| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. убаж̇жхааяасуд̇д̇ам̣
6. Upajjhāyasuttaṃ
56. ат̇а ко ан̃н̃ад̇аро бхигку язна саго убаж̇жхааяо д̇знубасан̇гами; убасан̇гамид̇ваа сагам̣ убаж̇жхааяам̣ зд̇ад̣̇авожа – ‘‘зд̇арахи мз, бханд̇з, мад̇хурагаж̇аад̇о жзва гааяо, д̣̇исаа жа мз на багкааяанд̇и, д̇хаммаа жа мам̣ наббадибханд̇и, т̇инамид̣̇д̇хан̃жа мз жид̇д̇ам̣ барияаад̣̇ааяа д̇идтад̇и, анабхирад̇о жа б̣рахмажарияам̣ жараами, ад̇т̇и жа мз д̇хаммзсу вижигижчаа’’д̇и.
56. Atha kho aññataro bhikkhu yena sako upajjhāyo tenupasaṅkami; upasaṅkamitvā sakaṃ upajjhāyaṃ etadavoca – ‘‘etarahi me, bhante, madhurakajāto ceva kāyo, disā ca me na pakkhāyanti, dhammā ca maṃ nappaṭibhanti, thinamiddhañca me cittaṃ pariyādāya tiṭṭhati, anabhirato ca brahmacariyaṃ carāmi, atthi ca me dhammesu vicikicchā’’ti.
ат̇а ко со бхигку д̇ам̣ сад̣̇д̇хивихааригам̣ бхигкум̣ аад̣̇ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘аяам̣, бханд̇з, бхигку звамааха – ‘зд̇арахи мз, бханд̇з, мад̇хурагаж̇аад̇о жзва гааяо, д̣̇исаа жа мам̣ на багкааяанд̇и, д̇хаммаа жа мз наббадибханд̇и, т̇инамид̣̇д̇хан̃жа мз жид̇д̇ам̣ барияаад̣̇ааяа д̇идтад̇и, анабхирад̇о жа б̣рахмажарияам̣ жараами, ад̇т̇и жа мз д̇хаммзсу вижигижчаа’’’д̇и.
Atha kho so bhikkhu taṃ saddhivihārikaṃ bhikkhuṃ ādāya yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘ayaṃ, bhante, bhikkhu evamāha – ‘etarahi me, bhante, madhurakajāto ceva kāyo, disā ca maṃ na pakkhāyanti, dhammā ca me nappaṭibhanti, thinamiddhañca me cittaṃ pariyādāya tiṭṭhati, anabhirato ca brahmacariyaṃ carāmi, atthi ca me dhammesu vicikicchā’’’ti.
‘‘зван̃хзд̇ам̣ , бхигку, ход̇и инд̣̇риязсу аг̇уд̇д̇ад̣̇ваарасса, бхож̇анз амад̇д̇ан̃н̃уно, ж̇ааг̇арияам̣ анануяуд̇д̇асса, авибассагасса гусалаанам̣ д̇хаммаанам̣, буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇ам̣ анануяуд̇д̇асса вихарад̇о, яам̣ мад̇хурагаж̇аад̇о жзва гааяо ход̇и, д̣̇исаа жасса на багкааяанд̇и, д̇хаммаа жа д̇ам̣ наббадибханд̇и, т̇инамид̣̇д̇хан̃жасса жид̇д̇ам̣ барияаад̣̇ааяа д̇идтад̇и, анабхирад̇о жа б̣рахмажарияам̣ жарад̇и, ход̇и жасса д̇хаммзсу вижигижчаа. д̇асмаад̇иха д̇з, бхигку, звам̣ сигкид̇аб̣б̣ам̣ – ‘инд̣̇риязсу г̇уд̇д̇ад̣̇вааро бхависсаами, бхож̇анз мад̇д̇ан̃н̃уу, ж̇ааг̇арияам̣ ануяуд̇д̇о, вибассаго гусалаанам̣ д̇хаммаанам̣, буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇ам̣ ануяуд̇д̇о вихариссаамий’д̇и. зван̃хи д̇з, бхигку, сигкид̇аб̣б̣а’’нд̇и.
‘‘Evañhetaṃ , bhikkhu, hoti indriyesu aguttadvārassa, bhojane amattaññuno, jāgariyaṃ ananuyuttassa, avipassakassa kusalānaṃ dhammānaṃ, pubbarattāpararattaṃ bodhipakkhiyānaṃ dhammānaṃ bhāvanānuyogaṃ ananuyuttassa viharato, yaṃ madhurakajāto ceva kāyo hoti, disā cassa na pakkhāyanti, dhammā ca taṃ nappaṭibhanti, thinamiddhañcassa cittaṃ pariyādāya tiṭṭhati, anabhirato ca brahmacariyaṃ carati, hoti cassa dhammesu vicikicchā. Tasmātiha te, bhikkhu, evaṃ sikkhitabbaṃ – ‘indriyesu guttadvāro bhavissāmi, bhojane mattaññū, jāgariyaṃ anuyutto, vipassako kusalānaṃ dhammānaṃ, pubbarattāpararattaṃ bodhipakkhiyānaṃ dhammānaṃ bhāvanānuyogaṃ anuyutto viharissāmī’ti. Evañhi te, bhikkhu, sikkhitabba’’nti.
ат̇а ко со бхигку бхаг̇авад̇аа иминаа оваад̣̇зна овад̣̇ид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко со бхигку зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро бана со бхигку арахад̇ам̣ ахоси.
Atha kho so bhikkhu bhagavatā iminā ovādena ovadito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho so bhikkhu eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti, tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro pana so bhikkhu arahataṃ ahosi.
ат̇а ко со бхигку арахад̇д̇ам̣ бад̇д̇о язна саго убаж̇жхааяо д̇знубасан̇гами; убасан̇гамид̇ваа сагам̣ убаж̇жхааяам̣ зд̇ад̣̇авожа – ‘‘зд̇арахи мз, бханд̇з, на жзва 1 мад̇хурагаж̇аад̇о гааяо, д̣̇исаа жа мз багкааяанд̇и, д̇хаммаа жа мам̣ бадибханд̇и, т̇инамид̣̇д̇хан̃жа мз жид̇д̇ам̣ на барияаад̣̇ааяа д̇идтад̇и, абхирад̇о жа б̣рахмажарияам̣ жараами, над̇т̇и жа мз д̇хаммзсу вижигижчаа’’д̇и. ат̇а ко со бхигку д̇ам̣ сад̣̇д̇хивихааригам̣ бхигкум̣ аад̣̇ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘аяам̣, бханд̇з, бхигку звамааха – ‘зд̇арахи мз, бханд̇з, на жзва мад̇хурагаж̇аад̇о гааяо, д̣̇исаа жа мз багкааяанд̇и, д̇хаммаа жа мам̣ бадибханд̇и, т̇инамид̣̇д̇хан̃жа мз жид̇д̇ам̣ на барияаад̣̇ааяа д̇идтад̇и, абхирад̇о жа б̣рахмажарияам̣ жараами, над̇т̇и жа мз д̇хаммзсу вижигижчаа’’’д̇и.
Atha kho so bhikkhu arahattaṃ patto yena sako upajjhāyo tenupasaṅkami; upasaṅkamitvā sakaṃ upajjhāyaṃ etadavoca – ‘‘etarahi me, bhante, na ceva 2 madhurakajāto kāyo, disā ca me pakkhāyanti, dhammā ca maṃ paṭibhanti, thinamiddhañca me cittaṃ na pariyādāya tiṭṭhati, abhirato ca brahmacariyaṃ carāmi, natthi ca me dhammesu vicikicchā’’ti. Atha kho so bhikkhu taṃ saddhivihārikaṃ bhikkhuṃ ādāya yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘ayaṃ, bhante, bhikkhu evamāha – ‘etarahi me, bhante, na ceva madhurakajāto kāyo, disā ca me pakkhāyanti, dhammā ca maṃ paṭibhanti, thinamiddhañca me cittaṃ na pariyādāya tiṭṭhati, abhirato ca brahmacariyaṃ carāmi, natthi ca me dhammesu vicikicchā’’’ti.
‘‘зван̃хзд̇ам̣, бхигку, ход̇и инд̣̇риязсу г̇уд̇д̇ад̣̇ваарасса, бхож̇анз мад̇д̇ан̃н̃уно, ж̇ааг̇арияам̣ ануяуд̇д̇асса, вибассагасса гусалаанам̣ д̇хаммаанам̣, буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇ам̣ ануяуд̇д̇асса вихарад̇о, яам̣ на жзва мад̇хурагаж̇аад̇о гааяо ход̇и, д̣̇исаа жасса багкааяанд̇и, д̇хаммаа жа д̇ам̣ бадибханд̇и, т̇инамид̣̇д̇хан̃жасса жид̇д̇ам̣ на барияаад̣̇ааяа д̇идтад̇и, абхирад̇о жа б̣рахмажарияам̣ жарад̇и, на жасса ход̇и д̇хаммзсу вижигижчаа. д̇асмаад̇иха во, бхигкавз, звам̣ сигкид̇аб̣б̣ам̣ – ‘инд̣̇риязсу г̇уд̇д̇ад̣̇ваараа бхависсаама, бхож̇анз мад̇д̇ан̃н̃уно, ж̇ааг̇арияам̣ ануяуд̇д̇аа, вибассагаа гусалаанам̣ д̇хаммаанам̣, буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇ам̣ ануяуд̇д̇аа вихариссаамаа’д̇и. зван̃хи во, бхигкавз, сигкид̇аб̣б̣а’’нд̇и. чадтам̣.
‘‘Evañhetaṃ, bhikkhu, hoti indriyesu guttadvārassa, bhojane mattaññuno, jāgariyaṃ anuyuttassa, vipassakassa kusalānaṃ dhammānaṃ, pubbarattāpararattaṃ bodhipakkhiyānaṃ dhammānaṃ bhāvanānuyogaṃ anuyuttassa viharato, yaṃ na ceva madhurakajāto kāyo hoti, disā cassa pakkhāyanti, dhammā ca taṃ paṭibhanti, thinamiddhañcassa cittaṃ na pariyādāya tiṭṭhati, abhirato ca brahmacariyaṃ carati, na cassa hoti dhammesu vicikicchā. Tasmātiha vo, bhikkhave, evaṃ sikkhitabbaṃ – ‘indriyesu guttadvārā bhavissāma, bhojane mattaññuno, jāgariyaṃ anuyuttā, vipassakā kusalānaṃ dhammānaṃ, pubbarattāpararattaṃ bodhipakkhiyānaṃ dhammānaṃ bhāvanānuyogaṃ anuyuttā viharissāmā’ti. Evañhi vo, bhikkhave, sikkhitabba’’nti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. убаж̇жхааяасуд̇д̇аван̣н̣анаа • 6. Upajjhāyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. убаж̇жхааяасуд̇д̇аван̣н̣анаа • 6. Upajjhāyasuttavaṇṇanā
