убаж̇жхааяавад̇д̇агат̇аа

64-5. анубаж̇жхааяагаад̇и важ̇ж̇ааваж̇ж̇ам̣ убаниж̇жхааяагзна г̇арунаа вирахид̇аа. анаагаббасамбаннаад̇и на аагаббзна самбаннаа; саман̣асааруббаажааравирахид̇аад̇и ад̇т̇о . убарибхож̇анзд̇и бхож̇анасса убари. уд̇д̇идтабад̇д̇анд̇и бин̣д̣ааяа жаран̣агабад̇д̇ам̣. д̇асмин̃хи мануссаа ужчидтасан̃н̃ино, д̇асмаа уд̇д̇идтабад̇д̇анд̇и вуд̇д̇ам̣. ат̇а ваа удтахид̇ваа бад̇д̇ам̣ убанаамзнд̇ийд̇и звамбзд̇т̇а ад̇т̇о д̣̇адтаб̣б̣о. ануж̇аанаами бхигкавз убаж̇жхааяанд̇и убаж̇жхааяам̣ г̇ахзд̇ум̣ ануж̇аанаамийд̇и ад̇т̇о. буд̇д̇ажид̇д̇ам̣ убадтабзссад̇ийд̇и буд̇д̇о мз аяанд̇и звам̣ г̇зхассид̇абзмавасзна жид̇д̇ам̣ убадтабзссад̇и. зса наяо д̣̇уд̇ияабад̣̇зби. саг̇аараваа саббад̇иссаад̇и г̇арубхааван̃жзва ж̇здтагабхааван̃жа убадтабзд̇ваа. сабхааг̇авуд̇д̇инод̇и сабхааг̇аж̇ийвигаа. саахууд̇и ваад̇иаад̣̇ийни бан̃жа бад̣̇аани убаж̇жхааяабхаавасамбадижчанавзважанаани. гааязна вин̃н̃аабзд̇ийд̇и звам̣ сад̣̇д̇хивихааригзна ‘‘убаж̇жхааяо мз бханд̇з хохий’’д̇и д̇игкад̇д̇ум̣ вуд̇д̇з сажз убаж̇жхааяо ‘‘саахуу’’д̇иаад̣̇ийсу бан̃жасу бад̣̇зсу яасса гассажи бад̣̇асса васзна гааязна ваа ваажааяа ваа гааяаваажаахи ваа ‘‘г̇ахид̇о д̇аяаа убаж̇жхааяо’’д̇и убаж̇жхааяаг̇г̇ахан̣ам̣ вин̃н̃аабзд̇и, г̇ахид̇о ход̇и убаж̇жхааяо. ид̣̇амзва хи зд̇т̇а убаж̇жхааяаг̇г̇ахан̣ам̣, яад̣̇ид̣̇ам̣ убаж̇жхааяасса имзсу бан̃жасу бад̣̇зсу яасса гассажи бад̣̇асса ваажааяа ваа сааванам̣ гааязна ваа ад̇т̇авин̃н̃аабананд̇и. гзжи бана саад̇хууд̇и самбадижчанам̣ санд̇хааяа вад̣̇анд̇и. на д̇ам̣ бамаан̣ам̣, ааяаажанад̣̇аанамад̇д̇зна хи г̇ахид̇о ход̇и убаж̇жхааяо, на зд̇т̇а самбадижчанам̣ ан̇г̇ам̣. сад̣̇д̇хивихааригзнааби на гзвалам̣ иминаа мз бад̣̇зна убаж̇жхааяо г̇ахид̇од̇и н̃аад̇ум̣ ваддад̇и. ‘‘аж̇ж̇ад̇аг̇г̇з д̣̇аани т̇зро маяхам̣ бхааро, ахамби т̇зрасса бхааро’’д̇и ид̣̇амби н̃аад̇ум̣ ваддад̇и.

66. д̇ад̇рааяам̣ саммаавад̇д̇анаад̇и яам̣ вуд̇д̇ам̣ саммаа вад̇д̇ид̇аб̣б̣анд̇и, д̇ад̇ра аяам̣ саммаавад̇д̇анаа. гаалассзва удтааяа убааханаа омун̃жид̇ваад̇и сажасса бажжуусагаалз жан̇гаманад̇т̇ааяа ваа д̇ход̇абаад̣̇абарихаран̣ад̇т̇ааяа ваа бадимуггаа убааханаа баад̣̇аг̇ад̇аа хонд̇и, д̇аа гаалассзва удтааяа абанзд̇ваа. д̣̇анд̇агадтам̣ д̣̇аад̇аб̣б̣анд̇и маханд̇ам̣ маж̇жхимам̣ куд̣̇д̣̇аганд̇и д̇ийн̣и д̣̇анд̇агадтаани убанзд̇ваа д̇ад̇о яам̣ д̇ийн̣и д̣̇ивасаани г̇ан̣хаад̇и, жад̇уд̇т̇ад̣̇ивасад̇о бадтааяа д̇аад̣̇исамзва д̣̇аад̇аб̣б̣ам̣. сажз анияамам̣ гад̇ваа яам̣ ваа д̇ам̣ ваа г̇ан̣хаад̇и, ат̇а яаад̣̇исам̣ лабхад̇и д̇аад̣̇исам̣ д̣̇аад̇аб̣б̣ам̣.

мукод̣̇агам̣ д̣̇аад̇аб̣б̣анд̇и сийд̇ан̃жа ун̣хан̃жа уд̣̇агам̣ убанзд̇ваа д̇ад̇о яам̣ д̇ийн̣и д̣̇ивасаани вал̣ан̃ж̇зд̇и, жад̇уд̇т̇ад̣̇ивасад̇о бадтааяа д̇аад̣̇исамзва мукад̇хованод̣̇агам̣ д̣̇аад̇аб̣б̣ам̣. сажз анияамам̣ гад̇ваа яам̣ ваа д̇ам̣ ваа г̇ан̣хаад̇и, ат̇а яаад̣̇исам̣ лабхад̇и д̇аад̣̇исам̣ д̣̇аад̇аб̣б̣ам̣. сажз д̣̇увид̇хамби вал̣ан̃ж̇зд̇и, д̣̇увид̇хамби убанзд̇аб̣б̣ам̣. уд̣̇агам̣ мукад̇хованадтаанз табзд̇ваа важжагудид̇о бадтааяа саммаж̇ж̇ид̇аб̣б̣ам̣. т̇зрз важжагудим̣ г̇ад̇з баривзн̣ам̣ саммаж̇ж̇ид̇аб̣б̣ам̣; звам̣ баривзн̣ам̣ асун̃н̃ам̣ ход̇и. т̇зрз важжагудид̇о анигканд̇зязва аасанам̣ бан̃н̃абзд̇аб̣б̣ам̣. сарийрагижжам̣ гад̇ваа ааг̇анд̇ваа д̇асмим̣ нисиннасса ‘‘сажз яааг̇у ход̇ий’’д̇иаад̣̇инаа наязна вуд̇д̇авад̇д̇ам̣ гаад̇аб̣б̣ам̣. углаабод̇и гзнажи гажаварзна сан̇гин̣н̣о, сажз бана ан̃н̃о гажаваро над̇т̇и, уд̣̇агапусид̇аанзва хонд̇и, хад̇т̇знаби бамаж̇ж̇ид̇аб̣б̣о.

саг̇ун̣ам̣ гад̇ваад̇и д̣̇вз жийвараани згад̇о гад̇ваа, д̇аа згад̇о гад̇аа д̣̇взби сан̇гхаадияо д̣̇аад̇аб̣б̣аа. саб̣б̣ан̃хи жийварам̣ сан̇гхадид̇ад̇д̇аа ‘‘сан̇гхаадий’’д̇и вужжад̇и. д̇зна вуд̇д̇ам̣ – ‘‘сан̇гхаадияо д̣̇аад̇аб̣б̣аа’’д̇и. наад̇ид̣̇уурз г̇анд̇аб̣б̣ам̣ наажжаасаннзд̇и зд̇т̇а сажз убаж̇жхааяам̣ нивад̇д̇ид̇ваа ологзнд̇ам̣ згзна ваа д̣̇вийхи ваа бад̣̇авийд̇ихаарзхи самбаабун̣аад̇и, зд̇д̇аавад̇аа наад̇ид̣̇уурз наажжаасаннз г̇ад̇о ход̇ийд̇и взд̣̇ид̇аб̣б̣ам̣. бад̇д̇абарияаабаннам̣ бадиг̇г̇ахзд̇аб̣б̣анд̇и сажз убаж̇жхааязна бхигкаажаарз яааг̇уяаа ваа бхад̇д̇з ваа лад̣̇д̇хз бад̇д̇о ун̣хо ваа бхаариго ваа ход̇и, ад̇д̇ано бад̇д̇ам̣ д̇асса д̣̇ад̇ваа со бад̇д̇о г̇ахзд̇аб̣б̣од̇и ад̇т̇о. на убаж̇жхааяасса бхан̣амаанасса анд̇аранд̇араа гат̇аа обаад̇зд̇аб̣б̣аад̇и анд̇арагхарз ваа ан̃н̃ад̇ра ваа бхан̣амаанасса анидтид̇з д̇асса важанз ан̃н̃аа гат̇аа на самудтаабзд̇аб̣б̣аа. ид̇о бадтааяа жа бана яад̇т̇а яад̇т̇а нагаарзна бадисзд̇хо гарияад̇и, саб̣б̣ад̇т̇а д̣̇уггадаабад̇д̇и взд̣̇ид̇аб̣б̣аа. аяан̃хи канд̇хагад̇хаммад̇аа. аабад̇д̇исааманд̇аа бхан̣амаанод̇и бад̣̇асод̇хаммад̣̇удтуллаад̣̇ивасзна аабад̇д̇ияаа аасаннаваажам̣ бхан̣амаано. ниваарзд̇аб̣б̣од̇и ‘‘гим̣ бханд̇з ийд̣̇исам̣ наама вад̇д̇ум̣ ваддад̇и, аабад̇д̇и на ход̇ий’’д̇и звам̣ бужчанд̇зна вияа ваарзд̇аб̣б̣о. ваарзссаамийд̇и бана гад̇ваа ‘‘махаллага, маа звам̣ бхан̣аа’’д̇и на вад̇д̇аб̣б̣о.

батамад̇арам̣ ааг̇анд̇ваад̇и сажз аасаннз г̇аамо ход̇и, вихаарз ваа г̇илаано бхигку ход̇и, г̇аамад̇о батамад̇арам̣ ааг̇анд̇аб̣б̣ам̣. сажз д̣̇уурз г̇аамо ход̇и, убаж̇жхааязна сад̣̇д̇хим̣ ааг̇ажчанд̇о над̇т̇и, д̇знзва сад̣̇д̇хим̣ г̇аамад̇о нигкамид̇ваа жийварзна бад̇д̇ам̣ взтзд̇ваа анд̇араамаг̇г̇ад̇о батамад̇арам̣ ааг̇анд̇аб̣б̣ам̣ . звам̣ нивад̇д̇анд̇зна батамад̇арам̣ ааг̇анд̇ваа аасанабан̃н̃аабанаад̣̇и саб̣б̣ам̣ гижжам̣ гаад̇аб̣б̣ам̣. синнам̣ ход̇ийд̇и д̇инд̇ам̣ сзд̣̇аг̇г̇ахид̇ам̣. жад̇уран̇г̇улам̣ ган̣н̣ам̣ уссаарзд̇ваад̇и ган̣н̣ам̣ жад̇уран̇г̇улаббамаан̣ам̣ ад̇ирзгам̣ гад̇ваа звам̣ жийварам̣ сам̣харид̇аб̣б̣ам̣. гим̣ гааран̣аа? маа маж̇жхз бхан̇г̇о ахосийд̇и. самам̣ гад̇ваа сам̣харид̇асса хи маж̇жхз бхан̇г̇о ход̇и, д̇ад̇о нижжам̣ бхиж̇ж̇амаанам̣ д̣̇уб̣б̣алам̣ ход̇и д̇ам̣ нивааран̣ад̇т̇амзд̇ам̣ вуд̇д̇ам̣. д̇асмаа яат̇аа аж̇ж̇а бхан̇г̇адтаанзязва свз на бхиж̇ж̇ад̇и, д̇ат̇аа д̣̇ивасз д̣̇ивасз жад̇уран̇г̇улам̣ уссаарзд̇ваа сам̣харид̇аб̣б̣ам̣. обхог̇з гааяаб̣анд̇ханам̣ гаад̇аб̣б̣анд̇и гааяаб̣анд̇ханам̣ сам̣харид̇ваа жийварабхог̇з багкибид̇ваа табзд̇аб̣б̣ам̣.

сажз бин̣д̣абаад̇о ход̇ийд̇и зд̇т̇а яо г̇аамзязва ваа анд̇арагхарз ваа бадиггаманз ваа бхун̃ж̇ид̇ваа ааг̇ажчад̇и, бин̣д̣ам̣ ваа на лабхад̇и, д̇асса бин̣д̣абаад̇о на ход̇и, г̇аамз абхуд̇д̇асса бана лад̣̇д̇хабхигкасса ваа ход̇и; д̇асмаа ‘‘сажз бин̣д̣абаад̇о ход̇ий’’д̇иаад̣̇и вуд̇д̇ам̣. сажзби д̇асса на ход̇и, бхун̃ж̇ид̇угаамо жа ход̇и, уд̣̇агам̣ д̣̇ад̇ваа ад̇д̇анаа лад̣̇д̇хад̇оби бин̣д̣абаад̇о убанзд̇аб̣б̣о. баанийязна бужчид̇аб̣б̣од̇и бхун̃ж̇амаано д̇игкад̇д̇ум̣ ‘‘баанийяам̣ бханд̇з аахарияад̇уу’’д̇и баанийязна бужчид̇аб̣б̣о. сажз гаало ад̇т̇и, убаж̇жхааяз бхуд̇д̇з саяам̣ бхун̃ж̇ид̇аб̣б̣ам̣. сажз убагадто гаало, баанийяам̣ убаж̇жхааяасса санд̇игз табзд̇ваа саяамби бхун̃ж̇ид̇аб̣б̣ам̣.

ананд̇арахид̇ааяаад̇и д̇аддигад̇хаммакан̣д̣аад̣̇ийсу язна гзнажи анад̇т̇ад̇ааяа бам̣сусагкарамиссааяа бхуумияаа бад̇т̇о на табзд̇аб̣б̣од̇и ад̇т̇о. сажз бана гаал̣аван̣н̣агад̇аа ваа суд̇хааб̣ад̣̇д̇хаа ваа ход̇и нираж̇амад̇д̇игаа, д̇ат̇ааруубааяа бхуумияаа табзд̇ум̣ ваддад̇и. д̇ход̇аваалигааяаби табзд̇ум̣ ваддад̇и. бам̣сураж̇асагкараад̣̇ийсу на ваддад̇и. д̇ад̇ра бана бан̣н̣ам̣ ваа аад̇хаарагам̣ ваа табзд̇ваа д̇ад̇ра нигкибид̇аб̣б̣о. баарад̇о анд̇ам̣ орад̇о бхог̇анд̇и ид̣̇ам̣ жийваравам̣саад̣̇ийнам̣ хздтаа хад̇т̇ам̣ бавзсзд̇ваа абхимукзна хад̇т̇зна сан̣игам̣ нигкибанад̇т̇ам̣ вуд̇д̇ам̣. анд̇з бана г̇ахзд̇ваа бхог̇зна жийваравам̣саад̣̇ийнам̣ убари нигкибанд̇асса бхид̇д̇ияам̣ бхог̇о бадихан̃н̃ад̇и, д̇асмаа д̇ат̇аа на гаад̇аб̣б̣ам̣.

жун̣н̣ам̣ саннзд̇аб̣б̣анд̇и нхаанажун̣н̣ам̣ уд̣̇агзна д̇змзд̇ваа бин̣д̣и гаад̇аб̣б̣аа. згаманд̇ам̣ нигкибид̇аб̣б̣анд̇и згасмим̣ нид̣̇д̇хуумз таанз табзд̇аб̣б̣ам̣. ж̇анд̇аагхарз баригаммам̣ наама ан̇г̇аарамад̇д̇игаун̣ход̣̇агад̣̇аанаад̣̇игам̣ саб̣б̣ам̣ гижжам̣. уд̣̇агзби баригамманд̇и ан̇г̇абажжан̇г̇агхам̣санаад̣̇игам̣ саб̣б̣ам̣ гижжам̣. баанийязна бужчид̇аб̣б̣од̇и ж̇анд̇аагхарз ун̣хасанд̇аабзна бибаасаа ход̇и, д̇асмаа бужчид̇аб̣б̣о.

сажз уссахад̇ийд̇и сажз баход̇и; на гзнажи г̇злан̃н̃зна абхибхууд̇о ход̇и; аг̇илаанзна хи сад̣̇д̇хивихааригзна садтивассзнааби саб̣б̣ам̣ убаж̇жхааяавад̇д̇ам̣ гаад̇аб̣б̣ам̣, анаад̣̇арзна агаронд̇асса вад̇д̇абхзд̣̇з д̣̇уггадам̣. нагаарабадисам̣яуд̇д̇зсу бана бад̣̇зсу г̇илаанассааби бадигкид̇д̇агирияам̣ гаронд̇асса д̣̇уггадамзва. аббадигхам̣санд̇знаад̇и бхуумияам̣ аббадигхам̣санд̇зна. гаваадабидтанд̇и гаваадан̃жа бидтасан̇гхаад̇ан̃жа ажчубанд̇зна. санд̇аанаганд̇и яам̣гин̃жи гийдагулаавагамаггадагасуд̇д̇аад̣̇и. уллогаа батамам̣ охаарзд̇аб̣б̣анд̇и уллогад̇о батамам̣ уллогам̣ аад̣̇им̣гад̇ваа авахарид̇аб̣б̣анд̇и ад̇т̇о. аалогасанд̇хиган̣н̣абхааг̇аад̇и аалогасанд̇хибхааг̇аа жа ган̣н̣абхааг̇аа жа анд̇араб̣аахираваад̇абаанагаваадагаани жа г̇аб̣бхасса жа жад̇д̇ааро гон̣аа бамаж̇ж̇ид̇аб̣б̣аад̇и ад̇т̇о.

яат̇аабан̃н̃ад̇д̇ам̣ бан̃н̃абзд̇аб̣б̣анд̇и яат̇аа батамам̣ бан̃н̃ад̇д̇ам̣ ахоси, д̇ат̇зва бан̃н̃абзд̇аб̣б̣ам̣. зд̇ад̣̇ад̇т̇амзва хи яат̇аабан̃н̃ад̇д̇ам̣ саллагкзд̇ваа нийхарид̇ваа згаманд̇ам̣ нигкибид̇аб̣б̣анд̇и буримавад̇д̇ам̣ бан̃н̃ад̇д̇ам̣. сажз бана батамам̣ аж̇аананд̇зна гзнажи бан̃н̃ад̇д̇ам̣ ахоси, саманд̇ад̇о бхид̇д̇им̣ д̣̇ван̇г̇уламад̇д̇зна ваа д̇иван̇г̇уламад̇д̇зна ваа можзд̇ваа бан̃н̃абзд̇аб̣б̣ам̣. ид̣̇ан̃хи бан̃н̃аабанавад̇д̇ам̣. сажз гадасаараго ход̇и ад̇имаханд̇о жа, чинд̣̇ид̇ваа годим̣ нивад̇д̇зд̇ваа б̣анд̇хид̇ваа бан̃н̃абзд̇аб̣б̣о. сажз годим̣ нивад̇д̇зд̇ваа б̣анд̇хид̇ум̣ на ж̇аанаад̇и, на чинд̣̇ид̇аб̣б̣о. бурад̇т̇имаа ваад̇абаанаа т̇агзд̇аб̣б̣аад̇и бурад̇т̇имааяа ваад̇абаанаа т̇агзд̇аб̣б̣аа. звам̣ сзсааби ваад̇абаанаа т̇агзд̇аб̣б̣аа.

вуубагаасзд̇аб̣б̣од̇и ан̃н̃ад̇т̇а нзд̇аб̣б̣о. вуубагаасаабзд̇аб̣б̣од̇и ан̃н̃о бхигку вад̇д̇аб̣б̣о ‘‘т̇зрам̣ г̇ахзд̇ваа ан̃н̃ад̇т̇а г̇ажчаа’’д̇и вивзжзд̇аб̣б̣анд̇и виссаж̇ж̇аабзд̇аб̣б̣ам̣. вивзжаабзд̇аб̣б̣анд̇и ан̃н̃о вад̇д̇аб̣б̣о ‘‘т̇зрам̣ д̣̇идтиг̇ад̇ам̣ виссаж̇ж̇аабзхий’’д̇и. уссуггам̣ гаад̇аб̣б̣анд̇и бариваасад̣̇аанад̇т̇ам̣ со со бхигку убасан̇гамид̇ваа яаажид̇аб̣б̣о. сажз ад̇д̇анаа бадиб̣ало ход̇и, ад̇д̇анаава д̣̇аад̇аб̣б̣о. но жз бадиб̣ало ход̇и, ан̃н̃зна д̣̇аабзд̇аб̣б̣о. гинд̇и ну код̇и гзна ну ко убааязна. зса наяо саб̣б̣ад̇т̇а. лахугааяа ваа барин̣аамзяяаад̇и угкзбанийяам̣ агад̇ваа д̇аж̇ж̇анийяам̣ ваа нияассам̣ ваа гарзяяаад̇и ад̇т̇о. д̇зна хи ‘‘убаж̇жхааяасса угкзбанийяагаммам̣ гад̇д̇угаамо сан̇гхо’’д̇и н̃ад̇ваа згамзгам̣ бхигкум̣ убасан̇гамид̇ваа ‘‘маа бханд̇з амхаагам̣ убаж̇жхааяасса гаммам̣ гарид̇т̇аа’’д̇и яаажид̇аб̣б̣аа. сажз гаронд̇иязва, ‘‘д̇аж̇ж̇анийяам̣ ваа нияассам̣ ваа гарот̇аа’’д̇и яаажид̇аб̣б̣аа. сажз гаронд̇иязва, ат̇а убаж̇жхааяо ‘‘саммаа вад̇д̇ат̇а бханд̇з’’д̇и яаажид̇аб̣б̣о. ид̇и д̇ам̣ саммаа вад̇д̇аабзд̇ваа ‘‘бадиббассамбхзт̇а бханд̇з гамма’’нд̇и бхигкуу яаажид̇аб̣б̣аа.

самбаривад̇д̇агам̣ самбаривад̇д̇аганд̇и самбаривад̇д̇зд̇ваа самбаривад̇д̇зд̇ваа. на жа ажчиннз т̇звз баггамид̇аб̣б̣анд̇и яад̣̇и аббамад̇д̇агамби раж̇анам̣ г̇ал̣ад̇и, на д̇аава баггамид̇аб̣б̣ам̣. на убаж̇жхааяам̣ анаабужчаа згажжасса бад̇д̇о д̣̇аад̇аб̣б̣од̇иаад̣̇и саб̣б̣ам̣ убаж̇жхааяасса висабхааг̇абуг̇г̇алавасзна гат̇ид̇ам̣. на убаж̇жхааяам̣ анаабужчаа г̇аамо бависид̇аб̣б̣од̇и бин̣д̣ааяа ваа ан̃н̃зна ваа гаран̣ийязна бависид̇угаамзна аабужчид̇ваава бависид̇аб̣б̣о. сажз убаж̇жхааяо гаалассзва вудтааяа д̣̇уурам̣ бхигкаажаарам̣ г̇анд̇угаамо ход̇и, ‘‘д̣̇ахараа бин̣д̣ааяа бависанд̇уу’’д̇и вад̇ваа г̇анд̇аб̣б̣ам̣. авад̇ваа г̇ад̇з баривзн̣ам̣ г̇анд̇ваа убаж̇жхааяам̣ абассанд̇зна г̇аамам̣ бависид̇ум̣ ваддад̇и. сажз г̇аамам̣ бависанд̇оби бассад̇и, д̣̇идтадтаанад̇о бадтааяа аабужчид̇ум̣язва ваддад̇и.

на сусаанам̣ г̇анд̇аб̣б̣анд̇и ваасад̇т̇ааяа ваа д̣̇ассанад̇т̇ааяа ваа на г̇анд̇аб̣б̣ам̣. на д̣̇исаа баггамид̇аб̣б̣аад̇и зд̇т̇а баггамид̇угаамзна гаммам̣ аажигкид̇ваа яаавад̇ад̇ияам̣ яаажид̇аб̣б̣о. сажз ануж̇аанаад̇и, саад̇ху; но жз ануж̇аанаад̇и, д̇ам̣ ниссааяа васад̇о жасса уд̣̇д̣̇зсо ваа барибужчаа ваа гаммадтаанам̣ ваа на самбаж̇ж̇ад̇и, убаж̇жхааяо б̣аало ход̇и аб̣яад̇д̇о, гзвалам̣ ад̇д̇ано санд̇игз васаабзд̇угаамад̇ааяа зва г̇анд̇ум̣ на д̣̇зд̇и, зваруубз ниваарзнд̇зби г̇анд̇ум̣ ваддад̇и. вудтаанамасса ааг̇амзд̇аб̣б̣анд̇и г̇злан̃н̃ад̇о вудтаанам̣ асса ааг̇амзд̇аб̣б̣ам̣; на гад̇т̇ажи г̇анд̇аб̣б̣ам̣. сажз ан̃н̃о бхигку убадтааго ад̇т̇и, бхзсаж̇ж̇ам̣ бариязсид̇ваа д̇асса хад̇т̇з д̣̇ад̇ваа ‘‘бханд̇з аяам̣ убадтахиссад̇ий’’д̇и вад̇ваа г̇анд̇аб̣б̣ам̣.

убаж̇жхааяавад̇д̇агат̇аа нидтид̇аа.