| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. உபஜ்ஜா²யஸுத்தவண்ணனா
6. Upajjhāyasuttavaṇṇanā
56. ச²ட்டே² மது⁴ரகஜாதோதி ஸஞ்ஜாதக³ருபா⁴வோ. தி³ஸா ச மே ந பக்கா²யந்தீதி சதஸ்ஸோ தி³ஸா ச அனுதி³ஸா ச மய்ஹங் ந உபட்ட²ஹந்தீதி வத³தி. த⁴ம்மா ச மங் நப்படிப⁴ந்தீதி ஸமத²விபஸ்ஸனாத⁴ம்மாபி மே ந உபட்ட²ஹந்தி. அனபி⁴ரதோ ச ப்³ரஹ்மசரியங் சராமீதி உக்கண்டி²தோ ஹுத்வா ப்³ரஹ்மசரியவாஸங் வஸாமி. யேன ப⁴க³வா தேனுபஸங்கமீதி தஸ்ஸ கத²ங் ஸுத்வா ‘‘பு³த்³த⁴வேனெய்யபுக்³க³லோ அய’’ந்தி தங் காரணங் ப⁴க³வதோ ஆரோசேதுங் உபஸங்கமி. அவிபஸ்ஸகஸ்ஸ குஸலானங் த⁴ம்மானந்தி குஸலத⁴ம்மே அவிபஸ்ஸந்தஸ்ஸ, அனேஸந்தஸ்ஸ அக³வேஸந்தஸ்ஸாதி அத்தோ². போ³தி⁴பக்கி²யானங் த⁴ம்மானந்தி ஸதிபட்டா²னாதீ³னங் ஸத்ததிங்ஸத⁴ம்மானங்.
56. Chaṭṭhe madhurakajātoti sañjātagarubhāvo. Disā ca me na pakkhāyantīti catasso disā ca anudisā ca mayhaṃ na upaṭṭhahantīti vadati. Dhammā ca maṃ nappaṭibhantīti samathavipassanādhammāpi me na upaṭṭhahanti. Anabhirato ca brahmacariyaṃ carāmīti ukkaṇṭhito hutvā brahmacariyavāsaṃ vasāmi. Yena bhagavā tenupasaṅkamīti tassa kathaṃ sutvā ‘‘buddhaveneyyapuggalo aya’’nti taṃ kāraṇaṃ bhagavato ārocetuṃ upasaṅkami. Avipassakassa kusalānaṃ dhammānanti kusaladhamme avipassantassa, anesantassa agavesantassāti attho. Bodhipakkhiyānaṃ dhammānanti satipaṭṭhānādīnaṃ sattatiṃsadhammānaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. உபஜ்ஜா²யஸுத்தங் • 6. Upajjhāyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. உபஜ்ஜா²யஸுத்தவண்ணனா • 6. Upajjhāyasuttavaṇṇanā
