tena vattitabbanti āvāsikavattaṃ. Tattha āvāsikena bhikkhunā āgantukaṃ bhikkhuṃ vuḍḍhataraṃ disvā āsanaṃ paññapetabbantiādi pāḷiyaṃ (cūḷava. 359) āgatañca aṭṭhakathāyaṃ āgatañca (cūḷava. aṭṭha. 359) gahetabbaṃ, gahetvā vuttattā pākaṭameva, upāhanapuñchanaṃ pana attano rucivasena kātabbaṃ. Teneva hettha ‘‘sace ussahatī’’ti vuttaṃ, tasmā upāhanā apuñchantassapi anāpatti. Senāsanaṃ paññapetabbanti ettha ‘‘kattha mayhaṃ senāsanaṃ pāpuṇātī’’ti pucchitena senāsanaṃ paññapetabbaṃ, ‘‘etaṃ senāsanaṃ tumhākaṃ pāpuṇātī’’ti evaṃ ācikkhitabbanti attho. Papphoṭetvā pattharituṃ pana vaṭṭatiyeva. Etena mañcapīṭhādiṃ papphoṭetvā pattharitvā upari paccattharaṇaṃ datvā dānampi senāsanapaññāpanamevāti dasseti. Mahāāvāsepi attano santikaṃ sampattassa āgantukassa vattaṃ akātuṃ na labbhati. Sesaṃ purimasadisameva.
ааваасигавад̇д̇агат̇ааван̣н̣анаа нидтид̇аа.
Āvāsikavattakathāvaṇṇanā niṭṭhitā.
г̇амигавад̇д̇агат̇ааван̣н̣анаа
Gamikavattakathāvaṇṇanā
187. г̇амигавад̇д̇з г̇анд̇ум̣ бхаб̣б̣од̇и г̇амиго, д̇зна вад̇д̇ид̇аб̣б̣анд̇и г̇амигавад̇д̇ам̣. д̇ад̇рааяам̣ ануд̇д̇аанабад̣̇аван̣н̣анаа – д̣̇аарубхан̣д̣анд̇и сзнаасанагканд̇хагз (жуул̣ава. 322) вуд̇д̇ам̣ ман̃жабийтаад̣̇и. мад̇д̇игаабхан̣д̣амби раж̇анабхааж̇анаад̣̇и саб̣б̣ам̣ д̇ад̇т̇а вуд̇д̇аббабхзд̣̇амзва. д̇ам̣ саб̣б̣ам̣ аг̇г̇исаалааяам̣ ваа ан̃н̃ад̇арасмим̣ ваа г̇уд̇д̇адтаанз бадисаамзд̇ваа г̇анд̇аб̣б̣ам̣, ановассагз баб̣бхаарзби табзд̇ум̣ ваддад̇и. сзнаасанам̣ аабужчид̇ваа баггамид̇аб̣б̣анд̇и зд̇т̇а яам̣ баасаан̣абидтияам̣ ваа баасаан̣ад̇т̇амбхзсу ваа гад̇асзнаасанам̣, яад̇т̇а убажигаа наароханд̇и, д̇ам̣ анаабужчанд̇ассаби анаабад̇д̇и. жад̇уусу баасаан̣зсууд̇иаад̣̇и убажигаанам̣ уббад̇д̇идтаанз бан̣н̣асаалаад̣̇исзнаасанз гад̇д̇аб̣б̣аагаарад̣̇ассанад̇т̇ам̣ вуд̇д̇ам̣. аббзва наама ан̇г̇ааниби сзсзяяунд̇и аяам̣ аж̇жхогаасз табид̇амхи аанисам̣со. овассагаг̇зхз бана д̇ин̣зсу жа мад̇д̇игаабин̣д̣зсу жа убари бад̇анд̇зсу ман̃жабийтаанам̣ ан̇г̇ааниби винассанд̇и.
187. Gamikavatte gantuṃ bhabboti gamiko, tena vattitabbanti gamikavattaṃ. Tatrāyaṃ anuttānapadavaṇṇanā – dārubhaṇḍanti senāsanakkhandhake (cūḷava. 322) vuttaṃ mañcapīṭhādi. Mattikābhaṇḍampi rajanabhājanādi sabbaṃ tattha vuttappabhedameva. Taṃ sabbaṃ aggisālāyaṃ vā aññatarasmiṃ vā guttaṭṭhāne paṭisāmetvā gantabbaṃ, anovassake pabbhārepi ṭhapetuṃ vaṭṭati. Senāsanaṃ āpucchitvā pakkamitabbanti ettha yaṃ pāsāṇapiṭṭhiyaṃ vā pāsāṇatthambhesu vā katasenāsanaṃ, yattha upacikā nārohanti, taṃ anāpucchantassapi anāpatti. Catūsu pāsāṇesūtiādi upacikānaṃ uppattiṭṭhāne paṇṇasālādisenāsane kattabbākāradassanatthaṃ vuttaṃ. Appeva nāma aṅgānipi seseyyunti ayaṃ ajjhokāse ṭhapitamhi ānisaṃso. Ovassakagehe pana tiṇesu ca mattikāpiṇḍesu ca upari patantesu mañcapīṭhānaṃ aṅgānipi vinassanti.
г̇амигавад̇д̇агат̇ааван̣н̣анаа нидтид̇аа.
Gamikavattakathāvaṇṇanā niṭṭhitā.
бхад̇д̇аг̇г̇авад̇д̇агат̇ааван̣н̣анаа
Bhattaggavattakathāvaṇṇanā
188. вад̇д̇агканд̇хагз имасмим̣ таанз анумод̣̇анавад̇д̇ам̣ ааг̇ад̇ам̣, д̇ад̇о бхад̇д̇аг̇г̇авад̇д̇ам̣. саарад̇т̇ад̣̇ийбанияан̃жа (саарад̇т̇а. дий. жуул̣аваг̇г̇а 3.373-374) ‘‘имасмим̣ вад̇д̇агканд̇хагз (жуул̣ава. 356) ааг̇ад̇аани ааг̇анд̇угааваасигаг̇амияаанумод̣̇анабхад̇д̇аг̇г̇абин̣д̣ажааригааран̃н̃игасзнаасанаж̇анд̇аагхараважжагудиубаж̇жхааяаажарияасад̣̇д̇хивихааригаанд̇зваасигавад̇д̇аани жуд̣̇д̣̇аса махаавад̇д̇аани наамаа’’д̇и ануггамо вуд̇д̇о, ид̇ха бана винаяасан̇г̇ахаббагаран̣з г̇амигавад̇д̇ад̇о бхад̇д̇аг̇г̇авад̇д̇ам̣ ааг̇ад̇ам̣, анумод̣̇анавад̇д̇ам̣ бана висум̣ авад̇ваа бхад̇д̇аг̇г̇авад̇д̇зязва анд̇ог̇ад̇хам̣ гад̇ваа бажчаа вуд̇д̇ам̣ бхад̇д̇аг̇г̇ам̣ г̇анд̇ваа бхад̇д̇з бхуд̇д̇зязва анумод̣̇анаагаран̣ад̇о, баал̣ияан̃жа ан̃н̃зсу вад̇д̇зсу вияа ‘‘д̇зна хи, бхигкавз, бхигкунаа анумод̣̇анавад̇д̇ам̣ бан̃н̃аабзссаамий’’д̇и висум̣ вад̇д̇абхаавзна анааг̇ад̇ад̇д̇аа бхад̇д̇аг̇г̇авад̇д̇зязва анд̇ог̇ад̇ханд̇и аажарияасса ад̇хиббааяо сияаа. имасса жа винаяаалан̇гаарабагаран̣асса д̇ассаа ван̣н̣анаабхууд̇ад̇д̇аа сам̣ван̣н̣зд̇аб̣б̣аггамзнзва сам̣ван̣н̣анам̣ гат̇аяиссаама.
188. Vattakkhandhake imasmiṃ ṭhāne anumodanavattaṃ āgataṃ, tato bhattaggavattaṃ. Sāratthadīpaniyañca (sārattha. ṭī. cūḷavagga 3.373-374) ‘‘imasmiṃ vattakkhandhake (cūḷava. 356) āgatāni āgantukāvāsikagamiyānumodanabhattaggapiṇḍacārikāraññikasenāsanajantāgharavaccakuṭiupajjhāyācariyasaddhivihārikaantevāsikavattāni cuddasa mahāvattāni nāmā’’ti anukkamo vutto, idha pana vinayasaṅgahappakaraṇe gamikavattato bhattaggavattaṃ āgataṃ, anumodanavattaṃ pana visuṃ avatvā bhattaggavatteyeva antogadhaṃ katvā pacchā vuttaṃ bhattaggaṃ gantvā bhatte bhutteyeva anumodanākaraṇato, pāḷiyañca aññesu vattesu viya ‘‘tena hi, bhikkhave, bhikkhunā anumodanavattaṃ paññāpessāmī’’ti visuṃ vattabhāvena anāgatattā bhattaggavatteyeva antogadhanti ācariyassa adhippāyo siyā. Imassa ca vinayālaṅkārapakaraṇassa tassā vaṇṇanābhūtattā saṃvaṇṇetabbakkameneva saṃvaṇṇanaṃ kathayissāma.
бхун̃ж̇ид̇аб̣б̣анд̇и бхад̇д̇ам̣. аж̇ад̇и г̇ажчад̇и бавад̇д̇ад̇и зд̇т̇аад̇и аг̇г̇ам̣. ‘‘аад̣̇игодтаасагодийсу, бурад̇ог̇г̇ам̣ варз д̇ийсуу’’д̇и абхид̇хаанаббад̣̇ийбигааяам̣ ааг̇ад̇зби ‘‘рааж̇аг̇г̇анд̇и рааж̇аарахам̣, салаагаг̇г̇анд̇и салаагаг̇г̇ахан̣адтаана’’нд̇иаад̣̇ийсу ан̃н̃ад̇т̇зсуби бавад̇д̇анад̇о бхад̇д̇асса аг̇г̇ам̣ бхад̇д̇аг̇г̇ам̣, бхад̇д̇абаривисанадтаанам̣, бхад̇д̇аг̇г̇з вад̇д̇ид̇аб̣б̣ам̣ вад̇д̇ам̣ бхад̇д̇аг̇г̇авад̇д̇анд̇и виг̇г̇ахо. д̇ад̇т̇а аараамз гаало аарожид̇о ход̇ийд̇и ‘‘гаало бханд̇з, нидтид̇ам̣ бхад̇д̇а’’нд̇и аарожид̇о ход̇и. д̇иман̣д̣алам̣ бадижчаад̣̇знд̇знаад̇и д̣̇вз ж̇аан̣уман̣д̣алаани наабхиман̣д̣алан̃жа бадижчаад̣̇знд̇зна. бариман̣д̣алам̣ ниваасзд̇ваад̇и саманд̇ад̇о ман̣д̣алам̣ ниваасзд̇ваа. уд̣̇д̇хам̣ наабхиман̣д̣алам̣, ад̇хо ж̇аан̣уман̣д̣алам̣ бадижчаад̣̇знд̇зна ж̇аан̣уман̣д̣аласса хздтаа ж̇ан̇гхадтид̇о бадтааяа адтан̇г̇уламад̇д̇ам̣ ниваасанам̣ од̇аарзд̇ваа ниваасзд̇аб̣б̣ам̣, д̇ад̇о барам̣ од̇аарзнд̇асса д̣̇уггаданд̇и вуд̇д̇ам̣, яат̇аанисиннасса ж̇аан̣уман̣д̣алад̇о хздтаа жад̇уран̇г̇уламад̇д̇ам̣ бадижчаннам̣ ход̇ийд̇и махаабажжарияам̣ вуд̇д̇ам̣. гааяаб̣анд̇ханам̣ б̣анд̇хид̇ваад̇и д̇асса ниваасанасса убари гааяаб̣анд̇ханам̣ б̣анд̇хид̇ваа ‘‘на, бхигкавз, агааяаб̣анд̇ханзна г̇аамо бависид̇аб̣б̣о, яо бависзяяа, аабад̇д̇и д̣̇уггадассаа’’д̇и (жуул̣ава. 278) вуд̇д̇ад̇д̇аа. саг̇ун̣ам̣ гад̇ваад̇и ид̣̇ам̣ убаж̇жхааяавад̇д̇з вуд̇д̇амзва. ‘‘г̇ан̣тигам̣ бадимун̃жид̇ваад̇и баасагз г̇ан̣тигам̣ бавзсзд̇ваа анд̇ог̇аамо ваа ход̇у вихааро ваа, мануссаанам̣ баривисанадтаанам̣ г̇ажчанд̇зна жийварам̣ баарубид̇ваа гааяаб̣анд̇ханам̣ б̣анд̇хид̇ваа г̇аманамзва ваддад̇ий’’д̇и махааадтагат̇аасу вуд̇д̇ам̣. зд̇т̇а жа мануссаанам̣ баривисанадтаананд̇и яад̇т̇а анд̇овихаарзби мануссаа сабуд̇д̇ад̣̇аараа аавасид̇ваа бхигкуу нзд̇ваа бхож̇знд̇и.
Bhuñjitabbanti bhattaṃ. Ajati gacchati pavattati etthāti aggaṃ. ‘‘Ādikoṭṭhāsakoṭīsu, puratoggaṃ vare tīsū’’ti abhidhānappadīpikāyaṃ āgatepi ‘‘rājagganti rājārahaṃ, salākagganti salākaggahaṇaṭṭhāna’’ntiādīsu aññatthesupi pavattanato bhattassa aggaṃ bhattaggaṃ, bhattaparivisanaṭṭhānaṃ, bhattagge vattitabbaṃ vattaṃ bhattaggavattanti viggaho. Tattha ārāme kālo ārocito hotīti ‘‘kālo bhante, niṭṭhitaṃ bhatta’’nti ārocito hoti. Timaṇḍalaṃ paṭicchādentenāti dve jāṇumaṇḍalāni nābhimaṇḍalañca paṭicchādentena. Parimaṇḍalaṃ nivāsetvāti samantato maṇḍalaṃ nivāsetvā. Uddhaṃ nābhimaṇḍalaṃ, adho jāṇumaṇḍalaṃ paṭicchādentena jāṇumaṇḍalassa heṭṭhā jaṅghaṭṭhito paṭṭhāya aṭṭhaṅgulamattaṃ nivāsanaṃ otāretvā nivāsetabbaṃ, tato paraṃ otārentassa dukkaṭanti vuttaṃ, yathānisinnassa jāṇumaṇḍalato heṭṭhā caturaṅgulamattaṃ paṭicchannaṃ hotīti mahāpaccariyaṃ vuttaṃ. Kāyabandhanaṃ bandhitvāti tassa nivāsanassa upari kāyabandhanaṃ bandhitvā ‘‘na, bhikkhave, akāyabandhanena gāmo pavisitabbo, yo paviseyya, āpatti dukkaṭassā’’ti (cūḷava. 278) vuttattā. Saguṇaṃ katvāti idaṃ upajjhāyavatte vuttameva. ‘‘Gaṇṭhikaṃ paṭimuñcitvāti pāsake gaṇṭhikaṃ pavesetvā antogāmo vā hotu vihāro vā, manussānaṃ parivisanaṭṭhānaṃ gacchantena cīvaraṃ pārupitvā kāyabandhanaṃ bandhitvā gamanameva vaṭṭatī’’ti mahāaṭṭhakathāsu vuttaṃ. Ettha ca manussānaṃ parivisanaṭṭhānanti yattha antovihārepi manussā saputtadārā āvasitvā bhikkhū netvā bhojenti.
суббадижчаннзнаад̇и на сасийсам̣ бааруд̇зна, ат̇а ко г̇ан̣тигам̣ бадимун̃жид̇ваа ануваад̇анд̇зна г̇ийвам̣ бадижчаад̣̇зд̇ваа убхо ган̣н̣з самам̣ гад̇ваа бадисам̣харид̇ваа яаава ман̣иб̣анд̇хаа бадижчаад̣̇знд̇зна. сусам̣вуд̇знаад̇и хад̇т̇ам̣ ваа баад̣̇ам̣ ваа агийл̣аабзнд̇зна, сувинийд̇знаад̇и ад̇т̇о. огкид̇д̇ажагкунаад̇и хздтаакид̇д̇ажагкунаа. яо анаад̣̇арияам̣ бадижжа д̇ахам̣ д̇ахам̣ ологзнд̇о бхияяо д̇ам̣ д̇ам̣ д̣̇исаабхааг̇ам̣ баасаад̣̇ам̣ гуудааг̇аарам̣ вийт̇им̣ ологзнд̇о г̇ажчад̇и, аабад̇д̇и д̣̇уггадасса. згасмим̣ бана таанз тад̇ваа хад̇т̇иассаад̣̇ибариссаяаабхаавам̣ ологзд̇ум̣ ваддад̇и. аббасад̣̇д̣̇знаад̇и зд̇т̇а гид̇д̇аавад̇аа аббасад̣̇д̣̇о ход̇и? д̣̇ваад̣̇асахад̇т̇з г̇зхз аад̣̇имхи сан̇гхад̇т̇зро маж̇жхз д̣̇уд̇ияад̇т̇зро анд̇з д̇ад̇ияад̇т̇зрод̇и звам̣ нисиннзсу сан̇гхад̇т̇зро д̣̇уд̇иязна сад̣̇д̇хим̣ манд̇зд̇и, д̣̇уд̇ияад̇т̇зро д̇асса сад̣̇д̣̇ан̃жзва сун̣аад̇и, гат̇ан̃жа вавад̇т̇абзд̇и, д̇ад̇ияад̇т̇зро бана сад̣̇д̣̇амзва сун̣аад̇и, гат̇ам̣ на вавад̇т̇абзд̇и, зд̇д̇аавад̇аа аббасад̣̇д̣̇о ход̇и. сажз бана д̇ад̇ияад̇т̇зро гат̇ам̣ вавад̇т̇абзд̇и, махаасад̣̇д̣̇о наама ход̇и.
Suppaṭicchannenāti na sasīsaṃ pārutena, atha kho gaṇṭhikaṃ paṭimuñcitvā anuvātantena gīvaṃ paṭicchādetvā ubho kaṇṇe samaṃ katvā paṭisaṃharitvā yāva maṇibandhā paṭicchādentena. Susaṃvutenāti hatthaṃ vā pādaṃ vā akīḷāpentena, suvinītenāti attho. Okkhittacakkhunāti heṭṭhākhittacakkhunā. Yo anādariyaṃ paṭicca tahaṃ tahaṃ olokento bhiyyo taṃ taṃ disābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Ekasmiṃ pana ṭhāne ṭhatvā hatthiassādiparissayābhāvaṃ oloketuṃ vaṭṭati. Appasaddenāti ettha kittāvatā appasaddo hoti? Dvādasahatthe gehe ādimhi saṅghatthero majjhe dutiyatthero ante tatiyattheroti evaṃ nisinnesu saṅghatthero dutiyena saddhiṃ manteti, dutiyatthero tassa saddañceva suṇāti, kathañca vavatthapeti, tatiyatthero pana saddameva suṇāti, kathaṃ na vavatthapeti, ettāvatā appasaddo hoti. Sace pana tatiyatthero kathaṃ vavatthapeti, mahāsaddo nāma hoti.
на угкид̇д̇агааяаад̇и на угкзбзна, ид̇т̇амбхууд̇алагкан̣з гаран̣аважанам̣, згад̇о ваа убхад̇о ваа угкид̇д̇ажийваро худ̇ваад̇и ад̇т̇о. анд̇оинд̣̇акийлад̇о бадтааяа на звам̣ г̇анд̇аб̣б̣ам̣. нисиннагаалз бана д̇хамагаран̣ам̣ нийхаранд̇знаби жийварам̣ анугкибид̇ваава нийхарид̇аб̣б̣ам̣. на уж̇ж̇аг̇гхигааяаад̇и на махаахасид̇ам̣ хасанд̇о, вуд̇д̇анаязнзвзд̇т̇а гаран̣аважанам̣. на гааяаббажаалаганд̇и гааяам̣ ажаалзд̇ваа гааяам̣ баг̇г̇ахзд̇ваа нижжалам̣ гад̇ваа уж̇угзна гааязна самзна ирияаабат̇зна. на б̣аахуббажаалаганд̇и б̣аахум̣ ажаалзд̇ваа б̣аахум̣ баг̇г̇ахзд̇ваа нижжалам̣ гад̇ваа. на сийсаббажаалаганд̇и сийсам̣ ажаалзд̇ваа сийсам̣ баг̇г̇ахзд̇ваа нижжалам̣ уж̇ум̣ табзд̇ваа. на камбхагад̇од̇и камбхагад̇о наама гадияам̣ хад̇т̇ам̣ табзд̇ваа гад̇акамбхо. на уггудигааяаад̇и зд̇т̇а уггудигаа вужжад̇и бан̣хияо угкибид̇ваа аг̇г̇абаад̣̇зхи ваа аг̇г̇абаад̣̇з угкибид̇ваа бан̣хзхиязва ваа бхуумим̣ пусанд̇асса г̇аманам̣. гаран̣аважанам̣ банзд̇т̇а вуд̇д̇алагкан̣амзва. на ог̇ун̣тид̇знаад̇и сасийсам̣ бааруд̇зна. на баллад̇т̇игааяаад̇и на д̣̇уссабаллад̇т̇игааяа. зд̇т̇а ааяог̇абаллад̇т̇игааби д̣̇уссабаллад̇т̇игаа зва. на т̇зрз бхигкуу анубакаж̇ж̇аад̇и т̇зрз бхигкуу ад̇иаллийяид̇ваа на нисийд̣̇ид̇аб̣б̣ам̣. на сан̇гхаадим̣ од̇т̇арид̇ваад̇и на сан̇гхаадим̣ ад̇т̇арид̇ваа нисийд̣̇ид̇аб̣б̣ам̣.
Naukkhittakāyāti na ukkhepena, itthambhūtalakkhaṇe karaṇavacanaṃ, ekato vā ubhato vā ukkhittacīvaro hutvāti attho. Antoindakhīlato paṭṭhāya na evaṃ gantabbaṃ. Nisinnakāle pana dhamakaraṇaṃ nīharantenapi cīvaraṃ anukkhipitvāva nīharitabbaṃ. Na ujjagghikāyāti na mahāhasitaṃ hasanto, vuttanayenevettha karaṇavacanaṃ. Na kāyappacālakanti kāyaṃ acāletvā kāyaṃ paggahetvā niccalaṃ katvā ujukena kāyena samena iriyāpathena. Na bāhuppacālakanti bāhuṃ acāletvā bāhuṃ paggahetvā niccalaṃ katvā. Na sīsappacālakanti sīsaṃ acāletvā sīsaṃ paggahetvā niccalaṃ ujuṃ ṭhapetvā. Na khambhakatoti khambhakato nāma kaṭiyaṃ hatthaṃ ṭhapetvā katakhambho. Na ukkuṭikāyāti ettha ukkuṭikā vuccati paṇhiyo ukkhipitvā aggapādehi vā aggapāde ukkhipitvā paṇhehiyeva vā bhūmiṃ phusantassa gamanaṃ. Karaṇavacanaṃ panettha vuttalakkhaṇameva. Na oguṇṭhitenāti sasīsaṃ pārutena. Na pallatthikāyāti na dussapallatthikāya. Ettha āyogapallatthikāpi dussapallatthikā eva. Na there bhikkhū anupakhajjāti there bhikkhū atiallīyitvā na nisīditabbaṃ. Na saṅghāṭiṃ ottharitvāti na saṅghāṭiṃ attharitvā nisīditabbaṃ.
саггажжанд̇и сад̇им̣ убадтаабзд̇ваа. бад̇д̇асан̃н̃ийд̇и бад̇д̇з сан̃н̃ам̣ гад̇ваа. самасуубаго наама яад̇т̇а бхад̇д̇асса жад̇уд̇т̇абхааг̇аббамаан̣о суубо ход̇и. самад̇ид̇т̇иганд̇и самабун̣н̣ам̣ самабхарид̇ам̣. т̇уубийгад̇ам̣ бин̣д̣абаад̇ам̣ бадиг̇г̇ан̣хаад̇и, аабад̇д̇и д̣̇уггадассаад̇и зд̇т̇а т̇уубийгад̇о наама бад̇д̇асса анд̇омукаваддилзкам̣ ад̇иггамид̇ваа гад̇о, бад̇д̇з багкид̇д̇о бхарид̇о буурид̇од̇и ад̇т̇о. звам̣ гад̇ам̣ аг̇г̇ахзд̇ваа анд̇омукаваддилзкаасамаббамаан̣о г̇ахзд̇аб̣б̣о. ‘‘яам̣ ган̃жи яааг̇ум̣ ваа бхад̇д̇ам̣ ваа палаапалам̣ ваа аамисаж̇аад̇игам̣ самад̇ид̇т̇игамзва г̇ахзд̇аб̣б̣ам̣, д̇ан̃жа ко ад̇хидтаанубаг̇зна бад̇д̇зна, ид̇арзна бана т̇уубийгад̇амби ваддад̇и. яаамагаалигасад̇д̇аахагаалигаяааваж̇ийвигаани бана ад̇хидтаанубаг̇абад̇д̇з т̇уубийгад̇ааниби вадданд̇и. яам̣ бана д̣̇вийсу бад̇д̇зсу бхад̇д̇ам̣ г̇ахзд̇ваа згасмим̣ буурзд̇ваа вихаарам̣ бзсзд̇ум̣ ваддад̇ий’’д̇и махаабажжарияам̣ вуд̇д̇ам̣. яам̣ бад̇д̇з багкибияамаанам̣ бууваужчукан̣д̣апалаапалаад̣̇и хздтаа орохад̇и, д̇ам̣ т̇уубийгад̇ам̣ наама на ход̇и. буувавадам̣сагам̣ табзд̇ваа бин̣д̣абаад̇ам̣ д̣̇знд̇и, т̇уубийгад̇амзва ход̇и. бубпавадам̣сагад̇агголагадугапалаад̣̇ивадам̣сагз бана табзд̇ваа д̣̇иннам̣ т̇уубийгад̇ам̣ на ход̇и. бхад̇д̇асса убари т̇аалагам̣ ваа бад̇д̇ам̣ ваа табзд̇ваа буурзд̇ваа г̇ан̣хаад̇и, т̇уубийгад̇ам̣ наама на ход̇и. гурунд̣̇ияамби вуд̇д̇ам̣ ‘‘т̇аалагз ваа бад̇д̇з ваа багкибид̇ваа д̇ам̣ бад̇д̇амад̇т̇агз табзд̇ваа д̣̇знд̇и, баадзггабхааж̇анам̣ ваддад̇и. ид̇ха анаабад̇д̇ияам̣ г̇илаано на ааг̇ад̇о, д̇асмаа г̇илаанассаби т̇уубийгад̇ам̣ на ваддад̇и, саб̣б̣ад̇т̇а бана бадиг̇г̇ахзд̇умзва на ваддад̇и, бадиг̇г̇ахид̇ам̣ бана бхун̃ж̇ид̇ум̣ ваддад̇ий’’д̇и.
Sakkaccanti satiṃ upaṭṭhāpetvā. Pattasaññīti patte saññaṃ katvā. Samasūpako nāma yattha bhattassa catutthabhāgappamāṇo sūpo hoti. Samatitthikanti samapuṇṇaṃ samabharitaṃ. Thūpīkataṃ piṇḍapātaṃ paṭiggaṇhāti, āpatti dukkaṭassāti ettha thūpīkato nāma pattassa antomukhavaṭṭilekhaṃ atikkamitvā kato, patte pakkhitto bharito pūritoti attho. Evaṃ kataṃ aggahetvā antomukhavaṭṭilekhāsamappamāṇo gahetabbo. ‘‘Yaṃ kañci yāguṃ vā bhattaṃ vā phalāphalaṃ vā āmisajātikaṃ samatitthikameva gahetabbaṃ, tañca kho adhiṭṭhānupagena pattena, itarena pana thūpīkatampi vaṭṭati. Yāmakālikasattāhakālikayāvajīvikāni pana adhiṭṭhānupagapatte thūpīkatānipi vaṭṭanti. Yaṃ pana dvīsu pattesu bhattaṃ gahetvā ekasmiṃ pūretvā vihāraṃ pesetuṃ vaṭṭatī’’ti mahāpaccariyaṃ vuttaṃ. Yaṃ patte pakkhipiyamānaṃ pūvaucchukhaṇḍaphalāphalādi heṭṭhā orohati, taṃ thūpīkataṃ nāma na hoti. Pūvavaṭaṃsakaṃ ṭhapetvā piṇḍapātaṃ denti, thūpīkatameva hoti. Pupphavaṭaṃsakatakkolakaṭukaphalādivaṭaṃsake pana ṭhapetvā dinnaṃ thūpīkataṃ na hoti. Bhattassa upari thālakaṃ vā pattaṃ vā ṭhapetvā pūretvā gaṇhāti, thūpīkataṃ nāma na hoti. Kurundiyampi vuttaṃ ‘‘thālake vā patte vā pakkhipitvā taṃ pattamatthake ṭhapetvā denti, pāṭekkabhājanaṃ vaṭṭati. Idha anāpattiyaṃ gilāno na āgato, tasmā gilānassapi thūpīkataṃ na vaṭṭati, sabbattha pana paṭiggahetumeva na vaṭṭati, paṭiggahitaṃ pana bhuñjituṃ vaṭṭatī’’ti.
‘‘саггажжа’’нд̇и жа ‘‘бад̇д̇асан̃н̃ий’’д̇и жа убхаяам̣ вуд̇д̇анаяамзва. сабад̣̇аананд̇и д̇ад̇т̇а д̇ад̇т̇а од̇хим̣ агад̇ваа анубадибаадияаа. самасуубагз вад̇д̇аб̣б̣ам̣ вуд̇д̇амзва. т̇уубагад̇од̇и мад̇т̇агад̇о, взмаж̇жхад̇од̇и ад̇т̇о. на суубам̣ ваа б̣яан̃ж̇анам̣ ваад̇иаад̣̇и баагадамзва. вин̃н̃ад̇д̇ияам̣ вад̇д̇аб̣б̣ам̣ над̇т̇и. уж̇жхаанасан̃н̃ийсигкаабад̣̇зби г̇илаано на мун̃жад̇и. наад̇имаханд̇о габ̣ал̣од̇и маяууран̣д̣ам̣ ад̇имаханд̇ам̣, гуггудан̣д̣ам̣ ад̇икуд̣̇д̣̇агам̣, д̇зсам̣ взмаж̇жхаббамаан̣о. бариман̣д̣алам̣ аалобод̇и наад̇ид̣̇ийгхо аалобо. анаахадзд̇и анаахарид̇з, мукад̣̇ваарам̣ асамбаабид̇зд̇и ад̇т̇о. саб̣б̣о хад̇т̇од̇и зд̇т̇а хад̇т̇асад̣̇д̣̇о д̇ад̣̇згад̣̇зсзсу ан̇г̇улийсу д̣̇адтаб̣б̣о ‘‘хад̇т̇амуд̣̇д̣̇о’’д̇иаад̣̇ийсу вияа самуд̣̇ааяз бавад̇д̇авохаарасса аваяавз бавад̇д̇анад̇о. зган̇г̇улимби мукз багкибид̇ум̣ на ваддад̇и. на сагаб̣ал̣знаад̇и зд̇т̇а д̇хаммам̣ гат̇знд̇о харийд̇агам̣ ваа ладтимад̇хугам̣ ваа мукз багкибид̇ваа гат̇зд̇и, яад̇д̇агзна важанам̣ барибун̣н̣ам̣ ход̇и, д̇ад̇д̇агз мукамхи санд̇з гат̇зд̇ум̣ ваддад̇и.
‘‘Sakkacca’’nti ca ‘‘pattasaññī’’ti ca ubhayaṃ vuttanayameva. Sapadānanti tattha tattha odhiṃ akatvā anupaṭipāṭiyā. Samasūpake vattabbaṃ vuttameva. Thūpakatoti matthakato, vemajjhatoti attho. Na sūpaṃ vā byañjanaṃ vātiādi pākaṭameva. Viññattiyaṃ vattabbaṃ natthi. Ujjhānasaññīsikkhāpadepi gilāno na muñcati. Nātimahanto kabaḷoti mayūraṇḍaṃ atimahantaṃ, kukkuṭaṇḍaṃ atikhuddakaṃ, tesaṃ vemajjhappamāṇo. Parimaṇḍalaṃ ālopoti nātidīgho ālopo. Anāhaṭeti anāharite, mukhadvāraṃ asampāpiteti attho. Sabbo hatthoti ettha hatthasaddo tadekadesesu aṅgulīsu daṭṭhabbo ‘‘hatthamuddo’’tiādīsu viya samudāye pavattavohārassa avayave pavattanato. Ekaṅgulimpi mukhe pakkhipituṃ na vaṭṭati. Na sakabaḷenāti ettha dhammaṃ kathento harītakaṃ vā laṭṭhimadhukaṃ vā mukhe pakkhipitvā katheti, yattakena vacanaṃ paripuṇṇaṃ hoti, tattake mukhamhi sante kathetuṃ vaṭṭati.
бин̣д̣угкзбаганд̇и бин̣д̣ам̣ угкибид̇ваа угкибид̇ваа. габ̣ал̣ааважчзд̣̇аганд̇и габ̣ал̣ам̣ авачинд̣̇ид̇ваа авачинд̣̇ид̇ваа. аваг̇ан̣д̣агаараганд̇и маггадо вияа г̇ан̣д̣з гад̇ваа гад̇ваа. хад̇т̇анид̣̇д̇хунаганд̇и хад̇т̇ам̣ нид̣̇д̇хунид̇ваа нид̣̇д̇хунид̇ваа. сид̇т̇аавагаараганд̇и сид̇т̇аани авагирид̇ваа авагирид̇ваа. ж̇ивхаанижчаараганд̇и ж̇ивхам̣ нижчаарзд̇ваа нижчаарзд̇ваа. жабужабугаараганд̇и ‘‘жабужабуу’’д̇и звам̣ сад̣̇д̣̇ам̣ гад̇ваа гад̇ваа. сурусуругаараганд̇и ‘‘сурусуруу’’д̇и звам̣ сад̣̇д̣̇ам̣ гад̇ваа гад̇ваа. хад̇т̇аниллзхаганд̇и хад̇т̇ам̣ ниллзхид̇ваа ниллзхид̇ваа. бхун̃ж̇анд̇зна хи ан̇г̇улимад̇д̇амби ниллзхид̇ум̣ на ваддад̇и, гханаяааг̇упаан̣ид̇абааяаасаад̣̇игз бана ан̇г̇улийхи г̇ахзд̇ваа ан̇г̇улияо мукз бавзсзд̇ваа бхун̃ж̇ид̇ум̣ ваддад̇и. бад̇д̇аниллзхагаодтаниллзхагзсуби зсзва наяо, д̇асмаа ан̇г̇улияааби бад̇д̇о на ниллзхид̇аб̣б̣о, згаодтоби ж̇ивхааяа на ниллзхид̇аб̣б̣о, одтамам̣сзхи зва бана г̇ахзд̇ваа анд̇о бавзсзд̇ум̣ ваддад̇и.
Piṇḍukkhepakanti piṇḍaṃ ukkhipitvā ukkhipitvā. Kabaḷāvacchedakanti kabaḷaṃ avachinditvā avachinditvā. Avagaṇḍakārakanti makkaṭo viya gaṇḍe katvā katvā. Hatthaniddhunakanti hatthaṃ niddhunitvā niddhunitvā. Sitthāvakārakanti sitthāni avakiritvā avakiritvā. Jivhānicchārakanti jivhaṃ nicchāretvā nicchāretvā. Capucapukārakanti ‘‘capucapū’’ti evaṃ saddaṃ katvā katvā. Surusurukārakanti ‘‘surusurū’’ti evaṃ saddaṃ katvā katvā. Hatthanillehakanti hatthaṃ nillehitvā nillehitvā. Bhuñjantena hi aṅgulimattampi nillehituṃ na vaṭṭati, ghanayāguphāṇitapāyāsādike pana aṅgulīhi gahetvā aṅguliyo mukhe pavesetvā bhuñjituṃ vaṭṭati. Pattanillehakaoṭṭhanillehakesupi eseva nayo, tasmā aṅguliyāpi patto na nillehitabbo, ekaoṭṭhopi jivhāya na nillehitabbo, oṭṭhamaṃsehi eva pana gahetvā anto pavesetuṃ vaṭṭati.
на саамисзна хад̇т̇зна баанийяат̇аалагод̇и зд̇ам̣ бадигуулавасзна бадигкид̇д̇ам̣, д̇асмаа сан̇гхигамби буг̇г̇алигамби г̇ихисанд̇агамби ад̇д̇ано санд̇агамби сан̇камби сараавамби аамисамагкид̇ам̣ на г̇ахзд̇аб̣б̣амзва, г̇ан̣ханд̇асса д̣̇уггадам̣. сажз бана хад̇т̇асса згад̣̇зсо аамисамагкид̇о на ход̇и, д̇зна бад̣̇зсзна г̇ахзд̇ум̣ ваддад̇и. на сасид̇т̇агам̣ бад̇д̇ад̇хованам̣ анд̇арагхарз чад̣д̣зд̇аб̣б̣анд̇и зд̇т̇а уд̣̇д̇харид̇ваа ваад̇и сид̇т̇аани згад̇о уд̣̇д̇харид̇ваа згасмим̣ таанз раасим̣ гад̇ваа уд̣̇агам̣ чад̣д̣зд̇и. бхинд̣̇ид̇ваа ваа уд̣̇агаг̇ад̇игаани гад̇ваа чад̣д̣зд̇и, бадиг̇г̇ахзна самбадижчанд̇о нам̣ бадиг̇г̇ахз чад̣д̣зд̇и, б̣ахи нийхарид̇ваа ваа чад̣д̣зд̇и, звам̣ чад̣д̣знд̇асса анаабад̇д̇и. на д̇аава т̇зрзна уд̣̇аганд̇и ид̣̇ам̣ хад̇т̇ад̇хованауд̣̇агам̣ санд̇хааяа вуд̇д̇ам̣. анд̇араа бибаасид̇зна , бана г̇алз вилаг̇г̇аамисзна ваа баанийяам̣ бивид̇ваа на д̇ховид̇аб̣б̣аад̇и.
Na sāmisena hatthena pānīyathālakoti etaṃ paṭikūlavasena paṭikkhittaṃ, tasmā saṅghikampi puggalikampi gihisantakampi attano santakampi saṅkhampi sarāvampi āmisamakkhitaṃ na gahetabbameva, gaṇhantassa dukkaṭaṃ. Sace pana hatthassa ekadeso āmisamakkhito na hoti, tena padesena gahetuṃ vaṭṭati. Na sasitthakaṃ pattadhovanaṃ antaraghare chaḍḍetabbanti ettha uddharitvā vāti sitthāni ekato uddharitvā ekasmiṃ ṭhāne rāsiṃ katvā udakaṃ chaḍḍeti. Bhinditvā vā udakagatikāni katvā chaḍḍeti, paṭiggahena sampaṭicchanto naṃ paṭiggahe chaḍḍeti, bahi nīharitvā vā chaḍḍeti, evaṃ chaḍḍentassa anāpatti. Na tāva therena udakanti idaṃ hatthadhovanaudakaṃ sandhāya vuttaṃ. Antarā pipāsitena , pana gale vilaggāmisena vā pānīyaṃ pivitvā na dhovitabbāti.
бхад̇д̇аг̇г̇авад̇д̇агат̇ааван̣н̣анаа нидтид̇аа.
Bhattaggavattakathāvaṇṇanā niṭṭhitā.
анумод̣̇анавад̇д̇агат̇ааван̣н̣анаа
Anumodanavattakathāvaṇṇanā
анумод̣̇анавад̇д̇з ану бунаббунам̣ мод̣̇ияад̇з бамод̣̇ияад̇зд̇и анумод̣̇анаа. гаа саа? д̇хаммагат̇аа. анумод̣̇анааяа гад̇д̇аб̣б̣ам̣ вад̇д̇ам̣ анумод̣̇анавад̇д̇ам̣. бан̃жамз нисиннзд̇и анумод̣̇анад̇т̇ааяа нисиннз. убанисиннагат̇аа наама б̣ахуусу саннибад̇ид̇зсу баригат̇аагат̇анам̣. сзсам̣ сувин̃н̃зяяамзва.
Anumodanavatte anu punappunaṃ modiyate pamodiyateti anumodanā. Kā sā? Dhammakathā. Anumodanāya kattabbaṃ vattaṃ anumodanavattaṃ. Pañcame nisinneti anumodanatthāya nisinne. Upanisinnakathā nāma bahūsu sannipatitesu parikathākathanaṃ. Sesaṃ suviññeyyameva.
анумод̣̇анавад̇д̇агат̇ааван̣н̣анаа нидтид̇аа.
Anumodanavattakathāvaṇṇanā niṭṭhitā.
бин̣д̣ажааригавад̇д̇агат̇ааван̣н̣анаа
Piṇḍacārikavattakathāvaṇṇanā
189. бин̣д̣ажааригавад̇д̇з бин̣д̣ид̇аб̣б̣о сан̇гхарид̇аб̣б̣од̇и бин̣д̣о, бин̣д̣абаад̇о. бин̣д̣ааяа жаран̣ам̣ сийламассаад̇и бин̣д̣ажаарий, со зва бин̣д̣ажаариго сагад̇т̇з габажжаяавасзна. бин̣д̣ажааригзна вад̇д̇ид̇аб̣б̣ам̣ вад̇д̇ам̣ бин̣д̣ажааригавад̇д̇ам̣. д̇ад̇рааяамануд̇д̇аанабад̣̇аван̣н̣анаа – нивзсанам̣ наама ид̇т̇игумааригаад̣̇ийнам̣ васанадтаанам̣. яасмаа бависананигкаманад̣̇ваарам̣ асаллагкзд̇ваа сахасаа бависанд̇о висабхааг̇аарамман̣ам̣ ваа бассзяяа, бариссаяо ваа бхавзяяа, д̇асмаа ‘‘нивзсанам̣…бз… бависид̇аб̣б̣а’’нд̇и вуд̇д̇ам̣. ад̇ид̣̇уурз д̇идтанд̇о абассанд̇о ваа бхавзяяа, ‘‘ан̃н̃асса г̇зхз д̇идтад̇ий’’д̇и ваа ман̃н̃зяяа. ажжаасаннз д̇идтанд̇о абассид̇аб̣б̣ам̣ ваа бассзяяа, асун̣ид̇аб̣б̣ам̣ ваа сун̣зяяа, д̇зна мануссаанам̣ аг̇аараво ваа аббасаад̣̇о ваа бхавзяяа, д̇асмаа ‘‘наад̇ид̣̇уурз наажжаасаннз таад̇аб̣б̣а’’нд̇и вуд̇д̇ам̣. ад̇ижирам̣ д̇идтанд̇о ад̣̇аад̇угаамаанам̣ манобад̣̇осо бхавзяяа, ан̃н̃ад̇т̇а бхигкаа жа баригкаязяяа, ад̇илахугам̣ нивад̇д̇анд̇о д̣̇аад̇угаамаанам̣ бун̃н̃ахаани жа бхавзяяа, бхигкуно жа бхигкааяа асамбаж̇ж̇анам̣, д̇асмаа ‘‘наад̇ижирам̣ таад̇аб̣б̣ам̣, наад̇илахугам̣ нивад̇д̇ид̇аб̣б̣ам̣, тид̇зна саллагкзд̇аб̣б̣а’’нд̇и вуд̇д̇ам̣. саллагкан̣аагаарам̣ д̣̇ассзд̇и ‘‘сажз гаммам̣ ваа нигкибад̇ий’’д̇иаад̣̇инаа. д̇ад̇т̇а гаммам̣ ваа нигкибад̇ийд̇и габбаасам̣ ваа суббам̣ ваа мусалам̣ ваа яан̃жа г̇ахзд̇ваа гаммам̣ гаронд̇и, тид̇аа ваа нисиннаа ваа хонд̇и, д̇ам̣ нигкибад̇и. бараамасад̇ийд̇и г̇ан̣хаад̇и. табзд̇и ваад̇и ‘‘д̇идтат̇а бханд̇з’’д̇и вад̣̇анд̇ий табзд̇и наама. аваггаарабаад̇ийд̇и ад̇ирзгабин̣д̣абаад̇ам̣ абанзд̇ваа табанад̇т̇ааяа згаа самуг̇г̇абаад̇и. зд̇т̇а жа самуг̇г̇абаад̇и наама самуг̇г̇абудасад̣̇исаа баад̇и. сзсам̣ вуд̇д̇анаяамзва.
189. Piṇḍacārikavatte piṇḍitabbo saṅgharitabboti piṇḍo, piṇḍapāto. Piṇḍāya caraṇaṃ sīlamassāti piṇḍacārī, so eva piṇḍacāriko sakatthe kapaccayavasena. Piṇḍacārikena vattitabbaṃ vattaṃ piṇḍacārikavattaṃ. Tatrāyamanuttānapadavaṇṇanā – nivesanaṃ nāma itthikumārikādīnaṃ vasanaṭṭhānaṃ. Yasmā pavisananikkhamanadvāraṃ asallakkhetvā sahasā pavisanto visabhāgārammaṇaṃ vā passeyya, parissayo vā bhaveyya, tasmā ‘‘nivesanaṃ…pe… pavisitabba’’nti vuttaṃ. Atidūre tiṭṭhanto apassanto vā bhaveyya, ‘‘aññassa gehe tiṭṭhatī’’ti vā maññeyya. Accāsanne tiṭṭhanto apassitabbaṃ vā passeyya, asuṇitabbaṃ vā suṇeyya, tena manussānaṃ agāravo vā appasādo vā bhaveyya, tasmā ‘‘nātidūre nāccāsanne ṭhātabba’’nti vuttaṃ. Aticiraṃ tiṭṭhanto adātukāmānaṃ manopadoso bhaveyya, aññattha bhikkhā ca parikkhayeyya, atilahukaṃ nivattanto dātukāmānaṃ puññahāni ca bhaveyya, bhikkhuno ca bhikkhāya asampajjanaṃ, tasmā ‘‘nāticiraṃ ṭhātabbaṃ, nātilahukaṃ nivattitabbaṃ, ṭhitena sallakkhetabba’’nti vuttaṃ. Sallakkhaṇākāraṃ dasseti ‘‘sace kammaṃ vā nikkhipatī’’tiādinā. Tattha kammaṃ vā nikkhipatīti kappāsaṃ vā suppaṃ vā musalaṃ vā yañca gahetvā kammaṃ karonti, ṭhitā vā nisinnā vā honti, taṃ nikkhipati. Parāmasatīti gaṇhāti. Ṭhapeti vāti ‘‘tiṭṭhatha bhante’’ti vadantī ṭhapeti nāma. Avakkārapātīti atirekapiṇḍapātaṃ apanetvā ṭhapanatthāya ekā samuggapāti. Ettha ca samuggapāti nāma samuggapuṭasadisā pāti. Sesaṃ vuttanayameva.
бин̣д̣ажааригавад̇д̇агат̇ааван̣н̣анаа нидтид̇аа.
Piṇḍacārikavattakathāvaṇṇanā niṭṭhitā.
ааран̃н̃игавад̇д̇агат̇ааван̣н̣анаа
Āraññikavattakathāvaṇṇanā
190. ааран̃н̃игавад̇д̇з на раманд̇и ж̇анаа зд̇т̇аад̇и аран̃н̃ам̣. вуд̇д̇ан̃хи –
190. Āraññikavatte na ramanti janā etthāti araññaṃ. Vuttañhi –
‘‘раман̣ийяаани аран̃н̃аани, яад̇т̇а на рамад̇ий ж̇ано;
‘‘Ramaṇīyāni araññāni, yattha na ramatī jano;
вийд̇арааг̇аа рамиссанд̇и, на д̇з гаамаг̇авзсино’’д̇и. (д̇ха. ба. 99);
Vītarāgā ramissanti, na te kāmagavesino’’ti. (dha. pa. 99);
аран̃н̃з васад̇ийд̇и ааран̃н̃иго, д̇зна вад̇д̇ид̇аб̣б̣ам̣ вад̇д̇ам̣ ааран̃н̃игавад̇д̇ам̣. д̇ад̇рааяам̣ висзсабад̣̇аанамад̇т̇о – гаалассзва удтааяаад̇и аран̃н̃асзнаасанасса г̇аамад̇о д̣̇уурад̇д̇аа вуд̇д̇ам̣, д̇знзва гааран̣зна ‘‘бад̇д̇ам̣ г̇ахзд̇ваа жийварам̣ баарубид̇ваа г̇ажчанд̇о бариссамо ход̇ий’’д̇и вуд̇д̇ам̣. бад̇д̇ам̣ т̇авигааяа багкибид̇ваа ам̣сз лаг̇г̇зд̇ваа жийварам̣ канд̇хз гарид̇ваа аран̃н̃амаг̇г̇о на д̣̇уссод̇хано ход̇и, д̇асмаа ган̣дагасарийсабаад̣̇ибариссаяавиможанад̇т̇ам̣ убааханаа аарохид̇ваа. аран̃н̃ам̣ наама яасмаа жораад̣̇ийнам̣ вижарадтаанам̣ ход̇и, д̇асмаа ‘‘д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̣̇ваараваад̇абаанам̣ т̇агзд̇ваа васанадтаанад̇о нигкамид̇аб̣б̣а’’нд̇и вуд̇д̇ам̣. ид̇о бараани бхад̇д̇аг̇г̇авад̇д̇абин̣д̣ажааригавад̇д̇зсу вуд̇д̇асад̣̇исаанзва. г̇аамад̇о нигкамид̇ваа сажз б̣ахиг̇аамз уд̣̇агам̣ над̇т̇и, анд̇ог̇аамзязва бхад̇д̇агижжам̣ гад̇ваа, ат̇а б̣ахиг̇аамз ад̇т̇и, бхад̇д̇агижжам̣ гад̇ваа бад̇д̇ам̣ д̇ховид̇ваа вод̣̇агам̣ гад̇ваа т̇авигааяа багкибид̇ваа жийварам̣ сан̇гхарид̇ваа ам̣сз гарид̇ваа убааханаа аарохид̇ваа г̇анд̇аб̣б̣ам̣.
Araññe vasatīti āraññiko, tena vattitabbaṃ vattaṃ āraññikavattaṃ. Tatrāyaṃ visesapadānamattho – kālasseva uṭṭhāyāti araññasenāsanassa gāmato dūrattā vuttaṃ, teneva kāraṇena ‘‘pattaṃ gahetvā cīvaraṃ pārupitvā gacchanto parissamo hotī’’ti vuttaṃ. Pattaṃ thavikāya pakkhipitvā aṃse laggetvā cīvaraṃ khandhe karitvā araññamaggo na dussodhano hoti, tasmā kaṇṭakasarīsapādiparissayavimocanatthaṃ upāhanā ārohitvā. Araññaṃ nāma yasmā corādīnaṃ vicaraṭṭhānaṃ hoti, tasmā ‘‘dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā vasanaṭṭhānato nikkhamitabba’’nti vuttaṃ. Ito parāni bhattaggavattapiṇḍacārikavattesu vuttasadisāneva. Gāmato nikkhamitvā sace bahigāme udakaṃ natthi, antogāmeyeva bhattakiccaṃ katvā, atha bahigāme atthi, bhattakiccaṃ katvā pattaṃ dhovitvā vodakaṃ katvā thavikāya pakkhipitvā cīvaraṃ saṅgharitvā aṃse karitvā upāhanā ārohitvā gantabbaṃ.
бхааж̇анам̣ алабханд̇знаад̇иаад̣̇и аран̃н̃асзнаасанасса д̣̇уллабхад̣̇аб̣б̣асамбхаарад̇д̇аа вуд̇д̇ам̣, аг̇г̇и убадтаабзд̇аб̣б̣од̇иаад̣̇и ваал̣амиг̇асарийсабаад̣̇иб̣аахирабариссаяагаалз жа ваад̇абид̇д̇аад̣̇иаж̇жхад̇д̇абаассаяагаалз жа ижчид̇аб̣б̣ад̇д̇аа. б̣ахуунам̣ бана васанадтаанз д̇аад̣̇исаани сулабхаани хонд̇ийд̇и ааха ‘‘г̇ан̣аваасино бана д̇зна винааби ваддад̇ий’’д̇и. гад̇д̇арад̣̇ан̣д̣о наама бариссаяавинод̣̇ано ход̇и, д̇асмаа аран̃н̃з вихаранд̇зна авассам̣ ижчид̇аб̣б̣од̇и вуд̇д̇ам̣ ‘‘гад̇д̇арад̣̇ан̣д̣о убадтаабзд̇аб̣б̣о’’д̇и. нагкад̇д̇аанзва нагкад̇д̇абад̣̇аани. жораад̣̇ийсу ааг̇анд̇ваа ‘‘аж̇ж̇а, бханд̇з, гзна нагкад̇д̇зна жанд̣̇о яуд̇д̇о’’д̇и бужчид̇зсу ‘‘на ж̇аанаамаа’’д̇и вуд̇д̇з гуж̇жханд̇и, д̇асмаа вуд̇д̇ам̣ ‘‘нагкад̇д̇абад̣̇аани уг̇г̇ахзд̇аб̣б̣аани сагалаани ваа згад̣̇зсаани ваа’’д̇и, д̇ат̇аа д̣̇исаамуул̣хзсу ‘‘гад̇амааяам̣, бханд̇з, д̣̇исаа’’д̇и бужчид̇зсу, д̇асмаа ‘‘д̣̇исаагусалзна бхавид̇аб̣б̣а’’нд̇и.
Bhājanaṃ alabhantenātiādi araññasenāsanassa dullabhadabbasambhārattā vuttaṃ, aggi upaṭṭhāpetabbotiādi vāḷamigasarīsapādibāhiraparissayakāle ca vātapittādiajjhattapaassayakāle ca icchitabbattā. Bahūnaṃ pana vasanaṭṭhāne tādisāni sulabhāni hontīti āha ‘‘gaṇavāsino pana tena vināpi vaṭṭatī’’ti. Kattaradaṇḍo nāma parissayavinodano hoti, tasmā araññe viharantena avassaṃ icchitabboti vuttaṃ ‘‘kattaradaṇḍo upaṭṭhāpetabbo’’ti. Nakkhattāneva nakkhattapadāni. Corādīsu āgantvā ‘‘ajja, bhante, kena nakkhattena cando yutto’’ti pucchitesu ‘‘na jānāmā’’ti vutte kujjhanti, tasmā vuttaṃ ‘‘nakkhattapadāni uggahetabbāni sakalāni vā ekadesāni vā’’ti, tathā disāmūḷhesu ‘‘katamāyaṃ, bhante, disā’’ti pucchitesu, tasmā ‘‘disākusalena bhavitabba’’nti.
ааран̃н̃игавад̇д̇агат̇ааван̣н̣анаа нидтид̇аа.
Āraññikavattakathāvaṇṇanā niṭṭhitā.
сзнаасанавад̇д̇агат̇ааван̣н̣анаа
Senāsanavattakathāvaṇṇanā
191. сзнаасанавад̇д̇з саяанд̇и зд̇т̇аад̇и сзнам̣, саяананд̇и ад̇т̇о. аавасанд̇и зд̇т̇аад̇и аасанам̣. сзнан̃жа аасанан̃жа сзнаасанам̣. сзнаасанзсу гад̇д̇аб̣б̣ам̣ вад̇д̇ам̣ сзнаасанавад̇д̇ам̣ . ид̇ха бана яам̣ вад̇д̇аб̣б̣ам̣, д̇ам̣ убаж̇жхааяавад̇д̇агат̇ааяам̣ (ви. сан̇г̇а. адта. 183 ) вуд̇д̇амзва. д̇ад̇т̇а бана убаж̇жхааязна вуд̇т̇авихааро вуд̇д̇о, ид̇ха бана ад̇д̇анаа вуд̇т̇авихаарод̇и аяамзва висзсо. на вуд̣дхам̣ анаабужчаад̇и зд̇т̇а д̇асса оварагз д̇ад̣̇убажаарз жа аабужчид̇аб̣б̣анд̇и вад̣̇анд̇и. бхож̇анасаалаад̣̇ийсуби звамзва бадибаж̇ж̇ид̇аб̣б̣анд̇и бхож̇анасаалаад̣̇ийсуби уд̣̇д̣̇зсад̣̇аанаад̣̇и аабужчид̇ваава гаад̇аб̣б̣анд̇и ад̇т̇о.
191. Senāsanavatte sayanti etthāti senaṃ, sayananti attho. Āvasanti etthāti āsanaṃ. Senañca āsanañca senāsanaṃ. Senāsanesu kattabbaṃ vattaṃ senāsanavattaṃ. Idha pana yaṃ vattabbaṃ, taṃ upajjhāyavattakathāyaṃ (vi. saṅga. aṭṭha. 183 ) vuttameva. Tattha pana upajjhāyena vutthavihāro vutto, idha pana attanā vutthavihāroti ayameva viseso. Na vuḍḍhaṃ anāpucchāti ettha tassa ovarake tadupacāre ca āpucchitabbanti vadanti. Bhojanasālādīsupi evameva paṭipajjitabbanti bhojanasālādīsupi uddesadānādi āpucchitvāva kātabbanti attho.
сзнаасанавад̇д̇агат̇ааван̣н̣анаа нидтид̇аа.
Senāsanavattakathāvaṇṇanā niṭṭhitā.
ж̇анд̇аагхаравад̇д̇агат̇ааван̣н̣анаа
Jantāgharavattakathāvaṇṇanā
192. ж̇анд̇аагхаравад̇д̇з ж̇ааяад̇ийд̇и ж̇ам̣, гим̣ д̇ам̣? сарийрам̣. ж̇ам̣ д̇ааяад̇и рагкад̇ийд̇и ж̇анд̇аа, гаа саа? д̇игижчаа. г̇аяхад̇зд̇и гхарам̣, гим̣ д̇ам̣? нивзсанам̣, ж̇анд̇ааяа сарийрад̇игижчааяа гад̇ам̣ гхарам̣ ж̇анд̇аагхарам̣, ж̇анд̇аагхарз гад̇д̇аб̣б̣ам̣ вад̇д̇ам̣ ж̇анд̇аагхаравад̇д̇ам̣. д̇ад̇т̇а барибхан̣д̣анд̇и б̣ахиж̇аг̇ад̇и. сзсам̣ убаж̇жхааяавад̇д̇з вуд̇д̇анаяад̇д̇аа сувин̃н̃зяяамзва.
192. Jantāgharavatte jāyatīti jaṃ, kiṃ taṃ? Sarīraṃ. Jaṃ tāyati rakkhatīti jantā, kā sā? Tikicchā. Gayhateti gharaṃ, kiṃ taṃ? Nivesanaṃ, jantāya sarīratikicchāya kataṃ gharaṃ jantāgharaṃ, jantāghare kattabbaṃ vattaṃ jantāgharavattaṃ. Tattha paribhaṇḍanti bahijagati. Sesaṃ upajjhāyavatte vuttanayattā suviññeyyameva.
ж̇анд̇аагхаравад̇д̇агат̇ааван̣н̣анаа нидтид̇аа.
Jantāgharavattakathāvaṇṇanā niṭṭhitā.
важжагудивад̇д̇агат̇ааван̣н̣анаа
Vaccakuṭivattakathāvaṇṇanā
193. важжагудивад̇д̇з важжаяад̇з уухад̣̇аяад̇зд̇и важжам̣, гарийсам̣. гудийяад̇и чинд̣̇ийяад̇и аад̇або зд̇ааяаад̇и гуди, важжад̇т̇ааяа гад̇аа гуди важжагуди, важжагудияаа вад̇д̇ид̇аб̣б̣ам̣ вад̇д̇ам̣ важжагудивад̇д̇ам̣, ид̇ха жа вад̇д̇агканд̇хагз аажаманавад̇д̇ам̣ батамам̣ ааг̇ад̇ам̣, бажчаа важжагудивад̇д̇ам̣. имасмим̣ бана багаран̣з батамам̣ важжам̣ гад̇ваа бажчаа аажамад̇ийд̇и ад̇хиббааязна важжагудивад̇д̇ам̣ батамам̣ ааг̇ад̇ам̣, д̇асмаа д̇ад̣̇ануггамзна гат̇аяиссаама. д̣̇анд̇агадтам̣ каад̣̇анд̇знаад̇и аяам̣ важжагудияааби саб̣б̣ад̇т̇зва бадигкзбо. ниб̣ад̣̇д̇хаг̇аманад̇т̇ааяаад̇и ад̇д̇анаа ниб̣ад̣̇д̇хаг̇аманад̇т̇ааяа. буг̇г̇алигадтаанам̣ ваад̇и ад̇д̇ано вихаарам̣ санд̇хааяа вуд̇д̇ам̣. сзсам̣ сувин̃н̃зяяамзваад̇и.
193. Vaccakuṭivatte vaccayate ūhadayateti vaccaṃ, karīsaṃ. Kuṭīyati chindīyati ātapo etāyāti kuṭi, vaccatthāya katā kuṭi vaccakuṭi, vaccakuṭiyā vattitabbaṃ vattaṃ vaccakuṭivattaṃ, idha ca vattakkhandhake ācamanavattaṃ paṭhamaṃ āgataṃ, pacchā vaccakuṭivattaṃ. Imasmiṃ pana pakaraṇe paṭhamaṃ vaccaṃ katvā pacchā ācamatīti adhippāyena vaccakuṭivattaṃ paṭhamaṃ āgataṃ, tasmā tadanukkamena kathayissāma. Dantakaṭṭhaṃ khādantenāti ayaṃ vaccakuṭiyāpi sabbattheva paṭikkhepo. Nibaddhagamanatthāyāti attanā nibaddhagamanatthāya. Puggalikaṭṭhānaṃ vāti attano vihāraṃ sandhāya vuttaṃ. Sesaṃ suviññeyyamevāti.
важжагудивад̇д̇агат̇ааван̣н̣анаа нидтид̇аа.
Vaccakuṭivattakathāvaṇṇanā niṭṭhitā.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
убаж̇жхааяавад̇д̇аад̣̇ивад̇д̇авинижчаяагат̇аалан̇гааро наама
Upajjhāyavattādivattavinicchayakathālaṅkāro nāma
сад̇д̇авийсад̇имо барижчзд̣̇о.
Sattavīsatimo paricchedo.
