| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
6. උපජ්‌ඣායසුත්‌තවණ්‌ණනා
6. Upajjhāyasuttavaṇṇanā
56. ඡට්‌ඨෙ මධුරකජාතොති සඤ්‌ජාතගරුභාවො. දිසා ච මෙ න පක්‌ඛායන්‌තීති චතස්‌සො දිසා ච අනුදිසා ච මය්‌හං න උපට්‌ඨහන්‌තීති වදති. ධම්‌මා ච මං නප්‌පටිභන්‌තීති සමථවිපස්‌සනාධම්‌මාපි මෙ න උපට්‌ඨහන්‌ති. අනභිරතො ච බ්‍රහ්‌මචරියං චරාමීති උක්‌කණ්‌ඨිතො හුත්‌වා බ්‍රහ්‌මචරියවාසං වසාමි. යෙන භගවා තෙනුපසඞ්‌කමීති තස්‌ස කථං සුත්‌වා ‘‘බුද්‌ධවෙනෙය්‍යපුග්‌ගලො අය’’න්‌ති තං කාරණං භගවතො ආරොචෙතුං උපසඞ්‌කමි. අවිපස්‌සකස්‌ස කුසලානං ධම්‌මානන්‌ති කුසලධම්‌මෙ අවිපස්‌සන්‌තස්‌ස, අනෙසන්‌තස්‌ස අගවෙසන්‌තස්‌සාති අත්‌ථො. බොධිපක්‌ඛියානං ධම්‌මානන්‌ති සතිපට්‌ඨානාදීනං සත්‌තතිංසධම්‌මානං.
56. Chaṭṭhe madhurakajātoti sañjātagarubhāvo. Disā ca me na pakkhāyantīti catasso disā ca anudisā ca mayhaṃ na upaṭṭhahantīti vadati. Dhammā ca maṃ nappaṭibhantīti samathavipassanādhammāpi me na upaṭṭhahanti. Anabhirato ca brahmacariyaṃ carāmīti ukkaṇṭhito hutvā brahmacariyavāsaṃ vasāmi. Yena bhagavā tenupasaṅkamīti tassa kathaṃ sutvā ‘‘buddhaveneyyapuggalo aya’’nti taṃ kāraṇaṃ bhagavato ārocetuṃ upasaṅkami. Avipassakassa kusalānaṃ dhammānanti kusaladhamme avipassantassa, anesantassa agavesantassāti attho. Bodhipakkhiyānaṃ dhammānanti satipaṭṭhānādīnaṃ sattatiṃsadhammānaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 6. උපජ්‌ඣායසුත්‌තං • 6. Upajjhāyasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 6. උපජ්‌ඣායසුත්‌තවණ්‌ණනා • 6. Upajjhāyasuttavaṇṇanā
